আদিপর্ব – অধ্যায় ১৩৪

আদিপর্ব – অধ্যায় ১৩৪

॥ শ্রীঃ ॥

১.১৩৪. অধ্যায়ঃ ১৩৪

Mahabharata – Adi Parva – Chapter Topics

পাণ্ডবানামায়ুষ্যকথনম্॥ ১ ॥ মাদ্র্যা মৈথুনপ্রবৃত্তস্য পাণ্ডোর্মরণম্॥ ২ ॥ পাণ্ডবপ্রলাপঃ॥ ৩ ॥ মাদ্র্যাঃ সহগমনম্॥ ৪ ॥ মৃতস্য পাণ্ডোর্দহনাদিসংস্কারঃ॥ ৫ ॥

Mahabharata – Adi Parva – Chapter Text

১-১৩৪-০ (৫৯৩৩)
`জনমেজয় উবাচ। ১-১৩৪-০x (৭৮৯)
কস্মিন্বয়সি সংপ্রাপ্তাঃ পাণ্ডবা গজসাহ্বয়ম্।
সমপদ্যন্ত দেবেভ্যস্তেষামায়ুশ্চ কিং পরম্॥ ১-১৩৪-১ (৫৯৩৪)
বৈশম্পায়ন উবাচ। ১-১৩৪-২x (৭৯০)
পাণ্ডবানামিহায়ুষ্যং শৃণু কৌরবনন্দন।
জগাম হাস্তিনপুরং ষোডশাব্দো যুধিষ্ঠিরঃ॥ ১-১৩৪-২ (৫৯৩৫)
ভীমসেনঃ পঞ্চদশো বীভৎসুর্বৈ চতুর্দশঃ।
ত্রয়োদশাব্দৌ চ যমৌ জগ্মতুর্নাগসাহ্বয়ম্॥ ১-১৩৪-৩ (৫৯৩৬)
তত্র ত্রয়োদশাব্দানি ধার্তরাষ্ট্রৈঃ সহোষিতাঃ।
ষণ্মাসাঞ্জাতুষগৃহান্মুক্তা জাতো ঘটোৎকচঃ॥ ১-১৩৪-৪ (৫৯৩৭)
ষণ্মাসানেকচক্রায়াং বর্ষং পাঞ্চালকে গৃহে।
ধার্তরাষ্ট্রৈঃ সহোষিৎবা পঞ্চ বর্ষাণি ভারত॥ ১-১৩৪-৫ (৫৯৩৮)
ইন্দ্রপ্রস্থে বসন্তস্তে ত্রীণি বর্ষাণি বিংশতিম্।
দ্বাদশাব্দানথৈকং চ বভূবুর্দ্যূতনির্জিতাঃ॥ ১-১৩৪-৬ (৫৯৩৯)
ভুক্ৎবা ষট্ত্রিংশতং রাজন্সাগরান্তাং বসুন্ধরাম্।
মাসৈঃ ষড্ভির্মহাত্মানঃ সর্বে কৃষ্ণপরায়ণাঃ॥ ১-১৩৪-৭ (৫৯৪০)
রাজ্যে পরীক্ষিতং স্থাপ্য দিষ্টাং গতিমবাপ্নুবন্।
এবং যুধিষ্ঠিরস্যাসীদায়ুরষ্টোত্তরং শতম্॥ ১-১৩৪-৮ (৫৯৪১)
অর্জুনাৎকেশবো জ্যেষ্ঠস্ত্রিভির্মাসৈর্মহাদ্যুতিঃ।
কৃষ্ণাৎসংকর্ষণো জ্যেষ্ঠস্ত্রিভির্মাসৈর্মহাবলঃ॥ ১-১৩৪-৯ (৫৯৪২)
পাণ্ডুঃ পঞ্চমহাতেজাস্তান্পশ্যন্পর্বতে সুতান্।
রেমে স কাশ্যপয়ুতঃ পত্নীভ্যাং সুভৃশং তদা॥ ১-১৩৪-১০ (৫৯৪৩)
সুপুষ্পিতবনে কালে প্রবৃত্তে মধুমাধবে।
পূর্ণে চতুর্দশে বর্ষে ফল্গুনস্য চ ধীমতঃ॥ ১-১৩৪-১১ (৫৯৪৪)
যস্মিন্নৃক্ষে সমুৎপন্নঃ পার্থস্তস্য চ ধীমতঃ।
তস্মিন্নুত্তরফল্গুন্যাং প্রবৃত্তে স্বস্তিবাচনে॥ ১-১৩৪-১২ (৫৯৪৫)
রক্ষণে বিস্মৃতা কুন্তী ব্যগ্রা ব্রাহ্মণভোজনে।
পুরোহিতেন সহিতান্ব্রাহ্মণান্পর্যবেষয়ৎ॥’ ১-১৩৪-১৩ (৫৯৪৬)
বৈশম্পায়ন উবাচ। ১-১৩৪-১৪x (৭৯১)
দর্শনীয়াংস্ততঃ পুত্রান্পাণ্ডুঃ পঞ্চ মহাবনে।
তান্পশ্যন্পর্বতে রম্যে স্ববাহুবলমাশ্রিতঃ॥ ১-১৩৪-১৪ (৫৯৪৭)
সুপুষ্পিতবনে কালে কদাচিন্মধুমাধবে।
ভূতসংমোহনে রাজা সভার্যো ব্যচরদ্বনম্॥ ১-১৩৪-১৫ (৫৯৪৮)
পলাশৈস্তিলকৈশ্চূতৈশ্চম্পকৈঃ পারিভদ্রকৈঃ।
অন্যৈশ্চ বহুভির্বৃক্ষৈঃ ফলপুষ্পসমৃদ্ধিভিঃ॥ ১-১৩৪-১৬ (৫৯৪৯)
জলস্থানৈশ্চ বিবিধৈঃ পদ্মিনীভিশ্চ শোভিতম্।
পাণ্ডোর্বনং তৎসংপ্রেক্ষ্য প্রজজ্ঞে হৃদি মন্মথঃ॥ ১-১৩৪-১৭ (৫৯৫০)
প্রহৃষ্টমনসং তত্র বিচরন্তং যথাঽমরম্।
তং মাদ্র্যনুজগামৈকা বসনং বিভ্রতী শুভম্॥ ১-১৩৪-১৮ (৫৯৫১)
সমীক্ষমাণঃ স তু তাং বয়ঃস্থাং তনুবাসসম্।
তস্য কামঃ প্রবৃতে গহনেঽগ্নিরিবোদ্গতঃ॥ ১-১৩৪-১৯ (৫৯৫২)
রহস্যেকাং তু তাং দৃষ্ট্বা রাজা রাজীবলোচনাম্।
ন শশাক নিয়ন্তুং তং কামং কামবশীকৃতঃ॥ ১-১৩৪-২০ (৫৯৫৩)
`অথ সোঽষ্টাদশে বর্ষে ঋতৌ মাদ্রমলঙ্কৃতাম্।
আজুহাব ততঃ পাণ্ডুঃ পরীতাত্মা যশস্বিনীম্॥’ ১-১৩৪-২১ (৫৯৫৪)
তত এনাং বলাদ্রাজা নিজগ্রাহ রহোগতাম্।
বার্যমাণস্তয়া দেব্যা বিস্ফুরন্ত্যা যথাবলম্॥ ১-১৩৪-২২ (৫৯৫৫)
স তু কামপরীতাত্মা তং শাপং নান্ববুধ্যত।
মাদ্রীং মৈথুনধর্মেণ সোঽন্বগচ্ছদ্বলাদিব॥ ১-১৩৪-২৩ (৫৯৫৬)
জীবিতান্তায় কৌরব্য মন্মথস্য বশং গতঃ।
শাপজং ভয়মুৎসৃজ্য বিধিনা সংপ্রচোদিতঃ॥ ১-১৩৪-২৪ (৫৯৫৭)
তস্য কামাত্মনো বুদ্ধিঃ সাক্ষাৎকালেন মোহিতা।
সংপ্রমথ্যেন্দ্রিয়গ্রামং প্রনষ্টা সহ চেতসা॥ ১-১৩৪-২৫ (৫৯৫৮)
স তয়া সহ সংগম্য ভার্যযা কুরুনন্দনঃ।
পাণ্ডুঃ পরমধর্মাত্মা যুয়ুজে কালধর্মণা॥ ১-১৩৪-২৬ (৫৯৫৯)
ততো মাদ্রী সমালিঙ্গ্য রাজানং গতচেতসম্।
মুমোচ দুঃখজং শব্দং পুনঃ পুনরতীব হি॥ ১-১৩৪-২৭ (৫৯৬০)
সহ পুত্রৈস্ততঃ কুন্তী মাদ্রীপুত্রৌ চ পাণ্ডবৌ।
আজগ্মুঃ সহিতাস্তত্র যত্র রাজা তথাগতঃ॥ ১-১৩৪-২৮ (৫৯৬১)
ততো মাদ্র্যব্রবীদ্রাজন্নার্তা কুন্তীমিদং বচঃ।
একৈব ৎবমিহাগচ্ছ তিষ্ঠন্ৎবত্রৈব দারকাঃ॥ ১-১৩৪-২৯ (৫৯৬২)
তচ্ছ্রুৎবা বচনং তস্যাস্তত্রৈবাধায় দরকান্।
হতা।হমিতি বিক্রুশ্চ সহসৈবাজগাম সা॥ ১-১৩৪-৩০ (৫৯৬৩)
দৃষ্ট্বা পাণ্ডুং চ মাদ্রীং চ শয়ানৌ ধরণীতলে।
কুন্তী শোকপরীতাঙ্গী বিললাপ সুদুঃখিতা॥ ১-১৩৪-৩১ (৫৯৬৪)
রক্ষ্যমাণো ময়া নিত্যং বীরঃ সততমাত্মবান্।
কথং ৎবামত্যতিক্রান্তঃ শাপং জানন্বনৌকসঃ॥ ১-১৩৪-৩২ (৫৯৬৫)
ননু নাম ৎবয়া মাদ্রি রক্ষিতব্যো নরাধিপঃ।
সা কথং লোভিতবতী বিজনে ৎবং নরাধিপম্॥ ১-১৩৪-৩৩ (৫৯৬৬)
কথং দীনস্য সততং ৎবামাসাদ্য রহোগতাম্।
তং বিচিন্তয়তঃ শাপং প্রহর্ষঃ সমজায়ত॥ ১-১৩৪-৩৪ (৫৯৬৭)
ধন্যা ৎবমসি বাহ্লীকি মত্তো ভাগ্যতরা তথা।
দৃষ্টবত্যসি যদ্বক্ত্রং প্রহৃষ্টস্য মহীপতেঃ॥ ১-১৩৪-৩৫ (৫৯৬৮)
মাদ্র্যুবাচ। ১-১৩৪-৩৬x (৭৯২)
বিলপন্ত্যা ময়া দেবি বার্যমাণেন চাসকৃৎ।
আত্মা ন বারিতোঽনেন সত্যং দিষ্টং চিকীর্ষুণা॥ ১-১৩৪-৩৬ (৫৯৬৯)
`বৈশংপায়ান উবাচ। ১-১৩৪-৩৭x (৭৯৩)
তস্যাস্তদ্বচনং শ্রুৎবা কুন্তী শোকাগ্নিদীপিতা।
পপাত সহসা ভূমৌ ছিন্নমূল ইব দ্রুমঃ॥ ১-১৩৪-৩৭ (৫৯৭০)
নিশ্চেষ্টা পতিতা ভূমৌ মোহেন ন চচাল সা।
তস্মিন্ক্ষণে কৃতস্নানমহতাম্বরসংবৃতম্॥ ১-১৩৪-৩৮ (৫৯৭১)
অলঙ্কারকৃতং পাণ্ডুং শয়ানং শয়নে শুভে।
কুন্তীমুত্থাপ্য মাদ্রী তু মোহেনাবিষ্টচেতনাম্॥ ১-১৩৪-৩৯ (৫৯৭২)
আর্যে এহীতি তাং কুন্তীং দর্শয়ামাস কৌরব।
পাদয়োঃ পতিতা কুন্তী পুনরুত্থায় ভূমিপম্॥ ১-১৩৪-৪০ (৫৯৭৩)
রক্তচন্দনদিগ্ধাংঙ্গং মহারজনবাসসম্।
সস্মিতেন চ বক্ত্রেণ বদন্তমিব ভারতম্॥ ১-১৩৪-৪১ (৫৯৭৪)
পরিরভ্য ততো মোহাদ্বিললাপাকুলেন্দ্রিয়া।
মাদ্রী চাপি সমালিঙ্গ্য রাজানং বিললাপ সা॥ ১-১৩৪-৪২ (৫৯৭৫)
তং তথা শায়িনং পুত্রা ঋষয়ঃ সহ চারণৈঃ।
অভ্যেত্য সহিতাঃ সর্বে শোকাদশ্রূণ্যবর্তয়ন্॥ ১-১৩৪-৪৩ (৫৯৭৬)
অস্তং গতমিবাদিত্যং সংশুষ্কমিব সাগরম্।
দৃষ্ট্বা পাণ্ডুং নরব্যাঘ্রং শোচন্তি স্ম মহর্ষয়ঃ॥ ১-১৩৪-৪৪ (৫৯৭৭)
সমানশোকা ঋষয়ঃ পাণ্ডবাশ্চ বভূবিরে।
তে সমাশ্বাসিতে বিপ্রৈর্বিলেপতুরনিন্দিতে॥ ১-১৩৪-৪৫ (৫৯৭৮)
কুন্ত্যুবাচ। ১-১৩৪-৪৬x (৭৯৪)
হা রাজন্কস্য নো হিৎবা গচ্ছসি ত্রিদশালয়ম্।
হা রাজন্মম মন্দায়াঃ কথং মাদ্রীং সমেত্য বৈ॥ ১-১৩৪-৪৬ (৫৯৭৯)
নিধনং প্রাপ্তবান্রাজন্মদ্ভাগ্যপরিসংক্ষয়াৎ।
যুধিষ্ঠিরং ভীমসেনমর্জুনং চ যমাবুভৌ॥ ১-১৩৪-৪৭ (৫৯৮০)
কস্য হিৎবা প্রিয়ান্পুত্রান্প্রয়াতোঽসি বিশাংপতে।
নূনং ৎবাং ত্রিদশা দেবাঃ প্রতিনন্দন্তি ভারত॥ ১-১৩৪-৪৮ (৫৯৮১)
যতো হি তপ উগ্রং বৈ চরিতং ব্রহ্মসংসদি।
আবাভ্যাং সহিতো রাজন্গমিষ্যসি দিবং শুভম্॥ ১-১৩৪-৪৯ (৫৯৮২)
আজমীঢাজমীঢানাং কর্মণা চরতাং গতিম্।
ননু নাম সহাবাভ্যাং গমিষ্যামীতি যত্ৎবয়া॥ ১-১৩৪-৫০ (৫৯৮৩)
প্রতিজ্ঞাতা কুরুশ্রেষ্ঠ যদাঽস্মি বনমাগতা।
আবাভ্যাং চৈব সহিতো গমিষ্যসি বিশাংপতে।
মুহূর্তং ক্ষম্যতাং রাজন্দ্রক্ষ্যেঽহং চ মুখং তব॥ ১-১৩৪-৫১ (৫৯৮৪)
বৈশম্পায়ন উবাচ। ১-১৩৪-৫২x (৭৯৫)
বিলপিৎবা ভৃশং চৈব নিঃসংজ্ঞে পতিতে ভুবি।
যথা হতে মৃগে মৃগ্যৌ লুব্ধৈর্বনগতে তথা॥ ১-১৩৪-৫২ (৫৯৮৫)
যুধিষ্ঠিরমুখাঃ সর্বে পাণ্ডবা বেদপরাগাঃ।
তেঽভ্যাগত্য পিতুর্মূলে নিঃসংজ্ঞাঃ পতিতা ভুবি॥ ১-১৩৪-৫৩ (৫৯৮৬)
পাণ্ডোঃ পাদৌ পরিষ্বজ্য বিলপন্তি স্ম পাণ্ডবাঃ।
হা বিনষ্টাঃ স্ম তাতেতি হা অনাথা ভবামহে॥ ১-১৩৪-৫৪ (৫৯৮৭)
ৎবদ্বিহীনা মহাপ্রাজ্ঞ কথং জীবাম বালকাঃ।
লোকনাথস্য পুত্রাঃ স্মো ন সনাথা ভবামহে॥ ১-১৩৪-৫৫ (৫৯৮৮)
ক্ষণেনৈব মহারাজ অহো লোকস্য চিত্রতা।
নাস্মদ্বিধা রাজপুত্রা অধন্যাঃ সন্তি ভারত॥ ১-১৩৪-৫৬ (৫৯৮৯)
ৎবদ্বিনাশাচ্চ রাজেন্দ্র রাজ্যপ্রস্খলনাত্তদা।
পাণ্ডবাশ্চ বয়ং সর্বে প্রাপ্তাঃ স্ম ব্যসনং মহৎ॥ ১-১৩৪-৫৭ (৫৯৯০)
কিং করিষ্যামহে রাজন্কর্তব্যং চ প্রসীদতাম্। ১-১৩৪-৫৮ (৫৯৯১)
ভীমসেন উবাচ।
হিৎবা রাজ্যং চ ভোগাংশ্চ শতশৃঙ্গনিবাসিনা॥ ১-১৩৪-৫৮x (৭৯৬)
ৎবয়া লব্ধাঃ স্ম রাজেন্দ্র মহতা তপসা বয়ম্।
হিৎবা মানং বনং গৎবা স্বয়মাহৃত্য ভক্ষণম্॥ ১-১৩৪-৫৯ (৫৯৯২)
শাকমূলফলৈর্বন্যৈর্ভরণং বৈ ৎবয়া কৃতম্।
পুত্রানুৎপাদ্য পিতরো যমিচ্ছ্তি মহাতম্নঃ॥ ১-১৩৪-৬০ (৫৯৯৩)
ত্রিবর্গফলমিচ্ছন্তস্তস্য কালোঽয়মাগতঃ।
অভুক্ৎবৈব ফলং রাজন্গন্তুং নার্হসি ভারত॥ ১-১৩৪-৬১ (৫৯৯৪)
ইত্যেবমুক্ৎবা পিতরং ভীমোঽপি বিললাপ॥ ১-১৩৪-৬২ (৫৯৯৫)
অর্জুন উবাচ। ১-১৩৪-৬৩x (৭৯৭)
প্রনষ্টং ভারতং বংশং পাণ্ডুনা পুনরুদ্ধৃতম্।
তস্মিংস্তদা বনগতে নষ্টং রাজ্যমরাজকম্॥ ১-১৩৪-৬৩ (৫৯৯৬)
পুনর্নিঃসারিতং ক্ষত্রং পাণ্ডুপুত্রৈশ্চ পঞ্চভিঃ।
এতচ্ছ্রুৎবাঽনুমোদিৎবা গন্তুমর্হসি শঙ্কর॥ ১-১৩৪-৬৪ (৫৯৯৭)
ইত্যেবমুক্ৎবা পিতরং বিললাপ ধনঞ্জয়ঃ। ১-১৩৪-৬৫ (৫৯৯৮)
যমাবূচতুঃ।
দুঃসহং চ তপঃ কৃৎবা লব্ধ্বা নো ভরতর্ষভ॥ ১-১৩৪-৬৫x (৭৯৮)
পুত্রলাভস্য মহতঃ শুশ্রূষাদিফলং ৎবয়া।
ন চাবাপ্তং কিংচিদেব পুরা দশরথো যথা॥ ১-১৩৪-৬৬ (৫৯৯৯)
এবমুক্ৎবা যমৌ চাপি বিলেপতুরথাতুরৌ॥’ ১-১৩৪-৬৭ (৬০০০)
কুন্ত্যুবাচ। ১-১৩৪-৬৮x (৭৯৯)
অহং জ্যেষ্ঠা ধর্মপত্নী জ্যেষ্ঠং ধর্মফলং মম।
অবশ্যং ভাবিনো ভাবান্মা মাং মাদ্রি নিবর্তয়॥ ১-১৩৪-৬৮ (৬০০১)
অন্বিষ্যামীহ ভর্তারমহং প্রেতবশং গতম্।
উত্তিষ্ঠ ৎবং বিসৃজ্যৈনমিমান্রক্ষস্ব দারকান্॥ ১-১৩৪-৬৯ (৬০০২)
`অবাপ্য পুত্রাংল্লব্ধার্থান্বীরপত্নীৎবমর্থয়ে। ১-১৩৪-৭০ (৬০০৩)
বৈশম্পায়ন উবাচ।
মদ্ররাজসুতা কুন্তীমিদং বচনমব্রবীৎ॥’ ১-১৩৪-৭০x (৮০০)
অহমেবানুয়াস্যামি ভর্তারমপলাপিনম্।
ন হি তৃপ্তাঽস্মি কামানাং জ্যেষ্ঠা মামনুমন্যতাম্॥ ১-১৩৪-৭১ (৬০০৪)
মাং চাভিগম্য ক্ষীণোঽয়ং কামাদ্ভরতসত্তমঃ।
সমুচ্ছিদ্যামি তৎকামং কথং নু যমসাদনে॥ ১-১৩৪-৭২ (৬০০৫)
`মম হতোর্হি রাজাঽয়ং দিবং রাজর্পিসত্তমঃ।
ন চৈব তাদৃশী বুদ্ধির্বান্ধবাশ্চ ন তাদৃশাঃ॥ ১-১৩৪-৭৩ (৬০০৬)
ন চোৎসহে ধারয়িতুং প্রাণান্ভর্ত্রা বিনা কৃতা।
তস্মাত্তমনুয়াস্যামি যান্তং বৈবস্বতক্ষয়ম্॥ ১-১৩৪-৭৪ (৬০০৭)
বর্তেয়ং ন সমাং বৃত্তিং জাৎবহং ন সুতেষু তে।
তথাহি বর্তমানাং মামধর্মঃ সংস্পৃশেন্মহান্॥ ১-১৩৪-৭৫ (৬০০৮)
তস্মান্মে সুতয়োর্দেবি বর্তিতব্যং স্বপুত্রবৎ।
অন্বেষ্যামি চ ভর্তারং ব্রজন্তং যমসাদনম্॥’ ১-১৩৪-৭৬ (৬০০৯)
মাং হি কাময়মানোঽয়ং রাজা প্রেতবশং গতঃ।
রাজ্ঞঃ শরীরেণ সহ মামপীদং কলেবরম্॥ ১-১৩৪-৭৭ (৬০১০)
দগ্ধব্যং সুপ্রতিচ্ছন্নং ৎবেতদার্যে প্রিয়ং কুরু।
দারকেষ্বপ্রমত্তা ৎবং ভবেশ্চাভিহিতা ময়া।
অতোঽহং ন প্রপশ্যামি সংদেষ্টব্যং হিতং তব॥ ১-১৩৪-৭৮ (৬০১১)
`বৈশম্পায়ন উবাচ। ১-১৩৪-৭৯x (৮০১)
ঋষয়স্তান্সমাশ্বাস্য পাণ্ডবান্সত্যবিক্রমান্।
ঊচুঃ কুন্তীং চ মাদ্রীং চ সমাশ্বাস্য তপস্বিনঃ॥ ১-১৩৪-৭৯ (৬০১২)
সুভগে বালপুত্রা তু ন মর্তব্যং তথংচন।
পাণ্ডবাংশ্চাপি নেষ্যামঃ কুরুরাষ্ট্রং পরন্তপান্॥ ১-১৩৪-৮০ (৬০১৩)
অধর্মেষ্বর্থজাতেষু ধৃতরাষ্ট্রশ্চ লোভবান্।
স কদাচিন্ন বর্তেত পাণ্ডবেষু যথাবিধি॥ ১-১৩৪-৮১ (৬০১৪)
কুন্ত্যাশ্চ বৃষ্ণয়ো নাথাঃ কুন্তিভোজস্তথৈব চ।
মাদ্র্যাশ্চ বলিনাংশ্রেষ্ঠঃ শল্যো ভ্রাতা মহারথঃ॥ ১-১৩৪-৮২ (৬০১৫)
ভর্ত্রা তু মরণং সার্ধং ফলবন্নাত্র সংশয়ঃ।
যুবাভ্যাং দুষ্করং চৈতদ্বদন্তি দ্বিজপুঙ্গবাঃ॥ ১-১৩৪-৮৩ (৬০১৬)
মৃতে ভর্তরি সাধ্বী স্ত্রী ব্রহ্মচর্যব্রতে স্থিতা।
যমৈশ্চ নিয়মৈঃ পূতা মনোবাক্কায়জৈঃ শুভা॥ ১-১৩৪-৮৪ (৬০১৭)
ভর্তারং চিন্তয়ন্তী সা ভর্তারং নিস্তরেচ্ছুভা।
তারিতশ্চাপি ভর্তা স্যাদাত্মা পুত্রস্তথৈব চ॥ ১-১৩৪-৮৫ (৬০১৮)
তস্মাঞ্জীবিতমেবৈতদ্যুবয়োর্বিদ্ম শোভনম্॥ ১-১৩৪-৮৬ (৬০১৯)
কুন্ত্যুবাচ। ১-১৩৪-৮৭x (৮০২)
যথা পাণ্ডোস্তু নির্দেশস্তথা বিপ্রগণস্য চ।
আজ্ঞা শিরসি নিক্ষিপ্তা করিষ্যামি চ তত্তথা॥ ১-১৩৪-৮৭ (৬০২০)
যদাদ্দুর্ভগবন্তোঽপি তন্মন্যে শোভনং পরম্।
ভর্তুশ্চ মম পুত্রাণামাত্মনশ্চ ন সংশয়ঃ॥ ১-১৩৪-৮৮ (৬০২১)
মাদ্র্যুবাচ। ১-১৩৪-৮৯x (৮০৩)
কুন্তী সমর্থা পুত্রাণাং যোগক্ষেমস্য ধারণে।
অস্যা হি ন সমা বুদ্ধ্যা যদ্যপি স্যাদরুন্ধতী॥ ১-১৩৪-৮৯ (৬০২২)
কুন্ত্যাশ্চ বৃষ্ণয়ো নাথাঃ কুন্তিভোজস্তথৈব চ।
নাহং ৎবমিব পুত্রাণাং সমর্থা ধারণে তথা॥ ১-১৩৪-৯০ (৬০২৩)
সাঽহং ভর্তারমন্বিষ্যে সংতৃপ্তা নাপি ভোগতঃ।
ভর্তৃলোকস্য তু জ্যেষ্ঠা দেবী মামনুমন্যতাম্॥ ১-১৩৪-৯১ (৬০২৪)
ধর্মজ্ঞস্য কৃতজ্ঞস্য সত্যসন্ধস্য ধীমতঃ।
পাদৌ পরিচরিষ্যামি তথার্যাঽদ্যানুমন্যতাম্॥ ১-১৩৪-৯২ (৬০২৫)
বৈশম্পায়ন উবাচ। ১-১৩৪-৯৩x (৮০৪)
এবমুক্ৎবা তদা রাজন্মদ্ররাজসুতা শুভা।
দদৌ কুন্ত্যৈ যমৌ মাদ্রী শিরসাঽভিপ্রণম্য চ॥ ১-১৩৪-৯৩ (৬০২৬)
অভিবাদ্য মহর্ষীন্সা পরিষ্বজ্য চ পাণ্ডবান্।
মূর্ধ্ন্যুপাঘ্রায় বহুশঃ পার্থানাত্মসুতৌ তদা॥ ১-১৩৪-৯৪ (৬০২৭)
হস্তে যুধিষ্ঠিরং গৃহ্য মাদ্রী বাক্যমভাষত।
কুন্তী মাতা অহং ধাত্রী যুষ্মাকং তু পিতা মৃতঃ॥ ১-১৩৪-৯৫ (৬০২৮)
যুধিষ্ঠিরঃ পিতা জ্যেষ্ঠশ্চতুর্ণাং ধর্মতঃ সদা।
বৃদ্ধাদ্যুপাসনাসক্তাঃ সত্যধর্মপরায়ণাঃ॥ ১-১৩৪-৯৬ (৬০২৯)
তাদৃশা ন বিনশ্যন্তি নৈব যান্তি পরাভবম্।
তস্মাৎসর্বে কুরুধ্বং বৈ গুরুবৃত্তিমতন্দ্রিতাঃ॥ ১-১৩৪-৯৭ (৬০৩০)
বৈশম্পায়ন উবাচ। ১-১৩৪-৯৮x (৮০৫)
ঋষীণাং চ পৃথায়াশ্চ নমস্কৃত্য পুনঃপুনঃ।
আয়াসকৃপণা মাদ্রী প্রত্যুবাচ পৃথাং তদা॥ ১-১৩৪-৯৮ (৬০৩১)
মাদ্র্যুবাচ। ১-১৩৪-৯৯x (৮০৬)
ঋষীণাং সংনিধাবেষাং যথা বাগভ্যুদীরিতা।
দিদৃক্ষমাণায়াঃ স্বর্গং ন মমৈষা বৃথা ভবেৎ॥ ১-১৩৪-৯৯ (৬০৩২)
ধন্যা ৎবমসি বার্ষ্ণেয়ি নাস্তি স্ত্রী সদৃশী ৎবয়া।
বীর্যং তেজশ্চ যোগং চ মাহাত্ম্যং চ যশস্বিনাম্॥ ১-১৩৪-১০০ (৬০৩৩)
কুন্তি দ্রক্ষ্যসি পুত্রাণাং পঞ্চানামমিতৌজসাম্।
আর্যা চাপ্যভিবাদ্যা চ মম পূজ্যা চ সর্বতঃ॥ ১-১৩৪-১০১ (৬০৩৪)
জ্যেষ্ঠা বরিষ্ঠা ৎবং দেবি ভূষিতা স্বগুণৈঃ শুভৈঃ।
অভ্যনুজ্ঞাতুমিচ্ছামি ৎবয়া যাবনন্দিনি॥ ১-১৩৪-১০২ (৬০৩৫)
ধর্মং স্বর্গং চ কীর্তিং চ ৎবৎকৃতেঽহমবাপ্নুয়াম্।
যথা তথা বিধৎস্বেহ মা চ কার্ষীর্বিচারণাং॥ ১-১৩৪-১০৩ (৬০৩৬)
বৈশম্পায়ন উবাচ। ১-১৩৪-১০৪x (৮০৭)
বাষ্পসংদিগ্ধয়া বাচা কুন্ত্যুবাচ যশস্বিনী।
অনুজ্ঞাতাঽসি কল্যাণি ত্রিদিবে সঙ্গমোঽস্তু তে॥ ১-১৩৪-১০৪ (৬০৩৭)
ভর্ত্রা সহ বিশালিক্ষি ক্ষিপ্রমদ্যৈব ভামিনি।
সংগতাস্বর্গলোকে ৎবং রমেথাঃ শাশ্বতীঃ সমাঃ॥ ১-১৩৪-১০৫ (৬০৩৮)
বৈশম্পায়ন উবাচ। ১-১৩৪-১০৬x (৮০৮)
ততঃ পুরোহিতঃ স্নাৎবা প্রেতকর্মণি পারগঃ।
হিরণ্যশকলানাজ্যং তিলং দধি চ তণ্ডুলান্॥ ১-১৩৪-১০৬ (৬০৩৯)
উদকুম্ভাংশ্চ পরশুং সমানীয় তপস্বিভিঃ।
অশ্বমেধাগ্নিমাহৃত্য যথান্যায়ং সমন্ততঃ॥ ১-১৩৪-১০৭ (৬০৪০)
কাশ্যপঃ কারয়ামাস পাণ্ডোঃ প্রেতস্য তাং ক্রিয়াম্।
পুরোহিতোক্তবিধিনা পাণ্ডোঃ পুত্রো যুধিষ্ঠিরঃ॥ ১-১৩৪-১০৮ (৬০৪১)
তেনাগ্নিনাঽদহৎপাণ্ডুং কৃৎবা চাপি ক্রিয়াস্তদা।
রুদঞ্ছোকাভিসংতপ্তঃ পপাত ভুবি পাণ্ডবঃ॥ ১-১৩৪-১০৯ (৬০৪২)
ঋষীন্পুত্রান্পৃথাং চৈব বিসৃজ্য চ নৃপাত্মজ।’
নমস্কৃত্য চিতাগ্নিস্থং ধর্মপত্নী নরর্ষভম্॥ ১-১৩৪-১১০ (৬০৪৩)
মদ্ররাজসুতা তূর্ণমন্বারোহদ্যশস্বিনী॥ ১-১৩৪-১১১ (৬০৪৪)
`অহতাম্বরসংবীতো ভ্রাতৃভিঃ সহিতোঽনঘঃ।
উদকং কৃতবাংস্তত্র পুরোহিতমতে স্থিতঃ॥ ১-১৩৪-১১২ (৬০৪৫)
অর্হতস্তস্য কৃত্যানি শতশৃঙ্গনিবাসিনঃ।
তাপসা বিধিবচ্চক্রুশ্চারণা ঋষিভিঃ সহ॥ ॥ ১-১৩৪-১১৩ (৬০৪৬)

ইতি শ্রীমন্মহাভারতে আদিপর্বণি সংভবপর্বণি চতুস্ত্রিংশদধিকশততমোঽধ্যায়ঃ॥ ১৩৪ ॥

Mahabharata – Adi Parva – Chapter Footnotes

১-১৩৪-১৫ মধুভাধবে চৈত্রবৈশাখয়োঃ সংধৌ তদাত্মকে বসন্তে॥ ১-১৩৪-১৯ বয়ঃ স্থাং যুবতীম্। তনুবাসসং সূক্ষ্মবস্ত্রাং কিংচিদ্বিবৃতাঙ্গামিত্যর্থঃ॥ ১-১৩৪-২৩ কামপরীতাত্মা কামেন ব্যাপ্তচিত্তঃ॥ ১-১৩৪-২৫ বুদ্দির্ভয়নিশ্চয়ঃ। চেতসা বিচারেণ॥ ১-১৩৪-২৬ কালধর্মণা মৃত্যুনা॥ ১-১৩৪-২৮ তথাগতঃ মৃতঃ॥ ১-১৩৪-৩২ ৎবামত্যতিক্রান্তো বলাদাক্রান্তবান্। শোকাকুলৎবাদতিশব্দস্যাভ্যাসঃ॥ ১-১৩৪-৩৪ প্রহর্ষঃ কামঃ॥ ১-১৩৪-৩৬ আত্মা চিত্তম্। দিষ্টং শাপজং দুরদৃষ্টম্॥ ১-১৩৪-৬৯ প্রেতবশং প্রেতরাজবশম্। অন্বিষ্যাম্যনুগমিষ্যামি॥ চতুস্ত্রিংশদধিকশততমোঽধ্যায়ঃ॥ ১৩৪ ॥