২.১ গরুডপুরাণ (অধ্যায় ১-১০)

শ্রীগরুডমহাপুরাণম্ ২

শ্রীগণেশায় নমঃ |

তত্রাদিমে দ্বিতীয়াংশে প্রেতকাণ্ডো ধর্মকাণ্ডনামারভ্যতে |
ওঁ নমো ভগবতে বাসুদেবায় |

নারায়ণং নমস্কৃত্য নরং চৈব নরোত্তমম্ |
দেবীং সরস্বতীং চৈব ততো জয়মুদীরয়েৎ || ২, ১. মংগলাচরণম্ || .

ধর্মন্দৃঢবদ্ধমূলো বেদস্কন্ধঃ পুরাণশাখাঢ্যঃ |
ক্রতুকুসুমো মোক্ষফলো মধুসূদনপাদপো জয়তি || ২, ১. ১ ||
নৈমিষেঽনিমিষক্ষেত্রে শৌনকাদ্যা মুনীশ্বরাঃ |
কর্মণামন্তরে সূতং স্বাসীনমিদমব্রুবন্ || ২, ১. ২ ||
সূত জানাসি সকলং বস্তু ব্যাসপ্রসাদতঃ |
তেন নঃ সন্দিহানানাং সন্দেহং ছেত্তুমর্হসি || ২, ১. ৩ ||
যথা তৃণজলৌকেতি ন্যায়মা শ্রিত্য কঞ্চন |
দেহিনোঽন্যতনুপ্রাপ্তিং কেচিত্ত্বেবং বদন্তি হি || ২, ১. ৪ ||
কেচিৎপুনর্যাতনানাং যামীনামুপভোগতঃ |
পশ্চাদ্দেহান্তরপ্রাপ্তিং বদন্তি কিমু তত্রসৎ || ২, ১. ৫ ||
সূত উবাচ |
সাধু পৃষ্টং মহাভাগাঃ শৃণুধ্বং ভবতাং পুনঃ |
সন্দেহো নোপপদ্যেত লোকার্থং কিল পৃচ্ছতাম্ || ২, ১. ৬ ||
তদহং কৃষ্ণগরুডসংবাদদ্বারকং দ্বিজাঃ |

অপাকরিষ্যে সন্দেহং ভবতাং ভাবিতাত্মনাম্ || ২, ১. ৭ ||
নমঃ কৃষ্ণায় মুনয়ে য এনং সমুপাশ্রিতাঃ |
অঞ্জস্তরন্তি সংসারসাগরং কুনদীমিব || ২, ১. ৮ ||
একদা বৈনতেয়স্য লোকানাং লোকনস্পৃহা |
বভূব সোঽথ বভ্রাম তেষু নাম হরের্গৃণন্ || ২, ১. ৯ ||
স পাতালং ভুবং স্বর্গং ভ্রান্ত্বালব্ধশমাশয়ঃ |
লোকদুঃখেনাতিদুঃখী পুনর্বৈকুণ্ঠমাগমৎ || ২, ১. ১০ ||
ন রজো ন তমশ্চৈব সত্ত্বং তাভ্যাং চ মিশ্রিতম্ |
যত্র প্রবর্ততে নৈব সত্ত্বমেব প্রবর্ততে || ২, ১. ১১ ||
ন যত্র মায়া নাশশ্চ ন চৈ রাগাদয়ো মলাঃ |
শ্যামাবদাতাঃ সুরুচঃ শতপত্রবিলোচনাঃ || ২, ১. ১২ ||
সুরাসুরার্চিতা যত্র গণা বিষ্ণোঃ সুপেশসঃ |
পিশঙ্গবস্ত্রাভারণা মণিয়ুঙ্নিষ্কভূষিতাঃ || ২, ১. ১৩ ||
চতুর্ভুজাঃ কুণ্ডলিনো মৌলিনো মালিনস্তথা |
ভ্রাজিষ্ণুভির্বিমানানাং পঙ্কিভির্যে মহাত্মনাম্ || ২, ১. ১৪ ||
দ্যোতন্তে দ্যোতমানানাং প্রমদানাং চ পঙ্ক্তিভিঃ |
শ্রীর্যত্র নানাবিভবৈর্হরেঃ পাদৌ মুদার্চতি || ২, ১. ১৫ ||
হরিং গায়তি দোলাস্থং গীয়মানালিভিঃ স্বয়ম্ |
দদর্শ শ্রীহরিং তত্র শ্রীপতিং সাৎবতাং পতিম্ || ২, ১. ১৬ ||
জগৎপতিং যজ্ঞপতিং পার্ষদৈঃ পরিষেবিতম্ |
সুনন্দনন্দপ্রবলার্হণমুখ্যৈর্নিরন্তরম্ || ২, ১. ১৭ ||
ভৃত্যপ্রসাদসুমুখমায়তারুণলোচনম্ |
কিরীটিনং কুণ্ডলিনং শ্রিয়া বক্ষসি লক্ষিতম্ || ২, ১. ১৮ ||
পীতাংশুকং চতুর্বাহুং প্রসন্নহসিতাননম্ |
অভ্যর্হণাসনাসীনং তাভিঃ শক্তিভিরাবৃতম্ || ২, ১. ১৯ ||
প্রধানপুরুষাভ্যাং চ মহতা চাহমা তথা |
একাদশোন্দ্রিয়ৈশ্চৈব পঞ্চভূতৈস্তথৈব চ || ২, ১. ২০ ||
স্বরূপেরমমাণং তমীশ্বরং বিনতাসুতঃ |
তদ্দর্শনাহ্লাদয়ুতস্বান্তো হৃষ্যত্তনূরুহঃ || ২, ১. ২১ ||
লোচনাভ্যামশ্রু মুঞ্চন্প্রেমমগ্নো ননাম হ |
নমাগতং নতং স্বীয় বাহনং বিষ্ণুরব্রবীৎ |
ভূমিঃ কা লঙ্ঘিতা পক্ষিংস্ত্বয়েয়ন্তমনেহসম্ || ২, ১. ২২ ||
গরুড উবাচ |
তব প্রসাদাদ্বৈকুণ্ঠ ত্রৈলোক্যং সচরাচরম্ || ২, ১. ২৩ ||
ময়া বিলোকিতং সর্বং জগৎস্থাবরজঙ্গমম্ |
ভূর্লোকাৎসত্যপর্যন্তং পুরং যাম্যং বিনা প্রভো || ২, ১. ২৪ ||
ভূর্লোকঃ সর্বলোকানাং প্রচুরঃ সর্বজন্তুষু |
মানুষ্যং সর্বভূতানাং ভুক্তিমুক্ত্যালয়ং শুভম্ || ২, ১. ২৫ ||
অতঃ সুকৃতিনাং লোকো ন ভূতো ন ভবিষ্যতি || ২, ১. ২৬ ||
গায়ন্তি দেবাঃ কিল গীতকানি ধন্যাস্তু যে ভারতভূমিভাগে |
স্বর্গাপবর্গস্য ফলার্জনায় ভবন্তি ভূয়ঃ পুরুষাঃ সুরৎবাৎ || ২, ১. ২৭ ||
প্রেতঃ কৌক্ষিপ্যতে কস্মাৎপঞ্চরত্নং মুখে কথম্ |
অধস্তাচ্চালিতা দর্ভাঃ পাদৌ যাম্যাং ব্যবস্থিতৌ || ২, ১. ২৮ ||
কিমর্থং পুত্রপৌত্রাশ্চ তস্য তিষ্ঠন্তি চাগ্রতঃ |
কিমর্থং দীয়তে দানং গোদানমপি কেশব || ২, ১. ২৯ ||
বন্ধুমিত্রাণ্যমিত্রাশ্চ ক্ষমাপয়ন্তি তৎকথম্ |
তিলালোহং হিরণ্যং চ কর্পাসং লবণং তথা || ২, ১. ৩০ ||
সপ্তধান্যং ক্ষিতির্গাবো দীয়ন্তে কেনহেতুনা |
কথং হি ম্রিয়তে জন্তুর্মৃতো বৈ কুত্র গচ্ছতি || ২, ১. ৩১ ||
অতিবাহশরীরং চ কথং হি শ্রয়তে তদা |
শবং স্কন্ধে বহেৎপুত্রো অগ্নিদাতা চ পৌত্রকঃ || ২, ১. ৩২ ||
আজ্যেনাভ্যঞ্জনং কস্মাৎকুত একাহুতিক্রিয়া |
বসুন্ধরা কিমর্থং চ কুতঃ স্ত্রীশব্দকীর্তনম্ || ২, ১. ৩৩ ||
যমসূক্তং কিমর্থং চ উদীচ্যা দিশমাহরেৎ |
পানীয়মেকবস্ত্রেণ সূর্যবিম্বনিরীক্ষণম্ || ২, ১. ৩৪ ||
যবসর্ষপদূর্বাস্তু পাষাণে নিম্বপত্রকম্ |
বস্ত্রং নরশ্চ নারী চ বিদধ্যাদধরোত্তরম্ || ২, ১. ৩৫ ||
অন্নাদ্যং গৃহমাগত্য ন ভোক্তব্যং জনৈঃ সহ |
নবকাংশ্চৈব পিণ্ডাংশ্চ কিমর্থং দদতে সুতাঃ || ২, ১. ৩৬ ||
কিমর্থং চৎবরে দুগ্ধং যাত্রে পক্বে চ মৃন্ময়ে |
কাষ্ঠত্রয়ং গণাবদ্ধং কৃৎবা রাত্রৌ চতুষ্পথে || ২, ১. ৩৭ ||
নিশায়াং দীয়তে দীপো যাবদব্দং দিনেদিন |
দাহোদকং কিমর্থং চ কিমর্থং চ জনৈঃ সহ || ২, ১. ৩৮ ||
ভগবন্নাতি বাহশ্চ নব পিণ্ডাঃ প্রদাপয়েৎ |
কথং দেয়ং পিতৃভ্যশ্চ বাহস্যাবাহনং কথম্ || ২, ১. ৩৯ ||
ইদঞ্চেৎক্রিয়তে দেব কস্মাৎপিণ্ডং প্রদাপয়েৎ |
কিং তৎপ্রদীয়তে তস্য পিণ্ডদানাদ্যনন্তরম্ || ২, ১. ৪০ ||
অস্থিসঞ্চয়নং চৈব ঘটস্ফোটং তথৈব চ |
দ্বিতীয়েঽহ্নি কুতঃ স্নানং চতুর্থে সাগ্নিকে দ্বিজে || ২, ১. ৪১ ||
দশমে কিং মলস্নানং কার্যং সর্বজনৈঃ সহ |
কস্মাত্তৈলোদ্বর্তনং চ স্কন্ধবাহগৃহং নয়েৎ || ২, ১. ৪২ ||
তৈলোদ্বর্তনকং চাপি দধুঃ স্থূলজলাশয়ে |
দশমেঽহনি যৎপিণ্ডং তদ্দদ্যা দামিষেণ তু || ২, ১. ৪৩ ||
পিণাঞ্চৈকাদশে কস্মাদ্বৃষোৎসর্গাদিপূর্বকম্ |
ভাজনোপানহৌ চ্ছত্রং বাসাংসি ৎবঙ্গুলীয়কম্ || ২, ১. ৪৪ ||
ত্রয়োদশেঽহ্নি দেয়ং স্যাৎপদদানং কিমর্থকম্ |
শ্রাদ্ধানি ষোডশৈতানি অব্দং যাবৎকুতো ঘটঃ || ২, ১. ৪৫ ||
অন্নাদ্যেনোদকেনৈব ষষ্ট্যাধিকশতত্রয়ম্ |
দিনেদিনে চ দাতব্যং ঘটান্নং প্রেততৃপ্তয়ে || ২, ১. ৪৬ ||
প্রাপ্তে কালে বৈ ম্রিয়তে অনিত্যা মানবাঃ প্রভো || ২, ১. ৪৭ ||
ছিদ্রং তু নৈব পশ্যামি কুতো জীবঃ স নির্গতঃ |
কুতো গচ্ছন্তি ভূতানি পৃথিব্যাপো মনস্তথা |
তেজো বদস্ব মে নাথ বায়ুরাকাশমেব চ || ২, ১. ৪৮ ||
কুতঃ কর্মেন্দ্রিয়াণীহ পঞ্চবুদ্ধীন্দ্রিয়াণি চ |
বায়বশ্চৈব পঞ্চৈতে কথং গচ্ছন্তি চাত্যয়ম্ || ২, ১. ৪৯ ||
লোভমোহাদয়ঃ পঞ্চ শরীরে চৈব তস্করাঃ |
তৃষ্ণা কামো হ্যহঙ্কারঃ কুতো যান্তি জনার্দনা || ২, ১. ৫০ ||
পুণ্যং বাপ্যথবাপুণ্যং যৎকিঞ্চিৎসুকৃতং তথা |
নষ্টে দেহে কুতো যান্তি দানানি বিবিধানি চ || ২, ১. ৫১ ||
সপিণ্ডনং কিমর্থং চ পূর্ণে সংবৎসরেঽপি বা |
প্রেতস্য মেলনং কেষাং কিংবিধং তত্র কারয়েৎ || ২, ১. ৫২ ||
মূর্ছনাৎপননাদ্বাপি বিপত্তির্যদি জায়তে |
যে দগ্ধা যে ৎবদগ্ধাশ্চ পতিতা যে নরা ভুবি || ২, ১. ৫৩ ||
যানি চান্যানি ভূতানি তেষামন্তে ভবেচ্চ কিম্ |
পাপিনো যে দুরাচারা যে চান্যে গতবুদ্ধয়ঃ || ২, ১. ৫৪ ||
আত্মঘাতী ব্রহ্মহা চ স্তেয়ী বিশ্বাসঘাতকঃ |
কপিলায়াঃ পিবেচ্ছূদ্রো যঃ পঠেদিদমক্ষরম্ || ২, ১. ৫৫ ||
ধারয়েদ্ব্রহ্মসূত্রং বা কা গতিস্তস্য মাধব |
শূদ্রস্য ব্রাহ্মণী ভার্যা সঙ্গৃহীতা যদা ভবেৎ || ২, ১. ৫৬ ||
ভীতোঽহং পাপিনস্তস্মাত্তন্মে বদ জগৎপ্রভো |
অন্যচ্চ শৃণু বিশ্বাত্মন্ময়া কৌতুকিনা রয়াৎ || ২, ১. ৫৭ ||
লোকাংল্লোকয়তা লোকে জগাহে বিশ্বমণ্ডলম্ |
তত্রাজনি জনান্দৃষ্ট্বা দুঃখেষ্বেব নিমজ্জতঃ || ২, ১. ৫৮ ||
স্বান্তে মে দুর্ধরা পীডা তৎপীডাতো গরীয়সী |
ত্রিদিবে দিতিজাতেভ্যো ভূমৌ মৃত্যুরুগাদিভিঃ || ২, ১. ৫৯ ||
ইষ্টবস্তুবিয়ো গৈশ্চ পাতালে মামকং ভয়ম্ |
এবং ন নির্ভয়ং স্থানমন্যদীশ ভবৎপদাৎ || ২, ১. ৬০ ||
অসত্যং স্বপ্নমায়াবৎকালেন কবলীকৃতম্ |
তত্রাপি ভারতে বর্ষে বহুদুঃখস্য ভাগিনঃ || ২, ১. ৬১ ||
জনা দৃষ্টা ময়া রাগদ্বেষমোহাদিবিপ্লুতাঃ |
কেচিদন্ধাঃ কেকরাক্ষাস্খলদ্বাচস্তু পঙ্গবঃ || ২, ১. ৬২ ||
খঞ্জাঃ কাণাশ্চ বধিরা মূকাঃ কুষ্ঠাশ্চ লোমশাঃ |
নানারোগপরীতাশ্চ খপুষ্পাচ্চাভিমানিনঃ || ২, ১. ৬৩ ||
তেষাং দোষস্য বৈচিত্র্যং মৃত্যোর্গোচরতামপি |
দৃষ্ট্বা প্রসুমনাঃ প্রাপ্তঃ কো মৃত্যুশ্চিত্রতা কথম্ || ২, ১. ৬৪ ||
মৃতির্যস্য বিধানেন মরণাদপ্যনন্তরম্ |
বিধিনাব্দক্রিয়া যস্য ন স দুর্গতিমাপ্নুয়াৎ || ২, ১. ৬৫ ||
ঋষিভ্যস্তু ময়া পূর্বমিতি সামান্যতঃ শ্রুতম্ |
জ্ঞানায় তদ্দ্বিশেষস্য পৃচ্ছামীদমিতি প্রভো || ২, ১. ৬৬ ||
ম্রিয়মাণস্য কিং কৃত্যং কিং দানং বাসবানুজ |
বাহমৃত্যোরন্তরালে কো বিধির্দহনস্য চ || ২, ১. ৬৭ ||
সদ্যো বিলম্বতো বা কিং দেহমন্যং প্রপদ্যতে |
সংযমন্যাং ক্রম্যমাণমাবর্ষং কা মৃতিক্রিয়া || ২, ১. ৬৮ ||
প্রায়শ্চিত্তং দুর্মতেঃ কিং পঞ্চকাদিমৃতস্য চ |
প্রসাদং কুরু মে মোহং ছেত্তুমর্হস্যশেষতঃ || ২, ১. ৬৯ ||
সর্বমন্তেময়া পৃষ্টং ব্রূহি লোকহিতায় বৈ || ২, ১. ৭০ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশাখ্যে ধর্মকাণ্ডে
(প্রেতখণ্ডে) শ্রীকৃষ্ণগরুডসংবাদে প্রশ্রপ্রপঞ্চো নাম প্রথমোঽধ্যায়ঃ

শ্রীগরুডমহাপুরাণম্-২
শ্রীকৃষ্ণ উবাচ |
সাধু পৃষ্টং ৎবয়া ভদ্র মানুষাণাং হিতায় বৈ |
শৃণুষ্বাবহিতো ভূৎবা সর্বমেবৌর্ধ্বদৈহিকম্ || ২, ২. ১ ||
সম্যগ্বিভেদরহিতং শ্রুতিস্মৃতিসমুদ্ধৃতম্ |
যন্ন দৃষ্টং সুরৈঃ সেন্দ্রৈর্যোগিভির্যোগচিন্তকৈঃ || ২, ২. ২ ||
গুহ্যদ্গুহ্যতরং তচ্চ নাখ্যাতং কস্যচিৎক্বচিৎ |
ভক্তস্ত্বং হি মহাভাগ বৈনতেয়ং ব্রবীমি তে || ২, ২. ৩ ||
অপুত্রস্য গতির্নাস্তু স্বর্গো নৈব চ নৈব চ |
যেন কেনাপ্যুপায়েন কার্যং জন্ম সুতস্য হি || ২, ২. ৪ ||
তারয়েন্নরকাৎপুত্ত্রো যদি মোক্ষো ন বিদ্যতে |
স্কন্ধঃ পুত্রেণ কর্তব্যো হ্যগ্নিদাতা চ পৌত্রকঃ || ২, ২. ৫ ||
তিলদর্ভৈশ্চ ভূম্যাং বৈ কুটী ঋতুমতী ভবেৎ |
পঞ্চ রত্নানি বক্ত্রে তু যেন জীবঃ প্ররোহতি || ২, ২. ৬ ||
যদা পুষ্পং প্রনষ্টং হি ক্ব তদা গর্ভধারণম্ |
আদরাচ্চ ততো ভূমৌ যেন গর্ভং প্রধার্যতে || ২, ২. ৭ ||
লেপ্যা তু গোময়ৈর্ভূমিস্তিলান্দর্ভান্বিনিঃ ক্ষিপেৎ |
তস্যামেবাতুরো মুক্তঃ সর্বং দহতি কিল্বিষম্ || ২, ২. ৮ ||
দর্ভতূলী নয়েৎস্বর্গমাতুরস্য ন সংশয়ঃ |
দর্ভাংস্তত্র ক্ষিপেদ্বাথ তূলীগেন্দুকমধ্যতঃ || ২, ২. ৯ ||
সর্বত্র বসুধাপূতা যত্র লেপো ন বিদ্যতে |
যত্র লেপঃ স্থিতস্তত্র পুনর্লেপেন শুধ্যতি || ২, ২. ১০ ||
যাতুধানাঃ পিশাচাশ্চ রাক্ষসাঃ ক্রূরকর্মিণঃ |
অলেপং হ্যাতুরং মুক্তং বিশন্ত্যেতে বিয়োনয়ঃ || ২, ২. ১১ ||
নিত্যহোমস্তথা শ্রাদ্ধং পাদশৌচং দ্বিজে তথা |
মণ্ডলেন বিনা ভূম্যামাতুরো মুচ্যতে ন হি || ২, ২. ১২ ||
ব্রহ্মা বিষ্ণুশ্চ রুদ্রশ্চ শ্রীর্হুতাশস্তথৈব চ |
মণ্ডলে চোপতিষ্ঠন্তি তস্মাৎকুর্বীত মণ্ডলম্ || ২, ২. ১৩ ||
অন্যথা ম্রিয়তে বালো বৃদ্ধস্তার্ক্ষ্যয়ুবাথবা |
যোন্যন্তরং ন গচ্ছেৎস ক্রীডতে বায়ুনা সহ || ২, ২. ১৪ ||
মিশ্রিতং লোহিতামিশ্রং তদেবং জন্ম জীয়তে |
তস্যৈব বায়ুভূতস্য ন শ্রাদ্ধং নোদকক্রিয়া || ২, ২. ১৫ ||
মম স্বেদসমুদ্ভূতাস্তিলাস্তার্ক্ষ্য পবিত্রকাঃ |
অসুরা দানবা দৈত্যা বিদ্রবন্তি তিলৈস্তথা || ২, ২. ১৬ ||
তিলাঃ শ্বেতাস্তিলা কৃষ্ণাস্তিলা গোমূত্রসংন্নিভাঃ |
দহন্তু তে মে পাপানি শরীরেণ কৃতানি বৈ || ২, ২. ১৭ ||
এক এব তিলো দত্তো হেমদ্রোণতিলৈঃ সমঃ |
তর্পণে দানহোমেষু দত্তো ভবতি চাক্ষয়ঃ || ২, ২. ১৮ ||
দর্ভা রোমসমুদ্ভূতাস্তিলাঃ স্বেদেষু নান্যথা |
দেবতা দানবাস্তৃপ্তাঃ শ্রাদ্ধেন পিতরস্তথা || ২, ২. ১৯ ||
প্রয়োগবিধিনা ব্রহ্মা বিশ্বং চাপ্যুপজীবনাম্ |
অপসব্যাদিতো ব্রহ্মা পিতরো দেবদেবতাঃ || ২, ২. ২০ ||
তেন তে পিতরস্তৃপ্তা অপসব্যে কৃতে সতি |
দর্ভমূলে স্থিতো ব্রহ্মা মধ্যে দেবো জনার্দনঃ || ২, ২. ২১ ||
দর্ভাগ্রে শঙ্করং বিদ্যাত্ত্রয়ো দেবাঃ কুশে স্মৃতাঃ |
বিপ্রা মন্ত্রাঃ কশা বহ্নিস্তুলসী চ খগেশ্বর || ২, ২. ২২ ||
নৈতে নির্মাল্যতাং যান্তি ক্রিয়মাণাঃ পুনঃ পুনঃ |
তুলসী ব্রাহ্মণা গাবো বিষ্ণুরেকাদশী খগ || ২, ২. ২৩ ||
পঞ্চ প্রবহণান্যে ভবাব্ধৌ মজ্জতাং নৃণাম্ |
বিষ্ণুরেকাদশী গীতা তুলসী বিপ্রধেনবঃ || ২, ২. ২৪ ||
অসারে দুর্গসংসারে ষট্পদী মুক্তিদায়িনী |
তিলাঃ পবিত্রমতুলং দর্ভাশ্চাপি তুলস্যথ || ২, ২. ২৫ ||
নিবারয়ন্তি চৈতানি দুর্গতিং যান্তমাতুরম্ |
হস্তাভ্যামুদ্ধরেদ্দর্ভাংস্তোয়েন প্রোক্ষয়েদ্ভুবি || ২, ২. ২৬ ||
মৃত্যুকালে ক্ষিপেদ্দর্ভান্করয়োরাতুরস্য চ |
দর্ভৈস্তু ক্ষিপ্যতে যোঽসৌ দর্ভৈস্তু পরিবেষ্টিতঃ || ২, ২. ২৭ ||
বিষ্ণুলোকে স বৈ যাতি মন্ত্রহীনোঽপি মানবঃ |
তূলীং কৃৎবা কৃতৌ পাদৌ সংস্থিতৌ ক্ষিতিপৃষ্ঠতঃ || ২, ২. ২৮ ||
প্রায়াশ্চিত্তং বিশুদ্ধাগ্নৌ সংসারেঽসারসাগরে |
গোময়েনোপলিম্পেত্তু দর্ভাস্তরণসংস্থিতে || ২, ২. ২৯ ||
যনে দত্তেন দানেন সর্বং পাপং ব্যপোহতি |
লবণং তদ্রসং দিব্যং সর্বকামপ্রদং নৃণাম্ || ২, ২. ৩০ ||
যস্মাদন্নরসাঃ সর্বে নোৎকটা লবণং বিনা |
পিৎৠণাং চ প্রিয়ং ভব্যং তস্মাৎস্বর্গপ্রদং ভবেৎ || ২, ২. ৩১ ||
বিষ্ণুদেহসমুদ্ভূতো যতোঽযং লবণো রসঃ |
এতৎসলবণং দানং তেন শংসন্তি যোগিনঃ || ২, ২. ৩২ ||
ব্রাহ্মণক্ষত্ত্রিয়বিশাং স্ত্রীণাং শূদ্রজনস্য চ |
আতুরস্য যদা প্রাণা ন যান্তি বসুধাতলে || ২, ২. ৩৩ ||
লবণং তু তদা দেয়ং দ্বারস্যোদ্বাটনং দিবঃ |
অন্যচ্চ শৃণু পক্ষীন্দ্র মৃত্যো রূপং প্রপঞ্চতঃ || ২, ২. ৩৪ ||
যস্য কালেন নো যায়াদ্বিয়োগঃ প্রাণদেহয়োঃ |
প্রাণিনশ্চ স্বসময়ে মৃত্যুরত্যন্তবিস্মৃতিঃ || ২, ২. ৩৫ ||
যথা বায়ুর্জলধরান্বিকর্ষতি যতস্ততঃ |
তদ্বজ্জলদবত্তার্ক্ষ্য কালস্যৈব বশানুগাঃ || ২, ২. ৩৬ ||
সাত্ত্বিকা রাজসাশ্চৈব তামসা যে চ কেচন |
ভাবাঃ কালাত্মকাঃ সর্বে প্রবর্তন্তে হি জন্তুষু || ২, ২. ৩৭ ||
আদিত্যশ্চন্দ্রমাঃ শম্ভুরাপো বায়ুঃ শতক্রতুঃ |
অগ্নিঃ খং পৃথিবী মিত্র ওষধ্যো বসবস্তথা || ২, ২. ৩৮ ||
সরিতঃ সাগরাশ্চৈব ভাবাভাবৌ চ সর্পহন্ |
সর্বে কালেন সৃজ্যন্তে সঙ্ক্ষিপ্যন্তে যথা পুনঃ || ২, ২. ৩৯ ||
কালেন সংহ্রিয়ন্তে চ নৃনং মৃত্যাবুপস্থিতে |
দৈবয়োগাত্ত্দা ব্যাধিঃ কশ্চিদুৎপদ্যতে খগ || ২, ২. ৪০ ||
বৈকল্যমিন্দ্রিয়াণাং চ বলৌ জোরংহসাং ভবেৎ |
যুগপদ্বশ্চিককোটিশূকদংশো ভবেদ্যদি || ২, ২. ৪১ ||
তদানুমীয়তে তেন পীডা মৃত্যুভবা খগ |
ততঃ ক্ষণেন চৈতন্যে বিকলে জডতাং গতে || ২, ২. ৪২ ||
প্রিচাল্যন্তে ততঃ প্রাণা যাম্যৈর্নিকটবর্তিভিঃ |
বীভৎসং তু তদা রূপং প্রাণৈঃ কণ্ঠগতৈর্ভবেৎ || ২, ২. ৪৩ ||
ফেমুদ্গিরতে সোঽথ মুখং লালাকুলং ভবেৎ |
অঙ্গুষ্ঠমাত্রপুরুষো হাহা কুর্বংস্ততস্তনোঃ || ২, ২. ৪৪ ||
তদৈব নীয়তে দ্বতৈর্যাম্যৈর্বোক্ষন্স্বকং গৃহম্ |
ভূয় এব হিতে তাত মৃত্যুকালদশামিমাম্ || ২, ২. ৪৫ ||
অষ্মা প্রকুপিতঃ কায়ে তীব্রবায়ুসমীরিতঃ |
ভিনত্তি মর্মস্থানানি দীপ্যমানো নিরিন্ধনঃ || ২, ২. ৪৬ ||
উদানো নাম পবনস্ততশ্চোর্ধ্বং প্রবর্ততে |
ভক্তানামবুভুক্ষাণামধোগতিনিরোধকৃৎ || ২, ২. ৪৭ ||
যৈর্নানৃতানি চোক্তানি প্রীতিভেদঃ কৃতো ন চ |
আস্তিকঃ শ্রদ্দধানশ্চ স সুখং মৃত্যুমৃচ্ছতি || ২, ২. ৪৮ ||
যো ন কামান্ন সংরম্ভান্ন দ্বেষাদ্ধর্মমুৎসৃজেৎ |
যথোক্তকারী সৌম্যশ্চ স সুখং মৃত্যুমৃচ্ছতি || ২, ২. ৪৯ ||
মোহজ্ঞানপ্রদাতারঃ প্রাপ্নুবন্তি মহত্তমঃ |
কূটসাক্ষী মৃষাবাদী যে চ বিশ্বাসঘাতকাঃ || ২, ২. ৫০ ||
তে মোহং মৃত্যুমৃচ্ছন্তি তথা যে বেদনিন্দকাঃ |
বিভীষকাঃ পূতিগন্ধা যষ্টিমুদ্গরপাণয়ঃ || ২, ২. ৫১ ||
আগচ্ছন্তি দুরাত্মানো যমস্য পুরুষাস্তদা |
প্রাপ্তে ৎবীদৃক্পথে ঘোরে জায়তে তস্য বেপথুঃ || ২, ২. ৫২ ||
ক্রন্দত্যবিরতং সোঽপি পিতৃমাতৃসুতানপি |
সাস্য বাগস্ফুটা যত্নেনৈকবর্ণা বিভাসতে || ২, ২. ৫৩ ||
দৃষ্টির্বৈ ভ্রাম্যতে ত্রাসাচ্ছ্বাসাচ্ছুষ্যতি চাননম্ |
স ততো বেদনাবিষ্টস্তচ্ছরীরং বিমুঞ্চতি || ২, ২. ৫৪ ||
অস্পৃশ্যং কুৎসনীয়ং চ তৎক্ষণাদেব জায়তে |
উক্তং মৃত্যোঃ স্বরূপং তু প্রসঙ্গাদন্যদপ্যথ || ২, ২. ৫৫ ||
বৈচিত্র্যস্যোত্তরং প্রশ্রে দ্বিতীয়স্য বদামি তে |
কর্মণাং প্রাক্তনানাং তু তদসত্ত্বেনং ভদেতঃ || ২, ২. ৫৬ ||
ভবেদ্ভোগস্য বৈচিত্র্যং ভ্রাম্যতাং প্রাণিনামিহ |
দেবৎবমসুরৎবং চ যক্ষৎবাদিসুখপ্রদম্ || ২, ২. ৫৭ ||
মানুষৎবং পশুৎবং চ পক্ষিৎবাদ্যতিদুঃখদম্ |
কর্মণাং তারতম্যেন ভবতীহ খগেশ্বর || ২, ২. ৫৮ ||
অত্র তে কীর্তয়িষ্যামি বিপাকং কর্মণামহম্ |
বৈচিত্র্যস্য স্পুটৎবায়য়ৈর্জোবঃ সংসরত্যয়ম্ || ২, ২. ৫৯ ||
মহাপাতকজান্ঘোরান্নরকান্প্রাপ্য দারুণান্ |
কর্মক্ষয়াৎপ্রজায়ন্তে মহাপাতকিনঃ ক্ষিতৌ || ২, ২. ৬০ ||
জায়ন্তে লক্ষণৈর্যৈস্তুতানি মে শৃণু সত্তম |
মৃগাশ্বসূকরোষ্ট্রাণাং ব্রহ্মহা যোনিমৃচ্ছতি || ২, ২. ৬১ ||
কৃমিকীটপতঙ্গৎবং স্বর্ণহারী সমাপ্নুয়াৎ |
তৃণগুল্মতাৎবং চ ক্রমশো গুরুতল্পগঃ || ২, ২. ৬২ ||
ব্রহ্মহা ক্ষয়রোগী স্যাৎসুরাপঃ শ্যাবদন্তকঃ |
হেমহারী তু কুনখী দুশ্চর্মা গুরুতল্পগঃ || ২, ২. ৬৩ ||
যো যেন সংবসত্যেষাং স তল্লিঙ্গোঽভিজায়তে |
সংবৎসরেণ পততি পতিতেন সহাচরন্ || ২, ২. ৬৪ ||
সংলাপস্পর্শনিঃ শ্বাসসহয়ানাশনাসনাৎ |
যাজনাধ্যাপনাদ্যৌনাৎপাপং সঙ্ক্রমতে নৃণাম্ || ২, ২. ৬৫ ||
গৎবা দারান্পরেষাঞ্চ ব্রহ্মস্বমপহৃত্য চ |
অরণ্যে নির্জনে দেশে জায়তে ব্রহ্মরাক্ষসঃ || ২, ২. ৬৬ ||
হীনজাতৌ প্রজায়েত রত্নানামপহারকঃ |
পত্রং চ শাখিনো হৃৎবা গন্ধাংশ্ছুচ্ছুন্দরী পুমান্ || ২, ২. ৬৭ ||
মূষকো ধান্যহারী স্যাদ্যানমুষ্ট্রঃ ফলং কপিঃ |
নির্মন্ত্রভোজনাৎকাকো গৃধ্রো হৃৎবা হ্যুপস্করম্ || ২, ২. ৬৮ ||
মধুদংশঃ ফলং গৃধ্রো গাং গোধাগ্নিং বকস্তথা |
স্যাচ্ছ্বেতকুষ্ঠী স্ত্রীবস্ত্র হ্যরুচী রসহারকঃ || ২, ২. ৬৯ ||
কাংস্যহারী তু হংসঃ স্যাৎপরস্বস্য চ হারকঃ |
অপস্মারী গুরোর্হন্তা ক্রূরকৃদ্বামনো ভবেৎ || ২, ২. ৭০ ||
ধর্মপত্নীং ত্যজঞ্ছব্দবেধী প্রাণী ভবেৎক্ষিতৌ |
দেববিপ্রস্বাপহারী পাণ্ডুরঃ পরমাংসভুক্ || ২, ২. ৭১ ||
ভক্ষ্যাভক্ষ্যো গণ্ডমালী মহারোগী প্রজায়তে |
ন্যাসাপহারী কাণঃ স্যাস্ত্রীজীবঃ খঞ্জকো ভবেৎ || ২, ২. ৭২ ||
কৌমারদারত্যাগী চ দুর্ভগোঽথৈ কমিষ্টভুক্ |
বাতগুল্মী বিপ্রয়োষিদ্গামী বা জম্বুকো ভবেৎ || ২, ২. ৭৩ ||
শয়্যাহর্তা ক্ষপণকঃ পতঙ্গো বস্ত্রহারকঃ |
মাৎসর্যাদপি জাত্যন্ধো কপালী দীপহারকঃ || ২, ২. ৭৪ ||
কৌশিকো মিত্রহন্তা চ ক্ষয়ী পিত্রাদিনিন্দকঃ |
স্খলদ্বাগনৃতবাদী কূটসাক্ষী জলোদরী || ২, ২. ৭৫ ||
মশকঃ সোঽথ চছিন্নোষ্ঠো বিবাহে বিঘ্নকৃদ্ভবেৎ |
স্যাদ্বাথ বৃষলঃ সোঽযং চৎবরে বৈ বিণ্মূত্রকৃৎ || ২, ২. ৭৬ ||
মূত্রকৃচ্ছ্রী দূষকস্তু কন্যায়াঃ ক্লীবতামিয়াৎ |
দ্বীপী স্যাদ্বেদবিক্রেতা বরাহোঽযাজ্যয়াজকঃ || ২, ২. ৭৭ ||
যতস্ততোঽশ্রন্মার্জারো খদ্যোতো বহদাহকঃ |
কৃমিঃ পর্যুষিতাদঃ স্যান্মৎসরী ভ্রমরো ভবেৎ || ২, ২. ৭৮ ||
অগ্ন্যুৎসাদী তু কুষ্ঠী স্যাদদত্তাঽদানতো বৃষঃ |
সর্পো গোহারকোঽন্নস্য হারকঃ স্যাদজীর্ণবান্ || ২, ২. ৭৯ ||
জলহারী তু মৎস্যঃ স্যাৎক্ষীরহারী বলাকিকা |
অন্নং পর্যুষিতং বিপ্রে প্রদদৎকুব্জতাং ব্রজেৎ || ২, ২. ৮০ ||
ফলানি হরতে যস্তু সন্ততির্ম্রিয়তে খগ |
অদত্ত্বা ভক্ষ্যমশ্রাতি হ্যনপত্যো ভবেন্নরঃ || ২, ২. ৮১ ||
প্রবজ্যাগমনাদ্রাজন্ভবেন্মরুপিশাচকঃ |
চাতকো জলহর্তা স্যাজ্জন্মান্ধঃ পুংস্তকং হরন্ || ২, ২. ৮২ ||
প্রতিশ্রুত্য দ্বিজেভ্যোর্ঽথমদদজ্জম্বুকো ভবেৎ |
পরিবাদাদিজাতীনাং লভতে কাচ্ছপীং তনুম্ || ২, ২. ৮৩ ||
দুর্ভগঃ ফলবিক্রেতা বৃকশ্চ বৃষলীপতিঃ |
মার্জারোঽগ্নিং পদা স্পৃষ্ট্বা রোগবান্পরমাংসভুক্ || ২, ২. ৮৪ ||
জলপ্রস্ত্রবণং যস্তু ভিন্দ্যান্মৎস্যো ভবেন্নরঃ |
হরেঃ কথাং ন শৃণ্বন্তি যে ন সাধুজনস্তবম্ || ২, ২. ৮৫ ||
তান্নরান্কর্ণমূলোঽযং ব্যাপ্নুয়ান্নেতরাঞ্জনান্ |
পরস্যাননসংস্থং যো গ্রাসং হরি মন্দধীঃ || ২, ২. ৮৬ ||
দেবোপকরণান্যেনং গণ্ডমালিনমীহতে |
দম্ভেনাচরতে ধর্মং গজচর্মা ভবেত্তু সঃ || ২, ২. ৮৭ ||
শিরোঽর্তিপ্রমুখা রোগা যান্তি বিশ্বাসঘাতকম্ |
লিঙ্গপীডী শিবস্বং চ শিবনির্মাল্যমেব চ || ২, ২. ৮৮ ||
স্ত্রিয়োঽপ্যনেন মার্গেণ হৃৎবা দোষমবাপ্নুয়ুঃ |
এতেষামেব জন্তূনাং ভার্যাৎবমুপজায়তে || ২, ২. ৮৯ ||
ভোগান্তে নরকস্যৈতৎসর্বমিত্যবধারয় |
খঘ প্রদর্শ্যমেতত্তু ময়োক্তং তে সমাসতঃ |
দ্রব্যপ্রকারা হি যথা তথৈব প্রাণিজাতয়ঃ || ২, ২. ৯০ ||
এবং বিচিত্রৈর্নিজকর্মভির্নৃণাং সুখস্য দুঃখস্য চ জন্মনামপি |
বৈচিত্র্যমুক্তং শুভকর্মতঃ শুভং তথাশুভাচ্চাশুভমীরয়ন্তি || ২, ২. ৯১ ||
এতত্তে সর্বমাখ্যাতং যৎপৃষ্টোঽহমিহ ৎবয়া || ২, ২. ৯২ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে প্রতকা(খ) ণ্ডে
শ্রীকৃষ্ণগরুডসংবাদে ঔর্ধ্বদেহিকবিধিকর্মবিপাকয়োর্বর্ণনং নাম দ্বিতীয়োঽধ্যায়ঃ

শ্রীগরুডমহাপুরাণম্-৩
সূত উবাচ |
এবমুৎসাহিতঃ পক্ষী স্বরূপং নিরয়স্য তু |
পপ্রচ্ছনরকাণ্যেবং শ্রুৎবা চোৎকূলিতান্তরঃ || ২, ৩. ১ ||
গরুড উবাচ |
নরকাণাং স্বরূপং মে বদ যেষু বিকর্মিণঃ |
পাত্যন্তে দুঃখভূয়িষ্ঠাস্তেষাং ভেদাংশ্চ কীর্তয় || ২, ৩. ২ ||
শ্রীভগবানুবাচ |
নরকাণাং সহস্রাণি বর্তন্তে হ্যরুণানুজ |
শক্যং বিস্তরতো নৈব বক্তুং প্রাধান্যতো ব্রুবে || ২, ৩. ৩ ||
রৌরবং নাম নরকং মুখ্যং তদ্বৈনিবোধ মে |
রৌরবে কূটসাক্ষী তু যাতি যশ্চানৃতী নরঃ || ২, ৩. ৪ ||
যোজনানাং সহস্রে দ্বে রৌরবো হি প্রমাণতঃ |
জানুমাত্রপ্রমাণং তু তত্র গর্তং সুদুস্তরম্ || ২, ৩. ৫ ||
তত্রাঙ্গারচয়ৌঘেন কৃতং তদ্ধরণীসমম্ |
তত্রাগ্নিনা সুতীব্রেণ তাপিতাঙ্গারভূমিনা || ২, ৩. ৬ ||
তন্মধ্যে পাপকর্মাণং বিমুঞ্চন্তি যমানুগাঃ |
স দহ্যমানস্তীব্রেণ বহ্নিনা পরিধাবতি || ২, ৩. ৭ ||
পদেপদে চ পাদোঽস্য স্ফুট্যতে শীর্যতে পুনঃ |
অহোরাত্রেণোদ্ধরণং পাদন্যাসেন গচ্ছতি || ২, ৩. ৮ ||
এবং সহস্রং বিস্তীর্ণং যোজনানাং বিমুচ্যতে |
ততোঽন্যৎপাপশুদ্ধ্যর্থং তাদৃঙ্নিরয়মৃচ্ছতি || ২, ৩. ৯ ||
রৌরবস্তে সমাখ্যাতঃ প্রথমো নরকো ময়া |
মহারৌরবসঞ্জ্ঞং তু শৃণুষ্ব নরকং খগ || ২, ৩. ১০ ||
যোজনানাং সহস্রাণি সন্তি পঞ্চ সমন্ততঃ |
তত্র তাম্রময়ী ভূমিরধস্তস্যা হুতাশনঃ || ২, ৩. ১১ ||
তয়া তপন্ত্যা সা সর্বা প্রোদ্যদ্বিদ্যুৎসমপ্রভা |
বিভাব্যতে মহারৌদ্রা পাপিনাং দর্শনাদিষু || ২, ৩. ১২ ||
তস্যাং বদ্ধকরাভ্যাং চ পদ্ভ্যাং চৈব যমানুগৈঃ |
মুচ্যতে পাপকৃন্মধ্যে লুণ্ঠমানঃ স গচ্ছতি || ২, ৩. ১৩ ||
কাকৈর্বকৈর্বৃকোলূকৈর্মশকৈর্বৃশ্চিকৈস্তথা |
ভক্ষ্যমাণৈস্তথা রৌদ্রৈর্গতো মার্গে বিকৃষ্যতে || ২, ৩. ১৪ ||
দহ্যমানো গতমতির্ভ্রান্তস্তাতেতি চাকুলঃ |
বদত্যসকৃদুদ্বগ্নো ন শান্তিমধিগচ্ছতি || ২, ৩. ১৫ ||
এবং তস্মান্নরৈর্মোক্ষস্ত্বতিক্রান্তৈরবাপ্যতে |
বর্ষায়ুতায়ুতৈঃ পাপং যৈঃ কৃতং দুষ্টবুদ্ধিভিঃ || ২, ৩. ১৬ ||
তথান্যস্তু ততো নাম সোঽতিশীতঃ স্বভাবতঃ |
মহারৌরববদ্দীর্ঘস্তথান্ধতমসা বৃতঃ || ২, ৩. ১৭ ||
শীতার্তাস্তত্র বধ্যন্তে নরাস্তমসি দারুণে |
পরস্পরং সমাসাদ্য পরিরভ্যাশ্রয়ন্তি তে || ২, ৩. ১৮ ||
দন্তাস্তেষাং চ ভজ্যন্তে শীতার্তিপরিকম্পিতাঃ |
ক্ষুতৃষাতিবলাঃ পক্ষিন্নথ তত্রাপ্যুপদবাঃ || ২, ৩. ১৯ ||
হিমখণ্ডবহো বায়ুভিনত্ত্যস্থীনি দারুণঃ |
মজ্জাসৃগস্থিগলিতমশ্রন্ত্যত্র ক্ষুধান্বিতাঃ || ২, ৩. ২০ ||
আলিঙ্গ্যমানা ভ্রাম্যন্তে পরস্পরসমাগমে |
এবং তত্রাপি সুমহান্ক্লেশস্তমসি মানবৈঃ || ২, ৩. ২১ ||
প্রাপ্যতে শকুনিশ্রেষ্ঠ যো বহূকৃতসঞ্চয়ঃ |
নিকৃন্তন ইতি খ্যাতস্ততোঽন্যো নরকোত্তমঃ || ২, ৩. ২২ ||
কুলালচক্রাণি তত্র ভ্রাম্যন্ত্যবিরতং খগ |
তেষ্বাপাষ্যে নিকৃষ্যন্তে কালসূত্রেণ মানবাঃ || ২, ৩. ২৩ ||
যমানুমাঙ্গুলিস্থেন আপাদতলমস্তকম্ |
ন চৈষাং জীবিতভ্রংশো জায়তে পক্ষিসত্তম || ২, ৩. ২৪ ||
ছিন্নানি তেষাং শতশঃ খণ্ডান্যৈক্যং ব্রজন্তি হি |
এবং বর্ষসহস্রাণি ভ্রাম্যন্তে পাপকর্মিণঃ || ২, ৩. ২৫ ||
তাবদ্যাবদশেষং চ তৎপাপং সঙ্ক্ষয়ং গতম্ |
অপ্রাতষ্ঠং চ নরকং শৃণুষ্ব গদতো মম || ২, ৩. ২৬ ||
তত্রস্থৈর্নারকৈর্দুঃখমসহ্যমনুভূয়তে |
তান্যেব তত্র চক্রাণি ঘটীয়ন্ত্রাণি চান্যতঃ || ২, ৩. ২৭ ||
দুঃখস্য হেতুভূতানি পাপকর্মকৃতাং নৃণাম্ |
চক্রেষ্বারোপিতাঃ কেচিদ্ভাম্যন্তে তত্র মানবাঃ || ২, ৩. ২৮ ||
যাবদ্বর্ষসহস্রাণি ন তেষাং স্থিতিরন্তরা |
ঘটীয়ন্ত্রেষু বদ্বা যে বদ্ধা তোয়বটী যথা || ২, ৩. ২৯ ||
ভ্রাম্যন্তে মানবা রক্তমুদ্গিরন্তঃ পুনঃ পুনঃ |
অন্ত্রৈর্মুখবিনিষ্ক্রান্তৈর্নেত্রৈরন্ত্রাবলম্বিভৈঃ || ২, ৩. ৩০ ||
দুঃখানি প্রাপ্নুবন্তীহ যান্যসহ্যানি জন্তুভিঃ |
অসিপত্রবনং নাম নরকং শৃণু চাপরম্ || ২, ৩. ৩১ ||
যোজনানাং সহস্রং যো জ্বলত্যগ্ন্যাশৃতাবনিঃ |
সপ্ততীব্রকরাশ্চৈণ্ডর্যত্র তীব্র সুদারুণে || ২, ৩. ৩২ ||
প্রতপন্তি সদা তত্র প্রাণিনো নরকৌকসঃ |
তন্মধ্যে চরণং শীতস্নিগ্ধপত্রং বিভাষ্যতে || ২, ৩. ৩৩ ||
পত্রাণি যত্র খণ্ডানি ফলানাং পক্ষিসত্তম |
শ্বানশ্চ তত্র সুবলাশ্চরন্ত্যামিষভোজনাঃ || ২, ৩. ৩৪ ||
মহাবক্ত্রা মহাদংষ্ট্রা ব্যাঘ্রা ইব মহাবলাঃ |
ততশ্চ বনমালোক্য শিশিরচ্ছায়মগ্রতঃ || ২, ৩. ৩৫ ||
প্রয়ান্তি প্রাণিনস্তত্র ক্ষুত্তাপপরিপীডিতাঃ |
মাতর্ভ্রাতস্তাত ইতি ক্রন্দমানাঃ সুদুঃখিতাঃ || ২, ৩. ৩৬ ||
দহ্যমানাঙ্ঘ্রিয়ুগলা ধরণিস্থেন বহ্নিনা |
তেষাং গতানাং তত্রাপি অতি শীতিঃ সমীরণঃ || ২, ৩. ৩৭ ||
প্রবাতি তেন পাত্যন্তে তেষাং খড্গাস্তথোপরি |
ছিন্নাঃ পতন্তি তে ভূমৌ জ্বলৎপাবকসঞ্চয়ে || ২, ৩. ৩৮ ||
লেলিহ্যমানে চান্যত্র তপ্তাশেষমহীতলে |
সারমেয়াশ্চ তে শীঘ্রং শাতয়ন্তি শরীরতঃ || ২, ৩. ৩৯ ||
তেষাং খণ্ডান্যনেকানি রুদতামতিভীষণে |
অসিপত্রবনং তাত ময়ৈতৎপরিকীর্তিতম্ || ২, ৩. ৪০ ||
অতঃ পরং ভীমতরং তপ্তকুম্ভং নিবোধ মে |
সমন্ততস্তপ্তকুম্ভা বহ্নিজ্বালাসমন্বিতাঃ || ২, ৩. ৪১ ||
জ্বলদগ্নিচয়াস্তপ্ততৈলায়শ্চূর্ণপূরিতাঃ |
এষু দুষ্কৃতকর্মাণো যাম্যৈঃ ক্ষিপ্তা হ্যধোমুখাঃ || ২, ৩. ৪২ ||
ক্বাথ্যন্তে বিস্ফুটদ্গাত্রা গলন্মজ্জাজলান্বিতাঃ |
স্ফুটৎকপালেনত্রাস্থিচ্ছিদ্যমানা বিভীষণৈঃ || ২, ৩. ৪৩ ||
গৃধ্রৈরুৎপাট্য মুচ্যন্তে পুনস্তেষ্বেব বেগিতৈঃ |
পুনশ্চিমচিমায়ন্তে তৈলনৈক্যং ব্রজন্তি চ || ২, ৩. ৪৪ ||
দ্রবীভূতৈঃ শিরোগাত্রৈঃ স্নায়ুমাংসৎবগাস্থিভিঃ |
ততো যাম্যৈর্নরৈরাশু দর্ব্যাঘট্টনঘট্টিতাঃ || ২, ৩. ৪৫ ||
কৃতাবর্তে মহাতৈলে ক্বাথ্যন্তে পাপকর্মিণঃ |
এষ তে বিস্তরেণোক্তস্তপ্তকুম্ভো ময়া খগ || ২, ৩. ৪৬ ||
আদিমো রৌরবঃ প্রোক্তো মহারৌরবকোঽপরঃ |
অতিশীতস্তৃতীয়স্তু চতুর্থো হি নিকৃন্তনঃ || ২, ৩. ৪৭ ||
অপ্রতিষ্ঠঃ পঞ্চমঃ স্যাদসিপত্রবনোঽপরঃ |
সপ্তমস্তপ্তকুম্ভস্তু সপ্তৈতে নরকা মতাঃ || ২, ৩. ৪৮ ||
শ্রূয়ন্তেন্যান্যপি তথা নরকাণি নরাধমাঃ |
কর্মণাং তারতম্যেন তেষুতেষু পতন্তি হি || ২, ৩. ৪৯ ||
তথা হি নরকো রোধঃ শূকরস্তাল এব চ |
তপ্তকুম্ভো মহাজ্বালঃ শবলোঽথ বিমোহনঃ || ২, ৩. ৫০ ||
ক্রিমিশ্চ ক্রিমভক্ষশ্চ লালাভক্ষো বিষঞ্জনঃ |
অধঃ শিরাঃ পূয়বহো রুধিরান্ধশ্চ বিড্রভুজঃ || ২, ৩. ৫১ ||
তথা বৈতরণী সূ (মূ) মসিপত্রবনং তথা |
অগ্নিজ্বালো মহাঘোরঃ সন্দংশো বাপ্যভোজনঃ || ২, ৩. ৫২ ||
তমশ্চ কালসূত্রং চ লোহশ্চাপ্যভিদস্তথা |
অপ্রতিষ্ঠোঽপ্যবীচিশ্চ নরকা এবমাদয়ঃ || ২, ৩. ৫৩ ||
তামসা নরকাঃ সর্বে যমস্য বিষয়ে স্থিতাঃ |
যেষু দুষ্কৃতকর্মাণঃ পতন্তি হি পৃথক্পৃথক্ || ২, ৩. ৫৪ ||
ভূমেরধস্তাত্তে সর্বে রৌরবাদ্যাঃ প্রকীর্তিতাঃ |
রোঘো গোঘ্নো ভ্রূণহা চ অগ্নিদাতা নরঃ পতেৎ || ২, ৩. ৫৫ ||
সূকরে ব্রহ্মহা মজ্জেৎসুরাপঃ স্বর্ণতস্করঃ |
তালে পতেৎক্ষত্ত্রহন্তা হৎবা বৈশ্যং চ দুর্গতিঃ || ২, ৩. ৫৬ ||
ব্রহ্মহত্যাং চ যঃ কুর্যাদ্যশ্চ স্যাদ্গুরুতল্পগঃ |
স্বসৃগামী তপ্তকুম্ভী তথা রাজভটোঽনৃতী || ২, ৩. ৫৭ ||
তপ্তলোহৈশ্চ বিক্রেতা তথা বন্ধনরক্ষিতা |
মাধ্বী বিক্রয়কর্তাং চ যস্তু ভক্তং পরিত্যজেৎ || ২, ৩. ৫৮ ||
মহাজ্বালী দুহিতরং স্নুষাং গচ্ছতি যস্তু বৈ |
বেদো বিক্রীয়তে যৈশ্চ বেদং দূষয়তে তু যঃ || ২, ৩. ৫৯ ||
গুরুং চৈবাবমন্যন্তে বাক্ষরৈস্তাডয়ন্তি চ |
অগম্যাগামী চ নরো নরকং শবলং ব্রজেৎ || ২, ৩. ৬০ ||
বিমোহে পততে শূরে মর্যাদাং যো ভিনত্তি বৈ |
দুরিষ্টং কুরুতে যস্তু কৃমিভক্ষং প্রপদ্যতে || ২, ৩. ৬১ ||
দেবব্রাহ্মণবিদ্বেষ্টা লালাভক্ষে পতত্যপি |
কুণ্ডকর্তা কুলালশ্চ ন্যাসহর্তা চিকিৎসকঃ || ২, ৩. ৬২ ||
আরামেষ্বগ্নিদাতা চ এতে যান্তি বিষঞ্জনে |
অসৎপ্রতিগ্রহী যস্তু তথৈবায়াজ্যয়াজকঃ || ২, ৩. ৬৩ ||
ন ক্ষত্ত্রৈর্জোবতে যস্তু নরো গচ্ছেদধোমুখম্ |
ক্ষীরং সুরাং চ মাসং লাক্ষাং গন্ধং রসং তিলান্ || ২, ৩. ৬৪ ||
এবমাদীনি বিক্রীণন্ঘোরে পূয়বহে পতেৎ |
যঃ কুক্কুটান্নিবধ্নাতি মার্জারান্সূকরাংশ্চ তান্ |
পক্ষিণশ্চ মৃগাংশ্ছা গান্সোঽপ্যেবং নরকং ব্রজেৎ || ২, ৩. ৬৫ ||
আজাবিকো মাহিষিকস্তথা চক্রী ধ্বজী চ যঃ |
রঙ্গোপজীবিকো বিপ্রঃ শাকুনির্গ্রাময়াজকঃ || ২, ৩. ৬৬ ||
অগারদাহী গরদঃ কুণ্ডাশী সোমবিক্রয়ী |
সুরাপো মাংসভক্ষী চ তথা চ পশুঘাতকঃ || ২, ৩. ৬৭ ||
রুধিরান্ধে পতন্ত্যেতে পতন্ত্যেতে এবমাহুর্মনীষিণঃ |
উপবিষ্টন্ত্বেকপঙ্ক্ত্যাং বিষং সম্ভোজয়ন্তি যে || ২, ৩. ৬৮ ||
পতন্তি নিরয়ে ঘোরে বিড্ভুজে নাত্র সংশয়ঃ |
মধুগ্রাহো বৈতরণীমাক্রোশী মূত্রসঞ্জ্ঞকে || ২, ৩. ৬৯ ||
অসিপত্রবনেঽসৌচী ক্রোধনশ্চ এতেদপি |
অগ্নিজ্বালাং মৃগব্যাধো ভোজ্যতে যত্র বায়সৈঃ || ২, ৩. ৭০ ||
ইজ্যায়াং ব্রতলোপাচ্চ সন্দংশে নরকে পতেৎ |
স্কন্দন্তে যদি বা স্বপ্নে যতিনো ব্রহ্মচারিণঃ || ২, ৩. ৭১ ||
পুত্রৈরধ্যাপিতা যে চ পুত্রৈরাজ্ঞাপিতাশ্চ যে |
তে সর্বে নরকং যান্তি নিরয়ং চাপ্যভোজনম্ || ২, ৩. ৭২ ||
বর্ণাশ্রমবিরুদ্ধানি ক্রোধহর্ষসমন্বিতাঃ |
কর্মাণি যে তু কুর্বন্তি সর্বে নিরয়বাসিনঃ || ২, ৩. ৭৩ ||
উপরিষ্টাৎস্থিতো ঘোর উষ্ণাত্মা রৌরবো মহান্ |
সুদারুণঃ সুশীতাত্মা তস্যা ধস্তামসঃ স্মৃতঃ || ২, ৩. ৭৪ ||
এবমাদিক্রমেণৈব সর্বেঽধোঽধঃ পরিস্থিতাঃ |
দুঃখোৎকর্ষশ্চ সর্বেষু কর্মস্বপি নিমিত্ততঃ || ২, ৩. ৭৫ ||
সুখোৎকর্ষশ্চ সর্বত্র ধর্মস্যেহনিমিততঃ |
পশ্যন্তিনরকান্দেবা হ্যধোবক্ত্রান্সুদারুণান্ || ২, ৩. ৭৬ ||
নারকাশ্চাপি তে দেবান্সর্বান্পশ্যন্তি ঊর্ধ্বগান্ |
এতান্যান্যানি শতশো নরকাণি বিয়দ্গতে || ২, ৩. ৭৭ ||
দিনেদিনে তু নরকে পচ্যতে দহ্যতেন্যতঃ |
শীর্যতে ভিদ্যতেঽন্যত্র চূর্যতে ক্লিদ্যতেন্যতঃ || ২, ৩. ৭৮ ||
ক্বথ্যতে দীপ্যতেঽন্যত্র তথা বাতহতোঽন্যতঃ |
একং দিনং বর্ষশতপ্রমাণং নরকে ভবেৎ || ২, ৩. ৭৯ ||
ততঃ সর্বেষু নিস্তীর্ণঃ পাপী তির্যক্ত্বমশ্নতে |
কৃমিকীটপতঙ্গেষু স্থাবরৈকশফেষু চ || ২, ৩. ৮০ ||
গৎবা বনগজাঢ্যেষু গোষ্বষু তথৈব চ |
খরোঽশ্বোঽশ্বতরো গৌরঃ শরভশ্চমরী তথা || ২, ৩. ৮১ ||
এতে চৈকশফাঃ ষট্চ শৃণু পঞ্চনখানতঃ |
অন্যাসু বহুপাপাসু দুঃখদাসু চ যো নিষু || ২, ৩. ৮২ ||
মানুষ্যং প্রাপ্যতে কুব্জো কুৎসিতো বামনোঽপি বা |
চণ্ডালপুক্কসাদ্যাসু নরয়োনিষু জায়তে || ২, ৩. ৮৩ ||
মুহুর্গর্ভে বসন্ত্যেব ম্রিয়ন্তে চ মুহুর্মুহুঃ |
অবশিষ্টেন পাপেন পুণ্যেন চ সমন্বিতঃ || ২, ৩. ৮৪ ||
ততশ্চারোহিণীং যোনিং শূদ্রবৈশ্যনৃপাদিকম্ |
বিপ্রদেবেন্দ্রতাং চাপি কদাচিদধিরোহতি || ২, ৩. ৮৫ ||
এবং তু পাপকর্মাণো নিরয়েষু পতন্ত্যধঃ |
যথা পুণ্যকৃতো যান্তি তন্মে নিগদতঃ শৃণু || ২, ৩. ৮৬ ||
তে যমেন বিনির্দিষ্টাং যোনিং পুণ্যগতিং নরাঃ |
প্রগীতগন্ধর্বগণা নৃত্যোৎসবসমাকুলাঃ || ২, ৩. ৮৭ ||
হারনূপুরমাধুর্যৈঃ শোভিতান্যমলানি তু |
প্রয়ান্ত্যাশু বিমানানি দিব্যগন্ধস্রগুজ্জ্বলাঃ || ২, ৩. ৮৮ ||
তস্মাচ্চ প্রচ্যুতা রাজ্ঞামন্যেষাং চ মহাত্মনাম্ |
জায়ন্তে নীরুজাং গেহে স দ্বৃত্তিপীরপালকাঃ || ২, ৩. ৮৯ ||
ভোগান্সম্প্রাপ্নুবন্ত্যুগ্রাংস্ততো যান্ত্যূর্ধ্বমন্যথা |
অবরোহিণীং সম্প্রাপ্য পূর্ববদ্যন্তি মানবাঃ || ২, ৩. ৯০ ||
জাতস্য মৃত্যুলোকে বৈ প্রাণিনো মরণং ধ্রুবম্ |
পাপিষ্ঠানামদোমার্গাজ্জীবো নিষ্ক্রমতে ধ্রুবম্ || ২, ৩. ৯১ ||
পৃথিব্যাং লীয়তে পৃথ্বী আপশ্চৈব তথাপ্সু চ |
তেজস্তেজসি লীয়তে সমীরে চ সমীরণঃ || ২, ৩. ৯২ ||
আকাশে চ তথাকাশং সর্বব্যাপি নিশাকরে |
তত্র কামস্তথা ক্রোধঃ কায়ে পঞ্চেন্দ্রিয়াণি চ || ২, ৩. ৯৩ ||
এতে তার্ক্ষ্য সমাখ্যাতা দেহে তিষ্ঠন্তি তস্করাঃ |
কামঃ ক্রোধো হ্যহঙ্কারো মনস্তত্রৈব নায়কঃ || ২, ৩. ৯৪ ||
সংহারশ্চৈব কালোঽসৌ পুণ্যপাপেন সংযুতঃ |
পঞ্চেন্দ্রিয়সমায়ুক্তঃ সকলৈর্বিবুধৈঃ সহ || ২, ৩. ৯৫ ||
প্রবিশেৎস নবে দেহে পৃহে দরধে গুহী যথা |
শরীরে যে সমাসীনাঃ সর্বে বৈ সপ্ত ধাতবঃ || ২, ৩. ৯৬ ||
ষাট্কৌশিকো হ্যয়ং কায়ঃ সর্বে বাতাশ্চ দেহিনাম্ |
মূত্রং পুরীষং তদ্যোগাদ্যে চান্যে ব্যাধয়স্তথা || ২, ৩. ৯৭ ||
পিত্তং শ্লেষ্মা তথা মজ্জা মাংসং বৈ মেদ এব চ |
অস্থি শুক্রং তথা স্নায়ুর্দেহেন সহ দহ্যতি || ২, ৩. ৯৮ ||
এষ তে কথিতস্তার্ক্ষ্য বিনাসঃ সর্বদেহিনম্ |
কথয়ামি পুনস্তেষাং শরীরং চ যথা ভবেৎ || ২, ৩. ৯৯ ||
একস্তম্বংস্নায়ুবদ্ধং স্থূণাত্রয়বিভূষণম্ |
ইন্দ্রিয়ৈশ্চ সমায়ুক্তং নবদ্বারং শরীরকম্ || ২, ৩. ১০০ ||
বিষয়ৈশ্চ সমাক্রান্তং কামক্রোধসমাকুলম্ |
রাগদ্বেষসমাকীর্ণং তৃষ্ণাদুর্গমতস্করম্ || ২, ৩. ১০১ ||
লোভজালপরিচ্ছিন্নং মোহবস্ত্রেণ বেষ্টিতম্ |
সুবদ্ধং মায়য়া চৈতল্লোভেনাধিষ্ঠিতং পুরম্ || ২, ৩. ১০২ ||
এতদ্গুণসমাকীর্ণং শরীরং সর্বদেহিনাম্ |
আত্মানং যে ন জানন্তি তে নরাঃ পশবঃ স্মৃতাঃ || ২, ৩. ১০৩ ||
এবমেব সমাখ্যাতং শরীরং তে চতুর্বিধম্ |
চতুরশীতিলক্ষাণি নির্মিতা যোনয়ঃ পুরা || ২, ৩. ১০৪ ||
উদ্ভিজ্জাঃ স্বেদজাশ্চৈব অণ্ডজাশ্চ জরায়ুজাঃ |
এতত্তে সর্বমাখ্যাতং নিরয়স্য প্রপঞ্চতঃ || ২, ৩. ১০৫ ||
অথয়ামি ক্রমপ্রাপ্তং প্রষ্টু বা বর্ততে স্পৃহা || ২, ৩. ১০৬ ||

ইতি শ্রীগারুডে মহাপুরাণে ধর্মকাণ্ডে দ্বিতীয়াংশে প্রেতকল্পে
শ্রীকৃষ্ণগরুডসংবাদে নরকতৎপ্রবেশনির্গমনাদিবর্ণনং নাম তৃতীয়োঽধ্যায়ঃ

শ্রীগরুডমহাপুরাণম্-৪
শ্রীকৃষ্ণ উবাচ |
জ্ঞানতোঽজ্ঞানতো বাপিয়ন্নরৈঃ কলুষং কৃতম্ |
তস্য পাপস্য শুদ্ধ্যর্থং বিধেয়া নিষ্কৃতির্নরৈঃ || ২, ৪. ১ ||
ভস্মাদিস্নানদশকমাদৌ কুর্যাদ্বিচক্ষণঃ |
যথাশক্তি ষডব্দাদিপ্রত্যাম্নায়াচ্চরেদপি || ২, ৪. ২ ||
তদর্ধং বা তদর্ধং বা তদর্ধার্ধমথাপি বা |
যথাশক্ত্যা ততঃ কুর্যাদ্দশ দানানি বৈ শৃণু || ২, ৪. ৩ ||
গোভূতিলহিরণ্যাজ্যবাসোধন্যগুডাস্তথা |
রজতং লবণং চৈব দানানি দশ বৈ বিদুঃ || ২, ৪. ৪ ||
প্রায়শ্চিত্তে ৎবাগতা যে তেভ্যো দদ্যান্নরো দশ |
ততো যমদ্বারপথে পূয়শোণিতসঙ্কুলে || ২, ৪. ৫ ||
নদীং বৈতরণীং তর্তুং দদ্যাদ্বৈতরণীং চ গাম্ |
কৃষ্ণস্তনী সকৃষ্ণাঙ্গী সা বৈ বৈতরণী স্মৃতা || ২, ৪. ৬ ||
তিলা লোহং হিরণ্যং চ কর্পাসং লবণং তথা |
সপ্তধান্যং ক্ষিতির্গাব একৈকং পাবনং স্মৃতম্ || ২, ৪. ৭ ||
এতান্যষ্টৌ মহাদানান্যুত্তমায় দ্বিজাতয়ে |
আতুরেণ তু দেয়ানি পদরূপাণি মে শৃণু || ২, ৪. ৮ ||
ছত্রো পানহবস্ত্রাণি মুদ্রিকা চ কমণ্ডলুঃ |
আসনং ভাজনং পদং চাষ্টবিধং স্মৃতম্ || ২, ৪. ৯ ||
তিলাপাত্রং সর্পিঃ পাত্রং শয়্যা সোপস্করা তথা |
এতৎসর্বং প্রদাতব্যং যদিষ্টং চাত্মনোঽপি তৎ || ২, ৪. ১০ ||
অশ্বো রথশ্চ মহীষী ব্যঞ্জনং বস্ত্রমেব চ |
ব্রাহ্মণেভ্যঃ প্রদাতব্যং ব্রহ্মপূর্বমপি স্বয়ম্ || ২, ৪. ১১ ||
দানা ন্যন্যান্যপি খগ তর্পয়েৎস্বীয়শক্তিতঃ |
প্রায়াশ্চিত্তং কৃতং যেন দশ দানান্যপি ক্ষিতৌ || ২, ৪. ১২ ||
দানং গোর্বৈতরণ্যাশ্চ দানান্যষ্টৌ তথাপি বা |
তিলপাত্রং সর্পিঃ পাত্রং শয়্যাদানং তথৈব চ || ২, ৪. ১৩ ||
পদদানং চ বিধিবন্নাসৌ নিরয়গর্ভগঃ |
স্বাতন্ত্র্যেণাপি লবণদানমিচ্ছন্তি সূরয়ঃ || ২, ৪. ১৪ ||
বিষ্ণুদেহসমুৎপন্নো যতোঽযং লবণো রসঃ |
আতুরস্য যদা প্রাণা ন যান্তি বসুধাতলে || ২, ৪. ১৫ ||
লবণং চ তদা দেয়ং দ্বারস্যোদ্বাটনং দিবঃ |
যানিকানি চ দানানি স্বয়ং দত্তানি মানবৈঃ || ২, ৪. ১৬ ||
তানিতানি চ সর্বাণি উপতিষ্ঠন্তি চাগ্রতঃ |
প্রায়শ্চিত্তং কৃতং যেন সাঙ্গং খগ স বৈ পুমান্ || ২, ৪. ১৭ ||
পাপানি ভস্মসাৎকৃৎবা স্বর্গলোকে মহীয়তে |
অমৃতং তু গবাং ক্ষীরং যতঃ পতগসত্তম্ || ২, ৪. ১৮ ||
তস্মাদ্দদাতি যো ধেনুমমৃতৎবং স গচ্ছতি |
দানান্যষ্টৌ তু দত্ত্বা বৈ গন্ধর্বনিলয়ে বসেৎ || ২, ৪. ১৯ ||
আলয়স্তত্র রৌদ্রে হি দহ্যতে যেন মানবঃ |
ছত্রদানেন সুচ্ছায়া জায়তে পথি তুষ্টিদা || ২, ৪. ২০ ||
অসিপত্রবনং ধারমতিক্রামতি বৈ সুখম্ |
অশ্বারূঢশ্চ ব্রজতি দদতে যদ্যুপানহৌ || ২, ৪. ২১ ||
ভোজনাসনদানেন সুখং মার্গে ভুনক্তি বৈ |
প্রদেশে নির্জলে দাতা সুখী স্যাদ্বৈ কমণ্ডলোঃ || ২, ৪. ২২ ||
যমদূতা মহারৌদ্রাঃ করালাঃ কৃষ্ণপিঙ্গলাঃ |
ন পীডয়ন্তি দাক্ষিণ্যাদ্বস্ত্রাভরণদানতঃ || ২, ৪. ২৩ ||
তিলপাত্রং তু বিপ্রায় দত্তং পত্ররথ ধ্রুবম্ |
নাশয়েত্ত্রিবিধং ষাপং বাঙ্মনঃ কায়সম্ভবম্ || ২, ৪. ২৪ ||
ঘৃতপাত্রপ্রদানে রুদ্রলোকে বসেন্নরঃ |
সর্বোপস্করসংযুক্তাং শয়্যাং দত্ত্বা দ্বিজাতয়ে || ২, ৪. ২৫ ||
নানাপ্সরোভিরাকীর্ণং বিমানমধিরোহতি |
ষষ্টিবর্ষসহস্রাণি ক্রীডিৎবা শক্রমন্দিরে || ২, ৪. ২৬ ||
ইন্দ্রলোকাৎপরিভ্রষ্ট ইহ লোকে নৃপো ভবেৎ |
সর্বোপস্করণোপেতং যুবানং দোষবর্জিতম্ || ২, ৪. ২৭ ||
যোঽশ্বং দদাতি বিপ্রায় স্বর্গলোকে চ তিষ্ঠতি |
যাবন্তি রোমাণি হয়ে ভবন্তি হি খগেশ্বর || ২, ৪. ২৮ ||
তাবতো রাজিতাংল্লোকানাপ্নুবন্তি হি পুষ্কলান্ |
চতুর্ভিস্তুরগৈর্যুক্তং সর্বোপকরণৈর্যুতম্ || ২, ৪. ২৯ ||
রথং দ্বিজাতয়ে দত্ত্বা রাজসূয়ফলং লভ্ত্ || ২, ৪. ৩০ ||
দুগ্ধাধিকাং চ মহিষীং নবমেঘবর্ণাং সন্তুষ্টতর্ণকবলীং জঘনাভিরামাম্ |
দত্ত্বা সুবর্ণতিলকাং দ্বিজপুঙ্গবায় লোকোদয়ং স জয়তীতি কিমত্র চিত্রম্ || ২, ৪. ৩১ ||
তালবৃন্তস্য দানেন বায়ুনা বীজ্যতে পথি |
কান্তিয়ুক্সুভগঃ শ্রীমান্ভবত্যম্বরদানতঃ || ২, ৪. ৩২ ||
রসান্নোপস্করয়ুতং গৃহং বিপ্রায় যোর্ঽপয়েৎ |
ন হীয়তে তস্য বংশঃ স্বর্গং প্রাপ্নোত্যনুত্তমম্ || ২, ৪. ৩৩ ||
ভবত্যত্র খগশ্রেষ্ঠ ফলগৌখলাঘবম্ |
শ্রদ্ধাশ্রদ্ধাবিভেদেন দানগৌরবলাঘবাৎ || ২, ৪. ৩৪ ||
ততো যেনাম্বুদানানি কৃতান্যত্র রসাস্তথা |
তদা খগ তথাহ্লাদমাপদি প্রতিপদ্যতে || ২, ৪. ৩৫ ||
অন্নানি যেন দত্তানি শ্রদ্ধাপূতেন চেতসা |
সোঽপি তৃপ্তিমবাপ্নোতি বিনাপ্যন্নেন বৈ তদা || ২, ৪. ৩৬ ||
আসন্নে মরণে কুর্যাৎসংন্যাসং চেদ্বিধানতঃ |
আবর্তেত পুনর্নাসৌ ব্রহ্মভূয়ায় কল্পতে || ২, ৪. ৩৭ ||
আসন্নমরণো মত্যশ্চেত্তীর্থং প্রতিনয়িতে |
তীর্থপ্রাপ্তৌ ভবেন্মুক্তির্ম্রিয়তে যদি মার্গগঃ |
পদেপদে ক্রতুসমং ভবেত্তস্য ন সংশয়ঃ || ২, ৪. ৩৮ ||
গৃহ্ণীয়াচ্চেদনশনং ব্রতং বিধিবদাগতে |
মৃত্যৌ ন সোঽপি সংসারে ভূয়ঃ পর্যটতি দ্বিজ || ২, ৪. ৩৯ ||
কিং দানমিতি তুর্যস্য প্রশ্নস্যোত্তরমীরিতম্ |
দাহমৃত্যোরন্তরে কিমিতিপ্রশ্নোত্তরং শৃণু || ২, ৪. ৪০ ||
গতপ্রাণং ততো জ্ঞাৎবা স্নাৎবা পুত্রাদিরাশু তম্ |
শবং জলেন শুদ্ধেন ক্ষালয়েদবিচারয়ন্ || ২, ৪. ৪১ ||
পরিধাপ্যাহতে বস্ত্রে চন্দনৈঃ প্রোক্ষয়েত্তনুম্ |
ততো মৃতস্য স্থানে বৈ একোদ্দিষ্টং সমাচরেৎ || ২, ৪. ৪২ ||
প্রয়োগপূর্বং দাহস্য যোগ্যতাদির্যথা ভবেৎ |
আংসনং প্রাক্ষণ চ স্যান্ন স্যাদেতচ্চতুষ্টয়ম্ || ২, ৪. ৪৩ ||
আবাহনার্চন চৈব পান্ত্রালম্ভাবগাহনে |
ভবেদ্দানান্নসঙ্কল্পঃ পিণ্ডদানং সদা ভবেৎ || ২, ৪. ৪৪ ||
পদার্থপঞ্চকং ন স্যাদ্রেখা প্রত্যবনেজনম্ |
দদ্যাদক্ষয়্যমুদকং ন স্যাদেতত্ত্রয়ং পুনঃ || ২, ৪. ৪৫ ||
স্বধাবাচনমাশীশ্চ তিলকং চ খগোত্তম |
ঘটং দদ্যাৎসমাষান্নং দদ্যাল্লোহস্য দক্ষিণাম্ || ২, ৪. ৪৬ ||
পিণ্ডস্য চালনং প্রোক্তং নৈব প্রোক্তমিদং ত্রিকম্ |
প্রচ্ছাদনবিসর্গৌ চ স্বস্তিবাচনকং তথা || ২, ৪. ৪৭ ||
এষু ষট্সু বিধিঃ প্রোক্তঃ শ্রাদ্ধেষু মলিনেষু তে |
ষডেব মরণস্থানে দ্বারি চাৎবরিকে তথা || ২, ৪. ৪৮ ||
বিশ্রামে কাষ্ঠচয়নে তথা সঞ্চয়নে খগ |
মৃতিস্থানে শবো নাম ভূমিস্তুষ্যতি দেবতা || ২, ৪. ৪৯ ||
পান্থো দ্বারি ভবেত্তেন প্রীতা স্যাদ্বাস্তুদেবতা |
চৎবরে খেচরস্তেন তুষ্যেদ্ভৃতাদিদেবতা || ২, ৪. ৫০ ||
বিশ্রামে ভূতসঞ্জ্ঞোঽযং তুষ্টস্তেন দিশো দশ |
চিতায়াং সাধক ইতি সঞ্চিতৌ প্রেত উচ্যতে || ২, ৪. ৫১ ||
তিলদর্ভঘৃতেধাংসি গৃহীৎবা তু সুতাদয়ঃ |
গাথাং যমস্য সূক্তং বাপ্যধীয়ানা ব্রজন্তি হি || ২, ৪. ৫২ ||
অহরহর্নীয়মানো গামশ্বং পুরুষং বৃষম্ |
বৈবস্বতো ন তৃপ্যেত সুরয়া ৎবিব দুর্মতিঃ || ২, ৪. ৫৩ ||
ইমাং গাথমপেতেতি সূক্তং বা পথি সম্পঠেৎ |
দক্ষিণস্যাং দিশ্যরণ্যং ব্রজেয়ুঃ সর্ববান্ধবাঃ || ২, ৪. ৫৪ ||
পথি শ্রাদ্ধদ্বয়ং কুর্যাৎপূর্বোক্তবিধিনা খগ |
ততঃ শনৈর্ভূতলে বৈ দক্ষিণাশিরসং শবম্ || ২, ৪. ৫৫ ||
স্থাপয়িৎবা চিতাভূমৌ পূর্বোক্তং শ্রাদ্ধমাচরেৎ |
তৃণকাষ্ঠতিলাজ্যাদি স্বয়ং নিন্যুঃ সুতাদয়ঃ || ২, ৪. ৫৬ ||
শূদ্রানীতৈঃ কৃতং কর্ম সর্বং ভবতি নিষ্ফলম্ |
প্রাচীনাবীতিনা ভাব্যং দক্ষিণাভিমুকেন চ || ২, ৪. ৫৭ ||
বেদী তত্র প্রকর্তব্যা যথাশাস্ত্রমথাণ্ডজ |
প্রতেবস্ত্রং দ্বিধা কৃৎবার্ধেন তং ছাদয়েত্ততঃ || ২, ৪. ৫৮ ||
অর্ধং শ্মশানবাসার্থং ভূমাবেব বিনিঃ ক্ষিপেৎ |
ততঃ পূর্বোক্তবিধিনা পিণ্ডং প্রেতকরে ন্যসেৎ || ২, ৪. ৫৯ ||
আজ্যেনাভ্যঞ্জনং কার্যং সর্বাঙ্গেষু শবস্য চ |
দাহমৃত্যোরন্তরালে বিধিঃ পিণ্ডস্য তং শৃণু || ২, ৪. ৬০ ||
পূর্বোক্তৈঃ পঞ্চভিঃ পিণ্ডৈঃ শবস্যাহুতিয়োগ্যতা |
অন্যথা চোপঘাতাচ্চ রাক্ষসাদ্যা ভবন্তি হি || ২, ৪. ৬১ ||
সমৃজ্য চোপলিপ্যাথ উল্লিখ্যোদ্ধৃত্য বেদিকাম্ |
অভ্যুক্ষ্যোপসমাধায় বহ্নিং তত্র বিধানতঃ || ২, ৪. ৬২ ||
পুষ্পাক্ষতৈশ্চ সম্পূজ্য দেবং ক্রব্যাদসঞ্জ্ঞকম্ |
শ্রৌতেন তু বিধানেন হ্যাহিতাগ্নিং দহেদ্বুধঃ || ২, ৪. ৬৩ ||
চণ্ডালাগ্নিং চিতাগ্নিং চ পতিতাগ্নিং পরিত্যজেৎ |
ৎবং ভূতকৃজ্জগদ্যোনিস্ত্বং লোকপরিপালকঃ || ২, ৪. ৬৪ ||
উপসংহর তস্মাত্ত্বমেনং স্বর্গং নয়ামৃতম্ |
ইতি ক্রব্যাদমভ্যর্চ্য শরীরাহুতিমাচরেৎ || ২, ৪. ৬৫ ||
অর্ধদগ্ধে তথা দেহে দদ্যাদাজ্যাহুতিং ততঃ |
অস্মাত্ত্বমধিজাতোঽসি ৎবদয়ং জায়তাং পুনঃ || ২, ৪. ৬৬ ||
অসৌ স্বর্গায় লোকায় স্বাহেত্যুক্ত্বা তু নামতঃ |
এবমাজ্যাহুতিং দত্ত্বা তিলমিশ্রাং সমন্ত্রকম্ || ২, ৪. ৬৭ ||
রোদিতব্যং ততো গাঢমেবং তস্য সুখং ভবেৎ |
দাহস্যানন্তরং তত্র কৃৎবা সঞ্চয়নিক্রিয়াম্ || ২, ৪. ৬৮ ||
প্রেতপিণ্ডং প্রদদ্যাচ্চ দাহার্তিশমনং খগ |
ততঃ প্রদক্ষিণং কৃক্ত্বা চিতাপ্রস্থানবীক্ষকাঃ || ২, ৪. ৬৯ ||
কনিষ্ঠপূর্বাঃ স্নানার্থং গচ্ছেয়ুঃ সূক্তজাপকাঃ |
ততো জালসমীপে তু গৎবা প্রক্ষাল্য চাংশুকম্ || ২, ৪. ৭০ ||
পরিধায় পুনস্তচ্চ ব্রৃয়ুস্তং পুরুষং প্রতি |
উদকং তু করিষ্যামঃ সচৈলং পুরুষাস্ততঃ || ২, ৪. ৭১ ||
কুরুধ্বমিত্যেব বদেচ্ছতবর্ষাবরে মৃতে |
পুত্রাদ্যা বৃদ্ধপূর্বাস্তে একবস্ত্রাঃ শিখাং বিনা || ২, ৪. ৭২ ||
প্রাচীনাবীতিনঃ সর্বে বিশেয়ুর্মৌনিনো জলম্ |
অপনঃ শোশুচদঘমনেন পিতৃদিঙ্মুখাঃ || ২, ৪. ৭৩ ||
জলাবঘট্টনং চব ন কুর্যুঃ স্নানকারকাঃ |
ততস্তটে সমাগত্য শিখাং বদ্ধ্বা ঋজূন্কুশান্ || ২, ৪. ৭৪ ||
দক্ষিণাগ্রহস্তয়োস্তু কৃৎবাথ সতিলং জলম্ |
আদায়াঞ্জলিনা যাম্যাং দুঃখী পৈতৃকতীর্থতঃ || ২, ৪. ৭৫ ||
একবারং ত্রিবারং বা দশবারমথাপি বা |
ভূমাবশ্মনি বা সর্বে ক্ষিপেয়ুর্বাগ্যতাঃ খগ || ২, ৪. ৭৬ ||
তৃপ্যন্তু তৃপ্যতাং বাপি তর্পয়াম্যুপতিষ্ঠতাম্ |
প্রেতৈতদমুকগোত্রেত্যুক্তেষ্বেবং সমুচ্চরেৎ || ২, ৪. ৭৭ ||
জলাঞ্জলৌ কৃতে পশ্চাদ্বিধেয়ং দন্তধাবনম্ |
ত্যজন্তি গোত্রিণঃ সর্বে দিনানি নব কাশ্যপ || ২, ৪. ৭৮ ||
তত উত্তীর্যোদকাদ্বৈ বস্ত্রাণি পরিধায় চ |
স্নানবস্ত্রং সকৃৎপীড্য বিশেয়ুঃ শুচিভূতলে || ২, ৪. ৭৯ ||
অশ্রুপাতং ন কুর্বীত দত্ত্বা দাহজলাঞ্জলিম্ |
শ্লেষ্মাশ্রু বান্ধবৈর্মুক্তং প্রেতো ভুঙ্ক্তে যতোঽবশঃ || ২, ৪. ৮০ ||
অতো ন রোদিতব্যং হি ক্রিয়াঃ কার্যাঃ স্বশক্তিতঃ |
ততস্তেষূপবিষ্টেষু পুরাণজ্ঞঃ সুকৃৎস্বকঃ || ২, ৪. ৮১ ||
শোকাপনোদং কুর্বীত সংসারানিত্যতাং ব্রুবন্ |
মানুষ্যে কদলীস্তন্ভে অসারে সারমার্গণম্ || ২, ৪. ৮২ ||
করোতি যঃ স সমূঢো জলবুদ্বদ্রসন্নিভে |
পঞ্চধা সম্ভৃতঃ কায়ো যদি পঞ্চৎবমাগতঃ || ২, ৪. ৮৩ ||
কর্মভিঃ স্বশরীরোত্থৈস্তত্র কা পরিদেবনা |
গন্ত্রী বসুমতী নাশমুদধির্দৈবতানি চ || ২, ৪. ৮৪ ||
ফেনপ্রখ্যঃ কথং নাশং মর্ত্যলোকো ন যাস্যতি |
এবং সংশ্রাবয়েত্তত্র মৃদুশাদ্বলসংস্থিতান্ || ২, ৪. ৮৫ ||
তেঽযি সংশ্রুত্য গচ্ছেয়ুর্গৃহং বালপুরঃ সরাঃ |
বিদশ্য র্নিবপত্রাণি নিয়তা দ্বারি বেশ্মনঃ || ২, ৪. ৮৬ ||
আচম্য বহ্নিসলিলং গোময়ং গৌরসর্ষপান্ |
দূর্বাপ্রবালং বৃষভমন্যদপ্যথ মঙ্গলম্ || ২, ৪. ৮৭ ||
প্রবিশেয়ুঃ সমালভ্য কৃৎবাশ্মনি পদং শনৈঃ |
শ্রৌতেন তু বিধানেন আহিতাগ্নিং দেহদ্বধঃ || ২, ৪. ৮৮ ||
ঊনদ্বিবর্ষং নিখনেন্ন কুর্যাদুদকং ততঃ |
যোষিৎপতিব্রতা যা স্যাদ্ভর্তারং যানুগচ্ছতি || ২, ৪. ৮৯ ||
প্রয়োগ পূর্বং ভর্তারং নমস্কৃত্যারুহেচ্চিতিম্ |
চিতিভ্রষ্টা তু যা মোহাৎসা প্রাজাপত্যমাচরেৎ || ২, ৪. ৯০ ||
তিস্রঃ কোট্যোর্ধকোটী য যানি লোমানি মানুষে |
তাবৎকালং বসেৎস্বর্গে ভর্তারং যানুগচ্ছতি || ২, ৪. ৯১ ||
ব্যালগ্রাহী যথা ব্যালং বিলাদুদ্ধরতে বলাৎ |
তদ্বদুদ্ধৃত্য সা নারী তেনৈব সহ মোদতে || ২, ৪. ৯২ ||
তত্র সা ভর্তৃপরমা স্তূয়মানাপ্সরোগণৈঃ |
ক্রীডতে পতিনা সার্ধং যাবদিন্দ্রাশ্চতুর্দশ || ২, ৪. ৯৩ ||
ব্রহ্মঘ্নো বা কৃঘ্নো বা মিত্ত্রিঘ্নো বা ভবেৎপতিঃ |
পুনাত্যবিধবা নারী তমাদায় মৃতা তু যা || ২, ৪. ৯৪ ||
মৃতে ভর্তরি যা নারী সমারোহেদ্ধুতাশনম্ |
সারন্ধতীসমাচারা স্বর্গলোকে মহীয়তে || ২, ৪. ৯৫ ||
যাবচ্চাগ্নৌ মৃতে পত্যৌ স্ত্রী নাত্মানং প্রদাহয়েৎ |
তাবন্ন মুচ্যতে সা হি স্ত্রীশরীরাৎকথঞ্চন || ২, ৪. ৯৬ ||
মাতৃকং পৈতৃকং চৈব যত্র চৈব প্রদীয়তে |
কুলত্রয়ং পুনাত্যেষা ভর্তারং যানুগচ্ছতি || ২, ৪. ৯৭ ||
আর্তার্তে মুদিতে হৃষ্টা প্রোষিতে মলিনা কৃশা |
মৃতে ম্রিয়েত যা পত্যৌ সা স্ত্রী জ্ঞেয়া পতিব্রতা || ২, ৪. ৯৮ ||
পৃথক্চিতাং সমারুহ্য ন প্রিয়া গন্তুমর্হতি |
ক্ষত্ত্রিয়াদ্যাঃ সবর্ণাশ্চ আরোহেয়ুরপীহ তাঃ || ২, ৪. ৯৯ ||
চাণ্ডালীমবধিং কৃৎবা ব্রাহ্মণীতঃ সমো বিধিঃ |
অগর্ভিণীনাং সর্বাসামবালতাক্মে(কা) নামপি || ২, ৪. ১০০ ||
দহনস্য বিধিঃ প্রোক্তঃ সামান্যেন ময়া খগ |
বিশেষমপি তস্যাস্য কঞ্চিৎকিং শ্রোতুমিচ্ছতি || ২, ৪. ১০১ ||
গরুড উবাচ |
প্রোষিতে তু মৃতে স্বামিন্যস্থ্নিনাশমুপেয়ুষি |
কথং দাহঃ প্রকর্তব্যস্তন্মে বদ জগৎপতে || ২, ৪. ১০২ ||
শ্রীকৃষ্ণ উবাচ |
অস্থীনি চেন্ন লভ্যন্তে প্রোষিতস্য নরস্য চ |
তেষাঞ্চ হি গতিস্থানং বিধানং কথয়াম্যহম্ || ২, ৪. ১০৩ ||
শৃণু তার্ক্ষ্য পরং গোপ্যং পত্যুর্দুর্মরণেষু যৎ |
লঙ্ঘনৈর্যে মৃতা জীবাং দংষ্ট্রিভিশ্চাভিঘাতিতাঃ || ২, ৪. ১০৪ ||
কণ্ঠগ্রহে বিলগ্নানাং ক্ষীণানাং তুণ্ডঘাতিনাম্ |
বিষাগ্নিবৃষবিপ্রেভ্যো বিষূচ্যা চাত্মঘাতকাঃ || ২, ৪. ১০৫ ||
পতনোদ্বন্ধনজলৈর্মৃতানাং শৃণু সংস্থিতিম্ |
সর্পব্যাঘ্রৈঃ শৃঙ্গিভিশ্চ উপসর্গোপলোদকৈঃ || ২, ৪. ১০৬ ||
ব্রাহ্মণৈঃ শ্বাপদৈশ্চৈব পতনৈর্বৃক্ষবৈদ্যুতৈঃ |
নখৈর্লোহৈর্গিরেঃ পাতৈর্ভিত্তিপাতৈর্ভৃগোস্তথা || ২, ৪. ১০৭ ||
কট্বায়ামন্তরিক্ষে চ চৌরচাণ্ডালতস্তথা |
উদক্যাশুনকীশূদ্ররজকাদিবিভূষিতাঃ || ২, ৪. ১০৮ ||
ঊর্ধ্বোচছিষ্টাধরোচ্ছিষ্টোভয়োচ্ছিষ্টাস্তু যে মৃতাঃ |
শস্ত্রঘাতৈর্মৃতা যে চাস্যশ্বস্পৃষ্টাস্তথৈব চ || ২, ৪. ১০৯ ||
তত্তু দুর্মরণং জ্ঞেয়ং যচ্চ জাতং বিধৈং বিনা |
তেন পাপেন নরকান্ভুক্ত্বা প্রেতৎবভাগিনঃ || ২, ৪. ১১০ ||
ন তেষাং কারয়েদ্দাহং সূতকং নোদকক্রিয়াম্ |
ন বিধানং মৃতাদ্যঞ্চ ন কুর্যা দৌর্ধ্বদৈহিকম্ || ২, ৪. ১১১ ||
ন পিণ্ডদানং কর্তব্যং প্রমাদাচ্চেৎকরোতি হি |
নোপতিষ্ঠতি তৎসর্বমন্তরিক্ষে বিনশ্যতি || ২, ৪. ১১২ ||
অতস্তস্য সুতৈঃ পৌত্ত্রৈঃ সপিণ্ডৈঃ শুভমিচ্ছুভিঃ |
নারায়ণবলিঃ কার্যো লোকগর্হাভিয়া খগ || ২, ৪. ১১৩ ||
তথা তেষাং ভবেচ্ছৌচং নান্যথেত্যব্রবীদ্যমঃ |
কৃতে নারায়ণবলাবৌর্ধ্বদেহিকয়োগ্যতা || ২, ৪. ১১৪ ||
তস্য সুদ্ধিকরং কর্ম তদ্ভবেন্ন তদন্যথা |
নারায়ণবলিং সম্যক্তীর্থে সর্বং প্রক্পয়েৎ || ২, ৪. ১১৫ ||
কৃষ্ণাগ্রে কারয়েদ্বিপ্রৈর্যেন পূতো ভবেন্নরঃ |
পূর্বন্তু তর্পণং কার্যং বিপ্রৈঃ পৌরাণবৈদিকৈঃ || ২, ৪. ১১৬ ||
সর্বৌষধ্যক্ষতৈর্মিশ্রৈর্বিষ্ণুমুদ্দিশ্য তর্পয়েৎ |
কার্যং পুরুষসূক্তেন মন্ত্রৈর্বা বৈষ্ণবৈরপি || ২, ৪. ১১৭ ||
দক্ষিণাভিমুখো ভূৎবা প্রেতং বিষ্ণুমিতি স্মরন্ |
অনাদিনিধনো দেবঃ শঙ্খচক্রগদাধরঃ || ২, ৪. ১১৮ ||
অক্ষয়ঃ পুণ্ডরীকাক্ষঃ প্রেতমোক্ষপ্রদো ভব |
তর্পণস্যাবসানে স্যাদ্বীতরাগো বিমৎসরঃ || ২, ৪. ১১৯ ||
জিতেন্দ্রিয়মনা ভূৎবা শুচিষ্মান্ধর্মতৎপরঃ |
ভক্ত্যা তত্র প্রকুর্বীত শ্রাদ্ধান্যেকাদশৈব তু || ২, ৪. ১২০ ||
সর্বকর্মবিধানে একৈকাগ্রে সমাহিতঃ |
তোয়ব্রীহিয়বান্দদ্যাদ্গোধূমাংশ্চ প্রিয়ঙ্গবঃ || ২, ৪. ১২১ ||
হবিষ্যান্নং শুভং মুদ্রাং ছত্রোষ্ণীষে চ দাপয়েৎ |
দাপয়েৎসর্বসংস্যানি ক্ষীরং ক্ষৌদ্রসমান্বিতম্ || ২, ৪. ১২২ ||
বস্ত্রোপানহসংযুক্তং দদ্যাদষ্টবিধং পদম্ |
দ্পয়েৎসর্বপাপেভ্যো ন কুর্যাৎপঙ্ক্তিবঞ্চনম্ || ২, ৪. ১২৩ ||
ভূমৌ স্থিতেষু পিণ্ডেষু গন্ধপুষ্পাক্ষতান্বিতম্ |
দাতব্যং সর্বংবিপ্রেভ্যো বেদশাস্ত্রবিধানতঃ || ২, ৪. ১২৪ ||
শঙ্খে খড্গেঽথ বা তাম্রে তর্পণঞ্চ পৃথক্পৃথক্ |
ধ্যানধারণসংযুক্তো জানুভ্যামবনীং গতঃ || ২, ৪. ১২৫ ||
ঋচা বৈ দাপয়েদর্ঘমর্ঘোদ্দিষ্টং পৃথক্পৃথক্ |
ব্রহ্মা বিষ্ণুশ্চ রুদ্রশ্চ যমঃ প্রেতশ্চ পঞ্চমঃ || ২, ৪. ১২৬ ||
পৃথক্কুম্ভে ততঃ স্থাপ্যাঃ পঞ্চরত্নসমন্বিতাঃ |
বস্ত্রয়জ্ঞোপবীতানি পৃথঙ্মুদ্গাঃ পদানি চ || ২, ৪. ১২৭ ||
পঞ্চ শ্রাদ্ধানি কুর্বীত দেবতানাং যথাবিধি |
জলধারাং ততঃ কুর্যাৎপিণ্ডেপিণ্ডে পৃথক্পৃথক্ || ২, ৪. ১২৮ ||
শঙ্খে বা তাম্রপাত্রে বা অলাভে মৃন্ময়ে পি বা |
তিলোদকং সমাদায় সর্বোষধিমসন্বিতম্ || ২, ৪. ১২৯ ||
তাম্রপাত্রং তিলৈঃ পূর্ণং সহিরণ্যং সদক্ষিণম্ |
দদ্যাদ্ব্রাহ্মণমুখ্যায় পদদানং তথৈচ || ২, ৪. ১৩০ ||
যমোদ্দেশেতিলাংল্লৌহং ততো দদ্যাচ্চ দক্ষিণাম্ |
এবং বিষ্ণুবলিং দত্ত্বা যথাশক্ত্যা বিধানতঃ || ২, ৪. ১৩১ ||
সমুদ্ধরতি তৎক্ষিপ্রং নাত্র কার্যা বিচারণ নাগদংশান্মৃতো
যস্তু বিশেষস্তন্তু মে শৃণু || ২, ৪. ১৩২ ||
সুবর্ণভারনিষ্পন্নং নাগং কৃৎবা তথৈব গাম্ |
বিপ্রায় দত্ত্বা বিধিবৎপিতুরানৃণ্যমাপ্নুয়াৎ || ২, ৪. ১৩৩ ||
এবং সর্পবলিং দত্ত্বা সর্পদোষাদ্বিমুচ্যতে |
পশ্চাৎপুত্তলকং কার্যং সর্বোষধিসমন্বিতম্ || ২, ৪. ১৩৪ ||
পলাশস্য চ বৃন্তানাং বিভাগং শৃণু কাশ্যপ |
কৃষ্ণাজিনং সমাস্তীর্য কুশৈশ্চ পুরুষাকৃতিম্ || ২, ৪. ১৩৫ ||
শতত্রয়েণ ষষ্ট্যা চ বৃন্তৈঃ প্রোক্তোঽস্থিসঞ্চয়ঃ |
বিন্যস্য তানি বৃন্তানি অঙ্গেষ্বেষু পৃথক্পৃথক্ || ২, ৪. ১৩৬ ||
চৎবারিংশচ্ছিরোভাগে গ্রীবায়াং দশ বিন্যসেৎ |
বিংশত্যুরঃ স্থলে দদ্যাদ্বিংশতিঞ্জঠরে তথা || ২, ৪. ১৩৭ ||
বাহুদ্বয়ে শতং দদ্যাৎকটিদেশে চ বিংশতিম্ |
ঊরুদ্বয়ে শতঞ্চাপি ত্রিংশজ্জঙ্ঘাদ্বয়ে ন্যসেৎ || ২, ৪. ১৩৮ ||
দদ্যাচ্চতুষ্টয়ং শিশ্নে ষড্দদ্যাদ্বৃষাণদ্বয়ে |
দশ পাদাঙ্গুলীভাগে এবমস্থীনি বিন্যসেৎ || ২, ৪. ১৩৯ ||
নারিকেলং শিরঃ স্থানেং তুম্বং দদ্যাচ্চ তালুকে |
পঞ্চরত্নং মুখে দদ্যাজ্জিহ্বায়াং কদলীফলম্ || ২, ৪. ১৪০ ||
অন্ত্রেষু নালিকং তদ্যাদ্বালুকাঙ্ঘ্রাণে এব চ |
বসায়াং মৃত্তিকাং দদ্যাদ্ধরিতালমনঃ শিলাঃ || ২, ৪. ১৪১ ||
পারদং রেতসঃ স্থানে পুরীষে পিত্তলং তথা |
মনঃ শিলা তথা গাত্রে তিলপক্বন্তু সন্ধিষু || ২, ৪. ১৪২ ||
যবপিষ্টং যথা মাংসে মধু শোণিতমেব চ |
কেশেষু চ জটাজূটং ৎবচায়াঞ্চ মৃগৎবচম্ || ২, ৪. ১৪৩ ||
কর্ণয়োস্তালপত্রঞ্চ স্তনয়োশ্চৈব গুঞ্জিকাঃ |
নাসায়াং শতপত্রঞ্চ কমলং নাভিমণ্ডলে || ২, ৪. ১৪৪ ||
বৃন্তাকং বৃষণদ্বন্দ্বে লিঙ্গে স্যাদ্গৃঞ্জনং শুভম্ |
ঘৃতং নাভ্যাং প্রদেয়ং স্যাৎকৌ পীনে চ ত্রপুস্মৃতম্ || ২, ৪. ১৪৫ ||
মৌক্তিকং স্তনয়োর্মূর্ধ্নি কুঙ্কুমেব বিলেপনম্ |
কর্পূরাগুরুধূপৈশ্চ শুভৈর্মাল্যৈঃ সুগন্ধিভিঃ || ২, ৪. ১৪৬ ||
পরিধানং পট্টসূত্রংহৃদয়ে চৈব বিন্যসেৎ |
ঋদ্ধিবৃদ্ধী ভুজৌ দ্বৌ চ চক্ষুর্ভ্যাঞ্চ কপর্দকম্ || ২, ৪. ১৪৭ ||
দন্তেষু দাডিমীবীজান্যঙ্গুলীষু চ চম্পকম্ |
সিন্দূরং নেত্রকোণে চ তাম্বূলাদ্যুপহারকম্ || ২, ৪. ১৪৮ ||
সর্বৌষদিয়ুতং প্রেতং কৃৎবা পূজাং যথোদিতাম্ |
সাগ্নিকে চাপি বিধিনা যজ্ঞপাত্রং ন্যস্যেৎক্রমাৎ || ২, ৪. ১৪৯ ||
স্ত্রিয়ঃ পুনন্তু ম শির ইমং মে বরুণেন চ |
প্রেতস্য পাবনং কৃৎবা শালগ্রামশিলোদকৈঃ || ২, ৪. ১৫০ ||
বিষ্ণুমুদ্দিশ্য দাতব্যা সুশীলা গৌঃ পয়স্বিনী |
তিলা লৌহং হিরণ্যঞ্চ কর্পাসং লবণং তথা || ২, ৪. ১৫১ ||
সপ্তধান্যং ক্ষিতির্গাব একৈকং পাবনং স্মৃতম্ |
তিলপাত্রং ততো দদ্যাৎপদদানং তথৈব চ || ২, ৪. ১৫২ ||
কর্তব্যং বৈষ্ণবং শ্রাদ্ধং প্রেতমুক্ত্যর্থমাত্মনঃ |
প্রেতমোক্ষং ততঃ কুর্যাদ্ধৃদি বিষ্ণুং প্রকল্প্যচ || ২, ৪. ১৫৩ ||
এবং পুত্তলকং কৃৎবা দাহয়েদ্বিধিপূর্বকম্ |
তচ্ছ্রুদ্ধয়ে তু সংস্কর্তা পুত্রাদির্নিষ্কৃতিং চরেৎ || ২, ৪. ১৫৪ ||
ত্রীন্কৃচ্ছ্রান্ষড্দ্বাদশ চ তথা পঞ্চদশাপি চ |
প্রায়শ্চিত্তনিমিত্তানুসারেণ বিপ্রবৎস্মৃতঃ || ২, ৪. ১৫৫ ||
অশক্তৌ গোহিরণ্যাদি প্রত্যাম্নায়ং চরেদপি |
আত্মনোঽনধিকারিৎবে শুদ্ধিমেবং চরেদ্বুন্ধঃ || ২, ৪. ১৫৬ ||
অশুদ্ধেন তু যদ্দত্তমুদ্দিশ্যাশুদ্ধিমেব চ |
নোপতিষ্ঠতি তৎসর্বমন্তরিক্ষে বিনশ্যতি || ২, ৪. ১৫৭ ||
শুদ্ধিং সম্পাদ্য কর্তব্যং দহনাদ্যৌর্ধ্বদেহিকম্ |
অকৃৎবা নিষ্কৃতিং যস্তু কুরুতে দহনাদিকম্ || ২, ৪. ১৫৮ ||
মতিপূর্বমমত্যা চ ক্রমাত্তনিষ্কৃতিং শৃণু |
কৃৎবাগ্নিমুদকং স্নানং স্পর্শনং বহনং কথাম্ || ২, ৪. ১৫৯ ||
রজ্জুচ্ছেদাশ্রুপাতঞ্চ তপ্তকৃচ্ছ্রেণ শুধ্যতি |
এষামন্যতমং প্রেতং যো বহেত্তু দেহত বা || ২, ৪. ১৬০ ||
কটোদকক্রিয়াং কৃৎবা কৃচ্ছ্র সান্তপনং চরেৎ |
নিমিত্তে লঘুনি স্বল্পং মহন্মহতি কল্পয়েৎ || ২, ৪. ১৬১ ||
গরুড উবাচ |
কৃচ্ছ্রস্য তপ্তকৃচ্ছ্রস্য তথা সান্তপনস্য চ |
লক্ষণং ব্রূহি মে স্বামিংস্ত্রয়াণামপি সুব্রত || ২, ৪. ১৬২ ||
শ্রীকৃষ্ণ উবাচ |
ত্র্যহং প্রাতস্ত্র্যহং সায়ং ত্র্যহমদ্যাদয়াচিতম্ |
উপবাসস্ত্র্যহঞ্চৈব এষ কৃচ্ছ্র উদাহৃতঃ || ২, ৪. ১৬৩ ||
তপ্তক্ষীরঘৃতাম্বূনামেকৈকং প্রত্যহং পিবেৎ |
একরাত্রোপবাসশ্চ তপ্তকৃচ্ছ্র উদাহৃতঃ || ২, ৪. ১৬৪ ||
গোমূত্রং গোময়ং ক্ষীরং দধি সর্পিঃ কুশোদকম্ |
জগ্ধ্বা পরেঽহ্ন্যুপবসেৎকৃচ্ছ্রং সান্তপনঞ্চরন্ || ২, ৪. ১৬৫ ||
ময়া তেঽযং সমাখ্যাতো দুর্মৃতস্য বিধিঃ খগ |
তদা মৃতং বিজানীয়াদ্দীপনির্বাণমাগতঃ || ২, ৪. ১৬৬ ||
অগ্নিদাহং ততঃ কুর্যাৎসূতকঞ্চ দিনত্রয়ম্ |
দশাহং গর্তপিণাডঞ্চ কর্তব্যং প্রেতপূর্বকম্ || ২, ৪. ১৬৭ ||
এবং বিধিং ততঃ কুর্যাত্ততঃ প্রেতশ্চ মুক্তিভাক্ |
মৃতভ্রান্ত্যা প্রতিকৃতেঃ কৃতে দাহে স বৈ যদি || ২, ৪. ১৬৮ ||
আয়াতি তেন কর্তব্যং মজ্জনং ঘৃকুণ্ডকে |
জাতকর্মাদিসংস্কারাঃ কর্তব্যাঃ পুনরেব তু || ২, ৪. ১৬৯ ||
ঊঢামেব স্বকাং ভার্যামুদ্বহেদ্বিধিবৎপুমান্ |
বর্ষে পঞ্চদশে পক্ষিন্দ্বাদশে বা গতে সতি || ২, ৪. ১৭০ ||
অজ্ঞাতস্য প্রোষিতস্য কৃৎবা প্রতিকৃতিং দহেৎ |
রজস্বলাসূতিকয়োর্বিশেষং মরণে শৃণু || ২, ৪. ১৭১ ||
সূতিকায়াং মৃতায়ান্তু এবং কুর্বন্তি যাজ্ঞিকাঃ |
কুম্ভে সলিলমাদায় পঞ্চগব্যং তথৈব চ || ২, ৪. ১৭২ ||
পুণ্যাভিরভিমন্ত্র্যাপো বাচা শুদ্ধিং লভেত্ততঃ |
শতসূর্পোদকেনাদৌ স্নাপয়িৎবা যথাবিধি || ২, ৪. ১৭৩ ||
তেনৈব স্নাপয়িৎবা তু দাহং কুর্যাৎস্বগেশ্বর |
পঞ্চভিঃ স্নাপয়িৎবা তু গব্যৈঃ প্রেতাং রজস্বলাম্ || ২, ৪. ১৭৪ ||
বস্ত্রান্তরাকৃতিং কৃৎবা দাহয়েদ্বিধিপূর্বকম্ |
মৃতস্য পঞ্চকে দাহবিধিং বচ্মি শৃণুষ্ব মে || ২, ৪. ১৭৫ ||
আদৌ কৃৎবা ধনিষ্ঠার্ধমেতন্নক্ষত্রপঞ্চকম্ |
রেবত্যন্তং সদা দূষ্যমশুভং সর্বদা ভবেৎ || ২, ৪. ১৭৬ ||
দাহস্তত্র ন কর্তব্যো বিষাদঃ সর্বজন্তুষু |
ন জলং দীয়তে তেষু অশুভং সর্বদা ভবেৎ || ২, ৪. ১৭৭ ||
পঞ্চকানন্তরং সর্বং কার্যং কর্তব্যমন্যথা |
পুত্ত্রাণাং গোত্রিণাং তস্য সন্তাপোঽপ্যুপজায়তে || ২, ৪. ১৭৮ ||
গৃহে হানির্ভবত্যেব ঋক্ষেষ্বেষু মৃতস্য চ |
অথ বা ঋক্ষমদ্যে চ দাহস্তু বিধিপূর্বকঃ || ২, ৪. ১৭৯ ||
ক্রিয়তে মানুষাণান্তু স বা আহুতিপূর্বকঃ |
বিপ্রৈর্বিধিরতঃ কার্যো মন্ত্রৈস্তু বিধিপূর্বকম্ || ২, ৪. ১৮০ ||
শবস্থানসমীপে তু ক্ষেপ্তব্যাঃ পুত্তলাস্ততঃ |
দর্ভকৢপ্তাস্তু চৎবার ঋক্ষমন্ত্রাভিমন্ত্রিতাঃ || ২, ৪. ১৮১ ||
ততো দাহঃ প্রকর্তব্যস্তৈশ্চ পুত্তলকৈঃ সহ |
সূতকান্তে তদা পুত্ত্রৈঃ কার্যং শান্তিকপৌষ্টিকম্ || ২, ৪. ১৮২ ||
পঞ্চকেষু মৃতো যোঽসৌ ন সতিং লভতে নরঃ |
তিলান্গাঞ্চ সুবর্ণঞ্চ তমুদ্দিশ্য ঘৃতং দদেৎ || ২, ৪. ১৮৩ ||
বিপ্রাণাং দাপয়েদ্দানং সর্ববিঘ্নবিনাশনম্ |
ভোজনোপানহৌচ্ছত্ত্রং হেমমুদ্রা চ বাসসী || ২, ৪. ১৮৪ ||
দক্ষিণা দীয়তে বিপ্রে পাতকস্য প্রমোচনঃ |
ময়াতেঽযং সমাখ্যাতো বিধিঃ পঞ্চহরঃ স্থিতঃ |
সংযমিন্যাং যথায়ানং যথাবর্ষং মৃতক্রিয়া || ২, ৪. ১৮৫ ||

ইতি শ্রীগারুডে মহাপুরাণে উত্তরখণ্ডে প্রেতকল্পে শ্রীকৃষ্ণগরুডসংবাদে
দহনবিধিকৃচ্ছ্রলক্ষণদগ্ধাগমনরজস্বলামরণবিধিপঞ্চকমরণ-
প্রায়শ্চিত্তনিরূপণং নাম চতুর্থোঽধ্যায়ঃ

শ্রীগরুডমহাপুরাণম্-৫
শ্রীকৃষ্ণ উবাচ |
এবং দগ্ধ্বা নরং প্রেতং স্নাৎবা কৃৎবা তিলোদকম্ |
অগ্রতঃ স্ত্রীজনো গচ্ছেদ্ব্রজেয়ুঃ পৃষ্ঠতো নরাঃ || ২, ৫. ১ ||
প্রাশয়েন্নিম্বপত্রাণি রুদন্তো নামপূর্বকম্ |
বিধাতব্যং চাচমনং পাষাণোপরি সংস্থিতে || ২, ৫. ২ ||
তে প্রবিশ্য গৃহং সর্বে সুতাদ্যাশ্চ সপিণ্ডকাঃ |
ভবেয়ুর্দশরাত্রং বৈ যত আশৌচকং খগ || ২, ৫. ৩ ||
ক্রীতলব্ধাশনাঃ সর্বে স্বপেয়ুস্তে পৃথক্পৃথক্ |
অক্ষারলবণান্নাঃ স্যুর্নিমজ্জেয়ুশ্চ তে ত্র্যহম্ || ২, ৫. ৪ ||
অমাংসভোজনাশ্চাধঃ শয়ীরন্ব্রহ্মচারিণঃ |
পরস্পরং ন সংস্পৃষ্টা দানাধ্যয়নবর্জিতাঃ || ২, ৫. ৫ ||
মলিনাশ্চাধোমুখাশ্চ দীনা ভোগবিবর্জিতাঃ |
অঙ্গসংবাহনং কেশমার্জনং বর্জয়ন্তি তে || ২, ৫. ৬ ||
মৃন্ময়ে পত্রজে বাপি ভুঞ্জীরংস্তে চ ভাজনে |
উবাসন্তু তে কুর্যুরেকাহমথ বা ত্র্যহম্ || ২, ৫. ৭ ||
গরুড উবাচ |
আশৌচিন ইতি প্রোক্তমাশৌচস্য চ বৈ প্রভো |
লক্ষণং কিং কিয়ৎকালং ভাব্যং বা তদ্যুতৈর্নরৈঃ || ২, ৫. ৮ ||
শৃকৃষ্ণ উবাচ |
অপনোদ্যন্ত্বিদং কালাদিভিরাশু নিষেধকৃৎ |
পিণ্ডাধ্যয়নদানাদেঃ পুঙ্গতোঽতিশয়ো হি তৎ || ২, ৫. ৯ ||
দশাহং শাবমাশৌচং সপিণ্ডেষু বিধীয়তে |
জননেঽপ্যেবমেব স্যান্নিপুণং শুদ্ধিমিচ্ছতাম্ || ২, ৫. ১০ ||
জন্মন্যেকোদকানান্তুত্রিরাত্রাচ্ছুদ্ধিরিষ্যতে |
শাবস্য শেষাচ্ছুধ্যন্তি ত্র্যহাদুদকদায়িনঃ || ২, ৫. ১১ ||
আদন্তজননৎসদ্য আ চৌলান্নৈশিকী স্মৃতা |
ত্রিরাত্রমা ব্রতাদেশাদ্দশরাত্রমতঃ পরম্ || ২, ৫. ১২ ||
আশৌচং তে সমাখ্যাতং সঙ্ক্ষেপাৎপ্রকৃতং ব্রুবে |
জলং ত্রিদিবমাকাশে স্থাপ্যং ক্ষীরঞ্চ মৃন্ময়ে || ২, ৫. ১৩ ||
অত্র স্নাহি পিবাত্রেতি মন্ত্রেণানেন কাশ্যপ |
কাষ্ঠত্রয়ে গুণৈর্বদ্ধে প্রীত্যৈ রাত্রৌ চতুষ্পথে || ২, ৫. ১৪ ||
প্রথমেঽহ্নি তৃতীয়ে বা সপ্তমে নবমে তথা |
অস্থিসঞ্চয়নং কার্যং দিনে তদ্গোত্রজৈঃ সহ || ২, ৫. ১৫ ||
তদূর্ধ্বমঙ্গসংস্পর্শঃ সপিণ্ডানাং বিধীয়তে |
যোগ্যাঃ সর্বক্রিয়াণাং চ সমানসলিলাস্তথা || ২, ৫. ১৬ ||
প্রেতপিণ্ডং বহির্দদ্যাদ্দর্ভমাত্রবিবর্জিতম্ |
প্রাগুদীচ্যাং চরুং কৃৎবা স্নাৎবা প্রয়তমানসঃ || ২, ৫. ১৭ ||
ভূমাবসংস্কৃতানাং চ সংস্কৃতানাং কুশেষু চ |
নবভির্দিবসৈঃ পিণ্ডান্নব দদ্যাৎসমাহিতঃ || ২, ৫. ১৮ ||
দশমং পিণ্ডমুৎসৃজ্য রাত্রিশেষে শুচির্ভবেৎ |
অসগোত্রঃ সগোত্রো বা যদি স্ত্রী যতি বা পুমান্ || ২, ৫. ১৯ ||
প্রথমেঽহনি যো দদ্যাৎস দশাহং সমাপয়েৎ |
শালিনা সক্তুভির্বাপি শাকৈর্বাপ্যথ নির্বপেৎ || ২, ৫. ২০ ||
প্রথমেঽহনি যদ্দ্রব্যং তদেব স্যাদ্দশাহিকম্ |
যাবদাশৌচমেকৈকস্যাঞ্জলের্দানমুচ্যতে || ২, ৫. ২১ ||
যদ্বা যস্মিন্দিনে দানং তস্মিংস্তদ্দিনসঙ্খ্যয়া |
দশাহেঽঞ্জলয়ঃ পক্ষিন্পঞ্চাশদন্তিমে || ২, ৫. ২২ ||
দ্বিবৃদ্ধ্যা বা ভবেৎপক্ষিন্নঞ্জলীনাং শতং পুনঃ |
যদাহি ত্র্যহমাশৌচং তদা বাঞ্জলয়ো দশ || ২, ৫. ২৩ ||
ত্রয়োঽঞ্জলয় এবং তু প্রথমেঽহনিবৈ তদা |
চৎবারস্তু দ্বিতীয়েঽহ্নি তৃতীয়ে স্যুস্ত্রয়স্তথা || ২, ৫. ২৪ ||
শতাঞ্জলি যদা পক্ষিন্নাদ্যে ত্রিংশত্তদাহনি |
চৎবারিংশদ্দ্বিতীয়েঽহ্নি ত্রিংশদহ্নি তৃতীয়কে || ২, ৫. ২৫ ||
এবং জলস্যাঞ্জলয়ো বিভাজ্যাঃ পক্ষয়োর্দ্বয়োঃ |
সর্বেষু পিতৃকার্যেষু পুত্রো মুক্যোঽধিকারবান্ || ২, ৫. ২৬ ||
পিণ্ডপ্রসেকস্তূষ্ণীঞ্চ পুষ্পধূপাদিকং তথা |
দশমেঽহনি সম্প্রাপ্তে স্নানং গ্রামাদ্বহিশ্চরেৎ || ২, ৫. ২৭ ||
তত্র ত্যাজ্যানি বাসাংসি কেশশ্মশ্রুনখানি চ |
বিপ্রঃ শুধ্যত্যপঃ স্পৃষ্ট্বা ক্ষত্ত্রিয়ো বাহনং তথা || ২, ৫. ২৮ ||
বৈশ্যঃ প্রতোদং রশ্মীন্বা শূদ্রো যষ্টিং কৃতক্রিয়ঃ |
মৃতাদল্পবয়োভিশ্চ সপিণ্ডৈঃ পরিবাপনম্ || ২, ৫. ২৯ ||
কার্যন্তু ষোডশী ষড্ভিঃ পিণ্ডৈর্দশভিরৈব চ |
প্রথমা মলিনা হ্যেতৈরাদশাহং মৃতের্ভবেৎ || ২, ৫. ৩০ ||
দিনানি দশ যান্ষিণ্ডান্কুর্বন্ত্যত্র সুতাদয়ঃ |
প্রত্যহং তে বিভজ্যন্তে চতুর্ভাগৈঃ খগোত্তম || ২, ৫. ৩১ ||
ভাগদ্বয়েন দেহঃ স্যাত্তৃতীয়েন যমানুগাঃ |
তৃপ্যন্তি হি চতুর্থেন স্বয়মপ্যুপজীবতি || ২, ৫. ৩২ ||
অহোরাত্রৈস্তু নবভির্দেহো নিষ্পত্তিমাপ্নুয়াৎ |
শিরস্ত্বাদ্যেন পিণ্ডেন প্রেতস্য ক্রিয়তে তথা || ২, ৫. ৩৩ ||
দ্বিতীয়েন তু কর্ণাক্ষিনাসিকং তু সমাসতঃ |
গলাংসভুজবক্ষশ্চ তৃতীয়েন তথা ক্রমাৎ || ২, ৫. ৩৪ ||
চতুর্থেন চ পিণ্ডেন নাভিলিঙ্গগুদং তথা |
জানুজঙ্ঘং তথা পাদৌ পঞ্চমেন তু সর্বদা || ২, ৫. ৩৫ ||
সর্বমর্মাণি ষষ্ঠেন সপ্তমেন তু নাডয়ঃ |
দন্তলোমান্যষ্টমেন বীর্যন্তু নবমেন চ || ২, ৫. ৩৬ ||
দশমেন তু পূর্ণৎবং তৃপ্ততা ক্ষুদ্বিপর্যয়ঃ |
মধ্যমাং ষোডশীং বচ্মি বৈনতেয় শৃণুষ্ব মে || ২, ৫. ৩৭ ||
বিষ্ণবাদিবিষ্ণুপর্যন্তান্যেকাদশ তথা খগ |
শ্রাদ্ধানি পঞ্চ দেবানামিত্যেষাং মধ্যষীডশী || ২, ৫. ৩৮ ||
নিমিত্তং দুর্মতিং কৃৎবা যদি নারায়ণো বলিঃ |
একাদশাহে কর্তব্যো বৃষোৎসর্গোঽপি তত্র বৈ || ২, ৫. ৩৯ ||
একাদশাহে প্রেতস্য যস্যাৎসৃজ্যেত নো বৃষঃ |
প্রেতৎবং সুস্থিরং তস্য দত্তৈঃ শ্রাদ্ধশতৈরপি || ২, ৫. ৪০ ||
অকৃৎবা যদ্বৃষোৎসর্গং কৃতং বৈ পিণ্ডপাতনম্ |
নিষ্ফলং সকলং বিদ্যাৎপ্রমীতায় ন তদ্ভবেৎ || ২, ৫. ৪১ ||
বৃষোৎসর্গাদৃতে নান্যৎকিঞ্চিদস্তি মহীতলে |
পুত্রঃ পত্ন্যথ দৌহিত্রঃ পিতা বা দুহিতাথ বা || ২, ৫. ৪২ ||
মৃতাদনন্তরং তস্য ধ্রুবং কার্যো বৃষোৎসবঃ |
চতুর্বৎসতরীয়ুক্তো যস্যোৎসৃজ্যেত বা বৃষঃ || ২, ৫. ৪৩ ||
অলঙ্কৃতো বিধানেন প্রেতৎবং তস্য নো ভবেৎ |
একাদশেঽহ্নি সম্প্রাপ্তে বৃষালাভো ভবেদ্যদি || ২, ৫. ৪৪ ||
দর্ভৈঃ পিষ্টৈস্তু সম্পাদ্য তং বৃষং মোচয়েদ্বুধঃ |
বৃষোৎসর্জনবেলায়াং বৃষাভাব (লাভ) কথঞ্চন || ২, ৫. ৪৫ ||
মৃত্তিকাভিস্তু দর্ভৈর্বা বৃষং কৃৎবা বিমোচয়েৎ |
যদিষ্টং জীবতস্তস্য দদ্যাদেকাদশেঽহনি || ২, ৫. ৪৬ ||
মৃতমুদ্দিশ্য দাতব্যং শয়্যাধেন্বাদিকং তথা |
বিপ্রান্বহূন্ভোজয়ীত প্রেতস্য ক্ষুদ্বিশান্তয়ে || ২, ৫. ৪৭ ||
তৃতীয়াং ষোডশীং বচ্মি বৈনতেয় শৃণুষ্ব তাম্ |
দ্বাদশ প্রতিমাস্যানি আদ্যং ষাণ্মাসিকং তথা || ২, ৫. ৪৮ ||
সপিণ্ডীকরণং চৈব তৃতীয়া ষোডশী মতা |
দ্বাদশাহে ত্রিপক্ষে চ ষণ্মাসে মাসিকেঽব্দিকে || ২, ৫. ৪৯ ||
তৃতীয়াং ষোডশীমেনাং বদন্তি মতভেদতঃ |
যস্যৈতা নি ন দত্তানি প্রেতশ্রাদ্ধানি ষোডশ || ২, ৫. ৫০ ||
পিশাচৎবং স্থিরং তস্য দত্তৈঃ শ্রাদ্ধশতৈরপি |
একাদশে দ্বাদশে বা দিনে আদ্যং প্রকীর্তিতম্ || ২, ৫. ৫১ ||
মাসাদৌ প্রতিমাসঞ্চ শুদ্ধং মৃততিথৌ খগ |
একেনাহ্না ত্রিভির্বাপি হীনেষু বিনতাসুত || ২, ৫. ৫২ ||
মাসষণ্মাসবর্ষেষু ত্রিপক্ষেষু ভবন্তি হি |
শ্রাদ্ধান্যথস্যাৎসাপিণ্ড্যং পূর্ণে বর্ষে তদর্ধকে || ২, ৫. ৫৩ ||
ত্রিপক্ষেঽভ্যুদয়ে বাপি দ্বাদশাহেঽথ বা নৃণাম্ |
আনন্ত্যাৎকুলধর্মাণাং পুংসাঞ্চৈবায়ুষঃ ক্ষয়াৎ || ২, ৫. ৫৪ ||
অস্থিরৎবাচ্ছরীরস্য দ্বাদশাহে প্রশস্যতে |
সপিণ্ডীকরণেষ্বেবং বিধিং পক্ষীন্দ্র মে শৃণু || ২, ৫. ৫৫ ||
একোদ্দিষ্টবিধানেন কার্যং তদপি কাশ্যপ |
তিলগন্ধোদকৈর্যুক্তং কুর্যাৎপাত্রচতুষ্টয়ম্ || ২, ৫. ৫৬ ||
পাত্রং প্রেতস্য তত্রৈকং পিত্র্যং পাত্রত্রয়ং তথা |
সেচয়েৎপিতৃপাত্রেষু প্রেতপাত্রং খগ ত্রিষু || ২, ৫. ৫৭ ||
চতুরো নির্বপেৎপিণ্ডান্পূর্বন্তেষু সমাপয়েৎ |
ততঃ প্রভৃতি বৈ প্রেতঃ পিতৃসামান্যমশ্নুতে || ২, ৫. ৫৮ ||
ততঃ পিতৃৎবমাপন্নে তস্মিন্প্রেতে খগেশ্বর |
শ্রাদ্ধধর্মৈরশেষৈস্তু তৎপূর্বানর্চয়েৎপিৎৠন্ || ২, ৫. ৫৯ ||
একচিত্যারোহণে চ একাহ্নি মরণে তথা |
সাপিণ্ড্যন্তু স্ত্রিয়া নাস্তি মৃতে ভর্তুঃ স্ত্রিয়ো ভবেৎ || ২, ৫. ৬০ ||
পাকৈক্যমথ কালৈক্যং কর্ত্রৈক্যঞ্চ ভবেৎখগ |
শ্রাদ্ধাদৌ সহ দাহে চ পতিপত্ন্যোর্ন সংশয়ঃ || ২, ৫. ৬১ ||
ভর্তুর্মৃততিথেরন্যতিথৌ চিতিমথারুহেৎ |
তামৃতাহনি তু সম্প্রাপ্তে পৃথক্পিণ্ডেন যোজয়েৎ || ২, ৫. ৬২ ||
প্রত্যব্দঞ্চ যুগপত্তু সমাপয়েৎ || ২, ৫. ৬৩ ||
যস্য সংবৎসরাদর্বাক্সপিণ্ডীকরণং ভবেৎ |
মাসিকঞ্চোদকুম্ভঞ্চ দেয়ং তস্যাপি বৎসরম্ || ২, ৫. ৬৪ ||
নবশ্রাদ্ধং সপিণ্ডৎবং শ্রাদ্ধান্যপি চ ষোডশ |
একেনৈব তু কার্যাণি সংবিভক্তধনেষ্বপি || ২, ৫. ৬৫ ||
পিতামহীভিঃ সাপিণ্ড্যং তথা মাতামহৈঃ সহ |
উক্তং ভর্ত্রাপি সাপিণ্ড্যং স্ত্রিয়া বেষয়ভেদতঃ || ২, ৫. ৬৬ ||
নবশ্রাদ্ধস্য তে কালং বক্ষ্যামি শৃণু কাশ্যপ |
মরণাহ্নি মৃতিস্থানে শ্রাদ্ধং পক্ষিন্প্রকল্পয়েৎ || ২, ৫. ৬৭ ||
দ্বিতীয়ঞ্চ ততো মার্গে বিশ্রামো যত্র কারিতঃ |
ততঃ সঞ্চয়নস্থানে তৃতীয়ং শ্রাদ্ধমুচ্যতে || ২, ৫. ৬৮ ||
পঞ্চমে সপ্তমে তদ্বদষ্টমে নবমে তথা |
দশমৈকাদশে চৈব নব শ্রাদ্ধানি বৈ খগ || ২, ৫. ৬৯ ||
শ্রাদ্ধানি নব চৈতানি তৃতীয়া ষোডশী স্মৃতা |
একোদ্দিষ্টবিধানেন কার্যাণি মনুজৈস্তথা || ২, ৫. ৭০ ||
প্রথমেঽহ্নি তৃতীয়ে বা পঞ্চমে সপ্তমে তথা |
নবমৈকাদশে চৈব নবশ্রাদ্ধং প্রকীর্তিতম্ || ২, ৫. ৭১ ||
উচ্যন্তে ষডিমানীহ নব স্যুরপি যাগেতঃ |
উক্তানি তে ময়া তানি ঋষীণাং মতভেদতঃ || ২, ৫. ৭২ ||
রূঢিপক্ষো মমাভীষ্টো যোগঃ কৈশ্চিদিহেষ্যতে |
আদ্যে দ্বিতীয়ে দাতব্যস্তথৈবৈকং পবিত্রকম্ || ২, ৫. ৭৩ ||
প্রেতায় পিণ্ডো দাতব্যো ভুক্তবৎসু দ্বিজাতিষু |
প্রশ্রস্তত্রাভিরণ্যেতি যজমানদ্বিজন্মনা || ২, ৫. ৭৪ ||
অক্ষয়্যমমুকস্যেতি বক্তব্যং বিরতৌ তথা |
একোদ্দিষ্টং মে নিবোধ চেত্থমাবৎসরং স্মৃতম্ || ২, ৫. ৭৫ ||
সপিণ্ডীকরণাদূর্ধ্বং যানি শ্রাদ্ধানি ষোডশ |
একোদ্দিষ্টবিধানেন চরেদ্বা পার্বণাদৃতে || ২, ৫. ৭৬ ||
প্রত্যব্দং যো যথা কুর্যাত্তথা কুর্যাৎস তান্যপি |
একাদশে দ্বাদশেঽহ্নি প্রেতো ভুঙ্ক্তে দিনদ্বয়ম্ || ২, ৫. ৭৭ ||
যোষিতঃ পুরুষস্যাপি পিণ্ডং প্রেতেতি নির্বপেৎ |
সাপিণ্ড্যে তু কৃতে তস্য প্রেতশব্দো নিবর্ততে || ২, ৫. ৭৮ ||
দীপদানং প্রকর্তব্যমাবর্ষন্তু গৃহাদ্বহিঃ |
অন্নং দীপো জলং বস্ত্রমন্যদ্বাদীয়তে চ যৎ || ২, ৫. ৭৯ ||
তৃপ্তিদং প্রেতশব্দেন সপিণ্ডীকরণাবধি |
অব্দকৃত্যং ময়োক্তন্তে সমাসাদ্বিনতাসুত || ২, ৫. ৮০ ||
বৈবস্বতগৃহে যানং যথা তত্তু নিবোধমেঃ |
ত্রয়োদশেঽহ্নি শ্রবণাকর্মণোনন্তরন্তু সঃ || ২, ৫. ৮১ ||
ৎবগ্গৃহীতাহিবত্তার্ক্ষ্য গৃহীতো যমকিঙ্করৈঃ |
তস্মিন্মার্গে ব্রজত্যেকো গৃহীত ইব মর্কটঃ || ২, ৫. ৮২ ||
বায়্বগ্রসারিবদ্রূপং দেহমন্যৎপ্রপদ্যতে |
তৎপিণ্ডজং পাতনার্থমন্যত্তু পিতৃসম্ভবম্ || ২, ৫. ৮৩ ||
তৎপ্রমাণবয়োঽবস্থাসংস্থানাং প্রগ্ভবো যথা |
ষডশীতি সহস্রাণি যোজনানাং প্রমাণতঃ || ২, ৫. ৮৪ ||
অধ্বান্তরালিকো জ্ঞেয়ো যমমানুষলোকয়োঃ |
সাধিকার্ধক্রোশয়ুতং যোজনানাং শতদ্বয়ম্ || ২, ৫. ৮৫ ||
চৎবারিং শত্তথা সপ্ত প্রত্যহং যাতি তত্র সঃ |
অষ্টাচৎবারিংশতা চ ত্রৈংশতা দিবসৈরিতি || ২, ৫. ৮৬ ||
বৈবস্বতপুরং যাতি কৃষ্যমাণো যমানুগৈঃ |
এবং ক্রমেণ যাতব্যে মার্গে পাপরতৈস্তু যৎ || ২, ৫. ৮৭ ||
জায়তে সপ্রপঞ্চং তচ্ছৃণু ৎবমরুণানুজ |
ত্রয়োদশদিনে দত্তঃ পাশৈর্বদ্ধ্বাতিদারুণৈঃ || ২, ৫. ৮৮ ||
যমস্যাঙ্কুশহস্তো বৈ ভৃকুটীকুটিলাননঃ |
দণ্ডপ্রহারসম্ভ্রান্তঃ কৃষ্যতে দক্ষিণাং দিশম্ || ২, ৫. ৮৯ ||
কুশকণ্টকবল্মীকশঙ্কুপাষাণকর্কশে |
তথা প্রদীপ্তজ্বলনে ক্বচিচ্ছ্বভ্রশতোৎকটে || ২, ৫. ৯০ ||
প্রদীপ্তাদিত্যতপ্তে চ দহ্যমানঃ সদংশকে |
কৃষ্যতে যমদূতৈশ্চ শিবাবন্নাদভীষণৈঃ || ২, ৫. ৯১ ||
প্রয়াতিঃ দারুণে মার্গে পাপকর্মা যমালয়ে |
কলেবরে দহ্যমানে মহান্তং ক্ষয়মৃচ্ছতি || ২, ৫. ৯২ ||
ভক্ষ্যমাণে তথৈবাঙ্গে ভিদ্যমানে চ দারুণম্ |
ছিদ্যমানে চিরতরং জন্তুর্দুঃখমবাপ্নুতে || ২, ৫. ৯৩ ||
স্বেন কর্মবি পাকেন দেহান্তরগতোঽপি সন্ |
পুরাণি ষোডশামুষ্মন্মার্গে তানি চ মে শৃণু || ২, ৫. ৯৪ ||
যাম্যং সৌরিপুরং নগেদ্বভবনং গন্ধর্বশৈলাগমৌ ক্রৌঞ্চং
ক্রূরপুরং বিচিত্রভবনং বহ্বাপদং দুঃখদম্ |
নানাক্রন্দপুরং সুতপ্তভবনং রৌদ্রং পয়োবর্ষণং শীতাঢ্যং
বহুভীতিষোডশপুরাণ্যেতান্যদৃষ্টনি তে || ২, ৫. ৯৫ ||
তত্র যাম্য পুরং গচ্ছন্পুত্রপুত্রেতি চ ব্রুবন্ |
হাহেতি ক্রন্দতে নিত্যং স্বকৃতং দুষ্কৃতং স্মরন্ || ২, ৫. ৯৬ ||
অষ্টাদশোদিনে তার্ক্ষ্য তৎপুর প্রাপ্নুয়াদসৌ |
পুষ্পভদ্রা নদী যত্র ন্যগ্রোধঃ প্রিয়দর্শনঃ || ২, ৫. ৯৭ ||
বিশ্রামেচ্ছাং করোত্যত্র কারয়ন্তি ন তে ভটাঃ |
ক্ষিতৌ দত্তং সুতৈস্তস্য স্নেহাদ্বা কৃপয়া তথা || ২, ৫. ৯৮ ||
মাসিকং পিণ্ডমশ্নাতি ততঃ সৌরিপুরং ব্রজেৎ |
ব্রজন্নেবং প্রলপতে মুদ্গরাহতিপীডিতঃ || ২, ৫. ৯৯ ||
জলাশয়ো নৈব কৃতো ময়া তদা মনুষ্যতৃপ্ত্যৈ পশুপক্ষিতৃপ্তয় |
গোতৃপ্তিহেতোর্ন চ গোচরঃ কৃতঃ শরীর হে নিস্তর যত্ত্বয়া কৃতম্ || ২, ৫. ১০০ ||
তত্র নাম্না তু রাজাসৌ জঙ্গমঃ কামরূপধৃক্ |
ভয়াত্তদ্দর্শনাজ্জাতাদ্ভুঙ্ক্তে পিণ্ডং স শঙ্কিতঃ || ২, ৫. ১০১ ||
ত্রিপক্ষে জলসংযুক্তং ক্ষিতৌ দত্তং ততো ব্রজেৎ |
ব্রজন্নেবং প্রলপতে খড্গাঘাতপ্রপীডিতঃ || ২, ৫. ১০২ ||
ন নিত্যদানং ন গবাহ্নিকং কৃতং পুস্তং চ দত্তং ন হি বেদশাস্ত্রয়োঃ |
পুরাণদৃষ্টো ন হি সেবিতোঽধ্বা শরীর হে নিস্তর যত্ত্বয়া কৃতম্ || ২, ৫. ১০৩ ||
নগেন্দ্রনগরং গৎবা ভুক্ত্বা চান্নং তথাবিধম্ |
মাসি দ্বিতীয়ে যদ্দত্তং বান্ধবৈস্তু ততো ব্রজেৎ || ২, ৫. ১০৪ ||
ব্রজন্নেবং প্রলপতে কৃপাণৎসরুতাডিতঃ |
পরাধানমভূৎসর্বমম মূর্খশিরোমণেঃ || ২, ৫. ১০৫ ||
মহতা পুণ্যয়োগেন মানুষ্যং লব্ধবানহম্ |
তৃতীয়ে মাসি সম্প্রাপ্তে গন্ধর্বনগরে শুভম্ || ২, ৫. ১০৬ ||
তৃতীয়মাসিকং পিণ্ডং তত্র ভুক্ত্বা ব্রজত্যসৌ |
ব্রজন্নেবং বিলপতে তদগ্রেণাহতঃ পথি || ২, ৫. ১০৭ ||
ময়া ন দত্তং ন হুতং হুতাশনে তপো ন তপ্তং হিমশৈলগহ্বরে |
ন সেবিতং গাঙ্গমহো মহাজলং শরীর হে নিস্তর যত্ত্বয়া কৃতম্ || ২, ৫. ১০৮ ||
তুর্যে শৈলাগমং মাসি প্রাপ্নুয়াত্তত্র বর্ষণম্ |
তস্যোপরি ভবেৎপক্ষিন্পাষাণানাং নিরন্তরম্ || ২, ৫. ১০৯ ||
চতুর্থমাসিকং শ্রাদ্ধং ভুক্ত্বা তত্র প্রসর্পতি |
স পতন্নেব বিলপন্পাষাণাদ্যতিপীডিতঃ || ২, ৫. ১১০ ||
ন জ্ঞানমার্গো ন চ যোগমার্গো ন কর্মমার্গো ন চ ভক্তিমার্গঃ |
ন সাধুসঙ্গাৎকিমপি শ্রুতং ময়া শরীর হে নিস্তর যত্ত্বয়া কৃতম্ || ২, ৫. ১১১ ||
ততঃ ক্রূরপুর মাসি পঞ্চমে যাতি কাশ্যপ |
ভুবি দত্তং পিণ্ডজলং ভুক্ত্বা ক্রূরপুরং ব্রজেৎ || ২, ৫. ১১২ ||
ব্রজন্নেবং বিলপতে পট্টিশৈঃ পাতিতঃ পথি |
হা মাতর্হাপিতর্ভ্রাতঃ সুতা হা হা মম স্ত্রিয়ঃ || ২, ৫. ১১৩ ||
যুষ্মাভির্নোপদিষ্টোঽহমবস্থাং প্রাপ্ত ঈদৃশীম্ |
এবং লালপ্যমানং তে যমদূতা বদন্তিহি || ২, ৫. ১১৪ ||
ক্ব মাতা ক্ব পিতা মূঢ ক্ব জায়া ক্ব সুতঃ সুহৃৎ |
স্বকর্মোপার্জিতে ভুঙ্ক্ষ্বং মূর্খ যাতাশ্চিরং পথি || ২, ৫. ১১৫ ||
জানাসি শম্বলমলং বলমধ্বগানাং নোঽশম্বলঃ প্রয়ততে পরলোকগত্যৈ |
গন্তব্যমস্তি তব নিশ্চিতমেব তেন মার্গেণ যেন ন ভবেৎক্রয়বিক্রয়োঽপি || ২, ৫. ১১৬ ||
ঊনষাণ্মাসিকে ক্রৌঞ্চে ভুক্ত্বা পিণ্ডন্তু সোদকম্ |
ঘটীমাত্রন্তু বিশ্রম্য বিচিত্রনগরং ব্রজেৎ || ২, ৫. ১১৭ ||
ব্রজন্নেবং বিলপতে শূলাগ্রেণ বিদারিতঃ || ২, ৫. ১১৮ ||
কুত্র যামি ন হি গামি জীবিতং হা মৃতস্য মরণং পুনর্ন বৈ |
ইত্থমেব বিলপন্প্রয়াত্যসৌ যাতনার্হধৃতবিগ্রহঃ পতি || ২, ৫. ১১৯ ||
বিচিত্রনগরে তত্র বিচিত্রো নাম পারিথিবঃ |
তত্র ষণ্মাসপিণ্ডেন তৃপ্তঃ সন্ব্রজতে পুরঃ || ২, ৫. ১২০ ||
ব্রজন্নেবং বিলপতে প্রাসাগ্রেণ প্রপীডিতঃ || ২, ৫. ১২১ ||
মাতা ভ্রাতা পিতা পুত্রঃ কোঽপি মে বর্ততে ন বা |
যো মামুদ্ধরতে পাপং পতন্তং দুঃখসাগরে || ২, ৫. ১২২ ||
ব্রজতস্তত্র মার্গে তু তত্র বৈতরণী শুভা |
শতয়োজনবিস্তীর্ণা পূয়শোণিতসঙ্কুলা || ২, ৫. ১২৩ ||
আয়াতি তত্র দৃশ্যন্তে নাবিকা ধীবরাদয়ঃ |
তে বদন্তি প্রদত্তা গৌর্যদি বৈতরণী ৎবয়া |
নাবমেনাং সমারোহ সুকেনোত্তর বৈ নদীম্ || ২, ৫. ১২৪ ||
তত্র যেন প্রদত্তা গৌঃ স সুখেনৈব তাং তরেৎ |
অদায়ী তত্র ঘৃষ্যেত করগ্রাহন্তু নাবিকৈঃ || ২, ৫. ১২৫ ||
উখৈঃ কাকৈর্বকোলূকৈস্তীক্ষ্ণতুণ্ডৈর্বিতুদ্যতে |
মনুজানাং হিতং দানমন্তে বৈতরণী খগ || ২, ৫. ১২৬ ||
দত্তা পাপং দহেৎসর্বং মম লোকন্তু সা নয়েৎ |
মপ্তমে মাসি সম্প্রাপ্তে পুরং বহ্বাপদং মৃতঃ || ২, ৫. ১২৭ ||
ব্রজেত্তু সোদকং ভুক্ত্বা পিণ্ডং বৈ সপ্তমাসিকম্ |
ব্রজন্নেবং বিলপতে পরিঘাহতিপীডিতঃ || ২, ৫. ১২৮ ||
ন দত্তং ন হুতং তপ্তং ন স্নাতং ন কৃতং হিতম্ |
যাদৃশং চরিতং কর্ম মূঢাত্মন্ভুঙ্ক্ষ্ব তাদৃশম্ || ২, ৫. ১২৯ ||
মাস্যষ্টমে দুঃখদে তু পরে ভুক্ত্বাথ সোদকম্ |
পিণ্ডং প্রয়াৎসয়ৌ তার্ক্ষ্য নানাক্রন্দপুরং ততঃ || ২, ৫. ১৩০ ||
প্রয়াণে চ প্রবদতে মুসলাঘাতপীডিতঃ |
ক্ব জায়াচটুলৈশ্চাটুপটুভির্বচনৈর্মম || ২, ৫. ১৩১ ||
ভোজনং ভল্লভল্লীভির্মুসলৈশ্চ ক্ব মারণম্ |
নবমে মাসি দত্তং বৈ নানাক্রন্দপুরে ততঃ || ২, ৫. ১৩২ ||
পিণ্ডমশ্রাতি করুণং নানাক্রন্দান্করোত্যপি |
দশমে মাসি দত্তং বৈ সুতপ্তভবনং ততঃ || ২, ৫. ১৩৩ ||
সরন্নেবং বিলপতে হলাহতিহতঃ পথি |
ক্ব সূনুপেশলকরৈঃ পাদসংবাহনং মম || ২, ৫. ১৩৪ ||
ক্ব দূতবজ্রপ্রতিমকৈর্মৎপদকর্ষণম্ |
দশমে মাসি পিণ্ডাদি তত্র ভুক্ত্বা প্রসর্পতি || ২, ৫. ১৩৫ ||
মাসে চৈকাদশে পূর্ণে পুরং রৌদ্রং স গচ্ছতি |
গচ্ছন্নেব বিলপতে যথা পৃষ্ঠে প্রপীডিতঃ || ২, ৫. ১৩৬ ||
ক্বাহং সতূলীশয়নে পরিবর্তন্ক্ষণে ক্ষণে |
ভটহস্তভ্রষ্টয়ষ্টিকৃষ্টপৃষ্ঠঃ ক্ব বা পুনঃ || ২, ৫. ১৩৭ ||
ক্ষিতৌ দত্তঞ্চ পিণ্ডাদি ভুক্ত্বা তত্র ততো ব্রজেৎ |
পয়োবর্ষণমিত্যেতন্নামকং পুরমণ্ডজ || ২, ৫. ১৩৮ ||
ব্রজন্নেবং বিলপতে কুঠারৈর্মূর্ধ্নি তাডিতঃ |
ক্ব ভৃত্যকোমলকরৈর্গন্ধতৈলাবসেচনম্ || ২, ৫. ১৩৯ ||
ক্ব কীনাশানুগৈঃ ক্রোধাৎকুঠারৈঃ শিরসি ব্যথা |
ঊনাব্দিকঞ্চ যচ্ছ্রাদ্ধং তত্র ভুঙ্ক্তে সুদুঃখিতঃ || ২, ৫. ১৪০ ||
সম্পূর্ণে তু ততো বর্ষে শীতাঢ্যং নগরং ব্রজেৎ |
গচ্ছন্নেবং ছুরিকয়া চ্ছিন্নজিহ্বস্তু রোদিতি || ২, ৫. ১৪১ ||
প্রিয়ালাপৈঃ ক্ব চ সসমধুরৎবস্য বর্ণনম্ |
উক্তমাত্রেঽসিপত্রাদিজিহ্বাচ্ছেদঃ ক্ব চৈব হি || ২, ৫. ১৪২ ||
বার্ষিকং পিণ্ডদানাদি ভুক্ত্বা তত্র প্রসর্পতি |
বহুভীতিকরং তত্তৎপিণ্ডজং দেবমাস্থিতঃ || ২, ৫. ১৪৩ ||
প্রকাশয়তি পাপ্পানমাত্মানঞ্চ বিনিন্দতি |
যোষিদপ্যেবমেতস্মিন্মার্গে বৈ পরিদেবতি || ২, ৫. ১৪৪ ||
ততো যাম্যং নাতিদূরে নগরং স হি গচ্ছতি |
চৎবারিংশদ্যোজনানি চতুর্যুক্তানিবিস্তৃতম্ || ২, ৫. ১৪৫ ||
ত্রয়োদশ প্রতীহারাঃ শ্রবণা নাম তত্র বৈ |
শ্রবণাকর্মতস্তুষ্যন্ত্যন্যথা ক্রোধমাপ্নুয়ুঃ || ২, ৫. ১৪৬ ||
ততস্তত্রাশু রক্তাক্ষং ভিন্নাঞ্জনচয়োপমম্ |
মৃত্যুকালান্তকাদীনাং মধ্যে পশ্যতি বৈ যমম্ || ২, ৫. ১৪৭ ||
দংষ্ট্রাকরালবদনং ভৃকুটীদারুণাকৃতিম্ |
বিরূপৈর্ভোষণৈর্বক্ত্রৈর্বৃতং ব্যাধিশতৈঃ প্রভুম্ || ২, ৫. ১৪৮ ||
দণ্ডাসক্তমহাবাহুং পাশহস্তং সুভৈরবম্ |
তন্নির্দিষ্টাং ততো জন্তুর্গতিং যাতি শুভাশুভাম্ || ২, ৫. ১৪৯ ||
পাপী পাপাং গতিং যাতি যথা তে কথিতং পুরা |
ছত্রোপানহদাতারো যে চ বেশ্মপ্রদায়কাঃ || ২, ৫. ১৫০ ||
যে তু পুণ্যকৃতস্তত্র তে পশ্যন্তি যমং তদা |
সৌম্যাকৃতিং কুণ্ডলিনং মৌলিমন্তং ধৃতশ্রিয়ম্ || ২, ৫. ১৫১ ||
একাদশে দ্বাদশে হি ষণ্মাসে আব্দিকে তথা |
বিপ্রান্বহূন্ভোজয়েত্তত্র যন্মহতী ক্ষুধা || ২, ৫. ১৫২ ||
জীবন্পুত্রকলত্রাদিপ্রদিষ্টমিতরৈঃ খগ |
যো ন সাধয়তি স্বার্থমেবং পশ্চাদ্ধিখিদ্যতে || ২, ৫. ১৫৩ ||
এতত্তে সর্বমাখ্যাতং সংযমিন্যাং যথাগতি |
প্রোক্তমাবর্ষকৃত্যং তে কিমন্যচ্ছ্রোতুমিচ্ছসি || ২, ৫. ১৫৪ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে বর্ষকৃত্যয়মলোকমার্গয়াতনাদিনিরূপণং
নাম পঞ্চমোঽধ্যায়ঃ

শ্রীগরুডমহাপুরাণম্-৬
গরুড উবাচ |
অপি সাধনয়ুক্তস্য তীর্থদানরতস্য চ |
অকৃতে তু বৃষোৎসর্গে পরলোকগতির্ন হি || ২, ৬. ১ ||
তস্মাৎকৃষ্ণ বৃষোৎসর্গঃ কর্তব্য ইতি মে শ্রুতম্ |
কিং ফলং বৃষয়জ্ঞস্য পুরা কেন কৃতো হরে || ২, ৬. ২ ||
অনড্বান্কীদৃশঃ প্রোক্তঃ কস্মিন্কালে বিশেষতঃ |
কো বিধিস্তস্য নির্দিষ্টঃ সর্বং মে কৃপয়া বদ || ২, ৬. ৩ ||
শ্রীকৃষ্ণ উবাচ |
ইতিহাসং মহাপুণ্যং প্রবক্ষ্যামি খগেশ্বর |
ব্রহ্মপুত্রেণ যৎপ্রোক্তং রাজানং বীরবাহনম্ || ২, ৬. ৪ ||
বিরাধনগরে রাজা বীরবাহননামকঃ |
ধর্মাত্মা সত্যসন্ধশ্চ বদান্যো বিপ্রতুষ্টিকৃৎ || ২, ৬. ৫ ||
স কদাচিদ্বনং বীরো মহাত্মাখেটকং গতঃ |
কিঞ্চিৎপ্রষ্টুমনাস্তার্ক্ষ্য বসিষ্ঠস্যাশ্রমং যয়ৌ || ২, ৬. ৬ ||
নমস্কৃত্য মুনিং তত্র কৃতাসনপরিগ্রহঃ |
পশ্রয়াবনতো রাজা পপ্রচ্ছ ঋষিসংসদি || ২, ৬. ৭ ||
রাজোবাচ |
মুনে ময়া কৃতো ধর্মো যথাশক্তি প্রয়ত্নতঃ |
যমস্য শাসনং শ্রুৎবা বিভেমি নিতরাং হৃদি || ২, ৬. ৮ ||
যমঞ্চ যমদূতাংশ্চ নিরয়ান্ঘোরদর্শনান্ |
ন পশ্যামি মহাভাগ তথা বদ দয়ানিধে || ২, ৬. ৯ ||
বসিষ্ঠ উবাচ |
ধর্মা বহুবিধা রাজন্বর্ণ্যন্তে শাস্ত্রকোবিদৈঃ |
সূক্ষ্মৎবান্ন বিজানন্তি কর্মমার্গবিমোহিতাঃ || ২, ৬. ১০ ||
দানং তীর্থং তপো যজ্ঞাঃ সংন্যাসঃ পৈতৃকো মহঃ |
ধর্মেষু গৃহ্যমাণেষু বৃষোৎসর্গো বিশেষিতঃ || ২, ৬. ১১ ||
এষ্টব্যা বহবঃ পুত্রা যদ্যেকোঽপি গয়াং ব্রজেৎ |
যজেত বাশ্বমেধেন নীলং বা বৃষমুৎসৃজেৎ || ২, ৬. ১২ ||
ব্রহ্মহত্যাদিপাপানি জ্ঞানাজ্ঞানকৃতানি চ |
নীলোদ্বাহেন শুধ্যেত্তু সমুদ্রপ্লবনেন বা || ২, ৬. ১৩ ||
একাদশাহে রাজেন্দ্র যস্য নোৎসূজ্যতে বৃষঃ |
প্রেতৎবং নিশ্চলং তস্য কৃতৈঃ শ্রাদ্ধৈস্তু কিং ভবেৎ || ২, ৬. ১৪ ||
যথাকথঞ্চিৎকর্তব্যস্তীর্থে বা পত্তনেঽথ বা |
বৃষয়জ্ঞৈঃ প্রমুচ্যতে নান্যথা সাধনৈঃ খগ || ২, ৬. ১৫ ||
বৃষভং পঞ্চকল্যাণং যুবানং কৃষ্ণকম্বলম্ |
গোয়ূথমধ্যে নিতরাং বিচরন্তং বিধানতঃ || ২, ৬. ১৬ ||
চতসৃভির্বৎসকাভির্দ্বাভ্যাঞ্চৈবৈকয়া খগ |
বিবাহ্য মঙ্গলদ্রব্যৈর্মন্ত্রবত্তং সমুৎসৃজেৎ || ২, ৬. ১৭ ||
ইহ রতীতি ষডৃগ্ভির্হেমং কুর্যাদ্বিভাবসোঃ |
কার্তিক্যাং মাঘবৈশাখ্যাং সঙ্ক্রমে পাতপর্বসু || ২, ৬. ১৮ ||
তীর্থে পিত্র্যেক্ষয়াহে চ বিশেষেণ প্রশস্যতে |
লোহিতো যস্তু বর্ণেন মুখে পুচ্ছে চ পাণ্ডুরঃ || ২, ৬. ১৯ ||
পীতঃ খুরবিষাণেষু স নীলো বৃষ উচ্যতে |
শ্বেতবর্ণো ভবেদ্বিপ্রো লোহিতঃ ক্ষত্ত্র উচ্যতে || ২, ৬. ২০ ||
পীতবর্ণো ভবেদ্বৈশ্যঃ শূদ্রঃ কৃষ্ণঃ স্মৃতো বুধৈঃ |
যথাবর্ণং সমুদ্দিষ্টো বর্ণেষু ব্রাহ্মণাদিষু || ২, ৬. ২১ ||
অথ বা রক্তবর্ণস্তু সর্বেষামেব শস্যতে |
পিতা পিতামহশ্চৈব তথৈব প্রপিতামহঃ || ২, ৬. ২২ ||
আশাসতে সুতং জাতং বৃষোৎসর্গং করিষ্যতি |
ধর্মস্ত্বং বৃষরূপেণ জগদানন্দদায়কঃ || ২, ৬. ২৩ ||
অষ্টমূর্তেরধিষ্ঠানমতঃ শান্তিং প্রয়চ্ছ মে |
গঙ্গায়মুনয়োঃ পেয়মন্তর্বেদি তৃণং চর || ২, ৬. ২৪ ||
ধর্মরাজস্য পুরতো বাচ্যং মে সুকৃতং বৃষ |
দক্ষিণাংসে ত্রিশূলাঙ্কং বামোরৌ চক্রচিহ্নিতম্ || ২, ৬. ২৫ ||
ইতি সম্প্রার্থ্য বৃষভং গন্ধপুষ্পাক্ষতাদিভিঃ |
বৃষং তৎসতরীয়ুক্তং পূজয়িৎবা সমুৎসৃজেৎ || ২, ৬. ২৬ ||
তস্মাদ্রাজন্বিধানেন বৃষোৎসর্গং সমাচর |
বহুসাধনয়ুক্তস্য নান্যথা সদ্গতিস্তব || ২, ৬. ২৭ ||
আসীত্ত্রেতায়ুগে পূর্বং বিদেহনগরে নৃপ |
ব্রাহ্মণো ধর্মবৎসেতি স্বকর্মনিরতঃ সুধীঃ || ২, ৬. ২৮ ||
বিষ্ণুভক্তোঽতিতেজস্বী যথালাভেন তুষ্টিকৃৎ |
পিতৃপর্বণি সম্প্রাপ্তে কুশার্যো কাননং যয়ৌ || ২, ৬. ২৯ ||
অটন্নিতস্ততস্তত্র চিন্বন্কুশপলাশকম্ |
সহসোপেত্য পুরুষাশ্চাৎবারশ্চারুদর্শনাঃ || ২, ৬. ৩০ ||
বিভ্রান্তমনসং গৃহ্য প্রত্যগ্জগ্মুর্বিহায়সা |
বহুবৃক্ষসমাকীর্ণং গিরিদুর্গভয়ানকম্ || ২, ৬. ৩১ ||
বনাদ্বনান্তরং নিন্যুর্নদীনদসমাকুলম্ |
স তত্র নগরং রাজন্দদর্শ বহুবিস্তরম্ || ২, ৬. ৩২ ||
গোপুরদ্বাররচিতং সৌধপ্রাসাদমণ্ডিতম্ |
চৎবরাপণপণ্যাদিনরনারীসমাকুলম্ || ২, ৬. ৩৩ ||
তূর্যদ্বন্দ্বাভিনির্ঘোষবীণাপটহনাদিতম্ |
কাংশ্চিৎক্ষুধার্দিতান্দীনান্মলিনান্বিগতৌজসঃ || ২, ৬. ৩৪ ||
ততোঽতিতুষ্টান্মলিনান্বস্ত্রখণ্ডসমাবৃতান্ |
অগ্রতো হৃষ্টপুষ্টাংশ্চ স্বর্ণবস্ত্রোপশোভিতান্ || ২, ৬. ৩৫ ||
ততোঽপি সুরসঙ্কাশান্স দৃষ্ট্বা বিস্মিতোঽভবৎ |
কিং স্বপ্ন উত মায়া বৈ মদীয়ো মানসো ভ্রমঃ || ২, ৬. ৩৬ ||
সন্দিহানং দ্বিজং নিন্যুঃ পুরুষা রাজসন্নিধিম্ |
সতদ্দদর্শ বিপ্রস্তু স্বর্ণপ্রাসাদমন্দিরে || ২, ৬. ৩৭ ||
সিংহাসনমহাদিব্যং ছত্রচামরবীজিতম্ |
তত্রোপ বিষ্টং রাজানং কিরীটকনকোজ্জ্বলম্ || ২, ৬. ৩৮ ||
মহত্যা চ শ্রিয়া যুক্তং স্তূয়মানং সুবন্দিভিঃ |
রাজাপি দৃষ্ট্বা তং বিপ্রং প্রত্যুত্থায় কৃতাঞ্জলিঃ || ২, ৬. ৩৯ ||
পূজয়ামাস বিধিবন্মধুপর্কাস নাদিভিঃ |
সন্তুষ্টমনসং দেবমস্তৌষীৎপরয়া মুদা || ২, ৬. ৪০ ||
অদ্য মে সফলং জন্ম পাবিতঞ্চ কুলং প্রভো |
বিষ্ণুভক্তস্য ধর্মস্য যত্তে দৃগ্গোচরং গতঃ || ২, ৬. ৪১ ||
নৎবা স্তুৎবা বহুবিধমুবাচানুবসন্নৃপঃ |
যতঃ সমাগতো দেবঃ পুনস্তত্রৈব নীয়তাম্ || ২, ৬. ৪২ ||
ইতি শ্রুৎবা বচো রাজ্ঞঃ পপ্রচ্ছ দ্বিজপুঙ্গবঃ |
ব্রাহ্মণ উবাচ |
কোঽযং দেশ-কুতো লোকা উত্তমা মধ্যমাধমাঃ || ২, ৬. ৪৩ ||
কেন পুণ্যেন তু ভবান্পারমেষ্ট্যবিভূষিতঃ |
কিমর্থমহমানীতঃ পুনস্তত্রৈব নীয়তে || ২, ৬. ৪৪ ||
অপূর্বমিব পশ্যামি সর্বং স্বপ্নগতো যথা |
রাজোবাচ |
স্বধর্মনিরতো যস্তু হরিভক্তিরতঃ সদা || ২, ৬. ৪৫ ||
বিরক্ত ইন্দ্রিয়ার্থেভ্যঃ স মে পূজ্যো ন সংশয়ঃ |
তীর্থয়াত্রাপরো নিত্যং বৃষোৎসর্গবিশেষবিৎ || ২, ৬. ৪৬ ||
সত্যদানপরো যস্তু স নমস্যো দিবৌকসাম্ |
দর্শনার্থমিহানীতঃ পূজার্হশ্চ পরন্তপ || ২, ৬. ৪৭ ||
অনুগৃহাণ মাং দেব ক্ষমস্ব মম সাহসম্ |
ইত্যুক্ত্বা দর্শয়ামাস মন্ত্রিণাং সঞ্জ্ঞয়া ভ্রুবঃ || ২, ৬. ৪৮ ||
বদিষ্যতি সমগ্রং তে স্বয়ং বক্তুং ন সাম্প্রতম্ |
সামন্তঃ সর্ববেদজ্ঞো জ্ঞাৎবা হার্দং নৃপস্য চ || ২, ৬. ৪৯ ||
বিপশ্চিদুবাচ |
পূর্বজন্মনি বৈশ্যোঽযং বিশ্বম্ভর ইতি শ্রুতঃ |
বিরাধনগরে বিপ্র দ্বিজদেববিভূষিতে || ২, ৬. ৫০ ||
বৈশ্যবৃত্ত্যা সদা জীবন্কুটুম্বপরিপালকঃ |
গবাং শুশ্রূষকো নিত্যং ব্রাহ্মণানাঞ্চ পূজকঃ || ২, ৬. ৫১ ||
পাত্রদানপরো নিত্যমাতিথেয়াগ্নিসেবকঃ |
গার্হস্থ্যং বিধিবচ্চক্রে ভার্যয়া সত্যমেধয়া || ২, ৬. ৫২ ||
স্মার্তেন লোকানজয়চ্ছ্রৌতেন ত হবির্ভুজঃ |
কদাচিদ্বন্ধুভিঃ সাকং কৃৎবা তীর্থানি ভূরিশঃ || ২, ৬. ৫৩ ||
যাবদায়াতি সদনং দৃষ্টবাল্লোমশং পথি |
দণ্ডবৎপ্রণিপত্যাশু কৃতাঞ্জলিপুটং স্থিতম্ || ২, ৬. ৫৪ ||
পপ্রচ্ছ বিনয়োপেতং করুণাবারিবারিধিঃ |
ঋষিরুবাচ |
কুত আগম্যতে সাধো ব্রাহ্মণৈর্বন্ধুভির্যুতঃ || ২, ৬. ৫৫ ||
দৃষ্ট্বা ৎবাং ধর্মনিলয়ং প্রক্লিন্নং মানসং মম |
বিশ্বম্ভর উবাচ |
শীর্যমাণং শরীরং হি জ্ঞাৎবা মৃত্যুং পুরঃ স্থিতম্ || ২, ৬. ৫৬ ||
ভর্যয়া ধর্মচারিণ্যা তীর্থয়াত্রাং বিনির্গতঃ |
কৃৎবা তীর্থানি বিধিবদ্বিশ্রাণ্য বিপুলং বসু || ২, ৬. ৫৭ ||
যাবদ্ব্রজাম্যহং বেশ্ম ভবান্দৃষ্টিপথং গতঃ |
লোমশ উবাচ |
তীর্থানি সন্তি ভূরীণি বর্ষৈঽস্মিন্ভারতে শুভে || ২, ৬. ৫৮ ||
যত্ত্বয়া হ্যুপচীর্ণানি তানি সর্বাণি মে বদ |
বৈশ্য উবাচ |
গঙ্গা চ সূর্য তনয়া মহাপুণ্যা সরস্বতী || ২, ৬. ৫৯ ||
দশাশ্বমেধৈরয়জদ্যত্র ব্রহ্মা সুরেশ্বরঃ |
তীর্থরাজস্ততঃ কাশী মহাদেবো দয়ানিধিঃ || ২, ৬. ৬০ ||
মৃতানাং যত্র জন্তূনাং কর্ণে জপতি তারকম্ |
পুলহস্যাশ্রমং পুণ্যং ফল্গুতীর্থঞ্চ গণ্ডকী || ২, ৬. ৬১ ||
চক্রতীর্থং নৈমিষঞ্চ শিবতীর্থমনন্তকম্ |
গোপ্রতারকনাগেশময়োধ্যাবিন্দুসঞ্জ্ঞিতম্ || ২, ৬. ৬২ ||
যত্রাস্ত মুক্তিদঃ সাক্ষাদ্রামো রাজীবলোচনঃ |
আগ্নেয়ং বায়ুকৌবেরং কৌমারং ভূরুহাং পুনঃ || ২, ৬. ৬৩ ||
সৌকরং মথুরা যত্র নিত্যং সন্নিহতো হরিঃ |
পুষ্করং সত্যতীর্থঞ্চ জ্বালতীর্থং দিনেশ্বরম্ || ২, ৬. ৬৪ ||
ইন্দ্রতীর্থং কুরুক্ষেত্রং যত্র প্রাচী সরস্বতী |
তাপী পয়োষ্ণী নির্বিন্ধ্যা মলয়ঃ কৃষ্ণবেণিকা || ২, ৬. ৬৫ ||
গোদাবরী দণ্ডকঞ্চ তাম্রচূডং সদোদকম্ |
দ্যাবাভূমীশ্বরং দৃষ্ট্বা শ্রীশৈলঃ পর্বতেশ্বরঃ || ২, ৬. ৬৬ ||
অসঙ্খ্যলিঙ্গতীর্থানি যত্র সন্তি সদা মুনে |
বেঙ্কটাদ্রৌ মহাতেজাঃ শ্রীরঙ্গাখ্যঃ স্বয়ং হরিঃ || ২, ৬. ৬৭ ||
বেঙ্কটী নাম তত্রৈব দেবী মহিষমর্দিনী |
চন্দ্রতীর্থং ভদ্রবটঃ কাবেরীকুটিলাচলৌ || ২, ৬. ৬৮ ||
অবটোদা তাম্রপর্ণো ত্রিকৃটঃ কোল্লকো গিরিঃ |
বাসিষ্ঠং ব্রহ্মতীর্থঞ্চ জ্ঞানতীর্থং মহোদধিঃ || ২, ৬. ৬৯ ||
হৃষীকেশং বিরাজঞ্চ বিশালং নীলপর্বতঃ |
ভীমকূটঃ শ্বেতগিরী রুদ্রতীর্থমুমাবনম্ || ২, ৬. ৭০ ||
অবাপ গিরিজা দেবী তপসা যত্র শঙ্করম্ |
বারুণং সূর্যতীর্থঞ্চ হংসতীর্থং মহোদয়ম্ || ২, ৬. ৭১ ||
নিমজ্জ্য যত্র কাকোলা রাজহংসৎবমায়য়ুঃ |
অসুরো যত্র দেবৎবমবাপ স্নানমাত্রতঃ || ২, ৬. ৭২ ||
বিশ্বরূপং বন্দিতীর্থং রত্নেশঃ কুহকাচলঃ |
নরনারায়ণং দৃষ্ট্বা মুচ্যতে পাপকোটিভিঃ || ২, ৬. ৭৩ ||
সরস্বতীদৃষদ্বত্যৌ নর্মদা শর্মদা নৃণাম্ |
নীলকণ্ঠং মহাকালং পুণ্যং চামরকণ্টকম্ || ২, ৬. ৭৪ ||
চন্দ্রভাগা বেত্রবতী বীরভদ্রং গণেশ্বরম্ |
গোকর্ণং বিল্বতীর্থঞ্চ কর্মকুণ্ডং সতারকম্ || ২, ৬. ৭৫ ||
স্নানমাত্রেণ যত্রাশু মুচ্যতে কর্মবন্ধনাৎ |
অন্যান্যপি চ তীর্থানি কৃতানি কৃপয়া তব || ২, ৬. ৭৬ ||
উৎপদ্যতে শুভা বুদ্ধিঃ সাধূনাং যদনুগ্রহঃ |
একতঃ সর্বতীর্থানি করুণাঃ সাধবোঽন্যতঃ || ২, ৬. ৭৭ ||
অনুগ্রহায় ভূতানাং চরন্তি চরিতব্রতাঃ |
ৎবং গুরুঃ সর্বর্ণানাং বিদ্যয়া বয়সাধিকঃ || ২, ৬. ৭৮ ||
অতঃ পৃচ্ছাম্যহং কিঞ্চিদাধিভূতং চিরন্তনম্ |
কিং কুর্যাং কং নু পৃচ্ছেঽহং মনো মেঽতিচলং মুনে || ২, ৬. ৭৯ ||
নিঃ স্পৃহং ব্রহ্মবিষয়ে বিষয়েষ্বতিলালসম্ |
মনাগপি ন সহতে বিরহং তিমিরং ব্রুবৎ || ২, ৬. ৮০ ||
মোহিতং বিবিধৈর্ভাবৈঃ কর্মণাং ক্ষেত্রমুত্তমম্ |
শান্তিং যথা সমায়াতি সম্পন্নমিব ভূসুর || ২, ৬. ৮১ ||
বিবেকপ্রবণং শুদ্ধং যথা স্যাৎকৃপয়া বদ |
ঋষিরুবাচ |
মনস্তু প্রবলং নিত্যং সবিকারং স্বভাবতঃ || ২, ৬. ৮২ ||
বশং নয়ন্তি করিণং প্রমত্তমপি হস্তিপাঃ |
তথাপি সাধুসঙ্গত্যা সাধনৈরপ্যতন্দ্রিতঃ || ২, ৬. ৮৩ ||
তীব্রেণ ভক্তিয়োগেন বিচারেণ বশং নয়েৎ |
ইতিহাসং প্রবক্ষ্যামি তব প্রত্যয়কারকম্ || ২, ৬. ৮৪ ||
নারদোঽকথয়ন্মহ্যং স্ববৃত্তগতজন্মনঃ |
নারদ উবাচ |
কস্যচিদ্দ্বিজমুখ্যস্য দাসীপুত্ত্রঃ পুরা মুনে || ২, ৬. ৮৫ ||
শিক্ষিতো বালভাবেঽপি পাঠিতো নিতরামহম্ |
তত্রাপি সঙ্গতির্জাতা মহতাং পুণ্যকর্মণাম্ || ২, ৬. ৮৬ ||
প্রাবৃট্কালে মম গৃহে স্থিতানাং ভাগ্যয়োগতঃ |
শুশ্রূষণানুবৃত্ত্যা চ প্রশ্রয়েণ দমেন চ || ২, ৬. ৮৭ ||
সন্তোষং পরমং প্রাপ্য কৃপয়া ৎবিদমব্রুবন্ |
মনীষা নির্মলা যেন জাতা মম শুভার্থিনী || ২, ৬. ৮৮ ||
যয়া বিষ্ণুময়ং সর্বম্ত্মন্যেব দদৃশিবান্ |
মুনয় ঊচুঃ |
শৃণু বৎস প্রবক্ষ্যা মো হিতায় তব বালক || ২, ৬. ৮৯ ||
যেন বৈ ধ্রিয়মাণেন ইহামুত্র সুখং ভবেৎ |
দেবতির্যঙ্মনুষ্যাশ্চ সংসারে বিবিধা জনাঃ || ২, ৬. ৯০ ||
নিবদ্ধাঃ কর্মপশৈস্তে ভুঞ্জন্ভোগান্পৃথগ্বিধান্ |
দেবৎবং যাতি সত্ত্বেন রজসা চ মনুষ্যতাম্ || ২, ৬. ৯১ ||
তির্যক্ত্বং তমসা জন্তুর্বাসনানুগতোঽবুধঃ |
মাতুর্লব্ধ্বা পুনর্জন্ম ম্রিয়তে চ পুনঃ পুনঃ || ২, ৬. ৯২ ||
এবং গৎবা হ্যসঙ্খ্যাতা যোনীস্তাঃ কর্মভূরপি |
মানুষ্যং দুর্লভং লব্ধ্বা কদাচিদ্দৈবয়োগতঃ || ২, ৬. ৯৩ ||
অনুগ্রহেণ মহতাং হরিং জ্ঞাৎবা বিমুচ্যতে |
রোগগ্রাহং মোহজালমপারং ভবসাগরম্ || ২, ৬. ৯৪ ||
ন পশ্যামি তিতীর্ষোরন্যদ্রামস্মরণং বিনা |
নবনীয়ং যথা দধ্নো জ্যোতিঃ কাষ্ঠাদপি ক্বচিৎ || ২, ৬. ৯৫ ||
মন্থনৈঃ সাধনৈরেবং পরং জ্ঞাৎবা সুখী ভবেৎ |
আত্মা নিত্যোঽব্যয়ঃ সত্যঃ সর্বগঃ সর্বভৃন্মহান্ || ২, ৬. ৯৬ ||
অপ্রমেয়ঃ স্বয়ঞ্জ্যোতিরগ্রাহ্যো মনসাপি যঃ |
সচ্চিদানন্দরূপোঽসৌ সর্বপ্রাণিহৃদি স্থিতঃ || ২, ৬. ৯৭ ||
বিনশ্যৎস্বপি ভাবেষু ন বিনশ্যতি কর্হিচিৎ |
আকাশঃ সর্বভূতেষু স্থিতস্তেজোজলে তথা || ২, ৬. ৯৮ ||
আত্মা সর্বত্র নির্লেপঃ পার্থিবেষু যথানিলঃ |
ভক্তানুকম্পী ভগবান্সাধূনাং রক্ষণায় চ || ২, ৬. ৯৯ ||
আবির্ভবতি লোকেষুগুণীবাজ্ঞৈঃ প্রতীয়তে |
এবংবিবেকৎবয়া যো বুদ্ধ্যা সংশীলয়েদ্ধৃদি || ২, ৬. ১০০ ||
ভক্তিয়োগেন সন্তুষ্ট আত্মানং দর্শয়েদজঃ |
ততঃ কৃতার্থো ভবতি সদা সর্বত্র নিঃ স্পৃহঃ || ২, ৬. ১০১ ||
অতোঽহঙ্কারমুৎসৃজ্য সানুবন্ধে কলেবরে |
চরেদসঙ্গো লোকেষু স্বপ্নপ্রায়েষু নির্মমঃ || ২, ৬. ১০২ ||
ক্ব স্বপ্নে নিয়তং ধৈর্যমিন্দ্রজালে ক্ব সত্যতা |
ক্ব নিত্যতা শরন্মেঘে ক্ব বা সত্যং কলেবরে || ২, ৬. ১০৩ ||
অবিদ্যাকর্মজনিতং দৃশ্যমানং চরা চরম্ |
জ্ঞাৎবাচারবশী যোগী ততঃ সিদ্ধিমবাপ্স্যসি || ২, ৬. ১০৪ ||
ইত্যুক্ত্বা তে গতাঃ সর্বে সাধবো দীনবৎসলাঃ |
সোঽহং তদুক্তমার্গেণ তথৈবাচরমন্বহম্ || ২, ৬. ১০৫ ||
ততোঽচিরেণাত্মনীদং দৃষ্টবানহমদ্ভুতম্ |
জ্যোতির্ময়ং সদানন্দং শরচ্ছীতাংশুনির্মলম্ || ২, ৬. ১০৬ ||
নিষিচ্য সুখসন্দোহৈর্মাং কৃৎবাধিকসস্পৃহম্ |
অন্তর্হিতং মহতেজো যথা সৌদামিনী দিবি || ২, ৬. ১০৭ ||
ভক্ত্যা তদেব মনসি ভাবয়ন্নহমদ্ভুতম্ |
কালে কলেবরং ত্যক্ত্বা গতবান্হরিমব্যয়ম্ || ২, ৬. ১০৮ ||
তস্যেচ্ছয়া পুনর্ব্রহ্মন্ব্রহ্মণো মেঽভবজ্জনিঃ |
অনুগ্রহাদ্ভগবতস্ত্রিষু লোকেষু নিঃ স্পৃহঃ || ২, ৬. ১০৯ ||
আপীডয়ন্মুহুর্বোণাং গায়মানশ্চরাম্যহম্ |
ইত্যুক্ত্বা মে স্বানুভবং যয়ৌ যাদৃচ্ছিকো মুনিঃ || ২, ৬. ১১০ ||
মমাপি পরমাশ্চর্যং সন্তোষশ্চ মহানভূৎ |
অতস্তে সাধুসঙ্গত্যা ভক্ত্যা চ পরমাত্মনঃ || ২, ৬. ১১১ ||
বিশুদ্ধং নির্মলং শান্তং মনো নির্বৃতিমেষ্যতি |
অনেকজন্মজনিতং পাতকং সাধুসঙ্গমে || ২, ৬. ১১২ ||
ক্ষিপ্রং নশ্যতি ধর্মজ্ঞ জলানাং শরদো যথা |
বৈশ্য উবাচ |
পীৎবা তে বাক্যপীয়ূষং স্বান্তং মে শান্তিমাগমৎ || ২, ৬. ১১৩ ||
সর্বতীর্থফলং মেঽধ্য সঞ্জাতং তব দর্শনাৎ |
ইতি শ্রুৎবা বচস্তস্য প্রোবাচ ঋপিসত্তমঃ || ২, ৬. ১১৪ ||
লোমশ উবাচ |
হিতায় তব রাজেন্দ্র ত্রিবর্গফলমিচ্ছতঃ |
যত্ত্বয়া সুকৃতং ভূরিবৃষোৎসর্গং বিনা কৃতম্ || ২, ৬. ১১৫ ||
মন্যেঽকিঞ্চৎকরং সর্বং নীহারসলিলং যথা |
বৃষোৎসর্গসমং কিঞ্চিৎসাধনং ন মহীতলে || ২, ৬. ১১৬ ||
অনায়াসেন গচ্ছন্তি গতিং তে পুণ্যকর্মণাম্ |
বৃষোৎসর্গঃ কৃতো যেন অশ্বমেধস্য যাজকঃ || ২, ৬. ১১৭ ||
উভৌ সমৌ ময়া দৃষ্টৌ দিব্যৌ তৌ শক্রসন্নিধৌ |
অতস্ত্বং পুষ্করং গৎবা বৃষোৎসর্গং বিধায় চ || ২, ৬. ১১৮ ||
ততো যাহি গৃহং সাধো যেন সর্বং কৃতং ভবেৎ |
বিপশ্চিদুবাচ |
ততঃ স পুনরাগত্য কার্তিক্যাং পুষ্করে বরে || ২, ৬. ১১৯ ||
বরাহরূপী ভগবান্যত্রাস্তে যজ্ঞপূরকঃ |
চকার বিধিবৎসর্বং যুদ্কমৃষিসত্তমৈঃ || ২, ৬. ১২০ ||
গতানি বহুতীর্থানি ততো লোমশসঙ্গতিঃ |
ততোঽধিকতরং জাতং পুণ্যং নীলবিবাহজম্ || ২, ৬. ১২১ ||
সভুক্ত্বা বিষয়ান্দিব্যান্বিমানবরমাশ্রিতঃ |
তেন রাজকুলে জন্ম বীরসেনস্য ধর্মতঃ || ২, ৬. ১২২ ||
বীরপঞ্চাননাখ্যাতঞ্চতুর্বর্গৈকসাধকম্ |
প্রকুর্বতো বৃষোৎসর্গং তত্র যে পরিচারকাঃ || ২, ৬. ১২৩ ||
দিব্যরূপাভবন্স্পৃষ্টা গোপুচ্ছোদকশীকরৈঃ |
সুরূপাঃ পুষ্টবপুষঃ পশ্যন্তো দূরসংস্থিতাঃ || ২, ৬. ১২৪ ||
ততো দূরতরা যে চ দৃশ্যন্তে মলিনা জনাঃ |
দুর্ভগা মলিনা রূক্ষাঃ কৃশা বিগতবাসসঃ || ২, ৬. ১২৫ ||
বৃষয়জ্ঞমপশ্যন্তো যে চাসূয়াং প্রকুর্বতে |
সর্বং নিবেদিতং রাজ্ঞশ্চরিতং পূর্বজন্মনঃ || ২, ৬. ১২৬ ||
ধর্ম্যং বিচিত্রমাখ্যানং শ্রুতং মে যৎপরাশরাৎ |
অতস্ত্বং স্বগৃহং গচ্ছ কৃপাং কৃৎবা মমোপরি || ২, ৬. ১২৭ ||
শ্রুৎবা বিপশ্চিদ্বাক্যং স বিস্ময়ং পরমং গতঃ |
গৃহং জগাম বিপ্রোঽসৌ প্রাপিতো রাজসেবকৈঃ || ২, ৬. ১২৮ ||
বসিষ্ঠ উবাচ |
তস্মাদ্রাজন্বৃষোৎসর্গং বরিষ্ঠং সর্বকর্মণাম্ |
সমাচর বিধানেন যদি ভীতো যমাদপি || ২, ৬. ১২৯ ||
বৃষোৎসর্গসমং কিঞ্চিৎসাধনং নদিবঃ পরম্ |
ময়া ধর্মরহস্যং তে কথিতং রাজসত্তম || ২, ৬. ১৩০ ||
পতিপুত্রবতী নারী ভর্তুরগ্রে মৃতা যদি |
বৃষোৎসর্গং ন কুর্বীত গাং দদ্যাচ্চ পয়স্বিঃ নীম্ || ২, ৬. ১৩১ ||
শ্রীকৃষ্ণ উবাচ |
শ্রুৎবা বাক্যং বসিষ্ঠস্য রাজা মধুপুরীং গতঃ |
চকার বিধিবৎসর্বং বৃষোৎসর্গমহং খগ || ২, ৬. ১৩২ ||
গৃহং গৎবা স আত্মানং কৃতকৃত্যমমন্যত |
কালেন নিধনং প্রাপ্তো নীতো বৈবস্বতানুগৈঃ || ২, ৬. ১৩৩ ||
স কালনগরং হিৎবা গতো দূরতরং পথি |
শ্রাদ্ধদেবপুরং কুত্রেত্যেবং দূতানপৃচ্ছত || ২, ৬. ১৩৪ ||
পাপিনো যত্র পাত্যন্তে যাম্যৈ পাপবিশুদ্ধয়ে |
যত্র দেবঃ স ধর্মাধর্মবিচেতনঃ || ২, ৬. ১৩৫ ||
গতং পাপপুরং তত্তু ন দ্রষ্টব্যং ভবাদৃশৈঃ |
অগ্রে দৃষ্ট্বা ধর্মরাজমূচুস্তে পরমাদরাৎ || ২, ৬. ১৩৬ ||
দিব্যরূপস্তদা দেবো দেবগন্ধর্বসংযুতঃ |
আত্মানং দর্শয়া মাস তস্য রাজ্ঞো মহাত্মনঃ || ২, ৬. ১৩৭ ||
প্রণম্য দণ্ডবদ্রাজা কৃতাঞ্জলিঃ পুরঃ স্থিতঃ |
তুষ্টাব বহুধা দেবং হর্ষপুরিতমানসঃ || ২, ৬. ১৩৮ ||
ধর্মরাজোঽপি রাজানং প্রশস্যেদমুবাচ হ |
নীয়তাং দেবলোকায় যত্র ভোগাঃ সুপুষ্কলাঃ || ২, ৬. ১৩৯ ||
তদ্বীরবাহনঃ শ্রুৎবা পপ্রচ্ছসমবর্তিনম্ |
ন জানে কেন পুণ্যেন স্বর্গং নয়সি মাং বিভো || ২, ৬. ১৪০ ||
ধর্মরাজ উবাচ |
ৎবয়া কৃতানি পুণ্যানি দানং যজ্ঞাঃ সবিস্তরাঃ |
মথুরায়াং বৃষোৎসর্গো বসিষ্ঠবচনাৎকিল || ২, ৬. ১৪১ ||
ধর্মঃ স্বল্পোঽপি নৃপতে যদি সম্যগুপাসিতঃ |
দ্বিজদেবপ্রসাদেন স যাতি বহুবিস্তরম্ || ২, ৬. ১৪২ ||
ইত্যুক্ত্বা যমুনাভ্রাতা ক্ষণাদন্তর্ধিমায়য়ৌ |
বীরবাহুর্দিবং গৎবা দেবৈঃ সহ মুমোদ হ || ২, ৬. ১৪৩ ||
শ্রীকৃষ্ণ উবাচ |
ময়া তে কথিতং পক্ষিন্বৃষয়জ্ঞঃ সুবিস্তরঃ |
প্রাণিনাং কর্মনির্হারং শ্রুৎবা পাপৈঃ প্রমুচ্যতে || ২, ৬. ১৪৪ ||

ইতি শ্রীগারুডে মহাপুরাণে উত্তরখণ্ডে দ্বিদৃ ধদৃপ্রেতকল্পে
শ্রীকৃষ্ণগরুডসংবাদে বৃষোৎসর্গমাহাত্ম্যনিরূপণং নাম ষষ্ঠোঽধ্যায়ঃ

শ্রীগরুডমহাপুরাণম্-৭
গরুড উবাচ |
শ্রুতং মে মহাদাখ্যানং বৃষোৎসর্গফলং হরে |
পুনরন্যাং কথাং ব্রূহি যত্র তে মহিমাদ্ভুতঃ || ২, ৭. ১ ||
শ্রীকৃষ্ণ উবাচ |
অহং তে কথয়াম্যদ্য সংবাদং পরমাদ্ভুতম্ |
সন্তপ্তকস্য চ প্রেতৈস্তদ্রূপজ্ঞাপনায় বৈ || ২, ৭. ২ ||
বিপ্রঃ সন্তপ্তকঃ কশ্চিত্তপসাদগ্ধকিল্বিষঃ |
সংসারাসারতাং জ্ঞাৎবারণ্যষ্বেব চচার হ || ২, ৭. ৩ ||
বৈখানসমুনিব্রাতৈঃ প্রাণিপাতকৃতেক্ষণঃ |
স কদাচিত্তীর্থয়াত্রামুদ্দিশ্য স্মাটতিদ্বিজঃ || ২, ৭. ৪ ||
প্রত্যাকৃষ্টেন্দ্রিয়ৎবাচ্চ বহির্বৃত্তিনিরোধকঃ |
সংস্কারমাত্রগমনো মার্গভ্রষ্টো বভূব হ || ২, ৭. ৫ ||
চলন্নেবং স্নানকালে মধ্যাহ্নেঽথাভিলাষুকঃ |
জলস্যোন্মীল্য নয়নে দিশঃ সর্বা ন্যভীলয়ৎ || ২, ৭. ৬ ||
স দদর্শ তদা গুল্মৈর্বোরুদ্বৃক্ষশতৈশ্চিতম্ |
ৎবক্সারৈঃ শাখিশাখাভিঃ সঙ্কুলং গহনংবনম্ || ২, ৭. ৭ ||
তত্র তালাস্তমালাশ্চ প্রিয়ালাঃ পনসাস্তথা |
শ্রীপর্ণো শালশাখোটস্যন্দনাস্তিন্দুকাস্তথা || ২, ৭. ৮ ||
সর্জার্জুনাম্রাতকাশ্চ শ্লেষ্মা তকভিভীতকৌ |
পিচুমর্দশ্চিঞ্চিণী চ কর্কন্ধূকর্ণিকারকাঃ || ২, ৭. ৯ ||
এতে চান্যে চ বহবো বৃক্ষাস্তেষু ন দৃশ্যতে |
পক্ষিণামপি বৈ পন্থা মনুষ্যস্য কুতঃ পুনঃ || ২, ৭. ১০ ||
তস্মিন্বনে মহাঘোরে সিংহব্যাঘ্রসমাকুলে |
তরক্ষুগবয়ৈরৃক্ষৈর্মহিষৈশ্চ নিষেবিতে || ২, ৭. ১১ ||
কুঞ্জ রৈরুরুভির্নাগৈর্মর্কটৈশ্চ তথামৃগৈঃ |
শ্বাপদৈশ্চ তথা চান্যৈঃ পিশাচৈ রাক্ষসৈর্বৃতে || ২, ৭. ১২ ||
সন্তপ্তকো দ্বিজঃ কিঞ্চিদ্ভয়সন্ত্রস্তমানসঃ |
কান্দিশীকঃ সমভবঢ্ যদ্ভবিষ্যো যয়ৌ পুনঃ || ২, ৭. ১৩ ||
ঝঙ্কারেষু চ ঝিল্লীনাং ঘূকানাং ঘূৎকৃতেষ্বপি |
দত্তকর্ণঃ কুনীলাঙ্গশ্চচাল পদপঞ্চকম্ || ২, ৭. ১৪ ||
স তত্র বটবৃক্ষাগ্রে স্নায়ুবদ্ধং শবং তথা |
দদর্শ তদ্ভুজশ্চৈব পঞ্চ প্রেতান্সুদারুণাম্ || ২, ৭. ১৫ ||
শিরাস্থিচর্মশেষাঙ্গান্পৃষ্ঠলগ্নোদরান্খগ |
ত্যক্তান্নাসিকয়া নেত্রকূপপাতভয়াদিব || ২, ৭. ১৬ ||
সূচীক্রককচকব্রাতঘাতপাতিতকীকসান্ |
বসাক্তনবমস্তিষ্কস্বাদনিত্যমহোৎসবান্ || ২, ৭. ১৭ ||
রণৎকোটিমহাদংষ্ট্রানস্থিগ্রন্থ্যবঘট্টিতান্ |
তান্দৃষ্ট্বা ত্রস্তহৃদয়ো গতিমাকুঞ্চ্য সংস্থিতঃ || ২, ৭. ১৮ ||
তে বিলোক্যাগতং বিপ্রমটবীং জনবর্জিতাম্ |
অহং পূর্বমহং পূর্বং যামীত্যাক্ত্বা প্রদুদ্রুবুঃ || ২, ৭. ১৯ ||
তেষু দ্বৌদ্বাবগৃহ্ণীতামস্য হস্তাবথাপরে |
দ্বৌদ্বৌ পাদাবগৃহ্ণীতাং মূর্ধানং পঞ্চমোঽগ্রহীৎ || ২, ৭. ২০ ||
স্বজাত্যুচিতবাক্যেন স্ফুটবর্ণবতাব্রুবন্ |
অহং জক্ষাম্যহং ভক্ষামীতি কর্ষণতৎপরাঃ || ২, ৭. ২১ ||
সহসৈব সহৈবামুং গৃহাৎবা ব্যগমন্বিয়ম্ |
কিয়ৎস্থিতং বটৌ মাংসং ক্রিয়ন্নেতিন্যভালয়ন্ || ২, ৭. ২২ ||
তেঽপশ্যন্নিজদংষ্ট্রায়ঃ পাটিতান্ত্রমিমং শবম্ |
অবতীর্য ততো ব্যোম্নো গৃহীৎবা চরণৈঃ || ২, ৭. ২৩ ||
স্বখণ্ডিতশরীরন্তু পুনর্ব্যোমৈব চক্রমুঃ |
স নীয়মানমাত্মানং বিলোক্য বিয়তি দ্বিজঃ || ২, ৭. ২৪ ||
জগাম মনসা মাং স শরণং ভয়বিহ্বলঃ |
নমশ্চক্রে চক্রধরং চেতসা চিন্ময়ং সমম্ || ২, ৭. ২৫ ||
বক্রং নক্রং চক্রপাতেন দূরে কৃৎবা হৃৎবা তস্য দুঃখং মুকুন্দঃ |
মাতঙ্গং যোঽমূমুচন্নক্রবক্ত্রাৎপাশংসোঽসৌ কর্মণাং মে লুনাতু || ২, ৭. ২৬ ||
রুদ্ধাঞ্শুদ্ধান্ভূপতীন্মাগধেন ভীমেনৈনং ঘাতয়িৎবা মুরারিঃ |
নির্বদ্ধান্যো ভর্গয়জ্ঞায় মুক্তশ্চক্রো মেঽসৌ কর্মপাশং লুনাতু || ২, ৭. ২৭ ||
মনসৈবৈহ মামস্তৌৎস্তূয়মানোঽহমুত্থিতঃ |
অগচ্ছং সহসা তত্র যত্র প্রেতৈঃ স নীয়তে || ২, ৭. ২৮ ||
দৃষ্ট্বা তৈর্নোয়মানন্তু কৌতুকং মেঽভবৎখগ |
পপ্রচ্ছ ন কিয়ন্তং বৈ কালং তান্পৃষ্ঠতোঽন্বগাম্ || ২, ৭. ২৯ ||
মম সন্নিধিমাত্রেণ দ্বিজাতিং তঞ্চ সর্পহন্ |
তৎকালং শিবিকাসুপ্তভূপালসুখমাবিশৎ || ২, ৭. ৩০ ||
মণিভদ্রাস্ততো মেরুং গচ্ছন্দৃষ্টো ময়া পথি |
নিকোচ্যাক্ষি স্বপার্শ্বং স নীতো বৈ যক্ষরাণ্ময়া || ২, ৭. ৩১ ||
তমবোচং মহায়ক্ষং ৎবং হি প্রতিভটো ভব |
প্রেতান্নাশয় তদ্ভূয়ঃ শবঞ্চ হর তদ্গতম্ || ২, ৭. ৩২ ||
ইত্যুক্তঃ স মহাঘোরং কৃৎবা রোষং সুদুঃসহম্ |
জগ্রাহ প্রেতরূপং তৎপ্রেতানামপি দুঃখদম্ || ২, ৭. ৩৩ ||
স বিবৃত্য স্বকৌ বাহূ সৃক্কিণী পরিলেলিহন্ |
ভেদয়ন্নুরুবাতেন প্রেতাংস্তান্সমুখো যয়ৌ || ২, ৭. ৩৪ ||
বাহুভ্যাং দ্বৌ দ্বৌ চ পদ্ভ্যাং মূর্ধ্নৈকং চ সমাহরৎ |
প্রেতানথাপি সহসা জঘান দৃঢমুষ্টিনা || ২, ৭. ৩৫ ||
তে বিবর্ণমুখাঃ সর্বে তং দ্বিজঞ্চ শবং তথা |
একৈকং হস্তপাদৈশ্চ গৃহীৎবা যুদ্ধমারভন্ || ২, ৭. ৩৬ ||
তে নখৈস্তলঘাতৈশ্চ পাদঘাতৈস্তথৈব চ |
দংষ্ট্রাঘাতৈশ্চ সর্বে তমেকং প্রেতং ব্যদারয়ন্ || ২, ৭. ৩৭ ||
তেষাং প্রহারান্বিফলান্কৃৎবা সম্প্রতি তানথ |
জীবং ন তু শবং তেষাং জহ্রে প্রাণমিবান্তকঃ || ২, ৭. ৩৮ ||
হৃতমাত্রে শবে তে তু পারিয়াত্রে গিরৌ দ্বিজম্ |
মুক্ত্বাধমাত্রে প্রমুদিতা একং প্রেতং সুদারুণাঃ || ২, ৭. ৩৯ ||
স বায়ুগমনঃ প্রেতঃ প্রাপ্তস্তৈঃ ক্ষণমাত্রতঃ |
অদৃশ্যতাং যয়ৌ তেঽথ হতাশা বিপ্রমাগমন্ || ২, ৭. ৪০ ||
প্রারব্ধমাত্রে বিপ্রস্য পাটনে তত্র পর্বতে |
মম স্থানস্য বিপ্রস্য মহিম্নেব চ তৎক্ষণে || ২, ৭. ৪১ ||
সদ্যঃ স্মৃতিঃ সমুৎপন্না তেষাং পূর্বস্য জন্মনঃ |
বিপ্রং প্রদক্ষিণীকৃত্যদ্বিজর্ষভমথাব্রুবন্ || ২, ৭. ৪২ ||
অদ্য নঃ ক্ষন্তুমর্হেঽসীত্যুক্ত্বা তে সুরদাম্ভিকাঃ |
গিরেরিব পরাবর্তং সমুদ্রস্যেব শোষণম্ || ২, ৭. ৪৩ ||
তেষাং তদ্বচনং শ্রুৎবাপৃচ্ছৎকেয়ূয়মিত্যথ |
কিং মায়া কিমু বা স্বপ্ন উতাহো চিত্তবিভ্রমঃ || ২, ৭. ৪৪ ||
প্রেতা ঊচুঃ |
অবেহি তত্ত্বমেবৈতৎপ্রেতা বৈ কর্মজা বয়ম্ |
ব্রাহ্মণ উবাচ |
কিংনামানঃ কিমাচারাঃ কথঞ্চেমাং দশাং গতাঃ || ২, ৭. ৪৫ ||
অবিনীতাঃ কথং পূর্বং বিনীতাঃ সাম্প্রতং কথম্ |
প্রেতা ঊচুঃ |
শৃণু বিপ্রেন্দ্র বক্ষ্যামঃ প্রশ্রানামনুপূর্বশঃ || ২, ৭. ৪৬ ||
উত্তরাণি মহায়োগিংস্ত্বদ্দর্শনগতাংহসঃ |
অহং পর্যুষিতো নাম্না এষ সূচীমুখঃ স্মৃতঃ || ২, ৭. ৪৭ ||
তৃতীয়ঃ শীঘ্রগস্তুর্যোরোধকো লেখকঃ পরঃ |
ব্রাহ্মণ উবাচ |
প্রেতানাং কর্মজাতানাং কুতো নাম নিরর্থকম্ || ২, ৭. ৪৮ ||
নিরুক্তিমেষাং নাম্নাং বৈ প্রেতা বদত মা চিরম্ |
শ্রীকৃষ্ণ উবাচ |
এবমুক্তাস্তু বিপ্রেণ পৃথগুত্তরমব্রুবন্ || ২, ৭. ৪৯ ||
পর্যুষিত উবাচ |
কদাচিচ্ছ্রাদ্ধকালে বৈ ময়া বিপ্রো নিমন্ত্রিতঃ || ২, ৭. ৫০ ||
স চ কৃৎবা বিলম্বেন বৃদ্ধো মদ্গৃহমাগতঃ |
অকৃতশ্রাদ্ধকর্মাহং তং পাকং ভুক্তবান্ক্ষুধা || ২, ৭. ৫১ ||
অদদামন্নমাকৃষ্য বিপ্রে পর্যুষিতং কিয়ৎ |
তস্মাৎপাপান্মৃতঃ পাপো যোনিং বৈ কুৎসিতাং গতঃ || ২, ৭. ৫২ ||
যতঃ পর্যুষিতং দত্তং ততঃ পর্যুষিতঃ স্মৃতঃ |
সূচীমুখ উবাচ |
কদাচিদ্ব্রাহ্মণী কাচিত্তীর্থং ভদ্রবটং যয়ৌ || ২, ৭. ৫৩ ||
পঞ্চবর্ষসুতা বৃদ্ধা পুত্রমাত্রৈকজীবিতা |
অহং ক্ষত্ত্রিয়দায়াদস্তস্যা রোধমকারিষম্ || ২, ৭. ৫৪ ||
বনে তু বিজনে তত্র পাপাধ্বগগতিং গতঃ |
তস্যাঃ সবস্ত্রং পাথেয়ং তৎসূনোর্বসনানি চ || ২, ৭. ৫৫ ||
গৃহীতানি ময়া বিপ্র শিরস্যাপীড্য মুষ্টিনা |
তৃষার্তস্তৎক্ষণং বালঃ পাত্রসংস্থং জলম্পিবন্ || ২, ৭. ৫৬ ||
তাবন্মাত্রোদকে দেশে ময়া হুঙ্কৃত্য বারিতঃ |
ময়াথ সকলং পীতং জলং পাত্রাত্তৃষাবতা || ২, ৭. ৫৭ ||
বালোঽপি ভয়সন্ত্রস্তঃ পিপাসুর্ব্যসুরাপতৎ |
পুত্রশোকান্মৃতা মাতা কূপে প্রাস্য নিজং বপুঃ || ২, ৭. ৫৮ ||
এতস্মাৎপাতকাদ্বিপ্র প্রেতৎবং প্রাপ্তবানহম্ |
সূচ্যগ্রপ্রায়বিবরমুখঃ পর্বতদেহবান্ || ২, ৭. ৫৯ ||
যদ্যপি প্রাপ্নুয়াং ভক্ষ্যং ভক্ষিতুন্তু ন শক্যতে |
ময়া ক্ষুধানলেনাপি জ্বলতাস্যং নিকোচিতম্ || ২, ৭. ৬০ ||
অত আস্যে তু বিবরং সূচ্যগ্রেণ সমমম |
এতস্মাৎকারণাদ্বিপ্রে নাম্না সূচীমুখোঽস্ম্যহম্ || ২, ৭. ৬১ ||
শীঘ্রগ উবাচ |
পুরাহং বৈশ্যজাতীয়ঃ সাকং সখ্যা চ কেনচিৎ |
বাণিজ্যং কর্তুমগমং দেশমন্যং মহাধনঃ || ২, ৭. ৬২ ||
মিত্রং চ মে বহুধনং তস্য লোভো মহাংস্ততঃ |
জাতোঽপ্যদৃষ্টবৈমুখ্যান্মে নষ্টং মূলমপ্যুত || ২, ৭. ৬৩ ||
ততস্তস্মাত্তু নিষ্ক্রান্তাবাবাং নাবাথ নিম্নগাম্ |
মার্গগাং তর্তুমারব্ধৌ লোহিতায়তি ভাস্করে || ২, ৭. ৬৪ ||
সখা স চ মদুৎসঙ্গে সুষ্বাপাধ্বক্লমাকুলঃ |
অভূত্তদাতি পাপস্য ক্রূরা মতিরতীব মে || ২, ৭. ৬৫ ||
তমুৎসঙ্গগতং সূরে নষ্টে পূরেঽক্ষিপং তদা |
কৎকৃত্যং কুর্বতো নাবি লোকৈস্তু জ্ঞাতমেব ন || ২, ৭. ৬৬ ||
তস্য যদ্বস্তু তৎসর্বং মণিমুক্তাদিকাঞ্চনম্ |
আদায় শীগ্রগস্তস্মাদ্দেশাৎস্বগৃহমাগতঃ || ২, ৭. ৬৭ ||
তৎসর্বং স্বগৃহে মুক্ত্বা তস্য পত্ন্যৈ ন্যবেদয়ম্ |
দস্যুভির্মে হতো ভ্রাতা ধনমাচ্ছিদ্য বৈ পথি || ২, ৭. ৬৮ ||
প্রজাবতি প্রদ্রুতোঽহং মা রোদীত্যেবমব্রবম্ |
শোকার্তা সাপি তৎকালং মমৎবং গৃহবন্ধুষু || ২, ৭. ৬৯ ||
ত্যক্ত্বা চাতি প্রিয়ান্প্রাণাঞ্জুহাবাগ্নৌ যথাবিধি |
ততো নিষ্কণ্টকং তদ্ধি বীক্ষ্য হৃষ্টো গতো গৃহম্ || ২, ৭. ৭০ ||
অভুঞ্জং সর্বমাগত্য যাবজ্জীবং তু তদ্ধনম্ |
মিত্রং পূরে হি নিঃ ক্ষিপ্য যদহং শীঘ্রমাগতঃ || ২, ৭. ৭১ ||
এতস্মাৎকারণাৎপ্রেতঃ শীঘ্রগোঽহং তু নামতঃ |
রোধক উবাচ |
অহন্তু শূদ্রজাতীয়ঃ পুরাভূবং মুনীশ্বর || ২, ৭. ৭২ ||
রাজপ্রসাদাপ্তমহাশতগ্রামাধিকারবান্ |
বৃদ্ধৌ মে পিতরাবাস্তাং লঘুরেকঃ সহোদরঃ || ২, ৭. ৭৩ ||
শীঘ্রং স চ ময়া ভ্রাতা লুব্ধেনৈকঃ পৃথক্কৃতঃ |
আপ্তবান্পরমং দুঃখং সোন্নবস্ত্রবিবর্জিতঃ || ২, ৭. ৭৪ ||
অদত্তাং পিতরৌ চ্ছন্নং কিঞ্চিৎকিঞ্চিত্তু তস্য চ |
তস্মৈ পিতৃভ্যাং যদ্দত্তমাপ্তেভ্যস্তন্ময়া শ্রুতম্ || ২, ৭. ৭৫ ||
তৎসর্বং তত্ত্বতো জ্ঞাৎবা পিত্রো রোধমকারয়ম্ |
শূন্যমন্দির একস্মিন্বদ্ধ্বা তু নিগডৈর্দৃঢৈঃ || ২, ৭. ৭৬ ||
ততস্তৌ জহতুঃ প্রাণান্দুঃখিতৌ বিষপানতঃ |
সোসৌ বালোঽপি বভ্রাম পিতৃভ্যাং রহিতো দ্বিজ || ২, ৭. ৭৭ ||
পুরঃ পত্তনখর্বাচান্খেটানপি মৃতঃ ক্ষুধা |
এতস্মাৎপাতকাদ্বিপ্র মৃতঃ প্রেতৎবমাগতঃ || ২, ৭. ৭৮ ||
রুদ্ধৌ তু পিতরৌ যস্মান্নাম্নাহং রোধকস্ততঃ |
লেখক উবাচ |
অহং বিপ্র পুরাভূবমবন্ত্যাং দ্বিজলসত্তমঃ || ২, ৭. ৭৯ ||
ভদ্রস্য রাজ্ঞো দেবানাং পূজনেঽধিকৃতো হ্যহম্ |
বহ্ব্যস্তু প্রতিমাস্তত্র বভূবুর্বহুনামিকাঃ || ২, ৭. ৮০ ||
হেম্নস্তদঙ্গেষু বহু রত্নজাতং বভূব হ |
তাসাং মে কুর্বতঃ পূজাং পাপা মতিরজায়ত || ২, ৭. ৮১ ||
অখিলং তীক্ষ্ণলোহেন তাসামঙ্গং বিশীর্য চ |
উল্লেখনঞ্চ রত্নানাং নেত্রাদিভ্যঃ কৃতং ময়া || ২, ৭. ৮২ ||
তথাকৃতান্যথাঙ্গানি প্রতিমানাং নিরীক্ষ্য চ |
নেত্রাণি চ বিরত্নানি নৃপশ্চুক্রোধ বহ্নিবৎ || ২, ৭. ৮৩ ||
প্রতিজজ্ঞে নৃপঃ পশ্চাদেষ ব্রাহ্মণপুঙ্গবঃ |
আভ্যো রত্নং সুবর্ণঞ্চ হৃতং যেন ভবিষ্যতি || ২, ৭. ৮৪ ||
জ্ঞাতশ্চ স হি মে বধ্যো ভবিষ্যতি ন সংশয়ঃ |
অহং তৎসকলং জ্ঞাৎবা রাত্রাবসিধরো গৃহম্ || ২, ৭. ৮৫ ||
রাজ্ঞঃ প্রবিশ্য রাজানং পশুমারমমারয়ম্ |
গৃহীৎবাথ মণীন্স্বর্ণং নিশীথেঽহং গতোঽন্যতঃ || ২, ৭. ৮৬ ||
ব্যাঘ্রেণ মহাতারণ্যে নখটঙ্কৈর্বিটঙ্কিতঃ |
লেখনাৎপ্রতিমায়া যন্ময়া লোহেন কর্তিতম্ || ২, ৭. ৮৭ ||
এতস্মাৎপাতকাৎপ্রেতো লেখকো নামতোঽস্ম্যহম্ |
আসীন্নরকভোগান্তে নঃ প্রেতৎবমিদং দ্বিজ || ২, ৭. ৮৮ ||
ব্রাহ্মণ উবাচ |
সঞ্জ্ঞাস্তাদৃশ্য আখ্যাতা যথৈতা ভবতা দশাঃ |
বদন্ত্বাচারমাত্রং মে প্রেতা আহারমপ্যুত || ২, ৭. ৮৯ ||
প্রেতা ঊচুঃ |
বেদমার্গানুসরণং লজ্জা ধর্মো দমঃ ক্ষমা |
ধৃতির্জ্ঞানং নৈব যত্র বয়ং তত্র বসামহে || ২, ৭. ৯০ ||
তস্য পীডাং বপং কুর্মো নৈব শ্রাদ্ধং ন তর্পণম্ |
যস্য গেহে তদঙ্গাত্তু মাংসঞ্চ রুধিরং ক্রমাৎ || ২, ৭. ৯১ ||
জক্ষামশ্চ পিবামশ্চ উক্ত আচার এষ নঃ |
শৃণু চাহারমস্মাকং সর্বলোকবিগর্হিতম্ || ২, ৭. ৯২ ||
দৃষ্টস্ত্বয়া চ কিঞ্চিদ্বৈ ব্রূমোজ্ঞাতং ৎবয়ানঘ |
বমনং বিডূ দূষিকা চ শ্লেষ্মা মূত্রাশ্রুণী তথা || ২, ৭. ৯৩ ||
এতদ্ভক্ষ্যঞ্চ পানঞ্চ মা পৃচ্ছাতঃ পরং দ্বিজ |
লজ্জা নো জায়তে স্বামিন্নাহারং বদতাং স্বকম্ || ২, ৭. ৯৪ ||
অজ্ঞানাস্তামসা মন্দা কান্দিশীকা বয়ং বিভো |
অকস্মাজ্জন্মনাং বিপ্র স্মৃতিঃ প্রাপ্তা তু পৌর্বিকী || ২, ৭. ৯৫ ||
বিনীতৎবাবিনীতৎবে জানীমো নৈব নঃ প্রভো |
শ্রীকৃষ্ণ উবাচ |
এবং বদৎসু প্রেতেষু তথা শ্রুতবতি দ্বিজে || ২, ৭. ৯৬ ||
অদর্শয়মহং রূপং তদা তার্ক্ষ্যেদমেব বৈ |
স তু দৃষ্ট্বা দ্বিজশ্রেষ্ঠো হৃদ্গতং পুরুষং পুরঃ || ২, ৭. ৯৭ ||
স্তোত্রৈস্তুষ্টাব পক্ষীশ দণ্ডবৎপ্রণনাম মাম্ |
তেঽপি তেপুস্ততঃ প্রেতা আশ্চর্যোৎফুল্লচক্ষুষঃ || ২, ৭. ৯৮ ||
প্রণয়েন স্খলদ্বাচঃ খগ নোচুঃ কিমপ্যুত |
রজসা গোরচিত্তানাং তমসা মূঢচেতসাম্ |
কৃপয়া যঃ সমুদ্ধারং কুরুষে বৈ নমোঽস্ত তে || ২, ৭. ৯৯ ||
এবং দ্বিজাতৌ ব্রুবতি প্রভূ তপ্রভৈশ্চ মুখ্যাম্বরচারিয়ুক্তৈঃ |
তদা মদিচ্ছাপ্রভবৈর্বিমানৈঃ ষড্ভিঃ সমন্তাদ্রুরুচে গিরিঃ সঃ || ২, ৭. ১০০ ||
ইত্থং বিমানেন মদীয়লোকং গতো দ্বিজরসোঽপ্যথ পঞ্চমিস্তৈঃ |
প্রেতা যয়ুঃ স্বর্গমগণ্যপুণ্যং সৎসঙ্গসংসর্গবশাৎসুপর্ণম্ || ২, ৭. ১০১ ||
প্রেতাঃ সঙ্গবশেন নাকমবন্সন্তপ্তকো ব্রাহ্মণো বিষ্বক্সন ইতি প্রসিদ্ধবিভবো নাম্না গণে মেঽভবৎ |
এতত্তে সকলং ময়া নিগাদিতং যশ্চৈতদুৎকীর্তয়েদ্যশ্চেদং
শৃণুয়ান্ন সোঽপি পুরুষঃ প্রেতৎবমাপ্নোতি হি || ২, ৭. ১০২ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে
শ্রীকৃষ্ণগরুডসংবাদে প্রেতকল্পে পঞ্চপ্রেতোপাখ্যানং নাম সপ্তমোঽদ্যায়ঃ

শ্রীগরুডমহাপুরাণম্-৮
গরুড উবাচ |
স্বামিন্কস্যাধিকারোঽত্র সর্ব এবৌর্ধ্বদেহিকে |
ক্রিয়াঃ কতিবিধাঃ প্রোক্তা বদৈতৎসর্বমেব মে || ২, ৮. ১ ||
শ্রীকৃষ্ণ উবাচ |
পুত্রঃ পৌত্রঃ প্রপৌত্রো বা তদ্ভ্রাতা ভ্রাতৃসন্ততিঃ |
সপিণ্ডসন্ততির্বাপি ক্রিয়ার্হাঃ খগ জ্ঞাতয়ঃ || ২, ৮. ২ ||
তেষামভাবে সর্বেষাং সমানোদকসন্ততিঃ |
কুলদ্বয়েঽপি চোচ্ছিন্নে স্ত্রীভিঃ কার্যাঃ ক্রিয়াঃ খগ || ২, ৮. ৩ ||
ইচ্ছয়োচ্ছিন্নবন্ধশ্চ কারয়েদবনীপতিঃ |
পূর্বাঃ ক্রিয়া মধ্যমাশ্চ তথা চৈবোত্তরাঃ ক্রিয়াঃ || ২, ৮. ৪ ||
প্রতিসংবৎসরং পক্ষিন্নেকোদ্দিষ্টবিধানতঃ |
শ্রাদ্ধং তত্র প্রকর্তব্যং ফলং তস্য শৃণুষ্ব মে || ২, ৮. ৫ ||
ব্রহ্মেন্দ্ররুদ্রনাসত্যসূর্যাগ্নিবসুমারুতান্ |
বিশ্বেদেবান্পিতৃ গণান্বয়াংসি মনুজান্পশূন্ || ২, ৮. ৬ ||
সরীসৃপান্মাতৃগণান্যচ্চান্যদ্ভূতসঞ্জ্ঞিতম্ |
শ্রাদ্ধং শ্রদ্ধান্বিতঃ কুর্বন্প্রীণয়ত্যখিলং জগৎ || ২, ৮. ৭ ||
তে তৃপ্তাস্তর্পয়ন্ত্যেনং পুত্রদারধনৈস্তথা |
অধিকারঃ ক্রিয়াভেদঃ সমাসাত্তে নিরূপিতঃ || ২, ৮. ৮ ||
গরুড উবাচ |
উক্তেষ্বেকোঽপি চেন্ন স্যাদধিকারী সুরোত্তম |
কর্তব্যং কিং তদা বিষ্ণো পুরুষেণ বিজানতা || ২, ৮. ৯ ||
শ্রীকৃষ্ণ উবাচ |
অধিকারো যদা নাস্তি যদি নাস্তি চ নিশ্চয়ঃ |
জীবিতে সতি জীবায় দদ্যাচ্ছ্রাদ্ধংস্বয়ং নরঃ || ২, ৮. ১০ ||
কৃতোপবাসঃ সুস্নাতঃ কৃষ্ণাসঙ্গঃ সমাহিতঃ |
কর্তারমথ ভোক্তারং বিষ্ণুং সর্বেশ্বরং যজেৎ || ২, ৮. ১১ ||
সদক্ষিণাশ্চ সতিলাস্তিস্ত্রশ্চ জলধেনবঃ |
নিবেদয়েৎপিতৃভ্যশ্চ স্বধেতি সুসমাহিতঃ || ২, ৮. ১২ ||
অগ্নয়ে কব্যবাহনায় স্বধা নম ইতি স্মরন্ |
সোমায়ৎবা পিতৃমতে স্বধা নম ইতি স্মরন্ || ২, ৮. ১৩ ||
দক্ষিণেন তু দদ্যাচ্চ তৃতীয়াং দক্ষিণায়ুতাম্ |
যমায়াঙ্গিরসে চাথ স্বধা নম ইতি স্মরন্ || ২, ৮. ১৪ ||
তয়োর্মধ্যে তু নিঃ ক্ষিপ্য বিপ্রান্সমন্ত্র্য ভো জয়েৎ |
প্রথমামুত্তরে ন্যস্য দ্বিতীয়াং দক্ষিণে ন্যসেৎ || ২, ৮. ১৫ ||
মধ্যে তৃতীয়াং বিন্যস্য পশ্চাদাবাহনাদিকম্ |
আবাহনাদিনা পূর্বং বিশ্বেদেবান্প্রপূজ্যচ || ২, ৮. ১৬ ||
বসুভ্যস্ত্বামহং বিপ্র রুদ্রেভ্যস্ত্বামহং ততঃ |
সূর্যেভ্যস্ত্বামহং বিপ্র ভোজয়ামীতি তান্বদেৎ || ২, ৮. ১৭ ||
আবাহনাদিকং শেষং কুর্যাচ্চ পিতৃশেষবৎ |
সাম্যাং ধেনুং ততো দদ্যাদ্বসূদ্দেশং দ্বিজায় তু || ২, ৮. ১৮ ||
আগ্নেয়্যাং চাথ রৌদ্রায় যাম্যাং সূর্যদ্বিজায় তু |
বিশ্বেভ্যশ্চাথ দেবেভ্যস্তিলপাত্রং নিবেদয়েৎ || ২, ৮. ১৯ ||
স্বস্তীত্যেব তথাক্ষয়্যং জলং দত্ত্বাথ তান্দ্বিজান্ |
বিসর্জয়েৎস্মরন্বিষ্ণুং দেবমষ্টাক্ষরং বিভুম্ || ২, ৮. ২০ ||
ততঃ কামং কুলেশানীং শিবং নারায়ণং স্মরেৎ |
চতুর্দশ্যাং ততো গচ্ছেদ্যথাপ্রাপ্তাং সরিদ্বরাম্ || ২, ৮. ২১ ||
বস্ত্রাণি লোহখণ্ডানি জিতং ত ইতি সঞ্জপন্ |
দক্ষিণাভিমুখো বহ্নিং জ্বালয়েত্তত্র চ স্বয়ম্ || ২, ৮. ২২ ||
পঞ্চাশতা কুশৈর্ব্রাহ্মীং কৃৎবা প্রতিকৃতিং দহেৎ |
হুৎবা শ্মাশানিকং হোমং পূর্ণাহুত্যন্তমেব হি || ২, ৮. ২৩ ||
নিরগ্রিমথ বা ভূমিং যমং রুদ্রঞ্চ সংস্মরেৎ |
হুৎবা প্রাধানিকে স্থানে পশ্চাদাবাহয়েচ্চ তম্ || ২, ৮. ২৪ ||
শ্রপয়েচ্চাপরং বহ্নৌ মুদ্গমিশ্রং চরুং ততঃ |
তিলতণ্ডুলমিশ্রঞ্চ দ্বিতীয়ং সপবিত্রকম্ || ২, ৮. ২৫ ||
ওঁ পৃথিব্যৈ নমস্তুভ্যমিতি চৈকং নিবেদয়েৎ |
ওঁ যমায় নমশ্চেতি দ্বিতীয়ং তদনন্তরম্ || ২, ৮. ২৬ ||
ওঁ নমশ্চাথ রুদ্রায় শ্মাশানপতয়ে নমঃ |
ততো দীপ্তে সমিদ্ধেঽগ্নৌ ভূমৌ প্রকৃতিদারুণে || ২, ৮. ২৭ ||
সপ্তভ্যো যমসঞ্জ্ঞেভ্যো দদ্যাৎসপ্ত জলাঞ্জলীন্ |
যমায় ধর্মরাজায় মৃত্যবে চান্তকায় চ || ২, ৮. ২৮ ||
বৈবস্বতায় কালায় সর্বপ্রাণহরায় চ |
স্বধাকারনমস্কারপ্রণবৈঃ সহ সপ্তধা || ২, ৮. ২৯ ||
অমুকামুকগৌত্রৈতত্তুভ্যমস্তু তিলোদকম্ |
প্রদদ্যাদ্দশ পিণ্ডাংস্তু অর্ঘপুষ্পসমন্বিতান্ || ২, ৮. ৩০ ||
ধূপো দীপো বলির্গন্ধঃ সর্বেষামস্তু চাক্ষয়ঃ |
দশ পিণ্ডাংস্তু দান্দত্ত্বা বিষ্ণোঃ সৌম্যং মুখং স্মরেৎ || ২, ৮. ৩১ ||
কুর্যাচ্চ মাসিকং মাসি সপিণ্ডীকরণং ততঃ |
আশৌচান্তে ততঃ কুর্যাদাত্মনো বা মরস্য তু || ২, ৮. ৩২ ||
কুর্যাদস্থিরতাং জ্ঞাৎবা শক্ত্যারোগ্যধনায়ুষম্ |
এতত্তে সর্বমাখ্যাতং জীবচ্ছ্রাদ্ধং ময়া খগ || ২, ৮. ৩৩ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণ গরুডসংবাদে শ্রাদ্ধকর্ত্রাত্মশ্রাদ্ধয়োর্নিরূপণং নামাষ্টমোঽধ্যায়ঃ

শ্রীগরুডমহাপুরাণম্-৯
গরুড উবাচ |
উক্তমাদ্যাং ক্রিয়াং যাবন্নৃপোঽপীতিৎবয়ানঘ |
কস্যচিৎকেনচিদ্রাজ্ঞা কিমাদ্যা সা কৃতা পুরা || ২, ৯. ১ ||
শ্রীকৃষ্ণ উবাচ |
সুপর্ণ শৃণু বক্ষ্যামি যথা রাজ্ঞা ক্রিয়া কৃতা |
আসীৎকৃতয়ুগে রাজা বাঙ্গো বৈ বভ্রুবাহনঃ || ২, ৯. ২ ||
পৃথিব্যাশ্চতুরন্তায়া গোপ্তা পক্ষীন্দ্র ধর্মতঃ |
চতুর্ভাগাং ভুবং কৃৎস্নাং স ভুঙ্কে বসুধাধিপঃ || ২, ৯. ৩ ||
ন পাপকৃৎকশ্চিদাসীত্তস্মিন্রাজ্যং প্রশাসতি |
নাসীচ্চৌরভয়ং তার্ক্ষ্য ন ক্ষুদ্রভয়মেব হি || ২, ৯. ৪ ||
নাসীদ্ব্যাধিভয়ঞ্চাপি তস্মিঞ্জনপদেশ্বরে |
স্বধর্মে রেমিরে চাসীত্তেজসা ভাস্করোপমঃ || ২, ৯. ৫ ||
অক্ষুব্ধৎবের্ঽচলসমঃ সহিষ্ণুৎবে ধরাসমঃ |
স কদাচিন্মহাবাহুঃ প্রভূতবলবাহনঃ || ২, ৯. ৬ ||
বনং জগাম গহনং হয়ানাঞ্চ শতৈর্বৃতঃ |
সিংহনাদৈশ্চ যোধানাং শঙ্খদুন্দুভিনিঃ স্বনৈঃ || ২, ৯. ৭ ||
আসীৎকিলকিলাশব্দস্তস্মিন্গচ্ছতী পার্থিবে |
তত্রতত্র চ বিপ্রেন্দ্রৈঃ স্তূয়মানঃ সমন্ততঃ || ২, ৯. ৮ ||
নির্যয়ৌ পরয়া প্রীত্যা বনং মৃগজিঘাংসয়া |
স গচ্ছন্দদৃশে ধীমান্নন্দনপ্রতিমং বনম্ || ২, ৯. ৯ ||
বিল্বার্কখদিরাকীর্ণং কপিত্থধ্বজসংযুতম্ |
বিষমৈঃ পর্বতৈশ্চৈব সর্বতশ্চ সমন্বিতম্ || ২, ৯. ১০ ||
নির্জলং নির্মনুষ্যঞ্চ বহুয়োজনমায়তম্ |
মৃগসিংহৈর্মহাঘোরৈন্যৈশ্চাপি বনেচরৈঃ || ২, ৯. ১১ ||
তদ্বনং মনুজ ব্যাঘ্রঃ সভৃত্যবলবাহনঃ |
লীলয়া লোডয়ামাস সূদয়ন্বিবিধান্মৃগান্ || ২, ৯. ১২ ||
মৃগস্য কস্যচিৎকুক্ষিং ততো বিব্যাধ ভূমিপঃ |
রাজা মৃগপ্রসঙ্গেন তমনু প্রাবিশদ্বনম্ || ২, ৯. ১৩ ||
একাকী বৈ হৃতবলঃ ক্ষুৎপ্রিপাসাসমন্বিতঃ |
স বনস্যান্তমাসাদ্য মহচ্চারণ্যমাসদৎ || ২, ৯. ১৪ ||
তৃষয়া পরয়াবিষ্টোঽন্বিষ্যজ্জলমিতস্ততঃ |
স দূরাৎপূরচক্রাহ্বং হংসসারসনাদিতৈঃ || ২, ৯. ১৫ ||
সূচিতং সর আগত্য সাশ্ব এব ব্যগাহত |
পদ্মানাঞ্চ পরাগেণ উৎপলানাং রজেন চ || ২, ৯. ১৬ ||
সুগন্ধমমলং শীতং পীৎবাম্ভো নির্জগাম হ |
মার্গশ্রমপরিশ্রান্তস্তডাগতটমণ্ডপম্ || ২, ৯. ১৭ ||
ন্যগ্রোধং বীক্ষ্য তস্যাশু জটাস্বশ্বং ববন্ধ হ |
স তত্রাস্তরমাস্তীর্য খেটকানুপধায় চ || ২, ৯. ১৮ ||
সূষ্বাপ বায়ুনা তত্র সেব্যামাতস্তদা ক্ষণম্ |
ক্ষণং সুপ্তে নৃপে তত্র প্রেতো বৈ প্রেতবাহনঃ || ২, ৯. ১৯ ||
কশ্চিদত্রাজগামাথ যুক্তঃ প্রেতশতেন চ |
অস্থিচর্মশিরাশেষশরীরঃ পরিবিভ্রমন্ || ২, ৯. ২০ ||
ভক্ষ্যম্পেয়ং মার্গমাণো ন বধ্নাতি ধৃতিং ক্বচিৎ |
তমপূর্বং নৃপো দৃষ্ট্বাকরোদস্ত্রং শরাসনে || ২, ৯. ২১ ||
দৃষ্ট্বা সোঽপি চিরং ভূপং তস্থৌ স্থাণুপিবাগ্রতঃ |
তমবস্থিতমালোক্য রাজা প্রাপ্তকুতূহলঃ || ২, ৯. ২২ ||
পপ্রচ্ছ তঞ্চ কোঽসীতি কুতো বা বিকৃতিং গতঃ |
প্রেত উবাচ |
প্রেতভাবো ময়া ত্যক্তো গতিং প্রাপ্তোঽরম্যহং পরাম্ || ২, ৯. ২৩ ||
ৎবৎসংযোগান্মহাবাহো নাস্তি ধন্যতরো ময়া |
বভ্রুবাহন উবাচ |
কিমেতৎদিপিনে ঘোরে সর্বত্রাতিভয়ানকে || ২, ৯. ২৪ ||
দোধূয়মানে বাতেন বাত্যারূপেণ কোণপ |
পতঙ্গা মশকাঃ ক্ষুদ্রাঃ কবন্ধাশ্চ শিরাংসি চ || ২, ৯. ২৫ ||
মৎস্যাঃ কূর্মাঃ কৃকলাসা বৃশ্চিকা ভ্রমরাহয়ঃ |
অধোমুখোর্ধ্বপাদাস্তে ক্রন্দমানাঃ সুদারুণম্ || ২, ৯. ২৬ ||
প্রবান্তি বায়বো রূক্ষা জ্বলন্তো বিদ্যুদগ্নয়ঃ |
ইতস্ততো ভ্রমন্তীব বায়ুনা তৃণসন্ততিঃ || ২, ৯. ২৭ ||
দৃশ্যন্তে বিবিধা জীবা নাগাশ্চ শলভব্রজাঃ |
শ্রূয়ন্তে বহুধা রাবা ন দৃশ্যন্তে ক্বচিৎক্বচিৎ || ২, ৯. ২৮ ||
দৃষ্ট্বেদং বিকৃতং সর্বং বেপতে হৃদয়মম |
প্রতে উবাচ |
যেষাং নৈবাগ্নিসংস্কারো ন শ্রাদ্ধং নোদকক্রিয়াঃ || ২, ৯. ২৯ ||
ষট্পিণ্ডা দশ গাত্রাণি সপিণ্ডীকরণং ন হি |
বিশ্বাসঘাতিনো যে চ সুরাপাঃ স্বর্ণহারিণঃ || ২, ৯. ৩০ ||
মৃতা দুর্মরণাদ্যে চ যে চাসূয়াপরা জনাঃ |
প্রায়শ্চিত্তবিহীনা যে অগম্যাগমনে রতাঃ || ২, ৯. ৩১ ||
কর্মভির্ভ্রাম্যমাণাস্তে প্রাণিনঃ স্বকৃতৈরিহ |
দুর্লভাহারপানীয়া দৃশ্যন্তে পীডিতা ভৃশম্ || ২, ৯. ৩২ ||
এতেষাং কৃপয়া রাজংস্ত্বং কুরুষ্বৌর্ধ্বদেহিকম্ |
যেষাং ন মাতা ন পিতা ন পুত্রো ন চ বান্ধবাঃ || ২, ৯. ৩৩ ||
তেষা রাজা স্বয়ং কুর্যাৎকর্মাণি তু যতো নৃপঃ |
আত্মনশ্চ শুভং কর্ম কর্তব্যং পারলৌকিকম্ || ২, ৯. ৩৪ ||
বিমুক্তঃ সর্বদুঃখেভ্যো যেনাঞ্জো দুর্গাতিং তরেৎ |
ভ্রাতরঃ কস্য কে পুত্রাস্ত্রিয়োঽপি স্বার্থকোবিদাঃ || ২, ৯. ৩৫ ||
ন কার্যস্তেষু বিশ্রম্ভ স্বকৃতং ভুজ্যতেয়তঃ |
গৃহেষ্বর্থা নিবর্ন্ত্তন্তে শ্মশানে চৈব বান্ধবাঃ || ২, ৯. ৩৬ ||
শরীরং কাষ্ঠামাদত্তে পাপং পুণ্যং সহ ব্রজেৎ |
তস্মাদাশু ৎবয়া সম্যগাত্মনঃ শ্রেয় ইচ্ছতা || ২, ৯. ৩৭ ||
অস্থিরেণ শরীরেণ কর্তব্যঞ্চৌর্ধ্বদোহিকম্ |
রাজোবাচ |
কৃশরূপঃ করালাক্ষস্ত্বং প্রেত ইব লক্ষ্যসে || ২, ৯. ৩৮ ||
কথয়স্বঃ মম প্রীত্যা প্রেতরাজ যথাতথম্ |
তথা পৃষ্টঃ স বৈ রাজ্ঞা উবাচ সকলং স্বকম্ || ২, ৯. ৩৯ ||
প্রেত উবাচ |
কথয়ামি নৃপশ্রেষ্ঠ সর্বমেবাদিতস্তব |
প্রেতৎবে কারণং শ্রুৎবা দয়াং কর্তুমিহার্হসি || ২, ৯. ৪০ ||
বৈদিশং নাম নগরং সর্বসম্পৎসুখাবহম্ |
নানাজনপদাকীর্ণং নানারত্নসমাকুলম্ || ২, ৯. ৪১ ||
নানাপুষ্পবনাকীর্ণং নানাপুণ্যজনাবৃতম্ |
তত্রাহং ন্যবসং ভূপ দেবার্চনরতঃ সদা || ২, ৯. ৪২ ||
বৈশ্যজাতিঃ সুদেবোঽহং নাম্না বিদিতমস্তু তে |
হব্যেন তর্পিতা দেবাঃ কব্যেন পিতরো ময়া || ২, ৯. ৪৩ ||
বিবিধৈর্দানয়োগৈশ্চ বিপ্রাঃ সন্তর্পিতা ময়া |
আহারশ্চ বিহারশ্চ ময়া বৈ সুনিবেশিতঃ || ২, ৯. ৪৪ ||
দীনানাথবিশিষ্টেভ্যো ময়া দত্তমনেকধা |
তৎসর্বং নিষ্ফলং জাতং মম দৈবাদুপাগতম্ || ২, ৯. ৪৫ ||
ন মেঽস্তি সন্ততিস্তাত ন সুহৃন্ন চ বান্ধবাঃ |
ন চ মিত্রং হিতস্তাদৃগ্যঃ কুর্যাদৌর্ধ্বদৈহিকম্ || ২, ৯. ৪৬ ||
প্রেতৎবং সুস্থিরং তেন মম জাতং নৃপোত্তম |
একাদশং ত্রিপক্ষঞ্চ ষাণ্মাসিকমথাব্দিকম্ || ২, ৯. ৪৭ ||
প্রতিমাস্যানি চান্যা নি হ্যেবং শ্রাদ্ধানি ষোডশ |
যস্যৈতানি ন দীয়ন্তে প্রেতশ্রাদ্ধানি ভূপতে || ২, ৯. ৪৮ ||
প্রেতৎবং সুস্থিরং তস্যঃ দত্তৈঃ শ্রাদ্ধশতৈরপি |
এবং জ্ঞাৎবা মহারাজ প্রেতৎবাদুদ্ধরস্ব মাম্ || ২, ৯. ৪৯ ||
বর্ণানাঞ্চৈব সর্বেষাং রাজা বন্ধুরিহোচ্যতে |
তন্মাং তারয় রাজেন্দ্র মণিরত্নং দদামি তে || ২, ৯. ৫০ ||
যথা মম শুভাবাপ্তির্ভবেন্নৃপবরোত্তম |
তথা কার্যং মহীপাল দয়াং কৃৎবা ময়ি প্রভো || ২, ৯. ৫১ ||
সপিণ্ডৈর্বা সগোত্রৈর্বা নিষ্টুরৈর্ন কৃতো হিমে |
বৃষোৎসর্গস্ততো দুষ্টং প্রেতৎবং প্রাপ্তবানহম্ || ২, ৯. ৫২ ||
ক্ষুত্তৃষাবিষ্টদেহশ্চ ভক্ষ্যং পানং ন চাপ্নুয়াম্ |
অতো বিকৃতিরেষা বৈ কৃশাৎবাদিরমাংসকা || ২, ৯. ৫৩ ||
ক্ষুত্তৃড্জন্যং মহাদুঃখমনুভবামি পুনঃ পুনঃ |
অকল্যাণং হি প্রেতৎবং বৃষোৎসর্গং বিনা কৃতম্ || ২, ৯. ৫৪ ||
তস্মাদ্রাজন্দয়াসিন্ধো প্রার্থয়ামি তবাগ্রতঃ |
রাজোবাচ |
বর্ততে মৎকুলে প্রেত ইতি জ্ঞেয়ং কথং নরৈঃ || ২, ৯. ৫৫ ||
তন্মমাচক্ষ্ব হি প্রেত প্রেতৎবান্মুচ্যতে কথম্ |
প্রেত উবাচ |
লিঙ্গেন পীডয়া প্রেতোঽনুমাতব্যো নরৈঃ সদা || ২, ৯. ৫৬ ||
বক্ষ্যামি পীডাস্তা রাজন্যা বৈ প্রেতকৃতা ভুবি |
ঋতুঃ স্যাদফলঃ স্ত্রীণাং যদা বংশো ন বর্ধতে || ২, ৯. ৫৭ ||
মিয়ন্তে চাল্পবয়সঃ সা পীডা পেতসম্ভবা |
অকস্মাদ্বৃত্তিহরণমপ্রতিষ্ঠা জনেষু বৈ || ২, ৯. ৫৮ ||
অকস্মাদ্গহদাহঃ স্যাৎসা পীডা প্রেতসম্ভবা |
স্বগেহে কলহো নিত্যং স্যাচ্চ মিথ্যাভিশংসনপ || ২, ৯. ৫৯ ||
গজয়ক্ষ্মাদিসম্ভূতিঃ সা পীডা প্রেতসম্ভবা |
অপি স্বয়ং ধনং মুক্তং প্রয়ত্নাদনবে পথি || ২, ৯. ৬০ ||
নৈব লভ্যেত নশ্যেতঃ সা পীডা প্রেতসমবা |
সুবৃষ্টৌ কৃষিনাশঃ স্যাদ্বাণিজ্যাদ্বৃত্তিনাশনম্ || ২, ৯. ৬১ ||
কলত্রং পতিকূলং স্যাৎসা পীডা প্রেতসম্ভবা |
এবন্তু পীডয়া রাজন্প্রেতজ্ঞানং ভবেন্নৃণাম্ || ২, ৯. ৬২ ||
বৃষোৎসর্গো যদি ভবেৎপ্রেতৎবান্মুচ্যতে তদা |
তস্মান্নপ ৎবমপ্যেবং বৃষোৎসর্গং কুরু প্রভো || ২, ৯. ৬৩ ||
মামুদ্দিশ্য নৃপেঽপ্যত্রাধিকারোঽত্যনুকম্পয়া |
রাজপুত্রো হতঃ কশ্চিন্ময়ৈবাপ্তস্ততো ময়া || ২, ৯. ৬৪ ||
কুরুষ্ব ৎবং গৃহীৎবা মে তদ্ধনেন বৃষোৎসবম্ |
কার্তিক্যাং পৌর্ণমাস্যাং বাঽশ্বয়ুঙ্মধ্যেঽথবা নৃপ || ২, ৯. ৬৫ ||
রেবতীয়ুক্তদিবসে কৃষীষ্ঠা মে বৃষোৎসবম্ |
পুণ্যান্বিপ্রান্সমাহূয় বহ্নিং স্থাপ্য বিধানতঃ || ২, ৯. ৬৬ ||
মন্ত্রৈর্হেমস্তথা কার্যঃ ষড্ভির্নৃপ বিধানতঃ |
বহূন্বিপ্রান্ভোজয়েথাস্তদ্রত্নাপ্তধনেন বৈ |
এবং কৃতে মহীপাল মম মুক্তির্ভবিষ্যতি || ২, ৯. ৬৭ ||
শ্রীকৃষ্ণ উবাচ |
তথেতি প্রতিজগ্রাহ মণিং রাজা ততঃ খগ || ২, ৯. ৬৮ ||
ক্রিয়াধিকারস্তস্যৈব যো ধনগ্রাহকো ভবেৎ |
কুর্বতোস্তু তয়োর্বার্তামেবং প্রেতমহীক্ষিতোঃ || ২, ৯. ৬৯ ||
ঝণৎকারস্তু ঘণ্টানাং ভেরীণাং ভাঙ্কৃতিস্তথা |
জাতস্তদা রাজসেনা চতুরঙ্গা সমাপতৎ || ২, ৯. ৭০ ||
তস্যামাগতমাত্রায়াং প্রেতশ্চাদৃশ্যতাং গতঃ |
তস্মাদ্বনাদ্বিনিঃ সৃত্য রাজাপি পুরমাগমৎ || ২, ৯. ৭১ ||
স কার্তিক্যাং পূর্ণিমায়াং প্রেতমুদ্দিশ্য সংব্যধাৎ |
বৃষোৎসর্গং বিধানেন তন্মণ্যাপ্তধনেন চ || ২, ৯. ৭২ ||
প্রেতোঽপ্যয়ং সপদিলব্ধসুবর্ণদেহঃ কর্মান্ত আগত ইতি প্রণনাম ভূপম্ |
দেব ৎবদীয়মহিমায়মিতি স্তুবন্স যাতো দিবং গরুড ভূপতিনা কৃতজ্ঞঃ || ২, ৯. ৭৩ ||
এতত্তে সর্বমাখ্যাতং যথা ভূপতিনাপি সঃ |
উদ্ধৃতঃ প্রেতভাবাদ্বৈ কিমন্যচ্ছ্রোতুমিচ্ছসি || ২, ৯. ৭৪ ||

ইতি শ্রীগারুডে মহাপুরাণে উত্তরখণ্ডে দ্বিতীয়াংশে ধর্মকাণ্ডে প্রেতকল্পে
শ্রীকৃষ্ণগরুডসংবাদে রাজকৃতবৃষোৎসর্গক্রিয়াদিনিরূপণং নাম নবমোঽধ্যায়ঃ

শ্রীগরুডমহাপুরাণম্-১০
গরুড উবাচ |
সপিণ্ডীকরণ জাতে আব্দিকে চ স্বকর্মভিঃ |
দেবৎবং বা মনুষ্যৎবং পক্ষিৎবং বাপ্নুয়ুর্নরাঃ || ২, ১০. ১ ||
তেষাং বিভিন্নাহারাণাং শ্রাদ্ধং বৈ তৃপ্তিদং কথম্ |
যদপ্যন্যৈর্দ্বিজৈর্ভুক্তং হূয়তে যদি বানলে || ২, ১০. ২ ||
শুভাশুভাত্মকৈঃ প্রেতস্তদ্দত্তং ভুজ্যতে কথম্ |
শ্রাদ্ধস্যাবশ্যকৎবন্তু আমাবাস্যাদিষু শ্রুতম্ || ২, ১০. ৩ ||
শ্রীভগবানুবাচ |
প্রেতানাং শৃণু পক্ষীন্দ্র যথা শ্রাদ্ধন্তু তৃপ্তিদম্ |
দেবো যদপি জাতোঽযং মনুষ্যঃ কর্ময়োগতঃ || ২, ১০. ৪ ||
তস্যান্নমমৃতং ভূৎবা দেবৎবেঽপ্যনুয়াতি চ |
গান্ধব্যে ভোগরূপেণ পশুৎবে চ তৃণং ভবেৎ || ২, ১০. ৫ ||
শ্রাদ্ধং হি বায়ুরূপেণ নাগৎবেঽপ্যনুগচ্ছতি |
ফলং ভবতি পক্ষিৎবে রাক্ষসেষু তথামিষম্ || ২, ১০. ৬ ||
দানবৎবে তথা মাংসং প্রেতৎবেরুধিরং তথা |
মনুষ্যৎবেঽন্নপানাদি বাল্যে ভোগরসো ভবেৎ || ২, ১০. ৭ ||
গরুড উবাচ |
কথং কব্যানি দত্তানি হব্যানি চ জনৈরিহ |
গচ্ছন্তি পিতৃলোকং বা প্রাপকঃ কোঽত্র গদ্যতে || ২, ১০. ৮ ||
মৃতানামপি জন্তূনাং শ্রাদ্ধমাপ্যায়নং যদি |
নির্বাণস্য প্রদীপস্য তৈলং সংবর্ধয়েচ্ছিখাম্ || ২, ১০. ৯ ||
মৃতাশ্চ পুরুষাঃ স্বামিন্স্বকর্মজনিতাং গতিম্ |
গাহন্তঃ কে কথং স্বস্য সুতস্য শ্রেয় আপ্নুয়ুঃ || ২, ১০. ১০ ||
শ্রীভগবানুবাচ |
শ্রুতেঃ প্রত্যক্ষতস্তার্ক্ষ্য প্রামাণ্যং বলবত্তরম্ |
শ্রুত্যা তুঃ বোধিতার্থস্য পীয়ূষৎবাদিরূপতা || ২, ১০. ১১ ||
নামগোত্রং পিৎৠণাং বৈ প্রাপকং হব্যকব্যয়োঃ |
শ্রাদ্ধস্য মন্ত্রাস্তদ্বত্তু প্রাপকাশ্চৈব ভক্তিতঃ || ২, ১০. ১২ ||
অচেতনানি চৈতানি প্রাপয়ন্তি কথন্ত্বিতি |
সুপর্ণ নাবগন্তব্যং প্রাপকং বচ্মি তেঽপরম্ || ২, ১০. ১৩ ||
অগ্নিষ্বাত্তাদয়স্তেষা মাধিপত্যে ব্যবস্থিতাঃ |
কালে ন্যায়াগতং পাত্রে বিধিনা প্রতিপাদিতম্ || ২, ১০. ১৪ ||
অন্নং নয়ন্তি তত্রৈতে জন্তুর্যত্রাবতিষ্ঠতে |
নাম গোত্রঞ্চ মন্ত্রাশ্চ দত্তমন্নং নয়ন্তি তে || ২, ১০. ১৫ ||
অপি যোনিশতং প্রাপ্তাংস্তাংস্তৃপ্তিরুপতিষ্ঠতি |
তেষাং লোকান্তরস্থানাং বিবিধৈর্নামগোত্রকৈঃ || ২, ১০. ১৬ ||
অপসব্যং ক্ষিতৌ দর্ভে দত্তাঃ পিণ্ডাস্ত্রয়স্তু বৈ |
যান্তি তাংস্তর্পয়ন্ত্যেবং প্রেতস্থানস্থিতান্পিৎৠন্ || ২, ১০. ১৭ ||
অপ্রাপ্তয়াতনাস্থানাঃ শ্রেষ্ঠা যে ভুবি পঞ্চধা |
নানারূপাস্তু জাতা যে তির্যগ্যোন্যাদিজাতিষু || ২, ১০. ১৮ ||
যদাহারা ভবন্ত্যেতে পিতরো যত্র যোনিষু |
তাসুতাসু তদাহারঃ শ্রাদ্ধা অবতিষ্ঠতি || ২, ১০. ১৯ ||
যথা গোষু প্রনষ্টাসু বৎসো বিন্দতি মাতরম্ |
তথান্নং নয়তে বিপ্র জন্তুর্যত্রাবতিষ্ঠতে || ২, ১০. ২০ ||
পিতরঃ শ্রাদ্ধমোক্তারো বিশ্বের্দেবৈঃ সদা সহ |
এতে শ্রাদ্ধং সদা ভুক্ত্বা পিৎৠন্সন্তর্পয়ন্ত্যতঃ || ২, ১০. ২১ ||
বসুরুদ্রাদিতিসুতাঃ পিতরঃ শ্রাদ্ধদেবতাঃ |
প্রীণয়াতে মনুষ্যাণাং পিৎৠঞ্শ্রাদ্ধেষু তর্পিতাঃ || ২, ১০. ২২ ||
আত্মানং গুর্বিণী গর্ভমপি প্রীণাতি বৈ যথা |
দোহদেন তথা দেবাঃ শ্রাদ্ধৈঃ স্বাংশ্চ পিৎৠন্নৃণাম্ || ২, ১০. ২৩ ||
হৃষ্যন্তি পিতরঃ শ্রুৎবা শ্রাদ্ধকালমুপস্থিতম্ |
অন্যোন্যং মনসা ধ্যাৎবা সম্পতন্তি মনোজবম্ || ২, ১০. ২৪ ||
ব্রাহ্মণৈঃ সহ চাশ্রন্তি পিতরো হ্যন্তরিক্ষগাঃ |
বায়ুভূতাশ্চ তিষ্ঠন্তি ভুক্ত্বা যান্তি পরাং গতিম্ || ২, ১০. ২৫ ||
নিমন্ত্রিতাস্তু যে বিপ্রাঃ শ্রাদ্ধপূর্বদিনেঃ খগ |
প্রবিশ্য পিতরস্তেষু ভুক্ত্বা যান্তি স্বমালয়ম্ || ২, ১০. ২৬ ||
শ্রাদ্ধকর্ত্রা তু যদ্যেকঃ শ্রাদ্ধে বিপ্রো নিমন্ত্রিতঃ |
উদরস্থঃ পিতা তস্য বামপার্শ্বে পিতামহঃ || ২, ১০. ২৭ ||
প্রপিতামহো দক্ষিণতঃ পৃষ্ঠতঃ পিণ্ডভক্ষকঃ |
শ্রাদ্ধকালে যমঃ প্রেতান্পিৎৠংশ্চাপি যমালয়াৎ || ২, ১০. ২৮ ||
বিসর্জয়তি মানুষ্যে নিরয়স্থাংশ্চ কাশ্যপ |
ক্ষুধার্তাঃ কীর্তয়ন্তশ্চ দুষ্কৃতঞ্চ স্বয়ঙ্কৃতম্ || ২, ১০. ২৯ ||
কাঙ্ক্ষন্তি পুত্রপৌত্রেভ্যঃ পায়সং মধুসংযুতম্ |
তস্মাত্তাংস্তত্র বিধিনা তর্পয়েৎপায়সেন তু || ২, ১০. ৩০ ||
গরুড উবাচ |
স্বামিন্কেনাপি তে দৃষ্টা আগতাঃ পিতরো দ্বিজ |
লোকাদমুষ্মাদাগত্য ভুঞ্জন্তো ভুবি মানদ || ২, ১০. ৩১ ||
শ্রীভগবানুবাচ |
গরুত্মঞ্ছৃণু বক্ষ্যামি যথা দৃষ্টাস্তু সীতয়া |
পিতরো বিপ্রদেহে বৈ শ্বশুরাদ্যাস্ত্রয়ঃ ক্বচিৎ || ২, ১০. ৩২ ||
গৃহীৎবা পিতুরাজ্ঞাং বৈ রামো বনমুপাগমৎ |
ততঃ পুষ্করয়াত্রার্থং রামোঽযাৎসীতয়া সহ || ২, ১০. ৩৩ ||
তীর্থং চাপি সমাগত্য শ্রাদ্ধং প্রারব্ধ বাংস্তু সঃ |
ফলং পক্বন্তু জানক্যা সিদ্ধং রামে নিবেদিতম্ || ২, ১০. ৩৪ ||
স্নাতপ্রিয়োক্তবাক্যাত্তু সুস্নাতা নমপালয়ৎ |
নভোমধ্যগতে সূর্যে কালে কুতুপ আগতে || ২, ১০. ৩৫ ||
অয়াতা ঋঃষয়ঃ সর্বে যে রামেণ নিমন্ত্রিতাঃ |
তান্মুনীনাগতান্দৃষ্ট্বা বৈদেহী জনকাত্মকা || ২, ১০. ৩৬ ||
রামাজ্ঞয়ান্নমাদায় পরিবেষ্টুমুপাগতা |
অপাসর্পত্ততো দূরে বিপ্রমধ্যে তু সংস্থিতা || ২, ১০. ৩৭ ||
গুল্মৈরাচ্ছাদ্য চাত্মানং নিগূঢং সা স্থিতা তদা |
একান্তে তু তদা সীতাং জ্ঞাৎবা রাঘবনন্দনঃ || ২, ১০. ৩৮ ||
বিমৃশ্য সুচিরং কালমিদং কিমিতি সৎবরম্ |
কিঞ্চিৎক্বচিদ্গতা সাধ্বী ত্রপায়াঃ কারণেন হি || ২, ১০. ৩৯ ||
কিং বা ন ভোজয়ন্বিপ্রান্সী তামন্বেষয়াম্যহম্ |
বিমৃশন্নেবমেবং স স্বয়ং বিপ্রানভোজয়ৎ || ২, ১০. ৪০ ||
গতেষু দ্বিজমুখ্যেষু প্রিয়াং রামোঽব্রবীদিদম্ |
কথং তলাসু লীনা ৎবং মুনীন্দৃষ্ট্বা সমাগতান্ || ২, ১০. ৪১ ||
তৎসর্বং মম তন্বঙ্গি কারণং বদ মা চিরম্ |
এবমুক্তা তদা ভর্ত্রা সীতা সাধোমুখী স্থিতা |
মুঞ্চন্তী চাশ্রুসঙ্ঘাতং রাঘবং বাক্যমব্রবীৎ || ২, ১০. ৪২ ||
সীতোবাচ |
শৃণু ৎবং নাথ যদ্দৃষ্টমাশ্চর্যমিহ যাদৃশম্ || ২, ১০. ৪৩ ||
পিতা তব ময়া দৃষ্টো ব্রাহ্মণাগ্রে তু রাঘবঃ |
সর্বাভরণসংযুক্তোদ্বৌ চান্যৌ চ তথাবিধৌ || ২, ১০. ৪৪ ||
দৃষ্ট্বা ৎবৎপিতরঞ্চাহমপক্রান্তা তবান্তিকাৎ |
বল্কলাজিনসংবীতা কথং রাজ্ঞঃ পুরঃ প্রভো || ২, ১০. ৪৫ ||
ভবামি রিপুবীরঘ্ন সত্যমেতদুহাহৃতম্ |
স্বহস্তেন কথং দেয়ং রাজ্ঞে বা ভোজনং ময়া || ২, ১০. ৪৬ ||
দাসানামপি যে দাসা নোপভুঞ্জন্তি কর্হিচিৎ |
তৃণপাত্রে কথং তস্মৈ অন্নং দাতুং হি শক্রুয়াম্ || ২, ১০. ৪৭ ||
যাহং রাজ্ঞা পুরা দৃষ্টা সর্বাভরণভূষিতা |
সা স্বেদমলদিগ্ধাঙ্গী কথং যাস্যামি ভূপতিম্ |
অপকৃষ্টাস্মি তেনাহং ত্রপয়া রঘুনন্দন |
শ্রীভাগবানুবাচ || ২, ১০. ৪৮ ||
ইতি শ্রুৎবা প্রিয়াবাক্যং রামো বিস্মিতমানসঃ || ২, ১০. ৪৯ ||
আশ্চর্যমিতি তজ্জ্ঞাৎবা তদা স্বস্থানমাগমৎ |
সীতয়া পিতরো দৃষ্টা যথা তত্তে নিবেদিতম্ || ২, ১০. ৫০ ||
অপরং শ্রাদ্ধমাহাত্ম্যং কিঞ্চিচ্ছৃণু সমাসতঃ |
অমাবস্যাদিনে প্রাপ্তে গৃহদ্বারে সমাস্থিতাঃ || ২, ১০. ৫১ ||
বায়ুভূতাঃ প্রবাঞ্ছন্তি শ্রাদ্ধং পিতৃগণা নৃণাম্ |
যাবদস্তময়ং ভানোঃ ক্ষুৎপিপাসাসমাকুলাঃ || ২, ১০. ৫২ ||
ততশ্চাস্তং গতে সূর্যে নিরাশা দুঃখসংযুতাঃ |
নিঃ শ্বসন্তশ্চিরং যান্তি গর্হয়ন্তস্তু বংশজম্ || ২, ১০. ৫৩ ||
তস্মাচ্ছ্রাদ্ধং প্রয়ত্নেন অমায়াং কর্তুমর্হতি |
যদি শ্রাদ্ধং প্রকুর্বন্তি পুত্রাদ্যাস্তস্য বান্ধবাঃ || ২, ১০. ৫৪ ||
উদ্ধৃতা যে গয়াশ্রাদ্ধে ব্রহ্মলোকঞ্চ তৈঃ সহ |
ভজন্তে ক্ষুৎপিপাসা বা ন তেষাং জায়তে ক্বচিৎ || ২, ১০. ৫৫ ||
তস্মাচ্ছ্রাদ্ধং প্রয়ত্নেন সম্যক্কুর্যাদ্বিচক্ষণঃ |
তস্মাচ্ছ্রাদ্ধং চরেদ্ভক্ত্যা শাকৈরপি যথাবিধি || ২, ১০. ৫৬ ||
কুর্বীত সময়ে শ্রাদ্ধং কুলে কশ্চিন্ন সীদতি |
আয়ুঃ পুত্রান্যশঃ স্বর্গং কীর্তিং পুষ্টিং বলং শ্রিয়ম্ || ২, ১০. ৫৭ ||
পশূন্সারৈব্যং ধনং ধান্যং প্রাপ্নুয়াৎপিতৃপূজনাৎ |
দেবকার্যাদপি সদা পিতৃকার্যং বিশিষ্যতে || ২, ১০. ৫৮ ||
দেবতাভ্যঃ পিৎৠণাং হি পূর্বমাপ্যায়নং শুভম্ |
যে যজন্তি পিৎৠন্দেবান্ব্রাহ্মণাংশ্চ হুতাশনম্ || ২, ১০. ৫৯ ||
সর্বভূতান্তরাত্মানং মামেব হি যজন্তি তে |
স্মার্তেন বিধিনা শ্রাদ্ধং কৃৎবা স্ববিভবোচিতম্ || ২, ১০. ৬০ ||
আব্রাহ্মস্তম্বপর্যন্তং জগৎপ্রীণাতি মানবঃ |
অন্নপ্রকিরণং যত্তু মনুষ্যৈঃ ক্রিয়তে ভুবি || ২, ১০. ৬১ ||
তেন তুপ্তিমুপায়ান্তি যে পিশাচৎবমাগতাঃ |
যচ্চাম্বুঃ স্নানবস্ত্রেভ্যো ভূমৌ পততি খেচর || ২, ১০. ৬২ ||
তেন যে তরুতাং প্রাপ্তাস্তেষাং তৃপ্তিঃ প্রজায়তে |
যানি গন্ধাম্বূনি চৈব পতন্তি ধরণীতলে || ২, ১০. ৬৩ ||
তেন চাপ্যায়নং তেষাং যে দেবৎবমুপাগতাঃ |
যে চাপি স্বকুলাদ্বাহ্যাঃ ক্রিয়ায়োগ্যা হ্যসংস্কৃতাঃ || ২, ১০. ৬৪ ||
বিপন্নাস্তে তু বিকিরসমার্জনজলাশিনঃ |
ভুক্ত্বা চাচমনং যচ্চ জলং যচ্চাহ্নি সেবিতম্ || ২, ১০. ৬৫ ||
ব্রাহ্মণানাং তথৈবান্যত্তেন তৃপ্তিং প্রয়ান্তি বৈ |
পিশাচৎবমনুপ্রাপ্তাঃ কৃমিকীটৎবমেব যে || ২, ১০. ৬৬ ||
উদ্ধৃতেষ্বন্নপিণ্ডেষু ভুবি যে চান্নকাঙ্ক্ষিণঃ |
তৈরেবাপ্যায়নং তেষাং যে মনুষ্যৎবমাগতাঃ || ২, ১০. ৬৭ ||
এবং বৈ ক্রিয়মাণানাং তেষাং চৈব দ্বিজন্মনাম্ |
কশ্চিজ্জলান্নবিক্ষেপঃ শুচিরুচ্ছিষ্ট এব বা || ২, ১০. ৬৮ ||
তেনান্নেন কুলে তেষাং যে বৈ জাত্যন্তরং গতাঃ |
ভবত্যাপ্যায়নং তেষাং সম্যক্ষ্রাদ্ধে কৃতে সতি || ২, ১০. ৬৯ ||
অন্যায়োপার্জিতৈর্দ্রব্যৈর্যচ্ছ্রাদ্ধং ক্রিয়তে নরৈঃ |
তকৃপ্যন্তি তেন চণ্ডালাঃ পুক্কসাদ্যুপয়োনিষু || ২, ১০. ৭০ ||
এবং সম্প্রাপ্যতে পক্ষিন্যদ্দত্তমিহ বান্ধবৈঃ |
শ্রাদ্ধং কুর্বদ্ভিরন্নাম্বুশাকৈস্তৃপ্তির্হি জায়তে || ২, ১০. ৭১ ||
এতত্তে সর্বমাখ্যাতং যন্মাং ৎবং পরিপৃচ্ছসি |
সদ্যো দেহান্তরপ্রাপ্তির্বিলম্বেনাবনীতলে || ২, ১০. ৭২ ||
পৃষ্টবানসি তত্তেঽহং প্রবক্ষ্যামি সমাসতঃ |
সদ্যো বিলম্বতঞ্চৈবোভয়থাপি কলেবরম্ || ২, ১০. ৭৩ ||
যতো হি মর্ত্যঃ প্রাপ্নোতি তদ্বিশেষঞ্চ মে শৃণু |
অধূমকজ্যোতিরিবাঙ্গুষ্ঠমাত্রঃ পুমাংস্ততঃ || ২, ১০. ৭৪ ||
দেহমেকং সদ্য এব বায়বীয়ং প্রপদ্যতে |
যথা নৃণজলৌকা হি পশ্চৎপাদং তদোদ্ধরেৎ || ২, ১০. ৭৫ ||
স্থিতিরগ্র্যস্য পাদস্য যদা জাতা দৃঢা ভবেৎ |
এবং দেহী পূর্বদেহং সমুৎসৃজতি তং যদা || ২, ১০. ৭৬ ||
ভোগার্থমগ্রে স্যাদ্দেহো বায়বীয় উপস্থিতঃ |
বিষয়গ্রাহকং যদ্বন্ম্রিয়মাণস্য চেন্দ্রিয়ম্ || ২, ১০. ৭৭ ||
নির্ব্যাপারং তচ্চ দেহে বায়ুনৈব স গচ্ছতি |
শরীরং যদবাপ্নোতি তচ্চাপ্যুৎক্বম্যতি স্বয়ম্ || ২, ১০. ৭৮ ||
গৃহীৎবা স্বং বিনির্যাতি জীবো গর্ভ ঈবাশয়াৎ |
উৎক্রামন্তং স্থিতং বাপি ভুঞ্জানং বা গুণান্বিতম্ || ২, ১০. ৭৯ ||
বিমূঢা নানুপশ্যন্তি পশ্যন্তি জ্ঞানচক্ষুষঃ |
আতিবাহিকমিত্যেবং বায়বীয়ং বদন্তি হি || ২, ১০. ৮০ ||
এবং তু যাতুধানানাং তমেব চ বদন্তি হি |
সুপর্ণ ঈদৃশো দেহো নৃণাং ভবতি পিণ্ডজঃ || ২, ১০. ৮১ ||
পুত্রাদিভিঃ কৃতাশ্চেৎস্যুঃ পিণ্ডা দশ দশাহিকাঃ |
পিণ্ডজেন তু দেহেন বায়ুজশ্চৈকতাং ব্রজেৎ || ২, ১০. ৮২ ||
পিণ্ডজো যদি নৈব স্যাদ্বায়ুজোর্ঽহতি যাতনাম্ |
দেহিনোঽস্মিন্যথা দেহে কৌমারং যৌবনং জরা |
তথা দেহান্তরপ্রাপ্তিঃ পক্ষীন্দ্রেত্যবধারয় || ২, ১০. ৮৩ ||
বাসাংসি জীর্ণানি যথা বিহায় নবানি গৃহ্ণাতি নরোপরাণি |
তথা শরীরাণি বিহায় জীর্ণান্যন্যানি সংযাতি নবানি দেহী || ২, ১০. ৮৪ ||
নৈনং ছিন্দন্তি শস্ত্রাণি নৈনং দহতি পাবকঃ |
ন চৈনং ক্লেদয়ন্ত্যাপো ন শোষয়তি মারুতঃ || ২, ১০. ৮৫ ||
বায়বীয়াং তনুং যাতি সদ্য ইত্যুক্তমেব তে |
প্রাপ্তির্বিলম্বতো যস্য তং দেহং খলু মে শৃণু || ২, ১০. ৮৬ ||
ক্বচিদ্বিলম্বতো দেহং পিণ্ডজং স সমাপ্নুয়াৎ |
অথো গতো যাম্যলোকং স্বীয়কর্মানুসারতঃ || ২, ১০. ৮৭ ||
চিত্রগুপ্তস্যবাক্যেন নিরয়াণি ভুনক্তি সঃ |
যাতনাঃসমবাপ্যাথ পশুপক্ষ্যাদিকীং তনুম্ || ২, ১০. ৮৮ ||
যা গৃহ্ণাতি নরঃ সা স্যান্মোহেন মমতাস্পদম্ |
শুভাশুভং কর্মফলং ভুক্ত্বা মুচ্যতে মানবঃ || ২, ১০. ৮৯ ||
গরুড উবাচ |
তীর্ত্বা দুঃখভবাম্ভোধিং ভবন্তং কথমাপ্নুয়াৎ |
বহুপাতকয়ুক্তোঽপি তদ্বদস্ব দয়ানিধে || ২, ১০. ৯০ ||
ভূয়ো দুঃখস্য সংসর্গো নরস্য ন ভবেদ্যথা |
ব্রূহি শুশ্রূষমাণস্য পৃচ্ছতো মে রমাপতে || ২, ১০. ৯১ ||
শ্রীকৃষ্ণ উবাচ |
স্বেস্বে কর্মণ্যভিরতঃ সংসিদ্ধিং লভতে নরঃ |
স্বকর্মনিরতঃ সিদ্ধিং যথা বিন্দতি তচ্ছৃণু || ২, ১০. ৯২ ||
কর্মবিভ্রষ্টকালুষ্যো বাসুদেবানুচিন্তয়া |
বুদ্ধ্যা বিশুদ্ধয়া যুক্তো ধৃত্যাত্মানং নিয়ম্য চ || ২, ১০. ৯৩ ||
শব্দাদীন্বিষয়াংস্ত্যক্ত্বা রাগদ্বেষৌ ব্যুদস্য চ |
বিরক্তসেবী লব্ধ্বাশী যতবাক্কায়মানসঃ || ২, ১০. ৯৪ ||
ধ্যানয়োগপরো নিত্যং বৈরগ্যং সমুপাশ্রিতঃ |
অহঙ্কারং বলং দর্পং কামং ক্রোধং পরিগ্রহম্ || ২, ১০. ৯৫ ||
বিমুচ্য নির্মমঃ শান্তো ব্রহ্মভূয়ায় কল্পতে |
অতঃ পরং নৃণাং কৃত্যং নাস্তি কশ্যপনন্দন || ২, ১০. ৯৬ ||

ইতি শ্রীগারুডে মহাপুরাণে উত্তরখণ্ডে দ্বিতীদৃধর্মদৃপ্রেতকল্পে
শ্রীকৃষ্ণগরুডসংবাদে শ্রাদ্ধস্য তৃপ্তিদৎবাদিনিরূপণং নাম দশমোঽধ্যায়ঃ

Leave a Reply

Your email address will not be published. Required fields are marked *