আদিপর্ব – অধ্যায় ১৭৯
॥ শ্রীঃ ॥
১.১৭৯. অধ্যায়ঃ ১৭৯
(অথ চৈত্ররথপর্ব ॥ ১১ ॥)
Mahabharata – Adi Parva – Chapter Topics
ব্রাহ্মণগৃহে প্রতিশ্রয়ার্থমাগতস্য কস্যচিদ্ব্রাহ্মণস্য মুখাৎ পাণ্ডবানাং দ্রৌপদীস্বয়ংবরশ্রবণম্॥ ১ ॥ পাণ্ডবকৃতধৃষ্টদ্যুন্নদ্রৌপদীসংভবপ্রশ্নস্য ব্রাহ্মণেনোত্তরকথনম্॥ ২ ॥
Mahabharata – Adi Parva – Chapter Text
১-১৭৯-০ (৮১০৫)
জনমেজয় উবাচ। ১-১৭৯-০x (১০২৮)
তে তথা পুরুষব্যাঘ্রা নিহত্য বকরাক্ষসম্।
অত ঊর্ধ্বং ততো ব্রহ্মন্কিমকুর্বত পাণ্ডবাঃ॥ ১-১৭৯-১ (৮১০৬)
বৈশম্পায়ন উবাচ। ১-১৭৯-২x (১০২৯)
তত্রৈব ন্যবসন্রাজন্নিহত্য বকরাক্ষসম্।
অধীয়ানাঃ পরং ব্রহ্ম ব্রাহ্মণস্য নিবেশনে॥ ১-১৭৯-২ (৮১০৭)
ততঃ কতিপয়াহস্য ব্রাহ্মণঃ সংশিতব্রতঃ।
প্রতিশ্রয়ার্থী তদ্বেশ্ম ব্রাহ্মণস্যাজগাম হ॥ ১-১৭৯-৩ (৮১০৮)
স ম্যক্ পূজয়িৎবা তং বিপ্রং বিপ্রর্ষভস্তদা।
দদৌ প্রতিশ্রয়ং তস্মৈ সদা সর্বাতিথিব্রতঃ॥ ১-১৭৯-৪ (৮১০৯)
ততস্তে পাণ্ডবাঃ সর্বে সহ কুন্ত্যা নরর্ষভাঃ।
উপাসাঞ্চক্রিরে বিপ্রং কথয়ন্তং কথাঃ শুভাঃ॥ ১-১৭৯-৫ (৮১১০)
কথয়ামাস দেশাংশ্চ তীর্থানি সরিতস্তথা।
রাজ্ঞশ্চ বিবিধাশ্চর্যান্দেশাংশ্চৈব পুরাণি চ॥ ১-১৭৯-৬ (৮১১১)
স তত্রাকথয়দ্বিপ্রঃ কথান্তে জনমেজয়।
পঞ্চালেষ্বদ্ভুতাকারং যাজ্ঞসেন্যাঃ স্বয়ংবরম্॥ ১-১৭৯-৭ (৮১১২)
ধৃষ্টদ্যুম্নস্য চোৎপত্তিমুৎপত্তিং চ শিখণ্ডিনঃ।
অয়োনিজৎবং কৃষ্ণায়া দ্রুপদস্য মহামখে॥ ১-১৭৯-৮ (৮১১৩)
তদদ্ভুততমং শ্রুৎবা লোকে তস্য মহাত্মনঃ।
বিস্তরেণৈব পপ্রচ্ছুঃ কথাং তে পুরুষর্ষভাঃ॥ ১-১৭৯-৯ (৮১১৪)
পাণ্ডবা ঊচুঃ। ১-১৭৯-১০x (১০৩০)
কথং দ্রুপদপুত্রস্য ধৃষ্টদ্যুম্নস্য পাবকাৎ।
বেদীমধ্যাচ্চ কৃষ্ণায়াঃ সংভবঃ কথমদ্ভুতঃ॥ ১-১৭৯-১০ (৮১১৫)
কথং দ্রোণান্মহেষ্বাসাৎসর্বাণ্যস্ত্রাণ্যশিক্ষত।
`ধৃষ্টদ্যুম্নো মহেষ্বাসঃ কথং দ্রোণস্য মৃত্যুদঃ।’
কথং বিপ্র সখায়ৌ তৌ ভিন্নৌ কস্য কৃতেন বা॥ ১-১৭৯-১১ (৮১১৬)
বৈশম্পায়ন উবাচ। ১-১৭৯-১২x (১০৩১)
এবং তৈশ্চোদিতো রাজন্স বিপ্রঃ পুরুষর্ষভৈঃ।
কথয়ামাস তৎসর্বং দ্রৌপদীসংভবং তদা॥ ॥ ১-১৭৯-১২ (৮১১৭)
ইতি শ্রীমন্মহাভারতে আদিপর্বণি চৈত্ররথপর্বণি ঊনাশীত্যধিকশততমোঽধ্যায়ঃ॥ ১৭৯ ॥
Mahabharata – Adi Parva – Chapter Footnotes
১-১৭৯-৭ যাজ্ঞসেন্যাঃ দ্রৌপদ্যাঃ॥ ৭ ॥ ঊনাশীত্যধিকশততমোঽধ্যায়ঃ॥ ১৭৯ ॥