আদিপর্ব – অধ্যায় ১১৮

আদিপর্ব – অধ্যায় ১১৮

॥ শ্রীঃ ॥

১.১১৮. অধ্যায়ঃ ১১৮

Mahabharata – Adi Parva – Chapter Topics

কংচিৎকালং ভীষ্মেণ রাজ্যপরিপালনানন্তরং পাণ্ডো রাজ্যেঽভিষেকঃ॥ ১ ॥

Mahabharata – Adi Parva – Chapter Text

১-১১৮-০ (৫২৪০)
বৈশম্পায়ন উবাচ। ১-১১৮-০x (৭১৪)
`ধৃতরাষ্ট্রে চ পাণ্ডৌ চ বিদুরে চ মহাত্মনি।’
এষু ত্রিষু কুমারেষু জাতেষু কুরুজাঙ্গলম্।
কুরবোঽথ কুরুক্ষেত্রং ত্রয়মেতদবর্ধত॥ ১-১১৮-১ (৫২৪১)
ঊর্ধ্বসস্যাঽভবদ্ভূমিঃ সস্যানি ফলবন্তি চ।
যথর্তুবর্ষী পর্জন্যো বহুপুষ্পফলা দ্রুমাঃ॥ ১-১১৮-২ (৫২৪২)
বাহনানি প্রহৃষ্টানি মুদিতা মৃগপক্ষিণঃ।
গন্ধবন্তি চ মাল্যানি রসবন্তি ফলানি চ॥ ১-১১৮-৩ (৫২৪৩)
বণিগ্ভিশ্চান্বকীর্যন্ত নগরাণ্যথ শিল্পিভিঃ।
শূরাশ্চ কৃতবিদ্যাশ্চ সন্তশ্চ সুখিনোঽভবন্॥ ১-১১৮-৪ (৫২৪৪)
নাভবন্দস্যবঃ কেচিন্নাধর্মরুচয়ো জনাঃ।
প্রদেশেষ্বপি রাষ্ট্রাণাং কৃতং যুগমবর্তত॥ ১-১১৮-৫ (৫২৪৫)
ধর্মক্রিয়া যজ্ঞশীলাঃ সত্যব্রতপরায়ণাঃ।
অন্যোন্যপ্রীতিসংয়ুক্তা ব্যবর্ধন্ত প্রজাস্তদা॥ ১-১১৮-৬ (৫২৪৬)
মানক্রোধবিহীনাশ্চ নরা লোভবিবর্জিতাঃ।
অন্যোন্যমভ্যনন্দন্ত ধর্মোত্তরমবর্তত॥ ১-১১৮-৭ (৫২৪৭)
তন্মহোদধিবৎপূর্ণং নগরং বৈ ব্যরোচত।
দ্বারতোরণনির্যূহৈর্যুক্তমভ্রচয়োপমৈঃ॥ ১-১১৮-৮ (৫২৪৮)
প্রসাদশতসংবাধং মহেন্দ্রপুরসন্নিভম্।
নদীষু বনখণ্ডেষু বাপীপল্বলসানুষু।
কাননেষু চ রম্যেষু বিজহ্রুর্মুদিতা জনাঃ॥ ১-১১৮-৯ (৫২৪৯)
উত্তরৈঃ কুরুভিঃ সার্ধং দক্ষিণাঃ কুরবস্তথা।
বিস্পর্ধমানা ব্যচরংস্তথা দেবর্ষিচারণৈঃ॥ ১-১১৮-১০ (৫২৫০)
নাভবৎকৃপণঃ কশ্চিন্নাভবন্বিধবাঃ স্ত্রিয়ঃ।
তস্মিঞ্জনপদে রম্যে কুরুভির্বহুলীকৃতে॥ ১-১১৮-১১ (৫২৫১)
কূপারামসভাবাপ্যো ব্রাহ্মণাবসথাস্তথা।
বভূবুঃ সর্বর্দ্ধিয়ুতাস্তস্মিন্রাষ্ট্রে সদোৎসবাঃ॥ ১-১১৮-১২ (৫২৫২)
ভীষ্মেণ ধর্মতো রাজন্সর্বতঃ পরিরক্ষিতে।
বভূব রমণীয়শ্চ চৈত্যযূপশতাঙ্কিতঃ॥ ১-১১৮-১৩ (৫২৫৩)
স দেশঃ পররাষ্ট্রাণি বিমৃজ্যাভিপ্রবর্ধিতঃ।
ভীষ্মেণ বিহিতং রাষ্ট্রে ধর্মচক্রমবর্তত॥ ১-১১৮-১৪ (৫২৫৪)
ক্রিয়মাণেষু কৃত্যেষু কুমারাণাং মহাত্মনাম্।
পৌরজানপদাঃ সর্বে বভূবুঃ পরমোৎসুকাঃ॥ ১-১১৮-১৫ (৫২৫৫)
গৃহেষু কুরুমুখ্যানাং পৌরাণাং চ নরাধিপ।
দীয়তাং ভুজ্যতাং চেতি বাচোঽশ্রূয়ন্ত সর্বশঃ॥ ১-১১৮-১৬ (৫২৫৬)
ধৃতরাষ্ট্রশ্চ পাণ্ডুশ্চ বিদুরশ্চ মহামতিঃ।
জন্মপ্রভৃতি ভীষ্মেণ পুত্রবৎপরিপালিতাঃ॥ ১-১১৮-১৭ (৫২৫৭)
সংস্কারৈঃ সংস্কৃতাস্তে তু ব্রতাধ্যযনসংয়ুতাঃ।
শ্রমব্যায়ামকুশলাঃ সমপদ্যন্ত যৌবনম্॥ ১-১১৮-১৮ (৫২৫৮)
ধনুর্বেদে চ বেদে চ গদায়ুদ্ধেঽসিচর্মণি।
তথৈব গজশিক্ষায়াং নীতিশাস্ত্রেষু পারগাঃ॥ ১-১১৮-১৯ (৫২৫৯)
ইতিহাসপুরাণেষু নানাশিক্ষাসু বোধিতাঃ।
বেদবেদাঙ্গতত্ৎবজ্ঞাঃ সর্বত্র কৃতনিশ্চয়াঃ॥ ১-১১৮-২০ (৫২৬০)
`বৈদিকাধ্যযনে যুক্তো নীতিশাস্ত্রেষু পারগঃ।
ভীষ্মেণ রাজা কৌরব্যো ধৃতরাষ্ট্রোঽভিষেচিতঃ॥ ১-১১৮-২১ (৫২৬১)
ধনুর্বেদেঽশ্বপৃষ্ঠে চ গদায়ুদ্ধেঽসিচর্মণি।
তথৈব গজশিক্ষায়ামস্ত্রেষু বিবিধেষু চ॥ ১-১১৮-২২ (৫২৬২)
অর্থধর্মপ্রধানাসু বিদ্যাসু বিবিধাসু চ।
গতঃ পারং যদা পাণ্ডুস্তদা সেনাপতিঃ কৃতঃ॥’ ১-১১৮-২৩ (৫২৬৩)
পাণ্ডুর্ধনুষি বিক্রান্তো নরেষ্বভ্যদিকোঽভবৎ।
অন্যেভ্যো বলবানাসীদ্ধৃতরাষ্ট্রো মহীপতিঃ॥ ১-১১৮-২৪ (৫২৬৪)
অমাত্যো মনুজেন্দ্রস্য বাল এব যশস্বিনঃ।
ভীষ্মেণ সর্বধর্মাণাং প্রণেতা বিদুরঃ কৃতঃ॥ ১-১১৮-২৫ (৫২৬৫)
`সর্বশাস্ত্রার্থতত্ৎবজ্ঞো বুদ্ধিমেধাপটুর্যুবা।
ভাবেনাগময়ুক্তেন সর্বং বেদয়তে জগৎ॥’ ১-১১৮-২৬ (৫২৬৬)
ত্রিষু লোকেষু ন ৎবাসীৎকশ্চিদ্বিদুরসংমিতঃ।
ধর্মনিত্যস্তথা রাজন্ধর্মং চ পরমং গতঃ॥ ১-১১৮-২৭ (৫২৬৭)
প্রনষ্টং শান্তনোর্বংশং সমীক্ষ্য পুনরুদ্ধৃতম্।
ততো নির্বচনং লোকে সর্বরাষ্ট্রেষ্ববর্তত॥ ১-১১৮-২৮ (৫২৬৮)
বীরসূনাং কাশিসুতে দেশানাং কুরুজাঙ্গলম্।
সর্বধ্রমবিদাং ভীষ্মঃ পুরাণাং গজসাহ্বয়ম্॥ ১-১১৮-২৯ (৫২৬৯)
ধৃতরাষ্ট্রস্ৎবচক্ষুষ্ট্বাদ্রজ্যং ন প্রত্যপদ্যত।
পারসবৎবাদ্বিদুরো রাজা পাণ্ডুর্বভূব হ॥ ১-১১৮-৩০ (৫২৭০)
`অথ শুশ্রাব বিপ্রেভ্যঃ কুন্তিভোজমহীপতেঃ।
রূপয়ৌবনসংপন্নাং সুতাং সাগরগাসুতঃ॥ ১-১১৮-৩১ (৫২৭১)
সুবলস্য চ কল্যাণীং গান্ধারাধিপতেঃ সুতাম্।
সুতাং চ মদ্ররাজস্য রূপেণাপ্রতিমাং ভুবি॥’ ১-১১৮-৩২ (৫২৭২)
কদাচিদথ গাঙ্গেয়ঃ সর্বনীতিমতাং বরঃ।
বিদুরং ধর্মতত্ৎবজ্ঞং বাক্যমাহ যথোচিতম্॥ ॥ ১-১১৮-৩৩ (৫২৭৩)

ইতি শ্রীমন্মহাভারতে আদিপর্বণি সংভবপর্বণি অষ্টাদশাধিকশততমোঽধ্যায়ঃ॥ ১১৮ ॥

Mahabharata – Adi Parva – Chapter Footnotes

১-১১৮-২ ঊর্ধ্বসস্যা প্রচুরসস্যা॥ ১-১১৮-১৮ শ্রমঃ শাস্ত্রাভ্যাসঃ। ব্যায়ামো বাহুয়ুদ্ধাদ্যভ্যাসঃ॥ ১-১১৮-২৮ নির্বচনং প্রশংসা॥ ১-১১৮-৩০ পারসবৎবাচ্ছূদ্রায়াং ব্রাহ্মণাজ্জাতৎবাৎ॥ অষ্টাদশাধিকশততমোঽধ্যায়ঃ॥ ১১৮ ॥