আদিপর্ব – অধ্যায় ০১১

আদিপর্ব – অধ্যায় ০১১

॥ শ্রীঃ ॥

১.১১. অধ্যায়ঃ ০১১

Mahabharata – Adi Parva – Chapter Topics

ডুণ্ডুভচরিতম্॥ ১ ॥

Mahabharata – Adi Parva – Chapter Text

১-১১-০ (১০৪৯)
ডুণ্ডুভ উবাচ। ১-১১-০x (৫৪)
সখা বভূব মে পূর্বং খগমো নাম বৈ দ্বিজঃ।
ভৃশং সংশিতবাক্তাত তপোবলসমন্বিতঃ॥ ১-১১-১ (১০৫০)
স ময়া ক্রীডতা বাল্যে কৃৎবা তার্ণং ভুজংগমম্।
অগ্নিহোত্রে প্রসক্তস্তু ভীষিতঃ প্রমুমোহ বৈ॥ ১-১১-২ (১০৫১)
লব্ধ্বা স চ পুনঃ সংজ্ঞাং মামুবাচ তপোধনঃ।
নর্দহন্নিব কোপেন সত্যবাক্সংশিতব্রতঃ॥ ১-১১-৩ (১০৫২)
যথাবীর্যস্ৎবয়া সর্পঃ কৃতোঽয়ং মদ্বিভীষয়া।
তথাবীর্যো ভুজংগস্ৎবং মম শাপাদ্ভবিষ্যসি॥ ১-১১-৪ (১০৫৩)
তস্যাহং তপসো বীর্যং জানন্নাসং তপোধন।
ভৃশমুদ্বিগ্নহৃদয়স্তমবোচমহং তদা॥ ১-১১-৫ (১০৫৪)
প্রণতঃ সংভ্রমাচ্চৈব প্রাঞ্জলিঃ পুরতঃ স্থিতঃ।
সখেতি হসতেদং তে নর্মার্থং বৈ কৃতং ময়া॥ ১-১১-৬ (১০৫৫)
ক্ষন্তুমর্হসি মে ব্রহ্মঞ্শাপোঽয়ং বিনিবর্ত্যতাম্।
সোঽথ মামব্রবীদ্দৃষ্ট্বা ভৃশমুদ্বিগ্নচেতসম্॥ ১-১১-৭ (১০৫৬)
মুহুরুষ্ণং বিনিঃশ্বস্য সুসংভ্রান্তস্তপোধনঃ।
নানৃতং বৈ ময়া প্রোক্তং ভবিতেদং কথংচন॥ ১-১১-৮ (১০৫৭)
যত্তু বক্ষ্যামি তে বাক্যং শৃণু তন্মে তপোধন।
শ্রুৎবা চ হৃদি তে বাক্যমিদমস্তু সদাঽনঘ॥ ১-১১-৯ (১০৫৮)
উৎপৎস্যতি রুরুর্নাম প্রমতেরাত্মজঃ শুচিঃ।
তং দৃষ্ট্বা শাপমোক্ষস্তে ভবিতা নচিরাদিব।
`এবমুক্তস্তু তেনাহমুরগৎবমবাপ্তবান্॥’ ১-১১-১০ (১০৫৯)
স ৎবং রুরুরিতি খ্যাতঃ প্রমতেরাত্মজোঽপি চ।
স্বরূপং প্রতিপদ্যাহমদ্য বক্ষ্যামি তে হিতম্॥ ১-১১-১১ (১০৬০)
সৌতিরুবাচ। ১-১১-১২x (৫৫)
স ডৌণ্ডুভং পরিত্যজ্য রূপং বিপ্রর্ষভস্তদা।
স্বরূপং ভাস্বরং ভূয়ঃ প্রতিপেদে মহায়শাঃ॥ ১-১১-১২ (১০৬১)
ইদং চোবাচ বচনং রুরুমপ্রতিমৌজসম্।
অহিংসা পরমো ধর্মঃ সর্বপ্রাণভৃতাং বর॥ ১-১১-১৩ (১০৬২)
তস্মাৎপ্রাণভৃতঃ সর্বান্ন হিংস্যাদ্ব্রাহ্মণঃ ক্বচিৎ।
ব্রাহ্মণঃ সৌম্য এবেহ ভবতীতি পরা শ্রুতিঃ॥ ১-১১-১৪ (১০৬৩)
বেদবেদাঙ্গবিন্নাম সর্বভূতাভয়প্রদঃ।
অহিংসা সত্যবচনং ক্ষমা চেতি বিনিশ্চিতম্॥ ১-১১-১৫ (১০৬৪)
ব্রাহ্মণস্য পরো ধর্মো বেদানাং ধারণাপি চ।
ক্ষত্রিয়স্য হি যো ধর্মঃ স নেহেষ্যেত বৈ তব॥ ১-১১-১৬ (১০৬৫)
দণ্ডধারণমুগ্রৎবং প্রজানাং পরিপালনম্।
তদিদং ক্ষত্রিয়স্যাসীৎকর্ম বৈ শৃণু মে রুরো॥ ১-১১-১৭ (১০৬৬)
জনমেজয়স্য যজ্ঞেঽস্মিন্সর্পাণাং হিংসনং পুরা।
পরিত্রাণং চ ভীতানাং সর্পাণাং ব্রাহ্মণাদপি॥ ১-১১-১৮ (১০৬৭)
তপোবীর্যবলোপেতাদ্বেদবেদাঙ্গপারগাৎ।
আস্তীকাদ্দ্বিজমুখ্যাদ্বৈ সর্পসত্রে দ্বিজোত্তম॥ ॥ ১-১১-১৯ (১০৬৮)

ইতি শ্রীমন্মহাভারতে আদিপর্বণি পৌলোমপর্বণি একাদশোঽধ্যায়ঃ॥ ১১ ॥

Mahabharata – Adi Parva – Chapter Footnotes

১-১১-১ সংশিতবাক্ তীক্ষ্ণবচনঃ॥ ১-১১-২ তার্ণং তৃণময়ম্॥ ১-১১-১৪ সৌম্যঃ অতীক্ষ্ণস্বভাবঃ॥ ১-১১-১৮ পরিত্রাণং দৃষ্টমিতি শেষঃ॥ একাদশোঽধ্যায়ঃ॥ ১১ ॥