অর্থশাস্ত্র ১৫

কৌটিলীয অর্থশাস্ত্রং – ১৫

Book |
Chapt | তন্ত্রযুক্তযঃ
15.1.01 মনুষ্যাণাং বৃত্তিরর্থঃ, মনুষ্যবতী ভূমিরিত্যর্থঃ
15.1.02 তস্যাঃ পৃথিব্যা লাভপালন উপাযঃ শাস্ত্রং অর্থশাস্ত্রং ইতি
15.1.03 তদ্দ্বাত্রিংশদ্ যুক্তিযুক্তং – অধিকরণং, বিধানং, যোগঃ, পদার্থঃ, হেত্ব্ঽর্থঃ, উদ্দেশঃ, নির্দেশঃ, উপদেশঃ, অপদেশঃ, অতিদেশঃ, প্রদেশঃ, উপমানং, অর্থাপত্তিঃ, সংশযঃ, প্রসঙ্গঃ, বিপর্যযঃ, বাক্যশেষঃ, অনুমতং, ব্যাখ্যানং, নির্বচনং, নিদর্শনং, অপবর্গঃ, স্বসংজ্ঞা, পূর্বপক্ষঃ, উত্তরপক্ষঃ, একান্তঃ, অনাগতাবেক্ষণং, অতিক্রান্তাবেক্ষণং, নিযোগঃ, বিকল্পঃ, সমুচ্চযঃ ঊহ্যং ইতি
15.1.04 যং অর্থং অধিকৃত্য উচ্যতে তদ্ অধিকরণম্
15.1.05 পৃথিব্যা লাভে পালনে চ যাবন্ত্যর্থশাস্ত্রাণি পূর্বাচার্যৈঃ প্রস্থাপিতানি প্রাযশঃ তানি সংহৃত্য একং ইদং অর্থশাস্ত্রং কৃতম্ ইতি
15.1.06 শাস্ত্রস্য প্রকরণানুপূর্বী বিধানম্
15.1.07 বিদ্যাসমুদ্দেশঃ, বৃদ্ধসম্যোগঃ, ইন্দ্রিযজযঃ, অমাত্য উত্পত্তিঃ ইত্যেবংঽঅদিকং ইতি
15.1.08 বাক্যযোজনা যোগঃ
15.1.09 চতুর্বর্ণাশ্রমো লোকঃ ইতি
15.1.10 পদাবধিকঃ পদার্থঃ
15.1.11 মূলহর ইতি পদম্
15.1.12 যঃ পিতৃপৈতামহং অর্থং অন্যাযেন ভক্ষযতি স মূলহরঃ ইত্যর্থঃ
15.1.13 হেতুরর্থসাধকো হেত্ব্ঽর্থঃ
15.1.14 অর্থমূলৌ হি ধর্মকামৌ ইতি
15.1.15 সমাসবাক্যং উদ্দেশঃ
15.1.16 বিদ্যাবিনযহেতুরিন্দ্রিযজযঃ ইতি
15.1.17 ব্যাসবাক্যং নির্দেশঃ
15.1.18 কর্ণত্বগ্ঽক্ষিজিহ্বাঘ্রাণ ইন্দ্রিযাণাং শব্দস্পর্শরূপরসগন্ধেষ্ববিপ্রতিপত্তিরিন্দ্রিযজযঃইতি
15.1.19 এবং বর্তিতব্যং ইত্যুপদেশঃ
15.1.20 ধর্মার্থবিরোধেন কামং সেবেত, ন নিহ্সুখঃ স্যাত্ ইতি
15.1.21 এবং অসাবাহ ইত্যপদেশঃ
15.1.22 মন্ত্রিপরিষদং দ্বাদশামাত্যান্ কুর্বীত ইতি মানবাঃ – ষোডশ ইতি বার্হস্পত্যাঃ – বিংশতিং ইত্যৌশনসাঃ – যথাসামর্থ্যং ইতি কৌটিল্যঃ ইতি
15.1.23 উক্তেন সাধনং অতিদেশঃ
15.1.24 দত্তস্যাপ্রদানং ঋণাদানেন ব্যাখ্যাতম্ ইতি
15.1.25 বক্তব্যেন সাধনং প্রদেশঃ
15.1.26 সামদানভেদদণ্ডৈর্বা, যথাঽঽপত্সু ব্যাখ্যাস্যামঃ ইতি
15.1.27 দৃষ্টেনাদৃষ্টস্য সাধনং উপমানম্
15.1.28 নিবৃত্তপরিহারান্ পিতা ইবানুগৃহ্ণীযাত্ ইতি
15.1.29 যদ্ অনুক্তং অর্থাদ্ আপদ্যতে সাঽর্থাপত্তিঃ
15.1.30 লোকযাত্রাবিদ্ রাজানং আত্মদ্রব্যপ্রকৃতিসম্পন্নং প্রিযহিতদ্বারেণাশ্রযেত
15.1.31 নাপ্রিযহিতদ্বারেণাশ্রযেত ইত্যর্থাদ্ আপন্নং ভবতি ইতি
15.1.32 উভযতোহেতুমান্ অর্থঃ সংশযঃ
15.1.33 ক্ষীণলুব্ধপ্রকৃতিং অপচরিতপ্রকৃতিং বা ইতি
15.1.34 প্রকরণান্তরেণ সমানোঽর্থঃ প্রসঙ্গঃ
15.1.35 কৃষিকর্মপ্রদিষ্টাযাং ভূমৌ – ইতি সমানং পূর্বেণ ইতি
15.1.36 প্রতিলোমেন সাধনং বিপর্যযঃ
15.1.37 বিপরীতং অতুষ্টস্য ইতি
15.1.38 যেন বাক্যং সমাপ্যতে স বাক্যশেষঃ
15.1.39 ছিন্নপক্ষস্য ইব রাজ্ঞশ্চেষ্টানাশশ্চ ইতি
15.1.40 তত্র শকুনেঃ ইতি বাক্যশেষঃ
15.1.41 পরবাক্যং অপ্রতিষিদ্ধং অনুমতম্
15.1.42 পক্ষাবুরস্যং প্রতিগ্রহ ইত্যৌশনসো ব্যূহবিভাগঃ ইতি
15.1.43 অতিশযবর্ণনা ব্যাখ্যানম্
15.1.44 বিশেষতশ্চ সঙ্ঘানাং সঙ্ঘধর্মিণাং চ রাজকুলানাং দ্যূতনিমিত্তো ভেদঃ তন্নিমিত্তো বিনাশ ইত্যসত্প্রগ্রহঃ পাপিষ্ঠতমো ব্যসনানাং তন্ত্রদৌর্বল্যাত্ ইতি
15.1.45 গুণতঃ শব্দনিষ্পত্তির্নির্বচনম্
15.1.46 ব্যস্যত্যেনং শ্রেযস ইতি ব্যসনম্ ইতি
15.1.47 দৃষ্টান্তো দৃষ্টান্তযুক্তো নিদর্শনম্
15.1.48 বিগৃহীতো হি জ্যাযসা হস্তিনা পাদযুদ্ধং ইবাভ্যুপৈতি ইতি
15.1.49 অভিপ্লুতব্যপকর্ষণং অপবর্গঃ
15.1.50 নিত্যং আসন্নং অরিবলং বাসযেদ্ অন্যত্রাভ্যন্তরকোপশঙ্কাযাঃ ইতি
15.1.51 পরৈরসমিতঃ শব্দঃ স্বসংজ্ঞা
15.1.52 প্রথমা প্রকৃতিঃ, তস্য ভূম্য্ঽনন্তরা দ্বিতীযা, ভূম্য্.একান্তরা তৃতীযা ইতি
15.1.53 প্রতিষেদ্ধব্যং বাক্যং পূর্বপক্ষঃ
15.1.54 স্বাম্য্ঽমাত্যব্যসনযোরমাত্যব্যসনং গরীযঃ ইতি
15.1.55 তস্য নির্ণযনবাক্যং উত্তরপক্ষঃ
15.1.56 তদ্ঽঅযত্তত্বাত্, তত্কূটস্থানীযো হি স্বামী ইতি
15.1.57 সর্বত্রাযত্তং একান্তঃ
15.1.58 তস্মাদ্ উত্থানং আত্মনঃ কুর্বীত ইতি
15.1.59 পশ্চাদ্ এবং বিহিতং ইত্যনাগতাবেক্ষণম্
15.1.60 তুলাপ্রতিমানং পৌতবাধ্যক্ষে বক্ষ্যামঃ ইতি
15.1.61 পুরস্তাদ্ এবং বিহিতং ইত্যতিক্রান্তাবেষ্কণম্
15.1.62 অমাত্যসম্পদ্ উক্তা পুরস্তাত্ ইতি
15.1.63 এবং নান্যথা ইতি নিযোগঃ
15.1.64 তস্মাদ্ ধর্ম্যং অর্থ্যং চাস্য উপদিশেত্, নাধর্ম্যং অনর্থয্ং চ ইতি
15.1.65 অনেন বাঽনেন বা ইতি বিকল্পঃ
15.1.66 দুহিতরো বা ধর্মিষ্ঠেষু বিবাহেষু জাতাঃ ইতি
15.1.67 অনেন চানেন চ ইতি সমুচ্চযঃ
15.1.68 স্বযঞ্জাতঃ পিতুর্বন্ধূনাং চ দাযাদঃ ইতি
15.1.69 অনুক্তকরণং ঊহ্যম্
15.1.70 যথা চ দাতা প্রতিগ্রহীতা চ ন উপহতৌ স্যাতাং তথাঽনুশযং কুশলাঃ কল্পযেযুঃ ইতি
15.1.71ab এবং শাস্ত্রং ইদং যুক্তং এতাভিঃ তন্ত্রযুক্তিভিঃ |
15.1.71chd অবাপ্তৌ পালনে চ উক্তং লোকস্যাস্য পরস্য চ
15.1.72ab ধর্মং অর্থং চ কামং চ প্রবর্তযতি পাতি চ |
15.1.72chd অধর্মানর্থবিদ্বেষান্ ইদং শাস্ত্রং নিহন্তি চ
15.1.73ab যেন শাস্ত্রং চ শস্ত্রং চ নন্দরাজগতা চ ভূঃ |
15.1.73chd অমর্ষেণ উদ্ধৃতান্যাশু তেন শাস্ত্রং ইদং কৃতম্ ||

( ইতি) End of the Arthashaastra