.. ললিতাপঞ্চকম্ ..
প্রাতঃ স্মরামি ললিতাবদনারবিন্দং বিম্বাধরং পৃথুলমৌক্তিকশোভিনাসম্ .
আকর্ণদীর্ঘনযনং মণিকুণ্ডলাঢ্যং মন্দস্মিতং মৃগমদোজ্জ্বলভালদেশম্ .. ১..
প্রাতর্ভজামি ললিতাভুজকল্পবল্লীং রত্নাঙ্গুীযলসদঙ্গুলিপল্লবাঢ্যাম্ .
মাণিক্যহেমবলযাঙ্গদশোভমানাং পুণ্ড্রেক্ষুচাপকুসুমেষুসৃণীঃদধানাম্ .. ২..
প্রাতর্নমামি ললিতাচরণারবিন্দং ভক্তেষ্টদাননিরতং ভবসিন্ধুপোতম্ .
পদ্মাসনাদিসুরনাযকপূজনীযং পদ্মাঙ্কুশধ্বজসুদর্শনলাঞ্ছনাঢ্যম্ .. ৩..
প্রাতঃ স্তুবে পরশিবাং ললিতাং ভবানীং ত্রয্যন্তবেদ্যবিভবাং করুণানবদ্যাম্ .
বিশ্বস্য সৃষ্টবিলযস্থিতিহেতুভূতাং বিশ্বেশ্বরীং নিগমবাঙ্গমনসাতিদূরাম্ .. ৪..
প্রাতর্বদামি ললিতে তব পুণ্যনাম কামেশ্বরীতি কমলেতি মহেশ্বরীতি .
শ্রীশাম্ভবীতি জগতাং জননী পরেতি বাগ্দেবতেতি বচসা ত্রিপুরেশ্বরীতি .. ৫..
যঃ শ্লোকপঞ্চকমিদং ললিতাম্বিকাযাঃ সৌভাগ্যদং সুললিতং পঠতি প্রভাতে .
তস্মৈ দদাতি ললিতা ঝটিতি প্রসন্না বিদ্যাং শ্রিযং বিমলসৌখ্যমনন্তকীর্তিম্ .. ৬..
.. ইতি শ্রীমচ্ছঙ্করভগবতঃ কৃতৌ ললিতা পঞ্চকম্ সম্পূর্ণম্ ..