মৌসলপর্ব – অধ্যায় ০৯

মৌসলপর্ব – অধ্যায় 009
॥ শ্রীঃ ॥
15.9. অধ্যায়ঃ 009
Mahabharata – Mausala Parva – Chapter Topics
অর্জুনেন ব্যাসাশ্রমে তদ্দর্শনম্॥ 1 ॥ তস্মিন্দ্বারকাবৃত্তান্তনিবেদনম্॥ 2 ॥ ব্যাসেনার্জুনংপ্রতি যুধিষ্ঠিরাদীনামপি স্বর্গগমনসূচনম্॥ 3 ॥ ততোঽর্জুনেন হাস্তিনপুরমেত্য যুধিষ্ঠিরে দ্বারকাবৃত্তান্তাদিনিবেদনম্॥ 4 ॥
Mahabharata – Mausala Parva – Chapter Text


বৈশম্পায়ন উবাচ।

প্রবিশ্য ৎবর্জুনো রাজন্নাশ্রমং সত্যবাদিনঃ।
দদর্শাসীনমেকান্তো মুনিং সত্যবতীসুতম্॥ 15-9-1(97172)
স তমাসাদ্য ধর্মজ্ঞমুপতস্থে মহাব্রতম্।
অর্জুনোস্মীতি নামাস্তৈ নিবেদ্যাভ্যবদত্ততঃ॥ 15-9-2(97173)
স্বাগতং তেঽস্ৎবিতি প্রাহ মুনিঃ সত্যবতীসুতঃ।
আস্যতামিতি হোবাচ প্রসন্নাত্মা মহামুনিঃ॥ 15-9-3(97174)
তমপ্রতীতমনসং নিঃশ্বসন্তং পুনঃপুনঃ।
নির্বিষ্ণমনসং দৃষ্ট্বা পার্থং ব্যাসোঽব্রবীদিদম্॥ 15-9-4(97175)
নখকেশদশাকুংভবারিণা কিং সমুক্ষিতঃ।
আবীরজানুগমনং ব্রাহ্মণো বা হতস্ৎবয়া॥ 15-9-5(97176)
যুদ্ধে পরাজিতো বাঽসি দতশ্রীরিব লক্ষ্যসে।
ন ৎবাং প্রভিন্নং জানামি কিমিদং ভরতর্ষভ।
শ্রোতব্যং চেন্ময়া পার্থ ক্ষশ্রিপ্রমাখ্যাতুমর্হসি॥ 15-9-6(97177)
অর্জুন উবাচ। 15-9-7x(8026)
যঃ স মেঘবপুঃ শ্রীমান্বৃহৎপঙ্কজলোচনঃ।
স কৃষ্ণঃ সহ রামেণ ত্যক্ৎবা দেহং দিবং গতঃ॥ 15-9-7(97178)
`তদনুস্মৃত্য সংমোহং তদা শোকং মহামতে।
প্রয়ামি সর্বদা মহ্যং মুমূর্ষা চোপজায়তে॥ 15-9-8(97179)
তদ্বাক্যস্পর্শনালোকসুখং চামৃতসন্নিভম্।
সংস্মৃত্য দেবদেবস্য প্রমুহ্যিত্যমৃতাত্মনঃ॥’ 15-9-9(97180)
মৌসলে বৃষ্ণিবীরাণাং বিনাশো ব্রহ্মশাপজঃ।
বভূব বীরান্তকরঃ প্রভাসে রোমহর্ষণঃ॥ 15-9-10(97181)
এতে শূরা মহাত্মানঃ সিংহদর্পা মহাবলাঃ।
ভোজবৃষ্ণ্যন্ধকা ব্রহ্মন্নন্যোন্যং তৈর্হতং যুধি॥ 15-9-11(97182)
গদাপরিঘশক্তীনাং সহাঃ পরিঘবাহবঃ।
ত এরকাভির্নিহতাঃ পশ্য কালস্য পর্যযম্॥ 15-9-12(97183)
হতং পঞ্চশতং তেষাং সহস্রং বাহুশালিনাম্।
নিধনং সমনুপ্রাপ্তং সমাসাদ্যেতরেতরম্॥ 15-9-13(97184)
পুনঃপুনর্ন মৃষ্যামি বিনাশমমিতৌজসাম্।
চিন্তয়ানো যদূনাং চ কৃষ্ণস্য চ যশস্বিনঃ॥ 15-9-14(97185)
শোষণং সাগরস্যেব মন্দরস্যেব চালনম্।
নভসঃ পতনং চৈব শৈত্যমগ্নেস্তথৈব চ॥ 15-9-15(97186)
অশ্রদ্ধেয়মহং মন্যে বিনাশং শার্ঙ্গধন্বনঃ।
ন চেহ স্থাতুমিচ্ছামি লোকে কৃষ্ণবিনাকৃতঃ॥ 15-9-16(97187)
ইতঃ কষ্টতরং চান্যচ্ছৃণু তদ্বৈ তপোধন।
মনো মে দীর্যতে যেন চিন্তয়ানস্য বৈ মুহুঃ॥ 15-9-17(97188)
পশ্যতো বৃষ্ণিদারাশ্চ মম ব্রহ্মন্সহস্রশঃ।
আভীরৈরভিভূয়াজৌ হৃতাঃ পঞ্চনদালয়ৈঃ॥ 15-9-18(97189)
ধনুরাদায় তত্রাহং নাশকং তস্য পূরণে।
যথাপুরা চ মে বীর্যং ভুজয়োর্ন তথাঽভবৎ॥ 15-9-19(97190)
অস্ত্রাণি মে প্রনষ্টানি বিবিধানি মহামুনে।
শরাশ্চ ক্ষয়মাপন্নাঃ ক্ষণেনৈব সমন্ততঃ॥ 15-9-20(97191)
পুরুষস্চাপ্রমেয়াত্মা শঙ্খচক্রগদাধরঃ।
চতুর্ভুজঃ পীতবাসাঃ শ্যামঃ পদ্মদলেক্ষণঃ॥ 15-9-21(97192)
যশ্চ যাতি পুরস্তান্মে রথস্য সুমহাদ্যুতিঃ।
প্রদহন্রিপুসৈন্যানি ন পশ্যাম্যহমদ্য তম্॥ 15-9-22(97193)
যেন পূর্বং প্রদগ্ধানি শত্রুসৈন্যানি তেজসা।
শরৈর্গাণ্ডীবনির্মুক্তৈরহং পশ্চাদশাতয়ম্॥ 15-9-23(97194)
তমপশ্যন্বিষীদামি ঘূর্ণামীব চ সত্তম।
পরিনির্বিণ্ণচেতাশ্চ শান্তিং নোপলভেঽপি চ॥ 15-9-24(97195)
`দেবকীনন্দনং দেবং বাসুদেবমজং প্রভুম্।’
বিনা জনার্দনং বীরং নাহং জীবিতুমুৎসহে॥ 15-9-25(97196)
শ্রুৎবৈব হি গতং বিষ্ণুং মমাপি মুমুহুর্দিশঃ।
প্রনষ্টজ্ঞাতিবীর্যস্য শূন্যস্য পরিধাবতঃ॥ 15-9-26(97197)
উপদেষ্টুং মম শ্রেয়ো ভবানর্হতি সত্তম॥ 15-9-27(97198)
ব্যাস উবাচ। 15-9-28x(8027)
`দেবাংশা দেবভূতেন সম্ভূতাস্তে গতাস্সহ।
ধর্মব্যবস্থারক্ষার্থং দেবেন সমুপেক্ষিতাঃ’॥ 15-9-28(97199)
ব্রহ্মশাপবিনির্দগ্ধা বৃষ্ণ্যন্ধকসমহারথাঃ।
বিনষ্টাঃ কুরুশার্দূল ন তাঞ্শোচিতুমর্হসি॥ 15-9-29(97200)
ভবিতব্যং তথা তচ্চ দিষ্টমেতন্মহাত্মনাম্।
উপেক্ষিতং চ কৃষ্ণেন শক্তেনাপি ব্যপোহিতুম্॥ 15-9-9(97201)
ত্রৈলোক্যমপি গোবিন্দঃ কৃৎস্নং স্থাবরজঙ্গমম্।
প্রসহেদন্যথা কর্তুং কুতঃ শাপং মহাত্মনাম্॥ 15-9-31(97202)
`স্ত্রিয়শ্চ তাঃ পুরা শপ্তাঃ প্রভাসে কুপিতেন বৈ।
অষ্টাবক্রেণ মুনিনা তদর্থং ৎবদ্বলক্ষয়ম্॥’ 15-9-32(97203)
রথস্য পুরতো যাতি যঃ স চক্রগদাধরঃ।
তব স্নেহাৎপুরাণর্ষির্বাসুদেবশ্চতুর্ভুজঃ॥ 15-9-33(97204)
কৃৎবা ভারাবতরণং পৃথিব্যাঃ পৃথুলোচনঃ।
মোক্ষয়িৎবা তনুং প্রাপ্তঃ কৃষ্ণঃ স্বস্থানমুত্তমম্॥ 15-9-34(97205)
ৎবয়াঽপীহ মহৎকর্ম দেবানাং পুরুষর্ষভ।
কৃতং ভীমসহায়েন যমাভ্যাং চ মহাভুজ॥ 15-9-35(97206)
কৃতকৃত্যাংশ্চ বো মন্যে সংসিদ্ধান্কুরুপুঙ্গব।
গমনং প্রাপ্তকালং ব ইদং শ্রেয়স্করং বিভো॥ 15-9-36(97207)
বলং বুদ্ধিশ্চ তেজশ্চ প্রতিপত্তিশ্চ ভারত।
ভবন্তি ভবকালেষু বিপদ্যন্তে বিপর্যযে॥ 15-9-37(97208)
কালমূলমিদং সর্বং জগদ্বীজং ধনংজয়।
কাল এব সমাদত্তে পুনরেব যদৃচ্ছয়া॥ 15-9-38(97209)
স এব বলবান্ভূৎবা পুনর্ভবতি দুর্বলঃ।
স এবেশশ্চ ভূৎবেহ পরৈরাজ্ঞাপ্যতে পুনঃ॥ 15-9-39(97210)
কৃতকৃত্যানি চাস্ত্রাণি গতান্যদ্য যথাগতম্।
পুনরেষ্যন্তি তে হস্তং যদা কালো ভবিষ্যতি॥ 15-9-40(97211)
কালো গন্তুং গতিং মুখ্যাং ভবতামপি ভারত।
এতচ্ছ্রেয়ো হি বো মন্যে পরমং ভরতর্ষভ॥ 15-9-41(97212)
বৈশম্পায়ন উবাচ। 15-9-42x(8028)
এতদ্বচনমাজ্ঞায় ব্যাসস্যামিততেজসঃ।
অনুজ্ঞাতো যয়ৌ পার্থো নগরং নাগসাহ্বয়ম্॥ 15-9-42(97213)
প্রবিশ্য চ পুরীং বীরঃ সমাসাদ্য যুধিষ্ঠিরম্।
আচষ্ট তদ্যথাবৃত্তং বৃষ্ণ্যন্ধককুলং প্রতি॥ ॥ 15-9-43(97214)

ইতি শ্রীমন্মহাভারতে শতসাহস্রয়াং সংহিতায়াং বৈয়াসিক্যাং মৌসলপর্বণি নবমোধ্যায়ঃ॥ 9 ॥ ॥ মৌসলপর্ব সমাপ্তম্ ॥ ——– অস্যানন্তরং মহাপ্রস্থানিকং পর্ব ভবিষ্যতি তস্যায়মাদ্যঃ শ্লোকঃ। জনমেজয় উবাচ। এবং বৃষ্ণ্যন্ধককুলে শ্রুৎবা মৌসলমাহবম্। পাণ্ডবাঃ কিমকুর্বন্ত তথা কৃষ্ণে দিবং গতে॥ 1 ॥ ইদং মৌসলপর্ব কুংভঘোণস্থেন টী.আর্. কৃষ্ণাচার্যেণ টী. আর্. ব্যাসাচার্যেণ চ মুম্বয়্যাং নির্ণয়সাগরমুদ্রায়ন্ত্রে মুদ্রাপিতম্। শকাব্দাঃ 1832 সন 1910.

Mahabharata – Mausala Parva – Chapter Footnotes
15-9-5 নখোদকং কেশোদকং বস্ত্রপ্রান্তো দশা তদুদকং কুম্ভমুখোদকং চ। আবীরজা নারী রজস্বলা তস্যা রজঃপ্রস্রবকালে দিনত্রয়াদর্বাক্ অনুগমনং তস্যাং মৈথুনং ব্রাহ্মণস্য বধো যুদ্ধে পরাজয়শ্চেতি সপ্তভির্নিমিতৈঃ পুরুষো ভ্রষ্টশ্রীর্ভবতি। অপি রাজোপঘাতস্তে ব্রাহ্মণো বেতি ক.ট.পাঠঃ॥ 15-9-6 প্রভিন্নং পরাজিতং ৎবাং কদাচিদপি ন জানামি॥ 15-9-11 হতং মৃতম্। মারিতবন্ত ইত্যর্থঃ॥ 15-9-13 পঞ্চশতং সহস্রং সহস্রগুণিতং পঞ্চলক্ষামীত্যর্থঃ॥ 15-9-13 ন কেবলং হতং তাডিতমপি তু নিধনং প্রাপ্তমিত্যর্থঃ॥ 15-9-18 পশ্যতঃ অনাদরে ষষ্ঠী। মাং পশ্যন্তমনাদৃত্যেত্যর্থঃ॥ 15-9-37 বুদ্ধিরুপস্থিতকার্যাবধারণম্। তেজঃ প্রাগল্ভ্যম্। প্রতিপত্তিরনাগতাবেক্ষণম্। ভবন্তি উৎপদ্যন্তে। ভবকালেষু ঐশ্বর্যাবাপ্তিসময়েষু। বিপর্যযে বিনাশকালে। বিপদ্যন্তে বিনশ্যন্তি॥ 15-9-38 কালঃ ঈশ্বরঃ জগদ্বীজং বিয়দাদিপঞ্চকং। সমাদত্তে সংহরতি যদা ভূতানামপি সংহারো ভবতি কিয়াংস্তত্র ভৌতিকানাং নাশ ইতি তদর্থং শোকোনুচিত ইতি ভাবঃ। য এব বলবান্স এব দুর্বলো ভবত্যেব বিপর্যযোঽপি কালমূলো জ্ঞেয়ঃ॥ 15-9-40 পুনর্যুগান্তরে॥ 15-9-41 মুখ্যাং গতিং স্বর্গং গন্তুম্ এতৎপ্রস্থানং শ্রেয়ঃ॥