আদিপর্ব – অধ্যায় ১২১
॥ শ্রীঃ ॥
১.১২১. অধ্যায়ঃ ১২১
Mahabharata – Adi Parva – Chapter Topics
পাণ্ডোঃ কুন্ত্যা বিবাহঃ॥ ১ ॥
Mahabharata – Adi Parva – Chapter Text
১-১২১-০ (৫৩৫৪)
বৈশম্পায়ন উবাচ। ১-১২১-০x (৭৩১)
সৎবরূপগুণোপেতা ধর্মারামা মহাব্রতা।
দুহিতা কুন্তিভোজস্য পৃথা পৃথুললোচনা॥ ১-১২১-১ (৫৩৫৫)
তাং তু তেজস্বিনীং কন্যাং রূপয়ৌবনশালিনীম্।
ব্যাবৃণ্বন্পার্থিবাঃ কেচিদতীব স্ত্রীগুণৈর্যুতাম্॥ ১-১২১-২ (৫৩৫৬)
ততঃ সা কুন্তিভোজেন রাজ্ঞাহূয় নরাধিপান্।
পিত্রা স্বয়ংবরে দত্তা দুহিতা রাজসত্তম॥ ১-১২১-৩ (৫৩৫৭)
ততঃ সা রঙ্গমধ্যস্থং তেষাং রাজ্ঞাং মনস্বিনী।
দদর্শ রাজশার্দূলং পাণ্ডুং ভরতসত্তমম্॥ ১-১২১-৪ (৫৩৫৮)
সিংহদর্পং মহোরস্কং বৃষভাক্ষং মহাবলম্।
আদিত্যমিব সর্বেষাং রাজ্ঞাং প্রচ্ছাদ্য বৈ প্রভাঃ॥ ১-১২১-৫ (৫৩৫৯)
তিষ্ঠন্তং রাজসমিতৌ পুরন্দরমিবাপরম্।
তং দৃষ্ট্বা সাঽনবদ্যাঙ্গী কুন্তিভোজসুতা শুভা॥ ১-১২১-৬ (৫৩৬০)
পাণ্ডুং নরবরং রঙ্গে হৃদয়েনাকুলাঽভবৎ।
ততঃ কামপরীতাঙ্গী সকৃৎপ্রচলমানসা॥ ১-১২১-৭ (৫৩৬১)
ব্রীডমান স্রজং কুন্তী রাজ্ঞঃ স্কন্ধে সমাসজৎ।
তং নিশম্য বৃতং পাণ্ডুং কুন্ত্যা সর্বে নরাধিপাঃ॥ ১-১২১-৮ (৫৩৬২)
যথাগতং সমাজগ্মুর্গজৈরশ্বৈ রথৈস্তথা।
ততস্তস্যাঃ পিতা রাজন্বিবাহমকরোৎপ্রভুঃ॥ ১-১২১-৯ (৫৩৬৩)
স তয়া কুন্তিভোজস্য দুহিত্রা কুরুনন্দনঃ।
যুয়ুজেঽমিতসৌভাগ্যঃ পৌলোম্যা মঘবানিব॥ ১-১২১-১০ (৫৩৬৪)
কুন্ত্যাঃ পাণ্ডোশ্চ রাজেন্দ্র কুন্তিভোজো মহীপতিঃ।
কৃৎবোদ্বাহং তদা তং তু নানাবসুভিরর্চিতম্।
স্বপুরং প্রেষয়ামাস স রাজা কুরুসত্তম॥ ১-১২১-১১ (৫৩৬৫)
ততো বলেন মহতা নানাধ্বজপতাকিনা।
স্তূয়মানঃ স চাশীর্ভির্ব্রাহ্মণৈশ্চ মহর্ষিভিঃ॥ ১-১২১-১২ (৫৩৬৬)
সংপ্রাপ্য নগরং রাজা পাণ্ডুঃ কৌরবনন্দনঃ।
ন্যবেশত তাং ভার্যাং কুন্তীং স্বভবনে প্রভুঃ॥ ॥ ১-১২১-১৩ (৫৩৬৭)
ইতি শ্রীমন্মহাভারতে আদিপর্বণি সংভবপর্বণি একবিংশত্যধিকশততমোঽধ্যায়ঃ॥ ১২১ ॥