.. বৈদ্যনাথাষ্টকম্..
শ্রীরামসৌমিত্রিজটাযুবেদ ষডাননাদিত্য কুজার্চিতায |
শ্রীনীলকণ্ঠায দযামযায শ্রীবৈদ্যনাথায নমঃশিবায || ১||
শংভো মহাদেব শংভো মহাদেব শংভো মহাদেব শংভো মহাদেব |
শংভো মহাদেব শংভো মহাদেব শংভো মহাদেব শংভো মহাদেব ||
গঙ্গাপ্রবাহেন্দু জটাধরায ত্রিলোচনায স্মর কালহন্ত্রে |
সমস্ত দেবৈরভিপূজিতায শ্রীবৈদ্যনাথায নমঃ শিবায || ২||
শংভো মহাদেব . . . .
ভক্তঃপ্রিযায ত্রিপুরান্তকায পিনাকিনে দুষ্টহরায নিত্যম্ |
প্রত্যক্ষলীলায মনুষ্যলোকে শ্রীবৈদ্যনাথায নমঃ শিবায || ৩||
শংভো মহাদেব . . . .
প্রভূতবাতাদি সমস্তরোগ প্রনাশকর্ত্রে মুনিবন্দিতায |
প্রভাকরেন্দ্বগ্নি বিলোচনায শ্রীবৈদ্যনাথায নমঃ শিবায || ৪||
শংভো মহাদেব . . . .
বাক্ শ্রোত্র নেত্রাঙ্ঘ্রি বিহীনজন্তোঃ বাক্শ্রোত্রনেত্রাংঘ্রিসুখপ্রদায |
কুষ্ঠাদিসর্বোন্নতরোগহন্ত্রে শ্রীবৈদ্যনাথায নমঃ শিবায || ৫||
শংভো মহাদেব . . . .
বেদান্তবেদ্যায জগন্মযায যোগীশ্বরদ্যেয পদাম্বুজায |
ত্রিমূর্তিরূপায সহস্রনাম্নে শ্রীবৈদ্যনাথায নমঃ শিবায || ৬||
শংভো মহাদেব . . . .
স্বতীর্থমৃদ্ভস্মভৃতাঙ্গভাজাং পিশাচদুঃখার্তিভযাপহায |
আত্মস্বরূপায শরীরভাজাং শ্রীবৈদ্যনাথায নমঃ শিবায || ৭||
শংভো মহাদেব . . . .
শ্রীনীলকণ্ঠায বৃষধ্বজায স্রক্গন্ধ ভস্মাদ্যভিশোভিতায |
সুপুত্রদারাদি সুভাগ্যদায শ্রীবৈদ্যনাথায নমঃ শিবায || ৮||
শংভো মহাদেব . . . .
বালাম্বিকেশ বৈদ্যেশ ভবরোগহরেতি চ |
জপেন্নামত্রযং নিত্যং মহারোগনিবারণম্ || ৯||
শংভো মহাদেব . . . .
|| ইতি শ্রী বৈদ্যনাথাষ্টকম্ ||