.. শ্রী গঙ্গাস্তোত্র ..
গংগাস্তোত্র
দেবি সুরেশ্বরি ভগবতি গংগে ত্রিভুবনতারিণি তরল তরংগে .
শংকর মৌলিবিহারিণি বিমলে মম মতি রাস্তাং তব পদ কমলে .. ১..
ভাগিরথি সুখদাযিনি মাতঃ তব জলমহিমা নিগমে খ্যাতঃ .
নাহং জানে তব মহিমানং পাহি কৃপামযি মামজ্নানম্ .. ২..
হরি পদ পাদ্য তরংগিণি গংগে হিমবিধুমুক্তাধবলতরংগে .
দূরীকুরু মম দুষ্কৃতি ভারং কুরু কৃপযা ভব সাগর পারম্ .. ৩..
তব জলমমলং যেন নিপীতং পরমপদং খলু তেন গৃহীতম্ .
মাতর্গংগে ত্বযি যো ভক্তঃ কিল তং দ্রষ্টুং ন যমঃ শক্তঃ .. ৪..
পতিতোদ্ধারিণি জাহ্নবি গংগে খণ্ডিত গিরিবরমণ্ডিত ভংগে .
ভীষ্ম জননি হে মুনিবরকন্যে পতিতনিবারিণি ত্রিভুবন ধন্যে .. ৫..
কল্পলতামিব ফলদাম্ লোকে প্রণমতি যস্ত্বাং ন পততি শোকে .
পারাবারবিহারিণি গংগে বিমুখযুবতি কৃততরলাপাংগে .. ৬..
তব চেন্মাতঃ স্রোতঃ স্নাতঃ পুনরপি জঠরে সোপি ন জাতঃ .
নরকনিবারিণি জাহ্নবি গংগে কলুষবিনাশিনি মহিমোত্তুংগে .. ৭..
পুনরসদংগে পুণ্যতরংগে জয জয জাহ্নবি করুণাপাংগে .
ইন্দ্রমুকুটমণিরাজিতচরণে সুখদে শুভদে ভৃত্যশরণ্যে .. ৮..
রোগং শোকং তাপং পাপং হর মে ভগবতি কুমতি কলাপম্ .
ত্রিভুবনসারে বসুধাহারে ত্বমসি গতির্মম খলু সংসারে .. ৯..
অলকানংদে পরমানংদে কুরু করুণামযি কাতরবন্দ্যে .
তব তট নিকটে যস্য নিবাসঃ খলু বৈকুণ্ঠে তস্য নিবাসঃ .. ১০..
বরমিহ মীরে কমঠো মীনঃ কিং বা তীরে শরটঃ ক্ষীণঃ .
অথবা শ্বপচো মলিনো দীনঃ তব ন হি দূরে নৃপতিকুলীনঃ .. ১১..
ভো ভুবনেশ্বরি পুণ্যে ধন্যে দেবি দ্রবমযি মুনিবরকন্যে .
গংগাস্তবমিমমমলং নিত্যং পঠতি নরো যঃ স জযতি সত্যম্ .. ১২..
যেষাং হৃদযে গংগা ভক্তিঃ তেষাং ভবতি সদা সুখমুক্তিঃ .
মধুরাকন্তা পঞ্ঝটিকাভিঃ পরমানন্দকলিত ললিতাভিঃ .. ১৩..
গংগাস্তোত্রমিদং ভবসারং বাংছিতফলদম্ বিমলং সারম্ .
শংকরসেবক শংকর রচিতং পঠতি সুখীঃ তব ইতি চ সমাপ্তম্ .. ১৪..
.. ইতি শ্রীমচ্ছংকরাচার্যবিরচিতং গংগাস্তোত্রং সম্পূর্ণম্ ..