সভাপর্ব – অধ্যায় 042

সভাপর্ব – অধ্যায় 042
॥ শ্রীঃ ॥
2.42. অধ্যায়ঃ 042
Mahabharata – Sabha Parva – Chapter Topics
শ্রীকৃষ্ণস্যাগ্রপূজামসহমানানাং শিরসি পদমাহিতমিতি সহদেববচনশ্রবণেন শিশুপাল স্য কোপোদয়ঃ॥ 1॥
Mahabharata – Sabha Parva – Chapter Text


`বৈশম্পায়ন উবাচ॥

গাঙ্গেয়েনৈবমুক্তস্তু শিশুপালশ্চুকোপ তম্।
ক্রুদ্ধং সুনীথং দৃষ্ট্বাঽথ সহদেবোঽব্রবীত্তদা॥ 2-42-1(13064)
মতিপূর্বমিদং সর্বং চেদিরাজ ময়া কৃতম্।
তন্মে নিগদতস্তত্ৎবং কারণাদত্র মে শৃণু॥ 2-42-2(13065)
স পার্থিবানাং সর্বেষাং গুরুঃ কৃষ্ণোঽপরো ন হি।
তস্মাদভ্যর্চিতোঽস্মাভিঃ সর্বে সংমন্তুমর্হথ॥ 2-42-3(13066)
যো বা সহতে কশ্চিদ্রাজ্ঞাং সবলবাহনঃ।
ক্ষিপ্রং যুদ্ধায় নির্যাতু তস্য মূর্ধ্ন্যাহিতং পদম্॥ 2-42-4(13067)
এবমুক্তো ময়া হেতুরুত্তরং প্রব্রবীতু মে। 2-42-5(13068)
বৈশম্পায়ন উবাচ॥
ততো ন ব্যাজহারৈষাং কশ্চিদ্বুদ্ধিমতাং সতাম্॥ 2-42-5x(1463)
মানিনাং বলিনাং রাজ্ঞাং মধ্যে সন্দর্শিতে পদে।
এবমুক্তে সুনীথস্য সহদেবেন কেশবে॥ 2-42-6(13069)
স্বভাবরক্তে নয়নে কোপাদ্রক্ততরে কৃতে।
তস্য কোপং সমুদ্ভূতং জ্ঞাৎবা ভীষ্মঃ প্রতাপবান্॥ 2-42-7(13070)
আচচক্ষে পুনস্তস্মৈ কৃষ্ণস্যৈবোত্তরান্গুণান্।
স সুনীথং সমামন্ত্র্য তাংশ্চ সর্বান্মহীক্ষিতঃ॥ 2-42-8(13071)
উবাচ বদতাং শ্রেষ্ঠং ইদং মতিমতাং বরঃ।
সহদেবেন রাজানো যদুক্তং কেশবং প্রতি।
তত্তথেতি বিজানীধ্বং ভূয়শ্চাত্র বিবোধত॥ ॥ 2-42-9(13072)

ইতি শ্রীমন্মহাভারতে সভাপর্বণি অর্ঘাহরণপর্বণি দ্বিচৎবারিংশোঽধ্যায়ঃ॥ 42 ॥