১.২১ গরুডপুরাণ (অধ্যায় ২০১-২১০)

শ্রীগরুডমহাপুরাণম্-২০১
ধন্বন্তরিরুবাচ |
হয়ায়ুর্বেদমাখ্যাস্যে হয়ং সর্বার্থলক্ষণম্ |
কাকতুণ্ডঃ কৃষ্ণজিহ্বো বৃক্ষাস্যশ্চোষ্ণতালুকঃ || ১, ২০১. ১ ||
করালো হীনদন্তশ্চ শৃঙ্গী বিরলদন্তকঃ |
একাণ্ডশ্চৈব জাতাণ্ডঃ কঞ্চুকী দ্বিখুরী স্তনী || ১, ২০১. ২ ||
মার্জারপাদো ব্যাঘ্রাভঃ কুষ্ঠবিদ্রধিসন্নিভঃ |
যমজো বামনশ্চৈব মার্জারঃ কপিলোচনঃ || ১, ২০১. ৩ ||
এতদ্দোষী হয়স্ত্যাজ্য উত্তমোঽশ্বস্তুরুষ্কজঃ |
মধ্যমঃ পঞ্চহস্তশ্চ কনীয়াংশ্চ ত্রিহস্তকঃ || ১, ২০১. ৪ ||
অসংহতা যে চ বাহা হ্রস্বকর্ণাস্তথৈব চ |
শবলাভাঃ প্রভাবেষু ন দীনাশ্চিরজীবিনঃ || ১, ২০১. ৫ ||
রেবন্তপূজনাদ্ধোমাদ্রক্ষ্যাশ্চ দ্বিজভাজেনাৎ |
সরলং নিম্বপত্রাণি গুগ্গুলং সর্ষপান্ঘৃতম্? || ১, ২০১. ৬ ||
তিলঞ্চৈব বচাং হিগুং বধ্নীয়াদ্বাজিনো গলে |
আগন্তুজং দোষজন্তু ব্রণং দ্বিবিধমীরিতম্ || ১, ২০১. ৭ ||
চিরপাকং বাতজন্তু শ্লেষ্মজং ক্ষিপ্রপাককম্? |
কণ্ঠদাহাত্মকং পিত্তাচ্ছোণিতান্মন্দবেদনম্ || ১, ২০১. ৮ ||
আগন্তুজন্তু শস্ত্রাদ্যৈর্দুষ্টব্রণবিশোধনম্ |
এরণ্ডমূলং দ্বিনিশং চিত্রকং বিশ্বভেষজম্ || ১, ২০১. ৯ ||
রসোনং সৈন্ধবং বাপি তক্রকাঞ্জিকপোষিতম্ |
তিলসক্তুকপিণ্ডিকা দধিয়ুক্তা সসৈন্ধবা |
নিম্বপত্রয়ুতং পিণ্ডং ব্রণশোধনরোপণম্ || ১, ২০১. ১০ ||
পটোলং নিম্বপত্রঞ্চ বচা চিত্রকমেব চ |
পিপ্পলীশৃঙ্গবেরঞ্চ চূর্ণমেকত্র কারয়েৎ || ১, ২০১. ১১ ||
এতৎপানাৎক্রিমিশ্লেষ্মমন্দানিলবিনাশনম্ |
নিম্বপত্রং পটো লঞ্চ ত্রিফলা খদিরং তথা || ১, ২০১. ১২ ||
ক্বাথয়িৎবা ততো বাহং সৃতরক্তং বিচক্ষণঃ |
ত্র্যহমেব প্রিদাতব্যং হয়কুষ্ঠোপশান্তয়ে || ১, ২০১. ১৩ ||
সব্রণেষু চ কুষ্ঠেষু তৈলং সর্ষপজং হিতম্ |
লশুনাদিকষায়শ্চ পানভুক্ত্যুপশান্তয়ে || ১, ২০১. ১৪ ||
মাতুলুঙ্গরসোপেতং মাংসীনাং রসকেন বা |
সদ্যো দদ্যাত্তত্র নস্যমন্যৈর্বাতৈঃ সুসংযুতৈঃ || ১, ২০১. ১৫ ||
পলদ্বয়ং প্রথমেঽহ্নি একৈকপলবৃদ্ধিতঃ |
যাবদ্দিনানি পূর্ণানি পলান্যষ্টাদশোত্তমে || ১, ২০১. ১৬ ||
অধমেঽষ্টপলানি স্যুর্মধ্যমে স্যুশ্চতুর্দশ |
শরন্নিদাঘয়োর্নৈবদেয়ং নৈব তু দাপয়েৎ || ১, ২০১. ১৭ ||
তৈলেন বাতিকে রোগে শর্করাজ্যপয়োন্বিতৈঃ |
কটুতৈলৈঃ কফে ব্যোষৈঃ পিত্তে চত্রিফলাম্বুভিঃ || ১, ২০১. ১৮ ||
শালিষষ্টিকদুগ্ধাশী হয়ো হিন জুগুপ্সিতঃ |
পক্বজম্বূনিভো হেমবর্ণোঽশ্বো ন জুগুপ্সিতঃ || ১, ২০১. ১৯ ||
অর্ধপ্রহরণে ধুর্যে গুগ্গুলুং প্রাশয়েদ্ধয়ম্ |
ভোজয়েৎপায়সং দুগ্ধং সৎবরং সুস্থিরো হয়ঃ || ১, ২০১. ২০ ||
বিকারে ভোজনে দুগ্ধং শাল্যন্নং বাতলে দদেৎ |
কর্ষমাংসরসৈঃ পিত্তে মধুমুদ্গরসাজ্যকৈঃ || ১, ২০১. ২১ ||
কফে মুদ্গান্কুলত্থান্বা কটুতিক্তান্কফে হয়ে |
বাধির্যে ব্যাধিতে গ্রাসে ত্রিদোষাদৌ তু গুগ্গুলুঃ || ১, ২০১. ২২ ||
ঘাসৈর্দূর্বা সর্বরোগে প্রথমেঽহ্নি পলং দদেৎ |
বিবর্ধয়েত্ততঃ কর্ষমেকাহ্নি পলপঞ্চকম্ || ১, ২০১. ২৩ ||
পানে চ ভোজনে চৈব অশীতিপলকং পরম্ |
মধ্যে ষষ্টিশ্চাধমেষু চৎবারিংশচ্চ ভোগিষু || ১, ২০১. ২৪ ||
ব্রণে কুষ্ঠেষু খঞ্জেষু ত্রিফলাক্বাথসংযুতম্ |
মন্দাগ্নৌ শোথরোগে চ গবাং মূত্রেণ যোজিতম্ || ১, ২০১. ২৫ ||
বাতপিত্তে ব্রণে ব্যাধৌ গোক্ষীরং ঘৃতসংযুতম্ |
দেয়ং কৃশানাং পুষ্ট্যর্থং মাংসৈর্যুক্তং চ ভোজনম্ || ১, ২০১. ২৬ ||
সুপিষ্টায়াঃ প্রদাতব্যং গুডূচ্যাঃ পলপঞ্চকম্ |
প্রভাতে ঘৃতসংযুক্তং শরদ্গীষ্মে চ বাজিনাম্ || ১, ২০১. ২৭ ||
রোগঘ্নং পুষ্টিদং চাপি বলতেজোবিবর্ধনম্ |
তদেবাশ্বায়দাতব্যং ক্ষীরয়ুক্তমথাপি বা || ১, ২০১. ২৮ ||
গুডূচীকল্পয়োগেন শতাবর্যশ্বগন্ধয়োঃ |
চৎবারি ত্রীণি মধ্যস্য জঘন্যস্য পলানি হি || ১, ২০১. ২৯ ||
অকস্মাদ্যত্র বাহানামেকরূপং যদা ভবেৎ |
ম্রিয়তে চ যদা ক্ষিপ্রমুপসর্গং তমাদিশেৎ || ১, ২০১. ৩০ ||
হোমাদ্যৈ রক্ষয়া বিপ্রভোজনৈর্বলিকর্মণা |
শান্ত্যোপসর্গশান্তিঃ স্যাদ্ধরীতক্যাদিকল্পতঃ || ১, ২০১. ৩১ ||
হরীতকী গবাং মূত্রৈস্তৈলেন লবণান্বিতা |
আদৌ পঞ্চ ততঃ পঞ্চ বৃদ্ধ্যা পূর্ণশতাবধি |
উত্তমা চ শতং মাত্রাস্ত্বশীতিঃ ষষ্টিরেব বা || ১, ২০১. ৩২ ||
গজায়ুর্বেদমাখ্যাস্যে উক্তাঃ কল্পা গজে হিতাঃ |
গজে চতুর্গুণা মাত্রাস্তাভির্গজরুগর্দনঃ || ১, ২০১. ৩৩ ||
গজো পসর্গব্যাধীনাং শমনং শান্তিকর্ম চ |
পূজয়িৎবা সুরান্বিপ্রান্রত্নৈর্গাং কপিলাং দদেৎ || ১, ২০১. ৩৪ ||
দন্তিদন্তদ্বয়ে মালাং নিবন্ধীয়াদুপোষিতঃ |
মন্ত্রেণ মন্ত্রিতান্বৈদ্যৈর্বচাসিদ্ধার্থকাংস্তথা || ১, ২০১. ৩৫ ||
সূর্যাদিশিবদুর্গাশ্রীবিষ্ণ্বর্চা রক্ষয়েদ্গজম্ |
বলিং দদ্যাচ্চ ভূতেভ্যঃ স্নাপয়েচ্চ চতুর্ঘটৈঃ || ১, ২০১. ৩৬ ||
ভোজনং মন্ত্রিতং দদ্যাদ্ভস্মনোদ্ধূনয়েদ্গজমম্ |
ভূতরক্ষা শুভা মেধ্যা বারণং রক্ষয়েৎসদা || ১, ২০১. ৩৭ ||
ত্রিফলাপঞ্চকোলে চ দশমূলং বিডঙ্গকম্ |
শতাবরীগুডূচী চ নিম্ববাসককিংশুকাঃ || ১, ২০১. ৩৮ ||
গজরোগবিনাশায় হিতো রূক্ষঃ কষায়কঃ |
আয়ুর্বেদদ্বয়োক্তানামুক্তং সঙ্ক্ষেপসারতঃ || ১, ২০১. ৩৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
গজাশ্বায়ুর্বেদনিরূপণং নামৈকাধিকদ্বিশততমোঽধ্যায়ঃ

শ্রীগরুডমহাপুরাণম্-২০২
হরিরুবাচ |
একং পুনর্নবামূলমপামার্গস্য বা শিব |
সরসং যোনিনিঃ ক্ষিপ্তং বরাঙ্গস্য ব্যথাং হরেৎ |
প্রসূতিবেদনাঞ্চৈব তরুণীনাং ব্যথাং হরেৎ || ১, ২০২. ১ ||
ভূমি কূষ্মাণ্ডমূলং বৈ শালিচূর্ণমথাপি বা |
সপ্তাহং দুগ্ধপীতং স্যাৎস্ত্রীণাং বহুপয়স্করম্ || ১, ২০২. ২ ||
রুদ্রেন্দ্রবারুণীমুলং লেপাৎস্ত্রীস্তনবেদনা |
নশ্যেত ঘৃতপক্বা চ কার্যাবশ্যন্তু পোলিকা || ১, ২০২. ৩ ||
ভক্ষিতা সা মহেশান যোনিশূলং বিনাশয়েৎ |
প্রলেপিতা কারবেল্লমূলেনৈব বিনির্গতা || ১, ২০২. ৪ ||
যোনিঃ প্রবেশমায়াতি নাত্র কার্যা বিচারণা |
নীলীপটোলমূলানি সাজ্যানি তিলবারিণা || ১, ২০২. ৫ ||
পিষ্টান্যেষাং প্রলেপো বৈ জ্বালাগর্দভরাগনৎ |
পাঠামূলং রুদ্র পীতং পিষ্টং তণ্ডুলবারিণা || ১, ২০২. ৬ ||
পাপরোগহরং স্যাচ্চ কুষ্ঠপানং তথৈব চ |
বাস্যোদকঞ্চ সমধু পীতমন্তর্গতস্য বৈ || ১, ২০২. ৭ ||
পাপরোগস্য সন্তাপনিবৃক্তিং কুরুতে শিব |
ঘৃততুল্যা রুদ্র লাক্ষা পীতা ক্ষীরেণ বৈ সহ || ১, ২০২. ৮ ||
প্রদরং হরতে রোগং নাত্র কার্যা বিচারণা |
দ্বিজয়ষ্টী ত্রিকটুকং চূর্ণং পীতং হরেচ্ছিব || ১, ২০২. ৯ ||
তিলক্বাথেন সংযুক্তং রক্তগুল্মং স্ত্রিয়া হর |
কুসুমস্য নিবদ্ধঞ্চ তরুণীনাং মহেশ্বর || ১, ২০২. ১০ ||
রক্তোৎপলস্য বৈ কন্দং-শর্করাতিলসংযুতম্ |
পীতং সশর্করং স্ত্রীণাং ধারয়েদ্গর্ভপাতনম্ || ১, ২০২. ১১ ||
রক্তস্ত্রাবস্য নাশঃ স্যাচ্ছীতোদকনিষেবণাৎ |
পীতন্তু কাঞ্জিক রুদ্র ক্বথিতং শরপুঙ্খয়া || ১, ২০২. ১২ ||
হিঙ্গুস্ত্রৈন্ধবসংযুক্তং শীঘ্রং স্ত্রীণাং প্রসূতিকৃৎ |
মাতুলুঙ্গস্য বৈ মূলং কটিবদ্ধং প্রসূতিকৃৎ || ১, ২০২. ১৩ ||
অপামার্গস্য বৈ মূলে গর্ভবত্যাস্তু নামতঃ |
উৎপাট্যমানে সকলে পুত্ত্রঃ স্যাদান্যথা সুতা || ১, ২০২. ১৪ ||
অপামার্গস্য বৈ মূলে নারীণাং শিরসি স্থিতে |
গর্ভশূলং বিনশ্যেত নাত্র কার্যা বিচারণা || ১, ২০২. ১৫ ||
কর্পূর-মদনফল-মধুকৈঃ পূরিতঃ শিব |
যোনিঃ সুভা স্যাদ্বৃদ্ধায়া যুবত্যাঃ কিং পুনর্হর || ১, ২০২. ১৬ ||
যস্য বালস্য তিলকঃ কৃতো গৌরোচনাখ্যয়া |
শর্করা-কুষ্ঠপানঞ্চ দত্তং স স্যাচ্চ নির্ভয়ঃ |
বিষ-ভূত-গ্রহাদিভ্যো ব্যাধিভ্যো বালকঃ শিব || ১, ২০২. ১৭ ||
শঙ্খ-নাভি-বচা-কুষ্ঠ-লোহানাং ধারণং সদা |
বালানামুপসর্গেভ্যো রুদ্র রক্ষাকরং ভবেৎ || ১, ২০২. ১৮ ||
পলাশচূর্ণং সমধু গব্যাজ্যামলকান্বিতম্ |
সবিডঙ্গং পীতমাত্রং নরং কুর্যান্মহামতিম্ || ১, ২০২. ১৯ ||
মাসৈকেন মহাদেব জরা-মরণবর্জিতঃ || ১, ২০২. ২০ ||
পলাশবীজং সঘৃতং তিল-মধ্বন্বিতং সমম্ |
সপ্তাহং ভক্ষিতং রুদ্র জরাং নয়তি সঙ্ক্ষয়ম্ || ১, ২০২. ২১ ||
রুদ্রামলকচূর্ণং বৈ মধু-তৈল ঘৃতান্বিতম্ |
জগ্ধ্বা মাসং যুবা স্যাচ্চ নরো বাগীশ্বরী ভবেৎ || ১, ২০২. ২২ ||
শিবামলকচূর্ণং বৈ মধুনা উদকেন বা |
বলানি কুর্যান্নাসায়াঃ প্রত্যূষে ভক্ষিতং শিব || ১, ২০২. ২৩ ||
কুষ্ঠচূর্ণং সাজ্য-মধু প্রাতর্জগ্ধ্বা ভবেন্নরঃ |
সাক্ষাৎসুরভিদেহো বৈ জীবেদ্বর্ষসহস্রকম্ || ১, ২০২. ২৪ ||
মাষস্য বিদলান্যে বিতুষাণি মহেশ্বর |
ঘৃতভাবিতশুষ্কাণি পয়সা সাধিতানি বৈ || ১, ২০২. ২৫ ||
সমাধ্বাজ্যপয়োভিশ্চ ভক্ষয়িৎবা চ কাময়েৎ |
স্ত্রীণাং শতং মহাদেব তৎক্ষণান্নাত্র সংশয়ঃ || ১, ২০২. ২৬ ||
রসশ্চৈরণ্ডতৈলেন গন্ধকেন শুভো ভবেৎ |
ত্রিকালোদকসঙ্ঘুষ্টো বলকৃদ্ভক্ষণাদ্ভবেৎ || ১, ২০২. ২৭ ||
দুগ্ধং বিতুষমাষৈশ্চ শিম্বাবীজৈশ্চ সাধিতম্ |
অপামার্গস্য তৈলেন পীতং স্ত্রীশতকামকৃৎ || ১, ২০২. ২৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
নানাবিধোষধপ্রয়োগানিরূপণং নাম দ্ব্যুত্তরদ্বিশততমোঽধ্যায়ঃ

শ্রীগরুডমহাপুরাণম্-২০৩
হরিরুবাচ |
যা গৌর্দ্বেষ্টিং স্বকং বৎসং তস্যা দেয়ং স্বকং পয়ঃ |
লবণেন সমায়ুক্তং তস্যা বৎসঃ প্রিয়ো ভবেৎ || ১, ২০৩. ১ ||
শুনোঽস্থি কণ্ঠবদ্ধং হি মহিষাণাং গবা তথা |
কৃমিজালং পাতয়তি সকলং নাত্র সংশয়ঃ || ১, ২০৩. ২ ||
গোজঙ্গনাভিপাতঃ স্যাদ্গুঞ্জামূলস্য ভক্ষণাৎ || ১, ২০৩. ৩ ||
বরুণফলস্যরসং করেণ মথিতং শিব |
চতুষ্পাদ-দ্বিপদয়োঃ কৃমিজালং নিপাতয়েৎ || ১, ২০৩. ৪ ||
ব্রণঞ্চ শময়েদ্রুদ্র জয়ায়াঃ পূরণাত্তথা |
গজমূত্রস্য বৈ পানং গো-মহিষ্যুপসর্গনুৎ || ১, ২০৩. ৫ ||
সমসূর শালিবীজং পীতং তক্রেণ ঘর্ষিতম্ |
ক্ষীরে গো-মহীষস্যৈব গোঃ পুংসশ্চ হিতং ভবেৎ || ১, ২০৩. ৬ ||
পত্রঞ্চ শরপুঙ্খায়া দত্তং সলবণং শিব |
বারিস্ফোটং হয়ানাঞ্চ কেসরাণাং বিনাশয়েৎ || ১, ২০৩. ৭ ||
ঘৃতকুমারীপত্রমেব দত্তং সলক্ষণং হর |
তুরগম-কেসরাণাং কণ্ডূনংশ্যেন্ন সংশয়ঃ || ১, ২০৩. ৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
নানৌষধপ্রয়োগনিরূপণং নাম ত্র্যুত্তরদ্বিশততমোঽধ্যায়ঃ

শ্রীগরুডমহাপুরাণম্-২০৪
সূত উবাচ |
এবং ধন্বন্তরিঃ প্রাহ সুশ্রুতায়চ বৈদ্যকম্ |
অত নামানি বক্ষ্যামি ওষধীনাং সমাসতঃ || ১, ২০৪. ১ ||
স্থিরা বিদারিগন্ধা চ শালপণ্যশুমত্যপি |
লাঙ্গলী কলসী চৈব ক্রোষ্টুপুচ্ছা গুহা মতা || ১, ২০৪. ২ ||
পুনর্নবাথ পর্ষাভূঃ কঠিল্যা কারুণা তথা |
এরণ্ডশ্চোরুবূকঃ স্যাদামর্দো বর্ধমানকঃ || ১, ২০৪. ৩ ||
ঝষা নাগবলা জ্ঞেয়া শ্বদংষ্ট্রা গোক্ষুরো মতঃ |
শতাবরী বরা ভীরু পীবরীন্দীবরী বরী || ১, ২০৪. ৪ ||
ব্যাঘ্রী তু বৃহতী কৃষ্ণা হংসপাদী মধুস্ত্রবা |
ধামনী কণ্টকারী স্যাৎক্ষুদ্রা সিংহী নিদিগ্ধিকা || ১, ২০৪. ৫ ||
বৃশ্চিকা ত্র্যমৃতা কালী বিষঘ্নী সর্পদংষ্ট্রিকা |
মর্কটী চাত্মগুপ্তা স্যাদার্ষেয়ী কপিকচ্ছুকা || ১, ২০৪. ৬ ||
মুদ্গপর্ণো ক্ষুদ্রসহা মাষপর্ণো মহাসহা |
ত্যজা পরা চ মহা জ্ঞেয়া দণ্ডয়োন্যঙ্কসঞ্জ্ঞয়া |
ন্যগ্রোধস্তু বটো জ্ঞেয়ঃ অশ্বত্থঃ কপিলো মতঃ || ১, ২০৪. ৭ ||
প্লক্ষোঽথ গর্দভাণ্ডঃ স্যাৎপর্কটী চ কপীতনঃ |
পার্থস্তু ককুভো ধন্বি বিজ্ঞেয়োর্ঽজুননামভিঃ || ১, ২০৪. ৮ ||
নন্দীবৃক্ষঃ প্ররোহী স্যাৎপুষ্টিকারীতি চোচ্যতে |
বঞ্জুলো বেতসো জ্ঞেয়ো ভল্লাতশ্চাপ্যরুষ্করঃ || ১, ২০৪. ৯ ||
লোধ্রঃ সারবকো ধৃষ্টস্তিরীটশ্চাপি কীর্তিতঃ |
বৃহৎফলা মহাজম্বূর্জ্ঞেয়া বালফলা পরা || ১, ২০৪. ১০ ||
তৃতীয়া জলজম্বূঃ স্যান্নাদেয়ী সা চ কীর্তিতা |
কণা কৃষ্ণোপকুঞ্চী চ শৌণ্ডী মাগধিকেতি চ || ১, ২০৪. ১১ ||
কথিতা পিপ্পলী তজ্জ্ঞৈস্তন্মূলং গ্রন্থিকং স্মৃতম্ |
ঊষণং মরিচং জ্ঞেয়ং শুণ্ঠী বিশ্বং মহৌষধম্ || ১, ২০৪. ১২ ||
ব্যোষং কটুত্রয়ং বিদ্যাত্ত্র্যূষণং তচ্চ কীর্ত্যতে |
লাঙ্গলী হলিনী চ স্যাচ্ছেয়সী গজ পিপ্পলী || ১, ২০৪. ১৩ ||
ত্রায়ন্তী ত্রায়মাণা স্যাদুৎসায়া সুবহা স্মৃতা |
চিত্রকঃ স্যাচ্ছিখী বহ্নিরগ্নিসঞ্জ্ঞাভিরুচ্যতে || ১, ২০৪. ১৪ ||
ষড্গ্রন্থোগ্রা বচা জ্ঞেয়া শ্বেতা হৈমবতীতি চ |
কুটজো বৃক্ষকঃ শক্রো বৎসকো গিরিমাল্লিকা || ১, ২০৪. ১৫ ||
কলিঙ্গেন্দ্রয়বারিষ্টং তস্য বীজানি লক্ষয়েৎ |
মুস্তক্তো মেঘনামা স্যাৎকৌন্তী জ্ঞেয়া হরেণুকা || ১, ২০৪. ১৬ ||
এলা চ বহুলা প্রোক্তা সূক্ষ্মৈলা চ তথা ত্রুটিঃ |
পদ্মা ভার্ঙ্গো তথা কাঞ্জী জ্ঞেয়া ব্রাহ্মণয়ষ্টিকা || ১, ২০৪. ১৭ ||
মূর্বা মধুরসা জ্ঞেয়া তেজনী তিক্তবল্লিকা |
মহানিম্বো বৃহন্নিম্বো দীপ্যকঃ স্যাদ্যবানিকা || ১, ২০৪. ১৮ ||
বিডঙ্গং ক্রিমশত্রুঃ স্যাদ্রামঠং হিঙ্গুরুচ্যতে |
অজাজী জীরকং জ্ঞেয়া কারবী চোপকুঞ্চিকা || ১, ২০৪. ১৯ ||
বিজ্ঞেয়া কটুকা তিক্তা তথা কটুকরোহিণী |
তগরং স্যান্নতং বক্রং চোচং ৎবচবরাঙ্গকম্ || ১, ২০৪. ২০ ||
উদীচ্যং বালকং প্রোক্তং হ্রীবেরং চাম্বুনামভিঃ |
পত্রকং দলসঞ্জ্ঞাভিশ্চারকং তস্করাহ্বয়ম্ || ১, ২০৪. ২১ ||
হেমাভং নাগসঞ্জ্ঞাভির্নাগকেশর উচ্যতে |
অসৃক্কুঙ্কুমমাখ্যাতং তথা কাশ্মীরবাহ্লিকম্ || ১, ২০৪. ২২ ||
অয়ো লোহং সমুদ্দিষ্টং যৌগিকৈর্লোহনামভিঃ |
পুরং কুটনটং বিদ্যান্মহিষাক্ষঃ পলঙ্কষা || ১, ২০৪. ২৩ ||
কাশ্মরী কট্ফলা জ্ঞেয়া শ্রীপর্ণো চেতি কীর্তিতা |
শল্লকী গজভক্ষ্যা চ পত্রী চ সুরভী স্ত্রবঃ || ১, ২০৪. ২৪ ||
ধাত্রীমামলকীং বিদ্যাদক্ষশ্চৈব বিভীতকঃ |
পথ্যাভয়া চ বিজ্ঞেয়া পূতনা চ হরীতকী || ১, ২০৪. ২৫ ||
ত্রিফলা ফলমেবোক্তা তচ্চ জ্ঞেয়ং ফলত্রিকম্ |
উদকীর্যো দীর্ঘবৃন্তঃ করঞ্জশ্চেতি কীর্তিতঃ || ১, ২০৪. ২৬ ||
যষ্টী যষ্ট্যাহ্বয়ং প্রোক্তং মদুকং মধুয়ষ্টিকা |
ধাতকী তাম্রপর্ণো স্যাৎসমঙ্গা কুঞ্জরা মতা || ১, ২০৪. ২৭ ||
সিতং মলয়জং শীতং গোশীর্ষং সিতচন্দনম্ |
বিদ্যাদ্রক্তং চন্দনং চ দ্বিতীয়ং রক্তচন্দনম্ || ১, ২০৪. ২৮ ||
কাকোলী চ স্মৃতা বীরা বয়স্যা চার্কপুষ্পিকা |
শৃঙ্গী কর্কটশৃঙ্গী চ মহাঘোষা চ কীর্তিতা || ১, ২০৪. ২৯ ||
তুগাক্ষীরী শুভা বাংশী বিজ্ঞেয়া বংশলোচনা |
মৃদ্বিকা চ স্মৃতা দ্রাক্ষা তথা গোস্তনিকা মতা || ১, ২০৪. ৩০ ||
স্যাদুশীরং মৃণালঞ্চ সেব্যং লামজ্জকং তথা |
সারঞ্চ গোপবল্লী চ গোপী ভদ্রা চ কথ্যতে || ১, ২০৪. ৩১ ||
দন্তী কটঙ্কটেরী চ জ্ঞেয়া দারুনিশেতি চ |
হরিদ্রা রজনী প্রোক্তা পীতিকা রাত্রিনামিকা || ১, ২০৪. ৩২ ||
বৃক্ষাদনী ছিন্নরুহা নীলবল্লী রসামৃতা |
বসুকোটশ্চ বিজ্ঞেয়ো বাশিরঃ কাম্পিল্লো মতঃ || ১, ২০৪. ৩৩ ||
পাষাণভেদকোঽরিষ্টো হ্যস্মভিৎকুট্টভেদকঃ |
ঘণ্টাকঃ শুষ্ককো জ্ঞেয়ো বচোঽথ সূচকো মতঃ || ১, ২০৪. ৩৪ ||
সুরসো বীজকশ্চৈব পীতশালোঽভিধীয়েত |
বজ্রবৃক্ষো মহাবৃক্ষঃ স্নুহী স্নুক্চ সুধা গুডা || ১, ২০৪. ৩৫ ||
তুলসীং সুরসাং বিদ্যাদুপস্থেতি চ কথ্যতে |
কুঠেরকোঽপ্যর্জুনকঃ পর্ণো সৌগন্ধিপর্ণিক্রঃ || ১, ২০৪. ৩৬ ||
নীলশ্চ সিন্ধুবারশ্চ নির্গুণ্ডীতি সুগন্ধিকা |
জ্ঞেয়া সুগন্ধিপর্ণোতি বাসন্তী কুলজেতি চ || ১, ২০৪. ৩৭ ||
কালীয়কং পীতকাষ্ঠং কতকাখ্যঃ পুনঃ স্মৃতঃ |
গায়ত্রীখদিরো জ্ঞেয়স্তদ্ভেদঃ কন্দরো মতঃ || ১, ২০৪. ৩৮ ||
ইন্দী বরং কুবলয়ং পদ্মং নীলোৎপলং স্মৃতম্ |
সৌগন্ধিকং শতদলমব্জং কমলমুচ্যতে || ১, ২০৪. ৩৯ ||
অজবর্ণো ভবেদূর্জো বাজিকর্ণোঽশ্বকর্ণকঃ |
শ্লেষ্মান্তকস্তথা শেলুর্বহুবারশ্চ কথ্যতে || ১, ২০৪. ৪০ ||
সুনন্দকঃ ককুদ্ভদ্রং ছত্রাকী ছত্রসঞ্জ্ঞকা |
কবরী কুম্ভকো ধৃষ্টঃ ক্ষুদ্বিধো ধনকৃত্তথা || ১, ২০৪. ৪১ ||
কৃষ্ণার্জকঃ করালশ্চ কালমানঃ প্রকীর্তিতঃ |
প্রাচী বলা নদীক্রান্তা কাকজঙ্ঘাথ বায়সী || ১, ২০৪. ৪২ ||
জ্ঞেয়া মূষিকপর্ণো তু ভ্রমন্তী চাখুপর্ণিকা |
বিষমুষ্টির্দ্রাবণঞ্চ কেশমুষ্টিরুদাহৃতা || ১, ২০৪. ৪৩ ||
কিংলিহীং কটুকীং বিদ্যাদন্তকশ্চাম্লবেতসঃ |
অশ্বত্থা বহুপত্রা চ বিজ্ঞেয়া চামলক্যপি || ১, ২০৪. ৪৪ ||
অরূষক্রং পত্র শূকং ক্ষীরী রাজাদনং মতম্ |
মহাপত্রং দাডিমং চ তমেব করকং বদেৎ || ১, ২০৪. ৪৫ ||
মসূরী বিদলী শষ্পা কালিন্দীতি নিরুচ্যতে |
কণ্টকাখ্যা মহাশ্যামা বৃক্ষপাদীতি বক্ষ্যতে || ১, ২০৪. ৪৬ ||
বিদ্যা কুন্তী নিকুম্ভা চ ত্রিভঙ্গী ত্রিপুটী ত্রিবৃৎ |
সপ্তলা যবতিক্তা চ চর্মা চর্মকসেতি চ || ১, ২০৪. ৪৭ ||
শঙ্খিনী সুকুমারী চ তিক্তাক্ষী চাক্ষিপীলুকম্ |
গবাক্ষী চামৃতা শ্বেতা গিরিকর্ণো গবাদিনী || ১, ২০৪. ৪৮ ||
কাম্পিল্লকোঽথ রক্তাঙ্গো গুণ্ডা রোচনিকেতি চ |
হেমক্ষীরী স্মৃতা পীতা গৌরী বৈ কালদুগ্ধিকা || ১, ২০৪. ৪৯ ||
গাঙ্গেরুকী নাগবলা বিশালা চেন্দ্রবারুণী |
তার্ক্ষ্যং শৈলং নীলবর্ণমঞ্জনঞ্চ রসাঞ্জনম্ || ১, ২০৪. ৫০ ||
নির্যাসো যশ্চ শাল্মল্যাঃ স মোচরসসঞ্জ্ঞকঃ |
প্রত্যক্পুষ্পী খরী জ্ঞেয়া অপামার্গো ময়ূরকঃ || ১, ২০৪. ৫১ ||
সিংহাস্যবৃষবাসাকমাটরূষকমাদিশেৎ |
জীবকো জীবশাকশ্চ কর্বুরঞ্চ শটীং বিদুঃ || ১, ২০৪. ৫২ ||
কট্ফলং সোমবৃক্ষঃ স্যাদগ্নিগন্ধা সুগন্ধিকা |
শতাঙ্গং শতপুষ্পা চ মিংসির্মধুরিকামতা || ১, ২০৪. ৫৩ ||
জ্ঞেয়ং পুষ্করমূলঞ্চ পুষ্করং পুষ্করাহ্বয়ম্ |
যাসোঽথ ধন্বয়াসশ্চ দুষ্পর্শোঽথ দুরালভা || ১, ২০৪. ৫৪ ||
বাকুচী সোমরাজী চ সোমবল্লীতি কীর্তিতা |
মার্কবঃ কেশরাজশ্চ ভৃঙ্গরাজো নিগদ্যতে || ১, ২০৪. ৫৫ ||
প্রোক্তস্ত্বেডগজস্তজ্জ্ঞৈশ্চক্রমর্দকসঞ্জ্ঞখঃ |
সুরঙ্গীতগরঃ স্নায়ুঃ কলনাশা তু বায়সী || ১, ২০৪. ৫৬ ||
মহাকালঃ স্মৃতো বেলস্তণ্ডুলীয়ো ঘনস্তনঃ |
ইক্ষ্বাকুস্তিক্ততুম্বী স্যাত্তিক্তালবুর্নিগদ্যতে || ১, ২০৪. ৫৭ ||
ধামার্গবোঽথ কোষাতক্যথ যামিনী |
বিদ্যাৎকোশতকীভেদং কৃতভেদনসঞ্জ্ঞকা || ১, ২০৪. ৫৮ ||
তথা জীমূতকাখ্যা চ খুড্ডাকো দেবতাডকঃ |
গৃধ্রনখী গৃধ্রনখী হিঙ্গুকাকাদনী মতা || ১, ২০৪. ৫৯ ||
অশ্বারিশ্চৈব বোদ্ধব্যঃ করবীরোঽশ্বমারকঃ |
সিন্ধুঃ সৈন্ধবসিন্ধূত্থমণিমন্থমুদাহৃতম্ || ১, ২০৪. ৬০ ||
ক্ষারো যবাগ্রজশ্চৈব যবক্ষারোঽভিধীয়তে |
সর্জিকা সর্জিকাক্ষারো দ্বিতীয়ঃ পরিকীর্তিতঃ || ১, ২০৪. ৬১ ||
কাশীশং পুষ্পকাশীশং বিজ্ঞেয়ং নেত্ত্রভেষজম্ |
ধাতুকাশীশকাশী চ সঞ্জ্ঞেয়ং তচ্চ কীর্তিতম্ || ১, ২০৪. ৬২ ||
সৌরাষ্ট্রী মৃত্তিকাক্ষারং কাক্ষী বৈ পঙ্কপর্পটী |
বিদ্যাৎসমাক্ষিকং ধাতু তাপ্যং তাপ্যুত্থসম্ভবম্ || ১, ২০৪. ৬৩ ||
শিলা মনঃ শিলা জ্ঞেয়া নেপালী কুলটীতি চ |
আলং মনস্তালকং বা হরিতালং বিনির্দিশেৎ || ১, ২০৪. ৬৪ ||
গন্ধকো গন্ধপাষাণো রসঃ পারদ উচ্যতে |
তাম্রমৌদুম্বরং শুল্বং বিদ্যান্ম্লেচ্ছমুখং তথা || ১, ২০৪. ৬৫ ||
অদ্রিসারস্ত্বয়স্তীক্ষ্ণং লোহকঞ্চাপি কথ্যতে |
মাক্ষিকং মধু চ ক্ষৌদ্রং তচ্চ পুষ্পরসং স্মৃতম্ || ১, ২০৪. ৬৬ ||
জ্যেষ্ঠন্তু সোদকং তৎস্যাৎকাঞ্জিকন্তু সুবীরকম্ |
সীতা সিতোপলা চৈব মৎস্যণ্ডীশর্করা স্মৃতা || ১, ২০৪. ৬৭ ||
ৎবগেলাপত্রকৈস্তুল্যৈস্ত্রিসুগন্ধি ত্রিজাতকম্ |
নাগকেশরসংযুক্তং তচ্চতুর্জাতমিষ্যতে || ১, ২০৪. ৬৮ ||
পিপ্পলী পিপ্পলীমূলং চব্যচিত্রকনাগরৈঃ |
কথিতং পঞ্চকোলঞ্চ কোলকং কোলসঞ্জ্ঞয়া || ১, ২০৪. ৬৯ ||
প্রিয়ঙ্গুঃ কঙ্গুকা জ্ঞেয়া কোরদূষশ্চ কোদ্রবঃ |
ত্রিপুটঃ পুটসঞ্জ্ঞশ্চ কলাপো লঙ্গকো মতঃ || ১, ২০৪. ৭০ ||
সতীনো বর্তুলশ্চৈব বেণুশ্চাপি প্রকীর্তিতঃ |
পিচুকং পিতলং চাক্ষং বিডালপদকং তথা || ১, ২০৪. ৭১ ||
বিদ্যাৎকর্ষং তথা চাপি সুবর্ণং কবলগ্রহম্ |
পলার্ধং শুক্তিমিচ্ছন্তি তথাষ্টৌমাষকাস্ত্বিতি || ১, ২০৪. ৭২ ||
পলং বিল্বঞ্চ মুষ্টিঃ স্যাদ্দ্বে পলে প্রসৃতিং বদেৎ |
অঞ্জলিং কুডবঞ্চৈব বিদ্যাৎপলচতুষ্টয়ম্ || ১, ২০৪. ৭৩ ||
অষ্টমানং পলান্যষ্টৌ তচ্চ মানমিতি স্মৃতম্ |
চতুর্ভিঃ কুডবৈঃ প্রস্থ প্রস্থাশ্চৎবার আঢকঃ || ১, ২০৪. ৭৪ ||
কাশপাত্রঞ্চ সম্প্রোক্তো দ্রোণশ্চচতুরাঢকে |
তুলা পলশতং প্রোক্তং ভাগো বিংশৎপলঃ স্মৃতঃ || ১, ২০৪. ৭৫ ||
মানমেবং বিধং প্রোক্তং প্রস্থদ্রব্যেষু পণ্ডিতৈঃ |
দ্রবদ্রব্যেষু চোদ্দিষ্টং দ্বিগুণং পরিকীর্তিতম্ || ১, ২০৪. ৭৬ ||
ভদ্রদারু দেবকাষ্ঠং দারু স্যাদ্দেবদারুকম্ |
কুষ্ঠমাময়মাখ্যাতং মাংসীঞ্চ নলদংশনম্ || ১, ২০৪. ৭৭ ||
শঙ্খঃ শুক্তিনখঃ শঙ্খো ব্যাঘ্রো ব্যাঘ্রনখঃ স্মৃতঃ |
পুরং পলঙ্কষং বিদ্যান্মহিষাক্ষঞ্চ গুগ্গুলুঃ || ১, ২০৪. ৭৮ ||
রসো গন্ধরসো বোলে সর্জঃ সর্জরসো মতঃ |
প্রিয়ঙ্গুঃ ফলিনী শ্যামা গৌরী কান্তেতি চোচ্যতে || ১, ২০৪. ৭৯ ||
করঞ্জৌ নক্তমালঃ স্যাৎপূতিকশ্চিরবিল্বকঃ |
শিগ্রুঃ শোভাঞ্জনো নাম জ্ঞানমানশ্চ কীর্তিতঃ || ১, ২০৪. ৮০ ||
জয়া জয়ন্তী শরণী নির্গুণ্ডী সিন্ধুবারকঃ |
মোরটা পীলুপর্ণো চ তুণ্ডী স্যাত্তুণ্ডিকেরিকা || ১, ২০৪. ৮১ ||
মদনো গালবো বোধো ঘোটা ঘোটী চ কথ্যতে |
চতুরঙ্গুল সম্পাকো ব্যাধিঘাতাভিসঞ্জ্ঞকঃ || ১, ২০৪. ৮২ ||
বিদ্যাদারগ্বধং রাজবৃক্ষং রৈবতসঞ্জ্ঞকম্ |
দন্তী কাকেন্দুতিক্তা স্যাৎকণ্টকী চ বিকঙ্কতঃ || ১, ২০৪. ৮৩ ||
নিম্বোঽরিষ্টঃ সমাখ্যাতঃ পটোলং কোলকং বিদুঃ |
বয়স্থা চ বিশল্যা চ চ্ছিন্না ছিন্নরুহা মতা || ১, ২০৪. ৮৪ ||
বশা দন্ত্যমৃতা চেতি গুডূচীনামসঙ্গ্রহঃ |
কিরাততিক্তকশ্চৈব ভূনিম্বঃ কাণ্ডতিক্তকঃ || ১, ২০৪. ৮৫ ||
সূত উবাচ |
নামান্যেতানি চ হরে বন্যানাং ভেষজাং তথা |
অতো ব্যাকরণং বক্ষ্যে কুমারোক্তঞ্চ শৌনক || ১, ২০৪. ৮৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
চতুরত্তরদ্বিশততমোঽধ্যায়ঃ

শ্রীগরুডমহাপুরাণম্-২০৫
কুমার উবাচ |
অথ ব্যাকরণং বক্ষ্যে কাত্যায়ন সমাসতঃ |
সিদ্ধশব্দবিবেকায় বালব্যুৎপত্তিহেতবে || ১, ২০৫. ১ ||
সুপ্তিঙন্তং পদং খ্যাতং সুপঃ সপ্ত বিভক্তয়ঃ |
স্বৌজসঃ প্রথমা প্রোক্তা সা প্রাতিপদিকাত্মকে || ১, ২০৫. ২ ||
সম্বোধনে চ লিঙ্গাদাবুক্তে কর্মণি কর্তরি |
অর্থবৎপ্রাতিপদিকং ধাতুপ্রত্যয়বর্জিতম্ || ১, ২০৫. ৩ ||
অমৌশসো দ্বিতীয়া স্যাত্তৎকর্ম ক্রিয়তে চ যৎ |
দ্বিতীয়া কর্মণি প্রোক্তান্তরান্তরেণ সংযুতে || ১, ২০৫. ৪ ||
টাভ্যাম্ভিসস্তৃতীয়া স্যাৎকরণে কর্তরীরিতা |
যেন ক্রিয়তে করণং তৎকর্তা যঃ করোতি সঃ || ১, ২০৫. ৫ ||
ঙেভ্যাম্ভ্যসশ্চতুর্থো স্যাৎসম্প্রদানে চ কারকে |
যস্মৈ দিৎসা ধারয়তে রোচতে সম্প্রদানকম্ || ১, ২০৫. ৬ ||
পঞ্চমী স্যান্ঙসিভ্যাম্ভ্যোহ্যপাদানে চ কারকে |
যতোঽপৈতি সমাদত্তে উপাদত্তে ভয়ং যতঃ || ১, ২০৫. ৭ ||
ঙসোসামশ্চ ষষ্ঠী স্যাৎস্বামিসম্বন্ধমুখ্যকে |
ঙয়োঃ সুপো বৈ সপ্তমী স্যাৎসা চাধিকরণে ভবেৎ || ১, ২০৫. ৮ ||
আধারশ্চাধিকরণং রক্ষার্থানাং প্রয়োগতঃ |
ঈপ্সিতং চানীপ্সিতং যত্তদপাদানকং স্মৃতম্ || ১, ২০৫. ৯ ||
পঞ্চমী পর্যুপাঙ্যোগে ইতরর্তেঽন্যদিঙ্মুখে |
এনয়োগে দ্বিতীয়া স্যাৎকর্মপ্রবচনীয়কৈঃ || ১, ২০৫. ১০ ||
বীপ্সেত্থম্ভাবচিহ্নেঽভির্ভাগেনৈব পরিপ্রতী |
অনুরেষু সহার্থে চ হীনেঽনূপশ্চ কথ্যতে || ১, ২০৫. ১১ ||
দ্বিতীয়া চ চতুর্থো স্যাচ্চেষ্টায়াং গতিকর্মণি |
অপ্রাণে হি বিভক্তী দ্বে মন্যকর্মণ্যনাদরে || ১, ২০৫. ১২ ||
নমঃ স্বস্তিস্বধাস্বাহালংবষড্যোগ ঈরিতা |
চতুর্থো চৈব তাদর্থ্যে তুমর্থাদ্ভাববাচিনঃ || ১, ২০৫. ১৩ ||
তৃতীয়া সহয়োগে স্যাৎকুৎসিতেঙ্গে বিশেষণে |
কালে ভাবে সপ্তমী স্যাদেতৈর্যোগেঽপিষষ্ঠ্যতি || ১, ২০৫. ১৪ ||
স্বামীশ্বরাধিপতিভিঃ সাক্ষিদায়াদপ্রসূতৈঃ |
নির্ধারণে দ্বে বিভক্তো ষষ্ঠী হেতুপ্রয়োগকে || ১, ২০৫. ১৫ ||
স্মৃত্যর্থকর্মণি তথা করোতেঃ প্রতিয়ত্নকে |
হিংসার্থানাং প্রয়োগে চ কৃতি কর্মণি কর্তরি || ১, ২০৫. ১৬ ||
ন কর্তৃকর্মণোঃ ষষ্ঠী নিষ্ঠয়োঃ প্রাতিপদিকে |
দ্বিবিধং প্রাতিপদিকং নাম ধাতুস্তথৈব চ || ১, ২০৫. ১৭ ||
ভূবান্দিভ্যস্তিঙো লঃ স্যাল্লকারা দশ বৈ স্মৃতাঃ |
তিপ্তসূঝি প্রথমো মধ্যঃ সিপ্থস্থোত্তমপূরুষঃ || ১, ২০৫. ১৮ ||
মিব্বস্মস্তু পরস্মৈ হি পদানাং চাত্মনেপদম্ |
তাতাঞ্ঝ প্রথমো মধ্য স্থাসাথান্ধ্বমথোত্তমঃ || ১, ২০৫. ১৯ ||
আদেশা ইড্বহিমহি ধাতুতোথ ণিজাদিবৎ |
নাম্নি প্রয়ুজ্যমানেঽপি প্রথমঃ পুরুষো ভবেৎ || ১, ২০৫. ২০ ||
মধ্যমো যুষ্মদি প্রোক্ত উত্তমঃ পুরুষোঽস্মদি |
ভূবাদ্যা ধাতবঃ প্রোক্তাঃ সনাদ্যন্তাস্তথা ততঃ || ১, ২০৫. ২১ ||
লডীরিতো বর্তমানে স্মেনাতীতে চ ধাতুতঃ |
ভূতেঽনদ্যতনে লঙ্বা লোডাদ্যাশিষি ধাতুতঃ || ১, ২০৫. ২২ ||
বিধ্যাদাবেবানুমতো লোড্বাচ্যো মন্ত্রণে ভবেৎ |
নিমন্ত্রণাধীষ্টসম্প্রশ্রে প্রার্থনেষু তথাশিষি || ১, ২০৫. ২৩ ||
লিঙতীতে পরোক্ষে স্যাল্লিড্ভূতে ঌড্ভবিষ্যতি |
স্যাদনদ্যতনে তদ্বদ্ভবিষ্যতি তু ধাতুতঃ || ১, ২০৫. ২৪ ||
দাতোরৢঙ্ক্রিয়াতিপত্তৌ লিঙর্থে লেট্প্রকীর্তিতঃ |
কৃতস্ত্রিষ্বপি বর্তন্তে ভাবে কর্মণি কর্তরি || ১, ২০৫. ২৫ ||
সদৃশাস্তব্যতা ণ্যদ্যদনীয়াশ্চ তৃজাদয়ঃ || ১, ২০৫. ২৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ব্যাকরণনিরূপণং নাম পঞ্চোত্তরদ্বিশততমোঽধ্যায়ঃ

শ্রীগরুডমহাপুরাণম্-২০৬
সূত উবাচ |
সিদ্ধোদাহরণং বক্ষ্যে সংহিতাদিপুরঃ সরম্ |
বিপ্রাঃ স্বসাগতা বীদং সুত্তমং স্যাৎপিৎৠষভঃ || ১, ২০৬. ১ ||
ঌকারো বিশ্রুতা সেবং লাঙ্গলীষা মনীপয়া |
গঙ্গোদকং তবল্কার ঋণার্ণং প্রার্ণমিত্যপি || ১, ২০৬. ২ ||
শীতার্তশ্চ তবল্কারঃ সৈন্দ্রী সৌকার ইত্যপি |
বধ্বাসনঞ্চ পিত্রর্থো লনুবন্ধো নয়ে জয়েৎ || ১, ২০৬. ৩ ||
নায়কো লবণং গাবস্ত এতে ন ত ঈশ্বরাঃ |
দেবীগৃহমথো অত্র অ অবেহি পটূ ইমৌ || ১, ২০৬. ৪ ||
অমী অশ্বাঃ ষডস্যেতি তন্ন বাক্ষড্দলানি চ |
তচ্চরেত্তল্লু নাতীতি তজ্জলং তচ্ছ্মশানকম্ || ১, ২০৬. ৫ ||
সুগন্নত্র পচন্নত্র ভবাংশ্ছাদয়তীতি চ |
ভবাজ্ঝনৎকরশ্চৈব ভবাংস্তরতি সংস্মৃতম্ || ১, ২০৬. ৬ ||
ভবাংল্লিখতি তাঞ্চক্রে ভবাঞ্শেতেঽপ্যনীদৃশঃ |
ভবাণ্ডীনং ৎবন্তরসি ৎবঙ্করোষি সদার্চনম্ || ১, ২০৬. ৭ ||
কশ্চরেৎকষ্টকারেণ ক কুর্যাৎক ফলে স্থিতঃ |
কঃশেতে চৈব কঃষণ্ডঃ কস্কো যাতি চ গৌরবম্ || ১, ২০৬. ৮ ||
ক ইহাত্র ক এবাহুর্দেবা আহুশ্চ ভো ব্রজ |
স্বভূর্বিষ্ণুর্ব্রজতি চ গীষ্পতিশ্চৈব ধূর্পতিঃ || ১, ২০৬. ৯ ||
অস্মানেষ ব্রজেৎসস্যাদৃক্সাম স চ গচ্ছতি |
কুটীচ্ছায়া তথা ছায়া সন্ধয়োঽন্যে তথেদৃশাঃ || ১, ২০৬. ১০ ||
সমাসাঃ ষট্সমাখ্যাতাঃ স দ্বিজঃ কর্মধারয়ঃ |
দ্বিগুস্ত্রিবেদী গ্রামশ্চ অয়ং তৎপুরুষঃ স্মৃতঃ || ১, ২০৬. ১১ ||
তৎকৃতশ্চ তদর্থশ্চ বৃকভীতিশ্চ যদ্ধনম্ |
জ্ঞানদক্ষেণ তত্ত্বজ্ঞো বহুব্রীহিরথাব্যয়ী || ১, ২০৬. ১২ ||
ভাবোঽধিস্ত্রি যথোক্তং তু দ্বন্দ্বো দেবর্ষিমানবাঃ |
তদ্ধিতাঃ পাণ্ডবঃ শৈবো ব্রাহয়ং চ ব্রহ্মতাদয়ঃ || ১, ২০৬. ১৩ ||
দেবাগ্নিসখিপত্যংশুক্রোষ্টুস্বায়ম্ভুবঃ পিতা |
না প্রশস্তাশ্চরা গৌর্গ্লৌরবজন্তাশ্চ পুংস্যপি || ১, ২০৬. ১৪ ||
হলন্তশ্চাশ্বয়ুক্ক্ষ্মাভুঙ্মরুৎক্রব্যান্মৃগাবিধঃ |
আত্মা রাজা যুবা পন্থাঃ পূষব্রহ্মহণৌ হলী || ১, ২০৬. ১৫ ||
বিড্বে ধা উশনানড্বান্মধুলিট্কাষ্ঠতট্তথা |
বনবার্যস্থিবস্তূনি জগৎসামাহনী তথা || ১, ২০৬. ১৬ ||
কর্মসর্পির্বপুস্তেজ অজ্ঝলন্তা নপুংসকে |
জায়া জরা নদী লক্ষ্মীঃ শ্রীস্ত্রীভূমির্বধূরপি || ১, ২০৬. ১৭ ||
ভ্রূঃ পুনর্ভূস্তথা ধেনুঃ স্বসা মাতা চ নৌ স্ত্রিয়ঃ |
বাক্স্রগ্দিঙ্মুৎক্রুধঃ প্রায়ো যুবতিঃ কুকুভস্তথা || ১, ২০৬. ১৮ ||
দ্যোদিবৌ প্রাবৃষশ্চৈব সুমান উষ্ণিগস্ত্রিয়াম্ |
গুণদ্রব্যক্রিয়ায়োগাৎস্ত্রীলিঙ্গাংশ্চ বদামি তে || ১, ২০৬. ১৯ ||
শুক্লকীলালপাশ্চৈব শুচিশ্চ গ্রামণীঃ সুধীঃ |
পটুঃ কমলভূঃ কর্তা সুমতো বহবঃ সুনৌঃ || ১, ২০৬. ২০ ||
সত্যা নাগ্ন্যস্তথা পুংসো হ্যভক্ষয়ত দীর্ঘপাৎ |
সর্ববিশ্বোভ যে চোভৌ একোন্যান্যতরাণি চ || ১, ২০৬. ২১ ||
ডতরো ডতমো নেমস্ত্বঃ সমোঽথ সিমেতরৌ |
পূর্বশ্চৈবাধরশ্চৈব দক্ষিণশ্চোত্তরাবরৌ || ১, ২০৬. ২২ ||
পরশ্চান্তরমপ্যেতদ্যত্ত্যৎকিমদসস্ত্বিদম্ |
যুষ্মদস্মত্তৎপ্রথমচরমাল্পতয়ার্ধকাঃ || ১, ২০৬. ২৩ ||
তথা কতিপয়ো দ্বৌ চেত্যেবং সর্বাদয়স্তথা |
শৃণোত্যাদ্যা জুহোতিশ্চ জহাতিশ্চ দধাত্যপি || ১, ২০৬. ২৪ ||
দীপ্যতিঃ স্তূয়তিশ্চৈব পুত্ত্রীয়তি ধনীয়তি |
ত্রুট্যতি ম্রিয়তে চৈব চিচীষতি নিনীষতি || ১, ২০৬. ২৫ ||
সর্বে তিষ্ঠন্তি সর্বস্মৈ সর্বস্মাৎসর্বন্তো গতঃ |
সর্বেষাং চৈব সর্বস্মিন্নেবং বিশ্বাদয়স্তথা || ১, ২০৬. ২৬ ||
পূর্বে পূর্বাশ্চ পূর্বস্মাৎপূর্বস্মিন্পূর্ব ঈরিতঃ |
সূত উবাচ |
সুপ্তিঙন্তুং সিদ্ধরূপং নামমাত্রেণ দর্শিতম্ |
কাত্যায়নঃ কুমারাত্তু শ্রুৎবা বিস্তরমব্রবীৎ || ১, ২০৬. ২৭ ||

ইতি শ্রীগারুডে মহাপুরাণে পূর্বখণ্ডে প্রথমান্-আচারদৃ
নাম ষডুত্তরদ্বিশততমোঽধ্যায়ঃ

শ্রীগরুডমহাপুরাণম্-২০৭
সূত উবাচ |
বাসুদেবং গুরুং নৎবা গণং শম্ভুং সরস্বতীম্ |
মাত্রাবর্ণপ্রভেদেন চ্ছন্দো বক্ষ্যেঽল্পবুদ্ধয়ে || ১, ২০৭. ১ ||
সর্বাদিমধ্যান্তগলৌ ম্নৌ ভ্যৌ জ্রৌ স্তৌ ত্রিকা গণাঃ |
আর্যা চতুষ্কলাদ্যন্তসর্বমধ্যে চতুর্গণাঃ || ১, ২০৭. ২ ||
ব্যঞ্জনান্তো বিসর্গান্তৌ দীর্ঘো যুক্তপরো গুরুঃ |
সানুস্বারশ্চ পাদান্তো বা ইত্যুক্তো দ্বিমাত্রকঃ || ১, ২০৭. ৩ ||
যদা নাপি ক্রমং যোগে লঘুতাপি ক্বচিদ্গুরোঃ |
শ্লোকচার্যাদিসঞ্জ্ঞা স্যাদ্যতির্বিচ্ছেদসঞ্জ্ঞিকা || ১, ২০৭. ৪ ||
জ্ঞেয়ঃ পাদশ্চ তুর্যাংশো যুক্সমং বিষমন্ত্বয়ুক্ |
সমমর্ধসমং বৃত্তং বিষমঞ্চ তৃতীয়কম্ || ১, ২০৭. ৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ছন্দঃ শাস্ত্রেছন্দঃসঞ্জ্ঞাপরিভাষানিরূপণং নাম সপ্তোত্তরদ্বিশততমোঽধ্যায়ঃ

শ্রীগরুডমহাপুরাণম্-২০৮
সূত উবাচ |
আর্যালক্ষ্ম ৎবষ্ট গণাঃ সদা জো বিষমে ন হি |
ষষ্ঠে জো ন্লৌ বাপি ভবেৎপদং ষষ্ঠে দ্বিতীয়লাৎ || ১, ২০৮. ১ ||
আদিতঃ সপ্তমে হ্রস্বা দ্বিতীয়ার্ধে শরে ততঃ |
ত্রিগণাঙ্ঘ্রিশ্চ পথ্যা স্যাদ্বিপুলা বহ্নিলঙ্ঘনাৎ || ১, ২০৮. ২ ||
গ্মধ্যে দ্বিতুর্যৌ জৌ চপলা মুখপূর্বাদিচাপলা |
দ্বিতীয়ার্ধে সজঘনা আর্যাজাতেশ্চ লক্ষণম্ || ১, ২০৮. ৩ ||
আর্যা প্রথমার্ধলক্ষ্ম গীতিঃ স্যাচ্চেদ্দলদ্বয়ে |
উপগীতির্দ্বিতীয়ার্ধাদুদ্গীতির্ব্যত্যয়াদ্ভবেৎ || ১, ২০৮. ৪ ||
আর্যাগীতিশ্চান্তগুরুর্গোতিজাতেশ্চ লক্ষণম্ |
ষট্কলা বিষমে চেৎস্যুঃ সমেঽষ্টৌ ন নিরন্তরাঃ |
সমা পরাশ্রিতা ন স্যাদ্বৈতালীয়ে রলৌ গুরুঃ || ১, ২০৮. ৫ ||
অন্তের্যৌ পূর্ববদিদমৌপচ্ছন্দসিকং মতম্ || ১, ২০৮. ৬ ||
ভাদ্গৌ স্যাদাপাতলিকা জ্ঞেয়াথো দক্ষিণান্তিকা |
পরাশ্রিতো দ্বিতীয়ো লঃ পাদেষু নিখিলেষ্বপি || ১, ২০৮. ৭ ||
উদীচ্যবৃত্তিরসমে প্রাচ্যবৃত্তিস্তু যুগ্মকে |
সপঞ্চমশ্চতুর্থাংশে যুগপত্তৌ প্রবৃত্তকম্ || ১, ২০৮. ৮ ||
উদীচ্যাদ্যঙ্ঘ্রিসংযোগাদ্যুগ্মপাদৈকপাদিকা |
চারুহাসিন্যয়ুগ্মাঙ্ঘ্রৌ বৈতালীয়স্য সঙ্গ্রহঃ || ১, ২০৮. ৯ ||
বক্ত্রং নাদ্যান্নসৌ স্যাতাং চতুর্থাদ্যগণো ভবেৎ |
পথ্যাবক্ত্রং জেন সমে বিপরীতাদিরন্যথা || ১, ২০৮. ১০ ||
উসমে নশ্চ চপলা বিপুলা লঘুসপ্তমা |
নিখিলে বা সৈতবস্য ম্রৌ ন্তৌ চাব্ধেস্তৎপূর্বকৌ || ১, ২০৮. ১১ ||
ষোডশলোঽচলধৃতির্মাত্রাসমকমুচ্যতে || ১, ২০৮. ১২ ||
নবমলস্তথা গোঽন্ত্যঃ জো ন্লৌবাথাম্বুধের্যথা |
বিশ্লোকঃ স্যাত্তচ্চতুষ্কদ্বিগুণাদ্বানবাসিকা || ১, ২০৮. ১৩ ||
বাণাষ্টনবকেষু স্যাল্লশ্চিত্রা ষোডশাত্মিকা |
সমমাত্রাসমাদিষ্টং পদাকুলকমীরিতম্ || ১, ২০৮. ১৪ ||
বৃত্তমাত্রা বিনা বর্ণৈর্লা বর্ণা গুরুভির্বিনা |
গুরুবো লৈর্দলে নিত্যং প্রমাণমিতি নিশ্চিতম্ || ১, ২০৮. ১৫ ||
অষ্টাবিংশাতিলা গন্তা প্রথমার্ধে দ্বিতীয়কে |
ত্রিংশদস্যাং শিখা গন্তা খঞ্জাতদ্ব্যত্যয়াদ্ভবেৎ || ১, ২০৮. ১৬ ||
ষোডশানঙ্গক্রীডা গা দ্বাত্রিংশচ্চরমে চ লাঃ |
সপ্তবিংশাতিলা গন্তা দলয়ো রুচিরা দ্বয়োঃ || ১, ২০৮. ১৭ ||
মাত্রাবৃত্তানি চোক্তানি বর্ণবৃত্তানি বচ্মি বৈ || ১, ২০৮. ১৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ছন্দঃ শাস্ত্রে আর্যাবৃত্তাদিছন্দোলক্ষণনিরূপণং নামাষ্টোত্তরদ্বিশততমোঽধ্যায়ঃ

শ্রীগরুডমহাপুরাণম্-২০৯
সূত উবাচ |
শ্রীরুক্থা গেন সা জ্ঞেয়া উত্যুক্থা স্ত্রী গুরুদ্বয়ম্ |
মো নারী রো মৃগী মধ্যা মগৌ কন্যা প্রতিষ্ঠয়া || ১, ২০৯. ১ ||
ভো গৌ পঙ্ক্তিঃ সুপ্রাতিষ্ঠা তনুমধ্যা তয়ৌ স্মৃতা |
নয়াভ্যাং বালললিতা গায়ত্রীচ্ছন্দ এব হি || ১, ২০৯. ২ ||
মসগৈর্মদলেখা স্যাদুষ্ণিক্ছন্দঃ স্মৃতং বুধৈঃ |
ভৌ গৌ চিত্রপদা খ্যাতা বিদ্যুন্মালা মমৌ গগৌ || ১, ২০৯. ৩ ||
মাণবকং ভাত্তলগা ম্নৌ গৌ হংসরুতং স্মৃতম্ |
সমানিকা রজগলা জরলা গঃ প্রমাণিকা |
আভ্যামন্যদ্বিতানং স্যাদনুষ্টুপ্ছন্দ ঈরিতম্ || ১, ২০৯. ৪ ||
রনসৈঃ স্যাদ্ধলমুখী নৌ মঃ শিশুভৃতা ভবেৎ |
বৃহতীছন্দ ইত্যুক্তং স্মৌ জগৌ স বিরাজিতম্ || ১, ২০৯. ৫ ||
পণবং স্যান্মনয়গৈর্ময়ূরসারিণী ভবেৎ |
রজাভ্যাঞ্চ রগাভ্যাঞ্চ রুক্মবতী ভমৌ সগৌ || ১, ২০৯. ৬ ||
মত্তা মভসগৈর্যুক্তা নরজা গো মনোরমা |
পঙ্ক্তিচ্ছন্দঃ সমাখ্যাতং জসতা গাবুপস্থিতম্ || ১, ২০৯. ৭ ||
তৌ জো গাবিন্দ্রবজ্রা স্যাজ্জতজ্গা গুপপূর্বিকা || ১, ২০৯. ৮ ||
উপজাতয়োঽন্যাদ্যন্তাঃ সুমুখী নজজা লগৌ |
ভভভা গৌ দোধকং স্যাচ্ছালিনী মততা গগৌ || ১, ২০৯. ৯ ||
অব্ধিলোকৈশ্চ বিচ্ছেদো বাতোর্মো মমতা গগৌ |
শ্রীর্ভতৌ ননগাঃ প্রোক্তা পঞ্চভিঃ ষডূভিরেব চ || ১, ২০৯. ১০ ||
মগনা নো গো ভ্রমরবিলাসিতমুদাহৃতম্ |
রথোদ্ধতার্নৌ রলগাঃ স্বাগতা রনভা গগৌ || ১, ২০৯. ১১ ||
বৃত্তা ননৌ সগৌ গঃ স্যান্নৌ রলৌ গঃ সমদ্রিকা |
রজরা ল্গৌ শ্যেনিকা স্যাজ্জসতা গৌ শিখণ্ডিতম্ |
ত্রিষ্টুপ্ছন্দঃ সমাখ্যাতং পিঙ্গলেন মহাত্মনা || ১, ২০৯. ১২ ||
রনৌ ভসৌ চন্দ্রবর্ত্ম বংশস্থং স্যাজ্জতৌ জরৌ |
ততো জরাবিন্দ্রবংশা বেদসৈস্তোটকং স্মৃতম্ |
ন্ভৌ ভ্রৌ দ্রুতবিলম্বিতং পুটশ্চ স্যান্ননৌ ময়ৌ || ১, ২০৯. ১৩ ||
বসুবেদৈশ্চ বিরতির্মুদিতবদনা ৎবিয়ম্ |
ননররৈঃ সমাখ্যাতা নয়না যস্তথা ভবেৎ || ১, ২০৯. ১৪ ||
সা তু কুসুমবিচিত্রা জলোদ্ধতগতী রসৈঃ |
জসৌ জসৌ চ পাদেষু চতূরৈঃ স্ত্রগ্বিণী মতা || ১, ২০৯. ১৫ ||
ভুজঙ্গপ্রয়াতং বৃত্তং চতুভির্যৈঃ প্রকীর্তিতম্ |
প্রয়ংবদা নভজ্রৈশ্চ মণিমালা তয়ৌ তয়ৌ || ১, ২০৯. ১৬ ||
গুহবক্ত্রৈশ্চ সন্নিদ্রা ললিতা স্যাত্তভৌ জরৌ |
প্রমিতাক্ষরা সজসসৈরুজ্জ্বলা তু ননৌ ভরৌ || ১, ২০৯. ১৭ ||
মমৌ যয়ৌ বৈশ্বদেবী পঞ্চাশ্বৈশ্চ যতির্ভবেৎ |
মভৌ সমৌ জলধরমালাব্ধ্যন্ত্যৈর্যতিভবেৎ || ১, ২০৯. ১৮ ||
নৌ ততৌ গঃ ক্ষমাবৃত্তং তুরগৈশ্চ রসৈর্যতিঃ |
প্রহর্ষিণী মনৌ জ্রৌ গা বহ্নিভির্দশভির্যতিঃ || ১, ২০৯. ১৯ ||
জভৌ সজৌ গো রুচিরা চতুর্ভিশ্চ গ্রহৈর্যতিঃ |
মত্তময়ূরং মতয়াঃ সগৌ দেবগ্রহৈর্যতিঃ || ১, ২০৯. ২০ ||
মঞ্জুভাষিণী সজ্সা জ্গৌ সুনন্দিনী সজসা মগৌ |
ননৌ ততৌ চন্দ্রিকা গঃ সপ্তভিশ্চ রসৈর্যতিঃ || ১, ২০৯. ২১ ||
অসম্বাধা মতনসা গগৌ বাণগ্রহৈর্যতিঃ |
ননরাঃ সো লধুগুরুঃ স্বরৈঃ প্রোক্তাপরাজিতা || ১, ২০৯. ২২ ||
ননৌ ভনৌ প্রহরণকলিকেয়ং লগৌ তথা |
বসন্ততিলকা সিংহোন্নতা তভ্জা জগৌ গুরুঃ || ১, ২০৯. ২৩ ||
ভজৌ সনৌ গগাবিন্দুবদনাথ সুকেশরম্ |
নরনা রলগাঃ পাদে শর্করী প্রতিপাদিতা || ১, ২০৯. ২৪ ||
চতুর্দশলঘুঃ স্যাচ্চ শ্রেষ্ঠা শশিকলা সগা |
রসগ্রহয়তিঃ স্রক্স্রা বসুশৈলয়তিস্তথা || ১, ২০৯. ২৫ ||
স্যান্মণিগুণনিকরো মালিনী ননমা যয়ৌ |
বসুস্বরয়তিঃ স্যাচ্চ নজৌ ভজ্রাঃ প্রভদ্রকম্ || ১, ২০৯. ২৬ ||
এলা সয়ৌ ননৌ যঃস্যাচ্চিত্রলেখাস্বরাষ্টকৈঃ |
মরৌ ময়ৌ যশ্চ ভবেদুক্তেয়মতি শর্করী || ১, ২০৯. ২৭ ||
স্বরাৎখং বৃষভগজজৃম্ভিতং ভ্রননা নগৌ |
নজভজরা বাণিনী গঃ পিঙ্গলেনাষ্টিরীরিতা || ১, ২০৯. ২৮ ||
রসরুদ্রৈঃ শিখরিণী যমৌ নসভলা গুরুঃ |
বসুগ্রয়তিঃ পৃথ্বী জসৌ জসয়লা গুরুঃ || ১, ২০৯. ২৯ ||
দশস্বরৈর্বংশপত্রপতিতং ভ্রৌন্নভা লগৌ |
ষড্বেদাশ্বৈশ্চ হরিণী নসমা রসলা গুরুঃ || ১, ২০৯. ৩০ ||
মন্দাক্রান্তব্ধিষড্নগৈর্মভনাস্ততগা গুরুঃ |
নর্দটকং নজভজা জলৌ গো যতিরেব চ || ১, ২০৯. ৩১ ||
সপ্তর্ত্বব্ধিঃ কোকিলকমত্যষ্টিঃ স্যাচ্চ পূর্ববৎ |
ভূতর্ত্বশ্বৈঃ কুসুমিতলতা ম্তৌ ন্যৌ যয়ৌ ধৃতিঃ || ১, ২০৯. ৩২ ||
রসর্ত্বশ্বৈর্যমৌ ন্সৌ রৌ মেঘবিস্ফূর্জিতা রগৌ |
শার্দূলবিক্রীডিতং মঃ সূর্যশ্বৈঃ সজ্সতাস্তগৌ || ১, ২০৯. ৩৩ ||
ছন্দো হ্যতিধৃতিঃ প্রোক্তমত ঊর্ধ্বং কৃতির্ভবেৎ |
সপ্তাশ্বর্তুঃ সুবদনা ভ্রৌ মনৌ যভলা গুরুঃ || ১, ২০৯. ৩৪ ||
বৃত্তং রজৌ রজৌ পাদে রজৌ গো লঃ কৃতির্ভবেৎ |
ত্রিসপ্তকৈঃ স্নগ্ধরা স্যাৎপ্রকৃতির্ম্নভনৈস্ত্রিয়ৈঃ || ১, ২০৯. ৩৫ ||
দিগর্কৈর্ভদ্রকং ভ্রৌ ন্রৌ নরনা গো যথাকৃতিঃ |
নজৌ ভশ্বাশ্বললিতং জভৌ জভলগা ভবেৎ || ১, ২০৯. ৩৬ ||
মত্তাক্রীডঞ্চাষ্টবাণদশকৈর্মৌ তনৌ ননৌ |
নলৌ গুরুশ্চ বিকৃতিশ্ছিন্না সঙ্কৃতিরুচ্যতে || ১, ২০৯. ৩৭ ||
পঞ্চাশ্বার্কৈর্ভতৌ তন্বী নসভা ভনয়া গণাঃ |
ক্রৌঞ্চপদা বাণশরবসুশৈলৈর্ভমৌ সভৌ || ১, ২০৯. ৩৮ ||
নৌ নৌ গোঽতিকৃতিঃ প্রোক্তা চ্ছন্দো হ্যুৎকৃতিরুচ্যতে |
বস্বীশাশ্বৈর্মমতনৈঃ স্যাদ্ভুজঙ্গবিজৃম্ভিতম্ || ১, ২০৯. ৩৯ ||
ননরসৈর্লগয়ুক্তৈশ্চ অপবাহাখ্যকং যতিঃ |
গুহৈঃ ষড্ভী রসৈর্বাণৈর্মোনাঃ ষট্সগগা গণাঃ || ১, ২০৯. ৪০ ||
চণ্ডবৃত্তিপ্রপাতোঽসৌ দণ্ডকো নৌ ততোঽগরঃ |
রফেবৃদ্ধান্তকাদস্য ব্যালজীমূতকাদয়ঃ || ১, ২০৯. ৪১ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সমবৃত্তলক্ষণাদিনিরূপণং নাম নবোত্তরদ্বিশততমোঽধ্যায়ঃ

শ্রীগরুডমহাপুরাণম্-২১০
সূত উবাচ |
সসসলগাশ্চ বিষমে পাদে যদ্যুপচিত্রকম্ |
সমে ভৌ ভগগাঃ স্যুশ্চ দ্রুতমধ্যা ভভৌ ভগৌ || ১, ২১০. ১ ||
গঃ পাদে বিষমেঽন্যত্র নজৌ জ্যৌ চ গণৌ স্মৃতৌ || ১, ২১০. ২ ||
বিষমে বেগবতী সা গঃ সমে ভৌ ভো গগৌ গণাঃ |
পাদেঽসমে তজৌ রো গঃ সমে মসৌ জগৌ গরুঃ |
ভবেদ্ভদ্রবিরাট্কেতুমতী তু বিষমে সজৌ || ১, ২১০. ৩ ||
সগৌ সমে ভ্রৌ নগগা আখ্যানকী ৎবথাসমে |
তৌ জো গগৌ সমে পাদে জতজা গুরুকদ্বয়ম্ || ১, ২১০. ৪ ||
বিপরীতাখ্যানকং স্যাদ্বিষমে জস্তজৌ গগৌ |
ততৌ জগৌ সমে গঃ স্যাৎপিঙ্গলেন হ্যুদাহৃতম্ || ১, ২১০. ৫ ||
পাদেঽথ বিষমে চৈব পুষ্পিতাগ্রা ননৌ রয়ৌ |
সমে নজৌ জরৌ গশ্চ বৈতালীয়ং বদন্তি হি |
বৃত্তঞ্চাপরবক্ত্রাখ্যমৌপচ্ছন্দসিকং পরম্ || ১, ২১০. ৬ ||
বাঙ্মতী রজরা যঃ স্যাদয়ুগ্মে জরজা রগৌ || ১, ২১০. ৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
র্ঽদ্ধসমবৃত্তলক্ষণাদিনিরূপণং নাম দশোত্তরদ্বিশততমোঽধ্যায়ঃ

Leave a Reply

Your email address will not be published. Required fields are marked *