|| ধর্মপদম্ ||
১. যমকবর্গঃ প্রথমঃ
মনঃপূর্বঙ্গমা ধর্মা মনঃশ্রেষ্ঠা মনোময়াঃ |
মনসা চেৎপ্রদুষ্টেন ভাষতে বা করোতি বা |
ততো এনং দুঃখমন্বেতি চক্রমিব বহতঃ পদম্ || ১||
মনঃপূর্বঙ্গমা ধর্মা মনঃশ্রেষ্ঠা মনোময়াঃ |
মনসা চেৎপ্রসন্নেন ভাষতে বা করোতি বা |
তত এনং সুখমন্বেতি ছায়েবানপায়িনী || ২||
অক্রোশিৎ মাং অবধী মাং অজৈষীৎ মাং অহার্ষীৎ মে |
যে চ তদুপনহ্যন্তি বৈরং তেষাং ন শাম্যতি || ৩||
অক্রোশিৎ মাং অবধীৎ মাং অজৈষীৎ মাং অহার্ষীৎ মে |
যে তন্নোপনহ্যন্তি বৈরং তেষূপশাম্যতি || ৪||
নহি বৈরেণ বৈরাণী শাম্যন্তীহ কদাচন |
অবৈরেণ চ শাম্যন্তি এষ ধর্মঃ সনাতনঃ || ৫||
পরে চ ন বিজানন্তি বয়মত্র যংস্যামঃ |
যে চ তত্র বিজানন্তি ততঃ শাম্যন্তি মেধগাঃ || ৬||
শুভমনুপশ্যন্তং বিহরন্তমিন্দ্রিয়েষু অসংবৃতম্ |
ভোজনেঽমাত্রাজ্ঞং কুসীদং হীনবীর্যম্ |
তং বৈ প্রসহতি মারো বাতো বৃক্ষমিব দুর্বলম্ || ৭||
অশুভমনুপশ্যন্তং বিহরন্তং ইন্দ্রিয়েষু সুসংবৃতম্ |
ভোজনে চ মাত্রাজ্ঞং শ্রদ্ধমারাব্ধবীর্যম্ |
তং বৈ ন প্রসহতে মারো বাতঃ শৈলমিব পর্বতম্ || ৮||
অনিষ্কষায়ঃ কাষায়ং যো বস্ত্রং পরিধাস্যতি |
অপেতো দমসত্যাভ্যাং ন স কাষায়মর্হতি || ৯||
যশ্চ বান্তকষায়ঃ স্যাৎ শীলেষু সুসমাহিতঃ |
উপেতো দম- সত্যাভ্যাং স বৈ কাষায়মর্হতি || ১০||
অসারে সারমতয়ঃ সারে চাসারদর্শিনঃ |
তে সারং নাধিগচ্ছন্তি মিথ্যাসঙ্কল্পগোচরাঃ || ১১||
সারং চ সারতো জ্ঞাৎবা অসারং চ অসারতঃ |
তে সারং অধিগচ্ছন্তি সম্যক্- সঙ্কল্প- গোচরাঃ || ১২||
যথাগারং দুশ্ছন্নং বৃষ্টিঃ সমতিবিধ্যতি |
এবং অভাবিতং চিত্তং রাগঃ সমতিবিধ্যতি || ১৩||
যথাগারং সুচ্ছন্নং বৃষ্টির্ন সমতি বিধ্যতি |
এবং সুভাবিতং চিত্তং রাগো ন সমতি বিধ্যতি || ১৪||
ইহ শোচতি প্রেত্ত্য শোচতি পাপকারী উভয়ত্র শোচতি |
স শোচতি স বিহন্যতে দৃষ্ট্বা কর্ম ক্লিষ্টমাত্মনঃ || ১৫||
ইহ মোদতে প্রেত্ত্য মোদতে কৃতপুণ্য উভয়ত্র মোদতে |
স মোদতে স প্রমোদতে দৃষ্ট্বা কর্মবিশুদ্ধিমাত্মনঃ || ১৬||
ইহ তপ্যতি প্রেত্ত্য তপ্যতি পাপকারী উভয়ত্র তপ্যতি |
পাপং মে কৃতমিতি তপ্যতি ভূয়স্তপ্যতি দুর্গতিংগতঃ || ১৭||
ইহ নন্দতি প্রেত্য নন্দতি কৃতপুণ্য উভয়ত্র নন্দতি |
পুণ্যং মে কৃতমিতি নন্দতি ভূয়ো নন্দতি সুগতিংগতঃ || ১৮||
বহ্যীমপি সংহিতাং ভাষমাণঃ ন তৎকরো ভবতি নরঃ প্রমত্তঃ |
গোপ ইব গা গণয়ন্ পরেষাং ন ভাগবান্ শ্রামণ্যস্য ভবতি || ১৯||
অল্পমপি সংহিতাং ভাষমাণো ধর্মস্য ভবত্যনুধর্মচারী |
রাগং চ দ্বেষং চ প্রহায় মোহং সম্যক্ প্রজানন্ সুবিমুক্তচিত্তঃ |
অনুপাদদানঃ ইহ বাঽমুত্র বা স ভাগবান্ শ্রামণ্যস্য ভবতি || ২০||
|| ইতি যমকবর্গঃ সমাপ্তঃ ||
২. অপ্রমাদবর্গঃ দ্বিতীয়ঃ
অপ্রমাদোঽমৃতপদং প্রমাদো মৃত্যোঃ পদম্ |
অপ্রমত্তা ন ম্রিয়ন্তে যে প্রমত্তা যথা মৃতাঃ|| ১||
এতং বিশেষতো জ্ঞাৎবাঽপ্রমাদে পণ্ডিতা |
অপ্রমাদে প্রমোদন্ত আর্যাণাং গোচরে রতাঃ || ২||
তে ধ্যায়িনঃ সাততিকা নিত্ত্যং দৃঢপরাক্রমাঃ |
স্পৃশন্তি ধীরা নির্বাণং যোগক্ষেমং অনুত্তরম্ || ৩||
উত্থানবতঃ স্মৃতিমতঃ শুচিকর্মণো নিশম্যকারিণঃ |
সংযতস্য চ ধর্মজীবনোঽপ্রমত্তস্য যশোভিবর্দ্ধতে || ৪||
উত্থানেনাঽপ্রমাদেন সংযমেন দমেন চ |
দ্বীপং কুর্বন্তি মেধাবী যং ওঘো নাভিকিরতি || ৫||
প্রমাদমনুয়ুঞ্জন্তি বালা দুর্মেধসো জনা |
অপমাদং চ মেধাবী ধনং শ্রেষ্ঠমিব রক্ষতি || ৬||
মা প্রমাদমনুয়ুঞ্জীত মা কামরতিসংস্তবম্ |
অপ্রমত্তো হি ধ্যায়ন্ প্রাপ্নোতি বিপুলং সুখম্ || ৭||
প্রমাদমপ্রমাদেন যদা নুদতি পণ্ডিতঃ |
প্রজ্ঞাপ্রাসাদমারুহ্য অশোকঃ শোকিনীং প্রজাগ্ |
পর্বতস্থ ইব ভূমিস্থান্ ধীরো বলান্ অবেক্ষতে || ৮||
অপ্রমত্তঃ প্রমত্তেষু সুপ্তেষু বহুজাগরঃ |
অবলাশ্বমিব শীঘ্রাশ্বো হিত্ত্বা যাতি সুমেধাঃ || ৯||
অপ্রমাদেন মঘবা দেবানাং শ্রেষ্ঠতাং গতঃ |
অপ্রমাদং প্রশংসন্তি প্রমাদো গর্হিতঃ সদা || ১০||
অপ্রমাদরতো ভিক্ষুঃ প্রমাদে ভয়দর্শী বা |
সায়োজনং অণুং স্থূলং দহন্নগ্নিরিব গচ্ছতি || ১১||
অপ্রমাদরতো ভিক্ষুঃ প্রমাদে ভয়দর্শী বা |
অভব্যঃ পরিহাণায় নির্বাণস্যৈব অন্তিকে || ১২||
|| ইতি অপ্রমাদবর্গঃ সমাপ্তঃ ||
৩. চিত্তবর্গস্তৃতীয়ঃ
স্পন্দনং চপলং চিত্তং দুরক্ষ্যং দুর্নিবার্যম্ |
ঋজুং করোতি মেধাবী ইষুকার ইব তেজনম্ || ১||
বারিজং ইব স্থলে ক্ষিপ্তং উদকস্যৌকত উদ্ভূতঃ |
পরিস্পন্দত ইদং চিত্তং মারধেয়ং প্রহাতুম্ || ২||
দুর্নিগ্রহস্য লঘুনো যত্র- কাম- নিপাতিনঃ |
চিত্তস্য দমনং সাধু চিত্তং দান্তং সুখাবহম্ || ৩||
সুদুর্দৃশং সুনিপুণং যত্র- কামনিপাতি |
চিত্তং রক্ষেন্মেধাবী চিত্তং গুপ্তং সুখাবহম্ || ৪
দূরঙ্গমং একচরং অশরীরং গুহাশয়ম্ |
যে চিত্তং সংযংস্যন্তি মোক্ষ্যন্তে মারবন্ধনাৎ || ৫||
অনবস্থিতচিত্তস্য সদ্ধর্মং অবিজানতঃ |
পরিপ্লবপ্রসাদস্য প্রজ্ঞা ন পরিপূর্যতে || ৬||
অনবস্রুত চিত্তস্য অনন্বাহতচেতসঃ |
পুণ্যপাপপ্রহীণস্য নাঽস্তি জাগ্রতো ভয়ম্ || ৭||
কুংভোপমং কায়মিমং বিদিৎবা নগরোপমং চিত্তমিদং স্থাপয়িত্ত্বা |
যুধ্যেত মারং প্রজ্ঞায়ুধেন জিতং চ রক্ষেদনিবেশনঃ স্যাৎ || ৮||
অচিরং বতায়ং কায়ঃ পৃথিবীং অধিশেষ্যতে |
ক্ষুদ্রোঽপেতবিজ্ঞানো নিরর্থং ইব কলিঙ্গরম্ || ৯||
দ্বিট্ দ্বিষং যৎ কুর্যাৎ বৈরী বা পুনর্বৈরিণম্ |
মিথ্যাপ্রণিহিতং চিত্তং পাপীয়াংসং এনং ততঃ কুর্যাৎ || ১০||
ন তৎ মাতাপিতরৌ কুর্যাতাং অন্যে চাপি চ জ্ঞাতিকাঃ |
সম্যক্প্রণিহিতং চিত্তং শ্রেয়াংসং এনং ততঃ কুর্যাৎ || ১১||
|| ইতি চিত্তবর্গঃ সমাপ্তঃ ||
৪. পুষ্পবর্গশ্চতুর্ত্থঃ
ক ইমাং পৃথিবীং বিজেষ্যতে যমলোকং চেমং সদেবকম্ |
কো ধর্মপদং সুদেশিতং কুশলঃ পুষ্পমিব প্রচেষ্যতি || ১||
শৈক্ষঃ পৃথবীং বিজেষ্যতে যমলোকং চ ইমং সদেবকম্ |
শৈক্ষো ধর্মপদং সুদেশিতং কুশলঃ পুষ্পমিব প্রচেষ্যতি || ২||
ফেনোপমং কায়মিমং বিদিৎবা মরীচিধর্মং অভিসংবুধানঃ |
ছিৎবা মারস্য প্রপুষ্পকাণি অদর্শনং মৃত্যুরাজস্য গচ্ছেৎ || ৩||
পুষ্পাণি হ্যেব প্রচিন্বন্তং ব্যাসক্তমনসং নরম্ |
সুপ্তং গ্রামং মহোঘ ইব মৃত্যুরাদায় গচ্ছতি || ৪||
পুষ্পাণি হ্যেব প্রচিন্বন্তং ব্যাসক্তমনসং নরম্ |
অতৃপ্তমেব কামেষু অন্তকঃ কুরুতে বশম্ || ৫||
যথাপি ভ্রমরঃ পুষ্পং বর্ণগন্ধং অঘ্নন্ |
পলায়তে রসমাদায় এবং গ্রামে মুনিশ্চরেৎ || ৬||
ন পরেষাং বিলোমানি ন পরেষাং কৃতাকৃতম্ |
আত্মনং এব অবেক্ষেত কৃতান্যকৃতানি চ || ৭||
যথাপি রুচিরং পুষ্পং বর্ণবদগন্ধকম্ |
এবং সুভাষিতা বাক্ সফলা ভবতি কুর্বতঃ || ৮||
যথাপি রুচিরং পুষ্পং বর্ণবৎ সগন্ধকম্ |
এবং সুভাষিতা বাক্ সফলা ভবতি কুর্বতঃ || ৯||
যথাপি পুষ্পরাশেঃ কুর্যাৎ মালাগুণান্ বহূন্ |
এবং জাতেন মর্ত্ত্যেন কর্ত্তব্যং কুশলং বহু || ১০||
ন পুষ্পগন্ধঃ প্রতিবাতমেতি ন চন্দনং তগরমল্লিকে বা |
সতাঞ্চ গন্ধঃ প্রতিবাতমেতি সর্বা দিশঃ সৎপুরুষঃ প্রবাতি || ১১||
চন্দনং তগরং বাপি উৎপলং অথ বার্ষিকী |
এতেষাং গন্ধজাতানাং শীলগন্ধোঽনুত্তরঃ || ১২||
অল্পমাত্রোঽযং গন্ধো যোঽযং তগরচন্দনী |
যশ্চ শীলবতাং গন্ধো বাতি দেবেষু উত্তমঃ || ১৩||
তেষাং সম্পন্নশীলানাং অপ্রমাদ- বিহারিণাম্ |
সম্যগ্জ্ঞানবিমুক্ত্তানাং মারো মার্গং ন বিন্দতি || ১৪||
যতা সঙ্কারধানে উজ্ঝিতে মহাপথে |
পদ্ম তত্র জায়েত শুচিগন্ধং মনোরমম্ || ১৫||
এবং সঙ্কারভূতে অন্ধভূতে পৃথগ্জনে |
অতিরোচতে প্রজ্ঞয়া সম্যক্- সংবুদ্ধ- শ্রাবকঃ || ১৬||
|| ইতি পুষ্পবর্গঃ সমাপ্তঃ ||
৫. বালবর্গঃ পঞ্চমঃ
দীর্ঘা জাগ্রতো রাত্রিঃ দীর্ঘং শ্রান্তস্য যোজনম্ |
দীর্ঘো বালানাং সংসারঃ সদ্ধর্মং অবিজানতাম্ || ১||
চরন্ চেৎ নাধিগচ্ছেৎ শ্রেয়াংসং সদৃশং আত্মনঃ |
একচর্যাং দৃঢং কুর্যাৎ নাঽস্তি বালে সহায়তা || ২||
পুত্রা মে সন্তি ধনং মেঽস্তি ইতি বালো বিহন্যতে |
আত্মা হ্যাত্মনো নাঽস্তি কুতঃ পুত্রাঃ কুতো ধনম্ || ৩||
যো বালো মন্যতে বাল্যং পণ্ডিতশ্চাপি তেন স |
বালশ্চ পণ্ডিতমানী স বৈ বাল ইত্যুচ্যতে || ৪||
যাবজ্জীবমপি চেদ্ বালঃ পণ্ডিতং পর্যুপাসতে |
ন স ধর্মং বিজানাতি দর্বী সূপরসং যথা || ৫||
মুহূর্ত্তমপি চেদ্ বিজ্ঞাঃ পণ্ডিতং পর্যুপাসতে |
ক্ষিপ্রং ধর্মং বিজানাতি জিহ্বা সূপরসং যথা || ৬||
চরন্তি বালা দুর্মেধসোঽমিত্রেণৈবাত্মনা |
কুর্বন্তঃ পাপকং কর্মং যদ্ভবতি কটুকফলম্ || ৭||
ন তৎ কর্ম কৃতং সাধু যৎ কৃত্ত্বাঽনুতপ্যতে |
যস্যাশ্রুমুখো রুদন্ বিপাকং প্রতিসেবতে || ৮||
তচ্চ কর্মং কৃতং সাধু যৎ কৃৎবা নানুতপ্যতে |
যস্য প্রতীতঃ সুমন বিপাকং প্রতিসেবতে || ৯||
মধ্বিব মন্যতে বালো যাবৎ পাপং ন পচ্যতে |
যদা চ পচ্যতে পাপং অথ বালো দুঃখং নিগচ্ছতি || ১০||
মাসে মাসে কুশাগ্রেণ বালো ভুঞ্জীত ভোজনম্ |
ন স সংখ্যাতধর্মাণাং কলামর্হতি ষোডশীম্ || ১১||
নহি পাপং কৃতং কর্ম সদ্যঃ ক্ষীরমিব মুঞ্চতি |
দহন্ বালমন্বেতি ভস্মচ্ছন্ন ইব পাবকঃ || ১২||
যাবদেব অনর্থায় জ্ঞপ্তং বালস্য জায়তে |
হন্তি বালস্য শুক্লাংশং মূর্দ্ধানমস্য বিপাতয়ন্ || ১৩||
অসদ্ ভবনমিচ্ছেৎ পুরস্কারং চ ভিক্ষুষু |
আবাসেষু চৈশ্বর্যং পূজাং পরকুলেষু চ || ১৪||
মমৈব কৃতং মন্যেতাং গৃহি- প্রব্রজিতাবুভৌ |
মমৈবাতিবশাঃ স্যাতাং কৃত্যাকৃত্যেষু কষু চিৎ |
ইতি বালস্য সঙ্কল্প ইচ্ছা মানশ্চ বর্দ্ধতে || ১৫||
অন্যা হি লাভোপনিষদ্ অন্যা নির্বাণগামিনি |
এবমেতদ্ অভিজ্ঞায় ভিক্ষুর্বুদ্ধস্য শ্রাবকঃ |
সৎকারং নাভিনন্দেৎ বিবেকমনুবৃংহয়েৎ || ১৬||
|| ইতি বালবর্গঃ সমাপ্তঃ ||
৬. পণ্ডিতবর্গঃ ষষ্ঠঃ
নিধীনামিব প্রবক্তারং যং পশ্যেৎ বর্জ্যদর্শিনাম্ |
নিগৃহ্যবাদিনং মেধাবিনং তাদৃশং পণ্ডিতং ভজেৎ |
তাদৃশং ভজমানস্য শ্রেয়ো ভবতি ন পাপীয়ঃ || ১||
অববদেদনুশিষ্যাৎ অসভ্যাচ্চ নিবারয়েৎ |
সতাং হি স প্রিয়ো ভবতি অসতাং ভবত্যপ্রিয়ঃ || ২||
ন ভজেৎ পাপকানি মিত্রাণি ন ভজেৎ পুরুষাধমান্ |
ভজেৎ মিত্রাণি কল্যাণানি ভজেত পুরুষনুত্তমান্ || ৩||
ধর্মপীতীঃ সুখং শেতে বিপ্রসন্নেন চেতসা |
আর্যপ্রবেদিতে ধর্মে সদা রমতে পণ্ডিতঃ || ৪||
উদকং হি নয়ন্তি নেতৃকা ইষুকারা নময়ন্তি তেজনম্ |
দারুং নময়ন্তি তক্ষকা আত্মানং দময়ন্তি পণ্ডিতাঃ || ৫||
শৈলো যথৈকঘনো বাতেন ন সমীর্যতে |
এবং নিন্দাপ্রশংসাসু ন সমীর্যন্তে পণ্ডিতাঃ || ৬||
যথাপি হৃদো গংভীরো বিপ্রসন্নোঽনাবিলঃ |
এবং ধর্মান্ শ্রুৎবা বিপ্রসীদন্তি পণ্ডিতাঃ || ৭||
সর্বত্র বৈ সৎপুরুষা ব্রজন্তি ন কামকামা লপন্তি সন্তঃ |
সুখেন স্পৃষ্টা অথবা দুঃখেন নোচ্চাবচং পণ্ডিতা দর্শয়ন্তি || ৮||
নাত্মহেতোঃ ন পরস্য হেতোঃ ন পুত্রমিচ্ছেন্ন ধনং ন রাষ্ট্রম্ |
নেচ্ছেদ্ অধর্মেণ সমৃদ্ধিমাত্মনঃ স শীলবান্ প্রজ্ঞাবান্ ধার্মিকঃ স্যাৎ ||
৯||
অল্পকাস্তে মনুষ্যেষু যে জনাঃ পারগামিনঃ |
অথেমা ইতরাঃ প্রজাঃ তীরমেবানুধাবতি || ১০||
যে চ খলু সম্যগাখ্যাতে ধর্মে ধর্মানুবর্ত্তিনঃ |
তে জনা পারমেষ্যন্তি মৃত্যুধেয়ং সুদুস্তরম্ || ১১||
কৃষ্ণং ধর্মং বিপ্রহায় শুক্লং ভাবয়েৎ পণ্ডিতঃ |
ওকাৎ অনোকং আগম্য বিবেকে যত্র দুরমম্ || ১২||
তত্রাভিরতিমিচ্ছেৎ হিত্ত্বা কামান্ অকিঞ্চনঃ |
পর্যবদাপয়েৎ আত্মানং চিত্তক্লেশৈঃ পণ্ডিতঃ || ১৩||
যেষাং সংবোধ্যংগেষু সম্যগ্চিত্তং সুভাবিতম্ |
আদানপ্রতিনিঃসর্গে অনুপাদায় যে রতাঃ |
ক্ষীণাস্রবা জ্যোতিষ্মন্তস্তে লোকে পরিনির্বৃতাঃ || ১৪||
|| ইতি পণ্ডিতবর্গ সমাপ্তঃ ||
৭. অর্হদ্বর্গঃ সপ্তমঃ
গতাধ্বনো বিশোকস্য বিপ্রমুক্তস্য সর্বথা |
সর্বগ্রন্থপ্রহীণস্য পরিদাহো ন বিদ্যতে || ১||
উদ্যুঞ্জতে স্মৃতিমন্তো ন নিকেতে রমন্তে তে |
হংসা ইব পল্বলং হিত্ত্বা ওকমোকং জহতি তে || ২||
যেষাং সন্নিচয়ো নাঽস্তি যে পরিজ্ঞাতভোজনাঃ |
শূন্যতোঽনিমিত্তশ্চ বিমোক্ষো যেষাং গোচরঃ |
আকাশ ইব শকুন্তানাং গতিস্তেষাং দুরন্বয়া || ৩||
যস্যাস্রবাঃ পরিক্ষীণা আহারে চ অনিঃসৃতঃ |
শূন্যতোঽনিমিত্তশ্চ বিমোক্ষো যস্য গোচরঃ |
আকাশ ইব শকুন্তানাং পদং তস্য দুরন্বয়ম্ || ৪||
যস্যেন্দ্রিয়াণি শমথং গতানি অশ্বা যথা সারথিনা সুদান্তাঃ |
প্রহীণমানস্য অনাস্রবস্য দেবা অপি তস্য স্পৃহয়ন্তি তাদৃশঃ || ৫||
পৃথিবীসমো ন বিরুধ্যতে ইন্দ্রকীলোপমঃ তাদৃক্ সুব্রতঃ |
হৃদ ইবাপেতকর্দমঃ সংসারা ন ভবন্তি তাদৃশঃ || ৬||
শান্তং তস্য মনো ভবতি বাক্ চ কর্ম চ |
সম্যগাজ্ঞাবিমুক্তস্য উপশান্তস্য তাদৃশঃ || ৭||
অশ্রদ্ধোঽকৃতজ্ঞশ্চ সন্ধিছেদশ্চ যো নরঃ |
হতাবকাশো বান্তাশঃ স বৈ উত্তম পুরুষঃ || ৮||
গ্রামে বা যদি বাঽঽরণ্যে নিম্নে বা যদি বা স্থলে |
যত্রার্হন্তো বিহরন্তি সা ভূমী রামণীয়কা || ৯||
রমণীয়ান্যরণ্যানি যত্র ন রমতে জনঃ |
বীতরাগা রংস্যন্তে ন তে কামগবেষিণঃ || ১০||
|| ইতি অর্হদ্বর্গঃ সমাপ্তঃ ||
৮. সহস্রবর্গো অষ্টমঃ
সহস্রমপি চেদ্ বাচোঽনর্থপদসংহিতা |
একমর্থপদং শ্রেয়ো যৎ শ্রুত্ত্বোপশাম্যতি || ১||
সহস্রমপি চেদ্গাথা অনর্ত্থপদসংহিতা |
একং গাথাপদং শ্রেয়ো যৎ শ্রুত্ত্বোপশাম্যতি || ২||
যশ্চ গাথাশতং ভাষেতানর্থপদসংহিতাঃ |
একং ধর্মপদং শ্রেয়ো যৎ শ্রুত্ত্বোপশাম্যতি || ৩||
যঃ সহস্রং সহস্রেণ সংগ্রামে মানুষান্ জয়েৎ |
একং চ জয়েদ্ আত্মানং স বৈ সংগ্রামজিদুত্তমঃ ৪
আত্মা হ বৈ জিতঃ শ্রেয়ান্ যা চেয়মিতরা প্রজা |
দান্তাত্মনঃ পুরুষস্য নিত্যং সংযতচারিণঃ || ৫||
নৈব দেবো ন গন্ধর্বো ন মারঃ সহ ব্রহ্মণা |
জিতং অপজিতং কুর্যাৎ তথারূপস্য জন্তোঃ || ৬||
মাসে মাসে সহস্রেণ যো যজেত শতং সমান্ |
একং চ ভাবিতাত্মানং মুহুর্ত্তমপি পূজয়েৎ |
সৈব পুজনা শ্রেয়সী যচ্চেদ্ বর্ষশতং হুতম্ || ৭||
যশ্চ বর্ষশতং জন্তুরগ্নিং পরিচরেৎ বনে |
একং চ ভাবিতাত্মানং মুহুর্ত্তমপি পূজয়েৎ |
সৈব পূজনা শ্রেয়সী যচ্চেৎ বর্ষশতং হুতম্ || ৮||
যৎ কিঞ্চিদ্ ইষ্টং চ হুতং চ লোকে সংবৎসরং যজেত পুণ্যাপেক্ষঃ |
সর্বমপি তন্ন চতুর্ভাগমেতি অভিবাদনা ঋজুগতেষু শ্রেয়সী || ৯||
অভিবাদনশীলস্য নিত্ত্যং বৃদ্ধাপচায়িনঃ |
চৎবারো ধর্মা বর্ধন্তে আয়ুর্বর্ণঃ সুখং বলম্ || ১০||
যশ্চ বর্ষশতং জীবেৎ দুঃশীলোঽসমাহিতঃ |
একাহং জীবিতং শ্রেয়ঃ শীলবতো ধ্যায়িনঃ || ১১||
যশ্চ বর্ষশতং জীবেৎ দুষ্প্রজ্ঞোঽসমাহিতঃ |
একাহং জীবিতং শ্রেয়ঃ প্রজ্ঞাবতো ধ্যায়িনঃ || ১২||
যঞ্চ বর্ষশতং জীবেৎ কুসীদো হীনবীর্যঃ |
একাহং জীবিতং শ্রেয়ঃ বীর্যমারভতো দৃঢম্ || ১৩||
যশ্চ বর্ষশতং জীবেৎ অপশ্যন্ উদয়ব্যয়ং
একাহং জীবিতং শ্রেয়ঃ পশ্যতঃ উদয়ব্যয়ম্ || ১৪||
যশ্চ বর্ষশতং জীবেৎ অপশ্যন্নমৃতং পদম্ |
একাহং জীবিতং শ্রেয়ঃ পশ্যতোঽমৃতং পদম্ || ১৫||
যঞ্চ বর্ষশতং জীবেদপশ্যন্ ধর্মমুত্তমম্ |
একাহং জীবিতং শ্রেয়ঃ পশ্যতো ধর্মমুত্তমম্ || ১৬||
|| ইতি সহস্রবর্গঃ সমাপ্তঃ ||
৯. পাপবর্গঃ নবমঃ
অভিৎবরেত কল্যাণে পাপাৎ চিত্তং নিবারয়েৎ |
তন্দ্রিতং হি কুর্বতঃ পুণ্যং পাপে রমতে মনঃ || ১||
পাপং চেৎ পুরুষঃ কুর্যাৎ ন তৎ কুর্যাৎ পুনঃ পুনঃ |
ন তস্মিন্ ছন্দং কুর্যাৎ দুঃখঃ পাপস্য উচ্চয়ঃ || ২||
পুণ্যং চেৎ পুরুষঃ কুর্যাৎ কুর্যাদেতৎ পুনঃ পুনঃ |
তস্মিন্ ছন্দং কুর্যাৎ সুখঃ পুণ্যস্য উচ্চয়ঃ || ৩||
পাপোঽপি পশ্যতি ভদ্রং যাবৎ পাপং ন পচ্যতে |
যদা চ পচ্যতে পাপং অথ পাপো পাপানি পশ্যতি || ৪||
ভদ্রোঽপি পশ্যতি পাপং যাবৎ ভদ্রং ন পচ্যতে |
যদা চ পচ্যতে ভদ্রং অথ ভদ্রাণি পশ্যতি || ৫||
মাঽবমন্যেত পাপস্য ন মাং তদ্ আগমিষ্যতি |
উদবিন্দুনিপাতেন উদকুংভোঽপি পূর্যতে |
বালঃ পূরয়তি পাপং স্তোকং স্তোকমপ্যাচিন্বন্ || ৬||
মাঽবমন্যেত পুণ্যস্য ন মাং তদ্ আগমিষ্যতি |
উদবিন্দুনিপাতেন উদকুংভোঽপি পূর্যতে |
ধীরঃ পূরয়তি পুণ্যস্য স্তোকং স্তোকমপ্যাচিন্বন্ || ৭||
বাণিগিব ভয়ং মার্গং অল্পসার্থো মহাধনঃ |
বিষং জীবিতুকাম ইব পাপানি পরিবর্জয়েৎ || ৮||
পাণৌ চেদ্ ব্রণো ন স্যাদ্ হরেৎ পাণিনা বিষম্ |
নাঽব্রণং বিষমন্বেতি নাঽস্তি পাপং অকুর্বতঃ || ৯||
যোঽল্পদুষ্টায় নরায় দুষ্যতি শুদ্ধায় পুরুষায়াঽনঙ্গনায় |
তমেব বালং প্রত্যেতি পাপং সূক্ষ্মো রজঃ প্রতিবাতমিব ক্ষিপ্তম্ || ১০||
গর্ভমেক উৎপদ্যন্তে নিরয়ং পাপকর্মিণঃ |
স্বর্গং সুগতয়ো যান্তি পরিনির্বান্ত্যনাস্রবাঃ || ১১||
নান্তরীক্ষে ন সমুদ্রমধ্যে ন পর্বতানাং বিবরং প্রবিশ্য |
ন বিদ্যতে স জগতি প্রদেশো যত্রস্থিতো মুচ্যেত পাপকর্মণঃ || ১২||
নান্তরিক্ষে ন সমুদ্রমধ্যে ন পর্বতানাং বিবরং প্রবিশ্য |
ন বিদ্যতে স জগতি প্রদেশো যত্রস্থিতং ন প্রসহেত মৃত্যুঃ || ১৩||
|| ইতি পাপবর্গঃ সমাপ্তঃ ||
১০. দণ্ডবর্গঃ দশমঃ
সর্বে ত্রস্যন্তি দণ্ডাৎ সর্বে বিভ্যতি মৃত্যোঃ |
আত্মানং উপমাং কৃৎবা ন হন্যাৎ ন ঘাতয়েৎ || ১||
সর্বে ত্রসয়ন্তি দণ্ডাৎ সর্বেষাং জিবিতং প্রিয়ম্ |
আত্মানং উপমাং কৃৎবা ন হন্যাৎ ন ঘাতয়েৎ || ২||
সুখকামানি ভূতানি যো দণ্ডেন বিহিনস্তি |
আত্মনঃ সুখমন্বিষ্য প্রেত্ত্য স ন লভতে সুখম্ || ৩||
সুখকামানি ভূতানি যো দণ্ডেন ন হিনসতি |
আত্মনঃ সুখমন্বিষ্য প্রেত্ত্য স লভতে সুখম্ || ৪||
মা বোচঃ পরুষং কিঞ্চিদ্ উক্তাঃ প্রতিবদেয়ুস্ত্বাম্ |
দুঃখা হি সংরংভকথা প্রতিদণ্ডাঃ স্পৃশেয়ুস্ত্বাম্ || ৫||
স চেৎ নেরয়সি আত্মানং কাংস্যমুপহতং যথা |
এষ প্রাপ্তোঽসি নির্বাণং সংরংভস্তে ন বিদ্যতে || ৬||
যথা দণ্ডেন গোপালো গাঃ প্রাজয়তি গোচরম্ |
এবং জরা চ মৃত্যুশ্চায়ুঃ প্রাজয়তঃ প্রাণিনাম্ || ৭||
অথ পাপানি কর্মাণি কুর্বন্ বালো ন বুধ্যতে |
স্বৈঃ কর্মভিঃ দুর্মেধা অগ্নিদগ্ধ ইব তপ্যতে || ৮||
যো দণ্ডেনাঽদণ্ডেষু অপ্রদুষ্টেষু দুষ্যতি |
দশানামন্যতমং স্থানং ক্ষিপ্রমেব নিগচ্ছতি || ৯||
বেদনাং পরুষাং জ্যানিং শরীরস্য চ ভেদনম্ |
গুরুকং বাঽপ্যাবাধং চিত্তক্ষেপং বা প্রাপ্নুয়াৎ || ১০||
রাজতো বোপসর্গং অভ্যাখ্যানং বা দারুণম্ |
পরিক্ষয়ং বা জ্ঞাতীনাং ভোগানাং বা প্রভঞ্জনম্ || ১১||
অথবাঽস্যাগারাণি অগ্নির্দহতি পাবকঃ |
কায়স্য ভেদাৎ দুষ্প্রজ্ঞো নিরয়ং স উপপদ্যতে || ১২||
ন নগ্নচর্যা ন জটা ন পঙ্কাং নাঽনশনং স্থণ্ডিলশায়িকা বা |
রজোজলীয়ং উৎকুটিকাপ্রধানং শোধয়ন্তি মর্ত্ত্যং অবিতীর্ণকাংক্ষম্ || ১৩||
অলঙ্কৃতশ্চেদপি শমং চরেৎ শান্তো দান্তো নিয়তো ব্রহ্মচারী |
সর্বেষু ভূতেষু নিধায় দণ্ডং স ব্রাহ্মণঃ স শ্রমণঃ স ভিক্ষুঃ || ১৪||
হ্রীনিষেধঃ পুরুষঃ কশ্চিৎ লোকে বিদ্যতে |
যো নিন্দাং ন প্রবুধ্যতি অশ্বো ভদ্রঃ কশামিব || ১৫||
অশ্বো যথা ভদ্রঃ কশানিবিষ্ট আতাপিনঃ সংবেগিনো ভবত |
শ্রদ্ধয়া শীলেন চ বীর্যেণ চ সমাধিনা ধর্মবিনিশ্চয়েন চ |
সম্পন্নবিদ্যাচরণাঃ প্রতিস্মৃতাঃ প্রহাস্যথ দুঃখমিদং অনল্পকম্ || ১৬||
উদকং হি নয়ন্তি নেতৃকাঃ ইষুকারা নময়ন্তি তেজনম্ |
দারুং নময়ন্তি তক্ষকা আত্মানং দময়ন্তি সুব্রতাঃ || ১৭||
|| ইতি দণ্ডবর্গঃ সমাপ্তঃ ||
১১. জরাবর্গ একাদশঃ
কো নু হাসঃ ক আনন্দো নিত্যং প্রজ্বলিতে সতি |
অন্ধকারেণাঽবনদ্ধাঃ প্রদীপং ন গবেষয়থ || ১||
পশ্য চিত্রীকৃতং বিম্বং অরুষ্কায়ং সমুচ্ছ্রিতম্ |
আতুরং বহুসঙ্কল্পং যস্য নাঽস্তি ধ্রুবং স্থিতিঃ || ২||
পরিজীর্ণমিদং রূপং রোগনীডং প্রভংগুরম্ |
ভিদ্যতে পূতিসন্দেহো মরণান্তং হি জিবিতম্ || ৩||
যানিমান্যপথ্যান্যলাবূনীব শরদি |
কাপোতকান্যস্থীনী তানি দৃষ্ট্বা কা রতিঃ || ৪
অস্থ্নাং নগরং কৃতং মাংসলোহিতলেপনম্ |
যত্র জরা চ মৃত্যুশ্চ মানো ম্রক্ষশ্চাবহিতঃ || ৫||
জীর্যন্তি বৈ রাজরথা সুচিত্রা অথ শরীরমপি জরামুপেতি |
সতাং চ ধর্মো ন জরামুপেতি সন্তো হ বৈ সদ্ভয়ঃ প্রবেদয়ন্তি || ৬||
অল্পশ্রুতোঽযং পুরুষো বলীবর্দ ইব জীর্যতি |
মাংসানি তস্য বর্দ্ধন্তে প্রজ্ঞা তস্য ন বর্দ্ধতে || ৭||
অনেকজাতিসংসারং সমধাবিষং অনিবিশমানঃ |
গৃহকারকং গবেষয়ন্ দুঃখা জাতিঃ পুনঃ পুনঃ || ৮||
গৃহকারক দৃষ্টোসি পুনর্গেহং ন করিষ্যসি |
সর্বাস্তে পার্শ্বিকা ভগ্না গৃহকূটং বিসংস্কৃতম্ |
বিসংস্কারগতং চিত্তং তৃষ্ণানাং ক্ষয়মধ্যগাৎ || ৯||
অচরিত্ত্বা ব্রহ্মচর্যং অলব্ধ্বা যৌবনে ধনম্ |
জীর্ণক্রৌঞ্চ ইব ক্ষীয়ন্তে ক্ষীণমৎস্য ইব পল্বলে || ১০||
অচরিৎবা ব্রহ্মচর্যং অলব্ধ্বা যৌবনে ধনম্ |
শেরতে চাপোঽতিক্ষীণা ইব পুরাণান্যনুতন্বন্তঃ || ১১||
|| ইতি জরাবর্গঃ সমাপ্তঃ ||
১২. আত্মবর্গঃ দ্বাদশঃ
আত্মান চেৎ প্রিয়ং জানীয়াদ্ রক্ষেত্তং সুরক্ষিতম্ |
ত্রয়াণামন্যতমং যামং প্রতিজাগৃয়াৎ পণ্ডিতঃ || ১||
আত্মানমেব প্রথমং প্রতিরূপে নিবেশয়েৎ |
অথান্যমনুশিষ্যাৎ ন ক্লিশ্যেৎ পণ্ডিতঃ || ২||
আত্মানং চেৎ তথা কুর্যাৎ যথাঽন্যমনুশাসতি |
সুদান্তো বত দময়েদ্ আত্মা হি কিল দুর্দমঃ || ৩||
আত্মা হি আত্মনো নাথঃ কোহি নাথঃ পরঃ স্যাৎ |
আত্মনা হি সুদান্তেন নাথং লভতে দুর্লভম্ || ৪||
আত্মনৈব কৃতং পাপং আত্মজং আত্মসংভবম্ |
অভিমথ্নাতি দুর্মেধসং বজ্রমিবাশ্মময়ং মণিম্ || ৫||
যস্যাঽত্যন্তদৌঃশীল্যং মালুবা শালমিবাততম্ |
করোতি স তথাত্মানং যথৈনমিচ্ছন্তি দ্বিষঃ || ৬||
সুকরাণ্যসাধূন্যাত্মনোঽহিতানি চ |
যদ্বৈ হিতং চ সাধু চ তদ্বৈ পরমদুষ্করম্ || ৭||
যঃ শাসনমর্হতাং আর্যাণাং ধর্মজীবিনাম্ |
প্রতিক্রুশ্যতি দুর্মেধা দৃষ্টিং নিঃশ্রিত্য পাপিকাম্ |
ফলানি কাষ্ঠকস্যেব আত্মহত্ত্যায়ৈ ফুল্লতি || ৮||
আত্মনৈব কৃতং পাপং আত্মনা সংক্লিশ্যতি |
আত্মনাঽকৃতং পাপং আত্মনৈব বিশুধ্যতি |
শুদ্ধয়শুদ্ধী প্রত্ত্যাত্মং নাঽন্যোঽন্যং বিশোধয়েৎ || ৯||
আত্মনোঽর্থং পরার্থেন বহুনাঽপি ন হাপয়েৎ |
আত্মনোঽর্থমভিজ্ঞায় সদর্থপ্রসিতঃ স্যাৎ || ১০||
|| ইতি আত্মবর্গঃ সমাপ্তঃ ||
১৩. লোকবর্গঃ ত্রয়োদশঃ
হীনং ধর্মং ন সেবেত প্রমাদেন ন সংবসেৎ |
মিথ্যাদৃষ্টিং ন সেবেত ন স্যাৎ লোকবর্দ্ধনঃ || ১||
উত্তিষ্ঠেন্ন প্রমাদ্যেদ্ ধর্মং সুচরিতং চরেৎ |
ধর্মচারী সুখং শেতেঽস্মিং লোকে পরত্র চ || ২||
ধর্মং চরেৎ সুচরিতং ন তং দুশ্চরিতং চরেৎ |
ধর্মচারী সুখং শেতেঽস্মিং লোকে পরত্র চ || ৩||
যথা বুদ্বুদকং পশ্যেৎ যথা পশ্যেৎ মরীচিকাম্ |
এবং লোকমবেক্ষমাণং মৃত্যুরাজো ন পশ্যতি || ৪||
এন পশ্যতেমং লোকং চিত্রং রাজরথোপমম্ |
যত্র বালা বিষীদন্তি নাঽস্তি সঙ্গো বিজানতাম্ || ৫||
যশ্চ পূর্বং প্রমাদ্য পশ্চাৎ স ন প্রমাদ্যতি |
স ইমং লোকং প্রভাসয়তি অভ্রান্মুক্ত ইব চন্দ্রমা || ৬||
যস্য পাপং কৃতং কর্ম কুশলেন পিধীয়তে |
স ইমং লোকং প্রভাসয়তি অভ্রান্মুক্ত ইব চন্দ্রমা || ৭||
অন্ধভূতোঽযং লোকঃ তনুকোঽত্র বিপশ্যতি |
শকুনো জালমুক্ত ইবাল্পঃ স্বর্গায় গচ্ছতি || ৮||
হংসা আদিত্যপথে যান্তি আকাশে যান্তি ঋদ্ধিয়া |
নীয়ন্তে ধীরা লোকাৎ জিৎবা মারং সবাহিনীকম্ || ৯||
একং ধর্মমতীতস্য মৃষাবাদিনো জন্তোঃ |
বিতীর্ণপরলোকস্য নাঽস্তি পাপমকার্যম্ || ১০||
ন বৈ কদর্যা দেবলোকং ব্রজন্তি বালা হ বৈ ন প্রশংসন্তি দানম্ |
ধীরশ্চ দানং অনুমোদমানস্তেনৈব স ভবতি সুখী পরত্র || ১১||
পৃথিব্যা একরাজ্যাৎ স্বর্গস্য গমনাদ্ বা |
সর্বলোকাঽঽধিপত্ত্যাদ্ স্রোত আপত্তিফলং বরম্ || ১২||
|| ইতি লোকবর্গঃ সমাপ্তঃ ||
১৪. বুদ্ধবর্গঃ চতুর্দশঃ
যস্য জিতং নাবজীয়তে জিতমস্য ন যাতি কশ্চিল্লোকে |
তং বুদ্ধমনন্তগোচরং অপদং কেন পদেন নেপ্যথ ? || ১||
যস্য জালিনী বিষাত্মিকা তৃষ্ণা নাঽস্তি কুত্রচিন্নেতুম্ |
তং বুদ্ধমনন্তগোচরং অপদং কেন পদেন নেপ্যথ ? || ২||
যে ধ্যানপ্রসৃতা ধীরাঃ নৈষ্কাম্যোপশমে রতাঃ |
দেবা অপি তেষাং স্পৃহয়ন্তি সংবুদ্ধানাং স্মৃতিমতাম্ || ৩||
কৃচ্ছ্রো মনুষ্যপ্রতিলাভঃ কৃচ্ছ্রং মর্ত্ত্যানাং জীবিতম্ |
কৃচ্ছ্রং সদ্ধর্মশ্রবণং কৃচ্ছ্রো বুদ্ধানাম্ উৎপাদঃ || ৪||
সর্বপাপস্যাকরণং কুশলস্যোপসম্পদা |
স্বচিত্তপর্যবদাপনং এতদ্ বুদ্ধানাং শাসনম্ || ৫||
ক্ষান্তিঃ পরমং তপঃ তিতিক্ষা নির্বাণং পরমং বদন্তি বুদ্ধাঃ |
নহি প্রব্রজিতঃ পরোপঘাতী শ্রমণো ভবতি পরং বিহেঠয়ন্ || ৬||
অনুপবাদোঽনুপঘাতঃ প্রাতিমোক্ষে চ সংবরঃ |
মাত্রাজ্ঞতা চ ভক্তে প্রান্তং চ শয়নাসনম্ |
অধিচিত্তে চায়োগঃ এতদ্ বুদ্ধানাং শাসনম্ || ৭||
ন কার্ষাপণবর্ষেণ তৃপ্তিঃ কামেষু বিদ্যতে |
অল্পাস্বাদা দুঃখাঃ কামা ইতি বিজ্ঞায় পণ্ডিতঃ || ৮||
অপি দিব্যেষু কামেষু রতিং স নাঽধিগচ্ছতি |
তৃষ্ণাক্ষয়রতো ভবতি সম্যক্সংবুদ্ধশ্রাবকঃ || ৯||
বহু বৈ শরণং যন্তি পর্বাতাংশ্চ বনানি চ |
আরামবৃক্ষচৈত্যানি মনুষ্যা ভয়তর্জিতাঃ || ১০||
নৈতৎ খলু শরণং ক্ষেমং নৈতৎ শরণমুত্তমম্ |
নৈতৎ শরণমাগম্য সর্বদুঃখাৎপ্রমুচ্যতে || ১১||
যশ্চ বুদ্ধং চ ধর্মং চ সংঘং ন্চ শরণং গতঃ |
চৎবারি আর্যসত্যানি সম্যক্ প্রজ্ঞয়া পশ্যতি || ১২||
দুঃখং দুঃখসমুৎপাদং দুঃখস্য চাতিক্রমম্ |
আর্যাষ্টাঙ্গিকং মার্গং দুঃখোপশমগামিনম্ || ১৩||
এতৎ খলু শরণং ক্ষেমং এতৎ শরণমুত্তমম্ |
এতৎ শরণমাগম্য সর্বদুঃখাৎ প্রমুচ্যতে || ১৪||
দুর্লভঃ পুরুষাজানেয়ো ন স সর্বত্র জায়তে |
যত্র স জায়তে ধীরস্তৎকুলং সুখমেধতে || ১৫||
সুখো বুদ্ধানাং উৎপাদঃ সুখা সদ্ধর্ম- দেশনা |
সুখা সংঘস্য সামগ্রী সমগ্রাণাং তপঃ সুখম্ || ১৬||
পূজার্হান্ পূজয়তো বুদ্ধান্ যদি বা শ্রাবকান্ |
প্রপঞ্চসমিতিক্রান্তান্ তীর্ণশোকপরিদ্রবান্ || ১৭||
তান্ তাদৃশান্ পূজয়তো নির্বৃতান্ অকুতোভয়ান্ |
ন শক্যং পুণ্যং সংখ্যাতুং এবম্মাত্রমপি কেনচিৎ || ১৮||
ইতি বুদ্ধবর্গঃ সমাপ্তঃ
১৫. সুখবর্গঃ পঞ্চদশঃ
সুসুখং বত জীবামো বৈরিষ্ববৈরিণঃ |
বৈরিষু মনুষ্যেষু বিহরামোঽবৈরিণঃ || ১||
সুসুখং বত জীবাম আতুরেষু অনাতুরাঃ |
আতুরেষু মনুষ্যেষু বিহরামোঽনাতুরাঃ || ২||
সুসুখং বত জীবাম উৎসুকেষু অনুৎসুকাঃ |
উৎসুকেষু মনুষ্যেষু বিহরাম অনুৎসুকাঃ || ৩||
সুসুখং বত জীবামো যেষাং নো নাঽস্তি কিঞ্চন |
প্রীতিভক্ষ্যা ভবিষ্যামঃ দেবা আভাস্বরা যথা || ৪||
জয়ো বৈরং প্রসূতে দুঃখং শেতে পরাজিতঃ |
উপশান্তঃ সুখং শেনে হিত্ত্বা জয়পরাজয়ৌ || ৫||
নাঽস্তি রাগসমোঽগ্নিঃ নাঽস্তি দ্বেষসমঃ কলিঃ |
নাসতি স্কন্ধসদৃশানি দুঃখাঃ নাঽস্তি শান্তিপরং সুখম্ || ৬||
জিঘৎসা পরমো রোগঃ সংস্কারঃ পরমং দুঃখম্ |
এতদ্ জ্ঞাৎবা যথাভূতং নির্বাণং পরমং সুখম্ || ৭||
আরোগ্যং পরমো লাভঃ সন্তুষ্টিঃ পরমং ধনম্ |
বিশ্বাসঃ পরমা জ্ঞাতিঃ নির্বাণং পরমং সুখম্ | ৮||
প্রবিবেকরসং পীৎবা রসং উপশমস্য চ |
নির্দরো ভবতি নিষ্পাপো ধর্ম প্রীতিরসং পিবন্ || ৯||
সাধু দর্শনমার্যাণাং সন্নিবাসঃ সদা সুখঃ |
অদর্শনেন বালানাং নিত্যমেব সুখী স্যাৎ || ১০||
বালসংগতচারী হি দীর্ঘমধানং শোচতি |
দুঃখো বালৈঃ সংবাসোঽমিত্রেণৈব সর্বদা |
ধীরশ্চ সুখসংবাসো জ্ঞাতীনামিব সমাগমঃ || ১১||
তস্মাদ্ধি ধীরং চ প্রাজ্ঞং চ বহুশ্রুতং চ ধুর্যশীলং ব্রতবন্তমার্যম্
|
তং তাদৃশং সৎপুরুষং সুমেধসং ভজেত নক্ষত্রপথমিব চন্দমাঃ ||
১২||
|| ইতি সুখবর্গঃ সমাপ্তঃ ||
১৬. প্রিয়বর্গঃ ষোডশঃ
অয়োগে যুঞ্জন্নাত্মানং যোগে চায়োজয়ন্ |
অর্থং হিত্ত্বা প্রিয়গ্রাহী স্পৃহয়েদাত্মানুয়োগিনম্ || ১||
মা প্রিয়ৈঃ সমাগচ্ছ অপ্রিয়ৈঃ কদাচন
প্রিয়াণাম্ অদর্শনং দুঃখং অপ্রিয়াণাং চ দর্শনম্ || ২||
তস্মাৎ প্রিয়ং ন কুর্যাৎ প্রিয়াপায়ো হি পাপকঃ |
গ্রন্থাঃ তেষাং ন বিদ্যন্তে যেষাং নাঽস্তি প্রিয়াপ্রিয়ম্ || ৩||
প্রিয়তো জায়তে শোকঃ প্রিয়তো জায়তে ভয়ম্ |
প্রিয়তো বিপ্রমুক্তস্য নাঽস্তি শোকঃ কুতো ভয়ম্ || ৪||
প্রেমতো জায়তে শোকঃ প্রেমতো জায়তে ভয়ম্ |
প্রেমতো বিপ্রমুক্তস্য নাঽস্তি শোকঃ কুতো ভয়ম্ || ৫||
রত্যা জায়তে শোকো রত্যা জায়তে ভয়ম্ |
রত্যা বিপ্রমুক্তস্য নাঽস্তি শোকঃ কুতো ভয়ম্ || ৬||
কামতো জায়তে শোকঃ কামতো জায়তে ভয়ম্ |
কামতো বিপ্রমুক্তস্য নাঽস্তি শোকঃ কুতো ভয়ম্ || ৭||
তৃষ্ণায়া জায়তে শোকঃ তৃষ্ণায়া জায়তে ভয়ম্ |
তৃষ্ণায়া বিপ্রমুক্তস্য নাঽস্তি শোকঃ কুতো ভয়ম্ || ৮||
শীলদর্শনসম্পন্নং ধর্মিষ্ঠং সত্যবাদিনম্ |
আত্মনঃ কর্ম কুর্বাণং তং জনঃ কুরুতে প্রিয়ম্ || ৯||
ছন্দজাতোঽনাখ্যাতে মনসা চ স্ফুরিতঃ স্যাৎ |
কামেষু চাঽপ্রতিবদ্ধচিত্ত ঊর্ধ্বস্রোতা ইত্যুচ্যতে || ১০||
চিরপ্রবাসিনং পুরুষং দূরতঃ স্বস্ত্যাগতম্ |
জ্ঞাতিমিত্রাণি সুহৃদশ্চাঽভিনন্দন্ত্যাগতম্ || ১১||
তথৈব কৃতপুণ্যমপি অস্মাল্লোকাৎপরং গতম্ |
পুণ্যানি প্রতিগৃহ্যন্তি প্রিয়ং জ্ঞাতিভিবাগতম্ || ১২||
|| ইতি প্রিয়বর্গঃ সমাপ্তঃ ||
১৭. ক্রোধবর্গঃ সপ্তদশঃ
ক্রোধং জহ্যাদ্ বিপ্রজহ্যাৎ মানং সংযোজনং সর্বমতিক্রমেত |
তং নাম- রূপয়োরসজ্যমানং অকিঞ্চনং নাঽনুপতন্তি দুঃখানি || ১||
যো বৈ উৎপতিতং ক্রোধং রথং ভ্রান্তমিব ধারয়েৎ |
তমহং সারথিং ব্রবীমি রশ্মিগ্রাহ ইতরো জনঃ || ২||
অক্রোধেন জয়েৎ ক্রোধং অসাধুং সাধুনা জয়েৎ|
জয়েৎ কদর্থং দানেন জয়েৎ সত্যেনাঽলীকবাদিনম্ || ৩||
সত্যং ভণেন্ন ক্রুধ্যেৎ দদ্যাদল্পেঽপি যাচিতঃ |
এতৈস্ত্রিভিঃ স্থানৈঃ গচ্ছেদ্ দেবানামন্তিকে || ৪||
অহিংসকা যে মুনয়ো নিত্যং কায়েন সংবৃতাঃ |
তে যন্তি অচ্যুতং স্থানং যত্র গৎবা ন শোচন্তি || ৫||
সদা জাগ্রতাং অহোরাত্রং অনুশিক্ষমাণানাম্ |
নির্বাণং অধিমুক্তানাং অস্তং গচ্ছন্তি আস্রবাঃ || ৬||
পুরণমেতদ্ অতুল ! নৈতদ্ অদ্যতনমেব |
নিন্দন্তি তুষ্ণীমাসীনং নিন্দন্তি বহুভাণিনম্ |
মিতভাণিনমপি নিন্দন্তি নাঽস্তি লোকেঽনিন্দিতঃ || ৭||
ন চাঽভূৎ ন ভবিষ্যতি ন চৈতহিং বিদ্যতে |
একান্তং নিন্দিতঃ পুরুষঃ একান্তং বা প্রশংসিতঃ || ৮||
যশ্চেদ্ বিজ্ঞাঃ প্রশংসন্তি অনুবিচ্য শ্বঃ শ্বঃ |
অচ্ছিদ্রবৃত্তিং মেধাবিনং প্রজ্ঞাশীলসমাহিতম্ || ৯||
নিষ্কং জংবূনদস্যেব কস্তং নিন্দিতুমর্হতি |
দেবা অপি তং প্রশংসন্তি ব্রহ্মণাঽপি প্রশংসিতঃ || ১০||
কায়প্রকোপং রক্ষেৎ কায়েন সংবৃতঃ স্যাৎ |
কায়দুশ্চরিতং হিত্ত্বা কায়েন সুচরিতং চরেৎ || ১১||
বচঃ প্রকোপং রক্ষেদ্ বাচা সংবৃতঃ স্যাৎ |
বচো দুশ্চরিতং হিত্ত্বা বাচা সুচরিতং চরেৎ || ১২||
মনঃ প্রকোপং রক্ষেদ্ মনসা সংবৃতঃ স্যাৎ |
মনোদুশ্চরিতং হিত্ত্বা মনসা সুচরিতং চরেৎ || ১৩||
কায়েন সংবৃতা ধীরা অথ বাচা সংবৃতাঃ |
মনসা সংবৃতা ধীরা তে বৈ সুপরিসংবৃতাঃ || ১৪||
|| ইতি ক্রোধবর্গঃ সমাপ্তঃ ||
১৮. মলবর্গোষ্টাদশঃ
পাণ্ডুপলাসমিবেদানীমসি যমপুরুষোঽপি চৎবাং উপস্থিতাঃ |
উদ্যোগমুখে চ তিষ্ঠসি পাথেয়মপি চ তে ন বিদ্যতে || ১||
স কুরু দ্বীপমাত্মনঃ ক্ষিপ্রং ব্যায়চ্ছস্ব পণ্ডিতো ভব |
নির্ধূতমলোঽনঙ্গণো দিব্যাং আর্যভূমিং এষ্যসি|| ২||
উপনীতবয়া ইদনীমসি সম্প্রয়াতোঽসি যমস্যান্তিকে |
বাসোঽপি চ তে নাঽস্তি অন্তরা পাথেয়মপি চ তে ন বিদ্যতে || ৩||
স কুরু দ্বীপমাত্মনঃ ক্ষিপ্রং ব্যায়চ্ছস্ব পণ্ডিতো ভব |
নির্ধূতমলোঽনঙ্গণো ন পুনর্জাতিজরে উপেষ্যসি || ৪||
অনুপূর্বেণ মেধাবী স্তোকং স্তোকং ক্ষণে ক্ষণে |
কর্মারো রজতস্যেব নির্ধমেৎ মলমাত্মনঃ || ৫||
অয়স ইব মলং সমুত্থিতং তস্মাদ্ উত্থায় তদেব খাদতি |
এবং অতিধাবনচারিণং স্বানি কর্মাণি নয়ন্তি দুর্গতিম্ || ৬||
অস্বাধ্যায়মলা মন্ত্রা অনুত্থানমলা গৃহা |
মলং বর্ণস্য কৌসীদ্যং প্রমাদো রক্ষতো মলম্ || ৭||
মলং স্ত্রিয়া দুশ্চরিতং মাৎসর্যং দদতো মলম্ |
মলং বৈ পাপকা ধর্মা অস্মিন্ লোকে পরত্র চ || ৮||
ততো মলং মলতরং অবিদ্যা পরমং মলম্ |
এতৎ মলং প্রহায় নির্মলা ভবত ভিক্ষবঃ || ৯||
সুজীবিতং অহ্রীকেণ কাকশূরেণ ধ্বংসিনা |
প্রস্কন্দিনা প্রগল্ভেন সংক্লিষ্টেন জীবিতম্ || ১০||
হ্রীমতা চ দুর্জীবিতং নিত্যং শূচিগবেষিণা |
অলীনেনাঽপ্রগল্ভেন শুদ্ধাজীবেন পশ্যতা || ১১||
যঃ প্রাণমতিপাতয়তি মৃষাবাদং চ ভাষতে |
লোকেঽদত্তমাদত্তে পরদারাংশ্চ গচ্ছতি || ১২||
সুরামৈরেয়পানং চ যো নরোঽনুয়ুনক্তি |
ইহৈবমেষ লোকে মূলং খনত্যাত্মনঃ || ১৩||
এবং ভো পুরুষ ! জানীহি পাপধর্মাণোঽসংযতান্ |
মা ৎবাং লোভোঽধর্মশ্চ চিরং দুঃখায় রন্ধেরন্ || ১৪||
দদাতি বৈ যথাশ্রদ্ধং যথা প্রসাদনং জনঃ |
তত্র যো মূকো ভবতি পরেষাং পানভোজনে |
ন স দিবা বা রাত্রৌ বা সমাধিং অধিগচ্ছতি || ১৫||
যস্য চ তৎ সমুচ্ছিন্নং মূলঘাতং সমুদ্ধতম্ |
স বৈ দিবা বা রাত্রৌ বা সমাধিং অধিগচ্ছতি || ১৬||
নাঽস্তি রাগসমোঽগ্নিঃ নাঽস্তি দ্বেষসমো গ্রাহঃ |
নাঽস্তি মোহসমং জালং নাঽস্তি তৃষ্ণা সমা নদী || ১৭||
সুদর্শং বদ্যমন্যেষাং আত্মনঃ পুনর্দুর্দশম্ |
পরেষাং হি স বদ্যানি অবপুণাতি যথাতুষম্ |
আত্মনঃ পুনঃ ছাদয়তি কলিমিব কিতবাৎ শঠঃ || ১৮||
পরবদ্যাঽনুদর্শিনো নিত্যং উদ্ধ্যানসংজ্ঞিনঃ |
আস্রবাস্তস্য বর্দ্ধন্তে আরাদ্ স আস্রবক্ষয়াৎ || ১৯||
আকাশে চ পদং নাঽস্তি শ্রমণো নাঽস্তি বহিঃ |
প্রপঞ্চাঽভিরতাঃ প্রজা নিষ্প্রপঞ্চাস্তথাগতাঃ || ২০||
আকাশে চ পদং নাঽস্তি শ্রমণো নাঽস্তি বহিঃ |
সংস্কারাঃ শাশ্বতা ন সন্তি নাঽস্তি বুদ্ধানামিঙ্গিতম্ || ২১||
|| ইতি মলবর্গঃ সমাপ্তঃ ||
১৯. ধর্মষ্ঠবর্গঃ একোনবিংশঃ
ন তেন ভবতি ধর্মস্থো যেনার্থং সহসা নয়েৎ |
যশ্চাঽর্থং অনর্থং চ উভৌ নিশ্চিনুয়াৎ পণ্ডিতঃ || ১||
অসাহসেন ধর্মেণ সমেন নয়তে পরান্ |
ধর্মেণ গুপ্তো মেধাবী ধর্মস্থ ইত্যুচ্যতে || ২||
ন তাবতা পণ্ডিতো ভবতি যাবতা বহু ভাষতে |
ক্ষেমী অবৈরী অভয়ঃ পণ্ডিত ইত্যুচ্যতে || ৩||
ন তাবতা ধর্মধরো যাবতা বহু ভাষতে |
যশ্চাল্পমঽপি শ্রুৎবা ধর্মং কায়েন পশ্যতি |
স বৈ ধর্মধরো ভবতি যো ধর্মং ন প্রমাদ্যতি || ৪||
ন তেন স্থবিরো ভবতি যেনাঽস্য পলিতং শিরঃ |
পরিপক্বং বয়স্তস্য মোঘজীর্ণ ইত্যুচ্যতে || ৫||
যস্মিন্ সত্যং চ ধর্মশ্চাহিংসা সংযমো দমঃ |
স বৈ বান্তমলো ধীরঃ স্থবির ইতুচ্যতে || ৬||
ন বাক্ করণমাত্রেণ বর্ণপুষ্কলতয়া বা |
সাধুরূপো নরো ভবতি ঈর্ষুকো মৎসরী শঠঃ || ৭||
যস্য চৈতৎ সমুচ্ছিন্নং মূলঘাতং সমুদ্ধতম্ |
স বান্তদোষো মেধাবী সাধুরূপ ইত্যুচ্যতে || ৮||
ন মুণ্ডকেন শ্রমণোঽব্রতোঽলীকং ভণন্ |
ইচ্ছালাভসমাপন্নঃ শ্রমণঃ কিং ভবিষ্যতি || ৯||
যশ্চ শময়তি পাপানি অণূনি স্থূলানি সর্বশঃ |
শমিতৎবাদ্ধি পাপানাং শ্রমণ ইতুচ্যতে || ১০||
ন তাবতা ভিক্ষুর্ভবতি যাবতা ভিক্ষতে পরান্ |
বিশ্বং ধর্মং সমাদায় ভিক্ষুর্ভবতি ন তাবতা || ১১||
য ইহ পুণ্যং চ পাপং চ বাহয়িৎবা ব্রহ্মচর্যবান্ |
সংখ্যায় লোকে চরতি স বৈ ভিক্ষুরিত্যুচ্যতে || ১২||
ন মৌনেন মুনির্ভবতি মূঢরূপোঽবিদ্বান্ |
যশ্চ তুলামিব প্রগৃহ্য বরমাদায় পণ্ডিতঃ || ১৩||
পাপানি পরিবর্জয়তি স মুনিস্তেন স মুনিঃ |
যো মনুত উভৌ লোকৌ মুনিস্তেন প্রোচ্যতে || ১৪||
ন তেনাঽঽর্যো ভবতি যেন প্রাণান্ হিনস্তি |
অহিংসয়া সর্বপ্রাণানাং আর্য ইতি প্রোচ্যতে || ১৫||
ন শীলব্রতমাত্রেণ বাহুশ্রুত্ত্যেন বা পুনঃ |
অথবা সমাধিলাভেন বিবিচ্য শয়নেন বা || ১৬||
স্পৃশামি নৈষ্কর্ম্যসুখং অপৃথগ্জনসেবিতম্ |
ভিক্ষো বিশ্বাসং মা পাদীঃ অপ্রাপ্ত আস্রবক্ষয়ম্ || ২১||
|| ইতি ধর্মস্থবর্গঃ সমাপ্তঃ ||
২০. মার্গবর্গঃ বিংশঃ
মার্গাণামষ্টাঙ্গিকঃ শ্রেষ্ঠঃ সত্যানাং চৎবারি পদানি |
বিরাগঃ শ্রেষ্ঠো ধর্মাণাং দ্বিপদানাং চ চক্ষুষ্মান্ || ১||
এষ বো মার্গো নাঽস্ত্যন্যো দর্শনস্য বিশুদ্ধয়ে |
এতং হি যূয়ং প্রতিপদ্যধ্বং মারস্যৈষ প্রমোহনঃ || ২||
এতং হি যূয়ং প্রতিপন্না দুঃখস্যান্তং করিষ্যথ |
আখ্যাতো বৈ ময়া মার্গঃ আজ্ঞায় শল্য- সংস্থানম্ || ৩||
যুষ্মাভিঃ কার্যং আতপ্যং আখ্যাতারস্তথাগতাঃ |
প্রতিপন্নাঃ প্রমোক্ষ্যন্তে ধ্যায়িনো মারবন্ধনাৎ || ৪||
সর্বে সংস্কারা অনিত্যা ইতি যদা প্রজ্ঞয়া পশ্যতি |
অথ নির্বিন্দতি দুঃখানি এষ মার্গো বিশুদ্ধয়ে || ৫||
সর্বে সংস্কারা দুঃখা ইতি যদা প্রজ্ঞয়া পশ্যতি |
অথ নির্বিন্দতি দুঃখানি এষ মার্গো বিশুদ্ধয়ে || ৬||
সর্বে ধর্মা অনাত্মান ইতি যদা প্রজ্ঞয়া পশ্যতি |
অথ নির্বিন্দতি দুঃখানি এষ মার্গো বিশুদ্ধয়ে || ৭||
উত্থানকালেঽনুত্তিষ্ঠন্ যুবা বলি আলস্যমুপেতঃ |
সংসন্ন- সঙ্কল্প- মনাঃ কুসীদঃ প্রজ্ঞয়া মার্গং অলসো ন বিন্দতি || ৮||
বাচাঽনুরক্ষী মনসা সুসংকৃতঃ কায়েন চাঽকুশলং ন কুর্যাৎ |
এতান্ ত্রীন্ কর্মপথান্ বিশোধয়েৎ আরাধয়েৎ মার্গং ঋষিপ্রবেদিতম্ || ৯||
যোগাদ্ বৈ জায়তে ভূরি অয়োগাদ্ ভূরিসংক্ষয়ঃ |
এতং দ্বেধাপথং জ্ঞাত্ত্বা ভবায় বিভবায় চ |
তথাঽঽত্মানং নিবেশয়েদ্ যথাভূরি প্রবর্ধতে || ১০||
বনং ছিন্ধি মা বৃক্ষং বনতো জায়তে ভয়ম্ |
ছিত্ত্বা বনং চ বনথং চ নির্বনা ভবথ ভিক্ষবঃ || ১১||
যাবদ্ধি বনথো ন ছিদ্যতেঽণুমাত্রোঽপি নরস্য নারীষু |
প্রতিবদ্ধমনাঃ নু তাবৎ স বৎসঃ ক্ষীরপ ইব মাতরি || ১২||
উচ্ছিন্ধি স্নেহমাত্মনঃ কুমুদং শারদীকমিব পাণিনা |
শান্তিমার্গমেব বৃংহয় নির্বাণং সুগতেন দেশিতম্ || ১৩||
ইহ বর্ষাসু বসিষ্যামি ইহ হেমন্তগ্রীষ্ময়োঃ |
ইতি বালো বিচিন্তয়তি অন্তরায়ং ন বুধ্যতে || ১৪||
তং পুত্র- পশু- সম্মতং ব্যাসক্তমনসং নরম্ |
সুপ্তং গ্রামং মহৌঘ ইব মৃত্যুরাদায় গচ্ছতি || ১৫||
ন সন্তি পুত্রাস্ত্রাণায় ন পিতা নাঽপি বান্ধবাঃ |
অন্তকেনাধিপন্নস্য নাঽস্তি জ্ঞাতিষু ত্রাণতা || ১৬||
এতমর্ত্থবশং জ্ঞাৎবা পণ্ডিতো শীলসংবৃতঃ |
নির্বাণগমনং মার্গং ক্ষিপ্রমেব বিশোধয়েৎ || ১৭||
|| ইতি মার্গবর্গঃ সমাপ্তঃ ||
২১. প্রকীর্ণকবর্গঃ একবিংশঃ
মাত্রাসুখপরিত্যাগাৎ পশ্যেচ্চেৎ বিপুলং সুখম্ |
ত্যজেন্মাত্রাসুখং ধীরঃ সংপশ্যন্ বিপুলং সুখম্ || ১||
পরদুঃখোপাদানেন য আত্মনঃ সুখমিচ্ছতি |
বৈরসংসর্গসংসৃষ্টো বৈরাৎ স ন প্রমুচ্যতে || ২||
যদ্ধি কৃত্যং অপবিদ্ধং অকৃত্যং পুনঃ কুর্যুঃ|
উন্মলানাং প্রমত্তানাং তেষাং বর্দ্ধন্ত আস্রবাঃ || ৩||
যেষাংঞ্চ সুসমারব্ধা নিত্যং কায়গতা স্মৃতিঃ |
অকৃত্যং তে ন সেবন্তে কৃত্যে সাতত্যকারিণঃ |
সতাং সম্প্রজানানাং অস্তং গচ্ছন্ত্যাস্রবাঃ || ৪||
মাতরং পিতরং হত্ত্বা রাজানৌ দ্বৌ চ ক্ষত্রিয়ৌ |
রাষ্ট্রং সাঽনুচরং হত্ত্বাঽনঘো যাতি ব্রাহ্মণঃ || ৫||
মাতরং পিতরং হৎবা রাজানৌ দ্বৌ চ শ্রোত্রিয়ৌ |
ব্যাঘ্রপংচমং হত্ত্বাঽনঘো যাতি ব্রাহ্মণঃ || ৬||
সুপ্রবুদ্ধং প্রবুধ্যন্তে সদা গৌতমশ্রাবকাঃ |
যেষাং দিবা চ রাত্রৌ চ নিত্যং বুদ্ধগতা স্মৃতিঃ || ৭||
সুপ্রবুদ্ধা প্রবুধ্যন্তে সদা গৌতমশ্রাবকাঃ |
যেষাং দিবা চ রাত্রৌ চ নিত্যং ধর্মগতা স্মৃতিঃ || ৮||
সুপ্রবুদ্ধাঃ প্রবুধ্যন্তে সদা গৌতমশ্রাবকাঃ |
যেষাং দিবা চ রাত্রৌ চ নিত্যং সংঘগতা স্মৃতিঃ || ৯||
সুপ্রবুদ্ধা প্রবুধ্যন্তে সদা গৌতমশ্রাবকাঃ |
যেষাং দিবা চ রাত্রৌ চ নিত্যং কায়গতা স্মৃতিঃ || ১০||
সুপ্রবুদ্ধাঃ প্রবুধ্যন্তে সদা গৌতমশ্রাবকাঃ |
যেষাং দিবা চ রাত্রৌ চ অহিংসায়াং রতং মনঃ || ১১||
সুপ্রবুদ্ধাঃ প্রবুধ্যন্তে সদা গৌতমশ্রাবকাঃ |
যেষাং দিবা চ রাত্রৌ চ ভাবনায়াং রতং মনঃ || ১২||
দুষ্প্রব্রজ্যাং দুরভিরামং দুরাবাসং গৃহং দুঃখম্ |
দুখোঽসমানসংবাসো দুঃখাঽনুপতিতোঽধ্বগঃ |
তস্মান্ন চাঽধ্বগঃ স্যান্ন চ দুঃখানুপতিতঃ স্যাৎ || ১৩||
শ্রদ্ধঃ শীলেন সম্পন্নো যশোভোগসমর্পিতঃ |
যং যং প্রদেশং ভজতে তত্র তত্রৈব পূজিতঃ || ১৪||
দূরে সন্তঃ প্রকাশন্তে হিমবন্ত ইব পর্বতাঃ |
অসন্তোঽত্র ন দৃশ্যন্তে রাত্রিক্ষিপ্তা যথা শরাঃ || ১৫||
একাসন একশয়্য একশ্চরন্নতন্দ্রিতঃ |
একো দময়ন্নাত্মানং বনান্তে রতঃ স্যাৎ || ১৬||
|| ইতি প্রকীর্ণকবর্গঃ সমাপ্তঃ ||
২২. নিরয়বর্গো দ্বাবিংশঃ
অভূতবাদী নিরয়মুপেতি যো বাঽপি কৃৎবা ন করোমি তি চাহ |
উভাবপি তৌ প্রেত্ত্য সমা ভবতো নিহীনকর্মাণৌঃ মনুজৌঃ পরত্র || ১||
কাষায়কণ্ঠা বহবঃ পাপধর্মা অসংযতাঃ |
পাপাঃ পাপৈঃ কর্মভির্নিরয়ং তে উৎপদ্যন্তে || ২||
শ্রেয়ান্ অয়োগোলো ভুক্তস্তপ্তোঽগ্নিশিখোপম |
যচ্চেদ্ ভুঞ্জীত দুঃশীলো রাষ্ট্রপিংডং অসংযতঃ || ৩||
চৎবারি স্থানানি নরঃ প্রমত্তঃ আপদ্যতে পরদারোপসেবী |
অপুণ্যলাভং ন নিকামশয়্যাং নিন্দাং তৃতীয়াং নিরয়ং চতুর্থম্ || ৪||
অপুণ্যলাভশ্চ গতিশ্চ পাপিকা ভীতস্য ভীতয়া রতিশ্চ স্তোকিকা |
রাজা চ দণ্ডং গুরুকং প্রণয়তি তস্মাৎ নরো পরদারান্ ন সেবেৎ || ৫||
কুশো যথা দুর্গৃহীতো হস্তমেবাঽনুকৃন্ততি |
শ্রামণ্যং দুষ্পরামৃষ্টং নিরয়ায়োপকর্ষতি || ৬||
যৎ কিঞ্চিৎ শিথিলং কর্ম সংক্লিষ্টং চ যদ্ ব্রতম্ |
সংকৃচ্ছ্রং ব্রহ্মচর্যং ন তদ্ ভবতি মহৎফলম্ || ৭||
কুর্যাচ্চেৎ কুর্বীতৈতদ্ দৃঢমেতৎ পরাক্রমেত |
শিথিলো হি পরিব্রাজকো ভূয় আকিরতে রজঃ || ৮||
অকৃতং দুষ্কৃতং শ্রেয়ঃ পশ্চাৎ তপতি দুষ্কৃতম্ |
কৃতং চ সুকৃতং শ্রেয়ো যৎ কৃৎবা নাঽনুতপ্যতে || ৯||
নগরং যথা প্রত্যন্তং গুপ্তং সান্তর্বাহ্যং
এবং গোপয়েদাত্মানং ক্ষণং বৈ মা উপাতিগাঃ |
ক্ষণাঽতীতা হি শোচন্তি নিরয়ে সমর্পিতাঃ || ১০||
অলজ্জিতা যে লজ্জন্তে লজ্জিত যে ন লজ্জন্তে |
মিথ্যাদৃষ্টি সমাদানা সত্ত্বা গচ্ছন্তি দুর্গতিম্ || ১১||
অভয়ে চ ভয়দর্শিনো ভয়ে চাঽভয়দর্শিনঃ |
মিথ্যাদৃষ্টিসমাদানাঃ সত্ত্বা গচ্ছন্তি দুর্গতিম্ || ১২||
অবদ্যে বদ্যমতয়ো বদ্যে চাঽবদ্যদর্শিনঃ |
মিথ্যাদৃষ্টিসমাদানাঃ সত্ত্বা গচ্ছন্তি দুর্গতিম্ || ১৩||
বদ্যং চ বদ্যতো জ্ঞাৎবাঽবদ্যং চাবদ্যতঃ |
সম্যগ্দৃষ্টিসমাদানাঃ সত্ত্বা গচ্ছন্তি সুগতিম্ || ১৪||
|| ইৎ নিরয়বর্গঃ সমাপ্তঃ ||
২৩. নাগবর্গঃ ত্রয়োবিংশঃ
অহং নাগ ইব সংগ্রামে চাপতঃ পতিতং শরম্ |
অতিবাক্যং তিতিক্ষিষ্যে দুঃহ্শীলা হি বহুজনাঃ || ১||
দান্তং নয়ন্তি সমিতিং দান্তং রাজাঽভিরোহতি |
দান্তঃ শ্রেষ্ঠা মনুষ্যেষু যোতিবাক্যং তিতিক্ষসে || ২||
বরমশ্বতরা দান্তা আজানীয়াশ্চ সিন্ধবঃ |
কুঞ্জরাশ্চ মহানাগা আত্মদান্তস্ততো বরম্ || ৩||
ন হি এতৈর্যানৈঃ গচ্ছেদগতাং দিশম্ |
যথাঽঽত্মনা সুদান্তেন দান্তো দান্তেন গচ্ছতি || ৪||
ধনপালকো নাম কুঞ্জরঃ কটকপ্রভেদনো দুর্নিবার্যঃ |
বদ্ধঃ কবলং ন ভুংক্তে স্মরতি নাগবনস্য কুঞ্জরঃ || ৫||
মৃদ্ধো যদা ভবতি মহাঘসশ্চ নিদ্রায়িতঃ সপরিবর্ত্তশায়ী |
মহাবরাহ ইব নিবাপপুষ্টঃ পুনঃ পুনঃ গর্ভমুপৈতি মন্দঃ || ৬||
ইদং পুরা চিত্তমচরৎ চারিকাং যথেচ্ছং যথাকামং যথাসুখম্ |
তদদ্যাঽহং নিগ্রহিষ্যামি যোনিশো হস্তিনং প্রভিন্নমিবাঙ্কুশগ্রাহঃ || ৭||
অপ্রমাদরতা ভবত স্বচিত্তমনুরক্ষত |
দুর্গাদুদ্ধরতাঽঽত্মানং পঙ্কে সক্ত ইব কুঞ্জরঃ || ৮||
স চেৎ লভেত নিপক্বং সহায়ং সার্দ্ধং চরন্তং সাধুবিহারিণং ধীরম্ |
অভিভূয় সর্বান্ পরিশ্রয়ান্ চরেৎ তেনাঽঽত্তমনাঃ স্মৃতিমান্ || ৯||
ন চেৎ লভেত নিপক্বং সহায়ং সার্দ্ধং চরন্তং সাধুবিহারিণং ধীরম্ |
রাজেব রাষ্ট্রং বিজিতং প্রহায় একশ্চরেৎ মাতঙ্গোঽরণ্য ইব নাগঃ || ১০||
একস্য চরিতং শ্রেয়ো নাঽস্তি বালে সহায়তা |
একশ্চরেন্ন চ পাপানি কুর্যাদ্ অল্পোৎসুকো মাতংগোঽরণ্য ইব নাগঃ || ১১||
অর্থে জাতে সুখাঃ সহায়াঃ তুষ্টিঃ সুখা যা যেতরেতরেণ |
পুণ্যং সুখং জীবিতসংক্ষয়ে সর্বস্য দুঃখস্য সুখং প্রহাণম্ || ১২||
সুখা মাত্রীয়তা লোকেঽথ পিত্রীয়তা সুখা
সুখা শ্রমণতা লোকেঽথ ব্রাহ্মণতা সুখা || ১৩||
সুখং যাবদ্ জরাং শীলং সুখা শ্রদ্ধা প্রতিষ্ঠিতা |
সুখঃ প্রজ্ঞায়াঃ প্রতিলাভঃ পাপানাং অকরণং সুখম্ || ১৪||
|| ইতি নাগবর্গঃ সমাপ্তঃ ||
২৪. তৃষ্ণাবর্গঃ চতুর্বিংশঃ
মনুজস্য প্রমত্তচারিণঃ তৃষ্ণা বর্দ্ধতে মালুবেব |
স প্লবতেঽহরহঃ ফলমিচ্ছন্ ইব বনে বানরঃ || ১||
যং এষা সাহয়তি জন্মিনী তৃষ্ণা লোকে বিষাত্মিকা |
শোকাস্তস্য প্রবর্দ্ধন্তেঽভিবর্দ্ধমানং বীরণম্ || ২||
যশ্চৈতাং সাহয়তি জন্মিনীং তৃষ্ণাং লোকে দুরত্যয়াম্ |
শোকাঃ তস্মাৎ প্রপতন্ত্যুদবিন্দুরিব পুষ্করাৎ || ৩||
তদ্ বো বদামি ভদ্রং বো যাবন্ত ইহ সমাগতাঃ |
তৃষ্ণায়া মূলং খনতোশীরার্থীব বীরণম্ || ৪||
যথাঽপি মূলেঽনুপদ্রবে দৃঢে ছিন্নোঽপি বৃক্ষঃ পুনরেব রোহতি |
এবমপি তৃষ্ণাঽনুশয়েঽনিহতে নির্বর্ত্ততে দুঃখমিদং পুনঃ পুনঃ || ৫||
যস্য ষট্ত্রিংশৎ স্রোতাংসি মনাপশ্রবণানি ভূয়াসুঃ |
বাহা বহন্তি দুর্দৃষ্টি সঙ্কল্পা রাগনিঃসৃতাঃ || ৬||
স্রবন্তি সর্বতঃ স্রোতাংসি লতোদ্ভিদ্য তিষ্ঠতি |
তাং চ দৃষ্ট্বা লতাং জাতাং মূলং প্রজ্ঞয়া ছিন্দত || ৭||
সরিতঃ স্নিগ্দ্ধাশ্চ সৌমনস্যা ভবন্তি জন্তোঃ
তে স্রোতঃসৃতাঃ সুখৈষিণস্তে বৈ জাতিজরোপগা নরাঃ || ৮||
তৃষ্ণয়া পুরস্কৃতাঃ প্রজাঃ পরিসর্পন্তি শশ ইব বদ্ধঃ |
সংযোজনসংগসক্তকা দুঃখমুপয়ন্তি পুনঃ পুনঃ চিরায় || ৯||
তৃষ্ণয়া পুরস্কৃতাঃ প্রজাঃ পরিসর্পন্তি শশ ইব বদ্ধঃ |
তস্মাৎ তৃষ্ণাং বিনোদয়েদ্ ভিক্ষুরাকাঙ্ক্ষী বিরাগমাত্মানঃ || ১০||
যো নির্বণার্থী বনাঽধিমুক্তো বনমুক্তো বনমেব ধাবতি |
তুং পুদ্গলমেব পশ্যত মুক্তো বন্ধনমেব ধাবতি || ১১||
ন তদ্ দৃঢং বন্ধনমাহুর্ধীরা যদ্ আয়সং দারুজং পর্বজং চ |
সারবদ্- রক্তা মণিকুণ্ডলেষু পুত্রেষু দারেষু চ যাঽপেক্ষা || ১২||
এতদ্ দৃঢং বন্ধনমাহুর্ধীরা অপহারি শিথিলং দুষ্প্রমোচম্ |
এতদপি ছিত্ত্বা পরিব্রজন্তি অনপেক্ষিণঃ কামসুখং প্রহায় || ১৩||
যে রাগরক্তা অনুপতন্তি স্রোতঃ স্বয়ংকৃতং মর্কটক ইব জালম্ |
এতদপি ছিত্ত্বা ব্রজন্তি ধীরা অনপেক্ষিণঃ সর্বদুঃখং প্রহায় || ১৪||
মুঞ্চ পুরো মুঞ্চ পশ্চাৎ মধ্যে মুঞ্চ ভবস্য পারগঃ |
সর্বত্র বিমুক্তমানসো ন পুনঃ জাতিজরে উপৈপি || ১৫||
বিতর্কপ্রমথিতস্য জন্তোঃ তীব্ররাগস্য শুভাঽনুদর্শিনঃ |
ভূয়ঃ তৃষ্ণা প্রবর্দ্ধতে এষ খলু দৃঢং করোতি বন্ধনম্ || ১৬||
বিতর্কোপশমে চ যো রতোঽশুভং ভাবয়তে সদা স্মৄতঃ |
এষ খলু ব্যন্তীকরিষ্যতি এষ ছেৎস্যতি মারবন্ধনম্ || ১৭||
নিষ্ঠাংগতোঽসংত্রাসী বীততৃষ্ণোঽনংগণঃ |
উৎসৃজ্য ভবশল্যানি অন্তিমোঽযং সমুছ্রয়ঃ || ১৮||
বীততৃষ্ণোঽনাদানো নিরুক্তিপদকোবিদো |
অক্ষরাণাং সন্নিপাতং জানাতি পূর্বাপরাণি চ |
স বৈ অন্তিমশারীরো মহাপ্রাজ্ঞ ইত্যুচ্যতে|| ১৯||
সর্বাভিভূঃ সর্ববিদহমস্মি সর্বেষু ধর্মেষু অনুপলিপ্তঃ |
সর্বংজহঃ তৃষ্ণাক্ষয়ে বিমুক্তঃ স্বয়মভিপ্রায় কমুদ্দিশেয়ম্ || ২০||
সর্বদানং ধর্মদানং জয়তি সর্বরসং ধর্মরসো জয়তি |
সর্বাং রতিং ধর্মরতির্জয়তি তৃষ্ণাক্ষয়ঃ সর্বদুঃখং জয়তি || ২১||
ঘ্নন্তি ভোগ দুর্মেধসং ন চেৎ পারগবেষিণঃ |
ভোগতৃষ্ণয়া দুর্মেধা হন্ত্যন্য ইবাত্মানঃ || ২২||
তৃণদোষাণি ক্ষেত্রাণি রাগদোষেয়ং প্রজা |
তস্মাদ্ধি বীতরাগেষু দত্তং ভবতি মহাফলম্ || ২৩||
তৃণদোষাণি ক্ষেত্রাণি দ্বেষদোষেয়ং প্রজা |
তস্মাদ্ধি বীতদোষেষু দত্তং ভবতি মহাফলম্ || ২৪||
তৃণদোষাণি ক্ষেত্রাণি মোহদোষেয়ং প্রজা |
তস্মাদ্ধি বীতমোহেষু দত্তং ভবতি মহাফলম্ || ২৫||
তৃণদোষাণি ক্ষেত্রাণি ইচ্ছাদোষেয়ং প্রজা |
তস্মাদ্ধি বিগতেচ্ছেষু দত্তং ভবতি মহাফলম্ || ২৬||
|| ইতি তৃষ্ণাবর্গঃ সমাপ্তঃ ||
২৫. ভিক্ষুবর্গঃ পঞ্চবিংশঃ
চক্ষুষা সংবরঃ সাধুঃ সাধুঃ শ্রেত্রেণ সংবরঃ |
ঘ্রাণেন সংবরঃ সাধুঃ সাধুঃ জিহ্বয়া সংবরঃ || ১||
কায়েন সংবরঃ সাধুঃ সাধুঃ বাচা সংবরঃ |
মনসা সংবরঃ সাধুঃ সাধুঃ সর্বত্র সংবরঃ |
সর্বত্র সংবৃতো ভিক্ষুঃ সর্বদুঃখাৎ প্রমুচ্যতে || ২||
হস্তসংযতঃ পাদসংযতো বাচা সংযতঃ সংযতোত্তমঃ |
অধ্যাত্মরতঃ সমাহিত একঃ সন্তুষ্টস্তমাহুর্ভিক্ষুম্ || ৩||
যো মুখসংযতো ভিক্ষুঃ মন্ত্রভাণী অনুদ্ধতঃ |
অর্থং ধর্মং চ দীপয়তি মধুরং তস্য ভাষিতম্ || ৪||
ধর্মারামো ধর্মরতো ধর্মং অনুবিচিন্তয়ন্ |
ধর্মমনুস্মরন্ ভিক্ষুঃ সদ্ধর্মান্ন পরিহীয়তে || ৫||
স্বলাভং নাঽতিমন্যেত নাঽন্যেষ্যঃ স্পৃহয়ন্ চরেৎ |
অন্যেষাং স্পৃহয়ন্ ভিক্ষুঃ সমাধিং নাঽধিগচ্ছতি || ৬||
অল্পলাভোঽপি চেদ্ ভিক্ষুঃ স্বলাভং নাঽতিমন্যতে |
তং বৈ দেবাঃ প্রশংসন্তি শুদ্ধাঽঽজীবং অতন্দ্রিতম্ || ৭||
সর্বশো নামরূপে যস্য নাঽস্তি মমায়িতম্ |
অসতি চ ন শোচতি স বৈ ভিক্ষুরিত্যুচ্যতে || ৮ ||
মৈত্রীবিহারী যো ভিক্ষূঃ প্রসন্নো বুদ্ধশাসনে |
অধিগচ্ছেৎ পদং শান্তং সংস্কারোপশমং সুখম্ || ৯||
সিঞ্চ ভিক্ষো ! ইমাং নাবং সিক্তা তে লঘুৎবং এষ্যতি |
ছিত্ত্বা রাগং চ দ্বেষং চ ততো নির্বাণমেষ্যসি || ১০||
পঞ্চ ছিন্ধি পঞ্চ জহ্যে পঞ্চোতরং ভাবয় |
পঞ্চসংগাঽতিগো ভিক্ষুঃ ওঘতীর্ণ ইত্যুচ্যতে || ১১||
ধ্যায় ভিক্ষো মা চ প্রমাদঃ মা তে কামগুণে ভ্রমতু চিত্তম্ |
মা লোহগোলং গিল প্রমত্তঃ মা ক্রন্দীঃ দুঃখমিদমিতি দহ্যমানঃ || ১২||
নাঽস্তি ধ্যানমপ্রজ্ঞস্য প্রজ্ঞা নাঽস্ত্যধ্যায়তঃ |
যস্মিন্ ধ্যানং চ প্রজ্ঞা চ স বৈ নির্বাণাঽন্তিকে || ১৩||
শূন্যাগারং প্রবিষ্টস্য শান্তচিত্তস্য ভিক্ষোঃ |
অমানুষী রতির্ভবতি সম্যগ্ ধর্মং বিপশ্যতঃ || ১৪||
যতো যতঃ সংমৃশতি স্কন্ধানাং উদয়ব্যয়ম্ |
লভতে প্রীতিপ্রামোদ্যং অমৃতং তদ্বিজানতাম্ || ১৫||
তত্রাঽযমাদির্ভবতীহ প্রাজ্ঞস্য ভিক্ষোঃ |
ইন্দ্রিয়গুপ্তিঃ সন্তুষ্টিঃ প্রাতিমোক্ষে চ সংবরঃ |
মিত্রাণি ভজস্ব কল্যাণানি শুদ্ধাজীবান্যতন্দ্রিতানি || ১৬||
প্রতিসংস্তারবৃত্তস্যাঽঽচারকুশলঃ স্যাৎ |
ততঃ প্রামোদ্যবহুলো দুঃখস্যাঽন্তং করিষ্যতি || ১৭||
বর্ষিকা ইব পুষ্পাণি মর্দিতানি প্রমুঞ্চতি |
এবং রাগং চ দ্বেষং চ বিপ্রমুঞ্চত ভিক্ষবঃ || ১৮||
শান্তকায়ো শান্তবাক্ শান্তিমান্ সুসমাহিতঃ |
বান্তলোকাঽঽমিষো ভিক্ষুঃ উপশান্ত ইত্যুচ্যতে || ১৯||
আত্মনা চোদয়েদাত্মানং প্রতিবসেদাত্মনাং আত্মনা |
স আত্মগুপ্তঃ স্মৃতিমান্ সুখং ভিক্ষো বিহরিষ্যসি || ২০||
আত্মা হ্যাত্মনো নাথঃ আত্মা হ্যাত্মনো গতিঃ |
তস্মাৎ সংযময়াত্মানং অশ্বং ভদ্রমিব বাণিক্ || ২১||
প্রামোদ্যবহুলো ভিক্ষুঃ প্রসন্নো বুদ্ধশাসনে |
অধিগচ্ছেৎ পদং শান্তং সংস্কারোপশমং সুখম্ || ২২||
যো হ বৈ দহরো ভিক্ষুর্যুক্ত্তে বুদ্ধশাসনে |
স ইমং লোকং প্রভাসয়ত্যভ্রান্ মুক্ত ইব চন্দ্রমা || ২৩||
|| ইতি ভিক্ষুবর্গঃ সমাপ্তঃ ||
২৬. ব্রাহ্মণবর্গঃ ষড্বিংশঃ
ছিন্ধি স্রোতঃ পরাক্রম্য কামান্ প্রণুদ ব্রাহ্মণ |
সংস্কারণাং ক্ষয়ং জ্ঞাৎবাঽকৃতজ্ঞোঽসি ব্রাহ্মণ || ১||
যদা দ্বয়োর্ধর্ময়োঃ পারগো ভবতি ব্রাহ্মণঃ |
অথাঽস্য সর্বে সংযোগা অস্তং গচ্ছন্তি জানতঃ || ২||
যস্য পারং অপারং বা পারাপারং ন বিদ্যতে |
বীতদরং বিসংযুক্তং তমহং ব্রবীমি ব্রাহ্মণম্ || ৩||
ধ্যায়িনং বিরজমাসীনং কৃতকৃত্যং অনাস্রবম্ |
উত্তমার্থমনুপ্রাপ্তং তমহং ব্রবীমি ব্রাহ্মণম্ || ৪||
দিবা তপত্যাদিত্যো রাত্রাবাভাতি চন্দ্রমাঃ |
সন্নদ্ধঃ ক্ষত্রিয়স্তপতি ধ্যায়ী তপতি ব্রাহ্মণঃ |
অথ সর্বমহোরাত্রং বুদ্ধস্তপতি তেজসা || ৫||
বাহিতপাপ ইতি ব্রাহ্মণঃ সমচর্যঃ শ্রমণ ইত্যুচ্যতে |
প্রব্রাজয়ন্নাঽঽত্মনো মলং তস্মাৎ প্রব্রজিত ইত্যুচ্যতে || ৬||
ন ব্রাহ্মণং প্রহরেৎ নাঽস্মৈ মুঞ্চেদ্ ব্রাহ্মণঃ |
ধিগ্ ব্রাহ্মণস্য হন্তারং ততো ধিগ্ যস্মৈ মুঞ্চতি || ৭||
ন ব্রাহ্মণস্যৈতদ্ অকিঞ্চিৎ শ্রেয়ো যদা নিষেধো মনসা প্রিয়েভ্যঃ |
যতো যতো হিংস্রমনো নিবর্ততে ততস্ততঃ শাম্যত্যেব দুঃখম্ || ৮||
যস্য কায়েন বাচা মনসা নাঽস্তি দুষ্কৃতম্ |
সংবৃতং ত্রিভিঃ স্থানৈঃ তমহং ব্রবীমি ব্রাহ্মণম্ || ৯||
যস্মাদ্ ধর্মং বিজানীয়াৎ সম্যক্- সংবুদ্ধ- দেশিতম্ |
সৎকৃত্য তং নমস্যেদ্ অগ্নিহোত্রমিব ব্রাহ্মণঃ || ১০||
ন জটাভির্ন গোত্রেণ ন জাত্যা ভবতি ব্রাহ্মণঃ |
যস্মিন্ সত্যং চ ধর্মস্চ স শুচিঃ স চ ব্রাহ্মণঃ || ১১||
কিং তে জটাভিঃ দুর্মেধঃ ! কিং তেঽজিনশাট্যা |
আভ্যন্তরং তে গহনং বাহ্যং পরিমার্জয়সি ? || ১২||
পাংশুকূলধরং জন্তুং কৃশং ধমনিসন্ততম্ |
একং বনে ধ্যায়ন্তং তমহং ব্রবীমি ব্রাহ্মণম্ || ১৩||
ন চাহং ব্রাহ্মণং ব্রবীমি যোনিজং মাতৃসংভবম্ |
ভো বাদী নাম স ভবতি স বৈ ভবতি সকিঞ্চনঃ |
অকিঞ্চনমনাদানং তমহং ব্রবীমি ব্রাহ্মণম্ || ১৪||
সর্বসংযোজনং ছিত্ত্বা যো বৈ ন পরিত্রস্যতি |
সংগাতিগং বিসংযুক্তং তমহং ব্রবীমি ব্রাহ্মণম্ || ১৫||
ছিৎবা নন্দিং বরত্রাং চ সন্দানং সহনুক্রমম্ |
উৎক্ষিপ্তপরিঘং বুদ্ধং তমহং ব্রবীমি ব্রাহ্মণম্ || ১৬||
আক্রোশন্ বধবন্ধং চাদুষ্টো যস্তিতিক্ষতি |
ক্ষান্তিবলং বলানীকং তমহং ব্রবীমি ব্রাহ্মণম্ || ১৭||
অক্রোধনং ব্রতবন্তং শীলবন্তং অনুশ্রুতম্ |
দান্তমন্তিমশারীরং তমহং ব্রবীমি ব্রাহ্মণম্ || ১৮||
বারি পুষ্করপত্র ইবারাগ্রে ইব সর্ষপঃ |
যো ন লিপ্যতে কামেষু তমহং ব্রবীমি ব্রাহ্মণম্ || ১৯||
যো দুঃখস্য প্রজানাতীহৈব ক্ষয়মাত্মনঃ |
পন্নভারং বিসংযুক্তং তমহং ব্রবীমি ব্রাহ্মণম্ || ২০||
গংভীরপ্রজ্ঞং মেধাবিনং মার্গামার্গস্য কোবিদম্ |
উত্তমার্থমনুপ্রাপ্তং তমহং ব্রবীমি ব্রাহ্মণম্ || ২১||
অসংসৃষ্টং গৃহস্থৈঃ অনাগারৈশ্চোভাভ্যাম্ |
অনোকঃসারিণং অল্পেচ্ছং তমহং ব্রবীমি ব্রাহ্মণম্ || ২২||
নিধায় দণ্ডং ভূতেষু ত্রসেষু স্থাবরেষু চ |
যো ন হন্তি ন ঘাতয়তি তমহং ব্রবীমি ব্রাহ্মণম্ || ২৩||
অবিরুদ্ধং বিরুদ্ধেষু আত্তদণ্ডেষু নির্বৃতম্ |
সাদানেষ্বনাদানং তমহং ব্রবীমি ব্রাহ্মণম্ || ২৪||
যস্য রাগশ্চ দ্বেষশ্চ মানো ম্রক্ষশ্চ পাতিতঃ |
সর্ষপ ইবাঽঽরাগ্রাৎ তমহং ব্রবীমি ব্রাহ্মণম্ || ২৫||
অকর্কশাং বিজ্ঞাপনীং গিরং সত্ত্যামুদীরায়েৎ |
যথা নাঽভিষজেৎ কিঞ্চিৎ তমহং ব্রবীমি ব্রাহ্মণম্ || ২৬||
য ইহ দীর্ঘং বা হৃস্বং বাঽণুং স্থূলং শুভাঽশুভম্ |
লোকেঽদত্তং নাদত্তে তমহং ব্রবীমি ব্রাহ্মণম্ || ২৭||
আশা যস্য ন বিদ্যন্তেঽস্মিন্ লোকে পরস্মিন্ চ |
নিরাশয়ং বিসংযুক্তং তমহং ব্রবীমি ব্রাহ্মণম্ || ২৮||
যস্যাঽঽলয়া ন বিদ্যন্ত আজ্ঞায়াঽকথংকথী |
অমৃতাবগাধমনুপ্রাপ্তং তমহং ব্রবীমি ব্রাহ্মণম্ || ২৯||
য ইহ পুণ্যং চ পাপং চোভয়োঃ সংগং উপাত্যগাৎ |
অশোকং বিরজং শুদ্ধং তমহং ব্রবীমি ব্রাহ্মণম্ || ৩০||
চন্দ্রমিব বিমলং শুদ্ধং বিপ্রসন্নমনাবিলম্ |
নন্দীভবপরীক্ষীণং তমহং ব্রবীমি ব্রাহ্মণম্ || ৩১||
য ইমং প্রতিপথং দুর্গং সংসারং মোহমত্যগাৎ |
তীর্ণঃ পারগতো ধ্যায়্যনেজোঽকথংকথী |
অনুপাদায় নির্বৃতঃ তমহং ব্রবীমি ব্রাহ্মণম্ || ৩২||
য ইহ কামান্ প্রহায়াঽনাগারঃ পরিব্রজেৎ |
কামভবপরিক্ষীণং তমহং ব্রবীমি ব্রাহ্মণম্ || ৩৩||
য ইহ তৃষ্ণাং প্রহায়াঽনাগারে পরিব্রজেৎ |
তৃষ্ণাভবপরিক্ষীণং তমহং ব্রবীমি ব্রাহ্মণম্ || ৩৪||
হিত্ত্বা মানুষকং যোগং দিব্যং যোগমুপাত্যগাৎ |
সর্বয়োগবিসংযুক্তং তমহং ব্রবীমি ব্রাহ্মণম্ || ৩৫||
হিত্ত্বা রতিঞ্চারতিঞ্চ শীতীভূতং নিরূপধিম্ |
সর্বলোকাঽভিভুবং বীরং তমহং ব্রবীমি ব্রাহ্মণম্ || ৩৬||
চ্যুতিং যো বেদ সত্ত্বানাং উপত্তিং চ সর্বশঃ |
অসক্তং সুগতং বুদ্ধং তমহং ব্রবীমি ব্রাহ্মণম্ || ৩৭||
যস্য গতিং ন জানন্তি দেব- গন্ধর্ব- মানুষাঃ |
ক্ষীণাস্রবং অর্হন্তং তমহং ব্রবীমি ব্রাহ্মণম্ || ৩৮||
যস্য পুরশ্চ পশ্চাচ্চ মধ্যে চ নাঽস্তি কিঞ্চন |
অকিঞ্চনমনাদানং তমহং ব্রবীমি ব্রাহ্মণম্ || ৩৯||
ঋষভং প্রবরং বীরং মহর্ষিং বিজিতবন্তম্ |
অনেজং স্নাতকং বুদ্ধং তমহং ব্রবীমি ব্রাহ্মণম্ || ৪০||
পূর্বনিবাসং যো বেদ স্বর্গাপাঽযং চ পশ্যতি |
অথ জাতিক্ষয়ং প্রাপ্তোঽভিজ্ঞাব্যবসিতো মুনিঃ |
সর্বব্যবসিতব্যবসানং তমহং ব্রবীমি ব্রাহ্মণম্ || ৪১||
|| ইতি ব্রাহ্মণবর্গঃ সমাপ্তঃ ||
|| ইতি ধর্মপদং সম্পূর্ণম্ ||