চর্যাচর্যটীকা
শ্রীমৎসদ্গুরুবকত্র, পঙ্কজরসাস্বাদস্ফুরদ্ধীদয়ো
নত্বা শ্রীকুলিশেশমদ্দৃধিয়ং শ্রদ্ধাপ্রসন্নাননঃ।
শ্রীলূয়ীচরণাদিসিদ্ধরচিতেহপ্যাশ্চৰ্য্যচর্য্যাচয়ে
সদ্বর্ত্মোপগমায়১ নির্ম্মলগিরাং টীকাং বিধাস্যে স্কুটম্ ॥২
| রাগপটমঞ্জরী | কাআতরুবরোত্যাদি। |
শ্রীমদগুরুচরণারবিন্দমকরন্দবিন্দুসন্দোহশান্তসন্তর্পিতানন্দস্তি- মিতহৃ[দ]য়ঃ সত্যদ্বয়মহামোহভ্রমজলধিমধ্যনিমগ্নাহশরণদীনজনসমুদ্ধরণকামো হি সিদ্ধাচার্য্যঃ [১] শ্রীলূইপাদঃ প্রণিধিপ্রেরিতাবতারণাৰ্থ কাঅতরুব্যাজেন সুদ্ধধৰ্ম্মপীঠিকাং প্রাকৃত-ভাসয়া রচিয়তিুমাহ কায়েত্যাদি। রূপাদয়ঃ পঞ্চস্কন্ধাঃ। ষড়িন্দ্রিয়াণি ধাতবো বিষয়াশ্চ গ্রাহ্যগ্রাহকগ্রহণোপলক্ষিতপল্লবত্বাৎ, কায়তরুবরত্বেন গৃহীতঃ। নম্বচেতনত্বাৎ কথং কায়স্তরুবরঃ। নৈষ দোষঃ। তথৈব বহিঃশাস্ত্ৰকারৈরপ্যুৎপ্রেক্ষালঙ্কারপরৈ কিঞ্চিদ্ ভেদাধিষ্ঠানং হি সাদৃশ্যম্ উদীরিতং। কিমুতাস্য প্রকৃত্যাভাষদোষবশাৎ চাঞ্চল্যতয়া প্রাকৃতসত্ত্বেনাচ্যুতিরূপো হি রাহুঃ। স এব কালঃ। কৃষ্ণপ্রতিপদ্দশায়াং প্রবিষ্টঃ । যস্মাৎ নন্দাভদ্রাজয়ারিক্তাপূর্ণাতিথিক্রমেণ সংবৃত্তিবোধিচিত্তমৃগাঙ্কং শোষং নয়তীতি। অয়মপ্যর্থং কৃষ্ণাচাৰ্য্যপাদৈরভিহিতঃ
বরগিরিকন্দরগুহির জগু [তহি] সএল বি তুট্টই।
বিমলসলিল সোস জাই যং কালাগ্নি পইট্টই ॥
তথাচ রতিবজ্রে।
পতিতে বোধিচিত্তে তু সৰ্ব্বসিদ্ধিনিধানকে।
মূর্চ্ছিতে স্কন্ধবিজ্ঞানে কুতঃ সি [২ক] দ্ধিরনিন্দিতা ॥
তথাচ সংপুটোদ্ভবতন্ত্ররাজে।
অনল্পসংকল্পতমোভিভূতং প্রভঞ্জন্মোত্ততড়িচ্চলঞ্চ।
রাগাদিদুর্ব্বারমলাবলিপ্তং চিত্তং হি সংসারমুবাচ বজ্ৰী ॥
তস্মাৎ যে কেচিৎ প্রাদেশিকাঃ পরিপক্ককুশলাঃ ভগবতঃ পঞ্চক্রমপ্রবেশোপায়ধারণপূর্ব্বেণ যুগনদ্ধরাপং সহজানন্দফলং সততমন্বেষয়ন্তি তেহপি বজ্রোপসমাধিং৩ সাক্ষাৎ কুৰ্ব্বন্তি। আর্য্যদেবাপাদৈরপ্যুক্তং পঞ্চক্রমানুপূৰ্ব্বেণ বিনা
নিষ্পন্নক্রমসন্বোধি সাক্ষাৎ কর্ত্তুং ন প্রাপ্যতে।
দিটকরীত্যাদি। অনেনোপাশকসম্বরাদ্যানুপূর্ব্বা৪ যথা পরিপাট্যাভিষিক্তো যোগিবরঃ সময়সঙ্কেতদ্রব্যাপহারণ৫ সদ্গুরুসারার্ধ্যাদ্ধরাত্রৌ৬ প্রজ্ঞাজ্ঞানাভিষেক[ং] লবধ্বা দৃঢ়ং যথা ভবতি। তথা মহাসুখং চতুর্থানন্দা[ং] ত্বং পরিমাণয়।
ভণই লুই ইত্যাদি। তস্মিন কুলিশারবিন্দসংযোগাক্ষরসুখোপায়ং শ্রীগুরুন্ পৃষ্ট্বা বিরমানন্দে ব্যাপ্যব্যাপকতয়া সর্ব্বধৰ্ম্মা[২খ]নুপলম্ভরূপং সহজানন্দমহাসুখং অহর্নিশং জানীহি। তথাচ শ্রীসমাজে
ন বিনা বজ্রগুরুণা সর্ব্বক্লেশপ্রহাণকং।
নির্ব্বাণঞ্চ পদং শান্তমবৈবৰ্ত্তিকমাপ্নয়াৎ ॥
তথাচ নাগার্জ্জুনপাদৈঃ বজ্রজাপে চোক্তং।
গিরীন্দ্রমূর্দ্ধনঃ প্রপতেত্তু কশ্চিন্ নেচ্ছেচ্চ্যুতিং হি চ্যবতে তথাপি।
গুরুপ্রসাদাপ্তহিতোপদেশ ইচ্ছেন্ন মোক্ষঞ্চ তথাপি মুক্তঃ ॥
সরহপাদৈরপ্যুক্তং প্রবন্ধে।
যা সা সংসারচক্রং বিরচয়তি মনঃসন্নিযোগাত্মহেতোঃ
সা বীর্যস্য প্রসাদাদ্দিশঁতি নিজভুবঃ স্বামিনো নিষ্প্রপঞ্চ[ম]।
তচ্চ প্রত্যাত্মবেদ্যং সমুদয়তি সুখকল্পনাজলমুক্তং
কুর্যাৎ তস্যাংঘ্ৰিযুগ্মং শিরসি সবিনয়ং সদ্গুরোঃ সর্ব্বকালং ॥
শ্ৰীহেবজ্রেহপি।
আত্মনা জ্ঞায়তে পুণ্যাৎ গুরুপৰ্ব্বোপসেবয়া।
পদান্তরেণ মহারাগনয় সমাধ্যুদ্দী পয়ন্ননুশংসামাহ। সঅল সমাহীত্যাদি। ভগবতৈব নয়ভেদেনানংতাপৰ্য্যন্তাঃ সমাধয়ো দশাকুশলপরিহারায় ইন্দ্রিয়নিরোধায় নির্দিষ্টাঃ। তৈ [৩খ] রত্র সমাধিভিঃ মহারাগনয়ে সুখরহিতত্বাৎ দুষ্করপোষধাদিনিয়মৈশ্চ কিঞ্চিন্ন ক্রিয়তে ॥অতঃ শ্রীসমাজে।
দুষ্করৈর্ন্নিয়মৈস্তীব্রৈর্মূৰ্ত্তিঃ শুষ্যতি দুঃখিতা।
দুঃখাদ্ধি ক্ষিপ্যতে চিত্তং বিক্ষেপাৎ সিদ্ধিরন্যথেতি ॥
তথাচ শ্ৰীহেবজ্রে।
রাগেণ বধ্যতে লোকো রাগেণৈব বিমুচ্যতে।
বিপরীতভাবনা হ্যেষা ন জ্ঞাতা বুদ্ধতীর্থিকৈরিতি ॥
এবং মহাসুখাবঘাতেন রহিতত্বেন বুদ্ধতীর্থিকো বহূনি দুঃখান্যনুভূয়োৎপদ্যন্তে ম্রিয়ন্তে চ। ন তে তস্য ভাগিনঃ। তথাচাগমঃ।
তত্ত্বহীনা ন সিধ্যন্তি কল্পকোটিশতৈরপীতিবচনাৎ।
মহারা[গ]নয়চর্য্যামপ্যাহ। শ্রীসমাজে।
পঞ্চ কামান্ পরিত্যজ্য তপোভিন্নং চ পীড়য়েৎ।
সুখেন সাধয়েদ্ বোধিং যোগতন্ত্রানুসারতঃ ॥
তনুতরচিত্তাঙ্কুরকো বিষয়রসৈৰ্যদি ন সিচ্যতে শুদ্ধৈঃ।
গগনব্যাপী ফলদঃ কল্পতরুত্বং কথং লভতে॥
মহারাগনয়চর্য্যার্থনিষ্যন্দিসাক্ষাৎপ্রমাণান্যন্যেষাং বিত-[৪ক]থজ্ঞানাভিনিবিষ্টানাং আগ্রহখণ্ডনর্থং তৃতীয়পদমাহ। এড়িএড় ইত্যাদি। পশ্চাচ্ছন্দমোড্ডিয়ানকরণাদিবন্ধম্বিহায় শূন্যতাপক্ষকেতি নৈরাত্মধর্ম্মং পাশমিতি সমীপং তদীয়ালিঙ্গনং কুরু। রে সম্বোধনং ভো মোক্ষশীলাঃ। তথা চাগমঃ।
এতানি তানি শিখরাণি সমুন্নতানি
সৎকায়দৃষ্টিবিপুলাচলসংস্থিতানি।
নৈরাত্মবেরাধকুলিশেন বিদারিতাত্মা
ভেদম্প্রয়াতি সহজৈরপি দুঃখশৈলৈঃ ॥
চতুর্থপদেন যথাভূতধর্ম্ম্যমাহাত্ম্যদৃষ্টপ্রত্যয়তামাহ। ভণই. ইত্যাদি। আদিসিদ্ধাচাৰ্য্যলূয়ীপাদ এবং বদতি। ময়া লূয়ীপাদেন সিদ্ধাচার্য্যেণ ধ্যানবসেনেতি। মনোবিজ্ঞানে বিষয়েন্দ্রিয়বলয়ত্বাৎ। শ্রীগুরৌ চতুর্থোপদেশলব্ধাভ্যাসেন যুগনদ্ধরূপং দৃষ্টং। তথা চাগমে।
ইন্দ্রিয়াণি স্বপন্তীব মনোন্তর্বিশতীব চ।
নষ্টচেষ্ট ইবাভাতি কায়ঃ সৎসুখমূর্চ্ছিতঃ ॥
ধবনং শশিশুদ্ধ্যালিনা চবণং রবিশু- [৪খ] দ্ধ্যা কালিনা। তদুভাভ্যামাস নং কৃত্বা স্বদেবতাহঙ্কারোপবিষ্টঃ সন্ সাক্ষাৎ কৃতং। তথাচ দ্বিকল্পে।
আলিকালিসমাযোগো বজ্রসত্ত্বস্য বিষ্টরং ইতি॥১॥৭
তমেব মহাসুখরাজানং স্বানন্দসবপানপ্ৰমোদমনসা কুক্কুরীপাদাঃ সন্ধ্যাভাষয়া প্রকটয়িতুমাহুঃ। দুলীত্যাদি। দ্বয়াকারং যস্মিন্ লীনং গতং মখাসুখকমলং। দুলি সন্ধ্যাসঙ্কেতে বোদ্ধব্যং। কূৰ্ম্মমুদ্রাপ্রসঙ্গাৎ আনন্দাদিক্রমদ্বারেণ তস্য দোহনং সংবৃত্তিবোধিচিত্তং তৎ অবধূতীমা-[৫খ] র্গেণ গত্বা পীঠকে বজ্রমণৌ পতৎ ধরণং ন যাতি। বালযোগিনস্তস্য ধরণে ন সঁমর্থাঃ। তথাচ কৃষ্ণাচাৰ্য্যপাদাঃ।
এহু সো উদ্ধমেরু ধরণিধর সমবিষম উত্তার ণ পাবই।
ভণই কাহ্ন দুল্লক্খ দুরুবগাহ কো মণে পরিভাবই॥
তস্মাৎ গুরুপারম্পৰ্য্যক্রমজনিতযোগীন্দ্রাঃ কায়াবৃক্ষস্য ফলং তদেব বোধিচিত্তং চিঞ্চাফলবৎ বক্রং। কুম্ভীরমিতি। বিলক্ষণপরিশোধিতকুম্ভকসমাধিনা স্বানুভবক্রমেণ চ তস্য ভক্ষণং নিঃস্বভাবীকরণং কুৰ্ব্বন্তি। ধ্রুবপদেন দৃঢ়ীকুর্ব্বন্নাহ অঙ্গনমিতি। ব্যুত্থানবাতমুৎপ্রেক্ষাপ্রবেশঞ্চ বোদ্ধব্যং। বিআতীতি আত্মনি পরিশুদ্ধাবধূতীরূপমধিমুচ্য যোগীন্দ্রো বদতি ভোঃ পরিশুদ্ধাবধূতীকে শৃণু প্রথমং বজ্ৰজাপোপদেশেন বিরমানন্দা-বধূতীগৃহমুভয়ং নয়। তস্মিন্ গৃহে পূনর্দ্ধরাত্রৌ চতুর্থীসন্ধ্যায়াং কানেট ইত্যাদি। তদেব প্রবেশাদিবাতদোষবিভবং সহজানন্দচৌরেণ হৃতং।
দ্বিতী-[৫খ]য় পদেন তমেবার্থং প্রতিনির্দেশয়তি। সসুরেত্যাদি। ত্বরিতাদিশ্বাসং চতুর্থান[ন্দং] .যোগনিদ্রাং নীত্বা হবধূতীশব্দসন্ধ্যয়া অনাদিভববিকল্পঞ্চ ধৃত্বা প্রকৃতিপরিশুদ্ধাবধূতীরূপেন যোগিন্যোহপ্যহর্ন্নিশং জাগরণং কুর্ব্বন্তি। কানেট্ট৮ প্রভাস্বরচোরেণ প্রবেশাদিবাতদোষো যদা নীতস্তদা গ্রাহ্যাদ্যভাবে যোগীন্দ্রো দশদিশি ক্বাপি কিঞ্চিন্ন প্রার্থয়তি। দ্বিতীয়পরিশুদ্ধাবধূতীভেদেন সত্যদ্বয়স্যানুশংসামাহ দিবসই ইত্যাদি। মৃদ্বাদ্যধ্যাসয়ে ভেদেন সাহবধূতীকা সংবৃত্ত্যা শুক্ররূপেণ ত্রৈলোক্যং নির্ম্মায় পুনঃ স্বয়মেব দিবাদিঞ্জানমুৎপাদ্য। কাড়ই ইতি। কায়কালপুরুষায় বিভেতি সন্ত্রস্তা ভবতি। তথা চা [গ]মঃ।
যথা চিত্রকরো রূপং যক্ষস্যাতিভয়ঙ্করং।
সমালিখ্য স্বয়ং ভীতিঃ সংসারে হব্যুধস্তথা॥
রাত্রীতি। প্রজ্ঞাজ্ঞানেন প্রকৃতিপরিশুদ্ধাবধূতিকা পঞ্চস্কন্ধাদীন্ অভিষিচ্য। কামরুরিতি। স্বয়মেব মহাসুখচক্রস্বস্থানে নির্ব্বিকল্পং গচ্ছতি। [৬ক] তথাগমঃ।
স্বস্থানস্থঃ সহজপবনঃ কল্পনাজালমুক্তঃ
শাস্তস্তোষং কিমপি জনয়ত্যেষ শূন্যস্বভাবঃ।
অস্মাদ্ গুর্ব্বাহিতবহুকৃপোপায়হেতোরবাধ্য-
সংসারেহস্মিন্ প্রভবতি সদানন্দসত্ত্বার্থৃত্যঃ॥
অতিদৌর্লভ্যপ্রতিপাদনা[য়] চতুর্থপদমাহ । অইসনীত্যাদি। ঈদৃশ্যতীব নিম্প্রপঞ্চচর্য্যা যোগীন্দ্রস্য, স্থিতির্ব্বিহরণাদিকং কুক্কুরীপাদে নৈবাভিহিতং। অস্যার্থো যোগীকোটীনাং মধ্যে যদ্যেকযোগিহৃদয়েহন্তর্ভবতীতি। তথাচ কৃষ্ণাচাৰ্য্যপাদাঃ।
লোঅ গব্ব সমুব্বহই হঊঁ পরমত্থে পবীণ।
কোড়িঅ মঝেঁ একু জই হোই নিরঞ্জনলীন॥২॥৯
পরিশুদ্ধভেদেন তামবধূতিকাং বিরুআপাদাঃ পরমকরুণাম্রেড়িতমনসা নিঃসংশয়ং প্রকটয়িতুমাহুঃ এক সে শুণ্ডিনীত্যাদি। এককা ষটপথযোগাৎ সা অবধূতিকা শুণ্ডিনী ঊর্দ্ধনাসা ঘণ্টিকারন্ধ্রে চন্দ্রসূর্য্যৌ বামদক্ষিণৌ প্রৌঢ়যোগী বলবন্তৌ দ্বৌ সন্ধয়তি মধ্যমায়াং প্রবেশয়তি। এতেন স্বাধিষ্ঠানং দ্রঢ়য়তি। পুনঃ স্বয়মেব আগত্যাধোনাসায়াং বজ্ৰমণিশিখরশুসিরে বোধিচিত্তং বিন্দুমবিদ্যাবীজদ্বেষাকল্করহিতেন প্রভাবস্বরেণ গুরূপদেশাদভিসন্ধ্য বারুণীতি সুখপ্রমোদত্বাৎ বোধিচিত্তং বন্ধয়তি।
ধ্রুবপদেন পরমার্থবোধিচিত্তং দৃঢ়ীকুর্ব্বন্নাহ সহজেতি। বজ্রগুরুপ্রসাদাৎ বিরমানন্দেন সহজানন্দং স্থিরীকৃত্য ভো বালযোগিন্। বারুণীতি সন্ধ্যাবচনেন তদে-[৭ক] ব সংবৃত্তিবোধিচিত্তং বোদ্ধব্যং। তস্য বোধিচিত্তস্য স্বাধিষ্ঠানগতস্যাক্ষরতাসুখপাশেন বন্ধনং কৃত্বা যেনাভ্যাসবিশেষেণাহজরামরত্বং দৃঢ়স্কন্ধং লভসে তৎ কুরু। তথাচ যোগরন্তমালায়াং।
দৃঢ়ং সারমশৌষীৰ্য্যমচ্ছেদ্যাভেদ্যলক্ষণং ।
অদাহী অবিনাশী চ শূন্যতা বজ্ৰ উচ্যতে॥
পদান্তরেণাস্য, প্রতিনির্দ্দশমাহু দশমীত্যাদি। বৈরোচনদ্বারেহপি মহারাগসুখপ্রমোদচিহ্নং দৃষ্ট্বা গন্ধৰ্ব্বসত্ত্বো হি স্বয়মেবাগত্য তেন দ্বারেণ প্রবিশ্য মহাসুখকমলরসপানেন সূচিতপ্রীণনং করোতি । তথাচ কৃষ্ণাচার্যপাদাঃ ।
এবংকার বীঅ লই কুসমিঅ অরবিন্দ হো
মহুঅররূপং সুরঅবীর জিংঘই মঅরন্দ [হো]।
ভণই কাহ্নু মণ কহবি ণ ফিট্টই
ণিচল পবণ ঘরণি ঘরে বট্টই॥
চতুর্থোপদেশমাহ এক ঘড়ুলীত্যাদি। সৈব পূৰ্ব্বোক্তাবধূতিকা সংবৃত্তিপরমার্থসত্যদ্বয়ং ঘটতীতি কৃত্বা ঘটী আভাসদ্বয়নিরোধাৎ [৭খ] সূক্ষ্মরূপা। বিরুআপাদাঃ এবং বদন্তি। তয়া শুক্রনাড়িকায়া গুরোরুপদেশাৎ তমপতিতং বোধিচিত্তং স্থৈর্য্যং কৃত্বা নিস্তরঙ্গরূপেণ চালয়। তথা সেকোদেশে।
যাবন্নো প[ত]তি প্রভাবস্বরময়ঃ শীতাংশুধারাদ্রবো
দেবীপদ্মদলোদরে সমরসীভূতো জিনানাং গণৈঃ।
স্ফুর্জ্জদ্বজ্ৰশিখাগ্রতঃ করুণায়াভিন্নং জগৎকারণং
গর্জ্জদ্ধীকরুণালয়স্য সহজং জানীহি রূপং বিভোঃ॥৩॥১০
তমেবার্থং শ্ৰীহেরুকচ-[৮খ] র্য্যাগমেন গুণ্ডরীপাদা অন্যেষু নিঃস্বভাবং প্রতিপাদয়ন্তি তিঅড়েত্যাদি। ললনা রসনা অবধূতিকা নাড্যঃ ত্রিনাড্যং চাপয়িত্বা নিরাভাসকৃত্য সৈব পরিশুদ্ধাবধূতিকা নিরাত্মাযোগিনী । অঙ্কবালীতি। অঙ্কং স্বচিহ্নং সাধকায় দদাতি তং পালয়তি চ। অথবা বিচিত্রাদিলক্ষণযোগেনানন্দাদিক্রমং দদাতি। পুনস্ সৈব ভাবকস্যাবিরতাভিযোগাদাশ্বাসং দদাতি।
কমলকুলিশমিতি। ভো যোগিবর সম্যক্কুলিশাব্জসংযোগঘৃষ্টো আনন্দসন্দোহতয়া। বিকালিমিতি কালরহিতাং মহামুদ্রাং সিদ্ধিং সাক্ষাৎ কুরু। অতএব মহাসুখং লংপটোহহং ভাবকঃ ॥এবং বদতি। ভো নৈরাত্মাযোগিনি ত্বয়া বিনা ক্ষীণৈকং দুর্ব্বারবেগচপলত্বাৎ। প্রাণবাতধারণে ন সমর্থোহহং। তথা চা [গ]মঃ।
উৎপাদস্থিতিভঙ্গেষু অন্তরাভবসংস্থিতিঃ।
যাবতী কল্পনা লোকে বায়ুশ্চিত্তবিজৃম্ভিতং॥
তব বক্ত্রং সহজানন্দং পুনশ্চুম্বয়িত্বা কমলরসমিতি [৮খ] উষ্ণীষকলমধুমদনং পরমার্থবোধিচিত্তং গুরুসম্প্রদায়াদ্বিরমানন্দকালিঞ্জরসময়ে করোমী। তথা চ শ্ৰীহেবজ্রে।
অভব্যং ডিণ্ডিমং প্রোক্তং ভব্যং কালিঞ্জরস্ম[হৎ]।
পদান্তরণে যোগিন্যননুশংসামাহ১১। ক্ষেপেত্যাদি। ক্ষেপাৎ স্বস্থানযোগাৎ। সা বোধিচিত্তরূপা নৈরাত্মযোগিনী বিলক্ষণশোধিতাহনন্দেন মণিমূলেন মোহমলাবলিপ্তা ভবতীতি। পুনস্তস্মিন্ ক্রীড়ারসমনুভূয় মণিমূলাদূর্দ্ধং গত্বা গত্বা মহাসুখচক্রে অন্তর্ভবতীতি। অতঃ কৃষ্ণাচাৰ্য্যপাদৈরভিহিতং॥
এহু সো গিরিবর কহিঅ মই এহু সে মহাসুহ-ঠাব।
এক্কু রঅণি মহু সহজ লব্ভই মহাসুহ জাব॥
তৃতীয়পদেন পরিশুদ্ধিমাহ সাসু ইত্যাদি। প্রথমং তাবৎ যোগীন্দ্রেণ দেবতাযোগপূৰ্ব্বকং কায়বজ্র[ং] দৃঢ়ীকৃত্য বজ্ৰজাপোপদেশন চন্দ্রসূৰ্য্যয়োঃ পক্ষগ্রহং খণ্ডয়িত্ব বাগ্বজ্রং স্থিরীকৃত্য চিত্তবজ্রদৃঢ়ীকরণায় সব বিরমানন্দাবধূতিকা সহজানন্দৈকলোলীভাবনং১২ শ্বাসমাগারং সুমেরুশিখরং নীত্বা। কুঞ্চিকেতি। তালসংপুঢ়ীকরণে মণিমূলদ্বারনিরোধং কৰ্ত্তব্যমাত্মানং সংবোধ্য স্বয়মেব বদত্যনুপূৰ্ব্বিকাং। তথাচ কৃষ্ণাচার্যপাদাঃ।
জহি মণ পবণ গঅণ দুআরে দিঢ়তাল১৩ বি দিজ্জই।
জই তসু ঘোর অন্ধারেঁ মণি দিঅহো কিজ্জই॥
জিন পরুঅণ উঅরেঁ জই অম্বরু ছুপ্যই।
ভণই কহ্ন ভব ভুঞ্জন্তে নিব্বাণ বি সিজ্ঝই॥
বজ্রোপমসমাধিসাক্ষাৎকারণেন সিদ্ধাচার্য্যো হি গুড্ডরী স্বয়মেব অনুশংসামাহ। ভণইত্যাদি। অন্যেষাং সম্প্রদায়বহির্মুখযোগিনীযোগিনাং মধ্যে কুন্দুরেণ। দ্বীন্দ্রিয়সমাপত্তিং যোগাক্ষরসুখেন ক্লেশারিমর্দ্দনাদ্বীরোহহং। পুনরপি তেষাং মধ্যে। চীরামিতি। যোগীন্দ্রচিহ্নমষ্টগুণৈশ্বর্য্যাদিময়োদ্ধৃতমভিজ্ঞাসন্দর্শনার্থং॥৪॥১৪
তমেব যথাভূতার্থঞ্চাটিল্লপাদাঃ। শব্দান্তরেণ প্রকটয়ন্তি। ভ[ব]ণই ইত্যাদি। পূর্ব্বোক্তললনারসনাদ্যাভাষত্ৰয়ং পারাবা[া] রগম্ভীরেত্বন নদীসন্ধ্যয়া বোদ্ধব্যং। দিবারাত্রৌ চ সন্ধ্যায়াং বিষয়োল্লোলমুৎপদ্যতে বিনশ্যতি চ। অতএব গহন[ং] ভয়ানকং। প্রকৃতিদোষাদ্ গভীরং। ষট্পথদ্বারেণ মূত্রপুরীষাদিকং চ প্রবহতীতি। অতএব অন্তদ্বয়ং পারাবারং বামদক্ষিণং চিখিলমিতি প্রকৃতিদোষপঙ্কানুলিপ্তং। মধ্যে তস্যা থাহং। অবধুত্যাঃ প্রমা[১০ক]ণস্বরূপং কর্ত্তুং ন পাৰ্য্যতে বালযোগিনা।
ধ্রবুপদেন চতুর্থানন্দমুদ্দীপয়ন্না[হ]। ধর্ম্মাথং স্বলক্ষণধারণাৎ ঘটপটস্তম্ভকুম্ভাদিভূতবিকারঃ। তস্য স্বরূপেণ নাস্তি রূপমিতি॥ শ্ৰীহেরুকতন্ত্রতত্ত্বপটলোক্তবিচারানুপলম্ভতয়া। চাটিলসিদ্ধাচাৰ্য্যঃ। শত্রমমিতি সংবৃত্তিপরমার্থয়োরৈক্যং গুরুসম্প্রদায়ায় ঘটয়তি। তথা চ সরহপাদাঃ।
সুন্ন করুণ জো পুণু জোহু ণবেন বিকসই।
ণো ভব নো নিব্বাণে থক্কই।
অহবা কেবল করুণা ভাবই।
জন্মসহস্রেঁ মোক্খ ন পাবই॥
অনেন সিদ্ধাচার্য্যোপায়েন মোক্ষাৎসুককা যে যোগিনঃ। তেহপি নিয়তং সংসারসমুদ্রস্য পারঙ্গচ্ছন্তীতি। পদান্তরোণোক্তর্থব্যক্তিকরণমাহ। ফাড়িঅ ইত্যাদি। মোহতরুং বিষয়ং ব্যাবৃতিবশাৎ১৫ তমেব সংবৃতিবোধিচিত্তবৃক্ষং পাটয়িত্বা তস্য বিষয়গ্রহং খণ্ডয়িত্বা সততালোকং পাটকেন সহ একীকরণং ঘটয়তি। পূনরস্য (১০খ] ফলপ্রতিপাদনায় যুগনদ্ধপরশুনা দৃঢ়ং করোতীতি।
তৃতীয়পদেন মার্গস্যানানুশংসামাহুঃ। সাঙ্কম ইত্যাদি। স্বাধিষ্ঠানপ্রভাবস্বরয়োরেক্যং সংক্রমং জিনস্য সত্ত্বানাং সংসারসমুদ্রপারকরণায়। ভো যোগিনঃ। তত্রারূঢ়ে সতি বামদক্ষিণচন্দ্রসূর্য্যাভাসৌ পূৰ্ব্বং বজ্রজাপং নিরোধাৎ পুনরপি পশ্চাদ্ভাব[ং] মা চিন্তয়িষ্যথ। এতেনাভ্যাসবশেন বোধিমহাসমুদ্রসিদ্ধির্ন দূ[র]তরা। অতীবসন্নিহিতেব। ততো বিমাৰ্গং মা যতথা১৬ দূরং মা গচ্ছথেত্যর্থঃ॥ যোগাস্পদেন চতুর্থপদমাহ জই তুম্হেত্যাদি। আভাসত্রয়মহামোহনদ্যাঃ পারগমনং যদীষ্যতে ভো যোগিনস্তদা সিদ্ধাচার্য্যোপদেশপারম্পর্য্যেণাঁনুত্তরধৰ্ম্মস্বামিনমাহ। পৃচ্ছথেতি। অতএব সহজানন্দোপদেশং জানাম্যহং নিশ্চিমিতি। অন্যযোগিনস্তথাবিধন্ন জানন্তি পুস্তকদৃষ্টগৰ্ব্বত্বাৎ। তথাচ কৃষ্ণাচাৰ্য্যপাদৈরভিহিতং দোহাকোষে।
সহজ এক্কু পর অচ্ছি তহি [১১খ] ফুড় কাহ্ণূ পরিজাণই।
সত্থাগম বহু পঢ়ই সুণই বড় কিম্পি জানই॥৫॥১৭
তমেবার্থং পরার্থায় করুণান্দোলিতচিত্তেন ভুসুকুপাদো হরিণাশব্দসন্ধ্যাাভাষয়া কথয়তি কাহেরেত্যাদি। অনাদিকালমাদায়াসংপ্রজন্যদোষেণ মৃত্যুমারবিষাবেষ্টিতঃ সন্ মারমা[ে]রতি হাকং মম চিত্তহরিণেন শ্রুতং।
ইদানীং গুরুচরণরেণুপ্রভাবাৎ তং বিহায় সৰ্ব্বধৰ্ম্মানুপলংভতয়া গ্রাহ্যগ্ৰাহকাভাবত্বাৎ ক্কাপি গৃহী-[১১খ] ত্বা মুক্ত্বা স্থিতোহহম্। ধ্রুবপদেন দৃ[ঢ়]য়তি। অপণেত্যাদি অত এবং স্বয়ং কৃতাবিদ্যামাৎসর্য্যদোষেণ চাঞ্চল্যতয়া পু[ন]ঃ স এব চিত্তহরিণাঃ সৰ্ব্বেষাং বদ্ধবৈরী। ক্ষণমপি চিত্তং চিত্তহরিণং বিহায় ভুসুক্কুপাদাহখেটিকঃ। সদগুরুবচনবাণেনান্যং প্রহরতি। তমেবমিতি। তথাচ বোধিচর্য্যাবতারে।
ইমং চৰ্ম্মপুটং তাবৎ স্ববুদ্ধ্যৈব পৃথক্ কুরু।
অস্থিপঞ্জরতো মাংসং প্রজ্ঞাশন্ত্রেণ মোচয়॥
অস্থীন্যাপি পৃথক্ কৃত্বা পশ্যন্ জ্ঞানমনস্ততঃ।
কিমত্র সারমস্তীতি স্বয়মেব বিচারয়॥
চিত্তহরিণস্য নিঃসংশয়ং প্রতিপাদনায় আহ। তিণ ন খণ্ডই ইত্যাদি। যথা বাহৈ[র]মৃগৈস্তৃণচ্ছেদনির্ঝরপানং ক্রিয়তে। তদ্বচ্চিত্তহরিণন্ন করোতি। বিশিষ্য বিচারস্বরূপেণ তয়োশ্চিত্তপবনয়ো[র] নিলয়ন্নিবাস ইন্দ্রিয়দ্বারেণ নাবগম্যতে। তথাচ কৃষ্ণাচাৰ্য্যপাদৈরভিহিতং দোহাকোষে।
বরগিরিশিহর উতুঙ্গ থলি শব-[১২ক]রেঁ [জ]হি কিঅ বাস।
নৌ সো লংঘিঅ পঞ্চাননেহিঁ করিবর দূরিঅ আস॥
তৃতীয়পদেন কায়পবনবিষয়পল্লবোপসংহারমাহ। হরিণীত্যাদি। বিষপানভবগ্রহান্ হরতি খণ্ডয়তি হরিণীতি সন্ধ্যাভাষয়া সৈব জ্ঞানমুদ্রা নৈরাত্মা ভাবকস্যাভ্যাসপ্রকর্ষবশাৎ আশ্বাসং ভো চিত্তহরিণ অস্য কায়বনস্য কায়গ্রহং বিহার যন্মহাসুখকমলবলবনং১৮ গত্বা বিভ্রান্তিবিকল্পৈশ্চচার। তথাচ সহজসম্বরে।
সৰ্ব্বব্যাপি নিরাভাষি করুণৈকরসং মনঃ।
আলিঙ্গতি ঝটিত্যেষা বৃষস্যন্তী চ শূন্যতা॥
চতুর্থপদেনাধিমাত্রাধিমাত্রস্যানুসংসামাহ॥ তরঙ্গতে হরিণা ইত্যাদি। সহজজ্ঞানাববোধেন যোগিনস্তস্য স্বচিত্তহরিণস্যাবয়বাদিবকিল্পন্ন কল্পয়তি। যেহপি বহিশাস্ত্রাগমাভিমানিনঃ পণ্ডিতা[ঃ] তেপ্যস্মিন্ ধৰ্ম্মে সংমূঢ়া১৯ দূরতরাঃ। ভুসুকুপাদসিদ্ধাচার্য্যো হি বদতি। তেষাং হৃদয়ে কিঞ্চিৎ তত্ত্বোন্মীলতমাত্ৰন্ন ভবতীতি। যদুক্তং [১২খ] ভগবতা চতুর্দেবীপরিপৃচ্ছামহাযোগতন্ত্রে।
চতুরাশীতিসাহস্রং ধৰ্ম্মস্কন্ধে মুনেঃ…।
তত্ত্বং যে ন [হি] জানন্তি তে সৰ্ব্ব নিষ্ফলয়ায় বৈ॥ ৬॥২০
জগদর্থকরুণাভারস্তিমিতহৃদয়াঃ কৃষ্ণাচার্য্যাপাদাস্তমেবার্থং বিশেষ[া]য়তু[ম] আহুঃ। আলীত্যাদি। উক্তার্থস্বদেবতাযোগপূর্ব্বকবজ্ৰজাপোপদেশং লব্ধা কৃষ্ণাচার্য্যোণালিনা লোকজ্ঞানেন কালিনা লোকভাসেন চ এককৃত্যাধূতীমার্গং সুদৃঢ়ং রুদ্ধতং পুনঃ স-[১৩ক]দ্গুরুপ্রসাদাৎ প্রকৃতিপরিশুদ্ধাবধূতিকারূপেণ কৃষ্ণাচাৰ্য্যপাদা বিশিষ্টমনসো ভূতাঃ। কাহ্ণ কহিঁ গই ইত্যাদি। ধ্রুবপদেন নিজবাসারোপণখণ্ডনমাহুঃ। স্বয়মেবাত্মানং সম্বোধ্য বদন্তি ভোঃ কৃষ্ণবজ্রপাদাঃ ব্যাপ্যব্যাপকরূপেন সুখেন ব্যাপিতং জগদিতি। শ্রীমদ্ধেরুতন্ত্ররা[জো]ক্তার্থামামুখীকরণাৎ কুত্র স্থানে অস্মাভির্ন্নিবাসঃ করণীয়ঃ স তন্ময়ত্বাৎ। যেহপি যোগিনো মনোগোচরা মনেন্দ্রিয়বোধপ্রধানা ভবন্তি তেহপ্যস্মিন্ ধৰ্ম্মে উদাসাঃ সদূরতরা এব। তথাচ সরহপাদাঃ।
জহি মণ পবণ ন সঞ্চরই রবি শশি নাহি পবেশ।
তুহি বট চিত্ত বিসাম কর সরহেঁ কহি উববেস॥
দ্বিতীয়পদেন তং দ্যোতয়ন্ত আহুঃ। তে তিনি ইত্যাদি। বাহ্যে স্বর্গমর্ত্যরসাতলমধ্যাত্মে কায়বাক্চিওদিবারাত্রিসন্ধ্যাযোগযোগিণীতন্ত্রাদিকং বোদ্ধব্যং। এতৈরন্যোন্যং মহাসুখব্যাপকত্বেন ভেদোপলব্ধিলক্ষণং নাস্তি যোগিনাং পরমার্থবিদাং। তথাচাগমঃ।
স্বৰ্গমর্ত্তপাতলমে [১০খ] কমূর্ত্তি ভবেৎ ক্ষণাৎ।
ইতি বচনাৎ। এতদর্থা[ং] চর্য্যাপাদেনোক্তমস্তি।
আঁতে তিসেঁ নব তিসিঁ এঁ তিঅ মণ্ডল নাহি বিসেষে।
ইত্যাদি বিস্তরং সকলধম্মাধিগমানেন কৃষ্ণাচাৰ্য্যপাদা বদন্তি। ভববিকল্পছেদকা বয়মিতি।
তৃতীয়পদেন স্বকীয়ানুশংসামাহুঃ জে জে ইত্যাদি। যে যে ভাব[া] উৎপন্নান্তে তে ভাবা বিলয়ঙ্গতাঃ এষামুৎপাদভঙ্গেষু সংবৃতিসত্যস্বভাব পরিজ্ঞানেন গুরুপ্রসাদত্বাৎ কৃষ্ণাচাৰ্য্যচরণা বিশিষ্টমনসঃ পরিশুদ্ধভূতাঃ । তথাচাগমঃ।
ভবস্যৈব পরিজ্ঞানে নির্ব্বাণমিতি কথ্যতে।
চতুর্থপদেন চাত্মানুশংসামাহুঃ। হেরি সে ইত্যাদি। স্বয়মাত্মানং সম্বোধ্য বদন্তি ভো কৃষ্ণবজ্রপাদাঃ পঞ্চক্রমানুপূর্ব্ব্যা পূনর্জিনপুরং মহাসুখপুরং অতীব মম সন্নিহিতং বৰ্ত্ততে। তথা চ নাগার্জ্জুনপাদাঃ।
উৎপত্তিক্রমসংস্থানাং উৎপন্নক্রমকাঙিক্ষণাং।
উপায়শ্চেষ সংবুদ্ধৌ সোপানমিব নির্ম্মিতঃ॥৭॥২১
পরমকরুণানন্দমুদিতহৃদয়[ঃ] কম্বলাম্বরপাদা[ঃ] করুণাব্যাজেন [ত]মেবার্থং দ্যোতয়ন্ত আহুঃ সোণেত্যাদি[।] করুণেতি সন্ধ্যাভাষয়া তমেব বোধিচিত্তং নাবীতি উৎপ্রেক্ষালঙ্কারপরং বোদ্ধব্যং। তাং তাদাত্মতয়া সর্ব্বাকারবরোপেতশূন্যতয়া সদ্গুরুপ্রসাদর[সং] সংপূৰ্য্য মহাসুখচক্রগমনসমুদ্রোদ্দেশনাত্মানং সংবোধ্য সিদ্ধাচার্যকমলাম্বরপাদা বাহয়ন্তি।
রূপেত্যাদি রূপবেদনাসংজ্ঞাসংস্কারবিজ্ঞানাদীনামনেন স্থানভেদং নাস্তি। সর্ব্বমেব তন্ময়ত্বৎ। এতেন চতুর্থোপায়নোবাহনেন বিনা মম সিদ্ধাচার্যস্য গতং [১৪খ] জন্মান্তরং ব্যাঘুটতীত্যৰ্থঃ। ইত্যাত্মানং সম্বোধ্য বদতি কংবলাংবরপাদঃ। নির্ব্বিকল্পপ্রবাহাভ্যাসং কুরু। তথাচ অপ্রতিষ্ঠান-[প্র]কাশে।
যাবান্ কশ্চিৎ বিকল্পঃ প্রভবতি মন[স]স্ত্যাজারূপো হি তাবান্
যোহসাবানন্দরূপঃ পরমাসুখকরঃ সোহপি সঙ্কল্পমাত্রঃ।
যো বা বৈরাগ্যভাবস্তদপি তদুভয়ং তদ্ভবস্যাগ্রহেতু
নির্ব্বাণং নান্যদস্তি ক্কচিদপি বিষয়ে নির্ব্বিকল্পাত্মচির্ত্তাৎ॥
তথাচ বোধিচর্য্যাবতারে।
মানুষ্যং নাবমাসাদ্য তর দুঃখমহানদীং।
মূঢ়২২ কালো ন নিদ্রায়া ইয়ান্নৌ র্দুর্লভা পুনঃ॥
পদান্তরেণ তমেবার্থং দ্যোতয়ন্নাহ। খংটাত্যাদি। প্রথনে খুণ্টিকা আভাষদোষং সদ্গুরুবাক্য[ং] দৃঢ়ীকৃত্য উৎপাদ্য ভো যোগিবর। কচ্ছিকা অবিদ্যাসত্রং২৩ চ মুক্তীকৃত্য দ্রুতঃ তস্যাঃ প্রবাহং কুরু। এতেনাভাষবিশেষণ অনুত্তরধর্ম্মসাক্ষাৎবাটিকাচিত্ব হি ভবতীতি নাত্র সংশয়ঃ।
তৃতীয়পদেন গুরোরসংপ্রদায়াৎ বিপর্য্যয়মাহ। মাঙ্গতেত্যাদি। মার্গং বিরমানন্দং গত্বা চতুর্দিশং গ্রাহ্যাদি বি-[১৫ক] ন[া] সংসারে পততি। তথাচ চর্য্যাপাদঃ।
খালত পড়িলেঁ কাপুর নাশই ইতি।
যঃ পুনঃ সদ্গুরুবচনেন পবিপঙ্কজসুখাম্বেষণং করোতি স ভবজলধৌ পারং গচ্ছতীতি। তথাচ কৃষ্ণাচার্য্যপাদাঃ।
জো সংবেঅণ মণরঅণ অহরহ সহজ ফংরত।
সো পরু জাণই ধর্ম্মগই অন্ন কি মুনঅ কহন্ত॥
চতুর্থপদেন ফলব্যক্তীকরণমাহ। বামদাহিণেত্যাদি। বামদক্ষিণমাভাসদ্বয়ং মধ্যমায়াং প্রবেশয়িত্বা। মার্গবিরানন্দগতং বোধিচিত্তং নিজজ্ঞানপরিশোধিতং। মহাসুখচক্রসমুদ্রোদ্দেশেন যদা মিলিতং তস্মিন্ মার্গে মহাসুখসঙ্গনৈরাত্মাজ্ঞানাভিসংগং ময়া প্রাপ্তমিতি॥৮॥২৪
[১৫খ]
ঘনানন্দোৎকীর্ণতয়া কৃষ্ণাচাৰ্য্যপাদাশ্চিত্তগজেন্দ্ৰশব্দসন্ধ্যাভাষয়া তমেবার্থং উৎপ্রেক্ষয়ন্ত আহুঃ। এবংকার ইত্যাদি। একারঃ চন্দ্রপ্রভাসং বংকারঃ সূৰ্য্যমুভয়ং দিবারাত্রিজ্ঞং বাখোড় স্তম্ভদ্বয়ং মর্দ্দয়িত্বা নিরাভাসীকৃত্য বজ্রজাপক্ৰমেণ। অপরং বিবিধপ্রকারানবধূতীব্যাপকবন্ধান্২৫ তোড়িঅ তোড়য়িত্বা এষাং ত্রয়াণামনুপলম্ভাসবপানেন প্রমত্ত[ঃ] সন্ জ্ঞানগজেন্দ্রকৃষ্ণাচাৰ্য্যচরণাঃ। নলিনীবনং মহাসুখকমলং [প্রবেশং] কৃত্বা নির্ব্বিকল্পাকারে ক্রীড়ন্তীতি। তথাচাৰ্য্যনাগার্জ্জুনপাদাঃ।
বাহ্যং যত্তদসৎ স্বভাবরিরহাৎ জ্ঞানঞ্চ বীক্ষ্য চ্যবৎ
শূন্যং যৎ পরিকল্পিতং তদপি চাশূন্যং মতং কেবলম্।
ইত্যেবং পরিভাব্য ভাববিভবং নিৰ্ব্বিণ্ণতত্তৈবধী[র]
মায়ানাটকনাটনৈক২৬-নিপুণো যোগীশ্বরঃ ক্রীড়তি॥
পদান্তরে-[১৬ক] ণ তমেবাহুঃ। জিম জিমেত্যাদি। যথা বাহ্যকরী করিণ্যামীর্য্যামদং বহতি। তদ্বম্ভগবতীনৈরাত্মসঙ্গতয়া চিত্তগজেন্দ্রকৃষ্ণাচাৰ্য্যপাদাঃ তথতামদং প্রবর্ষন্তি। অতএব তৃতীয়পদেন ভাবানাং স্বরূপোপলব্ধিমাহুঃ। ছড়িগই ইত্যাদি। অন্তজা জরায়ুজা উপপাদুকা[ঃ] সংস্বেদজা দেবাসুরাদিপ্রকৃতিকাঃ। সর্ব্বে ভাবাঃ স্বভাবেন পরিশুদ্ধা যোগীন্দ্রস্য। বালাগ্রমপ্যপরিশুদ্ধং কিঞ্চিন্ন বিদ্যতে। তথাচ মধ্যমকশাস্ত্রঃ।
নাপনেয়মতঃ কিঞ্চিৎ প্রক্ষেপ্তবং ন কিঞ্চন।
দ্রষ্টব্যং ভূততো ভূতং ভূতদর্শী বিমুচ্যতে॥
চতুর্থপদেন পরিপক্ককুশললক্ষণমাহুঃ। দশবলেত্যাদি। দশবলবৈশারদ্যাদিগুণযুক্তং তথাতারত্নং দশদিগ্ব্যাপকতয়া অনুভবাভ্যাসবলেন হারিতমম্মাকং অতএব তথতারত্নপ্রভাবেণাবিদ্যাকরীন্দ্রস্যানাসঙ্গেণ মদনং২৭ কুরু॥৯॥২৮
[১৬খ]
তমেবার্থং নৈরাত্মধর্ম্মাধিগমেন কৃষ্ণপাদাঃ। ডোম্বীশব্দসন্ধ্যাভাসয়া কথয়ন্তি। নগরীত্যাদি অস্পৃশযোগত্বাৎ। ডোম্বীতি পরিশুদ্ধাবধূতী নৈরাত্মা বোদ্ধব্যা। ব্ৰহ্মণেতি ব্ৰহ্মহূঁকারবীজজাতং চপলযোগত্বাৎ চিত্তবটুকং। অসংপ্রদায়যোগিনাং বোধিচিত্তং সংবৃত্তিশুক্ররূপং মণিমূলাদ্ বিরমানন্দাৎ স্পৃষ্ট্বা গচ্ছসি ভো নৈরাত্মা। নগরিকেতি। [১৭ক] রূপাদিবিষয়সমূহং বোদ্ধব্যং। তস্য বাহ্যে। ইন্দ্রিয়াণামগোচরত্বেন২৯ গুরুসংপ্রদায়ৎ তবাগারং মহাসুখচক্রং ময়া সিদ্ধাচার্যেণ কৃষ্ণপাদেনাবগতমিতি৩০।
অলো ডোম্বীত্যাদি। ভো ডোম্বি নৈরাত্মে ত্বয়া সহ ময়াভিসঙ্গঃ কর্ত্তব্যঃ। যাদৃশ[ঃ] স্বভাব[ঃ] তাদৃশো নির্ঘৃণো লজ্জাদিদোষরহিতোহহং। তেনাহং সততং নিরন্তর[ং] গৃহীত্বা প্রজ্ঞোপায়াত্মিকাং মহামুদ্রাং সিদ্ধিং লভে। তথাচ শ্ৰীহেবজ্রে।
প্রজ্ঞোপায়াত্মকং তন্ত্রং তন্মে নিগদিতং শৃণু॥
দ্বিতীয়পদেনাভ্যাসস্থানমাহ। এক সো ইত্যাদি। পদ্মৈকং নির্ম্মাণচক্রং চতুঃযষ্টিদলযুক্তং তত্র স্থিত্বা ভগবত্যা নৈরাত্ময়া সহ একরসতয়া মহারাগানন্দসুন্দরোহি কৃষরাচার্য্যো নৃত্যতি। তথাচ শ্রীহেবজ্রে
নাট্যং কুরু হেরুকরূপেণানুস্মৃতিশ্রুতিযোগতঃ॥
তৃতীয়পদেন নৈরাত্মাধিগমং দৃঢ়ীকরোতি। হঞ্চু লো ইত্যাদি। ভো নৈরাত্মে সদ্ভাবেন স্বরূপাশয়েন ত্বাং পৃচ্ছাম্যহং সৰ্ব্বধর্ম্মনৈরা-[১৭খ]ত্ময়া কস্য সংবৃত্তিবোধিচিত্তা নৌকামাৰ্গেণ যাতায়াতং করোষি। ন করোষীত্যর্থঃ। সৰ্ব্বসহজময়ত্বেনতি। তথাচ শ্ৰীহেবজ্রে।
তস্মাৎ সুহজং জগৎ সৰ্ব্বত্র সহজং স্বরূপমচ্যুতে।
স্বরূপমেব নির্ব্বাণং বিশুদ্ধাকারচেতসা॥
চতুর্থপদেন নৈরাত্মধৰ্ম্মস্বরূপমাহ। তান্তীত্যাদি। তন্ত্রীতি ভগং পদ্মস্থানং অবিদ্যারূপং। চাঙ্গিমিত্যাদি। তস্য পল্লবং বিষয়াভাসং। ঐতয়োঃ শ্রীগুরুপাদপ্রসাদাত্ম(ম)বিক্ৰণয়ং পরিত্যাগং করোসি ভো ডোম্বি নৈরাত্মে। অতএব নটবৎ সংসারপেটকং ময়া পরিত্যক্তং তবান্তরেণেতি।
পঞ্চমপদেন যোগীন্দ্রস্য সপ্রপঞ্চচর্যামাহ। তু লেত্যাদি। ভো ডোম্বি নৈরাত্মে । স্বরূপতয়া ত্বাং ভদ্রেণ সদ্গুরুপ্রসাদাৎ জানামি। হউঁ কাপালিকঃ। চর্য্যাধরশ্চ। কং তব সুখং পালিতুং সমর্থঃ। অতএব তবান্তরেণ ময়া কৃষ্ণাচার্যেণ ষট্তথাগতচক্রীকুণ্ডলকণ্ঠিকাদিরংশুচর্ষাং বিধৃত্য বাহ্যমন্ত্রতন্ত্রনিরপেক্ষ্যতয়া পঞ্চব-[১৮ক] র্ণ্ণ-বিহরণং কৃতং। তথাচ কৃষ্ণাচাৰ্য্যপদাঃ।
একু ন ক্কিজই মন্ত ন তন্ত
নিঅঘরণী লই কেলি করন্ত।
নিঅ ঘরেঁ ঘরণী জাব ণ মজ্জই।
তাব কি পঞ্চবাণ্ণ বিহরিজ্জই॥
ষষ্ঠপদেন ডোম্বিনীদ্বিধাভেদমাহ। সরবরেত্যাদি। গুরুসংপ্রদায়বিহীনস্য সৈব ডোম্বিনী অপরিশুদ্ধাবধূতিকা। সরোবরং কায়পুষ্করং তন্মূলং তদেব বোধিচিত্তং সংবৃত্ত্যা শুক্ররূপং মারয়ামি। নিঃস্বভাবীকরোমি। তথাচ বহি[ঃ]শাস্ত্রে।
শা বিত্তী কিম্পি জলং যত্তু বিশেষণে গৌরবং লহেই।
অহিমুহ পড়িঅ গরলং চ্ছিপ্পি মুত্তানং৩১কুণেই॥১০॥
লাড়ীডোম্বীপাদানাম্ সূনেত্যাদি। চর্য্যায়া ব্যাখ্যা নাস্তি॥৩২
[১৮খ]
পরমমহানন্দসুন্দরো হি কৃষ্ণাচাৰ্য্য[ঃ] পূনরপি তমেবার্থং প্রতিপাদয়ন্নাহ। নাড়ীত্যাদি। নাড়িকা দ্বাত্রিংশ[ন] নাড়িকাঃ শক্তিস্তাসাং মধ্যে প্রধানাবধূতিকা বিরমানন্দরূপা গুরুপ্রসাদাৎ৩৩ মণিমূলে বিধৃত্য খট্টাঙ্গমিতি খংশূন্যতা৩৪ প্রভাস্বরেণ৩৫ সহজং সংস্পৃশ্য। অনাহতং ডমরুশব্দং বীরনাদেন শূনতাসিংহনাদেন নদিতস্ সন্ কৃষ্ণাচার্য্যো হি কাপালিকঃ। দেহনগরিকাং প্রবিশ্য প্রচারেণ ক্লেশভক্ষণাদিনয়েন একাকারতয়া বিহরতি ভ্ৰমতীতি।
দ্বিতীয়পদেন যোগিকালঙ্কারমাহ। আলীত্যাদি। প্রথমন্তাবৎ যোগীন্দ্রেণ বজ্রজাপপরিশোধিতচন্দ্রসূর্যাদিকেন ঘন্টানূপুরাদিযোগিকালঙ্কারং কৃতমিতি।
তৃতীয়পদেন পুনরপ্যলঙ্কারমাহ। রাগ ইত্যাদি। তেনৈব ম-[১৯ক] হাসুখরাগবহ্নিনা রাগদ্বেষাদিকং দগ্ধ্বা তেন ভস্মনা বিলিপ্তাঙ্গো ভূয় বজ্রসত্ত্বরূপেণা[ত্মা]নমালক্ষ্য পরমমোক্ষমুক্তাহারমণ্ডিতো হি ভ্ৰমতীতি।
চতুর্থপদেন কপালচর্য্যামাহ। মারীত্যাদি। শ্বাসং পূর্ব্বোক্তামনঃপবনং তমধিকৃত্য চক্ষুরিন্দ্রিয়াদিবিজ্ঞানবাতং নানাপ্রকারং বোদ্ধব্যং। তং নি[ঃ]স্বভাবীকৃত্য। অবিদ্যাং চ মায়ারূপং প্রজ্ঞোপায়াভেদোপচারেণ কৃষ্ণাচাৰ্য্যঃ। জগতি জগদর্থাশয়েন বজ্রকাপালিকো ভূত্ব ভ্ৰমতীতি। তথাচ দউড়ীপাদাঃ।
প্রাণী বজ্রধরঃ কপালবনিতাতুল্যো জগৎস্ত্রীজনঃ
সোহহং হেরুকমূৰ্ত্তিরেষ ভগবান্ যো নঃ প্রভিন্নোহপি [চ]।
শ্রীপদ্মং মদনঞ্চ ণোকুদহনং কুর্ব্ব্ং যথা গৌরবাৎ
এতৎ সৰ্ব্বমতীন্দ্রিয়ৈকমনসা যোগীশ্বরঃ সিধ্যতি॥১১॥৩৬
[১৯খ]
পুনরপি তমেবার্থং দ্যূতক্রীড়াধ্যানেন প্রকথয়ন্তি কৃষ্ণাচাৰ্য্যপাদাঃ। করুণেতি স্বাধিষ্ঠানচিত্তরূপং চিত্তং বোদ্ধব্যং। পিড়ীতি। তস্যাশ্রয়সপ্তদোষাঃ সমাধিমলা বোদ্বাব্যাঃ। তান্ ফাটয়িত্বা নিরাসীকৃত্য। নয়ং মন্ত্রনয়রহস্যং চতুর্থানন্দবলং তমেব বোধিচিত্তং বজ্রগুরোরুপদেশাৎ সম্যক্কুলিশাব্জসংযোগেন উভয়োরেকতয়া অবিরতানন্দাভিযোগেন ক্রীড়াং কুৰ্ব্বন্ সন্ ভববলং বিষয়াভাসবলং। অক্লেশবশেন অস্মাভিঃ কৃষ্ণাচাৰ্য্যৈর্জিতমিতি।
ধ্রুবপদেন স্পষ্টয়ন্নাহুঃ। ফীটেত্যাদি। প্রথমমেব বজ্রজাপক্ৰমেণাভাসদ্বয়ং ফীটমিতি নিঃকৃন্তিতং। পুনঃ ঠকুরমবিদ্যাচিত্তং উপকারিকোপদেশেনেতি। রাগান্তে [২০ক] বিরমানন্দোদয়সময়ে বোধিচিত্তাক্ষরোপদেশেনাবিরতানন্দেন কৃষ্ণাচার্যস্য জিনবর[ং] স্বয়মেব সন্নিধানাগত্য মিলিতমিতি। তথাচ দউড়ীপাদাঃ।
রাগান্তে বিরমপ্রবেশসময়ে৩৭ চন্দ্রে স্বভাবস্থিতি[র্]
যা বিত্তি৩৮ র্মনসঃ প্রবৃত্তিপরা বয়োর্ন্নি[রু]দ্ধা গতিঃ।
তৎকালে যদনন্যসম্ভবসুখং সাক্ষাৎ পরং তৎপদং।
তত্র স্বানুভবো হি যস্য স পুনঃ সিদ্ধো মহামুদ্ৰয়াঃ॥
দ্বিতীয়পদেনাভ্যাসাতিশ[য়]ক্রমতাং কথয়ন্নাহুঃ৩৯ পহিলেমিত্যাদি। বড়িকেতি সন্ধ্যাভাসয়া ষষ্ট্যুত্তরশতপ্রকৃতয়ো বজ্রজাপক্রমেণ প্রথমে নিঃস্বভাবীকৃত্য পুনরপি গঅবরেণেতি যোগীন্দ্রস্য তথতাচিত্তগজেন্দ্রেণ পঞ্চস্কন্ধাত্মক[ং] চ পঞ্চবিষয়স্যাহংকারমমকারাদিভূষণাং প্রহাত্য নিৰ্ম্মদঃ কৃত্বা সাক্ষাৎকৃতমিতি।
তৃতীয়পদেন তং দ্যোতয়ন্ত আহুঃ। মতিএমিতি। মত্যা প্রজ্ঞাপারমিতানুবুদ্ধ্যা। ঠকুরমিতি সংক্লেশারোপিতাচিত্তং পরিনিৰ্ব্বা-[২০খ] ণারোপিতং কৃতং। অতএব ভববলং ভাবগ্রামবলং রূপাদিবিষয়ং। সুব্যগ্রসমগ্রং৪০ কৃত্বা জিতস্মাভিঃ।[।] তথাচ নাগার্জ্জুনপাদৈঃ।
স্বেন চিত্তেন তে বালা সংসারে বন্ধনং গতাঃ।
যোগিনস্তেন চিত্তেন সুগতানাং গতিং গতাঃ॥
চতুর্থপদেনাত্মনো যোগাস্পদস্যানুশংসামাহ। ভণ ইত্যাদি। কৃষ্ণাচার্য্যোহি বদতি দায়ং প্রাভৃতাশয়াভিপ্রায়ং চতুঃষষ্টিকোষ্টকে নির্ম্মাণচক্রে স্থিরীকৃত্য স্বচিত্তং প্রকৃতিপ্রভাবস্বরূপং৪১ গৃহ্ণামি॥১২॥৪২
উক্তার্থদৃঢ়ীকরণায় তৈশ্চর্য্যা [২১] রভিহিতং। তিশরণেত্যাদি। এয়ং কায়বাক্চিত্তং। যস্মিন্ চতুর্থে শর[ণং] লীন[ং]গতং। তং মহাসুখকায়ং নৌকাসন্ধ্যাভাষয়া বোদ্ধব্যম্। অতএব শূন্যতাকরুণয়োরৈক[্য]ং নিজদেহযুগনদ্ধরূপং তেন মহাসুখকায়েন। অঠকুমারীতি বুদ্ধৈশ্বর্য্যাদিসুখমনুভুতম্।
ধ্রুবপদেন চতুর্থোপায়স্যানুশ[ং]সামাহুঃ। তরিত্তা ইত্যাদি। তেন চতুর্থানন্দোপায়নৌকয়া ভবসমুদ্রং কৃষ্ণাচার্য্যেণ তীর্ণং মায়াময়ং স্বপ্নোপমং চ কৃত্বেতি। মধ্যবেণিকায়াং পরমানন্দে স্বাধিষ্ঠানচিত্তস্য তরঙ্গমুল্লোলসুখং ভুক্তং ময়েতি ইত্যাত্মবেদনং ন প্রতীক্ষ্যতে। তথাচ নাগার্জ্জুনপাদাঃ অপ্রতিষ্ঠানপ্রকাশে।
যাবান্ কশ্চিৎ বিকল্পঃ প্রভবতি মনসি ত্যাজ্যরূপো হি তাবান্
যোহসাবানন্দরূপঃ পরমসুখকরঃ সোহপি সংকল্পমাত্রঃ।
যো বা বৈরাগ্যভাবস্তদপি তদুভয়ং তদ্ভবস্যাগ্রহেতু
নিৰ্ব্বাণাণ্ণান্যদস্তি ক্বচিদপি বিষয়ে নির্ব্বিকল্পাত্মচিত্তাৎ॥
দ্বিতীয়পদেন স্কন্ধপরি-[২১খ]ণতিমাহ। পঞ্চতথাগতেত্যাদি। বিশুদ্ধপঞ্চতথাগতাত্মকং স্বে দেহং কেনিপাতং পরিকল্প্য মহাসুখনৌকাং গৃহীত্বা স্বয়মাত্মানং সম্বোধ্য ভো কৃষ্ণ[া]চাৰ্য্যপাদাঃ মায়াজালবৎ স্কন্ধধাত্বাদিবিষয়সমুদ্রস্য বাধাং কুরু॥ তথাচ সূতকে।
স্কন্ধশ্চ ধাতুশ্চ তথেন্দ্রিয়াণি পঞ্চৈব [পঞ্চৈব] স্কৃতপ্রভেদাঃ।
তথাগতাধিষ্ঠিত এক একশঃ সংসারকর্ম্মাণি কুতো ভবন্তি॥
তৃতীয়পদেন নিঃসন্দেহপ্রতিপাদনায় ভাবনাবিশুদ্ধিমাহুঃ। গন্ধ্যেতাদি। বাহ্যং গন্ধরসস্পর্শাদিবিষয়ং যথৈবাস্তি তথৈবাস্তু। সর্ব্বধৰ্ম্মস্বরূপাবগমেনাস্মাৎ প্রতি নিদ্ৰাস্ত্যানরহিতং তথা জাগ্ৰদবস্থায়াং স্বপ্নবৎ প্রতিভাতি। তথাচ সূতকে।
সুপ্তপ্রবুদ্ধে তু ন চার্থভেদঃ সংকল্পয়েৎ স্বপ্নফলাভিলাষী।
রাত্রিন্দ্রিবং স্বপ্নমূপেতি জন্তু মহাপ্রযত্নেন চিরেণ সিদ্ধিঃ॥
চতুর্থপদেন মার্গস্যানুশংসামাহুঃ। চিঅ ইত্যাদি। সর্ব্বাকারবরোপেতশূন্যতানৌমার্গে [২২ক] চিত্তকর্ণধারং সমারোপ্য তৎপ্রসঙ্গেন কৃষ্ণাচার্যচরণাঃ মহাসুখচক্রদ্বীপং গতাঃ॥ ১৩৪৩
তমেবার্থ[ং] পরমকরুণাম্রেড়িতসিদ্ধাচার্য্যোহি ডোম্বী। নৌকাপ্রবাহব্যাজেন প্রকটয়তি। গঙ্গেত্যাদি। গঙ্গাযমুনেতি সন্ধ্যয়া চন্দ্রাভ্যাসসূর্য্যাভাসৌ গ্রাহ্যগ্রাহকৌ। যস্যা শুক্রনাড়িকা বিরমানন্দাব-[২২খ]ধূতিকায়া মধ্যে বৰ্ত্ততে। সা এব নৌ সন্ধ্যাভাষয়া বোদ্ধব্যা।
সদ্গুরু ইত্যাদি বিলক্ষণশুদ্ধা। তত্র স্থিত্বা সহজযানপ্রমত্তাঙ্গী ডোম্বী নৈরাত্মা সংসারার্ণবে যোগীন্দ্র[ং] পারং করোতীতি।
ধ্রুবপদেন প্রত্যয়সংদর্শনাৎ কুলাভ্যাসং কুরুতে। বাহ তু ইত্যাদি। সহজশোধিতবিরমানন্দনৌমার্গে প্রাপ্তে সতি থানপানাশক্তিত্বেন ভো ডোম্বি আত্মানং সম্বোধ্য৪৪ বদতি কিমর্থ বিলম্ব ক্রিয়তে। সদ্গুরুসম্বোধ্যেন নিরন্তরাভ্যাসেন পূনর্জিনপুরং মহাসুখপুরং অতীব সন্নিহিতং। এবং অনুচিন্ত্যানুদিন[ং] প্রবাহমভ্যাসং কুরু।
দ্বিতীয়পদেনাভ্যাসস্যানুশংসামাহুঃ পঞ্চেত্যাদি। পঞ্চকেডুআলমিতি। পঞ্চক্রমোপদেশং গৃহীত্বা কচ্ছিকামণিমূলং গতং তদেব বোধিচিত্তং সহজানন্দেন বিধৃতং সদ্ বৈমল্যং চক্রোদেশেন প্রবাহং কুরু। গগনদুখোলকং চতুর্থ[া]ভিষেকেণ সিচ্যমানং যোগীন্দ্রস্য কায়ে পানীয়ং বিষয়োল্লোলনং বিশতি।
তৃতীয়পদেভ্যাসবিশেষাদাভাষ-[২৩ক] ত্রয়নিরোধমাহ। চান্দেত্যাদি। চন্দ্রং প্রজ্ঞাজ্ঞানং সূৰ্য্যমুৎপাদাদদ্বয়জ্ঞানং পুলিন্দং সন্ধ্যাভাষয়া নপুংসকং। ত্রয় এতে সংসারস্য সৃষ্টিসংহারকারকাঃ। সৰ্ব্বধৰ্ম্মানুপলম্ভজলধৌ গচ্ছন্ সন্ বামদক্ষিণমগ্রপশ্চাত্তীরমুনপশ্যন্তীতি – ভো ডোম্বি স্বচ্ছন্দেন বিলক্ষণেশোধিতবোধিচিত্তনৌবাহনাভ্যাসং কুরু।
চতুর্থপদেন নৈরাত্মধৰ্ম্মস্য ফলানুশংসামাহ। কবড়ীত্যাদি। যথা বাহ্যে পারাবারে তরপতিস্তরকপর্দ্দিকাং গৃহ্ণাতি। তদ্বদ্গ্রাহ্যগ্রাহকতয়া সা ভগবতী ডোম্বী নৈরাত্মা ন প্রতিগৃহ্ণাতি। অথ পরিচর্য্যামাত্রেণাগ্রাহ্যতয়া ভবসমুদ্রে পারং করোতীতি। নৈরাত্মধর্ম্মাপরিচয়েণ বহিঃশাস্ত্রাভিমানিনো যে যোগিনস্তেহপি কুলে শরীরে ভ্রমন্তীতি অজ্ঞানেনাবৃতা বালা ইত্যাদি।১৪॥৪৫
[২৩খ]
নির্ভরপরমানন্দমুদিতো হি শাস্তিস্তমেবার্থং দ্যোতয়তি। সঅ সম্বেইণ ইত্যাদি। সম্যক পবিজলজসংযোগে স্বসংবেদনানুভবস্বরূপেণ সিদ্ধাচার্য্যো হি শান্তিঃ । অলক্ষলক্ষণাদিবিচারং বিকল্পং ন গচ্ছতীতি। যে যেহপ্যতীতা যোগন্দ্রাঃ। এতদ্বিরমানন্দাবধূতিমার্গবরেণ গতাঃ তেহপ্যনাবর্তে মহাসুখচক্ৰশরসি[জ]বনে লগ্নাঃ। তথাচ রতি-[২৪ক] বজ্রে।
এষ মার্গবরঃ শ্রেষ্ঠো মহাযানমহোদয়ঃ।
যেন যূয়ং গমিষ্যন্তো ভবিষ্যথ তথাগতাঃ॥
ধ্রুবপদেন তমেবার্থং দৃঢ়য়তি। কুলেম্যিাদি। কুলে প্রত্যেক শরীরে ভো মূঢ়া বালযোগিনঃ এতদ্বিরমানন্দোপায়মার্গ[ং] বিহায় নান্যো মার্গসম্ভারোহভিমুখোহস্তি[।]তথাচ রতিবজ্রে।
নান্যোপায়েন বুদ্ধত্বং শুদ্ধং চেদং জগত্ৰয়মিতি।
অথ বজ্ৰমার্গবামদক্ষিণে বাল বড়ে খাদিবিকল্পং মা করিষ্যথ ভো বালযোগিন্। যথা নৃপশ্চক্রবর্ত্তী কনকপথধারয়া ক্রীড়োদ্যানং প্রবিশতি তদ্বৎ যোগীন্দ্রোহপি লীলয়াবধূতিমার্গেণ মহাসুখচক্ৰকমলোদ্যানং বিশতীতি। তথাচ বিরুপাক্ষপাদাঃ।
বজ্রোত্থানং সদা কুর্য্যাচ্চন্দ্রার্ক্কগতিভঞ্জনাৎ।
অন্যথা নাবধূত্যংশে বিশতি প্রাণমারুণতঃ॥
বালযোগিনমধিকৃত্য দ্বিতীয়পদমাহ। মাআমোহেত্যাদি। মায়া প্রজ্ঞা চ ভন্যতে। তত্রাভি[ষ]ঙ্গো মোহঃ। স এব মহাসমুদ্ৰস্তস্যা-[২৪খ]ন্তং প্রামাণং ন প্রাপ্যতে বালযোগিনা। অথ তস্মিন্নশ[দ]গুরুবাহ্যভেলকং বিহায় নান্যং নৌভেলকাদ্যুপায়ং বা বিদ্যতে ভো বালযোগিন্। কিং ভ্রান্ত্যা সদ্গুরুনাথং ন পৃচ্ছস্যত্যন্তং ক্ক ভ্রান্তিং বিধূয় শ্রীসুখে চতুর্থানন্দোপায়ং গৃহীত্ব তস্য মায়ামোহসমুদ্রস্যান্তং প্রমাণস্বরূপং কুরু। তথা চানুত্তরসন্ধৌ।
সর্ব্বাসাং খলু মায়ানাং স্ত্রীমায়েব বিশেষ্যতে।
জ্ঞানত্রয়প্রভেদোহয়ং স্ফুটমত্রৈব লক্ষ্যতে॥
তৃতীয়পদেন ধৰ্ম্মমাহাত্ম্যং কথয়তি। শূন্যেতাদি। অস্মিন্ মার্গঞ্চ প্রাপ্য প্রভাস্বরং শূন্যমিতি কৃত্বা উচ্ছেদপ্রসঙ্গ[ং] কৃত্বা ভ্রান্ত্যা মা করিষ্যাসি ভো মূঢ়। অত্রৈব প্রভাস্বরপরিশোধিতস্বাধিষ্ঠানচিত্তং ভাবয়ন্ পুনরষ্টসিদ্ধির্ভবতীতি নিশ্চয়ঃ। তথাচাগমঃ।
দগ্ধ্বা মায়াপুরং রম্যং সহসা জ্ঞানবহ্ণিনা।
পশ্যন্তি সততং শূন্যং দিব্যনেত্রা হি যোগিনঃ॥
চতুর্থপদেন তদেব নির্দেশয়ন্নাহ। বামেত্যাদি। শান্তিনা [২৫ক] সিদ্ধাচার্য্যেণ বামদক্ষিণাভাসদ্বয়পরিহারাৎ স্ফুটমিতি কৃত্বা ভাববিষয়োপসংহারং কৃতং। অস্মিন্ পরিশুদ্ধাবধূতীবিরমানন্দমার্গেণ গচ্ছন্ সন্ ঘটকুটীগুল্মদালকাদিভয়ং ন বিদ্যতে। তৃণকণ্টখল্লবিখল্লকাদ্যুপদ্রবং নাস্তীতি। অথাহ স্তদ্ধোন্মীলিতলোচনে যুগনব্ধং স পশ্যতীতি। তথাচাগমঃ।
করোতি তরতামক্ষ্নোঃ শিরশ্চাবনম্রতাং।
স্তৈমিত্যং চিত্তচৈতানাং শূন্যতা শূন্যতেক্ষিণাং॥১৫॥৪৬
[২৫খ]
জ্ঞানপানপ্ৰমত্তো হি সিদ্ধাচার্যমহীধরঃ। চিত্তগজেন্দ্ৰসন্ধ্যয়া তমেকাৰ্থং প্রতিপাদয়তি। পাটত্ৰয়ং কায়ানন্দাদিকং তমভেদোপচারেণ গৃহীত্বা জ্ঞানপানমদিকেন লগ্নঃ। তথাচ
কায়ং কায়াকারেণ চিত্তং চিত্তাকারেণ কায়ং চিত্তং বাক্প্রত্যাহারেণ ইত্যুক্তং গুহ্যসমাজে। তত্রস্থজ্ঞানমধুপানেন প্রমত্তসিদ্ধাচাৰ্য্যমহীধরস্য চিত্তগজেন্দ্রঃ অনাহতমিতি শূন্যতাশব্দং। কসণ ভয়ানকং। শূন্যতানাদং শ্রুত্বা কণ্ঠগর্জ্জনং করোতি। তমনাহতং শব্দং শ্রুত্বা সংসারভয়ঙ্করাগন্তুকস্কন্ধক্লেশাদয়ো মারা ভগ্নাঃ। তথাচ রতিবজ্রে।
মন্ত্রপ্রয়োগমণ্ডলং যেন ভগ্নং মহাবলং।
মারসৈন্যং মহাঘোরং শাক্যসিংহাদিভির্বুদ্বৈঃ॥
ধ্রুবপদেন তস্য নির্ভরানন্দপ্রমোদং প্রকটয়তি। মাতেল ই-[২৬ক] ত্যাদি। স এব প্রমত্তো হি চিত্তগজেন্দ্রঃ চন্দ্রসূর্য্যদিবারাত্রিবিকল্পং ঘোলয়িত্ব গগনোপদেশ[ং] চতুর্থানন্দোপদেশং গৃহীত্বা গচ্ছতীতি মহাসুখসরসি নিরন্তরং[।]
দ্বিতীয়পদেন তমেবার্থং দ্যোতয়তি। পাপ পুণ্যেত্যাদি। পাপপুণ্যৌ সংসারপাশৌ দ্বৌ খণ্ডয়িত্বা থংভেতি অবিদ্যাস্তম্ভং র্মদ্দয়িত্বা। গগনটকেতি অনাহতশব্দেন প্রেরিতঃ সন্ স এব চিত্তগজেন্দ্রো নিৰ্ব্বাণসরোবরং গতঃ। তথাচ কৃষ্ণাচার্য্যাঃ খিতি জলেত্যাদি।
তৃতীয়পদেন স্বচিত্তস্যাদ্বৈধীকারতামাহ। মহারসেত্যাদি। ভাবাভাবয়োরৈক্যং মহাসুখরসং তেন পানেন প্রমত্তঃ সন্ ত্রিভুবনস্য গ্রহোপেক্ষাং করোতি। ভাবাভাবগ্রাহ্যাদিবিকল্পং করোতি। অতএব পঞ্চবিষয়াণাং নায়কত্বেন স এব ষষ্ঠো মহাবজ্রধুরঃ। পুনঃ ক্লেশং বিপক্ষকারিণন্ন পশ্যতি।
চতুর্থপদেন নির্ব্বিকল্পং প্রতিপাদয়তি। খররবীত্যাদি। মহাসু[২৬খ]খ রাগানলেন প্রেরিতঃ সন্ স এব চিত্তগজেন্দ্রঃ গগনগঙ্গা মহাসুখচক্রসরোবরং গত্বা মিলিতঃ। সিদ্ধাচার্য্যো হি মহীধরঃ এবং বদতি। অস্মিন্ মগ্নে সতি ময়াস্য স্বরূপং কিমপি ন দৃষ্টং নির্ব্বিকল্পং। তথাচাগমঃ।
ইতি তাবৎ মৃষা সৰ্ব্বং যাবৎ যাবৎ বিকল্প্যতে।
তৎ সত্যং তদ্যথাভূতং তত্ত্ব[ং] যন্নি[র]বিকল্প্যতে॥১৬॥৪৭
তবেমাৰ্থং হেরুকার্থাবগমেন বীণাপাদাঃ । বীণাশব্দদ্বারেণ প্রতিপাদয়ন্তি সুজেত্যাদি। [২৭ক] সূর্য্যাভাষং তুংবিঝ[ং] কারমুৎপ্রেক্ষ্য চন্দ্রাভাসেন তন্ত্রিকাঞ্চ। বিষয়চক্রী অবধূতিকয়া সহ একীকৃত্য। অনাহতদণ্ডিকায়াং লগাবয়িত্ব ভো সখি নৈরাত্মে বীণাপাদা বীণাদ্বারেণ শ্ৰীহেরুকেতক্ষরচতুষ্টয়স্যার্থনাহতং ঘোষয়ন্তি। অতএব শূন্যতাধ্বনীতি। সন্ধ্যাভাষয়া প্রভাস্বরমনাহতরূপং স এব ভবে বিলসতি ন ভববন্ধো ভবতি। তথাচ শ্রীহেবজ্রে। বধংতে ভাবন্ধেত্যাদি। তথাচ [চ]র্যান্তরং
ভব ভুঞ্জই ন বাস্সই রে অপূব বিনাণা।
জেব বি লোঅর বান্ধন [তেব] বি জোইর মেলাণা॥
দ্বিতীয়পদেন তমেবার্থং দ্রঢ়য়ন্তি। আলীত্যাদি। আলিকালিবর্ণাক্ষরাণাং মধ্যে সারাক্ষরমকারং। তথাচ নামসঙ্গীত্যাং। অকারঃ সর্ব্ববর্ণাগ্রোইতি। তমক্ষরস্বরূপং প্রতীত্য তেনাগ্রহবরস্য চিত্তরাজস্য সন্ধির্দোষচ্ছিদ্রগুণিত্বাৎ। তএব পাদাঃ তমৈবার্থং শব্দদ্বারেণ প্রতিপাদয়ন্তি। তথা চাগমঃ।
স্থূলং শব্দময়ং প্ৰাহুঃ সূক্ষ্মং চি-[২৭খ]ন্তাময়ং তথা।
চিন্তয়া রহিতং যত্তদ্যোগিনাং পদমব্যয়ম্॥
তৃতীয়পদেন, ভাবস্বরূপমাহ। জবেমিত্যাদি। করহমিতি চিন্তয়া চিত্তৌষ্ণ্যং বোদ্ধব্যং। করহকলমিতি করুণাবহতং কলং প্রভাস্বরং বোদ্ধব্যং। যস্মিম্বিলক্ষণসময়ে তঞ্চিত্তৌষ্ণ্যং তেন প্রভাস্বরবাহুকেণ চাপিতং। আক্রামিতং। তস্মিন্ সময়ে দ্বাত্রিংশন্নাড়ীদেবতাবিগ্রহস্য। ধ্বনিনেতি। অনাহতনৈরাত্মজ্ঞানেন প্রজ্ঞোপায়াত্মকং ভাবাভাবব্যাপিতমিতি। তথাচ সরহপাদাঃ। এতা এব হীত্যাদি।
চতুর্থপদেন ফলপ্রাপ্তিত্বদানন্দেন বজ্রপদনৃত্যং করোতীতি। নাচন্তীত্যাদি। বীণাপাদা বজ্রধরপদেন নৃত্যং কুর্ব্বন্তি। তেষাং দেবী যোগিনী নৈরাত্মাদিকা বজ্ৰগীতিকয়া সঙ্গায়নমঙ্গল[ং] কুর্ব্বন্তি। অতএব বুদ্ধনাটকং বিশিষ্টাধিমাত্রং সত্ত্বানাং শমং নির্ব্বাণং ভবতীতি। তথাচ দ্বিকল্পে।
যন্যানন্দং সমুৎপন্নং নৃত্যতে মোক্ষহেতুনা। ইত্যাদি॥১৭॥৪৮
[২৮ক]
তমেবার্থা[ং] পরমার্থায় সংবৃতিসত্যার্থাবগমে কৃষ্ণাচাৰ্য্যপাদাঃ ডোম্বীসন্ধায়া প্রতিপাদয়তি। তিণীত্যাদি। ময়া কৃষ্ণাচার্য্যেণ বজ্রবনিতাভিসংগাত্রিভুবনং কায়বাক্চিত্তং। তস্য যষ্ট্যুত্তরশতপ্রকৃতিদোষোহবহেলয়া বাধিতঃ। অতএবাহং সুপ্তঃ। লীলেমিতি ক্রীড়য়া যোগনিদ্রাঙ্গতঃ।
নৈরাত্মধর্ম্মাবগমাদ্ ধ্রুবপদেনাপরিশুদ্ধাবধূতিকামুপগময়তি। কইসণীত্যাদি, ভর্ভরিআলিকা অসদারোপেণ ভো ডোম্বিনি পরিশু-[২৮খ]দ্বাবধূতিকা কিং কৃতং ত্বয়া। কৌ শরীরে লীনং যৎপ্রভাস্বরং যদজ্ঞানরসেনাংতে বাহ্যে কৃতং। কং সংবৃত্তিবো[ধি]চিত্তং পালয়তীতি কৃত্বা কাপালিকশ্চিত্তবজ্র আধানং কৃতমিতি।
বিশিষ্য পদান্তরেণ তামেবোপরাগয়তি। তুঁই লো ইত্যাদি। তয়া ডোম্বিন্যাহপরিশুদ্ধাবধূতিকয়া দেবাসুরমনুষ্যাদিত্রৈধাতুকং সকলং মিথ্যাজ্ঞনেন টালিতমিতি নাশিতম্। যত এব শশহরং সংবৃত্তিবোধিচিত্তং প্রভাস্বরহেতুভূতং। অসম্প্রদায়যোগিন্যা টালিতমিতি বিনষ্টীকৃতং। তথাচ চর্য্যাপাদাঃ।
খালত পড়িলেঁ কাপুর নাশএ ইত্যাদি।
তৃতীয়পদেন ডোম্বিস্বরূপমাহ। কেহো ইত্যাদি। যেহপি স্বরূপানভিজ্ঞা সহজানন্দপরিশুদ্ধিতয়া ত্বাং ডোম্বী[ং] ন জানন্তি তেপি কৰ্ম্মবসৈতং প্রাপ্য সংসারদুঃখানুভবাত্তব বিরুদ্ধং বদন্তি। যে তে প্রাদেশিকা যোগীন্দ্রাঃ সম্যক্বজ্ৰাব্জসংযোগাক্ষরসুখতয়া ত্বাং ন প্রজানন্তি তেহপি কন্ঠে সম্ভোগচক্ৰেহহর্নিশন্ন পরিত্যজতি। [২৯ক] তথা চাগমঃ।
কক্কোলপ্রিয়বোলমেলকতয়ানন্দস্ফুরৎকুন্দুরাঃ
সদ্যঃ শোধিতশালিলালিতকরাঃ কালিঞ্জরাশ্চক্রিণঃ।
ভ্ৰস্য[দ্]দিব্যসরোজপাত্রমদনব্যালুপ্তদন্তচ্ছদআঃ
প্রেতাবাসনিবাসনিত্যরসিকাঃ কেচিৎ ক্কচিৎ যোগিনঃ॥
চতুর্থপদেন যোগিন্যানুশংসামাহ। কাহ্ণে গাই ইত্যাদি। ঈদৃশী কৰ্ম্মস্থসাধনোপায়চণ্ডালী কৃষ্ণাচার্য্যেঃ পরং গীয়তে নান্যৈঃ। ডোম্বীব্যতিরেকাৎ নান্যা ছিন্ননাসিকা নাগরিকা বা বিদ্যতে। যর্স্মাৎ সত্ত্বভেদং প্রাপ্য ভেদাধিষ্ঠানং বিধত্তে৪৯ তথাচ জ্ঞানসংবোধৌ।
চিত্তমেব মহাবীজং ভবনির্ব্বাণয়োরপি।
সংবৃত্তৌ সংবৃত্তিং যাতি নির্ব্বাণে নিঃস্বভাবতাম্॥১৮॥৫০
[২৯খ]
তমেবার্থং দৃঢ়ীকরণায় কৃষ্ণাচাৰ্য্যচরণৈশ্চর্য্যান্তরমভিহিতম্। ভবনির্ব্বাণে ইত্যাদি। ভবনিৰ্ব্বাণং মনপবনাদিবিকল্পং পূর্ব্বোক্তং ক্রমেণ পরিশোধ্যং তং পটহাদিভাণ্ডং উৎপ্রেক্ষ্য মহাসুখসঙ্গং গৃহীত্ব। ডোম্বীতি সৈব শুক্রনাড়িকাহপরিশুদ্ধাবধূতিকা তস্যা বাহবভঙ্গার্থং যদা কৃষ্ণাচাৰ্য্যপাদাঃ প্রচলিতা। তদা জয়জয়ধ্বনিপুষ্পবৃষ্টিদুন্দুহিশব্দাদিকমাকাশে নিমিত্তং প্রভূতমিতি।
দ্বিতীয়পদেন ডোম্বীবিবাহফমাহ। ডোম্বীত্যাদি। সৈব ডোম্বী বায়ুরূপা তস্যা গমনদ্বারস্য বিবাহমিতি। ভঙ্গং কৃত্বা জয়মিতি। উৎপাদভঙ্গাদিদোষা নাশিতাঃ। অতএব জৌতকেনাক্লেশেনানুত্তরধৰ্ম্মসাক্ষা-[৩০ক]ৎকৃতং। ময়াকৃষ্ণাচার্যেণেতি।
তৃতীয়পদেন যোগিনীপ্রবাহমাহ। অহণিসীত্যাদি। এতয়া জ্ঞানমুদ্রয়া সহ যস্য যোগীন্দ্রস্যাহর্নিশং সুরতাভিষঙ্গো ভবতি তস্য যোগীন্দ্রস্য যোগিনীজালেনেতি। তস্য জ্ঞানরশ্মিনা। রএণীত্যাদি। ক্লেশান্ধকারং পলায়তে। তথা চাগমঃ।
আত্মন্যেব লয়ঙ্গতে ভগবতি প্রাণাধিপে স্বামিনি
শ্বাসোচ্ছ্বাসগণে গতে প্রশমিতে জীবানিলে যন্ত্রিতে।
যো জ্যোতিঃপ্রসরঃ প্রভাস্বরতরো যোগীশ্বরাণামসৌ।
স্বাঙ্গাদেব বিনিৰ্গতে হততমাঃ ত্রৈলোক্যমাক্রামতি॥
চতুর্থপদেন যোগিনীপ্রসাদাদ্যোগীন্দ্রস্য চর্য্যামাহুঃ। ডোম্বীত্যাদি। ডোম্বী সৈব প্রকৃতিপ্রভাস্বরপরিশুদ্ধাবধূতিকা জ্ঞানমুদ্রা তস্যাঃ সুরতাভিষ্বঙ্গে যে যে যোগিনোরতাঃ তে তে তাং জ্ঞানমুদ্রাং মহাসুখানন্দাধারত্বৎ ক্ষণমপি ন পরিত্যজন্তীতি। তথাচ সরহপাদাঃ
সর্ব্বা [৩০খ] ভাবং গতবতি মনঃস্যন্দীত্যাদি।১৯॥৫১
[৩০খ]
প্রজ্ঞাপারমিতার্থামৃতপানপরিতুষ্টা হি কুক্কুরিপাদাঃ। তমেবার্থমাত্মনি ভগবতী নৈরাত্মাযোগিনীমধিমুচ্য বদন্তি। হাঁউ নিরাসীত্যাদি। অহং ভগবতী নৈরাত্মা নিরাসা। আসঙ্গরহিতা। খমণেতি সৰ্ব্বশূন্যং মনঃস্বামী অস্য সু[র]তাভিষ্বঙ্গেণ মম বিশিষ্টসংযোগাক্ষরসুখানুভব[ঃ] কস্মিন্নপি কথাবেদ্যো ন ভবতীতি। তথাচ সরহপাদাঃ ।
কো পত্তিজ্জই কসু কহমি [৩১ক] অজ্জ কড়াইঅ আউ।
পিয়দংশণে হলে ণ ট্বলেসি সংসাসষুড় জাউ॥
ধ্রুবপদেন তমেবার্থং দৃঢ়য়ন্তি। ফিটলেস্বিত্যাদি। অতএবান্তমিতিপর্যন্তঃ। মহাসুখচক্ৰস্বকুটীং দৃষ্ট্বা, স্ফুটমিতি। বিষয়াদিবৃন্দং ময়া নৈরাত্ময়া তস্মিন্ সময়ে নিষ্কৃস্তিতং। স্বয়মেবাত্মানং সম্বোধ্য বদতি। ভো জাত র্নৈরাত্মে। তদিদানী যং যং বিষয়ারিং পশ্যাম্যত্র স কোপি ন বিদ্যতে। সৰ্ব্বেষা[ং] মহাসুখময়ত্বাৎ।
দ্বিতীয়পদেন বিচারস্বরূপমাহ। পহিলে ইত্যাদি। আদৌ সংবৃত্তিবাসনাপুটং কায়োহয়ং প্রসৃতং। অস্য কায়স্যা নাড়ী দ্বাত্রিংশদ্দেবী তস্য পিণ্ডীক্রমানুপূর্ব্ব্যা সদ্গুরুবচনপ্রমাণতো বিচার্য্যাণে সতি সৈব বাসনা বরাকী কথম্বিদ্যতে। ন বিদ্যতে এব পরং।
তৃতীয়পনে অভ্যাসসফলমাহ। নবযৌবনেত্যাদি। মূলং সংবৃত্তিবোধিচিত্তং। তস্য নিকৃত্তিঃ। মণিমূলে মণ্যন্তৰ্গতে ময়া নৈরাত্মভাবকেন কুক্কু[৩১খ]রিপাদেন কৃতা। তথাচ শ্ৰীহেবজ্রে। তীরদ্বয়ং ভবেদেঘণ্টাং। স তেন হেতুনা বিষয়মণ্ডলোপসংহারকৃতং নবযৌবনমিতি। তৎপ্রভাবাৎ দ্বাত্রিংশল্লক্ষণব্যঞ্জনাশীতিমহাবজ্রধরশরীরসুন্দরো ভূতোসি ভোঃ কায়বজ্র সাধুমেতৎ । স্বয়মাত্মানং সম্বোধ্য বদতীতি।
চতুর্থপদেন সাক্ষাৎকারিত্বমাহ। ভণথীত্যাদি। এষ সংবৃত্তিবোধিচিত্তে হি ভবঃ। স্থিরমিতি স্থিরং কৃত্বা প্রজ্ঞারবিন্দৈ র্যৈ র্যৈ যোগীন্দ্রৈ র্ন্নিরঞ্জনরূপেনাবগত[ং] তেহস্মিন্ ভবমণ্ডলে বিষয়ারিমর্দ্দনাৎ বীরাঃ। তথাচ কৃষ্ণাচাৰ্য্যপাদাঃ।
জেং বুঝিঅ অবিরল সহজ ক্ষণু ইত্যাদি।২০॥৫২
তমেবার্থং মূষকসন্ধ্যাবচনেন ভুসুকুপাদাঃ প্রতিপাদয়তি। নিসি আন্ধীরীত্যাদি। মুষ্ণাতীতি মুষকসন্ধ্যাবচনে চিত্তপবনঃ বোদ্ধব্যঃ। নিসি প্রজ্ঞা কর্ম্মাঙ্গনা বা বোদ্ধব্যাঃ। তস্যা কর্ম্মাঙ্গনায়াঃ বিচিত্রাদিক্ষিণে কায়ানন্দাদিব্যাপারদ্বারেণ কুলিশারবিন্দসংযোগে বোধিচিত্তামৃতাস্বাদাহারং স এব মূষক[শ্] চিততপবনঃ স্বয়ং করোতি। তস্মিন্ বিরমানন্দং দক্ষিণে সু(?) শ্রীগুরুমুখলদ্ধোপায়নে দ্রুতং তস্য নিঃস্বভাবীকরণং ভবতি। তৎ কুৰ্ব্বতো বালযোগিনস্তেন সংসারচক্রে যাতায়াতং দ্বয়াকারন্ন ক্ৰট্যতি চিত্তঞ্চ ন শোভতে। তথা চাগম[ঃ]।
দ্বয়াকারেণ ত্যাগপ্রকটপটুসম্বিত্তিসুভগে
ঘনানন্দোৎকীর্ণ প্র-[৩২খ] বলরসপূর্ণাম্বরতলে।
স্ফুটন্ নানা কারৈরুপচিশমেতান্তরগতৈ-
রিদং তন্ত্রৈ[রু]ক্তং লয়মিব মতং ভাতি মনসি॥
দ্বিতীয়পদেন মূষকচিত্তস্য ব্যবহারোনুবর্ণ্ণ্যতে। ভবেত্যাদি। ভবতীতি কৃত্বা ভবং স্বকায়ং বিদারয়তি। প্রকৃতিচাঞ্চল্যত্বয়া স এবঞ্চিত্তং মূষকোন্যথাভাবং কুরুতে। গতীতি তির্য্যগ্নরকাদি দুর্গতিপাতঞ্চ। স্বয়মেবোৎপাদয়তি। অতশ্চিত্তমূষকস্য প্রকৃতিদোষমাকলয্য ভো যোগিন্ প্রসাদাপ্তোপদেশেন তস্য ভাবারোপণং ন করিষ্যসীতি।
তৃতীয়পদেন তস্য স্বরূপমাহ। কালেত্যাদি। সংবৃত্তিবোধিচিত্তেংদুনাশকত্বেন স এব চিত্তমূষকঃ কালঃ। তস্য পিণ্ডগ্রাহানুভেদে বিচারেণ ভো যোগিন বর্ণোপলম্ভোপদেশো ন বিদ্যতে। গগনমিতি গুরুসম্প্রদায়াৎ মহাসুখকমলবনং গত্বা পুনরাগত্য পরমার্থবোধিচিত্তমধুপানাস্বাদং করোতি। তথাচ পূরদর্শনে। মীননা-[৩৩ক] থঃ।
কহন্তি গুরু পরমার্থের বাট
কৰ্ম্মকুরঙ্গ সমাধিক পাট।
কমল বিকলসিল কহিহ ণ জমরা।
কমলমধু৫৩ পিবিবি ধোকে ন ভমরা॥
চতুর্থপদেন বজ্রগুরুমাহাত্ম্যমাহ। তাব সেত্যাদি। চিত্তমূষকোহয়ং তাবদেব মোহমানেনোন্নতো ভবতি যাবৎ সদ্গুরুবচনযন্ত্রসন্নিধানং ন ভবতি। ভো যোগিন্ তস্মাৎ গুরৌ প্রণিধানমারভ্যতামিতি। তথাচ সরহপাদাঃ। যস্য প্রসাদকিরণৈরিত্যাদি।
পঞ্চমপদেন চিত্তমূষকস্য স্বরূপমাহ। জবেমিত্যাদি। যস্মিন্ সময়ে সহজানন্দচিত্তমূষকস্যাচারঃ। অহমিতি। প্রত্যারোপয়তা ক্রট্যতি। তস্মিন্ সময়ে সংসারবন্ধনং তস্য স্ফিটমিতি। যথা চাগমঃ।
সংসারোহস্তি ন তত্ত্বতস্তনুভৃতাং বন্ধস্য চাত্রৈব কা
বন্ধো যত্র ন যাতি কাচিততথামুক্তস্য মুক্তক্রিয়ঃ।
মিথ্যারোপকৃতোহথ রজ্জুভুজগচ্ছায়াপিশাচভ্রমো
মা কিঞ্চিৎ ত্যজ মা গৃহাণ বিলস স্বস্থো যথাব-[৩৩খ] স্থিতঃ॥২১॥৫৪
তমেবার্থং সৰ্ব্বধৰ্ম্মধিগমেন সরহপাদঃ প্রতিপাদয়তি। অপণেত্যাদি।
অনাদ্যবিদ্যাবাসনাদোষেণ ভবনিৰ্ব্বাণকল্পে[ন]ারোপণং চরিত্বা লোকহয়ং ভ্রান্ত্যা স্বয়মের ভববন্ধনবদ্ধো ভবতীতি।
ধ্রুবপদেন স্বজ্ঞানং দৃঢ়য়ন্তি অহ্মা ইত্যাদি। সিদ্ধাচার্য্যসরহপাদা এবং বদতি। গুরুচরণরেণুপ্রাসাদাৎ ভাবস্বরূপপরিজ্ঞানেনাচিন্ত্যা যোগিনো বয়ং। অতএব উ-[৩৪ক]ৎপাদাদিভঙ্গং কীদৃশং ভবতীতি ন জানীমঃ। তথাচ একশ্লোকা ভগবতী৫৫ উৎপাদস্থিতিভঙ্গদোষরহিতামিত্যাদি॥
দ্বিতীয়পদেন উৎপাদস্বরূপমাহুঃ। জইসো ইত্যাদি। সৰ্ব্বে নৈরাত্মাবগমেন কস্যোৎপাদো বিদ্যতে। ভো যোগীন্দ্রাঃ। স্বয়মেব আত্মানং সম্বোধ্য বদন্তি। যস্যোৎপাদো নাস্তি তস্য ভঙ্গোহপি ন দৃশ্যতে। তথা চাদ্বয়সিদ্ধৌ।
যস্য স্বভাবো নোৎপত্তির্বিনাশো নৈব দৃশ্যতে।
তৎ জ্ঞানমদ্বয়ন্নাম সৰ্ব্বসংকল্পবর্জ্জিতম্॥
অতএব জীবিতা পুরুষেণ সম্ভাবাহবেন সহ ভেদোপলম্ভো নাস্তীতি। তথাচ সুতকে।
সুপ্তপ্রবুদ্ধে তু ন চান্যভেদঃ
সংকল্পয়েৎ স্বপ্নফলাভিলাষী।
তৃতীয়পদেন স্বয়মেবানুশংসামাহুঃ। যস্মিন্ মরণাদিভয়ম্বা বিদ্যতে। সোহপি যোগী রসায়নে বিবিধাদিকল্পপ্রয়োগঙ্করোতি। বয়ং পুনৰ্ম্মরণাদিভয়ে নিঃশঙ্কনিৰ্ব্বিকল্পরূপাঃ।
চতু-[৩৪খ]র্থপদেন পুনরপ্যনুশংসামাহুঃ। যে যে ইত্যাদি। যে যে বালযোগিনঃ। জম্বুদ্বীপমহাস্থানে সচরাচরে ভ্ৰমন্তি। অথবা মন্ত্রৌষধ্যাদিশক্ত্যা ত্রিদশং দেবালয়ং গচ্ছতি। তেহপি গুরুমার্গালব্ধত্বাদমরত্বং ন প্রাপ্নুবন্তি।. বয়মপ্যচ্ছেদ্যাভেদ্যরূপা[ঃ]।
পঞ্চ[ম]পদেন বর্ত্মামাহাত্ম্যমাহুঃ। জামেত্যাদি। কর্তৃকৰ্ম্মবিহীনস্য যোগীন্দ্রস্য জন্মনা কৰ্ম্ম কিং ভবতি। কৰ্ম্মণা বা উৎপাদশ্চ। অতএব সরহপাদাঃ স্বাভিপ্রায়ং বদন্তি পরমার্থবিদ্ যোগিনামচিন্ত্যো হি।২২॥৫৬ [৩৯ক] তীতি সামগ্রীমাহ। অনহা ইত্যাদি। বেমকটরণেতি সন্ধ্যায়া প্রাণাপানং প্রজ্ঞোপায়াত্মকং বাতদ্বয় অনাহতং পরিকল্প্যাপ্রতিমানকমিতি। সহজপ্রতিচ্ছন্দঃকং তদেব সংবৃতিবোধিচিত্তং সদ্গুরুবাক্যবিহীনেন। বেণবীতি তস্য ভাবাভাবগ্রহং তোড়য়িত্বা কমলকুলিশসংযোগ[ং] দৃঢ়মভেদ্য কৃত[ম]স্মাভিরিতি। চতুর্থপদেন যোগিন্যনুশংসামাহ। বঠামণীত্যাদি। সর্ব্বধৰ্ম্মপ্রকৃতিপ্রভাস্বরাবগমাৎ। যুবতিজনপ্রসঙ্গে সৈব প্রকৃতিপরিশুদ্ধাবধূতিক নৈরাত্মযোগিনী। বইঠামণীতি নিত্যরূপা ময়া তন্ত্রীপাদেন প্রাপ্তে অতএব তৎপ্রসাদাৎ মোহাভিশশষ্বঙ্গসূত্ৰবন্ধৈর্বিযুক্তঃ সন্। তংত্রীতি জাতিধর্ম্ম[ং] বিহায়। বজ্ৰধরো ভূতোহম্মীতি। তথাচ সরহপাদাঃ। স শ্রীমানিত্যাদি।২৫॥৫৭
[৩৯খ]
জ্ঞানানন্দপ্রমোদভরস্তিমিতহৃদয়ঃ সিদ্ধাচার্য্যো হি শান্তিস্তমেবার্থং জনার্থায় প্রতিপাদয়তি। তুলেত্যাদি। প্রকৃতিদোষত্বাৎ তুলনযোগ্য[ং] ত্রৈলোক্যাং কায়বাকচিত্তং। অস্য কম্পাকম্পাদিভেদেনাবয়বিনমেকপ্রমাণোপপন্নং কৃত্বা ময়াবয়বস্য ষড়ংশসাধনঃ কৃতঃ। স এবাবয়বপুরমাণুপুঞ্জস্য পরমাণো[ঃ] ষড়ঙ্গতাভাবেন তং ধূত্বা ধ,ত্বা নিরবরমিতি নিরাবয়ব[ং] সূচিতং। তথাচাহেতুকত্বাং তস্য চিত্তস্য হেত্বন্তরং ন প্রাপ্যতে। শান্তিপাদো বদতি। ভাবোপলম্ভাভা-[৪০ক]বেন কিং ভাব্যতে। তথাচ প্রজ্ঞাপরি[ৈ]চ্ছদে বিচারিত ইত্যাদি।
দ্বিতীয়পদেন তমেবার্থং দৃঢ়য়তি তুল ধুণীত্যাদি। তদবিচারপ্রমাণতোপ্যবয়বাদিকং দত্ত্বা। শূন্যেতি। প্রভাস্বরে চিত্তং প্রবেশিতং ময়া। তং প্রভাস্বরং গৃহীত্বা চটারিব ইতি। আত্মগ্রহভাব্যভাবকরূপং বাধিতমিতি। তথাচ দ্বিকল্পে। নাস্তি ভাবকো ন এব্যোহস্তীত্যাদি।
তৃতীয়পদেন মার্গস্যানুশংসামাহ। বহলেত্যাদি। অদ্বয়ত্বাদস্মিন্ মার্গবরে দ্বয়াকারং ন বিদ্যতে। অতএব শান্তিপাদো হি বদতি বালোহজ্ঞোস্মিন্ ধৰ্ম্মে ন প্রবিশতি সুদূর এব। অথবা বালবদ্রেখাসন্ধিমাত্ৰমত্র ন বিদ্যতে। তথাচ নাগার্জ্জুনপাদাঃ। সৌশীৰ্য্যন্তে কায়ে ইত্যাদি।
চতুর্থপদেন স্বরূপোপলংভমাহ। কাজেত্যাদি। সিদ্ধাচার্য্যো হি শান্তিঃ স্বয়ং কাৰ্য্যকারণরহিতত্বাৎ। অনুত্তরপদং বদতি। এষা হি যুক্তিঃ। প্রমাণোপ-[৪০ খ] পন্না সদ্গুরুপ্রসাদাদনুত্তরপদং স্বয়ং জ্ঞায়তে। তথাচ দ্বিকল্পে।
আত্মনা জ্ঞায়তে পুণ্যাৎ গুরুপর্বোপসেবয়া॥২৬॥৫৮
তমেবার্থং সহজানন্দরসপূর্ণো হি ভুসুকুসিদ্ধাচাৰ্য্যঃ প্রতিপাদয়তি। অধরাতীত্যাদি। তত্র সেপকটলোক্তবিধানাৎ অর্দ্ধরাত্রৌ চতুর্থীসন্ধ্যায়াং প্রজ্ঞাজ্ঞানাভিষেকদানসময়ে বজ্রসূৰ্য্যরশ্মিনা কমলং উষ্ণীষকমলং বিকসিতং মম। তস্মিন্ সময়ে দ্বাত্রিং-[৪১ ক] [শ]দ্ যোগিনীতি দ্বাত্রিংশন্নাড়িকা বাধিচিত্তবহা ললনা রসনা অবধূতী। অভেদ্যা সূক্ষরূপাদিকা বোদ্ধব্যা। তত্র স্থানে স্রবন্তি। তাসাং আনন্দাদিসন্দোহেনাঙ্গোহলাসং ভূত[ং]।
ধ্রুবপদেন সদ্গুরুপ্রভাবমাহ। তস্মিন্ কালে তেন হেতুনা সসহর বোধিচিত্তচন্দ্রঃ। অবধূতীমার্গেণ বজ্ৰশিখরঙ্গতঃ। সদ্গুরুবচনতত্ত্বরত্নপ্রভাবাৎ স ময়ি সহজানন্দং কথয়তি। তথাচ সরহপাদাঃ। চিত্তে শশ[হ]রমিত্যাদি।
দ্বিতীয়পদেন তমেবার্থং বদতি। চালিঅ ইত্যাদি। শশহরো হি বোধিচিত্তমবধূতীমার্গেণ যৎ প্রচলিতং স এব গুরুসম্প্রদায়াৎ বজ্ৰশিখরাগ্রে নির্বাণং৫৯ প্রভাস্বরং গতং। কমলরসং মহাসুখসমস্যাস্তীতি কমলিনী। সৈব প্রকৃতিপরিশুদ্ধাবধূতিকা নৈরাত্মা কমলরসং তমেব বোধিচিত্তমহাসুখরসেন কায়বজ্রং প্রীণয়িত্বা মহাসুখচক্রোদ্দেশং বহতীতি। তথাচ কৃষ্ণাচাৰ্য্যপাদাঃ। পহ বহন্তে ণিঅমর বন্ধনেত্যাদি।
তৃতীয়পদেন তমেবা-[৪১খ]র্থং কথয়তি। বিরমানন্দেত্যাদি। বিলক্ষণচতুর্থানন্দশুদ্ধোয়ং বিরমানন্দঃ। যস্য যোগীন্দ্রস্যাবগমো গুরুপ্রসাদাদহর্ন্নিশমভূৎ স এব ভগবান্ বজ্রধরঃ। দ্বাত্রিংশল্লক্ষণযুক্তো ব্যঞ্জনাশীত্যলংকৃতঃ। অনধিগতত[ৎ]ত্বানামত্রাবকাশো ন স্যাদিতি। তথাচ দবড়ীপাদাঃ। গবাং যুথ ন্যায় ইত্যাদি।
চতুর্থপদেন স্ববোধং দৃঢ়য়তি ভুসুকু ভণই ইত্যাদি। ভুসুকুপাদো হি বদতি। ময়া ভুসুকুপাদেন প্রজ্ঞোপায়মেলকে সহজানন্দং মহাসুখ[ং] সদ্গুরুপ্রসাদাল্লীলয়াবগতং ॥২৭॥৬০
শবরপাদো হি সিদ্ধাচাৰ্য্যস্তমেবার্থং মহাকরুণারসবিদ্ধো লোকার্থায় প্রতিপাদয়তি। উচেত্যাদি। যোগীন্দ্রস্য স্বকায়ঙ্কালদণ্ডমুন্নতং সুমেরুশিখরাগ্রে মহাসুখচক্রে। সকারপরো হকারঃ স এব পরিধরঃ। তস্য গৃহিণী জ্ঞানমুদ্রা নৈরাত্মা আঁকারজা বসতি। ময়ূরাঙ্গমিতি। নানাবিচিত্র-[৪২খ]পক্ষবিকল্পরূপং স্বরূপেণাধিবাস্যতয়া পরিধানমলঙ্কারং কৃতং। গু[ে]ঞ্জতি গ্রীবায়াং সম্ভোগচক্রে গুহ্যমন্ত্রমাবিকেপি বিধৃতা। পদস্যোত্তরপদেন ধ্রুবপদং বোদ্ধব্যং।
দ্বিতীয়পদেনাভ্যাসস্বরূপমাহ। উমত ইত্যাদি। ভাগবতী নৈরাত্মা ভাবকায়াশ্বাসং দদাতি। ভো উন্মত্ত বিষয়বিহ্বলচিত্ত শবর প্রাজ্ঞোপায়মেলকে। গুলীতি। আনন্দবিকল্পং মা কুরু। অহং তব গৃহিণী জ্ঞানমুদ্রা। সহজসুন্দরীতি। নান্যেত্যাদি। অস্য কায়সুমেরোঃ। তরুবরং অবিদ্যারূপং। আনন্দাদিমন্ত্রেণ নানাপ্রকারেণ মুকুলিতনিজরূপং গতং। অস্য ডালঞ্চ পঞ্চস্কন্ধং গগনে প্রভাস্বরে লগ্নং। অতএব সা নৈরাত্মা এককা। কর্ণেতি নানাস্থানে কুণ্ডলাদিপঞ্চমুদ্ৰানিরংশুকালঙ্কারং কৃত্বা। বজ্রমুপায়জ্ঞানং বিধৃত্য যুগনদ্বরূপেণ অত্র কায়পর্ব্বতবনে। হিণ্ডতি ক্রীড়তি।
তৃতীয়পদেন ক্রীড়াসু-[৪৩ক]খপ্রব[া হা]মাহ। তিঅধা ইত্যাদি। ত্রৈধাতুকং কায়বাক্চিত্তং সুখপ্রভাস্বরে তং টালয়িত্বা তেন মহাসুখেন শয্যাং কৃত্বা শবরচিত্তবজ্রভুচঙ্গেন সহ। দারিকেতি ক্লেশান্ দারয়তীতি দারিকা নৈরাত্বা দারিকায়। প্রেমমিতি ক্রীড়ারসমনুপমং বর্দ্বুরিত্বা মত্বা রজনী[ং] অন্ধকারং প্রজ্ঞোপায়বিকল্পং নাশিতং। তথাচ সরহপাদাঃ। শ্রীবজ্রামৃত ইত্যপি ভ্রময়ীত্যাদি।
চতুর্থেন ফলহেতুভাবং প্রভাব প্রতিপাদয়তি। হিত্রঁ ইত্যাদি। হৃদয়ং প্রভাস্বরং তাবুলেনাধিমুচ্য কর্পূরং যুগনদ্ধরূপেণ ফলহেতুসম্বন্ধেন তমধিমুচ্য। শূন্যমিতি সৈব সর্ব্বাকারবরোপেত[া] শূন্যতা নৈরাত্মজ্ঞানযোগিনী। ক[ে]ষ্ঠতি সম্ভোগচক্রে বিধৃত্য মহাসুখজ্ঞানরশ্মিনা রজনীতি। স্বকায়ক্লেশতমঃ স্বয়ং নাশিতং। তথাচ সূতকে। ফলেন হেতুমামুদ্র ইত্যাদি।
পঞ্চমপদেন বজ্রগুরুমাহাত্ম্যমাহ। গুরুবাক্যেত্যাদি। স-[৪৩খ]দ্গুরুবাক্যেন ধনুঃ কৃত্বা নিজমনোবোধিচিত্তেন বানঞ্চ একরসম্বানমিতি উভয়োরেকং কৃত্বা একস্বরনির্ঘোষেণ তমভ্যস্যমানঃ সন্ তেন নির্ব্বাণেন ময়া সবরপাদেনানাদ্যবিদ্যাবাসনাদোষো হি হতঃ।
ষষ্ঠপদেন চিত্তস্য যথাভূতং স্বরূপমাহ। উমত ইত্যাদি। সহজপানপ্ৰমত্তো মম চিত্তবজ্রোহি সবরঃ গরুআ রোষেণেতি জ্ঞানানন্দগন্ধেন প্রেরিতঃ সন্ মহাসুখচক্রনলিনীবনোদ্দেশেন প্রচলিতঃ। তত্র নিমগ্নে সতি গিরিবরেতি। উক্তা[ে]র্থা ময়া সিদ্ধাচার্য্যেণ কথং অন্বেষয়িতব্যঃ। তথাচাগমঃ।
যানানান্নাস্তি বৈ নিষ্ঠা যাবৎ চিত্তং প্রবৰ্ত্ততে।
চিত্তে তত্ত্বে প্রবৃত্তে হি ন যানং ন চ যায়িনঃ ॥২৮॥৬১
[৪৪ক]
জ্ঞানানন্দসুন্দরো হি লূইপাদস্তমেবার্থং বিশেষয়তি। ভাব ণ হোই ইত্যাদি। ভাবস্তাবৎ তত্ত্বন্ন ভবতি। যস্মাৎ পিণ্ডগ্রহানুভেদে বিচারেণ ভাবস্যোপলভো ন বিদ্যতে। কিমভাবশ্রুতির্ভবতি। অভাবোপি ন ভবতি অসদ্রূপত্বাৎ। ঈদৃক্ সম্বোধনে কোপি সত্ত্বঃ তত্ত্বং প্রতীতি করোতি।
ধ্রুবপদেন ভাবস্বরূপদৌর্ল্লভ্যং প্রতিপাদয়তি। লূই ভণই ইত্যাদি। লূইপাদঃ সিদ্ধাচার্য্যো হি বদতি। অতএব দুর্লক্ষং তত্ত্বং বালযোগিনা লক্ষয়িতুন্ন পার্যতে। যস্মাৎ ত্রৈধাতুকং কায়বাক্চিত্তে বিলসতি ক্রীড়তি। তস্য সন্তানদীর্ঘহ্রস্বপরিমণ্ডলাদিকং। ন ঊহে ন জানামি [৪৪খ]। কুত্র নিয়তং বসতীতি।
দ্বিতীয়পদেন উত্তাৰ্থং স্পষ্টয়তি। জাহের ইত্যাদি। যস্য তত্বস্য বর্ন্নচিহ্নরুপং নাবগম্যতে সোপি কথং। নানাকাব্যং বিনয়আগমশাস্ত্ৰবেদে ব্যাখ্যায়তে চ। তথাচ নাগার্জ্জুনপাদাঃ।
ন রক্তপীতমাঞ্জীষ্ঠো বর্ণস্তেনোপলভ্যত ইত্যাদি।
তৃতীয়পদেন তত্ত্বস্বরূপমাহ। কাহেরে ইত্যাদি। কস্য কিমুত্তুবা পৃথকজনায় ময়া সিদ্ধান্তঃ প্রদাতব্যঃ। যথোদকচন্দ্র[ঃ] ন সত্যং ন মৃষা ভবতি। তদ্বদ্যোগীন্দ্রস্য ভাবগ্রামপ্রতিভাসঃ স কিমর্থো বক্তৃং যুজ্যতে। অর্থঃ তত্র প্রতীতিং করোতি। অবচনত্বাৎ।
চতুর্থপদেন চিত্তস্বরূপমাহ। লুই ভণই ইত্যাদি। বদতি ঈপাদঃ ময়া ভাব্যভাবকভাবনা-অভাবেন কিং ব্যং। অতএব যশ্চতুর্থরূপং গৃহীত্ব তিষ্ঠামি তস্যাপি গুরুবচনবিচারে তস্যোদ্দেশং ন উহে। ন পশ্যামি। তথাচ।
চিত্তং নিশ্চিত্য [৪৫ক] বোধেন অভ্যাসং কুরুতে যদা।
তদা চিত্তং ন পশ্যামি ক্ক গতং ক্ক স্থিতং ভব্যে ॥২৯॥৬২
তমেবার্থা[ং] মহাসুখানন্দপ্রমোদ্দেন ভুসুকুপাদঃ প্রতিপাদয়তি। করুণেত্যাদি। করুণমিতি ভাবাভাবং গ্রাহ্যদিবিকল্পং দলিত্বা নিঃস্বভাবীকৃত্য পরিশুদ্ধসংভোগকাইয়ো যোগীন্দ্রস্য গুরুপ্রসাদপ্রস্ফুরিতং। অতএব ধ্রুবপদেন তস্য প্রভাবং প্রতিপাদয়তি। উইএ ইত্যাদি। অতএব গমঃ প্রভাস্ব[৪৫খ]রে অদ্ভুতযুগনদ্ধফলোদয়ো ভূতঃ। তস্মাৎ ভো ভুসুকুপাদ গুরুসম্প্রদায়াৎ তৃতীয়ানন্দে সহজানন্দস্বরূপ পশ্য জানীহি। স্বয়মবাত্মানং সম্বোধ্য বদতি।
দ্বিতীয়পদেন তস্য প্রভাবং দর্শয়তি। জাসু ইত্যাদি। যস্য সহজানন্দস্য প্রতীক্ষণে ইন্দিআলমিতি ইন্দ্রিয়সমূহং ক্রট্যতি। পলায়তে। তথাচ সরহপাদাঃ। ইন্দিঅ জথু বিলীন গউ ইত্যাদি।
নিহএ ইতি নিভৃতেন নির্ব্বিকল্পাকারেণ নিজমনঃ বোধিচিত্তং বজ্রগুরোঃ প্রসাদাৎ সহজোল্লাসং দদাতীতি। তথাচ সরহপাদাঃ। চিন্তাচিন্ত পরিহর ইত্যাদি।
তৃতীয়পদেন মার্গস্যানুশংসামাহ। বিষয়েত্যাদি। যথা চন্দ্রেণ গগনমুদ্যোতিতং তথা ময়া বিষয়াণাং বিশুদ্ধ্যা। আনন্দেতি। বিরমানন্দে পরমানন্দমবগম্য তেন সহজানন্দচন্দ্রেণ মোহান্ধকারং নাশিতমিতি।
চতুর্থপদেন [৪৬ক] ফলপ্রাপ্তিত্বাত্তস্য প্রভাবমাহ। এ তেলোএ ইত্যাদি। এতস্মিন্ ত্রৈলোক্যে চতুর্থানন্দব্যতিরেকানান্যোপায়োস্তি। যস্যোদয়েন সিদ্ধাচার্য্যোহি ভুসুকুপাদঃ। ক্লেশান্ধকারং স্ফেটয়তি। তথাচ সরহপাদাঃ। তস্মৈ নমো যদুদয়েনেত্যাদি ॥৩০॥৬৩
তমেবার্থং প্রমুদিতং আর্যদেবপাদাঃ। প্রতিপাদয়ন্তি। জহি মণ ইত্যাদি। যস্মিন্ প্রভাস্বরে সংহারমণ্ডলাদিক্রমেণ বিষয়পবনেন্দ্রয়াদিকং [৪৬খ] নিঃস্বভাবীকরণং । তত্র প্রবিষ্[ট] সতি অপা ইতি। চিত্তরাজস্যোদ্দেশং ন জানামি ক্ক গতঃ ।
ধ্রুবপদেন আনন্দং দৃঢ়য়তি। অকটেতি আশ্চৰ্য্যং। করুণেতি সংবৃতিবোধিচিত্তং গুরুসম্প্রদায়াৎ ডমরুকেতি অনাহতশব্দং৬৪ করোতি। অনাহতং হতং জ্ঞানং বিবুধ্যতে। অতএবাৰ্য্যদেবপাদাঃ । নিরালম্বেন সৰ্ব্বধৰ্ম্মানুপলংভযোগেন রাজতে শোভতে।
দ্বিতীয়পদেন বিষয়স্বরূপমাহ। চান্দেরিত্যাদি। যথা অস্তং গতে চন্দ্রমসি তস্য চন্দ্রিকা তত্রৈব অন্তর্ভবতি। চিঅ ইতি । তথা চিত্তরাজোপি যদাহচিত্ততাং গচ্ছতি প্রভাস্বরং বিশতি তদা তস্য বিকল্পাবলী তত্রৈব লীনা ভবভীতি। তথাচাগমঃ ।
অস্তংগতে চন্দ্রমসীব নূনং।
নীরেন্দেবঃ সংহরণং প্রযান্তি।
চিত্তং হি তদ্বৎ কো সহজে লীনে৬৫
নশ্যস্ত্যমী সৰ্ব্ববিকল্পদোষাঃ ॥
তৃতীয়পদেন ভাবষ্য নিরংশতামাহ । ছাড়িল ইত্যাদি। অতএব ময়া সিদ্ধাচার্য্যেণ ভয়-[৪৭ক] লজ্জাদিকং লোকস্য ব্যবহারঃ পরিত্যক্তঃ। গুরুবচনমার্গনিরীক্ষণেন শূন্যমিতি। ভাবং নৈরাত্মরূ[পং] দৃষ্টং।
চতুর্থপদেনাত্মানুশংসামাহ। আৰ্য্যদেবেত্যাদি। আৰ্য্যদেবপাদেন সৎগুরুপ্রসা(দা)নৈরাত্মধৰ্ম্মামুখীকরণ সৰ্ব্বং সংসারদূষণং বিফলীকৃতমিতি। ৩১॥৬৬
তমেবার্থং সৰ্ব্বধৰ্ম্মাধিগমনে সিদ্ধাচার্য্যো হি সরহপাদো জনা প্রতিপাদয়তি। নাদ ন ইত্যাদি। সদ্গুরুবদনামৃতলহরীপ্রভাবেণ পরমার্থবিদাং চিত্তরত্নং নাদবি[৪৭খ]ন্দ্বাদিবিকল্পপরিহারাৎ স্বভাবেন পরিমুক্ত[ং]। অনাদ্যবিদ্যাজ্ঞানপটলাঃ পুনরন্যাথাভাবং পশ্যতি । তথাচ সরহপাদাঃ । অহো গটেত্যাদি।
ধ্রুবপদেন মার্গস্যানুশংসামাহ। উজু ইত্যাদি। অতএবাবধূতীমার্গং বিহায় যোগীন্দ্রস্য নানন্যাপায়ো বিদ্যতে। তেন গচ্ছন বোধিং নিজপুরমতীব সন্নিহিতং। রে সম্বোধনং। ভো বালযোগিন্ চক্ৰমার্গ(ং) মা ভজ । পুনঃ সংসারী মা ভব ।
দ্বিতীয়পদেন আত্মপ্রত্যয়য়িতামাহ। হাথের ইত্যাদি। হস্তস্য কঙ্কাণায় দর্পণং কিং কৰ্তব্যং ত্বয়া। ভো হে বালযোগিন্ বজ্রগুরুপ্রসাদা[ৎ] নিজমনসা বোধিচিত্তস্য স্বরূপং জানী হি। তেন তবানুত্তরধর্মসাক্ষাৎকারের্থং ভবিষ্যতিতি
তৃতীয়পদেন বোধিচিত্তস্যানুশংসামাহ। পারোআরে ইত্যাদি। পারেতি পরমার্থেন তদেব বোধিচিত্তং যোগিবরৈরনুগম্যতে। তদনু তস্য গুরুপ্র[৪৮ক]সাদাৎ মহামুদ্রাসিদ্ধিং প্রাপ্নুবন্তি তে। উআর৬৭ ভবে পৃথক্জনৈরনুগম্যতে। তেন তে মোহাদিদুর্জ্জনসঙ্গমেন সংসারসমুদ্রে মজ্জংতীতি।
চতুর্থপদেন পুনমারর্গস্যানুশংসামাহ। বামদাহিণেতি। সুগমং। অতএব সরহপাদাঃ । মহাসুখপুরগমনায়। অবধূতীমার্গমতীব সুসারমবক্রঞ্চ। তথাচ চযন্তরং।
ঘটমনগুম্মাখড়দতি বোহ
তমেবার্থং পরমা [৪৮খ] নন্দসন্দোহমুদিত ঢেণ্ঢণো হি সিদ্ধাচায্যঃ। সন্ধ্যাভাষয়া প্রতিপাদয়তি। টালত ইত্যাদি। টা ইতি টমালমসদ্রূপং কায়বাক্চিওস্য যষ্ট্যত্তরশতপ্রকৃতিদোষং য[ি]স্মন্ সময়ে মহাসুখচক্রে লয়ঙ্গতং তদেব মন, গৃহং পার্শ্বস্থচন্দ্ৰসূর্যৌ [প্র]থমেব বজ্রজাপক্ৰমেণ তত্রৈবান্তর্লীনো। হণ্ডীতি। স্বকায়াধারং। ভক্তং তস্য সংবৃত্তিবোধিচিত্তবিজ্ঞানাধিরূপ্। গুরুসংপ্রদায়া[ৎ]মে তদুপলংভোস্তি অতএব নৈরাত্মরূপং তয়া। যোগীন্দ্রো নিত্যং তমাবিশতি। পুনঃ পুনশ্চেতি সিসনারোপ্যয়তি।
ধ্রুবপদেন তমেবাৰ্থং দৃঢ়য়তি। বেঙ্গেত্যাদি। বিগতঙ্গ যস্য স ব্যঙ্গ অঙ্গশূন্যত্বেন তং প্রভাস্বর বোদ্ধব্যং। অঙ্গস্য ষড়ঙ্গতৌ সয়তি গচ্ছতীতি সঃ। তদেব বায়ুরূপং তেন ব্য[ে]ঙ্গন প্রভাস্বরেণ বিজ্ঞানপরশ্চোদিতঃ। দুহিল ইতি। কর্ম্মমুদ্ৰাপ্রসঙ্গাদ্বজ্রাগাদাগতং যদ্বোধিচিত্তম। যে-[৪৯ক]গীন্দ্রস্য বেন্টমিতি। মূলং মহাসুখচক্রং গচ্ছতি কিমদ্ভুতমিতি।
দ্বিতীয়পদেনাভ্যাসবিশেষমাহ। বলদা ইত্যাদি। বলং মানসাংদে হবিগ্রহং দদাতীতি বলদস্তদেব বোধিচিত্ত[ং] আভাসত্রয়[ং] ও প্রস্তুতং। গবীতি যোগীন্দ্রস্য গৃ[ি]হণী বংধ্যা নৈরাত্মা! তমধিকৃত্য। স্বকুলিশাগ্রে গুরুসংপ্রদায়াত্তস্যাভাষদোয়ং। দোহনমিতি নিঃস্বভাবীকরণং ক্রিয়তে। সন্ধ্যাত্রামিতি । অহর্ন্নিশং যোগীন্দ্রেণেতি । তথাচ সরহপাদাঃ।
কুলিশসরোরুহসংজোএ জোইণি মনপবন মহাসুহ হোই !
খনে আনন্দ ভেঅ ত ণ হ লখলহীণ তহি পরিমাণহা ॥
তৃতীয়পদেন স্বরূপপরিচয়মাহ। যো সো বুদ্ধিত্যাদি। বালযোগিনাং যা বুদ্ধিঃ সবিকল্পকজ্ঞানং সা পরমার্থবিদাং প্রতি গুরুপ্রসঙ্গানিরূপলংভরূপা। তথাচ সরহপাদাঃ ।
যদিদং সনিমিত্তসুখং তদেব মহতাং [৪৯খ] জানঞ্চ পরিহীনমিতি। অতোপি য এব চিত্তরাজচোরঃ। অদত্তাদানং করোতি । স এব ভাব বিচাৰ্য্যমাণ শতি। তদ্বিপক্ষক[ঃ] পরমার্থরূপ। অতএব বালযোগিনাং দুঃসাধ্যাং পরমার্থসত্যং তৈঃ দুঃখেন সাধ্যতমিতি।
চতুর্থপদেন স্বরূপভাবমাহ নিতি নিতি ইত্যাদি। মরণাদিকে সর্বত্র বিভেতি ইতি কৃত্বা স এব সসানচিত্ত শৃগালতুল্যঃ। কল্যাণমিত্রাধিষ্ঠানাৎ প্রভাস্বরবিশুদ্ধো ভবতি। তদা যুগনদ্ধসিংহেনেহ স্পৰ্দ্ধাং করোতি। ঈদৃশ্যা ঢেণ্ঢণপাদস্য চর্য্যায়াং বিরলে পক্ষিবিক্ষুদ্ধচিত্ত[ঃ] স-ততোদেশে কোপি মহাসত্ত্বঃ। অর্থাবগমং করিষ্যতীতি। ৩৩ ॥৭০
[৫০ক]
তমেবার্থং গভীরধর্ম্মাধিগমেন সিদ্ধাচার্য্যো হি দ[া]রিকঃ প্রতিপাদয়তি। সুন করুণেত্যাদি। করুণেতিসংবৃত্তিসত্যং শূন্যমিতি। তস্য পরিনিষ্ঠিতরূপং পরমার্থসত্যং। উভয়মভেদোপচারেণ গৃহীত্বা বজ্রগুরুপ্রসাদাৎ সিদ্ধাচার্য্যো হি দারিকঃ। গগণমিতি আলোকদিশূন্যত্রয়ং বোদ্ধব্যং তস্য পারং প্রভাস্বরো মহাসুখেন পরিশুদ্ধকায়বাক্চিত্তাবিভাবনিয়মেন বিলসতি। তথাচাগমঃ।
ভাবেভ্যঃ শূন্যতা নান্যো ন চ ভাবোস্তি তাং বিনেত্যা-[৫০খ] দি ।
ধ্রুবপদেন তলমেবার্থং দ্রঢ়য়তি। অখিলমিতি। অতএব অনুৎপাদেন লক্ষ্যতে চিত্তমলক্ষ্যং তেন প্রভাস্বরে চিত্তে ন বিলসতি সুগম[ং] পরং।
দ্বিতীয়পদেনান্যং সংবোধয়তি। কিন্তো ইত্যাদি। মন্তেনেতি বাহ্যমন্ত্রজাপেন। রে বট বালযোগিন্ কিং তব তন্তেনেতি তন্ত্রপাঠেন চ ধ্যানব্যাখ্যানেন বা কিম্। অপ্রতিষ্ঠানমহাসুখলীলয়া তব নির্ব্বাণং দুর্লক্ষ্যং গুরুচরণরেণুকিরণপ্রসাদাৎ প্রসিদ্ধমেব । তথাচ সরহপাদাঃ। মন্ত ন তন্ত ইত্যাদি।
তৃতীয়পদেন মার্গস্যানুশংসামাহ। দুঃখেতি । দুঃখেনেতি পরমার্থসত্যেন সহ একীকৃত্য ভো বালযোগিন্ গুরু[ং] পৃষ্টা বিষয়েন্দ্ৰিয়োপভোগং কুরু। এতদুপায়েন সকলানুত্তরং গত্বা দারিকো হি সিদ্ধাচার্য্যঃ সংসারে স্বপরাপরং বিভাগং ভেদং ন পশ্যতীতি। তথা চ ধোকড়িপাদাঃ ।
সংসারে [৫১ক] বহু সংসরন্তি সুধিয়ো এষ প্রভাবে পি চ
ভাবাভাবযুগে বিচাৰ্য্য সকলং স্বপ্ৰজ্ঞয়ে সংস্থিতম্।
পক্ষ্যাপক্ষ্যমবেক্ষ্য]@@ বাদিগদিতং পক্ষং ন পশ্যাম্যহং
গ্রাহ্যগ্রাহকবর্জ্জিতং হি কুমুনিভিঃ দু[ঃ]খৈ[র] যথা [সং]ততং ॥
চতুর্থপদেন স্বকীয়ানুশংসামাহ। রাআ ইত্যাদি। উক্তিত্রয়েণ কায়েশ্বর্য্যেদিকং গুণং সূচিতং। অন্যে যে দেবা নাগেন্দ্রাদয়ো বিষয়মোহেন বদ্ধাস্তিষ্ঠন্তি। বয়ং পুনঃ লূয়ীপাদপ্রসাদাৎ দ্বাদশভূমিনো জিনসমাঃ । ৩৪ ॥৭১
জ্ঞানানন্দপ্রমোদযুক্তো হি সিদ্ধাচার্য্যো ভদ্রপাদস্তমেবার্থং প্রতিপাদয়তি । এতকালেত্যাদি। অনাদিসংসারে কল্যাণমিত্রসংসর্গাৎ। মোহমিতি বাহ্যবিষয়াসঙ্গেনোল্পকল্পনান্ত[ং] তাবৎ স্থিতোস্মি । ইদানীং বুদ্ধানুভাবাৎ সদ্গুরুবোধপ্রসঙ্গেন ময়া চিত্তস্য স্বরূপমবগতম্ ।
ধ্রুবপদেন তমেবার্থং দ্রঢ়য়তি। এর্বেমিত্যাদি ইদানীং পবিপদ্ম-সংযোগাক্ষরসুখে চিত্তরাজো মম বিনষ্টগমনমিতি প্রকৃতিপ্রভাস্বরে প্রবিষ্টমিতি।
দ্বিতীয়পদেভ্যাসস্বরূপমাহ পেখমীত্যাদি। সর্বধর্ম্মানুপলংভেযোগেন যং যং দিগ্ভাগং পশ্যামি তং তং সর্ব্বশূন্যং প্রভাস্বরময়ং প্রতিভাতি মাং অতএব চিত্তস্যানুদয়েন পাপপুণ্যাদিকং সংসারবন্ধনঞ্চ জানামীতি। তথা চ সরহপাদাঃ । অঙ্গে পচ্ছেমিত্যাদি।
তৃতীয়পদেন বজ্রপ্রবাহমাহ। বাজুলেত্যাদি। [৫২ক] বজ্রকুলেনেতি। বজ্রগুরুণা লক্ষমিতি ভাব্যমুক্তং মহ্যং চতুর্থানন্দোপায়ং প্রদত্তন ময়া পুনঃ সাদরনিরন্তরাভ্যাসেন গগনেতি প্রভাস্বরসমুদ্রে অহারীকৃতম্ ।
চতুর্থপদেনাত্মস্বরূপমাহ । ভণই ইত্যাদি। অভাগ ইতি। অনুৎপাদভাগগৃহীতোহ[ং] ভদ্রপাদঃ। যদানাদিভববিকল্পাধারচিত্তরাজো ময়া সর্বধৰ্ম্মানুপলংভসমুদ্রে প্রবেশিতং। ৩৫ ॥৭২
সহজানন্দসুন্দরো হি কৃষ্ণাচার্য মেবা[৫২খ]র্থং প্রতিপাদয়তি। সুন ইত্যাদি শূন্যমিতি। আলোকোপলব্ধিসংধ্যাজ্ঞানেন্ বাসনাগারং বোদ্ধব্যং। যোগীন্দ্রেণ তস্য বাসনাদোষংতথাখড়েগন প্রহৃত্য মোহং বিষয়াসঙ্গলক্ষণং সকলমহরিতমিতি।
ধ্রুবপদেন ধ্যানলক্ষণামাহ। ঘুমই ণ ইত্যাদি। সহজানন্দযোগনিদ্রা[ং) যাস্তী ন চেতয়তি। ন ত ভ্রষ্টো ভবতি। অতএব কৃষ্ণাচাৰ্য্যসুন্দরো হি সহজানন্দযোগনিদ্রালুং। তথা চ দ্বিকল্পে। ঘুমই গরুলহ ভক্ষণে ইত্যাদি। তস্যাং সহজানন্দনিদ্রায়াং।
দ্বিতীয়পদেন তমেবাহ। নচিত্তচেতনাবিকল্পো বোধিনাদ্য তে। অতএব তেন জ্ঞানেন। সকলমিতি ত্রৈলোক্যং পরিশোধ্য নির্ভরং যথা ভবতি তথা জ্ঞাননিদ্রাঙ্গতঃ।
তৃতীয়পদেন স্বপ্রতিভাসজ্ঞানমাহ। স্বপনেত্যাদি। অবণাগবনমিতি পূর্ব্বোক্তক্রমেণ চন্দ্রসূৰ্য্যয়োর্যাতায়াতং খণ্ডয়িত্বা। ঘানিকেতি। অবধূতিকা[৫৩ক] পবনঞ্চ সহজানন্দ প্রবেশয়িত্বা। ময়[া] স্বপ্নবৎ ত্রিভুবনং দৃষ্টং শূন্যঞ্চ। তথাচাগমঃ।
যথা কুমারী স্বপ্নান্তরেষু সা পুত্ৰ জাত মৃতঞ্চ পশ্যতি ।
জাতেহপি তুষ্টা মৃতে দৌৰ্ম্মনস্কা এবং জানীথ সৰ্বধর্ম্মান্।
চতুর্থপদেন বজ্রগুরুমাহাত্ম্যমাহ। শাখি করীত্যাদি। শ্রীগুরুজালন্ধরীপাদান্ যস্মি[ন] ধৰ্ম্মে সাক্ষিণঃ কৃত্বা তেষাং পা[দা]বজ্ররেণুগণপ্রসাদাৎ। যে যে পুস্তকদৃষ্টিগতাঃ পণ্ডিতাচার্য্যাঃ। তে তে মম পাশসান্নিধানান্তরমপি ন পশ্যন্তি ॥৩৬॥৭৩
জ্ঞানপানপ্রমোদেন সিদ্ধাচার্য্যো হি তাড়কস্তমেবার্থং প্রতিপাদয়তি। অপণেত্যাদি । গুরুচরণরেণুপ্রসাদাৎ ত থা গ ত ব চ নো পায় দ্বা রে স্বকায়বিচারণাত্মীয়সম্বন্ধলেশোপি ময়ি নাস্তী । অতএব আগন্তুর্কস্কন্ধক্লেশমৃত্যুমারাদীনাং শঙ্কা ভয়ং চ মে ন বিদ্যতে । তথাচাগমঃ। আত্ম বিশতীত্যাদি। তদীদানীং মম তদর্থবিকল্পভাবে মহামুদ্রাসিদ্ধিবাঞ্ছা দূরং পলায়িতা চ। তথাচাগমঃ।
নৈব ক্বচিৎ পুরা বদ্ধোহধুনা মুক্তি বিদ্যতে।
বন্ধমুক্তিবিকল্পোহয়ং কিঞ্চিৎজ্ঞানমলক্ষণম্ ॥
ধ্রুবপদেন উত্তাংর্থ কথয়তি। অনুভবেত্যাদি। অত্মানাং সম্বোধ্য বদতি ভো তাড়ক। অনুভবার্থং কথং বুক্তং শক্যতে। তস্মাদনুভব সহজমিতি কৃত্বা কথং বহসি। উত ভাবনাসংবৃত্যানুরোধেন পরং ভন্যতে। নতু [৫৪ক] স্বরূপতঃ। তথাচাগমঃ।
দেশনীরদযোগেন বুদ্ধোহদ্বয়কল্পিতঃ।
পরমা চ স্বাচিন্তযোগেন ন বুদ্ধো নাপি অদ্বয়ঃ ॥
তস্মচ্চতুঃকোটিবিনির্মুক্তভাবাৎ পুনস্তেন প্রকারেণ তিষ্ঠামিতি। তথাচাগমঃ। ন সন্নাসন্নসদেত্যাদি।
দ্বিতীয়পদেন তমেবার্থং প্রতিনির্দ্দেশয়তি। জইসনীত্যাদি। উৎপাদকালে পবিধরনৈরাত্ম্যাভিসঙ্গাৎ মহাসুখময়োৎপন্নোহং মহাবজ্রধরঃ। পুনরপি বজ্রগুরুণ[া] তস্মিন্নেতার্থে দৃঢ়ীকৃতেীস্মীতি। তস্মাৎ ভো সিদ্ধাচার্য্য সহজ পৃথগিতি মা কুরু। নিঃশঙ্কং সিংহরূপেণ জ[গ]তি ভ্রম।
তৃতীয়পদেন যোগীন্দ্রস্য নিমিত্তমাহ। বন্টেত্যাদি। যথা পারাবারে তরপতিস্তরদানগ্রহণায় পারেচ্ছুনাং বাসবিমোক্ষণে কপর্দিকান্বেষণমপি করোতি তেষাং বণ্ডকুরুণ্ডাদি বাধকবিশেষজ্ঞ পশ্যর্তীতি। বাহ্যভীতং স্বসংবেদ্য [৫৪খ] লক্ষণসংযুক্ত ধৰ্ম্মং কথং লোকে বচনদ্বারেণ প্রতিপাদয়িতব্যং। তথা বাক্প্রতীতিধর্ম্মাধিগমাং। কৃত্যাদ্বিগুণনিমিত্তং লোকেন নিরূপ্যতে যোগীন্দ্রস্য। তথাচাগমঃ। ধূমেন জ্ঞায়তে বহ্নিরিত্যাদি।
চতুর্থপদেনাত্যন্তনির্বিকল্পতাং প্রতিপাদয়তি। ভণই ইত্যাদি। সিদ্ধাচার্য্যো হি তাড়কঃ। এবং বদতি। অস্মিন্ ধর্মে বালযোগিনামবকাশমাত্ৰন্নাস্তীতি। যেপি পরমার্থবিদঃ তেপি যদি বদতি। অস্মাভির্দ্ধমাধিগমং কৃতং। তদা তৈরেব স্বগ্রীবা। সংসারপাশেন বদ্ধা। তথাচাগমঃ। তিল তুস ন তু বিষণ্ণ ইত্যাদি। ৩৭ ॥৭৪
[৫৫ক]
মৈত্রীময়ঃ সরহপাদস্তমেবার্থং কায়নৌকাব্যাজেন প্রতিপাদয়তি। কাঅ ণাবড়ী খণ্ডীত্যাদি। আধারাধেয়সম্বন্ধেন স্বকায়[ং] নৌকা[ং] পরিকল্প্যমনৌ বিজ্ঞান কেনিপাতঞ্চ। সৎগুরুবচ[ন] পতবাল গৃহীত্বা। বজ্ৰজলজসংযোগভবজলধিমধ্যে পঞ্চজ্ঞানাত্মকং বিলক্ষণশোধিতসংবৃতিবোধিচিত্তং স্থিরীকৃত্য কায়নৌরক্ষাং কুরু ভোঃ সরহপাদ । ভবসমুদ্রং তর্ত্তুং নান্যোপায়ে বিদ্যতে। তথাচ দউড়ীপাদানং।
এতে পঞ্চ যনতি মোহতটিনী-পারমিত্যাদি।
দ্বিতীয়পদেন মার্গস্যানুশংসামাহ। নোবাঅ ইত্যাদি। যথা বাহে নৌকাং বাহয়তি কর্ণধার[ঃ] গুণেনাকর্ষয়তি চ তদ্বদিয়ং নৌর্ন্ন ভবতি। ভো যোগিন্ বজ্রগুরৌ সহজানন্দোপায়ং গৃহী-[৫৫খ] ত্বা নৌপরিত্যাগং কুরু। সদ্য যেন মহাসুখদ্বীপং গচ্ছ।
তৃতীয়পদেন মারকম্মারধিষ্ঠানমাহ। বাটত ইত্যাদি। খানপানবিষয়াশক্তিতেন সাধকো যদা মার্গভ্রষ্টো ভবতি। অবধূতনং গত্বা জহাতীতি। খণ্টমিতি। তদা চন্দ্ৰসূৰ্য্যো দ্বৌ বলবন্তৌ ভবতঃ । তেন হেতুনা ভবসমুদ্রবিষয়োল্লালনেন নৈরাত্মধর্ম্ম[ং] সর্ব্বপ্রকারেণ বোলিতমিতি।
চতুর্থপদেনাবধুতীমার্গস্যানৃশংসামাহ। কুল ল[অ] ইত্যাদি। কুলমিতি। কুমাৰ্গচন্দ্রাদিকং যস্মিন্ অবধূত্যাং লয়ং গচ্ছতি। সা প্রা[কৃ]তিপরিশুদ্ধাবধুতিকা কু[ল]শব্দেন বোদ্ধব্যা। লঅ ইতি। তাং গৃহীত্বা। খরসোন্তেমেতি মহাসুখরাগস্রোতাবৰ্ত্তেন পরমার্থবিদাং যো বোধিচিত্তব্রজঃ স ঊর্দ্ধঙ্গচ্ছতি গগনেতি বৈমল্যচক্রদ্বীপে অন্তর্ভবতি ॥৩৮ ॥৭৫
[৫৬ক]
সিদ্ধাচার্য্যো হি সরহপাদস্তমেবার্থ[ং] ভাবস্বরূপাবগমাৎ লোকার্থায় বদতি। সুইণেমিত্যাদি। ভো নিজমণশ্চিত্তরা[জ] তবাবিদ্যাদোষাদ্রুপাবগমকত্বাৎ। স্বপ্নেপি দ্রব্যাভিলাষ[া]ৎ গুরুবচনেন্দুরশ্ময়স্ত্রৈলোক্যে স্ফারিতাঃ। অতঃ কুত্র স্থানে ত্বয়া স্থাতব্যং। ভো চিত্তরাজ।
ধ্রুবপদেন তমেবার্থং দৃঢ়য়তি। অকটেত্যাদি। আকটঃ [৫৬খ] আশ্চৰ্য্যং। গুরুপাদপদ্মপ্রসাদাল্লীলয়া ময়াবগতোসি। হুঙ্কারো বীজোদ্ভবা ভো চিত্তরাজ। গঅণেতি প্রভাস্বরে প্রবিষ্টোসি। ইদানীমবিদ্যাদোষবিনাশকৌকৃত্যং ভগ্নন্তব।
দ্বিতীয়পদেনাধিমাত্রসত্বস্যানুশংসামাহ। অদঅ ইত্যাদি। ভবসত্বস্য হি মোহোয়নদ্ভুতঃ। যস্মাদাত্মস্বরপরাপরভেদবিভাগং স পশ্যতি । অতএব সাহঙ্কারেণ মনসি পরমার্থচিত্তস্যোদয়[স] তব না[স]তি। তথাচাগমঃ।
সাহষ্কারে মনসি বিশমং যাজি জন্মপ্রবন্ধো
নাহঙ্কারশ্চলতি হৃদয়াদাত্মদৃষ্টৌ তু মসত্যাং।
নান্যঃ শাস্তা জগতি জয়িনো নাস্তি নৈ[রা]ত্মবাদী
নান্যস্মাদুদপসমবিধেস্তত্মতাদস্তি মার্গঃ ॥
তত্ত্ববিদাং প্রতীয়ে নীরেন্দ্রাদি দ্বাদশ দৃষ্টান্তদ্বারেণ ভবেৎ সৰ্ব্বশূন্যপ্রমাণোপন্না সিদ্ধির্ভবতীতি।
তৃতীয়পদেন চতুর্থান[ন্দ]মাত্মাহ। অমিঅমিত্যাদি। সহজজান[ন্দে] স্থিতে সতি রূপাদিবিষ[য়]বিপ[া]ক[ান] [৫৭ক]প্রস[ৈ]হ্যব হরসি। ভো কৰ্ম্মেব বশ্যচিত্ত বিচারক। গৃহমিতি স্বকং কায়ং পীনকমিতি। রাগদ্বেষমোহাদিকং সমূহং তব নিজগৃহিণী জ্ঞানমুদ্রানৈরাত্মাং সমালিঙ্গ্য তস্য ভক্ষণং নিঃস্বভাবীকরণম্ময়া কর্ত্তব্যম্। তথাচ সরহপাদাঃ। ঘরণেঞে পরবিষ খজ্জই ইত্যাদি।
ঘরবিতো খঞ্জই সঙ্গি রজ্জই ণচো রাঅ বেরাণী ।
অকুল ণদ্ধী চিত্তা ভট্টি জোইণী সে পতিহাস ॥
চতুর্থপদেন স্বচ্ছন্দচর্য্যামাহ। সরহপাদসিদ্ধাচার্য্যো হি বদতি। সরহ ভণ ইত্যাদি । দুষ্ট বলদমিতি দুষ্টবিষয়ং বল[ং] দদাতীতি দুষ্টবলদ চিত্তরাজো বো[দ্]ধব্য। একেন তেন দুষ্টেন ত্রৈলোক্যং নাশিতং। তেন দুষ্টবলদেন ময়া কিং কৰ্ত্তব্যং। গো ইতি ইন্দ্রিয়ং। তস্য আলম্বনং স্বকায়ং তং শূন্যপ্রভাস্বররূপং কৃত্বা গুরুবচনপ্রসাদাৎ স্বচ্ছন্দেন ত্রিজগতি বিহরণং করোমি ইতি। তথাচ শান্তিদেবপাদাঃ । স্ব-[৫৭খ] চ্ছন্দচর্য্যানিলয় ইত্যাদি। ৩৯ ॥৭৬
সহজানন্দমুদিতঃ কৃষ্ণাচাৰ্য্যঃ মুদিত প্রতিপাদয়তি জো মণ ইত্যাদি। মন ইন্দ্রিয় স্তস্য গোচরো যঃ সকলবিকল্পজালঃ। আগমমন্ত্রশাস্ত্রাদিজ্ঞানং বা তৎ সৰ্ব্বঞ্চ। তথাচ। আগম বেঅপুরাণেত্যাদি ।
ধ্রুবপদেন সহজদৌর্ল্লুভ্যং প্রতিপাদয়তি। অতএব বেদঃ কথং সহজমনুত্তরজ্ঞান[ং] বক্তুং শক্যতে। পৃথগ্জনানাং কায়বাক্চিত্তৎ যস্মিন্ সহজে নান্তৰ্ভবতি। তথাচ তিলোপাদাঃ ।
স[অ]সং-[৫৮ক] বেঅণ তত্তফল তিলোপাএ ভণন্তি।
জো মণগোঅর গোইআ সো পরমথে ন হোস্তি ॥
দ্বিতীয়পদেন তত্ত্বস্বরূপমাহ। অলেমিত্যাদি। অলং নিস্ফলং গুরুঃ শিষ্যায়োপদেশং দদাতি। যোপি সহজঃ স কথাবেদ্যা ন ভবতি। তেন গুরুণা কিং কৃত্বা বক্তব্যমিতি। তথাচ সরহপাদাঃ। ন তং বাএ গুরু কহই ইত্যাদি।
তৃতীয়পদেন তমেবার্থং দৃঢ়য়তি। তেজই ইত্যাদি। তস্মাৎ ভগবতিমাত্রগত্যা যদ্যদ্ভন্যতে সহজং তৎসৰ্ব্বং টালনমসদ্রুপং। যোপি বজ্রগুরুঃ সোপ্যস্মিন্ ধর্ম্মে বচনদরিদ্রার্থেন যুক্ত। তস্য শিষ্যোণাপ্যবচত্বেন কিঞ্চিন্ন শ্রুতম্।
অতএব সোহপি চ বধিরস্তস্মিন্ গম্ভীরধর্মে মতিং প্রতিপাদয়তি। ভণই ইত্যাদি। কৃষ্ণাচার্যো হি বদতি। কীদৃশং জিনরত্নং রতিমনন্তমনুত্তরসুখং তনোতীতি রত্নং চতুর্থানন্দং বো[দ্]ধব্যং। যথা বধিরঃ সংকেতাদিনা মূকস্য সংবোধ-[৫৮খ]নং করোতি তদ্বদ্দুরে সদ্গুরু[ঃ]শিষ্যে রতিস্বভাবেণ মহাসুখং তনোতি। তথাচ দউডীপাদাঃ । অদূরে দূরে বেত্যাদি। ৪০॥৭৭
সহজানন্দমুদিতো হি ভুসুকুপাদস্তমেবার্থং প্রতিপাদয়তি। আই ইত্যাদি। আদৌ অনুৎপন্নভাবত্বে [৫৯ক] ন জগদিদং স্বয়ং পরমার্থজ্ঞৈরবগতং। তেন তেষ্বন্যথাভাবং ন গচ্ছতি । তথাচা[গ]মঃ
অকারো মুখং সৰ্ব্বধৰ্ম্মাণামাদ্যনুৎপন্নত্বাৎ।
অথ ভ্রাংত্যা বিদ্যাতিমিরলোচনান্নীলপীতাদিরূপেণ ভো বালযোগিন্ ভাবং ত্বাং প্রতিভাসতে। তথাচাৰ্য্যনিদত্তকাঃ ।
কেশোণ্ডকং যথাকাশে দৃশ্যতে তৈমিরকৈর্জ্জনৈঃ।
তথালোকাদিদোষেণ ভাবো বালৈর্বিকল্পতে ॥
অথ রজো সর্পাভিজ্ঞানং কৃত্বা সংত্রাসিতো যঃ সোহপি তেন রাজ্জসর্পেণ কিং সত্যেন খাদিতঃ।
ধ্রুবপদেন মার্গস্যানুশংসামাহ। অকটেত্যাদি। আকটাশ্চৰ্য্যং ভো বালযোগিন্ অত্র হস্তামর্ষং মা কুরু। ঈদৃশস্বভাবেন যদি জগৎস্বরূপাবগমং করোষি তদা অনাদিভববিকল্পবাসনাদোষসংগ্রহং পলায়তে তব।
দ্বিতীয়পদেন তথেবার্থং সংবৃত্তিদৃষ্টান্তেন৭৮ স্পষ্টয়তি। মরুমরীচীত্যাদি। মৃগতৃষ্ণাগন্ধৰ্ব্বনগরদর্শনাদি প্রতিভাসমাত্রং ভাবস্য যোগিবরেণ [৫৯খ] দৃশ্যতে। তথা চাগমঃ।
যথা মায়া পঞ্চথা স্বপ্নং তথা স্যাদন্তরাভবমিত্যাদি ॥
এতৎ সৰ্ব্বং অবিদ্যাবাসনাদোষেণ মিথ্যা বালৈর্বিকল্প্যতে। যথা বাতাবৰ্ত্তেন নীরমপি প্রস্তরং ভূতং তদ্বৎ ভাবগ্রামো যোগীন্দ্রেণ বো[দ্]ধব্যঃ। তথা চাগমঃ ।
শূন্যতৈব ভবেদ্ভাবো বাসনাবাসিতা সতী।
বাত্তাবৰ্ত্তে ভূ দৃঢ়ীভূতা আপ এব ঘনোপলাঃ ॥
তৃতীয়পদেনাত্যন্তাভাব[ং] শৃচয়তি। বান্ধীত্যাদি। বংধ্যা ভগবতী নৈরাত্মা তস্যাঃ সুতঃ পরমার্থসত্যং বালুকাতৈলোপমং। শশসৃঙ্গোপমঞ্চ। এতেনানুৎপন্নস্বভাবো হি তস্য শূচিতঃ। স এব উৎপন্নো হি পরমার্থসত্য[ঃ] মহাসুখ[ঃ] পঞ্চজ্ঞানাত্মকঃ। জগতি নানাপ্রকারেণ ক্রীড়ারসমনুভবতীতি। তথাচ সুতকে। পঞ্চবুদ্ধ্যাত্মক[ং] সর্ব্বং জগোয়মিত্যাদি।
চতুর্থপদেন ভাবপরিশুদ্ধিমাহ। ভূসুকু ইত্যাদি। ভূসুকুপাদো হি বদতি। ভাব[ঃ] নামেষ রূপো হি ময়া৭৯ কথিতঃ। ভো বালযোগিন্ য-[৬০ক] দি তব ভ্রান্তিরত্রাস্তি তদা সদ্গুরুচরণারাধনং৮০ কুরু। ৪১॥৮১
জ্ঞানামৃতপরিতুষ্টো হিকৃষ্ণাচাৰ্য্যপাদস্তমেবার্থং প্রতিপাদয়তি। চিত ইত্যাদি। সহজেনেত্যাদি। প্রকৃতিস্বরূপেণ সৰ্ব্বদেব ষোড়শীশূন্যতায়া সংপূর্ণেয়াং মম চিত্তরাজঃ। অতএব স্কন্ধবিয়োগেনেতি। ভো জনা মম স্কন্ধাভাবাৎ বিষাদ[ং] মা কুরু। তথাচ হেবজ্রে। স্কন্ধাভাব পরমমিতি।
ধ্রুবপদেন স্বরূপং প্রতিপাদয়তি ভো বালযোগিন্ বদ কথং কৃষ্ণাচার্যো হি [৬০খ] ন বিদ্যতে ত্রৈলোক্যস্বরূপং তা[ং] ভাব্য। অনুদিনং স্ফুরতি পরমার্থজলধৌ ক্রীড়তীত্যর্থঃ। তথা চাগম[ঃ]।
যথা নদীজলাৎ স্বচ্ছাৎ মীনে উৎপততি দ্রুতম্।
সৰ্ব্বশূন্যাত্তথা স্বচ্ছাৎ মায়াজালমুদীৰ্য্যতে ॥
দ্বিতীয়পদেন দৃষ্টান্তদ্বারেণ তমেবার্থং বিস্পষ্টয়তি। মূঢ়া ইত্যাদি। নীলপীতাদিবর্ণ্ণ-সংস্থানো হি যো ভাবস্তস্য ভংগং দৃষ্টা মূর্খাঃ কিমর্থং কাতরা ভবতি। কিমম্ভোধের্ভগ্নতরঙ্গস্তং সাগরং শোষয়তীতি।
তৃতীয়পদেন পরিনিষ্পন্নতামাহ। ভব জাই ণ ইত্যাদি। সদ্গুরুপঙ্কজরজঃ ন কবোতীত্যর্থঃ। এতদ্ভবস্বভাবপরিজ্ঞানেন। কৃষ্ণাচাৰ্য্যপাদো ভবেৎপ্যত্র বিলষতি ক্রীড়তীতি। ৪২ ॥৮২
[৬১ক]
সহজমদমুদিতে হি ভূসুকুপাদস্তমেবার্থং প্রকটয়তি। সহজ ইত্যাদি। গুরুচরণরেণুপ্রসঙ্গেন পবিপদ্মসংযোগসুখাকারবীজং গৃহীত্বা ত্রৈলোক্যং ব্যাপ্য যোগীন্দ্রস্য সহজচিত্ত[ঃ] স্ফুরিতঃ৮৩। এতস্য খসমোপমসুখস্বভাবেন ত্রৈলোক্যে ন কো বিদ্বান্ মুক্তো বেতি। তথাচ দ্বিকল্পে।
ব্যাপ্যব্যাপকরূপেণ সুখেন ব্যাপ্তিং জগৎ।
পদস্যোত্তরপনে ধ্রুবপদং বো[দ্]ধব্যং।
দ্বিতীয়পদেন দৃষ্টান্তোপম[ম]পরং[ং] করোতি । জিমজলেত্যাদি। যথা বাহ্যনীরান্তপতনভেদো ন জ্ঞায়তে বুধৈঃ । তথা মনোবোধিচিত্তরত্ন[ং] যোগীন্দর[স্য] সমরসীভূতং গগণেতি। প্রভাস্বরে বিষতি। তত্র তস্য জ্ঞানোপলম্ভো ন [৬১খ] স্যাদিতি। তথা চাগমঃ।
যথা জলে জলং ন্যস্ত[ং] জ্ঞানচক্রং তথা স্থিতমিতি।
তৃতীয়পদেন ভাবস্বরূপমাহ । জাসু ণাহীত্যাদি। যস্য যোগীন্দ্রস্যাত্মাত্মীয়সম্বন্ধো ন স্যাৎ৮৪। তস্য পরসম্বন্ধঃ। স্ব ইতরতর এব। যস্মা[দা]দৌ অনুৎপন্না যে ভাবাঃ । তেষামুৎপাদস্থিতিভঙ্গা ন দৃশ্যতে সিদ্ধপুরুষৈঃ। তথা চাগমঃ।
ন জাতো ন মৃতশ্চৈব৮৫ ন রূপী নাবিরূপবান্।
ন সংসারে ন নির্বাণে নারস্তেন শূচ্যতে ॥
চতুর্থপদেন ভাবস্বরূপমাহ। ভূসুকু ভণই ইত্যাদি। বাটমিতি পূৰ্ব্বোক্তার্থং ভূসুকুপাদো বদতি। সকলভাবানমেষঃ স্বরূপঃ। এতস্মিন্ গভীরসহজানন্দানুভবাদ্ভাবাভাববিকল্পপরিহারেণ ন কোহপি যোগী জিনসংসারচারাগারে যাতায়াতং দৃশ্যতে ॥তথাচ সরহপাদঃ।
গভীরঅই উআণ্ স অপ্যাণ।
সহজানন্দ চউজ্জহ লুণিঅ সংবেঅণ জাণ ॥৪৩ ॥৮৬
[৬২ক]
পরমকরুণাসবপাণত প্রমুদিতোহি কঙ্কণসিদ্ধাচার্য্যো স্তমেবার্থং শব্দান্তরে ব্যুৎপাদয়তি। সুনে ইত্যাদি। তৃতীয়স্বাধিষ্ঠানশূন্যে বজ্রগুরোরধিষ্ঠানাচ্চতুর্থং পদ[ং] শূন্যং [য]দা মীলতি স্বয়ং তদা তস্মিনং সময়ে। সৰ্ব্বধর্ম্মমিতি। যুগনদ্ধফলোদয়ো ভবতীতি।
ধ্রুবপদেন তমেবার্থং কথয়তি। চউখণমিতি তস্মাদ্বিচিত্রাদিক্ষণেন চতুর্থানন্দ, সংবোধয়িত্বা তিষ্ঠামি তেনাহং মধ্যমানিরোধেতি । সপ্তপ্রকৃতিদোষাসমাধিমলনিধানাদনুত্তরবোধিং লভ্যতে। তথাচ দ্বিকল্পে । আনন্দাস্তত্র জায়ত্ত ইত্যাদি [৬২ খ]।
দ্বিতীয়পদেন অভ্যাসমাহ। নাদমিত্যাদি দীর্ঘহূংকারো নাপায়গ্রাহকজ্ঞানবিকল্পং বিন্দুরিতি। প্রজ্ঞাগ্রাহ্যজ্ঞানবিকল্প[ঃ] নাদঃ। এতদুভয়ং বিকল্পেন তস্মিন, সময়ে পরিত্যক্তোস্মি । অতঃ সৰ্ব্বধৰ্ম্মানুপলংভং পশ্যন্ চিত্তবোধনঞ্চ প্রণষ্টং মনে।
তৃতীয়পদেন সংবৃতিবোধিচিত্তস্য ফারতামাহ। যথেত্যাদি। আদৌ যস্মাদ্বোধিচিত্তাদুৎপন্নোহসি। তস্মিন্ নিজবোধিচিত্তে ইন্দুবিষয়বিকল্পবিরহিতে যচ্চ[তু]র্থসুখসংবেদনরূপ[ং] জানীহি। তথাচ সরহপাদাঃ ॥
জন দিট চঅ বিলোঅ টাউ পবনে সমরস হোঈ।
ইন্দি যঅ অউআ সন্ধিঅ অন্নে কিসমে সংবোহি ॥
চতুর্থপদেন স্বকীয়প্রভা[বং] প্রতিপাদয়তি। ভণই ইত্যাদি । কঙ্কণপাদসিদ্ধাচার্য্যোহি বদতি । সাকারনিরাকারাদি[ঃ] বালযোগিনাং কলকলঃ । সমতথতানাদেন ভগ্নঃ । তথা চাগমঃ ।
শূন্যতাসিংহনাদেন ত্রাসিতাঃ সৰ্ব্বশত্রুবঃ ॥৪৪॥৮৭
[৬৩ক]
তমেবার্থ[ং] পরমানন্দমুদিতোহি কৃষ্ণাচাৰ্য্যঃ প্রতিপাদয়তি । মণতরু ইত্যাদি। অনাদিভবাসনাপল্লবাশ্রয়ত্বাৎ কৃষ্ণাচাৰ্য্যপাদেন স্বচিত্ততরুত্বেন উৎপ্রেক্ষিতং। তস্য চিত্ততরোঃ। পঞ্চেন্দ্রিয়েণ শাখামধিমুচ্য । আসা তস্য যন্ত্রবহলফলবেঞ্চি ।
ধ্রুবপদেন তস্যানুৎপাদং শূচয়তি বরগুরু ইত্যাদি। বরগুরুবচনকুঠারেণ তস্য বাসনা ছিদ্যমানা সতী কৃষ্ণাচার্য্যো বদতি সএব চিত্ততরুরিব ভূমৌ পুনর্ন্নোৎপদ্যতে। তথাচ দ্বিকল্পে। ন বুদ্ধো৮৮ লভ্যতেহন্যতেত্যাদি [। ]
[৬৩খ] দ্বিতীয়পদেন গুরুবনচপ্রভাবমাহ। বাটই ইত্যাদি। সোপি চিত্ততরুঃ স্বশুভাশুভং জলং গৃহীত্বা স্ব[য়]মনাদিসংসারভূমৌ বর্দ্ধতে। অ[থ] শ্রীগুরুং পৃষ্ট্বা তস্য বচনানুভবং কৃত্বা। বিদুজনেতি যোগীন্দ্ৰাস্তস্য চিত্তবৃক্ষস্য ছেদং কুর্ব্বন্তি।
তৃতীয়পদেনাহসম্প্রদায়যোগিনা[ং] সংসারতামাহ। জো তরু ইত্যাদি। যেপি বালযোগিনশ্চিত্তবৃক্ষস্য ছেদমিতি নিঃস্বভাবীকরণং ন জানন্তি । তেহি সৎসারদুঃখবারিধৌ ষটিত্বং পতংতি। পুনস্তত্রৈব ভবগ্ৰহ[ং] কুর্ব্বন্তি মোক্ষমার্গং ন জনন্তীতি।
চতুর্থপদেন মার্গানুশংসামাহ । সুন তরুবর ইত্যাদি। তস্মাদবিদ্যাশূন্যতরো। ভো বালযোগিনমিতি। প্রকৃতিপ্রভাস্বরকুঠারেণ গুরুসম্প্রদায়াদ্বাসনাং. ছেদং কুরু ডালমিতি। যেন পুনরিন্দ্রিয়স্যাধীন[ং] ন ভবতীতি। ৪৫ ॥৮৯
[৬৪ক]
পরমকরুণা-অর্জ্জণায় তমেবার্থং অভিজ্ঞালাভী জয়নন্দিপাদঃ প্রতিপাদয়তি। পেখই ইত্যাদি। যথা স্বপ্নে স্বপ্রতিভাস[ং] যথাদর্শে প্রতিবিম্বং। তাদৃশমন্তরা ভববিজ্ঞানং পশ্য। তথা চাগমঃ।
জিমজলমঝে চন্দ্র স হি নো স ইত্যাদি।
ভো অনধিগতং মা যদি ত্বং বিজ্ঞানসংক্রমণকালেপি সদ্গুরুবচনমার্গমনুস্মরন্ স্বচিত্ত[ং] মোহবিমুক্তং করোষি তদভাবে সংসারে যাতায়াতং ত্রুট্যতি। তস্মাৎ স্বাত্মানং মিথ্যাহেন কিমর্থং নিষ্ফলং বাধয়সে। তথাচ ভূসুকুপাদাঃ । ক্লেশাবিষয়েষ্বিত্যাদি।
দ্বিতীয়পনে পরমাত্মচিত্তস্যানু[৬৪ খ]শংসামাহ। নো দাট ইত্যাদি। সদ্গুরুচরণপঙ্কজরজঃপ্রসঙ্গাৎ তদেবং সংসারমনো যদি মোহবিমুক্তং ভবতি। তদাগ্নিনা ন দগ্ধম্ভবতি। জলে ন প্লাবতীয়ং ভবতি। শস্ত্ৰেণ চ্ছেত্তুং ন পার্যতে পরমার্থচিত্তস্যাঙ্কং মদং। এবং পশ্যন্ সন্ তথাপি কুবিয়ো মোহে পরং বদ্ধা ভবতি। তথাচ বহি[ঃ]শাস্ত্রে।
যত্নেন পার্য্যাণি সমাচরন্তি পুণ্যপ্রসঙ্গপি [পাপকানি]।
আশ্চৰ্য্যমেতদ্ধি মনুষ্যলোকে ক্ষীরং পরিত্যজৎ বিষং পিবন্তি ॥
তৃতীয়পদেন পরমার্থসত্যস্য লক্ষণ[ং]। ছায়েত্যাদি। মোহবিমুক্তা যদা পরমার্থবিদো ভবন্তি। তদা ছায়ামায়াসমং স্ববিগ্রহঃ জ্ঞানলোচনেন পশ্যতি পক্ষাপক্ষভিন্নং শ্রীহেরুকরূপং চাকলয়তি। তথাচ সরহপাদাঃ। মহামায়াদেবীত্যাদি।
চতুর্থপদেন চিত্তফলস্বরূপমাহ। তথেতি। প্রজ্ঞাপারমিতার্থমহারসেন চিত্তবাসনাদোষবিশোধনং যদি ক্রিয়তে বুধৈঃ। তদা জয়নন্দিপাদো হি বদতি । চিত্তমন্যথাভাবং ন ভবতি। তথবিশু্-[৬৫ক]দ্ধো হি যঃ স তথাপরং ভবতি। তথাচ শ্রীদ্বিকল্পরাজে।
সৰ্ব্বেষা খলু বস্তূনাং বিশুদ্ধিস্তথাতা মাতা ॥ ৪৬ ॥৯০
তমেবার্থং পরমকরুণামৈত্রিকমনসঃ সিদ্ধাচার্যো ধামপাদোহি প্রতিপাদয়তি। কমলকুলিশমিত্যাদি। প্রজ্ঞোপায়সমতাং সত্যাক্ষরমহাসুখরাগানিলাবার্ত্তান্নাভৌ নির্ম্মাণচক্রে চণ্ডালী জ্বলিতা মম।
ধ্রুবপদেন তমেবার্থং বিস্পষ্টয়তি। যদি দোহেত্যোদি ॥ মহাসুখরাগদাহযুক্তোহ্যগিঃ। ডোম্বী পরিশুদ্ধাব[৬৫ খ]ধূতিকাগৃহে লগ্নঃ। তেন মহাসুখরাগাগ্নিনা ময়া সকলবিষয়াদিবৃন্দাশ্রয়ো দগ্ধঃ। সসহরমিতি। সদ্গুরুপ্রসাদাদ্বিলক্ষণপরিশোধিতসংবৃতিবোধিচিত্তং গৃহীত্বা তস্য বহ্নে[ঃ] নির্ব্বাপণং করোমীতি। তথাচ দ্বিকল্পে। চণ্ডালী জ্বলিত্বা নাভাবিত্যাদি।
দ্বিতীয়পদেন জ্ঞানবহ্নেঃ স্বরূপমাহ। নৌ খরেত্যাদি। যথা বাহ্যবহ্নেস্তীব্রং জ্বলনত্যাদি ধূমাদিকং দৃশ্যতে তদ্বদয়ং জ্ঞানবহ্নে[ঃ] [ন] দৃশ্যতে। কিন্তু ভাবাভাবং দগ্ধা পূর্ব্বোসুমেরুশিখরাগ্রে গগনমিতি মহাসুখচক্রে অন্তর্ভবতীতি।
তৃতীয়পদেন উক্তার্থ[ং] প্রতিনির্দ্দেশয়তি। দাটই ইত্যাদি। বাহ্মেতি সন্ধ্যাবচনেন বিটনাড়িকা বো[দ্]ধব্যা। হরিরিতি। মূত্রনাড়ী। হর ইতি শুক্রনাড়িকা এত দগ্ধা । ঊর্ধ্বে ললনারসনাদিকাশ্চ। নবগুণমিতি নবপবনঞ্চ। শাসনমিতি চক্ষুরিন্দ্রিয়াদিবিষয়াখ্যঞ্চ দগ্ধ্বা। স এষ রাগানলো নিঃস্বভাবং গতং। তথাচ সরহপাদাঃ মনমর ইত্যাদি।
চতুর্থপদেন চতুর্থানন্দপ্রত্যয়িতামাহ ধামেত্যাদি। ধামপাদোহি বদতি । ভোহনধিগতমার্গ শ্রীগুরুচরণোপায়েন সম্যক্ কুলিশাজসংযোগো স্ফুটং কৃত্বা স৯১
[৬৭ ক] কুক্করীপাদেন ভো যোগিন্ অঙ্গুলীমূর্দ্ধীকৃত্যোক্ত[ং]। এতত্রৈলোক্যামিতি। কায়বাক্চিত্তস্যাভাষদোষো মহাসুখেন জিতঃ । তথাচ সরহপাদাঃ ।
ঘর অচ্ছন্তেঁ মা জাঙ্গং বণেত্যাদি ॥৪৮ ॥৯২
প্রজ্ঞাপারমিতাংভোধিপরিমথনত্বামৃতপরিস্নপিতঃ সিদ্ধাচার্যভূসু[কু]পাদো বঙ্গালিকাব্যাজেন তমেবার্থং প্রতিপাদয়তি। প্রজ্ঞারবিন্দকুহরহ্রদে সদ্গুরু চরণোপায়েন প্রবেশিতং। তত্রানন্দা[৬৭ খ]দিশব্দোহীত্যাদি অক্ষরসুখাদ্বয়বঙ্গালেন বাহিত ইতি। অভিন্নত্বং কৃতং। তথাচাগমঃ ।
ন ক্লেশা বোধিতে ভিন্ন[া] ন বোধৌ ক্লেশসম্ভবঃ।
ভ্রান্তিতঃ ক্লেশসঙ্কল্পো ভ্রান্তি[ঃ] প্রকৃতি নির্ম্মলা॥
ধ্রুবপদেন তমেবার্থমভিদ্যোতয়তি। আজীত্যাদি। স্বয়মেবাত্মানং সমেবাধ্য বদতি । ভো ভূসুকুপাদঃ। ধ্যানপরিপাকাবস্থাবিয়োগেনাদ্যৈব৯৩ ত্বং নৈব বঙ্গালিকা ভূতা। যস্মাৎ নিজগৃহিণীহ্যপরিশুদ্ধাবধূতী বায়ুরূপা। চণ্ডালেনেতি। স্পর্শপ্রকৃতিপ্রভাস্বরেণ নীতা।
দ্বিতীয়পদেন ভাবনিঃসঙ্গমাতাহ। দহিঅ ইত্যাদি। তেন মহাসুখা[ন]লেন । পঞ্চপাটনমিতি। পঞ্চস্কন্ধাশ্রিতাহংকারমমকারাদিকং দগ্ধং। ইন্দ্রিয়বিষয়ঞ্চ। অতএব স্বয়ং কল্পপরিহারান্নাজানীমঃ চিত্তরত্নং। তথাচ সরহপাদাঃ জথে তথেকিত্যাদি।
তৃতীয়পদেন তমেব নির্দিশতি সোন রুঅ ইত্যাদি। সোনমিতি শূন্যতাগ্রহঃ। রুঅ ইতি ভাবগ্রহঃ। উভয়-[৬৮ খ]বিকল্পং স্বরূপবিচাৰ্যমাণে সতি কিঞ্চিন্ন স্থিতম্। নিজপরিবারেণেতি। অতএব নিৰ্ব্বিকল্পপরিহারেণ মহাসুখরত্ননিমগ্লোহং । তথাচাগমঃ।
অর্থি[ম]র্থিজনাম্বিনামতিতরাং দূরং নয়ংতীঞ্চ যে
ধন্যাস্তে নিজভোগে সঙ্গমধিয়ো ধ্যায়ন্তি নক্ত[ং]দিন[ং]।
নোপশ্যামনিশং সুখাশ্রয়পদং ধ্যায়ন্নহ[ং] মূঢ়ধীঃ
সত্ত্বার্থ[ং] করুণারসেহতিগহনে মজ্জাম্যকাংক্ষী পুনঃ ॥
চতুর্থপদেনাত্যন্তাভাবমাহ। চউকোটীত্যাদি। যৎপরং চতুঃকোটিবিচারভাণ্ডারং মম তেনাদ্বয়বঙ্গালেন গহীতম্। অতএবমাত্মনি জীবনমরণধ্যানাদিবিকল্পং নাস্তি। তথাচ হেবজ্রে।
পিতরি প্রাপ্তং যৎ সৌখ্যমিত্যাদি। ৪৯ ॥৯৪
[৬৮খ]
তমেবার্থং পরমার্থসত্যাসাক্ষাৎকরণেন জনার্থায় সিদ্ধাচার্য্যোহি শবরপাদঃ প্রতিপাদয়তি। গঅণত গঅণত ইত্যাদি। গগনেত্যুক্তিদ্বয়েন শূন্যাতিশূন্যং বো[দ্]ধব্যম্ তল্লগ্নবাটিকাসন্ধ্যায় তৃতীয়ং মহাশূন্যঞ্চ হৃদয়েনেতি। প্রভাস্বরচতুর্থে শূন্যেন কুঠারিকাং কৃত্বা এতদা[৬৯ ক]লোকাদিশূন্যত্রয়স্য দোষং ছিত্ত্বা। কন্ঠেতি সম্ভোগচক্রে নৈরাত্মধর্মাবগমেনানুর্দিনং যোপি যোগিবর[ঃ] জাগ্রতি তস্য ত্রৈলোক্যং সুঘটং ভবতীতি।
ধ্রুবপদোসঙ্গপরিহারং করোতি। ছাড় ইত্যাদি। মাআ ইত্যাদি। বিষমদুন্দোলিকায়াং কর্মাঙ্গনায়াং ভো যোগি মে[া]হত্যাগেন মহামুদ্রাসিদ্ধিং কুরুত। দ্বিরুক্তীদিতি সম্ভ্রমে। তথাচ সরহপাদাঃ। যামই ইত্যাদি। অতএব শবরোহি মহাসুখেন ভবে শূন্যে নৈরাত্মজ্ঞানমুদ্রা[ং] গৃহীত্বা বিলসতি ক্রীড়তি ।
দ্বিতীয়পদেন কৃতকৃত্যমাহ । মম তৃতীয়াবধূতিকা। খসমেতি গুরুবচনপ্রসাদাৎ প্রভাস্বরতুল্যভূতা। কপাসমিতি । ককারস্য পার্শ্ববর্তী খকারঃ চতুর্থশূন্যং মমেদানীং স্ফুটীভূতং । পুনরপ্যন্যাথাভাবং ন ভবিষ্যতি । তথাচ।
পড়ইত্তা পশুনা থত্তা নিমলচান্দ জি [ম] সহজেঁ ফরিত্তা ॥
তৃতীয়পদেন তমেবার্থং [৬৯ খ] বিশেষয়তি। তইলা বাড়ীত্যাদি। তৃতীয়শূন্যপার্শ্বে। জোহ্নবাটীকেতি। জ্ঞানেন্দুমণ্ডলস্যোদয়ো যদা ভূতঃ। তস্মিন্ সময়ে। সকলক্লেশান্ধাকারং স্ফেটিমিতি। পলায়িতং। আকাশেতি। কং সুখং সংবৃত্তিবোধিচিত্ত[ং] তেন যস্যাঙ্গচিনমিতি।
চতুর্থ্যানুশংসানুৎপাদপ্রকৃতিপ্রভাস্বররূপং গুরুপ্রসাদাদ্ যোগিবরস্যোভয়মেকীভূয় পরিকল্পিতং। অতএব সরশ্চিত্তবজ্রঃ। শবরীতি। জ্ঞানপানপ্ৰমত্তাং জ্ঞানমুদ্রাং গৃহীত্বা অনাসঙ্গদানন্দপ্রমোদেনানুদিনং কিমপি নিশ্চেতনগতে। অত[ঃ]মহাসুখশয্যায়া[ং] বিহ্বলীভূয় সুপ্ত ইতি।
পঞ্চপদেন প্রবেশাপায়মাহ। চারীর্ত্যাদি। চতুর্থং শঙ্ক্যায়া চতুরানন্দা বোদ্ধব্যাঃ । কর্ম্মমুদ্রাসঙ্গাৎ। গড়িল ইতি যোগীন্দ্রেন স্থিরীকৃতাঃ । তথাচাগমঃ। আনন্দাস্তত্র জায়ন্ত ইত্যাদি। তস্যোর্দ্ধে চঞ্চালীতি বিযয়োন্দ্রিয়[ং] দগ্ধ্যা সর্ব্বেব ইতি। সকারায় পরোয়ং। হ৯৫
১ পাঠ‘-বগমায়’।
২ অতঃপর প্রথম চর্যা।
৩ “বজ্ৰাপো [ম] সমাধিং” শাস্ত্রী।
৪ “-দ্যনু-’’ ঐ।
৫ “-হারেণ’’ ঐ।
৬ “মারধ্যা-’’ ঐ।
৭ অতঃপর দ্বিতীয় চর্যা।
৮ “ট্ট’’ কিনা সন্দেহ আছে।
৯ অতঃপর তৃতীয় চর্যা।
১০ অতঃপর চতুর্থ চর্যা।
১১ পাঠ ‘-ন্যানুসসমাহ’।
১২ শাস্ত্রী “ভাবংন”।
১৩ পাঠ ‘দিট-’।
১৪ অতঃপর পঞ্চম চর্যা।
১৫ পাঠ‘-বিশাৎ’।
১৬ = “যতথ”,অথবা “যাথ” !
১৭ অতঃপর ষষ্ঠ চর্যা।
১৮ পাঠ ‘সংমুটা।
১৯ = “কমলদলবনং” ?
২০ অতঃপর সপ্তম চর্যা।
২১ অতঃপর অষ্টম চর্যা।
২২ পাঠ ‘মুট’।
২৩ শাস্ত্রী “কচ্ছিকাসু বিদ্যা”।
২৪ অতঃপর নবম চর্যা ।
২৫ পাঠ ‘-বন্ধন’।
২৬ ঐ ‘নাটকনৈক’।
২৭ = ‘দমনং’।
২৮ অতঃপর দশম চর্যা।
২৯ পাঠ ‘ইন্দ্রিয়ানুগাচরত্বেন’।
৩০ ঐ ‘-পাদৈ-’।
৩১ পাঠ ‘মূতানং’।
৩২ অতঃপর একাদশ চর্যা।
৩৩ পাঠ ‘-প্রসাৎ’।
৩৪ ঐ ‘শূয়তা’।
৩৫ পাঠ ‘প্রভাম্বরোন’।
৩৬ অতঃপর দ্বাদশ চর্যা।
৩৭ পাঠ ‘শয়ে’।
৩৮ শাস্ত্রী “চিতি”।
৩৯ ঐ “কথয়ং মাহুঃ”।
৪০ অথবা “সব্যগ্র”।
৪১ পাঠ ‘-প্ৰচার্য’।
৪২ অতঃপর ত্রয়োদশ চর্যা।
৪৩ অতঃপর চতুর্দশ চর্যা।
৪৪ পাঠ ‘সম্বো’ ।
৪৫ অতঃপর পঞ্চদশ চর্যা।
৪৬ অতঃপর ষোড়শ চর্যা।
৪৭ অতঃপর সপ্তদশ চর্যা।
৪৮ অতঃপর অষ্টাদশ চর্যা।
৪৯ পাঠ ‘বিনত্তে’।
৫০ অতঃপর ঊনবিংশ চর্যা।
৫১ অতঃপর বিংশ চর্যা।
৫২ অতঃপর একবিংশ চর্যা।
৫৩ প্রথমে “মধ্যে” লিখিয়া পরে “মধু” করা হইয়াছে।
৫৪ অতঃপর দ্বাবিংশ চর্যা।
৫৫ পাঠ “ভগবতী”।
৫৬ অতঃপর চার পাতা (৩৫-৩৮) নাই।
৫৭ অতঃপর ষড়বিংশ চর্যা।
৫৮ অতঃপর সপ্তবিংশ চর্যা।
৫৯ পাঠ ‘নিবাণং’।
৬০ অতঃপর অষ্টাবিংশ চর্যা!
৬১ অতঃপর ঊনত্রিংশ চর্যা।
৬২ অতঃপর ত্রিংশ চর্যা।
৬৩ অতঃপর একত্রিংশ চর্যা।
৬৪ পাঠ ‘অমনাহত’।
৬৫ ভ্রান্ত পাঠ। শাস্ত্রী ধরিয়াছেন “চিত্তং হি তদ্বৎ সহজে বিলীনে”।
৬৬ অতঃপর দ্বাত্রিংশ চর্যা।
৬৭ শাস্ত্রীর পাঠ ‘দেআর’।
৬৮ শাস্ত্রী “মাগ”।
৬৯ অতঃপর ত্রয়স্ত্রিংশ চর্যা।
৭০ অতঃপর চতুর্ত্রিংশ চর্যা।
৭১ অতঃপর পঞ্চত্রিংশ চর্যা।
৭২ অতঃপর ষট্ত্রিংশ চর্যা।
৭৩ অতঃপর সপ্তত্রিংশ চর্যা।
৭৪ অতঃপর অষ্টত্রিংশ চযার।
৭৫ অতঃপর ঊনচত্বারিংশ চর্যা।
৭৬ অতঃপর চত্বারিংশ চর্যা।
৭৭ অতঃপর একচত্বারিংশ চর্যা।
৭৮ পাঠ ‘দৃষ্টোন্তেন’।
৭৯ পাঠ ‘ময়ী’।
৮০ পাঠ ‘চরণাচরাধনং’।
৮১ অতঃপর দ্বিচত্বারিংশ চর্যা।
৮২ অতঃপর ত্রিচাত্বরিংশ চর্যা।
৮৩ পাঠ ‘স্ফুরিততঃ’।
৮৪ ঐ ‘ন শ্যৎ’।
৮৫ ঐ ‘তুতশ্চৈব’ অথবা ‘ত্বতশ্চৈব’।
৮৬ অতঃপর চতুশ্চত্বারিংশ চর্যা।
৮৭ অতঃপর পঞ্চচত্বারিংশ চর্যা।
৮৮ পাঠ ‘বুদ্বো’।
৮৯ অতঃপর ষট্চত্বারিংশ চর্যা।
৯০ অতঃপর সপ্তচত্বারিংশ চর্যা।
৯১ অতঃপর পৃষ্ঠা নাই।
৯২ অতঃপর ঊনপঞ্চাশ চর্যা।
৯৩ পাঠ ‘নাদৈব’।
৯৪ অতঃপর পঞ্চাশ চর্যা।
৯৫ পরের পাতা নাই।
(প্রথম সংখ্যা পৃষ্ঠার দ্বিতীয় সংখ্যা ছত্রের। প°=পঠিতব্য)
৮১.১ ‘স্ফুরদ্ধীদয়ঃ’, তুলনীয় ‘গর্জদ্ধীকরুণালয়স্য’ (১০১.১৩)। ৪ ‘সদ্বর্ত্মোবগমায়’ সম্ভবত=সদ্বর্ত্ম -উপগমায়। ‘স্ফুটম্ প°। ১৫ ‘অর্থঃ’ প°। ১৬-১৭ বাগচী দোহাকোষ পৃ ৪২।
৮১.২৫ ‘সততম্’ প°। ৮২.৩ ‘সদ্গুরুমারাধ্যার্দ্ধ প°। ৮২.১৫ ‘নিষ্প্রপঞ্চম্ প°। ৮২.১৬ ‘কল্পনাজালমুক্তং’ প°।
৮২.২৫ ‘দুঃখাব্ধৌ’ প°।
৮৩.১৪ ‘বিষয়েন্দ্রিয়বলবত্ত্বাৎ’ প°। ২৬-২৭ বাগচী দোহাকোষ পৃ ৪২।
৮৪.১৮-১৯ ঐ পৃ ৪০।
৮৫.২৫ পৃ ৪২। ১৪ ‘নিরাভাসীকৃত্য প°। ২০ ‘মহাসুখলম্পটোহহং প°।
৮৫.২৫ ‘করোমি’ প°। ৩২-৩৩ বাগচী দোহাকোষ পৃ ৪৫। ৩৫ ‘কায়বজ্রং’ প° । ৮৬.৪-৭ বাগচী দোহাকোষ পৃ ৪৪।
৮৬.১০ –‘সম্পত্তিযোগ’-প°। ১১ চীরামিতি’=“চিরাঁ ইতি”। ২২-২৫ বাগচী দোহাকোষ পৃ ৪৮। প্রথম দুই ছত্রের মিল নাই। ২৮ ‘বিসাৎ’=বশাৎ ? ‘সংবৃতি’=সংবৃত্তি। ২৯ ‘সততীলোকং=সততং ত্রিলোকং ?
৮৬.৩৩ ‘পশ্চাদ্ভাবং’ প°। ৩৪ ‘সমুদ্রসিদ্ধি’ প°। ‘মায়’=“মা অয়” ? ৮৭.৩-৪ বাগচী দোহাকোষ পৃ ৪২।
৮৭.২১-২২।
৮৮.২ ‘পূর্বকং’ প°। ৩ ‘সুদৃঢ়ং রুদ্ধং’ প°! ৭ –‘তন্ত্ররাজোক্তার্থা প°। ১০-১১ বাগচী দোহাকোষ পৃ ২০।
৮৯.৪ ‘স্ত্যাজ্যরূপো’ প°। ৭ ‘নির্বাণাদ্’ প°। ১৩ ‘চিত্তে’ ?
২০-২১ বাগচী দোহাকোষ পৃ ৪২।
৯১.১০-১৩ ঐ পৃ ৪৫!
১৭-১৮ প্রাকৃত সূক্তি-গাথা। ‘শা বিত্তী’=“সা বৃত্তিঃ” ? ২১ ‘প্রতিপাদয়ন্নাহ’ প°। ২২ ‘বিরমানন্দরূপা’ প°। ২৭ ‘আলীত্যাদি’ প°।
৯২.৩ ‘ণোকুদহনং’ ? ৫ ‘দ্যুতক্রীড়াধ্যাসেন’ প°। ১৬ ‘যা বৃত্তি’ প°।
৯২.৩২ ‘চর্যাভি’ প°। ৩৪ ‘ঐক্যং’ প°। ৯৩,৩ ‘তীর্ণং প°। ৬-৯ (পৃ. ৮৯) শ্লোকটি পূর্বেও (পৃ ১০৯) উদ্ধৃত আছে।
৯৩.১৪ ‘পঞ্চৈব পঞ্চৈব কৃতপ্রভেদাঃ’ ? ২০ ‘উপৈতি’ প°। ২৯ ‘যোগীন্দ্রান্’ প°। ৩১ ‘খান’<খাদন। ৩২ ‘বিলম্ব’ প°।
৩৪ ‘অনুশংসাম্’ প°। ৯৪.১ ‘চক্রোদ্দেশেন’ প° । ১৬ ‘সরসিজ’ প° ।
৯৪.২০ ‘কুলেম’=“কূলে”। ২৬ ‘অবধূতী’ প°। ২৬ ‘বিরূপাক্ষ’- প° । ২৯ ‘ভণ্যতে’ প°। ৩০ ‘প্রমাণং’ প°। ‘অস(দ্)-প°। ৯৫.১ ‘বিশিষ্যতে’ প°। ২ ‘অত্রৈব’ প° ।
৯৫.১৪ ‘শিরশ্চ্যবনম্রতাং’ অথবা ‘শিরসশ্চাবনম্রতাং প°। ২৩ ‘বুধৈঃ’ প°। ৯৬.৮ ‘চক্রী=চাকি (মূলে)। ১৩ ‘ন বাজ্ঝই (বজ্ঝই)’ প°।
৯৭.১১ ‘বশৈ’- প°। ৯৭.১৯ ‘-নৃশংসা-’প°।
৯৭.৩২ ‘জৌতুকে-’ প°। ৩৪ ‘সুরভিবঙ্গো’ প°। ৯৮.২ ‘প্রশমিতে’ প° । ৬ –‘ষঙ্গে’ প°।
৯৮.১২ ষঙ্গেন’ প°। ১৫-১৬ রাহুল সাংকৃত্যায়ন প্রকাশিত দোহাকোশে এই কিছু ভালো পাঠ আছে,
কো পত্তিজ্জই কসু কহমি অজ্জউ কিঅউ অরাউ ।
পিঅদংসণেঁ হলে ণট্ঠ নিসি সংঝা সংহুড জাউ ॥
২০ ‘সৰ্ব্বৈষা’ অথবা সৰ্ব্বেষাং’ প°। ৩৪ বাগচী সম্পাদিত দোহাকোষ (পৃ ৪৬),
জেঁ বুঝিঅ বিরল সহজখন কাহি বেত পুরাণ।
তেঁ তুড়িঅ বিঅস-বিঅল্প জগু রে অসেস পরিমাণ ॥
‘যে বুঝিল বিরল (বা অবিরল) সহজক্ষণ, কোথায় (লাগে) বেদ-পুরাণ। সে তুড়িল অশেষ-পরিমাণ বিষয়বিকল্প (-ময়) জগৎ ॥
৯৯.১৪ ‘চিত্তমূষকো-’ প° ।
২৯ ‘জবেমিতি’=“জবেঁ ইতি”। ১০০.৩ ‘প্রসাদাৎ’ প°।
৩০‘-ষঙ্গ-’প°।
১০১.৯ ‘ন প্রবিশতি’ প°। ১০১.২৯ বাগচী সম্পাদিত দোহাকোষ (পৃ ৪৩)
পহ বহস্তে ণিঅ-মন বন্ধণ কিঅউ জেণ।
তিহুঅন সঅল বিফারিআ পুণু সংহারিঅ তেণ ॥
‘পথ বাহিতে বাহিতে যে নিজমণ বন্ধন করিল, সে সকল ত্রিভুবন বিস্ফার (অর্থাৎ বিস্তারিত ভাবে সৃষ্টি) করিয়া আবার সংহার করিল ॥
৩৪ ‘দবড়ীপাদ’—পরে ‘দউড়ীপাদ।
১০২.৫ ‘গুহ্যমন্ত্রমালিকেতি’ প°। ৮ ‘শবর’ প°। ১৬ ‘-ভূজঙ্গেন’ প°। ১৬ ‘দারিকা নৈরাত্মা। দারিকায়াঃ প্রেমমিতি’ প°। ২৩ ‘হেতুমামুচ্য’ প°। ২৫ ‘বাণঞ্চ..ন্বাণ-’ প°।
১০৩,৪ ‘লক্ষয়িতুন্ন’=“লক্ষয়িতুং ন”। (ম)+নয়, এই রকম সন্ধি টীকার পুথিলেখকের এক নিজস্ব রীতি। ৭ ‘বর্ণ্ণ’ প°।
২৭ বাগচী সম্পাদিত দোহাকোষ (পৃ ২১) ও সাংকৃত্যায়ন প্রকাশিত দোহাকোশ (২৯) মিলাইলে এই রকম রকম শুদ্ধ পাঠ হয়,
ইন্দি জত্থু বিলঅ গউ ণট্ঠো অল্প-সহাব।
তখু হলে সহি সহজতণু ফুড় পুচ্ছহি গুরু-পাব ॥
‘যেখানে ইন্দ্রিয় বিলয় গেল আত্মস্বভাব নষ্ট (হইল), সেখানে, ওলো সই, সহজতনু। —স্পষ্ট করিয়া শুরুর পায়ে জানো।
১০৩-৩০ বাগচীর (পৃ ২৭) ও সাংকৃত্যায়নের (৬৪) পাঠ মিলাইলে।
চিত্তাচিত্ত বি পরিহরহু তিম আচ্ছহু জিম বাল ।
গুরুবঅনেঁ দিঢ় ভক্তি করু হোই জই সহজ-উলাল ॥
‘চিত্ত-অচিত্ত দুইই পরিহার করো, তেমনি থাক যেমন শিশু। গুরুবচনে দৃঢ় ভক্তি করো। —যদি সহজানন্দময় হইতে হয় ॥
১০৪.৩ সংবৃতি=সংবৃত্তি। ১৭ ‘তদ্বৎ সহজে বিলীনে’ প°।
১০৪.১৯ ‘জনার্থায়’ অথবা ‘জনার্থং’ প°। ২৬ ‘আত্ম-প্রত্যয়ায় তমাহ’ প°। ২৬ ‘কঙ্কণায়’ প°। ২৮ ‘ভবিষ্যতীতি’ প°।
১০৫.৯ ‘প্রভাস্বরঃ’ অথবা ‘প্রভাস্বরং’ প°। ১৯ ‘পরিমাণই’ প° । ২৩ ‘ভাবে বিচার্যমাণে সতি’ প°। ২৫ ‘সাধিতম্’ অথবা ‘সাধ্যতাম্’ প°। ২৭ ‘শশহরচিত্তঃ শৃগালতুল্যঃ প°।
১০৫.৩২ ‘পরিণিষ্টিত-’ প°। ৩৫ ‘-বিভাগ- প°। ১০৬.৭ বাগচীর দোহাকোষ (পৃ২০),
মস্ত ণ তন্ত ণ ধেঅণ ধারণ।
সব্ববি রে বঢ় বিব্ভমকারণ।
‘মন্ত্র নয় তন্ত্র ধ্যেয় নয় ধারণী নয় । সবই, রে মুখ, বিভ্রান্তিকারক।”
১৫ ‘হি মুনিভিঃ’ প°।
১০৬.২৭-২৮ সাংকৃত্যায়নের দোহাকোশ,
অগ্গেঁ পচ্ছেঁ দস দিসেঁ জং জং জোঅমি। সোবি ।
‘আগে পাছে দশ দিকে যাহা যাহা দেখি—সে-ই।’
১০৭.৩ ‘গরলহ’ প°। ৮ ‘সহজানন্দে’ প°। ১০ ‘পুত্রঃ জাতং’ প° । ১৪ ‘পাশসান্নিধ্য’ অথবা ‘পাশসন্নিধান’ প°। ১৮ ‘নাস্তি’ প° ।
১০৭.২৫ ‘ভণ্যতে’ প°। ৩২ –‘যঙ্গাত’ প° । ৩১ ‘সহজঃ অথবা ‘সহজং’ প°।
১০৮.৮ ‘পরিকল্প্য। অনৌবিজ্ঞাচানং’ প°। ১১ অন্যত্র দবড়ীপাদ । ১৬ ‘খান’<খাদন। ১৬ ‘বিষয়াসক্তি’- প°। ২২ ‘-সোন্তেমেতি’=“সোন্তে ইতি”।
১০৯.২ ‘আত্মদৃষ্টৌ তু মত্যাং’ প°। ৪ ‘-উপশম-’ প°। ‘-স্তদাতা-’ প°। ৮ ‘কৰ্ম্মবশ্যচিত্ত’ প°। ১১ ‘ঘরণিঞে পড়বিস খজ্জই’ প°। ১২-১৩ বাগচীর দোহাকোষ (পৃ ৩৪), .
ঘরবই খজ্জই সহজেঁ রজ্জই কিজ্জই রাঅ বিরাজঅ।
ণিঅপাস বইট্ঠী চিত্তে ভট্ঠী জোইনি মহু পড়িহাঅ ॥
‘গৃহপতিকে খাওয়া হয়, সহজে অনুরক্ত হয়, অনুরাগ বিরাগ করা হয়। পাশে উপবিষ্ট যোগিনী চিত্তে ভ্রষ্ট।—আমার বোধ হয় ॥
১০৯.১৬ ‘দুষ্টেন বলদেন’ প°। ২২ বাগচীর দোহাকোষ (পৃ ৪০),
আগম বেত পুরাণেঁ পণ্ডিআ মাণ বহন্তি।
পক্ক সিরিফলে অলি জিম বাহেরিও ভম [অ] ন্তি ॥
‘আগম বেদ পুরাণে পণ্ডিতেরা গর্ব ধরেন। পাকা শ্রীফলে যেমন মৌমাছিকে বাহিরে ঘুরাইয়া ফিরায়। ॥
২৭ ‘পরমখে’ প°। স্বসংবেদন তত্ত্বফল তিলোপা বলেন। যে মনোগোচর (এবং) গুপ্তে (রাখা) সে পরমার্থ নয় ।
৩০ বাগচীর (পৃ ১৩) ও সাংকৃত্যায়নের (৭৭) পাঠ মিলাইলে,
ণ তং বাএ১ গুরু কহই ণউ তম্বুজ্ঝই সীস।
সহজামিঅরসু সঅল জগু কাসু কহিজ্জই কীস ॥
‘না গুরু তা বাক্যে বলে না শিষ্য তা বোঝে। সহজামৃতরস সর্বজগৎময়। কাহাকে কীসে বলা যায় ॥
৩৪ ‘বধের’ও পড়া যায় ।
১১০.৭ ‘আচার্যমুনিদত্তকাঃ’ হইবে ? ১১ ‘অথ রজ্জৌ’ প° ।
১১০.২৩ ‘-নাভাবত্বং’ প°। ‘সূচয়তি’ প°। ২৫ ‘সূচিতঃ’ প°। ১১১.৫ ‘ভবন্তি’ প। ৮ ‘বিলসিত’ প°।
১১১.১৩ ‘দৃশ্যন্তে’ প°। ২৫ ‘সূচ্যতে’ প°। ৩০-৩১ বাগচীর দোহাকোষ (পৃ৩৬)
গম্ভীরই উআহরণে গউ পর বউ অপ্পাণ ।
সহজানন্দে চউট্ঠক্খণ ণিঅ সম্বেঅণ জাণ॥
‘গম্ভীরে উদাহরণে না পর না আপন। সহজানন্দে চতুর্থক্ষণে নিজসংবেদন জানো ॥
তুলনীয় বাগচীর দোহাকোষ (পৃ ২৮),
ঘরহি ম থক্কু জাহি বণে জহি তহি মণ পরিআণ।
সঅলু নিরন্তর বোহিঠিঅ কহি ভব কহি ণিব্বাণ ॥
‘ঘরে না থাকিও, না জাইও বনে। জেখানে (থাক) সেখানে মনকে বাঁধা। সবই। নিরন্তর বোধিস্থিত। কোথায় ভব কোথায় নির্বাণ ॥
১১১.৩২ তমেবার্থং প°। ১১২.২ ‘নিরোধেনেতি’ প° । ৭ ‘মম’ প°। ৮ ‘স্ফারতামাহ’ প°। ১১ ‘দিঢ়’ প°। ‘ঠাউ’ প°। ১২ ‘কি সমে’ প°।
১১২.২২ ‘হন্যথেত্যাদি’ প°।
১১৩.৯ ‘জলে না প্লাব্যতে। ইয়ং ভবতি।’ প° ২১ ‘স্তথতা মতা’ প°।
১১৩.২৫ ‘যদি দাহেত্যাদি’ প°। ২৯ ‘জ্বলিতা’ প°। ৩১ ‘দগ্ধ্বা’ প° ৩৯ ‘মন মরই’ প°। দ্রষ্টব্য বাগচী, তিল্লোপাদ দোহাকোষ (৭) : ‘চিত্তু মরই জহি…’। ১১৪.৫ দ্রষ্টব্য বাগচী, সরহ দোহাকোষ (৩.১০৩), সঘরহি ম থক্কূ ম জাহি বণে…’। ‘ম জাউ’ প°।
১১৫৪ ‘যা মই’ প°। ৯ ‘পড়ইত্তা সুনিত্তা পশুনা খত্তা’ প°। ১৩ ‘অঙ্গ চিহ্নমিতি’ প°। ১৫ ‘সসহরশ্চিও’ প° ।
পাদটীকা
১। পাঠান্তর ‘ণউ তম্বাঅহি’।