১.২২ গরুডপুরাণ (অধ্যায় ২১১-২২০)

শ্রীগরুডমহাপুরাণম্-২১১
সূত উবাচ |
প্রথমোঽষ্টাক্ষরৈঃ পাদো দ্বিতীয়ো দ্বাদশাক্ষরৈঃ |
তৃতীয়ঃ ষোডশার্ণৈশ্চ বিংশদ্বর্ণৈশ্চতুর্থকঃ || ১, ২১১. ১ ||
সামান্যলক্ষণং পদচতুরূর্ধ্বাভিরধস্য হি || ১, ২১১. ১ ||
আপীডঃ সর্বলঃ প্রোক্তঃ পূর্বপাদান্তগদ্বয়ঃ || ১, ২১১. ২ ||
দ্বিতীয়েঽষ্টাক্ষরৈঃ পাদে কলিকা প্রথমের্ঽকজে |
লবলী স্যাত্তৃতীয়েঽথ পূর্ববচ্চাষ্ট কাক্ষরে |
প্রোক্তা চামৃতধারেয়ং চতুরষ্টাক্ষরে সতি || ১, ২১১. ৩ ||
(ইতি পদচতুরূর্ধ্বপ্রকরণম্) |
সজৌ সলৌ চ প্রথমে নসজা গো দ্বিতীয়কে |
তৃতীয়ে ভনভা গশ্চ চতুর্থে সজসা জগৌ || ১, ২১১. ৪ ||
পূর্ববৎস্যাৎসৌরভকং তৃতীয়েঽঘ্রৌ রনৌ ভগৌ |
ললিতঞ্চাদ্গতাবৎস্যাতৃতীয়েংঽঘ্রৌ ননৌ সসৌ || ১, ২১১. ৫ ||
(ইত্যুদ্গতাপ্রকরণম্) |
উপস্থিতপ্রচুপিতং প্রথমেঽঘ্রৌ মসৌ জভৌ |
গৌ দ্বিতীয়ে সনজরা গস্তৃতীয়ে ননৌ চ সঃ |
নৌ নজৌ যশ্চতুর্থে স্যাচ্ছেষ পাদাশ্চ পূর্ববৎ || ১, ২১১. ৬ ||
তৃতীর্যেঽঘ্রৌ বিশেষশ্চ বৃত্তং স্যান্নৌ সনৌ নসৌ || ১, ২১১. ৭ ||
আর্ষভং তজরাঃ পাদে তৃতীয়েঽন্যচ্চ পূর্ববৎ |
পূর্ববৎপ্রথমং শেষে তজ্রাঃ শুদ্ধবিরাড্ভবেৎ || ১, ২১১. ৮ ||
(ইত্যুপস্থিতপ্রচুপিতপ্রকরণম্) |
বিষমাক্ষরপাদং বা পঞ্চষট্কাদি যাবকম্ |
ছন্দোঽত্র নোক্তা গাথেতি দশধর্মাদিবদ্ভবেৎ || ১, ২১১. ৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বিষমবৃত্তলক্ষণাদিনিরূপণং নামৈকাদশোত্তরদ্বিশশততমোঽধ্যায়ঃ

শ্রীগরুডমহাপুরাণম্-২১২
সূত উবাচ |
প্রস্তার আদ্যগোঽথো লঃ পরতুল্যোঽথ পূর্বগঃ |
নষ্টমধ্যে সমেংঽকে লঃ সমেঽর্ধে বিষমে গুরুঃ || ১, ২১২. ১ ||
প্রতিলোমগুণং লাদ্যং দ্বিরুদ্দিষ্টক একনুৎ || ১, ২১২. ২ ||
সঙ্খ্যা দ্বিরর্ধে রূপে তু শূন্যং শূন্যে দ্বিরীরিতম্ |
তাবদর্ধে তদ্গুণিতং দ্বির্দ্ব্যূনন্তু তদন্ততঃ || ১, ২১২. ৩ ||
পরে পূর্ণং পরে পূর্ণং মেরুঃ প্রস্তারতো ভবেৎ || ১, ২১২. ৪ ||
লগসঙ্খ্যা বৃত্তসঙ্খ্যা চাদ্যাঙ্গুলমথোর্ধ্বতঃ |
সঙ্খ্যৈব দ্বিগুণৈকোনাচ্ছন্দঃ সারোঽযমীরিতঃ || ১, ২১২. ৫ ||

ইতি শ্রীগারুডে মহাপুরাণে পূর্বখণ্ডে প্রথমান্-আচা-
ছন্দোলক্ষণং নাম দ্বাদশোত্তরদ্বিশততমোঽধ্যায়ঃ

শ্রীগরুডমহাপুরাণম্-২১৩
সূত উবাচ |
হরেঃ শ্রুৎবাব্রবীদ্ব্রহ্মা যথা ব্যাসায় শৌনক |
ব্রাহ্মণাদিসমাচারং সর্বদং তে তথা বদে || ১, ২১৩. ১ ||
শ্রুতিস্মৃতী তু বিজ্ঞায় শ্রৌতং কর্ম সমাচরেৎ |
শ্রৌতং কর্ম ন চেদুক্তং তদা স্মার্তং সমাচরেৎ || ১, ২১৩. ২ ||
তত্রাপ্যশক্তঃ করণে সদাচারং চরেদ্বুধঃ |
শ্রুতিস্মৃতী হ বিপ্রাণাং লোচনে কর্মদর্শনে || ১, ২১৩. ৩ ||
শ্রুত্যুক্তঃ পরমো ধর্মঃ স্মৃতিশাস্ত্রগতোঽপরঃ |
সিষ্টাচারেণ সম্প্রাপ্তস্ত্রয়ো ধর্মাঃ সনাতনাঃ || ১, ২১৩. ৪ ||
সত্যং দানং দয়ালোভো বিদ্যেজ্যা পূজনং দমঃ |
অষ্টৌ তানি পবিত্রাণি শিষ্টাচারস্য লক্ষণম্ || ১, ২১৩. ৫ ||
তেজোময়ানি পূর্বেষাং শরীরাণীন্দ্রিয়াণি চ |
ন লিপ্যতে পাতকেন পদ্মপত্রমিবাম্ভসা || ১, ২১৩. ৬ ||
নিবাসমুখ্যা বর্ণানাং ধর্মাচারাঃ প্রকীর্তিতাঃ |
সত্যং যজ্ঞস্তপো দানমেতদ্ধর্মস্য লক্ষণম্ || ১, ২১৩. ৭ ||
অদত্তস্যানুপাদানং দানমধ্যয়নং জপঃ |
বিদ্যা বিত্তং তপঃ শৌচং কুলে জন্ম ৎবরোগিতা || ১, ২১৩. ৮ ||
সংসারোচ্ছিত্তিহেতুশ্চ ধর্মাদেব প্রবর্ততে |
ধর্মাৎসুখং চ জ্ঞানং চ জ্ঞানান্মোক্ষোঽধিগম্যতে || ১, ২১৩. ৯ ||
ইজ্যাধ্যয়নদানানি যথাশাস্ত্রং সনাতনঃ |
ব্রহ্মক্ষত্ত্রিয়বৈশ্যানাং সামান্যো ধর্ম উচ্যতে || ১, ২১৩. ১০ ||
যাজনাধ্যয়নে শুদ্ধে বিশুদ্ধাচ্চ প্রতিগ্রহঃ |
বৃত্তিত্রয়মিদং প্রাহুর্মুনয়ঃ শ্রেষ্ঠবর্ণিনঃ || ১, ২১৩. ১১ ||
শস্ত্রেণাজীবনং রাজ্ঞো ভূতানাঞ্চাভিরক্ষণম্ |
পাশুপাল্যং কৃষিঃ পণ্যং বৈশ্যস্যাজীবনং স্মৃতম্ || ১, ২১৩. ১২ ||
শূদ্রস্য দ্বিজশুশ্রূষা দ্বিজানামনুপূর্বশঃ |
গুরৌ বাসোঽগ্নিশুশ্রূষা স্বাধ্যায়ো ব্রহ্মচারিণঃ || ১, ২১৩. ১৩ ||
ত্রিঃ স্নাতা স্নাপিতা ভৈক্ষ্যং গুরৌ প্রাণান্তিকী স্থিতিঃ |
সমেখলো জটী দণ্ডী মুণ্ডী বা গুরুসংশ্রয়ঃ || ১, ২১৩. ১৪ ||
অগ্নিহোত্রোপচরণং জীবনং চ স্বকর্মভিঃ |
ধর্মদারেষু কল্পেত পর্ববর্জং রতিক্রিয়াঃ || ১, ২১৩. ১৫ ||
দেবপিত্রতিতিভ্যশ্চ পূজাদিষ্বনুকল্পনম্ |
শ্রুতিস্মৃত্যর্থসংস্থানং ধর্মোঽযং গৃহমেধিনঃ || ১, ২১৩. ১৬ ||
জটিৎবমগ্নিহোত্রৎবং ভূশয়্যাজিনধারণম্ |
বনে বাসঃ পয়োমূলনীবারফলবৃত্তিতা || ১, ২১৩. ১৭ ||
প্রতিষিদ্ধান্নিবৃত্তিশ্চ ত্রিঃ স্নানং ব্রতধারিতা |
দেবতাতিথিপূজা চ ধর্মোঽযং বনবাসিনঃ || ১, ২১৩. ১৮ ||
সর্বারম্ভপরিত্যাগো ভিক্ষান্নং বৃক্ষমূলতা |
নিষ্পরিগ্রহতাদ্রোহঃ সমতা সর্বজন্তুষু || ১, ২১৩. ১৯ ||
প্রিয়াপ্রিয়পরিষ্বঙ্গেসুখদুঃখাধিকারিতা |
সবাহ্যাভ্যন্তরে শৌচং বাগ্যমো ধ্যানচারিতা || ১, ২১৩. ২০ ||
সর্বৈদ্রিয়সমাহারো ধারণাধ্যাননিত্যতা |
ভাবসংশুদ্ধিরেত্যেষ পরিব্রাড্ধর্ম উচ্যতে || ১, ২১৩. ২১ ||
অহিংসা সূনৃতা বাণী সত্যশৌচে ক্ষমা দয়া |
বর্ণিনাং লিঙ্গিনাং চৈব সামান্যো ধর্ম উচ্যতে || ১, ২১৩. ২২ ||
যথোক্তকারিণঃ সর্বে প্রয়ান্তি পরমাং গতিম্ |
আ বোধাৎস্বপনং যাবৎগৃহিধর্মং চ বচ্মি তে || ১, ২১৩. ২৩ ||
ব্রাহ্মে মুহূর্তে বুধ্যেত ধর্মার্থৌ চানুচিন্তয়েৎ |
কায়ক্লেশাংশ্চ তন্মূলান্বেদতত্ত্বার্থমেব চ || ১, ২১৩. ২৪ ||
শর্বর্যন্তে সমুত্থায় কৃতশৌচঃ সমাহিতঃ |
স্নাৎবা সন্ধ্যামুপাসীত সর্বকালমতন্দ্রিতঃ || ১, ২১৩. ২৫ ||
প্রাতঃ সন্ধ্যামুপা সীত দন্তধাবনপূর্বিকাম্ |
উভে মূত্রপুরীষে চ দিবা কুর্যাদুদঙ্মুখঃ || ১, ২১৩. ২৬ ||
রাত্রৌ চ দক্ষিণে কুর্যাদুভে সন্ধ্যে যথা দিবা |
ছায়ায়ামন্ধকারে বা রাত্রৌ বাহনি বা দ্বিজঃ || ১, ২১৩. ২৭ ||
যথা তু সমুখঃ কুর্যাৎপ্রাণবাধাভয়েষু চ |
গোময়াঙ্গারবল্মীকফালাকৃষ্টে শুভে || ১, ২১৩. ২৮ ||
মার্গোপজীব্যচ্ছায়াসু ন মূত্রং চ পুরীষকম্ |
অন্তর্জলাদ্দেবগৃহাদ্বল্মীকান্মূষিকস্থলাৎ || ১, ২১৩. ২৯ ||
পরেষাং শৌচশিষ্টাচ্চ শ্মশানাচ্চ মৃদং ত্যজেৎ |
একাং লিঙ্গে মৃদং দদ্যাদ্বাম হস্তে মৃদং দ্বিধা || ১, ২১৩. ৩০ ||
উভয়োর্দ্বে চ দাতব্যে মূত্রশৌচং প্রচক্ষতে |
একাং লিঙ্গে গুদে তিস্ত্রস্তথা বামকরে দশ || ১, ২১৩. ৩১ ||
পঞ্চ পাদে দশৈকস্মিন্করয়োঃ সপ্তমৃত্তিকাঃ |
অর্ধপ্রসৃতিমাত্রা তু প্রথমা মৃত্তিকা স্মৃতা || ১, ২১৩. ৩২ ||
দ্বিতীয়া চ তৃতীয়া চ তদর্ধা পরিকীর্তিতা |
উপবিষ্টস্তু বিণ্মূত্রং কর্তুং যস্তু ন বিন্দতি || ১, ২১৩. ৩৩ ||
স কুর্যাদর্ধশৌচং তু স্বস্য শৌচস্য সর্বদা |
দিবা শৌচস্য রাত্র্যর্ধং যদ্বা পাদো বিধীয়তে || ১, ২১৩. ৩৪ ||
স্বস্থস্য তু যথোদ্দিষ্টমার্তঃ কুর্যাদ্যথাবলম্ |
বসা শুক্রমসৃঙ্মজ্জা লালা বিণ্মূত্রকর্ণবিট্ || ১, ২১৩. ৩৫ ||
শ্লেষ্মাশ্রদূষিকা স্বেদো দ্বাদশৈতে নৃণাং মলাঃ |
মন্যেত যাবতা শুদ্ধিং তাবচ্ছৌচং সমাচরেৎ || ১, ২১৩. ৩৬ ||
প্রমাণং শৌচসঙ্খ্যায়া নাদিষ্টৈরবশিষ্যতে |
শৌচং তু দ্বিবিধং প্রোক্তং বাহ্যমাভ্যন্তরং তথা || ১, ২১৩. ৩৭ ||
মৃজ্জলাভ্যাং স্মৃতং বাহ্যং ভাবশুদ্ধিরথান্তরম্ |
ত্রিরাচামেদপঃ পূর্বং দ্বিঃ প্রমৃজ্যাত্ততো মুখম্ || ১, ২১৩. ৩৮ ||
সমৃজ্যাঙ্গুষ্ঠমূলেন ত্রিভিরাস্যমুপস্পৃশেৎ |
অঙ্গুষ্ঠেন প্রদেশিন্যা ঘ্রাণং পশ্চাদনন্তরম্ || ১, ২১৩. ৩৯ ||
অঙ্গুষ্ঠানামিকাভ্যাং চ চক্ষুঃ শ্রোত্রে পুনঃ পুনঃ |
কনিষ্ঠাঙ্গষ্ঠয়োর্নাভিং হৃদয়ং তু তলেন বৈ || ১, ২১৩. ৪০ ||
সর্বাভিস্তু শিরঃ পশ্চাদ্বাহূ চাগ্রেণ সংস্পৃশেৎ |
ঋচো যজূংষি সামানি ত্রিঃ পঠন্প্রীণয়েৎক্রমাৎ || ১, ২১৩. ৪১ ||
অথর্বাঙ্গিরসৌ পূর্বং দ্বিঃ প্রমার্ষ্ট্যথ তন্সুখম্ |
ইতিহাসপুরাণানি বেদাঙ্গানি বেদাঙ্গানি যথাক্রমম্ || ১, ২১৩. ৪২ ||
খং মুখে নাসিকে বায়ুং নেত্রে সূর্যং শ্রুতী (তীর্দি) দিশঃ |
প্রাণগ্রন্থিমথো নাভিং ব্রহ্মাণং হৃদয়ে স্পৃশেৎ || ১, ২১৩. ৪৩ ||
রুদ্রং মূর্ধ্না সমালভ্য প্রীণাত্যথ শিখামৃষীন্ |
বাহূ যমেন্দ্রবরুণকুবেরবসুধানলান্ || ১, ২১৩. ৪৪ ||
অভ্যুক্ষ্য চরণৌ বিষ্ণুমিন্দ্রং বিষ্ণু করদ্বয়ম্ |
অগ্নির্বায়ুশ্চ সূর্যেন্দুগিরয়োঽঙ্গুলিপর্বসু || ১, ২১৩. ৪৫ ||
গঙ্গাদ্যাঃ সরিতস্তাসু যা রেখাঃ করমধ্যগাঃ |
উষঃ কালে তু সম্প্রাপ্তে শৌচং কৃৎবা যথার্থবৎ || ১, ২১৩. ৪৬ ||
ততঃ স্নানর্ং প্কুর্বীত দন্তধাবনপূর্বকম্ |
মুখে পর্যুষিতে নিত্যং ভবত্যপ্রয়তো নরঃ || ১, ২১৩. ৪৭ ||
তস্মাৎসর্বপ্রয়ত্নেন কুর্যাদ্বৈ দন্তঘাবনম্ |
কদম্ববিল্বখদিরকরবীরবটার্জুনাঃ || ১, ২১৩. ৪৮ ||
যূথী চ বৃহতী জাতী করঞ্জার্কাতিমুক্তকাঃ |
জম্বূমধূকা পামার্গশিরীষোদুম্বরাসনাঃ || ১, ২১৩. ৪৯ ||
ক্ষীরিকণ্টকিবৃক্ষাদ্যাঃ প্রশস্তা দন্তধাবনে |
কটুতিক্তকষায়াশ্চ ধনারোগ্যসুখপ্রদাঃ || ১, ২১৩. ৫০ ||
প্রক্ষাল্য ভুক্ত্বা চ শুচৌ দেশে ত্যক্ত্বা তদাচামেৎ |
অমায়াং চ তথা ষষ্ঠ্যাং নবম্যাং প্রতিপদ্যপি || ১, ২১৩. ৫১ ||
বর্জয়েদ্দন্তকাষ্ঠন্তু তথৈবার্কস্য বাসরে |
অভাবে দন্ত কাষ্ঠস্য নিষিদ্ধায়াং তথা তিথৌ || ১, ২১৩. ৫২ ||
অষাং দ্বাদশগণ্ডূষৈঃ কুর্বীত মুখশোধনম্ |
প্রাতঃ স্নানং প্রশংসন্তি দৃষ্টাদৃষ্টকরং হিতম্ || ১, ২১৩. ৫৩ ||
সর্বমর্হতি শুদ্ধাত্মা প্রাতঃ স্নায়ী জপাদিকম্ |
অত্যন্তমলিনঃ কায়ো নবচ্ছিদ্রসমন্বিতঃ || ১, ২১৩. ৫৪ ||
স্ত্রবত্যেষ দিবা রাত্রৌ প্রাতঃ স্নানং বিশোধনম্ |
মনঃ প্রসাদজননং রূপসৌভাগ্যবর্ধনম্ || ১, ২১৩. ৫৫ ||
শোকদুঃখপ্রশমনং গঙ্গাস্নানবদাচরেৎ |
অদ্য হস্তে তু নক্ষত্রে দশম্যাং জ্যেষ্ঠকে সিতে || ১, ২১৩. ৫৬ ||
দশপাপ হরায়াং চ অদৎবা দানকল্মষম্ |
বিরুদ্ধাচরণং হিংসা পরদারোপসেবনম্ || ১, ২১৩. ৫৭ ||
পারুষ্যানৃতপৈশুন্যমসম্বদ্ধাভিভাষণম্ |
পরদ্রব্যাভিধানং চ মনসানিষ্টচিন্তনম্ || ১, ২১৩. ৫৮ ||
এতদ্দশাঘঘাতার্থং গঙ্গাস্নানং করোম্যহম্ |
প্রাতঃ সঙ্ক্ষেপতঃ স্নানং বানপ্রস্থগৃহস্থয়োঃ || ১, ২১৩. ৫৯ ||
যতেস্ত্রিষবণং স্নানং সকৃত্ত ব্রহ্মচারিণঃ |
আচম্য তীর্থমাবাহ্য স্নায়াৎস্মৃৎবাব্যয়ং হরিম্ || ১, ২১৩. ৬০ ||
তিস্রঃ কোট্যস্তু বিজ্ঞেয়া মন্দেহা নাম রাক্ষসাঃ |
উদয়ন্তং দুরাত্মানঃ সূর্যমিচ্ছন্তি খাদিতুম্ || ১, ২১৩. ৬১ ||
স হন্তি সূর্যং সন্ধ্যায়াং নোপাস্তিং কুরুতে তু যঃ |
দহন্তি মন্ত্রপূতেন তোয়েনানলরূপিণা || ১, ২১৩. ৬২ ||
অহোরাত্রস্য যঃ সন্ধিঃ সা সন্ধ্যা ভবতীতি হ |
দ্বিনাডিকা ভবেৎসন্ধ্যা যাবদ্ভবতি দর্শনম্ || ১, ২১৩. ৬৩ ||
গন্ধ্যাকর্মাবসানে তু স্বয়ং হোমো বিধীয়তে |
স্বয়ং হোমফলং যত্তু তদন্যেন ন জায়তে || ১, ২১৩. ৬৪ ||
ঋৎবিক্পুত্রো গুরুর্ভ্রাতা ভাগিনেয়োঽথ বিট্পতিঃ |
এভিরেব হুতং যত্তু তদ্ধুতং স্বয়মেব হি || ১, ২১৩. ৬৫ ||
ব্রহ্মা বৈ গার্হপত্যাগ্নির্দক্ষণাগ্নিস্ত্রিলোচনঃ |
বিষ্ণুরাহবনীয়াগ্নিঃ কুমারঃ সত্য উচ্যতে || ১, ২১৩. ৬৬ ||
কৃৎবা হোমং যথাকালং সৌরান্মন্ত্রাঞ্জপেত্ততঃ |
সমাহিতাত্মা সাবিত্রীং প্রণবং চ যথোদিতম্ || ১, ২১৩. ৬৭ ||
প্রণবে নিত্যয়ুক্তস্য ব্যাহৃতীষু চ সপ্তসু |
ত্রিপদায়াং চ সাবিত্র্যাং ন ভয়ং বিদ্যতে ক্বচিৎ || ১, ২১৩. ৬৮ ||
গায়ত্ত্রীং যো জপেন্নিত্যং কল্যমুত্থায় মানবঃ |
লিপ্যতে ন স পাপেন পদ্মপত্রমিবাম্ভসা || ১, ২১৩. ৬৯ ||
শ্বেতবর্ণা সমুদ্দিষ্টা কৌশৈয়বসনা তথা |
অক্ষসূত্রধরা দেবী পদ্মাসনগতা শুভা || ১, ২১৩. ৭০ ||
আবাহ্য যজুপানেন তেজোঽসীতি বিধানতঃ |
এতদ্যজুঃ পুরা দৈবৈর্দৃষ্টিদর্শনকাঙ্ক্ষিভিঃ || ১, ২১৩. ৭১ ||
আদিত্যমণ্ডলান্তঃ স্থাং ব্রহ্মলোকস্থিতামপি |
তত্রাবাহ্য জপিৎবাতো নমস্কারাদ্বিসর্জয়েৎ || ১, ২১৩. ৭২ ||
পূর্বাহ্ন এব কুর্বীত দেবতানাং চ পূজনম্ |
ন বিষ্ণোঃ পরমো দেবস্তস্মাত্তং পূজয়েৎসদা || ১, ২১৩. ৭৩ ||
ব্রহ্মবিষ্ণুশিবান্দেবান্ন পৃথগ্ভাবয়েৎসুধীঃ |
লোকেঽস্মিন্মঙ্গলান্যষ্টৌ ব্রাহ্মণো গৌর্হুতাশনঃ || ১, ২১৩. ৭৪ ||
হিরণ্যং সর্পিরাদিত্য আপো রাজা তথাষ্টমঃ |
এতানি সততং পশ্যেদর্চয়েচ্চ প্রদক্ষিণম্ || ১, ২১৩. ৭৫ ||
বেদস্যাধ্যয়নং পূর্বং বিচারোভ্যসনং জপঃ |
তদ্দানং চৈব শিষ্যভ্যো বেদাভ্যাসো হি পঞ্চধা || ১, ২১৩. ৭৬ ||
বেদার্থং যজ্ঞশাস্ত্রাণি ধর্মশাস্ত্রাণি চৈব হি |
মূল্যেন লেখয়িৎবা যো দদ্যাদ্যাতি স বৈদিকম্ || ১, ২১৩. ৭৭ ||
ইতিহা সপুরাণানি লিখিৎবায়ঃ প্রয়চ্ছতি |
ব্রহ্মদানসমং পুণ্যং প্রাপ্নোতি দ্বিগুণীকৃতম্ || ১, ২১৩. ৭৮ ||
মৃতীয়ে চ তথা ভাগে পোষ্যবর্গার্থসাধনম্ |
মাতা পিতা গুরুর্ভ্রাতা প্রজা দীনাঃ সমাশ্রিতাঃ || ১, ২১৩. ৭৯ ||
অভ্যাগতোঽতিথিশ্চাগ্নিঃ পোষ্যবর্গা উদাহৃতঃ |
ভরণং পোষ্যবর্গস্য প্রশস্তং স্বর্গসাধনম্ || ১, ২১৩. ৮০ ||
ভরণং পোষ্য বর্গস্য তস্মাদ্যত্নেন কারয়েৎ |
স জীবতি বরশ্চৈকো বহুভির্যোপজীব্যতি || ১, ২১৩. ৮১ ||
জীবন্তো মৃতকাস্ত্বন্যে পুরুষাঃ স্বোদরম্ভরাঃ |
স্বকীয়োদরপূর্তিশ্চ কুক্কুরস্যাপি বিদ্যতে || ১, ২১৩. ৮২ ||
অর্থেভ্যোঽপি বিবৃদ্ধেভ্যঃ সম্ভূতেভ্যস্ততস্ততঃ |
ক্রিয়াঃ সর্বাঃ প্রবর্তন্তে পর্বতেভ্য ইবাপগাঃ || ১, ২১৩. ৮৩ ||
সর্বরত্নাকরা ভূমির্ধান্যানি পশবঃ স্ত্রিয়ঃ |
অর্থস্য কার্যয়োগিৎবাদর্থ ইত্যভিধীয়তে || ১, ২১৩. ৮৪ ||
অদ্রোহেণৈব ভূতানামল্পদ্রোহেণ বা পুনঃ |
যা বৃত্তিস্তাং সমাস্থায় বিপ্রো জীবেদনাপদি || ১, ২১৩. ৮৫ ||
ধনং তু ত্রিবিধং জ্ঞেয়ং শুক্লং শবলমেব চ |
কৃষ্ণং চ তস্য বিজ্ঞেয়ো বিভাগঃ সপ্তধা পৃথক্ || ১, ২১৩. ৮৬ ||
ক্রমায়ত্তং প্রীতিদত্তং প্রাপ্তং চ সহ ভার্যয়া |
অবিশেষেণ সর্বেষাং বর্ণানাং ত্রিবিধং ধনম্ || ১, ২১৩. ৮৭ ||
বৈশেষিকং ধনং দৃষ্টং ব্রাহ্মণস্য ত্রিলক্ষণম্ |
যাজনাধ্যাপনে নিত্যং বিশুদ্ধশ্চ (দ্ধাচ্চ) প্রতিগ্রহঃ || ১, ২১৩. ৮৮ ||
ত্রিবিধং ক্ষত্রিয়স্যাপি প্রাহুর্বৈশেষিকং ধনম্ |
শুদ্ধার্থং লব্ধকরজং দণ্ডাপ্তং জয়জং তথা || ১, ২১৩. ৮৯ ||
বৈশেষিকং ধনং দৃষ্টং বৈশ্যস্যাপি বিলক্ষণম্ |
কৃষিগোরক্ষবাণিজ্যং শূদ্রস্যৈভ্যস্ত্বনুগ্রহাৎ || ১, ২১৩. ৯০ ||
কুসীদকৃষিবাণিজ্যং প্রকুর্বীত স্বয়ং পরম্(কৃতম্) |
আপৎকালে স্বয়ং কুর্বন্নৈনসা যুজ্যতে দ্বিজঃ || ১, ২১৩. ৯১ ||
বহবো বর্তনোপায়া ঋষিভিঃ পরিকীর্তিতাঃ |
সর্বেষামপি চৈবৈষাং কুসীদমধিকং বিদুঃ || ১, ২১৩. ৯২ ||
অনাবৃষ্ট্যা রাজভয়ান্মূষিকাদ্যৈরুপদ্রবৈঃ |
কৃষ্যাদিকে ভবেদ্বাধা সা কুসীদে ন বিদ্যতে || ১, ২১৩. ৯৩ ||
শুক্লপক্ষে তথা কৃষ্ণে রজন্যাং দিবসেপি বা |
উষ্ণে বর্ষতি শীতে বা বর্ধনং ন নিবর্ততে || ১, ২১৩. ৯৪ ||
দেশং গতানাং যা বৃদ্ধির্নানাপণ্যোপজীবিনাম্ |
কুসীদং কুর্বতঃ সম্যক্সংস্থিতস্যৈব জায়তে || ১, ২১৩. ৯৫ ||
লব্ধলাভঃ পিৎৠন্দেবান্ব্রাহ্মণাংশ্চৈব পূজয়েৎ |
তে তৃপ্তাস্তস্য তদ্দোষং শময়ন্তি ন সংশয়ঃ || ১, ২১৩. ৯৬ ||
বণিক্কুসীদং দদ্যাদ্যো বস্ত্রং গাঙ্কাঞ্চনাদিকম্ |
কৃষীবলোঽন্নপানাদিয়ানশয়্যাসনানি চ || ১, ২১৩. ৯৭ ||
রাজভ্যো বিংশতিং দত্ত্বা পশুস্বর্ণাদিকং শতম্ |
পাদেনাস্য চ যাবক্যং কুর্যাৎসঞ্চয়মাত্মবান্ || ১, ২১৩. ৯৮ ||
অর্ধেন চাত্মভরণং নিত্যনৈমিত্তিকাংন্বিতম্ |
পাদং চেত্যর্থয়ামস্য মূলভূতং বিবর্ধয়েৎ || ১, ২১৩. ৯৯ ||
বিদ্যা শিল্পং ভূতিঃ সেবা গোরক্ষা বিপণিঃ কৃষিঃ |
বৃত্তির্ভৈক্ষ্যং কুসীদং চ দশ জীবনহেতবঃ || ১, ২১৩. ১০০ ||
প্রতিগ্রহার্জিতা বিপ্রে ক্ষত্রিয়ে শস্ত্রনির্জিতা |
বৈশ্যে ন্যায়ার্জিতাঃ স্বার্থাঃ শূদ্রে শুশ্রূষয়ার্জিতাঃ || ১, ২১৩. ১০১ ||
নদী বহূদকা শাকমৃৎপর্ণানি সমিৎকুশাঃ |
আগ্নেয়ো ব্রহ্মঘোষশ্চ বিপ্রাণাং ধনমুত্তমম্ || ১, ২১৩. ১০২ ||
অয়াচিতোপপন্নে তু নাস্তি দোষঃ প্রতিগ্রহে |
অমৃতং তদ্বিদুর্দেবাস্তস্মাত্তন্নৈব বর্জয়েৎ || ১, ২১৩. ১০৩ ||
গুরুদ্রব্যাংশ্চৌজ্জিহীর্ষুরর্চিষ্যন্দে বতাতিথীন্ |
সর্বতঃ প্রতিগৃহ্ণীয়ান্ন তুষ্যেত্তু স্বয়ং ততঃ || ১, ২১৩. ১০৪ ||
সাধুতঃ প্রতিগৃহ্ণীয়াদথ বাসাধুতো দ্বিজঃ |
গুণবানল্পদোষশ্চ নির্গুণো হি নিমজ্জতি || ১, ২১৩. ১০৫ ||
এবং ৎবক্ষবৃত্ত্যা বা কৃৎবা ভরণমাত্মনঃ |
কুর্যাদ্বিশুদ্ধিং পরতঃ প্রায়শ্চিত্তং দ্বিজোত্তমঃ || ১, ২১৩. ১০৬ ||
চতুর্থে চ তথা ভাগে স্নানার্থং মৃদ মাহরেৎ |
তিলপুষ্পকুশাদীনি স্নানং চাকৃত্রিমে জলে || ১, ২১৩. ১০৭ ||
নিত্যং নৈমিত্তিকং কাম্যং ক্রিয়াঙ্গং মলকর্ষণম্ |
মার্জনাচমাবগাহাশ্চাষ্টস্নানং প্রকীর্তিতম্ || ১, ২১৩. ১০৮ ||
অস্নাতস্তু পুমান্নার্হে জপাগ্নিহবনাদিষু |
প্রাতঃ স্নানং তদর্থং তু নিত্যস্নানং প্রকীর্তিতম্ || ১, ২১৩. ১০৯ ||
চাণ্ডালশববিষ্ঠাদ্যান্স্পৃষ্ট্বা স্নানং রজস্বলাম্ |
স্নানার্হস্তু যদা স্নাতি স্নানং নৈমিত্তিকং হি তৎ || ১, ২১৩. ১১০ ||
পুষ্যস্নানাদিকং স্নানং দৈবজ্ঞবিধিচোদিতম্ |
তদ্ধি কাম্যং সমুদ্দিষ্টং নাকামস্তৎপ্রয়োজয়েৎ || ১, ২১৩. ১১১ ||
জপ্তুকামঃ পবিত্রাণি অর্চিষ্যন্দেবতাতিথীন্ |
স্নানং সমাচরেদ্যস্তু ক্রিয়াঙ্গং তচ্চ কীর্তিতম্ || ১, ২১৩. ১১২ ||
মলাপকর্ষণার্থায় প্রবৃত্তিস্তত্র নান্যথা |
সরঃ সুদেবখাতেষু তীর্থেষু চ নদীষু চ || ১, ২১৩. ১১৩ ||
স্নানমেব ক্রিয়া যস্মাৎক্রিয়াস্নানমতঃ পরম্ |
অদ্ভির্গাত্রাণি শুধ্যন্তি তীর্থস্নানাৎফলং লভেৎ || ১, ২১৩. ১১৪ ||
মার্জনান্মজ্জনৈর্মন্ত্রৈঃ পাপমাশু প্রণশ্যতি |
নিত্যং নৈমিত্তিকং চাপি ক্রিয়াঙ্গং মলকর্ষণম্ || ১, ২১৩. ১১৫ ||
তীর্থাভাবে তু কর্তব্যমুষ্ণোদকপরোদকৈঃ |
ভূমিষ্ঠাদুদ্ধৃতং পুণ্যং ততঃ প্রস্ত্রবণোদকম্ || ১, ২১৩. ১১৬ ||
ততোঽপি সারসং পুণ্যং তস্মান্নাদেয়মুচ্যতে |
তীর্থতোয়ং ততঃ পুণ্যং গাগং পুণ্যং তু সর্বতঃ || ১, ২১৩. ১১৭ ||
গাগং পয়ঃ পুনাত্যাশু পাপমামরণান্তিকম্ |
গয়ায়াং চ কুরুক্ষেত্রে যত্তোয়ং সমুপস্থিতম্ || ১, ২১৩. ১১৮ ||
তস্মাত্তু গাঙ্গমপরং জানীয়াত্তোয়মুত্তমম্ |
পুত্রজন্মনি যোগেষু তথা সঙ্ক্রমণে রবেঃ || ১, ২১৩. ১১৯ ||
রাহোশ্চ দর্শনে স্নানং প্রশস্তং নিশি নান্যথা |
উষস্যুষসি যৎস্নানং সন্ধ্যায়ামুদিতে রবৌ || ১, ২১৩. ১২০ ||
প্রাজাপত্যেন তত্তুল্যং মহাপাতকনাশনম্ |
যৎফলং দ্বাদশাব্দানি প্রাজাপত্যে কৃতে ভবেৎ || ১, ২১৩. ১২১ ||
প্রাতঃ স্নায়ী তদাপ্নোতি বর্ষেণ শ্রদ্ধয়ান্বিতঃ |
য ইচ্ছেদ্বিপুলান্ভোগাংশ্চন্দ্রসূর্যগ্রহোপমান্ || ১, ২১৩. ১২২ ||
প্রাতঃ স্নায়ী ভবেন্নিত্যং মাসৌ দ্বৌ মাঘফাল্গুনৌ |
যস্তু মাঘং সমাসাদ্য প্রাতঃ স্নায়ী হবিষ্যভুক্ || ১, ২১৩. ১২৩ ||
ইতিপাপং মহাঘোরং মাসাদেব ব্যপোহতি |
মাতরং পিতরং বাপি ভ্রাতরং সুহৃদং গুরুম্ || ১, ২১৩. ১২৪ ||
যমুদ্দিশ্য নিমজ্জেত দ্বাদশাংশং লভেত্তু সঃ |
তুষ্যত্যামলকৈর্বিষ্ণুরেকাদশ্যা বিশেষতঃ || ১, ২১৩. ১২৫ ||
শ্রীকামঃ সর্বদা স্নানং কুর্বোতামলকৈর্নরঃ |
সন্তাপঃ কীর্তিরল্পায়ুর্ধনং নিধনমেব চ || ১, ২১৩. ১২৬ ||
আরোগ্যং সর্বকামাপ্তিরভ্যঙ্গাদ্ভাস্করাদিষু |
উপোষিতস্য ব্রতিনঃ কৃত্তকেশস্য নাপিতৈঃ || ১, ২১৩. ১২৭ ||
তাবচ্ছ্রীস্তিষ্ঠতি প্রীতা যাবত্তৈলং ন সংস্পৃশেৎ |
এবং স্নাৎবা পিৎৠন্দেবান্মনুষ্যাংস্তর্পয়েন্নরঃ || ১, ২১৩. ১২৮ ||
নাভিমাত্রে জলে স্থিৎবা চিন্তয়েদূর্জমানসঃ |
আগচ্ছন্তু মে পিতর ইমং গৃহ্ণন্ত্বপোঞ্জলিম্ || ১, ২১৩. ১২৯ ||
ত্রীংস্ত্রীনেবাঞ্জলীন্দদ্যাদাকাশে দক্ষিণে তথা |
বসিৎবা বসনং শুষ্কং স্থলস্থা স্তর্ণবর্হিষি || ১, ২১৩. ১৩০ ||
বিধিজ্ঞাস্তর্পণং কুর্যুর্ন পাত্রে তু কদাচন |
যদপাং ক্রূরমাংসাত্তু যদমেধ্যং তু কিঞ্চন || ১, ২১৩. ১৩১ ||
অশান্তং মলিনং যচ্চ তৎসর্বমপগচ্ছতু |
গৃহীৎবানেন মন্ত্রেণ তোয়ং সব্যেন পাণিনা || ১, ২১৩. ১৩২ ||
প্রক্ষিপোদ্দিশি নৈরৃত্যাং রক্ষোঽপহতয়ে তু তৎ |
নিষিদ্ধভক্ষণাদ্যত্তু পাপাদ্যচ্চ প্রতিগ্রহাৎ || ১, ২১৩. ১৩৩ ||
দুষ্কৃতং যচ্চ মে কিঞ্চিদ্বাঙ্মনঃ কায়কর্মভিঃ |
পুনাতু মে তদিন্দ্রস্তু বরুণঃ সবৃহস্পতিঃ || ১, ২১৩. ১৩৪ ||
সবিতা চ ভগশ্চৈব মুনয়ঃ সনকাদয়ঃ |
আব্রহ্মস্তম্বপর্যন্তং জগত্তৃপ্যৎবিতি ব্রুবন্ || ১, ২১৩. ১৩৫ ||
ক্ষিপেদবঞ্জলীংস্ত্রীস্তু কুর্বন্সঙ্ক্ষেপতর্পণম্ |
সুরাণামর্চনং কুর্যাদ্ব্রহ্মা দীনামমৎসরী || ১, ২১৩. ১৩৬ ||
ব্রাহ্মবৈষ্ণবরৌদ্রৈশ্চ সাবিত্রৈর্মৈত্রবারুণৈঃ |
তল্লিঙ্গৈরর্চয়েন্মন্ত্রৈঃ সর্বদেবান্নমস্য চ || ১, ২১৩. ১৩৭ ||
নমস্কারেণ পুষ্পাণি বিন্যসেত্তু পৃথক্পৃথক্ |
সর্বদেবময়ং বিষ্ণুং ভাস্করং চাপ্যথার্চয়েৎ || ১, ২১৩. ১৩৮ ||
দদ্যাৎপুরুষসূক্তেন যঃ পুষ্পাণ্যপ এব বা |
অর্চিতং স্যাজ্জগাদিদং তেন সর্বং চরাচরম্ || ১, ২১৩. ১৩৯ ||
অন্যৈশ্চ তান্ত্রিকৈর্মন্ত্রৈঃ পূজয়েচ্চ জনার্দনম্ |
আদাবর্ঘ্যং প্রদাতব্যং ততঃ পশ্চাদ্বিলেপনম্ || ১, ২১৩. ১৪০ ||
ততঃ পুষ্পাঞ্জলিং ধূপমু পহারফলানি চ |
স্নানমন্তর্জলে চৈব মার্জনাচমনং তথা || ১, ২১৩. ১৪১ ||
জলাভিমন্ত্রণং যচ্চ তীর্থস্য পরিকল্পয়েৎ |
অঘমর্ষণসূক্তেন ত্রিবারং ৎবেব নিত্যশঃ || ১, ২১৩. ১৪২ ||
স্নানে চরিতমিত্যেতৎসমুদ্দিষ্টং মহাত্মভিঃ |
ব্রহ্মক্ষত্রবিশাং চৈব মন্ত্রবৎস্নানমিষ্যতে || ১, ২১৩. ১৪৩ ||
তূষ্ণীমেব তু শূদ্রস্য সনমস্কারকং স্মৃতম্ |
অধ্যাপনং ব্রহ্ময়জ্ঞঃ পিতৃয়জ্ঞস্তু তর্পণম্ || ১, ২১৩. ১৪৪ ||
হোমো দৈবী বলির্ভৌতো ন যজ্ঞোঽতিথিপূজনম্ |
গবা গোষ্ঠে দশগুণং অগ্ন্যগারে শতাধিকম্ || ১, ২১৩. ১৪৫ ||
সিদ্ধক্ষেত্রেষু তীর্থেষু দেবতায়তনেষু চ |
সহস্রশতকোটীনামনন্তং বিষ্ণুসন্নিধৌ || ১, ২১৩. ১৪৬ ||
পঞ্চমে চ তথা ভাগে সংবিভাগো যথার্থতঃ |
পিতৃদে বমনুষ্যাণাং কোটীনাং চোপদিশ্যতে || ১, ২১৩. ১৪৭ ||
ব্রাহ্মণেভ্যঃ প্রদায়াগ্র যঃ সুহৃদ্ভিঃ সহাশ্নুতে |
স প্রেত্য লভতে স্বর্গমন্নদানং সমাচরন্ || ১, ২১৩. ১৪৮ ||
পূর্বং মধুরমশ্রীয়াল্লবণাম্লৌ চ মধ্যতঃ |
কটুতিক্তকষায়াংশ্চ পয়শ্চৈব তথান্ততঃ || ১, ২১৩. ১৪৯ ||
শাকং চ রাত্রৌ ভূমিষ্ঠমত্যন্তং চ বিবর্জয়েৎ |
নচৈকরসসেবায়াং প্রসজ্জেত কদাচন || ১, ২১৩. ১৫০ ||
সমৃতং ব্রাহ্মণস্যান্নং ক্ষত্রিয়ান্নং পয়ঃ স্মৃতম্ |
বৈশ্যস্য চান্নমেবান্নং শূদ্রান্নং রুধিরং স্মৃতম্ || ১, ২১৩. ১৫১ ||
অমাবাসী বসেদত্র একহায়নমেব বা || ১, ২১৩. ১৫২ ||
তত্র শ্রীশ্চৈব লক্ষ্মীশ্চ বসতে নাত্র সংশয়ঃ |
উদরে গার্হপত্যাগ্নিঃ পৃষ্ঠদেশে তু দক্ষিণঃ || ১, ২১৩. ১৫৩ ||
আস্যে চাহবনীয়োঽগ্নিঃ সত্যঃ পর্ব চ মূর্ধনি |
যঃ পঞ্চাগ্নীনিমান্বেদ আহিতাগ্নিঃ স উচ্যতে || ১, ২১৩. ১৫৪ ||
শরিরমাপঃ সোমং চ বিবিধং চান্নমুচ্যতে |
প্রাণো হ্যগ্নিস্তথাদিত্যস্ত্রিভোক্তা এক এব তু || ১, ২১৩. ১৫৫ ||
অন্নং বলায় মে ভূমেরপামগ্ন্যনিলস্য চ |
ভবত্যেতৎপরিণতৌ মমাপ্যব্যাহতং সুখম্ || ১, ২১৩. ১৫৬ ||
হস্তেন পরিমার্জ্যাথ কুর্যাত্তাম্বূলভক্ষণম্ |
শ্রবণং চেতিহাসস্য তৎকুর্যাৎসুসমাহিতঃ || ১, ২১৩. ১৫৭ ||
ইতিহাসপুরাণাদ্যৈঃ ষষ্ঠসপ্তমকেনয়েৎ |
ততঃ সন্ধ্যামুপাসীত স্নাৎবা বৈ পশ্চিমাং নরঃ || ১, ২১৩. ১৫৮ ||
এতদ্বা দিবসে প্রোক্তমনুষ্ঠানং ময়া দ্বিজ |
আচারং যঃ পঠেদ্বিদ্বাঞ্ছৃণুয়াৎস দিবংব্রজেৎ |
আচারাদির্ধর্মকর্তা কেশবো হি স্মৃতো দ্বিজ || ১, ২১৩. ১৫৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
পঞ্চোত্তরদ্বিশততমোঽধ্যায়ঃ

শ্রীগরুডমহাপুরাণম্-২১৪
ব্রহ্মোবাচ |
অথ স্নানবিধিং বক্ষ্যে স্নানমূলা ক্রিয়া যতঃ |
মৃদ্গোময়তিলান্দর্ভান্পুষ্পাণি সুরভীণি চ || ১, ২১৪. ১ ||
আহরেৎস্নানকালে চ স্নানার্থো প্রয়তঃ শুচিঃ |
গন্ধোদকান্তং বিবিক্তে (ধং) স্থাপয়েত্তান্যথ ক্ষিতৌ || ১, ২১৪. ২ ||
ত্রিধা কৃৎবা মৃদং তাং তু গোময়ং চ বিচক্ষণঃ |
অদ্ভির্মৃদ্ভিশ্চ চরণৌ প্রক্ষাল্যাথ করৌ তথা || ১, ২১৪. ৩ ||
উপবীতী বদ্ধশিখঃ সম্যগাচম্য বাগ্যতঃ |
উরুং রাজেত্যৃচা তোয়মুপস্থায় প্রদক্ষিণম্ || ১, ২১৪. ৪ ||
আবর্তয়েত্তদুদকং যে তে শতমিতিত্র্যৃচা || ১, ২১৪. ৫ ||
ওঁ উরুং হি রাজা বরুণশ্চকার সূর্যায় পন্থানমন্বেত বা |
প্রতিধাতা চ বক্তারস্তাহৃদয়াবিপশ্চিৎ |
নমোঽগ্ন্যরুণায়া ভিষ্টুতোবরুণস্য পাশঃ |
বরুণায় নমঃ || ১, ২১৪. ৬ ||
ওঁ যে তে শতং বরুণয়ে সহস্রং যজ্ঞিয়াঃ পাশা বিততা মহান্তঃ |
তেভির্নো অদ্য সবিতোত বিষ্ণুর্বিশ্বে মুঞ্চন্তু মরুতঃ স্বর্কাঃ স্বাহা |
সুমিত্রিয়ান ইত্যবঞ্জলিমাকৃত্যোত্তরেণ তোয়ং পশ্চাদ্বিরাজ্য চৈব বিনিঃ ক্ষিপেৎ |
ওঁ সুমিত্রিয়া ন আপ ওষধয়ঃ সন্তু |
দুর্মিত্রিয়াস্তস্মৈ সন্তু যোঽস্মান্দ্বেষ্টি যঞ্চ বয়ং দ্বিষ্মঃ || ১, ২১৪. ৭ ||
পাদৌ কটিং চৈব পূর্বং মৃদ্ভিস্ত্রিভিস্ত্রিভিঃ |
প্রক্ষাল্য হস্তা বাচম্য নমস্কৃত্য জলং ততঃ || ১, ২১৪. ৮ ||
ওঁ ইদং বিষ্ণুর্বিচক্রমে ত্রেধা নিধে পদম্সমূঢমস্য পাংসুরে |
মহাব্যাহৃতিভিঃ পশ্চাদাচামেৎপ্রয়তোঽপি সন্ || ১, ২১৪. ৯ ||
মার্জয়েদ্বৈ মৃদাঙ্গানি ইদং বিষ্ণুরিতি ৎবৃচা |
ভাস্করাভিমুখো মজ্জেদাপো অস্মানিতিত্যৃচা || ১, ২১৪. ১০ ||
ওঁ আপো অস্মান্মাতরঃ শুন্ধয়ন্তু ঘৃতেন নো ঘৃতষ্বঃ পুনন্তু |
বিশ্বং হি রিপ্রং প্রবহন্তি দেবীরুদিদাভ্যঃ শুচিরাপূত এমি || ১, ২১৪. ১১ ||
ততোঽবৃঘৃষ্য পাত্রাণি নিমজ্যোন্মজ্য বৈ শনৈঃ |
গোময়েন বিলিপ্যাথ মানস্তোক ইত্যৃচা || ১, ২১৪. ১২ ||
ওঁ মানস্তোকে তনয়ে মা ন আয়ুষি মা নো গোষু মা নো অশ্বেষু রীরিষঃ |
মা নো বীরান্রুদ্রভামিনোঽবধীর্হবিষ্মন্তঃ সদমিৎবা হবামহে || ১, ২১৪. ১৩ ||
ততোঽভিষিঞ্চেন্মন্ত্রৈস্তু বরুণৈস্তু যথাক্রমম্ |
ইমমে বরুণে দ্বাভ্যাং ৎবন্নঃ সৎবন্ন ইত্যপি || ১, ২১৪. ১৪ ||
আপো ৎবন্তুমসীতি চ মুঞ্চন্ত্ববভৃতেতি চ |
ওঁ ইমমে বরুণ শ্রুধীহবমদ্যা চ মৃডয়ৎবা মবস্যুরাচকে || ১, ২১৪. ১৫ ||
ওঁ তত্ত্বয়ামি ব্রহ্মণা বন্দমানস্তদাশাস্তে যজমানো হবির্ভিঃ |
অহেডমানো বরুণেহ বোধ্যুরুশং সমান আয়ুঃ প্রমোষীঃ |
ওঁ ৎবন্নো অগ্নে বরুণস্য বিদ্বান্দেবস্য হেডো অবয়াসিসীষ্ঠাঃ |
যজিষ্ঠো বহ্নিতমঃ শোশুচানো বিশ্বা দ্বেষাংসিপ্রমুমুগ্ধ্যস্মৎস্বাহা |
ওঁ স ৎবন্নো অগ্নেবমো ভবতী নেদিষ্ঠো অস্যা উষসোব্যুষ্টৌ |
অবয়ক্ষ্বনো বরুণং ররাণো বীহিমৃডীকং সুহবো ন এধি |
ওঁ আপো নৌষধি হিংসার্ধম্নো রাজস্ততো বরুণো নোমুঞ্চা যদাহরঘ্ন্যা
ইতি বরুণেতি শপার্মহে ততো বরুণ নো মুঞ্চ |
ওঁ উদুত্তমং বরুণ পাশমস্মদবাধমং বিমধ্যমংশ্রথায় |
অথাবয়মাদিত্যব্রতে তবানাগসো অদিতয়ে স্যাম |
মুঞ্চন্তুমামপ্যথাদ্বরুণস্য ৎবৎ |
অহো যমস্য পত্নীমানঃ সর্বস্মাদেব কিল্বিষাৎ |
অবভৃথনিচং পুনর্বিচেরুসি নিত্যং প্রন্নঃ |
অবদেবৈর্দেবকৃতা মনোয়াসি সমবত্যৈ কৃতং পুষ্পাচ্ছা দেবধীমল্পাহী || ১, ২১৪. ১৬ ||
অভিষিচ্য তথাত্মানং নিমজ্যাচম্য বৈ পুনঃ |
দর্ভেণ পায়য়েন্মন্ত্রৈরলিঙ্গৈঃ পাবনৈরিমৈঃ || ১, ২১৪. ১৭ ||
আপোহিষ্ঠেতি তিসৃভিরিদমাপো হবিষ্মতীঃ |
দেবীরাপ ইতি দ্বাভ্যাং আপোদেবা ইতি ত্র্যৃচা || ১, ২১৪. ১৮ ||
দ্রুপদাদিব ইতি চ শন্নো দেবীরপাং রসঃ |
আপো দেবো পাবমান্যঃ পুনন্ত্বাদ্যা ঋচো নব || ১, ২১৪. ১৯ ||
চিৎপতির্মেতি চ শনৈঃ প্লাব্যাত্মনং সমাহিতঃ |
হিরণ্যবর্ণা ইতি চ পাবমান্যস্তথা পরাঃ || ১, ২১৪. ২০ ||
তরৎসামা শুদ্ধবত্যঃ পবিত্রাণি চ শক্তিতঃ |
বারুণ্যা বহবঃ পুণ্যাঃ শক্তিতঃ সম্প্রয়োজয়েৎ || ১, ২১৪. ২১ ||
ওঁ কারেণ ব্যাহৃতিভির্গায়ত্র্যা চ সমন্বিতঃ |
আদাবন্তে চ কুর্বীত অভিষেকং যথাক্রমম্ || ১, ২১৪. ২২ ||
জলমধ্যস্থিতস্যৈব মার্জনং তু বিধীয়তে |
অন্তর্জলে জপেন্মন্ত্রং ত্রিঃ কৃৎবা চাঘমর্ষণম্ || ১, ২১৪. ২৩ ||
দ্রুপদাদ্যাস্ত্রিরাবর্তেদয়ং গৌরিতি চ ত্র্যৃচম্ |
অন্যাংশ্চৈব তু মন্ত্রান্বা স্মৃতিদৃষ্টান্সমাহিতঃ || ১, ২১৪. ২৪ ||
সব্যাহৃতিং সপ্রণবাং গায়ত্রীং বা জপেদ্বুধঃ আবর্তয়েদ্বা প্রণবং
স্মরেদ্বা বিষ্ণমব্যয়ম্ || ১, ২১৪. ২৫ ||
বিষ্ণোরায়তনং ৎবাপঃ স এবাপ্পতিরুচ্যতে |
তস্যৈবং তনবস্ত্বেতাস্তস্মাত্তং হ্যপ্সু সংস্মরেৎ || ১, ২১৪. ২৬ ||
তদ্বিষ্ণোরিতি মন্ত্রেণ নিমজ্যাপ্সু পুনঃ পুনঃ |
গায়ত্ত্রী বৈষ্ণবী হ্যেষা বিষ্ণোঃ সংস্মরণায় বৈ || ১, ২১৪. ২৭ ||
ওঁ ইদমাপপ্রবহতা স্বং মলং ক্ষাললোহিতম্ |
যথাৎবহোত্রামৃতং যচ্চ শোফে অভীষণম্ || ১, ২১৪. ২৮ ||
আপো মা তস্মাদেনসঃ পাবমানশ্চ মুঞ্চতু ইবিষ্মতো বিমা আপোহবিষ্মানাবিরাসতি |
হবিষ্মান্দেব অসুরো হবিষ্মানস্তু সূর্যঃ |
দেবীরাপো অপা পত্ন্যা যশ্চ ঊর্মির্হবিষ্যঃ ইন্দ্রিয়বান্মাদিত্যন্তনঃ তং
দেবেভ্যো দেবতা দাভুশুক্রলেভ্যস্তেষাং ভাগকর্ষিবসিসমুদ্রস্য
দক্ষিণ্যাগ্রয়াসিমেনাপোগ্রর্ভিরশ্মতমোধোঃ |
আপো দেবী মধুমতীরগৃহ্ণন্তু হ্যন্নতী রাজস্বতিলাঃ |
যাভির্মিত্রাবরুণস্য সিঞ্চয়াভিরিন্দ্রমনয়ত্যন্ন বাতী বদ্রুপদাং শন্নো দেবী
অপামসৃগ্দ্বয়সংসূর্যে সন্তং সমাহিতং অপাংরসস্য যো রস্য যো গৃহ্ণাস্যুত্তমম্ |
আপো দেবীরুপসূর্য মধুমতীবয়স্যায় প্রজাভ্যঃ তাসা মাস্থানাৎবর্জিহতামোষধয়ঃ সপিপ্পলাঃ |
পুনন্তু মা পিতরঃ সৌম্যাসঃ পুনন্ত্বনাপি পিতা সহসাঃ পবিত্রেণ গতায়ুষা |
পুনন্তু মা পিতামহাঃ পুনন্তু প্রপিতামহাঃ |
পবিত্রেণ গতায়ুষা বিশ্বমায়ুর্ব্যশ্রবৈঃ |
অগ্ন আয়ূংষি পরসত্মাচরোর্জমিষঞ্চ ৎবচে বাবস্বৎবচ্ছূনাম্ |
পুনন্তু মা দেবজনাঃ পুনন্তু মনসা ধিয়ঃ |
পুনন্তু বিশ্বা ভূতানি জাতবেদঃ ! পুনীহি মা |
পবিত্রেণ পুনীহি মা শুক্রেণ দেব দীদ্যৎ |
অগ্নে ক্রৎবা ক্রতূংরনু |
যত্তে পবিত্রমর্চিষ্যগ্নে বিততমন্তরা ব্রহ্মা তেন পুনাতু মা |
পবমানঃ সুবর্জনঃ | পবিত্রেণ বিচর্ষণিঃ | যঃ পোতা স পুনাতু মা |
উভাভ্যাং দেব সবিতঃ | পবিত্রেণ সবেন চ | ইদং ব্রহ্মপুনীমহে |
বৈশ্বদেবীঃ পুনতী দেব্যা গৃভ্নাস্যামিসাবক্ষ্যস্তান্নোবীত পূজ্যাঃ |
তয়ামদন্তঃ সধমাদেষু বয়ং স্যাম পতয়ো রয়ীণাম্ |
চিৎপ তির্মা পুনাৎবচ্ছিদ্রেণ পবিত্রেণ সূর্যস্য রশ্মিভিঃ |
তস্য তে পবিত্রপূতস্য যৎকামঃ |
প্রণিতচ্ছকেয়ং দেবো বাক্পতির্মা সবিতা ৎবচ্ছিদ্রেণ পবিত্রেণ সূর্যস্য রশ্মিভিঃ |
তস্য তে পবিত্রপতে ! পবিত্রপূতস্য চৎকামঃ |
পুনস্তচ্ছকেয়ং দ্যুপতিং অয়ং গৌঃ পৃশ্রিরক্রমীসদশশতং মাতরং
পুনঃ পিতরঞ্চ প্রয়স্মঃ |
দেবো মা সবিতা পুনাৎবচ্ছিদ্রেণ পবিত্রেণ সূর্যস্য রশ্মিভিঃ |
তস্য তে পবিত্রপতে পবিত্রপূতস্য যৎকামঃ পুনাতচ্ছকেয়ম্? |
ওঁ তদ্বিষ্ণোঃ পরমং পদং সদা পশ্যন্তি সূরয়ঃ |
দিবীব চক্ষুরাততম্ || ১, ২১৪. ২৯ ||
স্নাৎবৈবং বাসসী ধৌতে অচ্ছিন্নে পরিধায় চ |
প্রক্ষাল্য চ মৃদাদ্ভিশ্চ হস্তৌ প্রক্ষাল্য বৈ তদা || ১, ২১৪. ৩০ ||
আচান্তে পুনারাচামেন্মন্ত্রেণ স্নানভোজনে |
দ্রুপদাং চ ত্রিরাবর্ত্য তথা চৈবাঘমর্ষণম্ || ১, ২১৪. ৩১ ||
আচম্যাপ্লাব্য চাত্মানং ত্রিরাচম্যশনেরসূন্ |
অথোপতিষ্টেদাদিত্যং মূর্ধ্নি পুষ্পান্বিতাঞ্জলিঃ || ১, ২১৪. ৩২ ||
প্রক্ষিপ্যোদকমদ্ধূয় উদুত্যং চিত্রমিত্যপি |
তচ্চক্ষুর্দেব ইতি চ হংসঃ শুচিষদিত্যপি || ১, ২১৪. ৩৩ ||
এতাঞ্জপেদূর্ধ্ববাহুঃ সূর্যমীক্ষ্য সমাহিতঃ |
গায়ত্ত্রীং চ তথা শক্ত্যা উপস্থায় দিবাকরম্ || ১, ২১৪. ৩৪ ||
বিভ্রাডিত্যনুবাকেন সূক্তেন পুরুষস্য চ |
শিবসঙ্কল্পেন চ তথা মণ্ডলব্রাহ্মণেন চ || ১, ২১৪. ৩৫ ||
দিবাকীর্ত্যা তথা চান্যৈঃ সৌরৈর্মন্ত্রৈশ্চ শক্তিতঃ |
জপয়জ্ঞস্তু কর্তব্যঃ সর্বদেবপ্রণীতকৈঃ || ১, ২১৪. ৩৬ ||
অধ্যাত্মবিদ্যাং বিধিবজ্জপেদ্বা জপসিদ্ধয়ে |
সব্যং কৃৎবা ত্রিরাচম্য শ্রিয়ং মেধাং ধৃতিং ক্ষিতিম্ || ১, ২১৪. ৩৭ ||
বাচং বাগীশ্বরীং পুষ্টিং তুষ্টিঞ্চ পরিতর্পয়েৎ |
উমামরুন্ধতীং চৈব শচীং মাতরমেব চ || ১, ২১৪. ৩৮ ||
জয়াং চ বিজয়াং চৈব সাবিত্রীং শান্তিমেব চ |
স্বাহাং স্বধাং ধৃতিং চৈব তথৈবাদিতিমুত্তমাম্ || ১, ২১৪. ৩৯ ||
ঋষিপত্নীশ্চ কন্যাশ্চ তর্পয়েৎকাম্যদেবতাঃ |
সর্বমঙ্গলকামস্তু তর্পয়েৎসর্বমঙ্গলাম্ || ১, ২১৪. ৪০ ||
আব্রহ্মস্তম্বপর্যন্তং জগত্তৃপ্যৎবিদং ব্রুবন্ |
ক্ষিপেদপোঽঞ্জলীংস্ত্রীংশ্চ কুর্বন্কাঙ্ক্ষেত তর্পণম্ || ১, ২১৪. ৪১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
স্নানবিধিবিবরণং নাম চতুর্দশোত্তরদ্বিশততমোঽধ্যায়ঃ

শ্রীগরুডমহাপুরাণম্-২১৫
ব্রহ্মোবাচ |
তর্পণং সম্প্রবক্ষ্যামি দেবাদিপিতৃতুষ্টিদম্ || ১, ২১৫. ১ ||
ওঁ মোদাস্তৃপ্যন্তাম্ |
ওঁ প্রমোদাস্তৃপ্যন্তাম্ |
ওঁ সুমুখাস্তৃপ্যন্তাম্ |
ওঁ দুর্মুখাস্তৃপ্যন্তাম্ |
ওঁ বিঘ্নাস্তৃপ্যন্তাম্ |
ওঁ বিঘ্নকর্তারস্তৃপ্যন্তাম্ |
ওঁ ছন্দাংসি তৃপ্যন্তাম্ |
ওঁ বেদাস্তৃপ্যন্তাম্ |
ওঁ ওষধয়স্তৃপ্যন্তাম্ |
ওঁ সনাতনস্তৃপ্যতাম্ |
ওঁ ইতরাচার্যাস্তৃপ্যন্তাম্ |
ওঁ সংবৎসরঃসাবয়বস্তৃপ্যতাম্ |
ওঁ দেবাস্তৃপ্যন্তাম্ |
ওঁ অপ্সরসস্তৃপ্যন্তাম্ |
ওঁ দেবান্ধকাস্তৃপ্যন্তাম্ |
ওঁ সাগরস্তৃপ্যন্তাম্ |
ওঁ নাগাস্তৃপ্যন্তাম্ |
ওঁ পর্বতাস্তৃপ্যন্তাম্ |
ওঁ সরিন্মনুষ্যা যক্ষাস্তৃপ্যন্তাম্ |
ওঁ রক্ষাংসি তৃপ্যন্তাম্ |
ওঁ পিশাচাস্তৃপ্যন্তাম্ |
ওঁ সুপর্ণাস্তৃপ্যন্তাম্ |
ওঁ ভূতানি তৃপ্যন্তাম্ |
ওঁ ভূতগ্রামাশ্চতুর্বিধাস্তৃপ্যন্তাম্ |
ওঁ দক্ষস্তৃপ্যতাম্ |
ওঁ প্রচেতাস্তৃপ্যতাম্ |
ওঁ মরীচিস্তৃপ্যতাম্ |
ওঁ আত্রিস্তৃপ্যতাম্ |
ওঁ অঙ্গিরাস্তৃপ্যতাম্ |
ওঁ পুলস্ত্যস্তৃপ্যতাম্ |
ওঁ পুলহস্তৃপ্যতাম্ |
ওঁ ক্রতুস্তৃপ্যতাম্ |
ওঁ নারদস্তৃপ্যতাম্!
ওঁ ভৃগুস্তৃপ্যতাম্ |
ওঁ বিশ্বামিত্রস্তৃপ্যতাম্ |
ওঁ রৈবতস্তৃপ্যতাম্ |
ওঁ চাক্ষুষস্তৃপ্যতাম্ |
ওঁ মহাতেজাস্তৃপ্যতাম্ |
ওঁ বৈবস্বতস্তৃপ্যতাম্ |
ওঁ ধ্রুবস্তৃপ্যতাম্ |
ওঁ ধবস্তৃপ্যতাম্ |
ওঁ অনিলস্তৃপ্যতাম্ |
ওঁ প্রভাসস্তৃপ্যতাম্ || ১, ২১৫. ২ ||
নীবীতী |
ওঁ সনকস্তৃপ্যতাম্ |
ওঁ সনন্দনস্তৃপ্যতাম্ |
ওঁ সনাতনস্তৃপ্যতাম্ |
ওঁ কপিলস্তৃপ্যতাম্ |
ওঁ আসুরিস্তৃপ্যতাম্ |
ওঁ বোঢুস্তৃপ্যতাম্ |
ওঁ পঞ্চশিখস্তৃপ্যতাম্ |
ওঁ মনুষ্যাণাং কব্যবাহস্তৃপ্যতাম্ |
ওঁ অনলস্তৃপ্যন্তাম্ |
ওঁ সোমস্তৃতাম্ |
ওঁ যমস্তৃপ্যতাম্ |
ওঁ অর্যমাতৃপ্যতাম্ || ১, ২১৫. ৩ ||
প্রাচীনাবীতী |
ওঁ অগ্নিষ্বাত্তাঃ পিতরস্তৃপ্যন্তাম্ |
ওঁ সোমপাঃ পিতরস্তৃপ্যন্তাম্ |
ওঁ বর্হিষদঃ পিতরস্তৃপ্যন্তাম্ |
যমায় নমঃ |
ধর্মরাজায় নমঃ |
মৃত্যবে নমঃ |
অন্তকায় নমঃ |
বৈবস্বতায় নমঃ |
কালায় নমঃ |
সর্বভূতক্ষয়ায় নমঃ |
ঔদুম্বরায় নমঃ! দধ্নায় নমঃ |
নীলায় নমঃ |
পরমেষ্ঠিনে নমঃ |
বৃকোদরায় নমঃ |
চিত্রায় নমঃ |
চিত্রগুপ্তায় নমঃ || ১, ২১৫. ৪ ||
ব্রহ্মাদিস্তম্বপর্যন্তং জগত্তৃপ্যতু |
ওঁ পিতৃভ্যঃ স্বধা নমঃ |
ওঁ পিতামহেভ্যঃ স্বধা নমঃ |
ওঁ প্রপিতামহেভ্যঃ স্বধা নমঃ |
ওঁ মাতৃভ্যঃ স্বধানমঃ |
ওঁ পিতামহীভ্যঃ স্বধা নমঃ |
ওঁ প্রপিতামহীভ্যঃ স্বধা নমঃ |
ওঁ মাতামহেভ্যঃ স্বধা নমঃ |
ওঁ প্রমাতামহেভ্যঃ স্বধা নমঃ |
ওঁ বৃদ্ধপ্রমাতামহেভ্যঃ স্বধানমঃ তৃপ্যতামিতি |
উদীরতামবর উৎপরাসো উন্মধ্যমাঃ পিতরঃ সোম্যাসঃ |
অসুংয ঈয়ুরবৃকা ঋতজ্ঞাস্তেনোঽবন্তুপিতরোহবেষু |
গোত্রোচ্চারণেন প্রথমাঞ্জলিঃ পিতুঃ |
ওঁ অঙ্গিরসো নঃ পিতরোদৃ-|
অথর্বাণোভৃগবঃদৃ -|
তেষাং বয়ং সুমতৌ যজ্ঞিয়ানাং অপি ভদ্রে সৌমনসে স্যাম |
ওঁ আয়ন্তু নঃ পিতরঃ সৌম্যাসোগ্নিষ্বাত্তাঃ পথিভির্দেবয়ানৈঃ |
অস্মিন্যজ্ঞে স্বধয়া মদন্তোঽধিব্রুবন্তু তেঽবন্ত্বস্মান্ || ১, ২১৫. ৫ ||
ওঁ ঊর্জং বহন্তীরমৃতং ঘৃতং পয়ঃ কীলালং পরিস্নুতং স্বধা স্থ তর্পয়ত মে পিৎৠন্ |
ওঁ পিতৃভ্যঃ স্বধা নমঃ |
ওঁ পিতামহেভ্যঃ স্বধা নমঃ |
ওঁ প্রপিতামহেভ্যঃ স্বধান নমঃ |
ওঁ মাতামহেভ্যঃ স্বধা নমঃ |
ওঁ প্রমাতামহেভ্যঃ স্বধা নমঃ |
ওঁ বৃদ্ধপ্রমাতামহেভ্যঃ স্বধা নমঃ |
পিতামহস্যদৃ |
ওঁ অক্ষন্পিতরো অমীমদন্ত পিতরো অমী তৃপ্যন্তঃ পিতরঃ শুং(স্ব) ধধ্বং
পিবেহ পিতরোঽপি বানত্রয়াংশ্চ বিশ্রয়াংশ্চ ভবনপবিত্রৎবা
রথপতি তে জাতবেদাঃ স্বধাভির্যজ্ঞং সুকৃতং জুপস্ব? |
ওঁ ণদুবাতা ঋতায়তে মধু ক্ষরন্তি সিন্ধবঃ |
মাধ্বীর্নঃ সন্ত্বোষধীর্মধুনক্তমুতোষসো মধুমৎপার্থিবং রজঃ |
মধু দ্যৌরস্তু নঃ পিতা মধু মান্নো বনস্পতির্মধুভামস্তু সূর্যো মাধ্বীর্গাবো ভবন্তু নঃ || ১, ২১৫. ৬ ||
প্রপিতামহস্যাঞ্জলিদানম্ |
ওঁ নমো বঃ পিতরো রসায় নমো বঃ পিতরঃ শুষ্মায় নমো বঃ পিতরো জীবায়
নমো বঃ পিতরঃ স্বধায়ৈ নমো বঃ পিতরো ঘোরায় নমো বঃ পিতরো মন্যবে |
নমো বঃ পিতরো গৃহান্ন পিতরো দত্তঃ |
নমো বঃ পিতরো দধ্মে তদ্বঃ পিতরো বাসঃ |
মাতামহানাং ত্রিরঞ্জলিদৃ |
ততো মাত্রাদীনান্দৃ || ১, ২১৫. ৭ ||
যে চাস্মাকং কুলে জাতা অপুত্রা গোত্রিণো মৃতাঃ |
তে তৃপ্যন্তু ময়া দত্তং বস্ত্রনিষ্পীডনোদকম্ || ১, ২১৫. ৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
দেবাদিতর্পণনিরূপণং নাম পঞ্জদশোত্তরদ্বিশততমোঽধ্যায়ঃ

শ্রীগরুডমহাপুরাণম্-২১৬
ব্রহ্মোবাচ |
বৈশ্বদেবং প্রবক্ষ্যামি হোমলক্ষণমুত্তমম্ |
প্রজ্বাল্য চাগ্নিং পর্যুক্ষ্য-ওঁ ক্রষ্যাদমগ্নিং প্রহিণোমি দূরং যমরাজ্যং
গচ্ছতু রিপ্রবাহঃ |
ইহৈবায়মিতরো জাতবেদা দেবেভ্যো হব্যং বহতু প্রজানৎ |
ওঁ পাবক বৈশ্বানর ইদমাসনং অরণীগর্ভসংস্কৃততেজোরূপ
মহাব্রহ্মন্মুহূর্তাস্ত্রিষু বৈশ্বানরং প্রতিবোধয়ামি |
ওঁ বৈশ্বানরে ন উভয়ং আপ্রয়াতু পরাবতঃ অগ্নির্ন স্বদ্যুতীরূপপৃষ্ঠো
দিবি পৃষ্ঠোঽশ্বি পৃথিব্যাং পৃষ্ঠা বিবেবা ওষধীচাবিবেশ বৈশ্বানরঃ
সহসা পৃষ্ঠোঽগ্নিঃ নমো দিব্য স ষষ্ঠাং নক্তম্ ||
১, ২১৬. ১ ||
ওঁ প্রজাপতয়ে স্বাহা |
ওঁ সোমায় স্বাহা |
ওঁ বৃহস্পতয়ে স্বাহা |
ওঁ অগ্নিষোমাভ্যাং স্বাহা |
ওঁ ইন্দ্রাগ্নিভ্যাং স্বাহা |
ওঁ দ্যাবাপৃথিবীভ্যাং স্বাহা |
ওঁ ইন্দ্রায় স্বাহা |
ওঁ বিশ্বেভ্যো দেবেভ্যঃ স্বাহা |
ওঁ ব্রহ্মণে স্বাহা |
ওঁ অদ্ভ্যঃ স্বাহা |
ওঁ ওষধিবনস্পতিভ্যঃ স্বাহা |
ওঁ গ্রহ্যায় স্বাহা |
ওঁ দেবদেবতাভ্যঃ স্বাহা |
ওঁ ইন্দ্রায় স্বাহা |
ওঁ ইন্দ্রপুরুষেভ্যঃ স্বাহা |
ওঁ যমায় স্বাহা |
ওঁ যমপুরুষায় স্বাহা |
ওঁ সর্বেভ্যো ভূতেভ্যো দিবাচারিভ্যঃ স্বাহা |
ওঁ বসুধাপিতৃভ্যঃ স্বাহা |
ওঁ যে ভূতা প্রচরন্তি দীনাচ নিমিহন্তো ভুবনস্য মধ্যে |
তেভ্যো বলিং পুষ্টিকামো দদামি ময়ি পুষ্টিং পুষ্টিপতির্দদাতু |
ওঁ আচাণ্ডালপতির্দদাতু আচাণ্ডালপতিতবায়সেভ্যঃ || ১, ২১৬. ২ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বৈশ্বদেবনিরূপণং নাম ষোডশোত্তরদ্বিশততমোঽধ্যায়ঃ

শ্রীগরুডমহাপুরাণম্-২১৭
ব্রহ্মোবাচ |
অথ সন্ধ্যাবিধং বক্ষ্যে দ্বিজাতীনাং সমাসতঃ |
অপবিত্রঃ পবিত্রো বা সর্বাবস্থাং গতোঽপি বা || ১, ২১৭. ১ ||
যঃ স্মরেৎপুণ্ডরীকাক্ষং স বাহ্যাভ্যন্তরঃ শুচিঃ || ১, ২১৭. ২ ||
গায়ত্ত্রীচ্ছন্দো বিশ্বামিত্র ঋষিস্ত্রিপাৎ |
সমুদ্রাঃ কুক্ষিশ্চন্দ্রাদিত্যৌ লোচনৌ |
অগ্নির্মুখম্ |
বিষ্ণুর্হৃদয়ম্ |
ব্রহ্মরুদ্রৌ শিরঃ |
রুদ্রঃ শিখা |
উপনয় নে বিনিয়োগঃ |
ওঁ ভূঃ পাদে |
ভুবঃ জানুতি |
স্বঃ হৃদয়ে |
মহঃ শিরসি |
জনঃ শিখায়াম্ |
তপঃ কণ্ঠে |
সত্যং ললাটে |
ওঁ হৃদয়ায় নমঃ |
ওঁ ভূঃ শিরসে স্বাহা |
ওঁ ভুবঃ শিখায়ৈ বৌষট্ |
ওঁ স্বঃ কবচায় হুং |
ওঁ ভূর্ভুবঃ স্বঃ অস্ত্রায় ফট্ || ১, ২১৭. ৩ ||
ওঁ ভূঃ ওঁ ভুবঃ ওঁ স্বঃ ওঁ মহঃ ওঁ জনঃ ওঁ তপঃ ওঁ সত্যং তৎস্ত্রিপদা |
ওঁ আপো জ্যোঽতী রসোঽমৃতং ব্রহ্ম ভূর্ভুবঃ স্বরোম্ |
ওঁ সূর্যশ্চেত্যাদি |
ওঁ আপঃ পুনন্ত্বিত্যাদি |
ওঁ অগ্নিশ্চেত্যাদি || ১, ২১৭. ৪ ||
ওঁ আয়াতু বরদে দেবি ! পূর্বাহ্নে ব্রহ্মদেবতা |
গায়ত্ত্রী নাম যা সন্ধ্যা রক্তাঙ্গী রক্তবাসসা |
বরহংসসমারূঢা শ্রীমৎপুষ্করসংস্থিতা || ১, ২১৭. ৫ ||
কমণ্ডলুধরা শান্তা অক্ষমালাবিধারিণী |
আয়াতু বরদা দেবী মধ্যাহ্নে শ্বেতরূপিণী || ১, ২১৭. ৬ ||
মাহেশ্বরী চ সাবিত্রী শুক্লবস্ত্রাদিমণ্ডিতা |
বৃষস্কন্ধসমারূঢা ত্রিশূলবরধারিণী || ১, ২১৭. ৭ ||
আয়াতু বরদা দেবী অপরাহ্নে সরস্বতী |
অতসীকুসুমপ্রখ্যা বৈষ্ণবী গরুডাসনা || ১, ২১৭. ৮ ||
পীতবস্ত্রা শঙ্খচক্রগদাপদ্মসমন্বিতা |
শ্বেতবর্ণা সমুদ্দিষ্টা রবিমণ্ডলসংস্থিতা || ১, ২১৭. ৯ ||
শ্বেতপদ্মসনাসীনা শ্বেতপুষ্পোপশোভিতা |
ওঁ আপো হিষ্ঠা ময়ো ভুবস্তা ন উর্জে দধাত নঃ || ১, ২১৭. ১০ ||
মহেরণায় চক্ষুসে |
ওঁ যো বঃ শিবতমো রসঃ |
তস্য ভাজয়েতেহ নঃ |
অশতীরিব মাতরঃ |
ওঁ তস্মা অরঙ্গমাম বো যস্য ক্ষয়ায় জিন্বথ |
আপো জন যথা চ নঃ |
ওঁ সুমিত্রিয়া ন আপ ওষধয়ঃ সন্তু ওঁ দুর্মিত্রিয়াস্তস্মৈ সন্তু
যোঽস্মান্দ্বেষ্টি যঞ্চ বয়ং দ্বিষ্মঃ |
ওঁ দ্রুপদাদিবমুমুচানঃ স্বিন্নঃ স্নাতো মলাদিব |
পূতং পবিত্রেণেবাজ্যমাপঃ শুন্ধন্তু মৈনসঃ |
ওঁ ঋতং চ সত্যং চাভীদ্ধাত্তপসোঽধ্যজায়ত |
ততোরাত্র্যজায়ত |
ততঃ সমুদ্রোর্ঽণবঃ সমুদ্রাদর্ণবাদধিসংবৎসরো অজায়ত |
অহৌরাত্রাণি বিদধদ্বিশ্বস্য মিষতো বশী |
সূর্যাচন্দ্রমসৌ ধাতা যথাপূর্বমকল্পয়ৎ |
দিবং চ পৃথিবীং চান্তরিক্ষমথো স্বঃ || ১, ২১৭. ১১ ||
গায়ত্ত্র্যা বিশ্বামিত্র ঋষির্গায়ত্ত্রীছন্দঃ |
সবিতা দেবতা জপে বিনিয়োগঃ |
ওঁ উদুত্যং জাতবেদসং দেবং বহন্তি কেতবঃ |
দৃশে বিশ্বায় সূর্যম্ |
ওঁ চিত্রং দেবানামুদগাদনীকং চক্ষুর্মিত্রস্য বরুণস্যাগ্নেঃ |
আপ্রা দ্যাবাপৃথিবী অন্তরিক্ষং সূর্য আত্মা জগতস্তস্থুষশ্চ |
ওঁ তচ্চক্ষর্দেবহিতং পুরস্তাচ্ছুক্রমুচ্চরৎ |
পশ্যেম শরদঃ শতং জীবেম শরদঃ শতম্ |
শৃণুয়াম শরদঃ শতম্ |
ওঁ বিশ্বতশ্চক্ষুরুত বিশ্বতোমুখোবিশ্বতো বাহুরুত বিশ্বতস্পাৎ |
সম্বাহুভ্যাং ধমতি সম্পত্রৈদ্যার্বাভূমী জনয়ন্দেব একঃ |
দেবা গাতুবিদো নাঙ্গবিদ্বানাদ্ভমিতমনসস্পত ইমং দেবয়জ্ঞং
স্বাহা বাতেধাঃ জপেৎ || ১, ২১৭. ১২ ||
উত্তরে শিখরে জাতে ভূম্যাং পর্বতবাসিনী |
ব্রহ্মণা সমনুজ্ঞাতা গচ্ছ দেবি ! যথাসুখম্ || ১, ২১৭. ১৩ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সন্ধ্যাবিধিনিরূপণং নাম সপ্তদশোত্তরদ্বিশততমোঽধ্যায়ঃ

শ্রীগরুডমহাপুরাণম্-২১৮
ব্রহ্মোবাচ |
ব্যাস ! শ্রাদ্ধমহং বক্ষ্যে ভুক্তিমুক্তিপ্রদং নৃণাম্ |
পূর্বং নিমন্ত্রয়েদ্বিপ্রান্বিশেষাদ্ব্রহ্মচারিণঃ || ১, ২১৮. ১ ||
প্রদক্ষিণোপবীতেন দেবান্বামোপবীতিনা |
পিৎৠন্নিমন্ত্রয়েৎপাদৌ ক্ষালয়েদ্বাক্যমন্ত্রতঃ || ১, ২১৮. ২ ||
ওঁ স্বাগতং ভবদ্ভিরিতি প্রশ্রঃ |
ওঁ সুস্বাগতামিতি তৈরুক্তে ওঁ বিশ্বেভ্যো দেবেভ্য এতৎপাদোদকমর্ঘ্যং স্বাহেতি
দেবব্রাহ্মণপাদয়োর্দেবতীর্থেনাভুগ্নকুশসহিতজলদানম্ || ১, ২১৮. ৩ ||
ততো দক্ষিণা ভিমুখেন বামোপবীতেনামুকগোত্রেভ্যো অস্মৎপিতৃপিতামহপ্রপিতামহেভ্যো
যথানামশর্মভ্য এতৎপাদোদকমর্ঘ্যং স্বধেতি পিত্রাদিব্রাহ্মণপাদয়োঃ পিতৃতীর্থেন
আভুগ্নকুশকুসুমসহিতজলদানম্ || ১, ২১৮. ৪ ||
এবং মাতামহাদিভ্যঃ |
এতদাচমনীয়ং স্বাহা স্বধেতি ব্রাহ্মণহস্তে এষবোর্ঽঘ্য ইতি ব্রাহ্মণহস্তে পুষ্পদানম্ || ১, ২১৮. ৫ ||
ওঁ সিদ্ধমিদমাসনমিহ সিদ্ধমিত্যভিধায় ওঁ ভূঃ ওঁ ভুবঃ ওঁ স্বঃ ওঁ মহঃ
ওঁ জনঃ ওঁ তপঃ ওঁ সত্যমিতি সপ্তব্যাহৃতিভিঃ পূর্বমুখন্দেবব্রাহ্মণোপবেশনম্ |
উত্তরদিঙ্মুখম্পিতৃব্রাহ্ময়োণোপবেশনম্ |
ওঁ দেবতাভ্যঃ পিতৃভ্যশ্চ মহায়োগিভ্য এব চ |
নমঃ স্বধায়ৈ স্বাহায়ৈ নিত্যমেব ভবন্তুতে ইতি ত্রির্জপেৎ || ১, ২১৮. ৬ ||
ওঁ অদ্যাস্মিন্দেশে অমুকমাসে অমুকরাশিঙ্গতে
সবিতর্যমুকতিথাবমুকগোত্রাণামস্মৎপিতৃপিতামহপ্রপিতামহানাং যথানামশর্মণাং
বিশ্বেদেবপূর্বকন্দৃশ্রাদ্ধং করিষ্যে | ওঁ বিশ্বেভ্যো দেবভ্যঃ স্বাহা
ওঁ বিশ্বেদেবানাবাহয়িষ্যে |
আবাহয়েত্যুক্তে ওঁ বিশ্বেদেবাঃ স আগত শৃণুতামিমং হবম্ |
এদং বর্হির্নিষীদত ওঁ বিশ্বেদেবাঃ শৃণুতেমং ইবং মে যে অন্তরিক্ষে য উপদ্যবিষ্ট |
যে অগ্নিজিহ্বা উত বা যজত্রা আসদ্যাস্মিন্বর্হিষি মাদয়ধ্বম্ |
ওঁ ওষধয়ঃ সংবদন্তে সোমেন সহ রাজ্ঞা |
যস্মৈ কৃণোতি ব্রাহ্মণস্তং রাজন্পারয়ামসি |
ওঁ আগচ্ছন্তু মহাভাগা বিশ্বেদেবা মহাবলাঃ |
যে অত্র বিহিতাঃ শ্রাদ্ধে সাবধানা ভবন্তু তে |
ওঁ অপহতাসুরা রক্ষাংসি বেদিষদ ইতি ত্রিত্রির্যববিকিরণম্ || ১, ২১৮. ৭ ||
ওঁ পাত্রমহং করিষ্যে |
ওঁ করুষ্বেত্যনুজ্ঞাতঃ কৃৎবা পাত্রে পবিত্রনিষেবণম্ || ১, ২১৮. ৮ ||
ওঁ শন্নো দেবীরভিষ্টয় আপো ভবন্তু পীতয়ে |
শংযোরভিস্ত্রবন্তু ন ইতি পাত্রে জলদানম্ |
ওঁ যবোঽসি যবয়াস্মদ্বেষো যবয়ারাতীরিতি যবদানম্ |
গন্ধদ্বারাং দুরাধর্ষাং নিত্যপুষ্টাং করীষিণীম্ |
ঈশ্বরীং সর্বভূতানাং তা (ৎবা) মিহোপহ্বয়ে শ্রিয়মিতি গন্ধদানম্ |
ওঁ যা দিব্যা আপঃ পয়সা সম্বভূবুর্যা অন্তরিক্ষৌত পার্থবীর্যাঃ |
হিরণ্যবর্ণা যজ্ঞিয়াস্তান আপঃ শিবাঃ শং স্যোনা সুহবা ভবন্তু |
এষোর্ঽঘো নম ইতি ব্রাহ্মণহস্তে জলং দত্ত্বানেনৈব পাত্রেণ পবিত্রগ্রহণং
কৃৎবা সংস্ত্রবং পবিত্রং চ ব্রাহ্মণপার্শ্বে দদ্যাৎ |
ততঃ প্রথমপাত্রে সংস্ত্রবজলং সংস্থাপ্য কুশোপরি ঊর্ধ্বমুখং স্থাপনং কুর্যৎ |
তদুপরি কুশদানম্ || ১, ২১৮. ৯ ||
বিশ্বেভ্যো দেবেভ্যঃ এতানি গন্ধপুষ্পধূপদীপবাসো যুগয়জ্ঞো পবীতানি নমঃ |
গন্ধাদিদানমচ্ছিদ্রমস্তু |
অস্ত্বিতি ব্রাহ্মণপ্রতিবচনম্ || ১, ২১৮. ১০ ||
ততঃ পিতৃপিতামহপ্রপিতামহানাং মাতামহপ্রমাতামহবৃদ্ধপ্রমাতামহানাং
সপত্নীকানাং শ্রাদ্ধমহং করিষ্যে ইতি অনুজ্ঞাবচনম্ |
কুরুষ্বেতি ব্রাহ্মণৈরুক্তে |
ওঁ দেবতাভ্যঃ পিতৃভ্যশ্চ-ইতিত্রির্জপেৎ || ১, ২১৮. ১১ ||
ওঁ অমুকগোত্রেব্যোঽস্মৎপিতৃপিতামহেভ্যো যথানামশর্মভ্যঃ সপত্নীকেভ্যঃ
ইদমাসনং স্বধা ইতি ব্রাহ্মণবামে আসনদানম্ |
ওঁ পিৎৠনাবাহয়িষ্যে |
ওঁ |
আবাহয়েত্যুক্তে ওঁ উশন্তস্ত্বা নিধীমহ্যুশন্তঃ সমিধীমহি |
উশন্নু শত আবহ পিৎৠন্হবিষে উত্তবে |
ওঁ আয়ন্তু নঃ পিতরঃ সৌম্যাসোঽগ্নিষ্বাত্তাঃ পথিভির্দেবয়ানৈঃ |
অস্মিন্যজ্ঞে স্বধয়া মদন্তোঽধিব্রুবন্তু তেবন্ত্বস্মানিত্যাবাহনম্ |
ওঁ অপহতা সুরা রক্ষাংসি বেদিষদঃ ইতি তিলবিকিরণম্ |
পূর্ববক্ত্রমেণ স্থাপিতপাত্রেষূদকদানম্ |
ওঁ তিলোঽসি সোমদেবত্যো গোসবো দেবনির্মিতঃ |
প্রত্নমদ্ভিঃ পৃক্তঃ স্বধয়া পিৎৠংল্লোকান্প্রীণীহি নঃ স্বাহা ইতি তিলদানম্ || ১, ২১৮. ১২ ||
গন্ধপুষ্পে হস্তাভ্যাং দত্ত্বা পিতৃপাত্রমুত্থাপ্য যা দিব্যেতি পঠিৎবা
অমুকগোত্রাস্মৎপিতঃ ! অমুকদেবশর্মন্! সপত্নীক ! এষ তেঽর্ঘ্যঃ স্বধা |
অপবিত্রং পাত্রং গৃহীৎবা বামপার্শ্বে দক্ষিণে কুশোপরি ওঁ পিতৃভ্যঃ
স্থানমসীত্যধোমুখপাত্রস্থাপনম্ || ১, ২১৮. ১৩ ||
ওঁ শুন্ধন্তাং লোকাঃ পিতৃসদনাঃ পিতৃসদনমসি |
অধোমুখপাত্ত্রস্পর্শনম্ |
অমুকগোত্রেভ্যোঽস্মৎপিতৃপিতামহ প্রপিতামহেভ্যঃ সপত্নীকেভ্য এতানি
গন্ধপুষ্পধূপদীপবাসোগুণসোত্তরীয়য়জ্ঞোপবীতানি
বঃ স্বধা পিতৃতীর্থেন গন্ধাদিদানম্ |
গন্ধাদিদানমক্ষয়্যমস্তু |
সঙ্কল্পসিদ্ধিরস্তু |
ব্রাহ্মণবচনম্ |
এবং মাতামহাদীনামনুজ্ঞাপনাদিকর্ম |
ওঁ যাদিব্যেতিভূমিসমার্জনম্ |
ততো ঘৃতাক্তমন্নং গৃহীৎবা দক্ষিণোপবীতী পিতৃব্রাহ্মণমোং অগ্নৌ করণমহং করিষ্যে |
ওঁ কুরুষ্বেতি তেনোক্তে ওঁ অগ্নয়ে কব্যবাহনায় স্বাহা ইতি আহুতিদ্বয়ং
দেবব্রাহ্মণহস্তে দত্ত্বা অবশিষ্টান্নং পিণ্ডার্থং স্থাপয়িৎবা অপরমর্ধং পিত্রাদিপাত্রে
মাতামহাদিপাত্রে চ নিঃ ক্ষিপেৎ ||
১, ২১৮. ১৪ ||
পাত্রমুদ্রাদি নিধায় কুশং দত্ত্বা অধোমুখাভ্যাং পাণিভ্যাং পাত্রং গৃহীৎবা
ওঁ পৃথিবীতে পাত্রং দ্যৌরপিধানং ব্রাহ্মণস্য মুখে অমৃতে অমৃতং
জুহোমি স্বাহা পাত্রাভিমন্ত্রণম্ |
ইদং বিষ্ণুর্বিচক্রমে ত্রেধা নিদধে পদম্ |
সমূঢমস্য পাংসুরে |
বিষ্ণো হব্যংরক্ষস্ব ইত্যন্নমধ্যে অধোমুখদ্বিজাঙ্গুষ্ঠনিবেশনম্ || ১, ২১৮. ১৫ ||
অপহতেতি ত্রির্যববিকিরণম্ |
ওঁ নিহন্মি সর্বং যদমেধ্যবদ্ভবেদ্ধতাশ্চ সর্বেঽসুরদানবা ময়া |
রক্ষাংসি যক্ষাঃ সপিশাচসঙ্ঘা হতা ময়া যাতুধানাশ্চ সর্বে ইতি সিদ্ধার্থবিকিরণম্ || ১, ২১৮. ১৬ ||
ততো ধূরিলোচনসঞ্জ্ঞকেভ্যোদবেভ্য এতদন্নং সঘৃতং সপানীয়ং
সব্যঞ্জনং স্বাহেতি বারিকুশাদ্যৈরনুসঙ্কল্পনম্ |
ওঁ অন্নমিদমক্ষয়্যমস্তু ওঁ সংঙ্কল্পসিদ্ধিরস্তু || ১, ২১৮. ১৭ ||
ততো বিপরীতোপবীতেন সব্যঞ্জনং সঘৃতমন্নং পিত্রাদি ব্রাহ্মণপাত্রে
নিধায় তদুপরি ভূমিসংলগ্নকুশং দত্ত্বা ওঁ পৃথিবী তে পাত্রং ইতি
মন্ত্রেণ উত্তানাভ্যাং পাত্রং গৃহীৎবা ওঁ ইদং বিষ্ণোরিত্যন্নোপরি
উত্তানং দ্বিজাঙ্গুষ্ঠং নিবেশয়েৎ |
ওঁ অপহতেতি তিলবিকিরণম্ |
ভূমিপাতিতবামজানুঃ অমুকগোত্রেভ্যঃ অস্মৎপিতৃপিতামহেভ্যঃ সপত্নীকেভ্যঃ
এতদন্নং সঘৃতং সপানীয়ং সব্যঞ্জনং প্রতিষিদ্ধবর্জিতং স্বধা |
অন্নং সঙ্কল্প্য ওঁ ঊর্জং বহন্তীরমৃতং ঘৃত পয়ঃ কীলালং পরিস্ত্রুতং
স্বধাস্তু তর্পয়ত মে পিতরম্ |
দক্ষিণামুখবরিধারত্যাগঃ || ১, ২১৮. ১৮ ||
ওঁ শ্রাদ্ধমিদমচ্ছিদ্রমস্তু ওঁ সঙ্কল্পসিদ্ধরস্তু |
ওঁ ভূর্ভুবঃ স্বস্তৎসবিতুর্বরেণ্যং ভর্গোদেবস্য ধীমহি ধিয়ো যো নঃ
প্রচোদয়াতিতি বিসজয়িৎবা ওঁ মধুবাতা ঋতায়তে মধুক্ষরন্তু সিন্ধবঃ
মাধ্বীর্নঃ সন্ত্বোষধীর্মধুনক্তমুতোষসো
মধুৎপার্থিবং রজঃ |
মধুদ্যৌরস্তু নঃ পিতা মধুমান্নো বনস্পতিঃ মধুমানস্তু সূর্যো মাধ্বীর্গাবো ভবন্তু নঃ |
মধু মধু মধু ইতি জপঃ || ১, ২১৮. ১৯ ||
যথাসুখং বাগ্যতা জুষধ্বমিতি ব্রূয়াৎ |
বুক্তবৎসু সপ্তব্যাধাদিকং পিতৃস্তোত্রং জপেৎ |
তচ্চ-সপ্তব্যাধা দশার্ণেষু মৃগাঃ কালঞ্জরে গিরৌ |
চক্রবাকাঃ শরাদ্বীপে হংসাঃ সরসি মানসে || ১, ২১৮. ২০ ||
তেঽভিজাতাঃ কুরুক্ষেত্রে ব্রাহ্মণা বেদপারগাঃ |
প্রস্থিতা দূরমধ্বানং যূয়ং কিমবসীদথ || ১, ২১৮. ২১ ||
ততস্তৃপ্যস্ব দক্ষিণাভিমুখো বামোপবীতী তদুৎসৃষ্টাগ্রতঃ |
ওঁ অগ্নিদগ্ধাশ্চ যে জীবা যেঽপ্যদগ্ধাঃ কুলে মম |
ভূমৌ দত্তেন তৃপ্যন্তু তৃপ্তা যান্তু পরাঙ্গতিম্ |
ইতি ভূমৌ কুশোপরি সঘৃতমন্নং জলপ্লুতং বিকিরেৎ || ১, ২১৮. ২২ ||
ততো ব্রাহ্মণক্রমেণ জলগণ্ডূষং দত্ত্বা পূর্ববৎসব্যাহৃতিকাং গায়ত্ত্রীং
মধুবাতেতিত্র্যৃচং জপ্ত্বা ওঁ রুচিতং ভবদ্ভিরিতি দেবব্রাহ্মণপ্রশ্রঃ |
সুরুচিতমিতি তেনোক্তে ওঁ শেষমন্নমিতি প্রশ্রঃ |
ইষ্টৈঃ সহ ভোজনম্ |
পিত্রাদিব্রাহ্মণং বামোপবীতেন ওঁ তৃপ্তাঃ স্থ ইতি প্রশ্রঃ |
ওঁ তৃপ্তাঃ স্ম ইতি তেনোক্তে ভূম্যভ্যুক্ষণং মণ্ডলচতুষ্কোণং তি লবিকিরণম্ || ১, ২১৮. ২৩ ||
ওঁ অমুকগোত্র ! অস্মৎপিতঃ ! অমুকদেবদর্শন্! সপত্নীক ! এতত্তে পিণ্ডাসনং স্বধা |
ইত্থং রেখামধ্যে পিতামহায় খব্যাহৃতিকাং গায়ত্ত্রীং মধুবাতেতি
ত্রর্জপন্নন্নং সাজ্যং পিণ্ডং কৃৎবা কুশোপরি অমুকগোত্র অস্মৎপিতঃ !
অমুকদেবশ্রমন্! সপত্নীক এষ পিণ্ডস্তে স্বধা |
ইত্থং রেখামধ্যে পিতামহায় |
ততঃ সব্যাহৃতিকাং গায়ত্ত্রীং মধুবাতেতি ত্রির্জম্পন্পিণ্ডবিকিরণং
পিণ্ডান্তিকে | ওঁ লেপভুজঃ প্রীয়ন্তমিতি স্তরণ্কুশেষু হস্তমার্জনং
প্রক্ষালিতপিণ্ডোদকেন ওঁ অমুকগোত্র ! অস্মৎপিতঃ ! অমুকশর্মন্সপত্নীক
এতত্তে জলমবনেক্ষ্ব যে চাত্রৎবামনুজাশ্চ ৎবামনু তস্মৈ তেস্বধেতি
পিতৃপিণ্ডসেচনম্ |
পিণ্ডপাত্রমধোমুখং কৃৎবা বদ্ধাঞ্জলিঃ ওঁ পিতরো মাদয়ধ্বং
যথাভাগমাবৃষায়ধ্বমিতি জপেৎ |
অপঃ স্পৃষ্ট্বা বামেন পরাবৃত্ত্য উদঙ্মুখঃ প্রাণাংস্ত্রিঃ সংযম্য
ষড্ভ্য ঋতুভ্যো নমঃ ইতি জপঃ || ১, ২১৮. ২৪ ||
বামেনৈব পরাবৃত্য পুষ্পদানম্ |
অক্ষতঞ্চারিষ্টঞ্চাস্তু মে পুণ্যং শান্তিপুষ্টিদৃ |
দক্ষিণামুখঃ অমী মদন্তঃ পিতরো যথাভাগমাবৃষায়িষত ইতি জপঃ |
বাসঃ শিথিলীকৃৎবাঞ্জলিং কৃৎবা ওঁ নমো বঃ পিতরো নমো বঃ ইতি জপঃ |
গৃহান্নঃ পিতরো দত্ত ইতি গৃহবীক্ষণম্ |
ততঃ সদা বঃ পিতরো দ্বেষ্ম ইতি বীক্ষ্য এতদ্বঃ পিতরো বাস ইত্যুচ্চার্য
অমুকগোত্র এতত্তে বাসঃ স্বধা ইতি সূত্রদানম্ |
বামেন পাণিনা উদকপাত্রং গৃহীৎবা ঊর্জং বহন্তীরমৃতং ঘৃতং পয়ঃ
ইত্যাদি পিণ্ডোপরি ধারাত্যাগঃ || ১, ২১৮. ২৫ ||
পূর্বস্থাপিতপাত্রশেষোদকৈঃ প্রত্যেকং পিণ্ডসেচনং-পিণ্ডমাবাহ্য
গন্ধাদিদানং-পিণ্ডোপরি কুশপত্রঞ্চ দত্ত্বা ওঁ অক্ষন্নমীমদন্তহ্য ব
প্রিয়া অধূষত অস্তোষতস্বভানবো বিপ্রা নবিষ্ঠয়ামতী |
যো জান্বিন্দ্র তে হরীতি ত্রির্জপঃ || ১, ২১৮. ২৬ ||
ওঁ ইত্থং মাতামহাদিব্রাহ্মণানামাচমনম্ |
ওঁ সুসুপ্রোক্ষিতমস্ত্বিতি ভূম্যভ্যুক্ষণং কৃৎবা |
ওঁ অপাং মধ্যে স্থিতা দেবাঃ সর্বমপ্সু প্রতিষ্ঠিতম্ |
ব্রাহ্মণস্য করে ন্যস্তাঃ শিবা আপো ভবন্তু নঃ |
শিবা আপঃ সন্ত্বিতি ব্রাহ্মণহস্তে জলদানম্ |
লক্ষ্মীর্বসতিপুষ্পেষু লক্ষ্মীর্বসতি পুষ্করে |
লক্ষ্মীর্বসতি গোষ্ঠেষু সৌমনস্যং সদাস্তু তে |
সৌমনস্যমস্ত্বিতি পুষ্পদানম্ |
অক্ষতং চাস্তু মে পুণ্যং শান্তিঃ পুষ্টির্ধৃতিশ্চ মে |
যদ্যচ্ছ্রেয়স্করং লোকে তত্তদস্তু সদা মম |
ওঁ অক্ষতঞ্চারিষ্টঞ্চাস্তু ইতি যবতণ্ডুলদানম্ || ১, ২১৮. ২৭ ||
অমুকগোত্রাণামস্মৎপিতৃপিতামহপ্রপিতামহানাং
সপত্নীকানামিদমন্নপানাদিকমক্ষয়্যমস্ত্বিতি পিত্রাদিব্রাহ্মণহস্তে তিলজলদানম্ |
অস্ত্বিতি ব্রাহ্মণো বদেৎ |
এতন্মাতামহাদীনামক্ষয়্যমাশিষঃ |
ওঁ অঘোরাঃ পিতরঃ সন্তু গোত্রং নো বর্ধতাং–দাতারো নোঽভিবর্ধন্তাং বেদাঃ সন্ততিরেব চ |
শ্রদ্ধা চ নো মা ব্যগমদ্বহুদেয়ঞ্চ নোঽস্ত্বিতি |
অন্নঞ্চ নো বহু ভবেদতিথীংশ্চ লভেমহি |
যাচিতারশ্চ নঃ সন্তু মা চ যাচিষ্ম কঞ্চন |
এতাঃ সত্যাশিষঃ সন্তু || ১, ২১৮. ২৮ ||
সৌমনস্যমস্তু |
অস্ত্বিত্যুক্তে প্রদত্তপিণ্ডস্থানে অর্ঘ্যার্থপবিত্রমোচনম্ |
কুশপবিত্রং গৃহীৎবাতেন কুশেন পিত্রাদিব্রাহ্মণং স্পৃষ্ট্বা স্বধাং
বাচয়িষ্যে-ওঁ বাচ্যতাং-ওঁ পিতৃপিতামহেভ্যো
যথানামশর্মভ্যঃ সপত্নীকেভ্যঃ স্বধোচ্যতাম্ |
অস্তুস্বধা ইত্যুক্তে ঊর্জং বহন্তীরমৃতং ঘৃতমিতি পিণ্ডোপরি বারিধারাং
দদ্যাৎ || ১, ২১৮. ২৯ ||
ততঃ ওঁ বিশ্বেদেবা অস্মিন্যজ্ঞে প্রীয়ন্তা–দেবব্রাহ্মণহস্তে যবোদকদানম্ |
ওঁ প্রীয়ন্তামিতি তেনোক্তে ওঁ দেবতাভ্য ইতি ত্রির্জপেৎ || ১, ২১৮. ৩০ ||
অধোমুখঃ পিণ্ডপাত্রাণি চালয়িৎবা আচম্য দক্ষিণোপবীতী পূর্বাভিমুখঃ
ওঁ অমুকগোত্রায় অমুকদেবশর্মণে ব্রাহ্মণায় সপত্নীকায়
শ্রাদ্ধপ্রতিষ্ঠার্থদক্ষিণামেতদ্রজতং তুভ্যমহং
সম্প্রদদে ইতি দক্ষিণাং দদ্যাৎ |
ইতি দেবূব্রাহ্মণায় দক্ষিণাদানম্ || ১, ২১৮. ৩১ ||
ততঃ পিতৃব্রাহ্মণে পিণ্ডাঃ সম্পন্না ইতি প্রশ্রঃ |
সুসম্পন্না ইতি পিণ্ডে ক্ষীরধারাং দত্ত্বা পিণ্ডচালনং অতিথিব্রাহ্মণে
পিণ্ডপাত্রমুত্তানং কৃৎবা ওঁ বাজে বাজে বত বাজিনো নো ধনেষু
বিপ্রা অমৃতা ঋতজ্ঞাঃ |
অস্যমধ্বঃ পিবত মাদয়ধ্বং তৃপ্তা যাত পথিভির্দেবয়ানৈরিতি পিণ্ডা
দিবিসর্জনং-আমাবাজস্য প্রসবো জগম্যাদেমে দ্যাবাপৃথিবী বিশ্বরূপে
আমাগন্তাং পিতরা চামা সোমোঽমৃতৎবেন গম্যাৎ |
ইতি দেববিসর্জনম্ |
ওঁ অভিগম্যতামিতি পিতৃব্রাহ্মণবিসর্জনম্ |
ব্রাহ্মণৈরনুদ্গতস্য নিবর্তনম্ |
গবাদিষু পিণ্ডপ্রতিপাদনমিতি শেষঃ || ১, ২১৮. ৩২ ||
অয়ং শ্রাদ্ধবিধিঃ প্রোক্তঃ পঠিতঃ পাপনাশনঃ |
অনেন বিধিনা শ্রাদ্ধং কৃতং বৈ যত্র কুত্রচিৎ || ১, ২১৮. ৩৩ ||
অক্ষয়া স্যাৎপিৎৠণাঞ্চ স্বর্গপ্রাপ্তির্ধ্রুবা তথা |
ইত্যুক্তং পার্বণং শ্রাদ্ধং পিৎৠণাং ব্রহ্মলোকদম্ || ১, ২১৮. ৩৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
পার্বণশ্রাদ্ধকথনং নামাষ্ট্রদশাধিকদ্বিশততমোঽধ্যায়ঃ

শ্রীগরুডমহাপুরাণম্-২১৯
ব্রহ্মোবাচ |
নিত্যশ্রাদ্ধং প্রবক্ষ্যামি পূর্ববত্তদ্বিশেষবৎ |
ওঁ অমুকগোত্রাণামস্মৎপিতৃপিতামহানাং অমুকশর্মণাং সপত্নীকানাং
শ্রাদ্ধং সিদ্ধান্নেন যুষ্মাস্বহং করিষ্যে |
আসনাদিকমত্র স্যাদ্বিশ্বেদেবাবিবর্জিতম্ || ১, ২১৯. ১ ||
বৃদ্ধিশ্রাদ্ধং প্রবক্ষ্যামি পূর্ববত্তদ্বিশেষকম্ |
জাতপুত্রমুখদর্শনাদৌ বৃদ্ধি শ্রাদ্ধং পূর্বাভিমুখেষু দক্ষিণোপবীতিষু
সয়ববদরকুশৈর্দেবতীর্থেন নমস্কারান্তেন দক্ষিণোপচারেণ কর্তব্যম্ || ১, ২১৯. ২ ||
দক্ষিণজানু গৃহীৎবা অদ্যাস্মদীয়ামুকবৃদ্ধৌ
অমুকগাত্রাণামস্মৎপ্রপিতামহীপিতামহীমাৎৠণামমুকদেবীনামমুকগোত্রাণাং
শ্রাদ্ধে কর্তব্যে বসুসত্যসঞ্জ্ঞকানাং বিশ্বেষাং দেবানাং শ্রাদ্ধং
সিদ্ধান্নেনয়ুষ্মাসু ময়া কর্তব্যমিতি দেবব্রাহ্মণামন্ত্রণম্ |
ওঁ করিষ্যসীতি তেনোক্ত ইত্থমেবাপরদেবব্রাহ্মণামন্ত্রণম্ || ১, ২১৯. ৩ ||
ততঃ অমুকবৃদ্ধৌ অমুকগোত্রায়া মৎপ্রপিতামহ্যা অমুকদেব্যা নান্দীমুখ্যাঃ
শ্রাদ্ধং সিদ্ধান্নেন যুষ্মাসু ময়া কর্তব্যমিতি প্রপিতামহীব্রাহ্মণামন্ত্রণম্ |
করিষ্যামীতি তেনোক্তে ইত্থমেব প্রমাতামহ্যাদিব্রাহ্মাণমন্ত্রণম্ || ১, ২১৯. ৪ ||
দেবপিতৃসর্বদেবব্রাহ্মণং শ্রাদ্ধকরণানুজ্ঞাপনম্ |
আসনে ওঁ বিশ্বেদেবাস আগত শৃণুতাম ইমংর্ঠ ইবম্ |
তং বর্হির্নিষীদত |
ওঁ বিশ্বেদেবাঃ শৃণুতেমং ইবং যে মে অন্তরিক্ষে য উদদ্যবিষ্ট |
পে অগ্নিজিহ্বা উতবা যদত্রা আসাদ্যাস্মিন্বর্হিষি মাদয়ধ্বম্ |
ওঁ আগচ্ছন্তু ইতি বিশ্বেদেবাবাহনং-গন্ধাদিদানম্ |
অচ্ছিদ্রাবধারণবাচনম্ || ১, ২১৯. ৫ ||
ততঃ প্রপিতামহীপ্রভৃতীনামনুজ্ঞাপনমাসনদানং গন্ধাদিদানঞ্চ অচ্ছিদ্রাবধারণবাচনম্ |
ইত্থং পিতামহ্যাঃ মাতুঃ |
ততঃ প্রপিতামহাদীনাং অনুজ্ঞাপনম্ |
আসনমাবাহনঙ্গন্ধাদিদানং-বৃদ্ধপ্রমাতামহাদীনামনুজ্ঞাপনাদিকরণম্ |
ওঁ বসুসত্যসঞ্জ্ঞকেভ্যো দেবেভ্য এতদন্নং সঘৃতং সপানীয়ং সব্যঞ্জনং
সবদরং সদধি প্রতিষিদ্ধবর্জিতং নম ইতি অন্নসঙ্কল্পনম্ |
ওঁ অমুকগোত্রে ! মৎপিতামহমুকদেবি নান্দীমুখি ! এতদন্নং সবদরং সদধি নমঃ |
এবং মাতামহপ্রভাতামহেভ্যঃ || ১, ২১৯. ৬ ||
একোদ্দিষ্টং পুরোঽবশ্যং তদ্বিশেষং বদে শৃণু |
প্রথমং নিমন্ত্রণং পাদপ্রক্ষালনমাসনম্ |
অদ্য অমুকগোত্রস্য মৎপিতুরমুকদেবশর্মণঃ
প্রতিসাংবৎসরিকমেকোদ্দিষ্টশ্রাদ্ধং সিদ্ধান্নেন যুষ্মাস্বহং করিষ্যে |
শ্রাদ্ধকরণানুজ্ঞাপনমাসনং গন্ধাদিদানমন্নানুকল্পনম্ |
জপ্যং নিবীতী |
উত্তরাভিমুখীভূয়াতিথিশ্রাদ্ধং কুর্যাৎ || ১, ২১৯. ৭ ||
ততস্মৃপ্তিং জ্ঞাৎবা দক্ষিণাভিমুখীবামোপবীতী উচ্ছিষ্টসমীপে অগ্নিদগ্ধা ইতি অন্নবিকিরণম্ |
অমুকগোত্রমৎপিতরমুকদেবশর্মন্নেতত্তে জলমবনেনিক্ষ্ব যে চাত্র
ৎবামনুয়াশ্চ ৎবামনুতস্মৈ তে স্বধা ইতি রেখোপরি বারিধারাদানম্ |
শেষং পূর্ববৎ || ১, ২১৯. ৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
একোনবিংশাধিকদ্বিশততমোঽধ্যায়ঃ

শ্রীগরুডমহাপুরাণম্-২২০
ব্রহ্মোবাচ |
সপিণ্ডীকরণং বক্ষ্যে পূর্ণেঽব্দে তৎক্ষয়েঽহনি |
কৃতং সম্যগ্যথাকালে প্রেতাদেঃ পিতৃলোকদম্ || ১, ২২০. ১ ||
সপিণ্ডীকরণং কুর্যাদপরাহ্নে তু পূর্ববৎ |
পিতামহাদিব্রাহ্মণনিমন্ত্রণম্ |
ওঁ পুরূরবার্দ্রবসঞ্জ্ঞকেভ্যো দেবেভ্য এতদাসনং নমঃ |
বামপার্শ্বে চাসনদানম্ |
আবাহনম্ |
ততঃ পিতামহপ্রপিতামহবৃদ্ধপ্রপিতামহানাং সপত্নীকানাং শ্রাদ্ধমহং
করিষ্যে ইত্যনুজ্ঞাগ্রহণং-পাত্রত্রয়করণং-পাত্রোপরি কুশং দত্ত্বা
পাত্রান্তরেণ পিধায় অচ্ছিদ্রাবধারণান্তং পরিসমাপ্য
তথৈব পিতুরপি সপত্নীকস্য প্রেতপদান্তনাম্না শ্রাদ্ধকরণানুজ্ঞাপনং
দেবপাত্রাচ্ছিদ্রাবধারণম্ || ১, ২২০. ২ ||
তৎপরিসমাপ্য পিতামহপ্রপিতামহবৃদ্ধপ্রপিতামহক্রমেণ পাত্রাণাং মনাক্চালনম্ |
উদ্ধাটনং কৃৎবা–ওঁ যে সমানাঃ সমনসঃ পিতরো যমরাজ্যে |
তেষাং লোকঃ স্বধা নমো যজ্ঞো দেবেষু কল্পতাম্ |
ওঁ যে সমানাঃ সমনসো জীবা জীবেষু মামকাঃ |
তেষাং শ্রীর্ময়ি কল্পতামস্মিন্লোকে শতং সমাঃ |
এতন্মন্ত্রদ্বয়েন পিতৃপাত্রোদকং পিতামহপ্রপিতামহপাত্রে
বৃদ্ধপ্রপিতামহপাত্রং পরিত্যজ্য পিতামহপ্রপিতামহয়োরুদকং পবিত্রঞ্চ
পিতৃপাত্রে ক্ষিপেৎ || ১, ২২০. ৩ ||
ততঃ পিতৃব্রাহ্মণহস্তে পাত্রস্থপবিত্রদানম্ |
পাত্রস্থপুষ্পেণ শিরসঃ করপাদার্চনং ব্রাহ্মণহস্তেঽন্য
জলদানং–হস্তাভ্যাং পাত্রমুত্থাপ্য ওঁ যা দিব্যেতি পঠিৎবা ওঁ অমুকগোত্র
মৎপিতামহ অমুকদেবশর্মন্সপত্নীক এষ তে অর্ঘ্যঃ স্বধা |
পিতৃপাত্রেণৈব পিতামহব্রাহ্মণহস্তে স্তোকমর্ঘ্যোদকং
সপবিত্রঙ্গৃহীৎবাস্তোকমুদকং পিণ্ডসেচনার্থং পাত্রান্তরেণ পিধায়
পিতৃব্রাহ্মণবামপার্শ্ব দক্ষিণাগ্রকুশোপরি পিতৃভ্যঃ স্তানমসীতি
অধোমুখপাত্রস্থপনম্ || ১, ২২০. ৪ ||
পিতামহপ্রপিতামহবৃদ্ধপ্রপিতামহেভ্যো গন্ধাদিদানমগ্নৌকরণম্ |
অবশিষ্টান্নং প্রপিতামহাদিপাত্রে ক্ষিপেৎ |
পিতামহপাত্রাভিমন্ত্রণপর্যন্তক্রমেণ সমাপ্যাপি ব্রাহ্মণপাত্রাভিমন্ত্রণম্ |
অঙ্গুষ্ঠনিবেশনং তিলবিকরণং কৃৎবা অমুকগোত্র এতত্তে অন্নং সঘৃতং
সপানীয়ং সব্যঞ্জনং প্রতিষিদ্ধবর্জিতং যে চাত্র ৎবা মনুয়াশ্চ
ৎবামনু তস্মৈ তে স্বধা ইতি || ১, ২২০. ৫ ||
ততো দেবপ্রভৃতিভ্য অপোশানং দদ্যাৎ |
অতিথিপ্রাপ্তৌ অতিধিশ্রাদ্ধং কুর্যাৎ |
অস্মিন্নবসরে বিকিরণম্ |
পিতামাহদৌ প্রশ্রং কৃৎবা পিতৃব্রাহ্মণমোং স্বদিতং ভবদ্ভিরিতি প্রশ্রঃ |
ওঁ অমুকগোত্র মৎপিতঃ অমুকশর্মন্সপত্নীক এষ তে পিণ্ডো
যে চাত্রৎবামনুয়াশ্চ ৎবামনু তস্মৈ স্বধেতি পিণ্ডপাত্রমচ্ছিদ্রমস্তু |
ততঃ সঙ্কল্প সিদ্ধিবাচনং সমাপ্য পিণ্ডং দ্বিধা কৃৎবা যে সমানাঃ
সুমনস ইতি মন্ত্রদ্বয়ং পঠিৎবা পিতামহবৃদ্ধপ্রপিতামহপাত্রেষু ক্ষিপেৎ |
পিণ্ডেষু গন্ধাদিকং দত্ত্বা পিণ্ডচালনম্ |
অতিথিব্রাহ্মণে স্বদিতাদিপ্রশ্রঃ |
ব্রাহ্মণানামাচমনম্ |
ভুক্তিক্রমেণ তাম্বূলদানম্ |
সুপ্রোক্ষিতমস্তু শিবা আপঃ সন্তু–বৃদ্ধপ্রপিতামহক্রমেণ ব্রাহ্মণহস্তে জলদানম্ |
গোত্রস্যাক্ষয়্যমস্তু পিতৃব্রাহ্মণহস্তে উপতিষ্টতামিতি সতিজলদানম্ || ১, ২২০. ৬ ||
অঘোরাঃ পিতরঃ সন্তু অস্ত্বিত্যুক্তে স্বধাং বাচয়িণ্য ইতি পিতামাহদিব্রাহ্মণানুজ্ঞাপনম্ || ১, ২২০. ৭ ||
ওঁ বাচ্যতাং ইত্যুক্তে ওঁ পিতামহাদিভ্যঃ স্বধোচ্যতাম্ |
অস্তু স্বধেত্যুক্তে পিতৃব্রাহ্মণ পিতৃভ্যঃ স্বধোচ্যতামিতি |
অস্তু স্বধেত্যুক্তে ওঁ ঊর্জং বহন্তীরিতি দক্ষিণাভিমুখবারিধারাত্যাগঃ |
ওঁ বিশ্বেদেবা অস্মিন্যজ্ঞে প্রীয়ন্তামিতি দেবব্রাহ্মণহস্তে ওঁ যবোদকদানম্ |
ওঁ দেবতাভ্য ইতি ত্রির্জপঃ || ১, ২২০. ৮ ||
পিণ্ডপাত্রাণি চালয়িৎবা আচম্য পিতামহাদিভ্যো দক্ষিণাং দত্ত্বা ততঃ
পিতৃ ব্রাহ্মণায় আশিষো মে প্রদীয়ন্তামিত্যাশীঃ প্রার্থনম্ |
প্রতিগৃহ্যতামিত্যুক্তে দাতারো নোঽভিবর্ধন্তামিতি পাত্রমুত্তানং কৃৎবা বাজে বাজেদৃবিসর্জনম্ |
অভিরণ্যতামিতি পিতৃব্রাহ্মণবিসর্জনম্ || ১, ২২০. ৯ ||
সপিণ্ডীকরণশ্রাদ্ধং ব্যাসপ্রোক্তং ময়া তব |
শ্রাদ্ধং বিষ্ণুঃ শ্রাদ্ধকর্তা ফলং শ্রাদ্ধাদিকং হরিঃ || ১, ২২০. ১০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
শ্রাদ্ধানুষ্ঠানং নামবিংশাধিকদ্বিশততমোঽধ্যায়ঃ

Leave a Reply

Your email address will not be published. Required fields are marked *