আদিপর্ব – অধ্যায় ১৪৮
॥ শ্রীঃ ॥
১.১৪৮. অধ্যায়ঃ ১৪৮
Mahabharata – Adi Parva – Chapter Topics
গুরুদক্ষিণাৎবেন জীবতো দ্রুপদস্য গ্রহণে দ্রোণেনাজ্ঞাপিতে তদর্থং তেন সহ সর্বশিষ্যাণাং পাঞ্চালপুরগমনম্॥ ১ ॥ দ্রুপদগ্রহণায় পাণ্ডববর্জং গতানাং কৌরবাণাং তেন পরাজয়ঃ॥ ২ ॥ তদনন্তরং গতেষু পাণ্ডবেষু অর্জুনেন দ্রুপদগ্রহণম্॥ ৩ ॥ জীবগ্রাহং গৃহীৎবা ভীমার্জুনাভ্যাং সমর্পিতেন দ্রুপদেন দ্রোণস্য সংবাদঃ॥ ৪ ॥ দ্রোণেনার্ধরাজ্যাপহারেণ মুক্তস্য দ্রুপদস্য পুত্রোৎপাদনার্থং প্রয়ত্নঃ॥ ৫ ॥
Mahabharata – Adi Parva – Chapter Text
১-১৪৮-০ (৬৬৯৩)
বৈশম্পায়ন উবাচ। ১-১৪৮-০x (৮৭৬)
পাণ্ডবান্ধার্তরাষ্ট্রাংশ্চ কৃতাস্ত্রান্প্রসমীক্ষ্য সঃ।
গুর্বর্থং দক্ষিণাং কালে প্রাপ্তেঽমন্যত বৈ গুরুঃ॥ ১-১৪৮-১ (৬৬৯৪)
`অস্ত্রশিক্ষামনুজ্ঞাতান্রঙ্গদ্বারমুপাগতান্।
ভারদ্বাজস্ততস্তাংস্তু সর্বানেবাভ্যভাষত॥ ১-১৪৮-২ (৬৬৯৫)
ইচ্ছামি দত্তাং সহিতাং মহ্যং পরমদক্ষিণাম্।
এবমুক্তাস্ততঃ সর্বে শিষ্যা দ্রোণমথাব্রুবন্।
ভগবন্কিং প্রয়চ্ছাম আজ্ঞাপয়তু নো গুরুঃ॥’ ১-১৪৮-৩ (৬৬৯৬)
ততঃ শিষ্যান্সমাহূয় আচার্যোঽর্থমচোদয়ৎ।
দ্রোণঃ সর্বানশেষেণ দক্ষিণার্থং মহীপতে॥ ১-১৪৮-৪ (৬৬৯৭)
পঞ্চালরাজং দ্রুপদং গৃহিৎবা রণমূর্ধনি।
পর্যানয়ত ভদ্রং বঃ সা স্যাৎপরমদক্ষিণা॥ ১-১৪৮-৫ (৬৬৯৮)
তথেত্যুক্ৎবা তু তে সর্বে রথৈস্তূর্ণং প্রহারিণঃ।
আচার্যধনদানার্থং দ্রোণেন সহিতা যয়ুঃ॥ ১-১৪৮-৬ (৬৬৯৯)
ততোঽভিজগ্মুঃ পঞ্চালান্নিঘ্নন্তস্তে নরর্ষভাঃ।
মমৃদুস্তস্য নগরং দ্রুপদস্য মহৌজসঃ॥ ১-১৪৮-৭ (৬৭০০)
দুর্যোধনশ্চ কর্ণশ্চ যুয়ুৎসুশ্চ মহাবলঃ।
দুঃশাসনো বিকর্ণশ্চ জলসন্ধঃ সুলোচনঃ॥ ১-১৪৮-৮ (৬৭০১)
এতে চান্যে চ বহবঃ কুমারা বহুবিক্রমাঃ।
অহং পূর্বমহং পূর্বমিত্যেবং ক্ষত্রিয়র্ষভাঃ॥ ১-১৪৮-৯ (৬৭০২)
ততো বররাথারূঢাঃ কুমারাঃ সাদিভিঃ সহ।
প্রবিশ্য নগরং সর্বে রাজমার্গমুপায়যুঃ॥ ১-১৪৮-১০ (৬৭০৩)
তস্মিন্কালে তু পাঞ্চালঃ শ্রুৎবা দৃষ্ট্বা মহদ্বলম্।
ভ্রাতৃভিঃ সহিতো রাজংস্ৎবরয়া নির্যযৌ গৃহাৎ॥ ১-১৪৮-১১ (৬৭০৪)
ততস্তু কৃতসন্নাহা যজ্ঞসেনসহোদরাঃ।
শরবর্ষাণি মুঞ্চন্তঃ প্রণেদুঃ সর্ব এব তে॥ ১-১৪৮-১২ (৬৭০৫)
ততো রথেন শুভ্রেণ সমাসাদ্য তু কৌরবান্।
যজ্ঞসেনঃ শরান্ঘোরান্ববর্ষ যুধি দুর্জয়ঃ॥ ১-১৪৮-১৩ (৬৭০৬)
পূর্বমেব তু সংমন্ত্র্য পার্থো দ্রোণমথাঽব্রবীৎ।
দর্পোদ্রেকাৎকুমারাণামাচার্যং দ্বিজসত্তমম্॥ ১-১৪৮-১৪ (৬৭০৭)
এষাং পরাক্রমস্যান্তে বয়ং কুর্যাম সাহসম্।
এতৈরশক্যঃ পাঞ্চালো গ্রহীতুং রণমূর্ধনি॥ ১-১৪৮-১৫ (৬৭০৮)
এবমুক্ৎবা তু কৌন্তেয়ো ভ্রাতৃভিঃ সহিতোঽনঘঃ।
অর্ধক্রোশে তু নগরাদতিষ্ঠদ্বহিরেব সঃ॥ ১-১৪৮-১৬ (৬৭০৯)
দ্রুপদঃ কৌরবান্দৃষ্ট্বা প্রাধাবত সমন্ততঃ।
শরজালেন মহতা মোহয়ন্কৌরবীং চমূম্॥ ১-১৪৮-১৭ (৬৭১০)
তমুদ্যতং রথেনৈকমাশুকারিণমাহবে।
অনেকমিব সন্ত্রাসান্মেনিরে তত্র কৌরবাঃ॥ ১-১৪৮-১৮ (৬৭১১)
দ্রুপদস্য শরা ঘোরা বিচেরুঃ সর্বতোদিশম্।
ততঃ শঙ্খাশ্চ ভের্যশ্চ মৃদঙ্গাশ্চ সহস্রশঃ॥ ১-১৪৮-১৯ (৬৭১২)
প্রাবাদ্যন্ত মহারাজ পঞ্চালানাং নিবেশনে।
সিংহনাদশ্চ সংজজ্ঞে পঞ্চালানাং মহাত্মনাম্॥ ১-১৪৮-২০ (৬৭১৩)
ধনুর্জ্যাতলশব্দশ্চ সংস্পৃশ্য গগনং মহান্।
দুর্যোধনো বিকর্ণশ্চ সুবাহুর্দীর্ঘলোচনঃ॥ ১-১৪৮-২১ (৬৭১৪)
দুঃশাশনশ্চ সংক্রুদ্ধঃ শরবর্ষৈরবাকিরন্।
সোঽতিবিদ্ধো মহেষ্বাসঃ পার্ষতো যুধি দুর্জয়ঃ॥ ১-১৪৮-২২ (৬৭১৫)
ব্যধমত্তান্যনীকানি তৎক্ষণাদেব ভারত।
দুর্যোধনং বিকর্ণং চ কর্ণং চাপি মহাবলম্॥ ১-১৪৮-২৩ (৬৭১৬)
নানানৃপসুতান্বীরান্সৈন্যানি বিবিধানি চ।
অলাতচক্রবৎসর্বং চরন্বাণৈরতর্পয়ৎ॥ ১-১৪৮-২৪ (৬৭১৭)
ততস্তু নাগরাঃ সর্বে মুসলৈর্যষ্টিভিস্তদা।
অভ্যবর্ষন্ত কৌরব্যান্বর্ষমাণা ঘা ইব॥ ১-১৪৮-২৫ (৬৭১৮)
সবালবৃদ্ধাঃ কাম্পিল্যাঃ কৌরবানভ্যযুস্তদা।
শ্রুৎবা সুতুমুলং যুদ্ধং কৌরবানেব ভারত॥ ১-১৪৮-২৬ (৬৭১৯)
দ্রবন্তিস্ম নদন্তিস্ম ক্রোশন্তঃ পাণ্ডবান্প্রতি।
পাডবাস্তু স্বনং শ্রুৎবা আর্তানাং রোমহর্ষণম্॥ ১-১৪৮-২৭ (৬৭২০)
অভিবাদ্য ততো দ্রোণং রথানারুরুহুস্তদা।
যুধিষ্ঠিরং নিবার্যাশু মা যুধ্যস্বেতি পাণ্ডবম্॥ ১-১৪৮-২৮ (৬৭২১)
মাদ্রেয়ৌ চক্ররক্ষৌ তু ফাল্গুনশ্চ তদাঽকরোৎ।
সেনাগ্রগো ভীমসেনস্তদাভূদ্গদয়া সহ॥ ১-১৪৮-২৯ (৬৭২২)
তদা শত্রুস্বনং শ্রুৎবা ভ্রাতৃভিঃ সহিতোঽনঘঃ।
আয়াজ্জবেন কৌন্তেয়ো রথেনানাদয়ন্দিশঃ॥ ১-১৪৮-৩০ (৬৭২৩)
পঞ্চালানাং ততঃ সেনামুদ্ধূতার্ণবনিঃস্বনাম্।
ভীমসেনো মহাবাহুর্দণ্ডপাণিরিবান্তকঃ॥ ১-১৪৮-৩১ (৬৭২৪)
প্রবিবেশ মহাসেনাং মকরঃ সাগরং যথা।
`চতুরঙ্গবলাকীর্ণে ততস্তস্মিন্রণোৎসবে॥’ ১-১৪৮-৩২ (৬৭২৫)
স্বয়মভ্যদ্রবদ্ভীমো নাগানীকং গদাধরঃ॥ ১-১৪৮-৩৩ (৬৭২৬)
স যুদ্ধকুশলঃ পার্থো বাহুবীর্যেণ চাতুলঃ।
অহনৎকুঞ্জরানীকং গদয়া কালরূপধৃক্॥ ১-১৪৮-৩৪ (৬৭২৭)
তে গজা গিরিসঙ্কাশাঃ ক্ষরন্তো রুধিরং বহু।
ভীমসেনস্য গদয়া ভিন্নমস্তকপিণ্ডকাঃ॥ ১-১৪৮-৩৫ (৬৭২৮)
পতন্তি দ্বিরদা ভূমৌ বজ্রঘাতাদিবাচলাঃ।
গজানশ্বান্রথাংশ্চৈব পাতয়ামাস পাণ্ডবঃ॥ ১-১৪৮-৩৬ (৬৭২৯)
পদাতীংশ্চ রথাংশ্চৈব ন্যবধীদর্জুনাগ্রজঃ।
গোপাল ইব দণ্ডেন যথা পশুগণান্বনে॥ ১-১৪৮-৩৭ (৬৭৩০)
চালয়ন্রথনাগাংশ্চ সংচচাল বৃকোদরঃ।
ভারদ্বাজপ্রিয়ং কর্তুমুদ্যতঃ ফাল্গুনস্তদা॥ ১-১৪৮-৩৮ (৬৭৩১)
পার্ষতং শরজালেন ক্ষিপন্নাগাৎস পাণ্ডবঃ।
হয়ৌঘাংশ্চ রথৌঘাংশ্চ গজৌঘাংশ্চ সমন্ততঃ॥ ১-১৪৮-৩৯ (৬৭৩২)
পাতয়ন্সমরে রাজন্যুগান্তাগ্রিরিব জ্বলন্।
ততস্তে হন্যমানা বৈ পঞ্চালাঃ সৃঞ্জয়াস্তথা॥ ১-১৪৮-৪০ (৬৭৩৩)
শরৈর্নানাবিধৈস্তূর্ণং পার্থং সংছাদ্য সর্বশঃ।
সিংহনাদং মুখৈঃ কৃৎবা সময়ুধ্বন্ত পাণ্ডবম্॥ ১-১৪৮-৪১ (৬৭৩৪)
তদ্যুদ্ধমভবদ্ধোরং সমুহাদ্ভুতদর্শনম্।
সিংহনাদস্বনং শ্রুৎবা নামৃষ্যৎপাকশাসনিঃ॥ ১-১৪৮-৪২ (৬৭৩৫)
ততঃ কিরীটী সহসা পঞ্চালান্সমরেঽদ্রবৎ।
ছাদয়ন্নিষুজালেন মহতা মোহয়ন্নিব॥ ১-১৪৮-৪৩ (৬৭৩৬)
শীঘ্রমভ্যস্যতো বাণান্সংদধানস্য চানিশম্।
নান্তরং দদৃশে কিংচিৎকৌন্তেয়স্য যশস্বিনঃ॥ ১-১৪৮-৪৪ (৬৭৩৭)
`ন দিশো নান্তরিক্ষং চ তদা নৈব চ মেদিনী।
অদৃশ্যত মহারাজ তত্র কিংচিন্ন সঙ্গরে॥ ১-১৪৮-৪৫ (৬৭৩৮)
পাঞ্চালানাং কুরূণাং চ সাধুসাধ্বিতি নিস্বনঃ।
তত্র তূর্যনিনাদশ্চ শঙ্খানাং চ মহাস্বনঃ॥’ ১-১৪৮-৪৬ (৬৭৩৯)
সিংহনাদশ্চ সংজজ্ঞে সাধুশব্দেন মিশ্রিতঃ।
ততঃ পাঞ্চালরাজস্তু তথা সত্যজিতা সহ॥ ১-১৪৮-৪৭ (৬৭৪০)
ৎবরমাণোঽভিদুদ্রাব মহেন্দ্রং শম্বরো যথা।
মহতা শরবর্ষেণ পার্থঃ পাঞ্চালমাবৃণোৎ॥ ১-১৪৮-৪৮ (৬৭৪১)
ততো হলহলাশব্দ আসীৎপাঞ্চালকে বলে।
জিবৃক্ষতি মহাসিংহে গজানামিব যূথপম্॥ ১-১৪৮-৪৯ (৬৭৪২)
দৃষ্ট্বা পার্থং তদায়ান্তং সত্যজিৎসত্যবিক্রমঃ।
পাঞ্চালং বৈ পরিপ্রেপ্সুর্ধনঞ্জয়মদুদ্রুবৎ॥ ১-১৪৮-৫০ (৬৭৪৩)
ততস্ৎবর্জুনপাঞ্চালৌ যুদ্ধায় সমুপাগতৌ।
ব্যক্ষোভয়েতাং তৌ সৈন্যমিন্দ্রবৈরোচনাবিব॥ ১-১৪৮-৫১ (৬৭৪৪)
ততঃ সত্যজিতং পার্থো দশভির্মর্মভেদিভিঃ।
বিব্যাধ ববলদ্গাঢং তদদ্ভুতমিবাভবৎ॥ ১-১৪৮-৫২ (৬৭৪৫)
ততঃ শরশতৈঃ পার্থং পাঞ্চালঃ শীঘ্রমার্দয়ৎ।
পার্থস্তু শরবর্ষেণ চ্ছাদ্যমানো মহারথঃ॥ ১-১৪৮-৫৩ (৬৭৪৬)
বেগং চক্রে মহাবেগো ধনুর্জ্যামবমৃজ্য চ।
ততঃ সত্যজিতশ্চাপং ছিৎবা রাজানমভ্যযাৎ॥ ১-১৪৮-৫৪ (৬৭৪৭)
অথান্যদ্ধনুরাদায় সত্যজিদ্বেগবত্তরম্।
সাশ্বং সসূতং সরথং পার্থং বিব্যাধ সৎবরঃ॥ ১-১৪৮-৫৫ (৬৭৪৮)
স তং ন মমৃষে পার্থঃ পাঞ্চালেনার্দিতো যুধি।
ততস্তস্য বিনাশার্থং সৎবরং ব্যসৃজচ্ছরান্॥ ১-১৪৮-৫৬ (৬৭৪৯)
হয়ান্ধ্বজং ধনুর্মুষ্টিমুভৌ তৌ পার্ষ্ণিসারথী।
স তথা ভিদ্যমানেষু কার্মুকেষু পুনঃ পুনঃ॥ ১-১৪৮-৫৭ (৬৭৫০)
হয়েষু বিনিকৃত্তেষু বিমুখোঽভবদাহবে।
স সত্যজিতমালেক্য তথা বিমুখমাহবে॥ ১-১৪৮-৫৮ (৬৭৫১)
বেগেন মহতা রাজন্নভ্যধাবত পার্ষতম্।
তদা চক্রে মহদ্যুদ্ধমর্জুনো জয়তাং বরঃ॥ ১-১৪৮-৫৯ (৬৭৫২)
তস্য পার্থো ধনুশ্ছিত্ৎবা ধ্বজং চোর্ব্যামপাতয়ৎ।
পঞ্চভিস্তস্য বিব্যাধ হয়ান্সূতং চ সায়কৈঃ॥ ১-১৪৮-৬০ (৬৭৫৩)
তত উৎসৃজ্য তচ্চাপমাদদানঃ শরাবরম্।
খড্গমুদ্ধৃত্য কৌন্তেয়ঃ সিংহনাদমথাকরোৎ॥ ১-১৪৮-৬১ (৬৭৫৪)
পাঞ্চালস্য রথস্যেষামাপ্লুত্য সহসাঽপতৎ।
পাঞ্চালরথমাস্থায় অবিত্রস্তো ধনঞ্জয়ঃ॥ ১-১৪৮-৬২ (৬৭৫৫)
বিক্ষোভ্যাম্ভোনিধিংতার্ক্ষ্যস্তংনাগমিব সোঽগ্রহীৎ।
ততস্তু সর্বপাঞ্চালা বিদ্রবন্তি দিশো দশ॥ ১-১৪৮-৬৩ (৬৭৫৬)
দর্শয়ন্সর্বসৈন্যানাং স বাহ্বোর্বলমাত্মনঃ।
সিংহনাদস্বনং কৃৎবা নির্জগাম ধনঞ্জয়ঃ॥ ১-১৪৮-৬৪ (৬৭৫৭)
আয়ান্তমর্জুনং দৃষ্ট্বা কুমারাঃ সহিতাস্তদা।
মমৃদুস্তস্য নগরং দ্রুপদস্য মহাত্মনঃ॥ ১-১৪৮-৬৫ (৬৭৫৮)
অর্জুন উবাচ। ১-১৪৮-৬৬x (৮৭৭)
সংবন্ধী কুরুবীরাণাং দ্রুপদো রাজসত্তমঃ।
মা বধীস্তদ্বলং ভীম গুরুদানং প্রদীয়তাম্॥ ১-১৪৮-৬৬ (৬৭৫৯)
বৈশম্পায়ন উবাচ। ১-১৪৮-৬৭x (৮৭৮)
ভীমসেনস্তদা রাজন্নর্জুনেন নিবারিতঃ।
অতৃপ্তো যুদ্ধধর্মেষু ন্যবর্তত মহাবলঃ॥ ১-১৪৮-৬৭ (৬৭৬০)
তে যজ্ঞসেনং দ্রুপদং গৃহীৎবা রণমূর্ধনি।
উপাজগ্মুঃ সহামাত্যং দ্রোণায় ভরতর্ষভ॥ ১-১৪৮-৬৮ (৬৭৬১)
ভগ্নদর্পং হৃতধনং তং তথা বশমাগতম্।
স বৈরং মনসা ধ্যাৎবা দ্রোণো দ্রুপদমব্রবীৎ॥ ১-১৪৮-৬৯ (৬৭৬২)
বিমৃজ্য তরসা রাষ্ট্রং পুরং তে মৃদিতং ময়া।
প্রাপ্য জীবন্রিপুবশং সখিপূর্বং কিমিষ্যতে॥ ১-১৪৮-৭০ (৬৭৬৩)
এবমুক্ৎবা প্রহস্যৈনং কিংচিৎস পুনরব্রবীৎ।
মা ভৈঃ প্রাণভয়াদ্বীর ক্ষমিণো ব্রাহ্মণা বয়ম্॥ ১-১৪৮-৭১ (৬৭৬৪)
আশ্রমে ক্রীডিতং যত্তু ৎবয়া বাল্যে ময়া সহ।
তেন সংবর্ধিতঃ স্নেহঃ প্রীতিশ্চ ক্ষত্রিয়র্ষভ॥ ১-১৪৮-৭২ (৬৭৬৫)
প্রার্থয়েয়ং ৎবয়া সখ্যং পুনরেব জনাধিপ।
বরং দদামি তে রাজন্রাজ্যস্যার্ধমবাপ্নুহি॥ ১-১৪৮-৭৩ (৬৭৬৬)
অরাজা কিল নো রাজ্ঞঃ সখা ভবিতুমর্হতি।
অতঃ প্রয়তিতং রাজ্যে যজ্ঞসেন ময়া তব॥ ১-১৪৮-৭৪ (৬৭৬৭)
রাজাসি দক্ষিণে কূলে ভাগীরথ্যাহমুত্তরে।
সখায়ং মাং বিজানীহি পাঞ্চাল যদি মন্যসে॥ ১-১৪৮-৭৫ (৬৭৬৮)
দ্রুপদ উবাচ। ১-১৪৮-৭৬x (৮৭৯)
অনাশ্চর্যমিদং ব্রহ্মন্বিক্রান্তেষু মহাত্মসু।
প্রীয়ে ৎবয়াঽহং ৎবত্তশ্চ প্রীতিমিচ্ছামি শাশ্বতীম্॥ ১-১৪৮-৭৬ (৬৭৬৯)
বৈশম্পায়ন উবাচ। ১-১৪৮-৭৭x (৮৮০)
এবমুক্তঃ স তং দ্রোণো মোক্ষয়ামাস ভারত।
সৎকৃত্য চৈনং প্রীতাত্মা রাজ্যার্ধং প্রত্যপাদয়ৎ॥ ১-১৪৮-৭৭ (৬৭৭০)
মাকন্দীমথ গঙ্গায়াস্তীরে জনপদায়ুতাম্।
সোঽধ্যাবসদ্দীনমনাঃ কাম্পিল্যং চ পুরোত্তমম্॥ ১-১৪৮-৭৮ (৬৭৭১)
দক্ষিণাংশ্চাপি পঞ্চালান্যাবচ্চর্মণ্বতী নদী।
দ্রোণেন চৈবং দ্রুপদঃ পরিভূয়াথ পালিতঃ॥ ১-১৪৮-৭৯ (৬৭৭২)
ক্ষাত্রেণ চ বলেনাস্য নাপশ্যৎস পরাজয়ম্।
হীনং বিদিৎবা চাত্মানং ব্রাহ্মেণ স বলেনতু॥ ১-১৪৮-৮০ (৬৭৭৩)
পুত্রজন্ম পরীপ্সন্বৈ পৃথিবীমন্বসংচরৎ।
অহিচ্ছত্রং চ বিষয়ং দ্রোণঃ সমভিপদ্যত॥ ১-১৪৮-৮১ (৬৭৭৪)
এবং রাজন্নহিচ্ছত্রা পুরীজনপদায়ুতা।
যুধি নির্জিত্য পার্থেন দ্রোণায় প্রতিপাদিতা॥ ॥ ১-১৪৮-৮২ (৬৭৭৫)
ইতি শ্রীমন্মহাভারতে আদিপর্বণি সংভবপর্বণি অষ্টচৎবারিংশদধিকশততমোঽধ্যায়ঃ॥ ১৪৮ ॥
Mahabharata – Adi Parva – Chapter Footnotes
১-১৪৮-৬১ শরাবরং চর্ম॥ ১-১৪৮-৬২ ঈষা রথস্য যুগচক্রসংলগ্নং মহাদারু॥ ১-১৪৮-৭০ প্রাপ্য জীবন্নৃপ বশামিতি ঙপাঠঃ॥ অষ্টচৎবারিংশদধিকশততমোঽধ্যায়ঃ॥ ১৪৮ ॥