আদিপর্ব – অধ্যায় ০০৬

আদিপর্ব – অধ্যায় ০০৬

॥ শ্রীঃ ॥

১.৬. অধ্যায়ঃ ০০৬

Mahabharata – Adi Parva – Chapter Topics

চ্যবনোৎপত্তী রক্ষোবিনাশশ্চ॥ ১ ॥ অগ্নের্ভৃগুশাপঃ॥ ২ ॥

Mahabharata – Adi Parva – Chapter Text

১-৬-০ (৯৩৭)
সৌতিরুবাচ। ১-৬-০x (৩৩)
অগ্নেরথ বচঃ শ্রুৎবা তদ্রক্ষঃ প্রজহার তাম্।
ব্রহ্মন্বরাহরূপেণ মনোমারুতরংহসা॥ ১-৬-১ (৯৩৮)
ততঃ স গর্ভো নিবসন্কুক্ষৌ ভৃগুকুলোদ্বহ।
রোষান্মাতুশ্চ্যুতঃ কুক্ষেশ্চ্যবনস্তেন সোঽভবৎ॥ ১-৬-২ (৯৩৯)
তং দৃষ্ট্বা মাতুরুদরাচ্চ্যুতমাদিত্যবর্চসম্।
তদ্রক্ষো ভস্মসাদ্ভূতং পপাত পরিমুচ্য তাম্॥ ১-৬-৩ (৯৪০)
সা তমাদায় সুশ্রোণী সসার ভৃগুনন্দনম্।
চ্যবনং ভার্গবং পুত্রং পুলোমা দুঃখমূর্চ্ছিতা॥ ১-৬-৪ (৯৪১)
তাং দদর্শ স্বয়ং ব্রহ্মা সর্বলোকপিতামহঃ।
রুদতীং বাষ্পপূর্ণাক্ষীং ভৃগোর্ভার্যামনিন্দিতাম্॥ ১-৬-৫ (৯৪২)
সান্ৎবয়ামাস ভগবান্বধূং ব্রহ্মা পিতামহঃ।
অশ্রুবিন্দূদ্ভবা তস্যাঃ প্রাবর্তত মহানদী॥ ১-৬-৬ (৯৪৩)
আবর্তন্তী সৃতিং তস্যা ভৃগোঃ পত্ন্যাস্তপস্বিনঃ।
তস্যা মার্গং সৃতবতীং দৃষ্ট্বা তু সরিতং তদা॥ ১-৬-৭ (৯৪৪)
নাম তস্যাস্তদা নদ্যাশ্চক্রে লোকপিতামহঃ।
বধূসরেতি ভগবাংশ্চ্যবনস্যাশ্রমং প্রতি॥ ১-৬-৮ (৯৪৫)
স এবং চ্যবনো জজ্ঞে ভৃগোঃ পুত্রঃ প্রতাপবান্।
তং দদর্শ পিতা তত্র চ্যবনং তাং চ ভামিনীম্।
স পুলোমাং ততো ভার্যাং পপ্রচ্ছ কুপিতো ভৃগুঃ॥ ১-৬-৯ (৯৪৬)
ভৃগুরুবাচ। ১-৬-১০x (৩৪)
কেনাসি রক্ষসে তস্মৈ কথিতা ৎবং জিহীর্ষবে।
ন হি ৎবা বেদ তদ্রক্ষো মদ্ভার্যাং চারুহাসিনীম্॥ ১-৬-১০ (৯৪৭)
তত্ৎবমাখ্যাহি তং হ্যদ্য শপ্তুমিচ্ছাম্যহং রুষা।
বিভেতি কো ন শাপান্মে কস্য চায়ং ব্যতিক্রমঃ॥ ১-৬-১১ (৯৪৮)
পুলোমোবাচ। ১-৬-১২x (৩৫)
অগ্নিনা ভগবংস্তস্মৈ রক্ষসেঽহং নিবেদিতা।
ততো মামনয়দ্রক্ষঃ ক্রোশন্তীং কুররীমিব॥ ১-৬-১২ (৯৪৯)
সাঽহং তব সুতস্যাস্য তেজসা পরিমোক্ষিতা।
ভস্মীভূতং চ তদ্রক্ষো মামুৎসৃজ্য পপাত বৈ॥ ১-৬-১৩ (৯৫০)
সৌতিরুবাচ। ১-৬-১৪x (৩৬)
ইতি শ্রুৎবা পুলোমায়া ভৃগুঃ পরমমন্যুমান্।
শশাপাগ্নিমতিক্রুদ্ধঃ সর্বভক্ষো ভবিষ্যসি॥ ॥ ১-৬-১৪ (৯৫১)

ইতি শ্রীমন্মহাভারতে আদিপর্বণি পৌলোমপর্বণি ষষ্ঠোঽধ্যায়ঃ॥ ৬ ॥

Mahabharata – Adi Parva – Chapter Footnotes

১-৬-২ তেন চ্যুতৎবেন হেতুনা॥ ২ ॥ ১-৬-৭ আবর্তন্তী সৃতিং তস্যাঃ। সৃতিং মার্গং। অনুবর্ত্ম সৃতা তস্যা ইতি পাঠান্তরং॥ ৭ ॥ ষষ্ঠোঽধ্যায়ঃ॥ ৬ ॥