দেবীপঞ্চরত্ন

 .. দেবীপঞ্চরত্ন ( দেবী প্রাতঃস্মরণ ) ..

             .. শ্রীঃ ..

        .. দেবী পঞ্চরত্নম্ ..

প্রাতঃ স্মরামি ললিতা বদনারবিন্দং
     বিম্বাধরং পৃথল-মৌক্তিক শোভিনাসম্ .
আকর্ণ-দীর্ঘ-নযনং মণিকুণ্ডলাঢ্যং
     মন্দস্মিতং মৃগমদোজ্জ্বল-ফাল-দেশম্ .. ১..

প্রাতর্ভজামি ললিতা-ভুজ-কল্পবল্লীং
     রত্নাংগু঳ীয-লসদংগু঳ি-পল্লবাঢ্যাম্ .
মাণিক্য-হেম-বলযাংগদ-শোভমানাং
     পুংড্রেক্ষু-চাপ-কুসুমেষু-সৃণীং দধানাম্ .. ২..

প্রাতর্নমামি ললিতা-চরণারবিন্দং
     ভক্তেষ্ট-দান-নিরতং ভবসিন্ধু-পোতম্ .
পদ্মাসনাদি-সুরনাযক-পূজনীযং
     পদ্মাংকুশ-ধ্বজ-সুদর্শন-লাঞ্চনাঢ্যম্ .. ৩..

প্রাতস্তুবে পরশিবাং ললিতাং ভবানীং
     ত্রয্যন্ত-বেদ্য-বিভবাং করুণানবদ্যাম্ .
বিশ্বস্য সৃষ্টি-বিলয-স্থিতি-হেতু-ভূতাং
     বিশ্বেশ্বরীং নিগমবাঙ্মনসাতিদূরাম্ .. ৪..

প্রাতর্বদামি ললিতে তব পুণ্যনাম
     কামেশ্বরীতি কমলেতি মহেশ্বরীতি .
শ্রী শাংভবীতি জগতাম্ জননী পরেতি
     বাগ্দেবতেতি বচসা ত্রিপুরেশ্বরীতি .. ৫..

যঃ শ্লোকপঞ্চকমিদং ললিতাম্বিকাযাঃ
     সৌভাগ্যদং সুললিতং পঠতি প্রভাতে .
তস্মৈ দদাতি ললিতা ঝডিতি প্রসন্না
     বিদ্যাং শ্রিযং বিমলসৌখ্যমনন্তকীর্তিম্ .. ৬..

.. ইতি শ্রীমচ্ছঙ্করভগবতঃ কৃতৌ দেবীপঞ্চরত্নং সংপূর্ণম্ ..