বেদান্তানাম্ অশেষাণাম্ আদি মধ্য অবসানতঃ .
ব্রহ্ম আত্মনি এব তাত্পর্যম্ ইতি ধীঃ শ্রবণং ভবেত্ .. ১০১..
সমন্বযাধ্যায এতত্ সূক্তং ধী স্বাস্থ্যকারিভিঃ .
তর্কৈঃ সম্ভাবনার্থস্য দ্বিতীয অধ্যাযঃ ঈরিতা .. ১০২..
বহুজন্মদৃঢাভ্যাসাত্ দেহাদিষু আত্মধীঃ ক্ষণাত্ .
পুনঃ পুনঃ উদেতি এবং জগত্ সত্যত্ব ধীঃ অপি .. ১০৩..
বিপরীতা ভাবনা ইযম্ ঐকাগ্র্যাত্ সা নিবর্ততে .
তত্ত্ব উপদেশাত্ প্রাক্ এব ভবতি এতত্ উপাসনাত্ .. ১০৪..
উপাস্তযঃ অতঃ এব অত্র ব্রহ্মশাস্ত্রে অপি চিন্তিতাঃ .
প্রাক্ অনভ্যাসিনঃ পশ্চাত্ ব্রহ্মাভ্যাসেন তত্ ভবেত্ .. ১০৫..
তত্ চিন্তনং তত্ কথনম্ অন্যঃ অন্যং তত্ প্রবোধনম্ .
এতত্ একপরত্বং চ ব্রহ্মাভ্যাসং বিদুঃ বুধাঃ .. ১০৬..
তম্ এব ধীরঃ বিজ্ঞায প্রজ্ঞাং কুর্বীত ব্রাহ্মণঃ .
ন অনুধ্যাযাত্ বহূন্ শব্দান্ বাচঃ বিগ্লাপনং হি তত্ .. ১০৭..
অনন্যাঃ চিন্তযন্তঃ মাং যে জনাঃ পর্যুপাসতে .
তেষাং নিত্য অভিযুক্তানাং যোগক্ষেমং বহামি অহম্ .. ১০৮..
ইতি শ্রুতি স্মৃতি নিত্যম্ আত্মনি একাগ্রতাং ধিযঃ .
বিধত্তঃ বিপরীতাযা ভাবনাযাঃ ক্ষযায হি .. ১০৯..
যত্ যথা বর্ততে তস্য তত্ত্বং হিত্বা অন্যথাত্ব ধীঃ .
বিপরীত ভাবনা স্যাত্ পিত্রাদৌ অরি ধীঃ যথা .. ১১০..
আত্মা দেহাদি ভিন্নঃ অযং মিথ্যা চ ইদং জগত্ তযোঃ .
দেহাদি আত্মত্ব সত্যত্ব ধীঃ বিপর্যয ভাবনা .. ১১১..
তত্ত্ব ভাবনযা নশ্যেত্ সা অতঃ দেহ অতিরিক্ততাম্ .
আত্মনঃ ভাবযেত্ তদ্বত্ মিথ্যাত্বং জগতঃ অনিশম্ .. ১১২..
কিং মন্ত্র জপবত্ মূর্তিধ্যানবত্ বা আত্মা ভেদধীঃ .
জগত্ মিথ্যাত্ব ধীঃ চ অত্র ব্যাবর্ত্যা স্যাত্ উত অন্যথা .. ১১৩..
অন্যথা ইতি বিজানীহি দৃষ্টার্থত্বেন ভুক্তিবত্ .
বুভুক্ষুঃ জপবত্ ভুঙ্ক্তে ন কশ্চিত্ নিযতঃ ক্বচিত্ .. ১১৪..
অশ্নাতি বা ন বা অশ্নাতি ভুঙ্ক্তে বা স্বচ্ছযা অন্যথা .
যেন কেন প্রকারেণ ক্ষুধাম্ অপনিনীশতি .. ১১৫..
নিযমেন জপং কুর্যাত্ অকৃতৌ প্রত্যবাযতঃ .
অন্যথা করণে অনর্থঃ স্বর বর্ণ বিপর্যযাত্ .. ১১৬..
ক্ষুধা ইব দৃষ্টা বাধা কৃত্ বিপরীতা চ ভাবনা .
জেযা কেন অপি উপাযেন ন অস্তি অত্র অনুষ্ঠিতেঃ ক্রমঃ .. ১১৭..
উপাযঃ পূর্বম্ এব উক্তঃ তত্ চিন্তা কথনাদিকঃ .
এতত্ এক পরত্বে অপি নির্বন্ধঃ ধ্যানবত্ ন হি .. ১১৮..
মূর্তি প্রত্যয সান্তত্যম্ অন্য অনন্তরিতং ধিযঃ .
ধ্যানং তত্র অতিনির্বন্ধঃ মনসঃ চঞ্চল আত্মনঃ ১১৯..
চঞ্চলং হি মনঃ কৃষ্ণ প্রমাথিবলবত্ দৃঢম্ .
তস্য অহং নিগ্রহং মন্যে বাযোঃ ইব সুদুষ্করম্ .. ১২০..
অপি অব্ধিপানাত্ মহতঃ সুমেরূত্ মূলনাত্ অপি .
অপি বহ্নি অশনাত্ সাধঃ বিশমঃ চিত্তনিগ্রহঃ .. ১২১..
কথন আদৌ ন নির্বন্ধঃ শৃঙ্খলা বদ্ধ দেহবত্ .
কিন্তু অনন্ত ইতিহাসাত্ যৈঃ বিনোদঃ নাট্যবত্ ধিযঃ .. ১২২..
চিত্ এব আত্মা জগত্ মিথ্যা ইতি অত্র পর্যবসানতঃ .
নিদিধ্যাসন বিক্ষেপঃ ন ইতিহাস আদিভিঃ ভবেত্ .. ১২৩..
কৃশি বাণিজ্য সেবা আদৌ কাব্য তর্ক আদিকেষু চ .
বিক্ষিপ্যতে প্রবৃত্ত্যা ধীঃ তৈঃ তত্ত্ব স্মৃতি অসম্ভবাত্ .. ১২৪..
অনুসন্দধত এব অত্র ভোজন আদৌ প্রবর্তিতুম্ .
শক্যতে অত্যন্তবিক্ষেপ অভাবাত্ আশু পুনঃ স্মৃতেঃ .. ১২৫..
তত্ত্ব বিস্মৃতি মাত্রাত্ ন অনর্থঃ কিন্তু বিপর্যযাত্ .
বিপর্যেতুং ন কালঃ অস্তি ঝটিতি স্মরতঃ ক্বচিত্ .. ১২৬..
তত্ত্ব স্মৃতেঃ অবসরঃ ন অস্তি অন্য অভ্যাস শালিনঃ .
প্রত্যুত অভ্যাস ঘটিত্বাত্ বলাত্ তত্ত্বম্ উপেক্ষ্যতে .. ১২৭..
তম্ এব একং বিজানীথ হি অন্যা বাচঃ বিমুঞ্চথ .
ইতি শ্রুতং তথা অন্যত্র বাচঃ বিগ্লাপনম্ ইতি .. ১২৮..
আহার আদি ত্যজন্ ন এব জীবেত্ শাস্ত্রান্তরং ত্যজন্ .
কিং ন জীবসি যেন এবং করোষি অত্র দুরাগ্রহম্ .. ১২৯..
জনক আদেঃ কথং রাজ্যম্ ইতি চেত্ দৃঢবোধতঃ .
তথা তব অপি চেত্ তর্কং পঠ যত্ বা কৃষিং কুরু .. ১৩০..
মিথ্যাত্ব বাসনা দার্ঢ্যে প্রারব্ধক্ষযকাঙ্ক্ষযা .
অক্লিশ্যন্তঃ প্রবর্তন্তে স্বস্বকর্মানুসারতঃ .. ১৩১..
অতিপ্রসঙ্গঃ মা শক্যঃ স্বকর্মবশবর্তিনাম্ .
অস্তু বা কঃ অত্র শক্যেত কর্ম বারযিতুং বদ .. ১৩২..
জ্ঞানিনঃ অজ্ঞানিনঃ চ অত্র সমে প্রারব্ধকর্মাণি .
ন ক্লেশঃ জ্ঞানিনঃ ধৈর্যান্ মূঢঃ ক্লিশ্যতি অধৈর্যতঃ .. ১৩৩..
মার্গে গন্ত্রোঃ দ্বযোঃ শ্রান্তৌ সমাযাম্ অপি অদূরতাম্ .
জানন্ ধৈর্যাত্ দ্রুতং গচ্ছেত্ অন্যঃ তিষ্ঠতি দীনধীঃ .. ১৩৪..
সাক্ষাত্ কৃতাত্মা ধীঃ সম্যক্ অবিপর্যয বাধিতঃ .
কিম্ ইচ্ছন্ কস্য কামায শরীরম্ অনুসংজ্বরেত্ .. ১৩৫..
জগত্ মিথ্যাত্ব ধী ভাবাত্ অক্ষিপ্তৌ কাম্য কামুকৌ .
তযোঃ অভাবে সন্তাপঃ শাম্যেত্ নিঃস্নেহদীপবত্ .. ১৩৬..
গন্ধর্বপত্তনে কিংচিত্ ন ইন্দ্রজালিক নির্মিতে .
জানন্ কামযতে কিন্তু জিহাসতি হসন্ ইদম্ .. ১৩৭..
আপাত রমণীযেষু ভোগেষু এবং বিচারবান্ .
ন অনুরজ্যতি কিন্তু এতান্ দোষদৃষ্ট্যা জিহাসতি .. ১৩৮..
অর্থানাম্ অর্জনে ক্লেশঃ তথা এব পরিপালনে .
নাশে দুঃখং ব্যযে দুঃখং ধিক্ অর্থান্ ক্লেশকারিণঃ .. ১৩৯..
মাংস পাঞ্চালিকাযাঃ তু যন্ত্রলোলে অঙ্গপঞ্জরে .
স্নাযু অস্থি গ্রন্থি শালিন্যাঃ স্ত্রিযাঃ কিম্ ইব শোভনম্ .. ১৪০..
এবম্ আদিষু শাস্ত্রেষু দোষাঃ সম্যক্ প্রপঞ্চিতাঃ .
বিমৃশন্ অনিশং তানি কথং দুঃখেষু মজ্জতি .. ১৪১..
ক্ষুধযা পীড্যমানঃ অপি ন বিষং হি অত্তুম্ ইচ্ছতি .
মিষ্টান্ন ধ্বস্ত তৃড্ জানন্ ন অমূঢঃ তত্ জিঘত্সতি .. ১৪২..
প্রারব্ধকর্মপ্রাবল্যাত্ ভোগেষু ইচ্ছা ভবেত্ যদি .
ক্লিশ্যন্ এব তদাপি এষ ভুঙ্ক্তে বিষ্টিঘৃতবত্ .. ১৪৩..
ভুঞ্জানানাঃ অপি বুধাঃ শ্রদ্ধাবন্তঃ কুটুম্বিনঃ .
নাদ্যাপি কর্ম নঃ চিন্নম্ ইতি ক্লিশ্যন্তি সন্ততম্ .. ১৪৪..
ন অযং ক্লেশঃ অত্র সংসার তাপঃ কিন্তু বিরক্ততা .
ভ্রান্তিজ্ঞাননিদানঃ হি তাপঃ সংসারিকঃ স্মৃতঃ .. ১৪৫..
বিবেকেন পরিক্লিশ্যন্ অল্পভোগেন তৃপ্যতি .
অন্যথা অনন্তভোগে অপি ন এব তৃপ্যতি কর্হিচিত্ .. ১৪৬..
ন জাতু কামঃ কামানাম্ উপভোগেন শাম্যতি .
হবিষা কৃষ্ণবর্ত্মেব ভূযঃ এব অভিবর্ধতে .. ১৪৭..
পরিজ্ঞায উপভুক্তঃ হি ভোগঃ ভবতি তুষ্টযে .
বিজ্ঞায সেবিতঃ চোরঃ মৈত্রীম্ এতি ন চোরতাম্ .. ১৪৮..
মনসঃ নিগৃহীতস্য লীলাভোগঃ অল্পকঃ অপি যঃ .
তম্ এব অলব্ধবিস্তারং ক্লিষ্টত্বাত্ বহু মন্যতে .. ১৪৯..
বদ্ধমুক্তঃ মহীপালঃ গ্রামমাত্রেণ তুষ্যতি .
পরৈঃ অবদ্ধঃ ন অক্রান্তঃ ন রাষ্ট্রং বহু মন্যতে .. ১৫০..
বিবেকে জাগ্রতি সতি দোষ দর্শন লক্ষণে .
কথম্ আরব্ধ কর্ম অপি ভোগেচ্ছাং জনযিষ্যতি .. ১৫১..
ন এষ দোষঃ যতঃ অনেকবিধং প্রারব্ধম্ ঈক্ষ্যতে .
ইচ্ছা অনিচ্ছা পরেচ্ছা চ প্রারব্ধং ত্রিবিধং স্মৃতম্ .. ১৫২..
অপথ্যসেবিনঃ চোরাঃ রাজ দার রতাঃ অপি .
জানন্ত ইব স্বানর্থম্ ইচ্ছন্তি আরব্ধকর্মতঃ .. ১৫৩..
ন চ অত্র এতত্ বারযিতুম্ ঈশ্বরেণ অপি শক্যতে .
যতঃ ঈশ্বরঃ এব আহ গীতাযাম্ অর্জুনং প্রতি .. ১৫৪..
সদৃশং চ ইষ্টতে স্বস্যাঃ প্রকৃতেঃ জ্ঞানবান্ অপি .
প্রকৃতিং যান্তি ভূতানি নিগ্রহঃ কিং করিষ্যতি .. ১৫৫..
অবশ্যং ভাবি ভাবানাং প্রতীকারঃ ভবেত্ যদি .
তদা দুঃখৈঃ ন লিপ্যেরত্ নল রাম যুধিষ্ঠিরাঃ .. ১৫৬..
ন চ ঈশ্বরত্বম্ ঈশস্য হীযতে তাবতা যতঃ .
অবশ্যং ভাবিত অপি এষম্ ঈশ্বরেণ এব নির্মিতা .. ১৫৭..
প্রশ্নোত্তরাভ্যাম্ এব এতত্ গম্যতে অর্জুন কৃষ্ণযোঃ .
অনিচ্ছা পূর্বকং চ অস্তি প্রারব্ধম্ ইতি তত্ শৃণু .. ১৫৮..
অথ কেন প্রযুক্তঃ অযং পাপং চরতি পূরুষঃ .
অনিচ্ছন্ অপি বার্ষ্ণেয বলাত্ ইব নিযোজিতঃ .. ১৫৯..
কাম এষ ক্রোধ এষ রজো গুণ সমুদ্ভবঃ .
মহাশনঃ মহাপাপ্মা বিদ্ধি এনম্ ইহ বৈরিণম্ .. ১৬০..
স্বভাবজেন কৌন্তেয নিবদ্ধঃ স্বেন কর্মণা .
কর্তুং ন ইচ্ছসি যত্ মোহাত্ করিষ্যসি অবশঃ অপি তত্ .. ১৬১..
ন অনিচ্ছন্তঃ ন চ ইচ্ছন্তঃ পরদাক্ষিণ্যসংযুতাঃ .
সুখদুঃখে ভজন্তি এতত্ পরেচ্ছা পূর্ব কর্ম হি .. ১৬২..
কথং তর্হি কিম্ ইচ্ছন্ ইতি এবম্ ইচ্ছা নিষিধ্যতে .
ন ইচ্ছা নিষেধঃ কিন্তু ইচ্ছা বাধঃ ভর্জিত বীজবত্ .. ১৬৩..
ভর্জিতানি তু বীজানি সন্তি অকার্য করাণি চ .
বিদ্বত্ ইচ্ছা তথা ইষ্টব্যা সত্ত্ববোধান্ ন কার্যকৃত্ .. ১৬৪..
দগ্ধবীজম্ অরোহে অপি ভক্ষণায উপযুজ্যতে .
বিদ্বত্ ইচ্ছা অপি অল্পভোগং কুর্যান্ ন ব্যসনং বহু .. ১৬৫..
ভোগেন চরিতার্থত্বাত্ প্রারব্ধং কর্ম হীযতে .
ভোক্তব্য সত্যতা ভ্রান্ত্যা ব্যসনং তত্র জাযতে .. ১৬৬..
মা বিনশ্যতু অযং ভোগঃ বর্ধতাম্ উত্তরোত্তরম্ .
মা বিঘ্নাঃ প্রতিবধ্নন্তু ধন্যঃ অস্মি অস্মাত্ ইতি ভ্রমঃ .. ১৬৭..
যত্ অভাবি ন তত্ ভবি চেত্ ন তত্ অন্যথা .
ইতি চিন্তা বিষগ্নঃ অযং বোধঃ ভ্রমনিবর্তকঃ .. ১৬৮..
সমে অপি ভোগে ব্যসনং ভ্রান্তঃ গচ্ছেত্ ন বুদ্ধবান্ .
অশক্য অর্থস্য সংকল্পাত্ ভ্রান্তস্য ব্যসনং বহু .. ১৬৯..
মাযামযত্বং ভোগস্য বুদ্ধ্বা আস্থাম্ উপসংহরন্ .
ভুঞ্জানঃ অপি ন সংকল্পং কুরুতে ব্যসনং কুতঃ .. ১৭০..
স্বপ্ন ইন্দ্রজাল সদৃশম্ অচিন্ত্য রচনাত্মকম্ .
দৃষ্ট নষ্টং জগত্ পশ্যন্ কথং তত্র অনুরজ্যতি .. ১৭১..
স্বস্বপ্নম্ আপরোক্ষ্যেণ দৃষ্ট্বা পশ্যন্ স্বজাগরম্ .
চিন্তযেত্ অপ্রমত্তঃ সন্ উভৌ অনুদিনং মুহুঃ .. ১৭২..
চিরং তযোঃ সর্বসাম্যম্ অনুসন্ধায জাগরে .
সত্যত্ববুদ্ধিং সন্ত্যজ্য ন অনুরজ্যতি পূর্ববত্ .. ১৭৩..
ইন্দ্রজালম্ ইদং দ্বৈতম্ অচিন্ত্য রচনাত্বতঃ .
ইতি অবিস্মরতঃ হানিঃ কা বা প্রারব্ধভোগতঃ .. ১৭৪..
নির্বন্ধঃ তত্ত্ববিদ্যাযা ইন্দ্রজালত্বসংস্মৃতৌ .
প্রারব্ধস্য অগ্রহঃ ভোগে জীবস্য সুখদুঃখযোঃ .. ১৭৫..
বিদ্যা আরব্ধে বিরুদ্ধ্যেতে ন ভিন্ন বিষযত্বতঃ .
জানদ্ভিঃ অপি ঐন্দ্রজাল বিনোদঃ দৃশ্যতে খলু .. ১৭৬..
জগত্ সত্যত্বম্ আপাদ্য প্রারব্ধং ভোজযেত্ যদি .
তদা বিরোধি বিদ্যাযা ভোগমাত্রান্ ন সত্যতা .. ১৭৭..
অনুনঃ জাযতে ভোগঃ কল্পিতৈঃ স্বপ্নবস্তুভিঃ .
জাগ্রত্ বস্তুভিঃ অপি এবম্ অসত্যৈঃ ভোগ ইষ্যতাম্ .. ১৭৮..
যদি বিদ্যা অপহ্নুবিতা জগত্ প্রারব্ধ ঘাতিনী .
তদা স্যাত্ ন তু মাযাত্ববোধেন তত্ অপহ্নবঃ .. ১৭৯..
অনপহ্নুত্য লোকাঃ তত্ ইন্দ্রজালম্ ইদং তু ইতি .
জানন্তি এব অনপহ্নুত্য ভোগং মাযাত্বধীঃ তথা .. ১৮০..
যত্র তু অস্য জগত্ স্বাত্মা পশ্যেত্ কঃ তত্র কেন কম্ .
কিং জিঘ্রেত্ কিং বদেত্ বা ইতি শ্রুতৌ তু বহু ঘোষিতম্ .. ১৮১..
তেন দ্বৈতম্ অপহ্নুত্য বিদ্যা উদেতি ন চ অন্যথা .
তথা চ বিদুষঃ ভোগঃ কথং স্যাত্ ইতি চেত্ শৃণু .. ১৮২..
সুষুপ্তি বিষযাঃ মুক্তি বিষযাঃ বা শ্রুতিঃ তু ইতি .
উক্তং স্বাপ্যয সংপত্যোঃ ইতি সূত্রে হি অতি স্ফুটম্ .. ১৮৩..
অন্যথা যাজ্ঞবল্ক্য আদেঃ আচার্যত্বং ন সম্ভবেত্ .
দ্বৈত দৃষ্টৌ অবিদ্বত্তা দ্বৈত অদৃষ্টৌ ন বাক্ বদেত্ .. ১৮৪..
নির্বিকল্প সমাধৌ তু দ্বৈত অদর্শন হেতুতঃ .
শৈব অপরোক্ষ বিদ্যা ইতি চেত্ সুষুপ্তিঃ তথা ন কিম্ .. ১৮৫..
আত্ম তত্ত্বং ন জানাতি সুপ্তৌ যদি তদা ত্বযা .
আত্ম ধীঃ এব বিদ্যা ইতি বাচ্যং ন দ্বৈত বিস্মৃতিঃ .. ১৮৬..
উভযং মিলিতং বিদ্যা যদি তর্হি ঘট আদযঃ .
অর্ধবিদ্যাভাজিনঃ স্যুঃ সকল দ্বৈত বিস্মৃতেঃ .. ১৮৭..
মশক ধ্বনি মুখ্যানাং বিক্ষেপাণাং বহুত্বতঃ .
তব বিদ্যা তথা ন স্যাত্ ঘট আদীনাং যথা দৃঢা .. ১৮৮..
আত্ম ধীঃ এব বিদ্যা ইতি যদি তর্হি সুখী ভব .
দুষ্ট চিত্তং নিরুন্ধ্যাত্ চেত্ নিরুন্ধি ত্বং যথাসুখম্ .. ১৮৯..
তত্ ইষ্টম্ এষ্টব্য মাযামযত্বস্য সমীক্ষণাত্ .
ইচ্ছন্ অপি অজ্ঞবত্ ন ইচ্ছেত্ কিম্ ইচ্ছন্ অপি হি শ্রুতম্ .. ১৯০..
রাগঃ লিঙ্গম্ অবোধস্য সন্তু রাগ আদযোঃ বুধে .
ইতি শাস্ত্র দ্বযং সার্থম্ এবং সত্য বিরোধতঃ .. ১৯১..
জগত্ মিথ্যাত্ববত্ স্বাত্ম অসঙ্গত্বস্য সমীক্ষণাত্ .
কস্য কামায ইতি বচঃ ভোক্ত্রভাববিবক্ষযা .. ১৯২..
পতি জাযা আদিকং সর্বং তত্ তত্ ভোগায ন ইচ্ছতি .
কিন্তু আত্মভোগার্থম্ ইতি শ্রুতৌ উদ্ঘোষিতং বহু .. ১৯৩..
কিং কূটস্থ চিদাভাসৌ যথা কিং চ উভযাত্মকঃ .
ভোক্তা তত্র ন কূটস্থঃ অসঙ্গত্বাত্ ভোক্তৃতাং ব্রজেত্ .. ১৯৪..
সুখ দুঃখ অভিমান আখ্যঃ বিকারঃ ভোগঃ উচ্যতে .
কূটস্থঃ চ বিকারী চ ইতি এতত্ ন ব্যাহতং কথম্ .. ১৯৫..
বিকারি বুদ্ধি অধীনত্বাত্ আভাসঃ বিকৃতৌ অপি .
নিরধিষ্ঠান বিভ্রান্তিঃ কেবলা ন হি তিষ্ঠতি .. ১৯৬..
উভযাত্মকঃ এব অতঃ লোকে ভোক্তা নিগদ্যতে .
তত্ দৃক্ আত্মানম্ আরভ্য কূটস্থঃ শেষিতঃ শ্রুতৌ .. ১৯৭..
আত্মা কতম ইতি উক্তে যাজ্ঞবল্ক্যঃ বিবোধযন্ .
বিজ্ঞানমযম্ আরভ্য অসঙ্গং তং পর্যশেষযত্ .. ১৯৮..
কঃ অযম্ আত্মা ইতি এবম্ আদৌ সর্বত্র আত্মবিচারতঃ .
উভয আত্মকম্ আরভ্য কূটস্থঃ শেষ্যতে শ্রুতৌ .. ১৯৯..
কূটস্থ সত্যতাং স্বস্মিন্ অধ্যস্য আত্মা অবিবেকতঃ .
তাত্বিকীং ভোক্তৃতাং মত্বা ন কদাচিত্ জিহাসতি .. ২০০..
পূর্ববর্তী:
« পঞ্চদশী ০৭ – ১
« পঞ্চদশী ০৭ – ১
পরবর্তী:
পঞ্চদশী ০৭ – ৩ »
পঞ্চদশী ০৭ – ৩ »
Leave a Reply