১.২০ গরুডপুরাণ (অধ্যায় ১৯১-২০০)

শ্রীগরুডমহাপুরাণম্-১৯১
হরিরুবাচ |
পুনর্নবায়া মূলঞ্চ শ্বেতং পুষ্যে সমাহৃতম্ |
বারি পীতং তস্য পার্শ্ব ভবনেষু ন পন্নগাঃ || ১, ১৯১. ১ ||
তার্ক্ষ্যমূর্তিং বহেদ্যো বৈ ভল্লূকদন্তনির্মিতাম্ |
স পন্নগৈর্ন দৃশ্যেত যাবজ্জীবং বৃষধ্বজ || ১, ১৯১. ২ ||
পিবেচ্ছল্মলিমূলং যঃ পুষ্যর্ক্ষে রুদ্র বারিণা |
তস্মিন্নপাস্তদশনা নাগাঃ স্যুর্নাত্র সংশয়ঃ || ১, ১৯১. ৩ ||
পুষ্যে লজ্জালুকামূলে হস্তবদ্ধে তু পন্নগান্ |
গৃহ্ণীয়াল্লেপতো বাপি নাত্র কার্যা বিচারণা || ১, ১৯১. ৪ ||
পুষ্যেশ্বেতার্কমূলন্তু পীতং শীতেন বারিণা |
নশ্যেতু দংশকবিষং করবীরাদিজং বিষম্ || ১, ১৯১. ৫ ||
মহাকালস্য বৈ মূলং পিষ্টং তৎকাঞ্জিকেন বৈ |
বোড্রাণাং ডুণ্ডুভানাং চ তল্লোপো হরতে বিষম্ || ১, ১৯১. ৬ ||
তণ্ডুলীয়কমূলং চ পিষ্টং তণ্ডুলবারিণা |
ঘৃতেন সহ পীতন্তু হরেৎসর্বাবিষাণি চ || ১, ১৯১. ৭ ||
নীলীলজ্জালুকামূলং পিষ্টং তণ্ডুলবারিণা |
পীতং তদ্দংশকবিষং নশ্যেদেকেন বোভয়োঃ || ১, ১৯১. ৮ ||
কূষ্মাণ্ডকস্য স্বরসঃ সগুডঃ সহশর্করঃ |
পীতঃ সদুগ্ধো হন্যাচ্চ দংশকস্যবিষং চ বৈ || ১, ১৯১. ৯ ||
তথা কোদ্রবমূলস্য মোহস্য হর এব চ |
যষ্টীমধুসমায়ুক্তা তথা পীতা চ শর্করা || ১, ১৯১. ১০ ||
সদুগ্ধা চ ত্রিরাত্রেণ মূষকানাং বিষং হরেৎ |
চুলুকত্রয়পানাচ্চ বারিণঃ শীতলস্য বৈ || ১, ১৯১. ১১ ||
তাম্বূলদগ্ধমুখস্য লালাস্ত্রাবো বিনশ্যতি |
ঘৃতং সশর্করং ষীৎবা মদ্যপানমদো ন বৈ || ১, ১৯১. ১২ ||
কৃষ্ণাঙ্কোলস্য মূলেন পীতং সুক্বথিতং জলম্ |
ততো নশ্যদ্গরবিষং ত্রিরাত্রেণ মহেশ্বর || ১, ১৯১. ১৩ ||
উষ্ণং গব্যঘৃতং চৈব সৈন্ধবেন সমন্বিতম্ |
নাশয়েত্তন্মহাদেব বেদনাং বৃশ্চিকোদ্ভবাম্ || ১, ১৯১. ১৪ ||
কুসুভং কঙ্কুমঞ্চৈব হরিতালং মনঃ শিলা |
করঞ্জং পিষিতং চৈব হ্যর্কমূলং চ শঙ্কর || ১, ১৯১. ১৫ ||
বিষংনৃণাং বিনশ্যেত্তু এতেষাং ভক্ষণাচ্ছিব |
দীপতৈলপ্রদানাচ্চ দংশৈরাকীটজৈঃ শিব |
খর্জূরকবিষং নশ্যেত্তদা বৈ নাত্র সংশয়ঃ || ১, ১৯১. ১৬ ||
দংশস্থানং বৃশ্চিকস্য শুণ্ঠী তগরসংযুতা |
নশ্যেন্মধুমক্ষিকায়া এতেষাং লেপতো বিষম্ || ১, ১৯১. ১৭ ||
শতপুষ্পা সৈন্ধবঞ্চ সাজ্যং বা তেন লেপয়েৎ |
শিরীষস্য তু বীজংবৈ সিদ্ধ ক্ষীরেণ ঘর্ষিতম্ || ১, ১৯১. ১৮ ||
তল্লেপেন মহাদেব নশ্যেৎকুক্কুরজং বিষম্ |
জ্বলিতাগ্নির্বারিসেকো তথা দর্দুরজং বিষম্ || ১, ১৯১. ১৯ ||
ধত্তূরকরসোন্মিশ্রং ক্ষীরাদ্যগুডপানতঃ |
শূনাং বিষং বিনশ্যেত্তু শশাঙ্কাঙ্কিতশেখর || ১, ১৯১. ২০ ||
বটনিম্বশমীনাঞ্চ বল্কলৈঃ ক্বথিতং জলম্ |
তৎসেকান্মুখদন্তানাং নশ্যেদ্বৈ বিষবেদনা || ১, ১৯১. ২১ ||
লেপনাদ্দেবদারোশ্চ গৈরিকস্য চ লেপনাৎ |
নাগেশ্বরো দরিদ্রে দ্বে তথা মঞ্জিষ্ঠকা হর |
এভির্লেপাদ্বিনশ্যেত্তু লূতাবিষমুমাপতে || ১, ১৯১. ২২ ||
করঞ্জস্য তু বীজানি বরুণচ্ছদমেব চ |
তিলাশ্চ সর্ষপা হন্যুর্বিষং বৈ নাত্র সংশয়ঃ || ১, ১৯১. ২৩ ||
ঘৃতং কুমারীপত্রং বৈ দত্তং সলবণং হর |
তুরঙ্গমশরীরাণাং কণ্ডূর্নশ্যেদ্দশাহতঃ || ১, ১৯১. ২৪ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
একনবত্যধিকশততমোঽধ্যায়ঃ

শ্রীগরুডমহাপুরাণম্-১৯২
হরিরুবাচ |
চিত্রকস্যাষ্টভাগাশ্চ শূরণস্য চ ষোডশ |
শুণ্ঠ্যা ভাগাশ্চ চৎবারো মরিচানাং দ্বয়ং তথা || ১, ১৯২. ১ ||
ত্রিতয়ং পিপ্পলীমূলং বিডঙ্গানাং চতুষ্টয়ম্ |
অষ্টৌ মুশলিকাভাগাস্ত্রিফলায়াশ্চতুষ্টয়ম্ |
দ্বিগুণেন গুডেনৈষাং মোদকানিহ কারয়েৎ || ১, ১৯২. ২ ||
তদ্ভক্ষণমজীর্ণং হি পাণ্ডুরোগঞ্জ কামলম্ |
অতীসারাংশ্চ মন্দাগ্নিং প্লীহাঞ্চৈব নিবারয়েৎ || ১, ১৯২. ৩ ||
বিল্বাগ্নিমন্থঃ শ্যোনাকপাটলাপারিভদ্রকম্ |
প্রসারণ্যশ্বগন্ধা চ বৃহতী কণ্টকারিকা || ১, ১৯২. ৪ ||
বলা চাতিবলা রাস্না শ্বদংষ্ট্রা চ পুনর্নবা |
এরণ্ডঃ শারিবা পর্ণো গুডূচী কপিকচ্ছুকা || ১, ১৯২. ৫ ||
এষাং দশপলান্ভাগান্ক্বাথয়েৎসলিলেঽমলে |
তেন পাদাবশেষেণ তৈলপাত্রে বিপাচয়েৎ || ১, ১৯২. ৬ ||
আজং বা যদি গব্যং ক্ষীরং দত্ত্বা চতুর্গুণম্ |
শতাবরীং সৈন্ধবঞ্চ তৈলতুল্যং প্রদাপয়েৎ || ১, ১৯২. ৭ ||
দ্রব্যাণিয়ানি পেষ্যাণি তানি বক্ষ্যামি তচ্ছৃণু |
শতপুষ্পা দেবদারুর্বলা পর্ণো বচাগুরু || ১, ১৯২. ৮ ||
কুষ্ঠং মাংসী সৈন্ধবঞ্চ পলমেকং পুনর্নবা |
পানে নস্যে তথাভ্যঙ্গে তৈলমেতৎপ্রদাপয়েৎ || ১, ১৯২. ৯ ||
হৃচ্ছূলং পার্শ্বশূলঞ্চ গণ্ডমালাঞ্চ নাশয়েৎ |
অপস্মারং বাতরক্তং বপুষ্মাংশ্চ পুমান্ভবেৎ || ১, ১৯২. ১০ ||
গর্ভমশ্বতরী বিন্দ্যাৎকিং পুনর্মানুষী হর |
অশ্বানাং বাতভগ্নানাং কুঞ্জরাণাং নৃণাং তথা |
তৈলমেতৎপ্রয়োক্তব্যং সর্ববাতবিকারিণাম্ || ১, ১৯২. ১১ ||
হিঙ্গুতুম্বুরুশুণ্ঠীভিঃ সিদ্ধং তৈলন্তু সার্ষপম্ |
এতদ্ধি পুরণং শ্রেষ্ঠং কর্ণশূলাপহং পরম্ || ১, ১৯২. ১২ ||
শুষ্কমূলকশুণ্ঠীনাং ক্ষারো হিঙ্গুলনাগরম্ |
তক্রং চতুর্গুণং দদ্যাত্তৈলমেতদ্বিপাচয়েৎ || ১, ১৯২. ১৩ ||
বাধির্যং কর্ণশূলঞ্চ পূয়স্ত্রাবঞ্চ কর্ণয়োঃ |
ক্রিময়শ্চ বিনশ্যন্তি তৈলস্যাস্য প্রপূরণাৎ || ১, ১৯২. ১৪ ||
শুষ্কমূলকশুণ্ঠীনাং ক্ষারো হিঙ্গুলনাগরম্ |
শতপুষ্পা বচা কুষ্ঠং দারুশিগ্রুরসাঞ্জনম্ || ১, ১৯২. ১৫ ||
সৌবর্চলং যবক্ষারং সামুদ্রং সৈন্ধবং তথা |
গ্রন্থিকং বিডমুস্তং চ মধু শুক্তং চতুর্গুণম্ || ১, ১৯২. ১৬ ||
মাতুলুঙ্গরসশ্চৈব কদলীরস এব চ |
তৈলমেভির্বিপক্তব্যং কর্ণশূলাপহং পরম্ || ১, ১৯২. ১৭ ||
বাধির্যং কর্ণনাদশ্চ পূয়স্ত্রাবশ্চ দারুণম্ |
পূরণাদস্য তৈলস্য ক্রিময়ঃ কর্ণয়োর্হর || ১, ১৯২. ১৮ ||
সদ্যো বিনাশমায়ান্তি শশাঙ্ককৃতশেখর |
ক্ষারতৈলমিদং শ্রেষ্ঠং মুখদন্তমলাপহম্ || ১, ১৯২. ১৯ ||
চন্দনং কুঙ্কুমং মাংসী কর্পূরং জাতিপত্রিকা |
জাতীকঙ্কোলপূগানাং লবঙ্গস্য ফলানি চ || ১, ১৯২. ২০ ||
অগুরূণি চ কস্তূরী কুষ্ঠং তগরপাদিকা |
গোরোচনা প্রিয়ঙ্গুশ্চ বলা চৈব তথা নখী || ১, ১৯২. ২১ ||
সরলং সপ্তপর্ণং চ লাক্ষা চামলকী তথা |
তথা তু পদ্মকং চৈব হ্যেতৈস্তৈলং প্রসাধয়েৎ || ১, ১৯২. ২২ ||
প্রস্বেদমলদুর্গন্ধকণ্ডূ কুষ্ঠহরং পরম্ |
গচ্ছতি স্ত্রীশতং রুদ্র বন্ধ্যাপি লভতে সুতম্ || ১, ১৯২. ২৩ ||
যবানী চিত্রকং ধান্যং ত্র্যূষণং জীরকং তথা |
সৌবর্চলং বিডগঞ্চ পিপ্পলীমূলরাজিকম্ || ১, ১৯২. ২৪ ||
এভিঃ পচেদ্রঘৃতপ্রস্থং জলপ্রস্থাষ্টসংযুতম্ |
তথার্ঽশোগুল্মশ্বয়থুং হন্তি বহ্নিং করোতি বৈ || ১, ১৯২. ২৫ ||
মরিচং ত্রিবৃতং কুষ্ঠং হরিতালং মনঃ শিলা |
দেবদারু হরিদ্রে দ্বে কুষ্ঠং মাংসী চ চন্দনম্ || ১, ১৯২. ২৬ ||
বিশালা করবীরঞ্চ অর্কক্ষীরং শকৃদ্রসঃ |
এষাঞ্চ কার্ষিকো ভাগো বিষস্যার্ধপলং ভবেত্ত্ || ১, ১৯২. ২৭ ||
প্রস্থং সটুকতৈলস্য গোমূত্রেঽষ্টগুণে পচেৎ |
মৃৎপাত্রে লোহপাত্রে বা শনৈর্মৃদ্বগ্নিনা পচেৎ || ১, ১৯২. ২৮ ||
পামা বিচর্চিকা চৈব দদ্রুর্বিস্ফোচকানিচ |
অভ্যঙ্গেন প্রণশ্যন্তি কোমলৎবঞ্চ জায়তে || ১, ১৯২. ২৯ ||
প্রভূতান্যপি শ্বিত্রাণি তৈলেনানেন মর্দয়েৎ |
চিরোত্থিতমপি শ্বিত্রং বিনষ্টং তৎক্ষণাদ্ভবেৎ || ১, ১৯২. ৩০ ||
পটোলপত্রং কটুকা মঞ্জিষ্ঠা শারিবা নিশা |
জাতীশমীনিম্বপত্রং মধুকং ক্বথিতং ঘৃতম্ || ১, ১৯২. ৩১ ||
এভির্লেপাৎসয়ুররুজো ব্রণা বিস্ত্রাবিণঃ শিব |
শঙ্খপুষ্পী বচা সোমো ব্রাহ্মী ব্রহ্মসুবর্চলাঃ || ১, ১৯২. ৩২ ||
অভয়া চ গুডূচী চ আটরূষকবাকুচী |
এতৈরক্ষসমৈর্ভাগৈর্ঘৃতপ্রস্থং বিপাচয়েৎ || ১, ১৯২. ৩৩ ||
কণ্টকার্যা রসপ্রস্থং ক্ষীরপ্রস্থসমন্বিতম্ |
এতদ্ব্রাহ্মীঘৃতং নাম স্মৃতিমেধাকরং পরম্ || ১, ১৯২. ৩৪ ||
অগ্নিমন্থো বচা বাসা পিপ্পলী মধু সৈন্ধবম্ |
সপ্তরাত্রপ্রয়োগেণ কিন্নরৈরিব গীয়তে || ১, ১৯২. ৩৫ ||
অপামার্গঃ গুডূচী চ বচা কুষ্ঠং শতাবরী |
শঙ্খপুষ্পাভয়া সাজ্যং বিডঙ্গং ভক্ষিতং সমম্ |
ত্রিভির্দিনৈর্নরং কুর্যাদ্গ্রন্থাষ্টশতধারিণম্ || ১, ১৯২. ৩৬ ||
অদ্ভির্বা পয়সাজ্যেন মাসমেকন্তু সেবিতা |
বচা কর্যান্নরং প্রাজ্ঞং শ্রুতিধারণসংযুতম্ || ১, ১৯২. ৩৭ ||
চন্দ্রসূর্যগ্রহে পীতং পলমেকং পয়োঽন্বিতম্ |
বচায়াস্তৎক্ষণং কুর্যান্মহাপ্রজ্ঞায়ুতং নরম্ || ১, ১৯২. ৩৮ ||
ভূনিম্বনিম্বত্রিফলাপর্পটৈশ্চ শৃতং জলম্ |
পটোলীমুস্তকাভ্যাঞ্চ বাসকেন চ নাশয়েৎ || ১, ১৯২. ৩৯ ||
বিস্ফোটকানি রক্তঞ্চ নাত্র কার্যা বিচারণা |
কতকস্য ফলং শঙ্খং সৈন্ধবং ত্র্যূষণং বচা || ১, ১৯২. ৪০ ||
ফেনী রসাঞ্জনং ক্ষৌদ্রং বিডঙ্গানি মনঃ শিলা |
এষাং বর্তির্হন্তি কাচং তিমিরং পটলং তথা || ১, ১৯২. ৪১ ||
প্রস্থদ্বয়ং মাষকস্য ক্বাথশ্চ দ্রোণমম্ভসাম্ |
চতুর্ভাগাবশেষেণ তৈলপ্রস্থং বিপাচয়েৎ || ১, ১৯২. ৪২ ||
কাঞ্জিকস্যাঢকং দত্ত্বা পিষ্টান্যেতানি দাপয়েৎ |
পুনর্নবা গোক্ষুরকং সৈন্ধবং ত্র্যূষণং বচা || ১, ১৯২. ৪৩ ||
লবণং সুরদারুশ্চ মঞ্জিষ্ঠা কণ্টকারিকা |
নস্যাৎপানাদ্ধরত্যেব কর্ণশূলং সুদারুণম্ || ১, ১৯২. ৪৪ ||
বাধির্যং সর্বরোগাংশ্চ হ্যভ্যঙ্গাচ্চ মহেশ্বর |
পলদ্বয়ং সৈন্ধবঞ্চ শুণ্ঠী চিত্রকপঞ্চকম্ || ১, ১৯২. ৪৫ ||
সৌবীরপঞ্চপ্রস্থং চ তৈলপ্রস্থং পচেত্ততঃ |
অসৃগ্দরস্বরপ্লীহাসর্ববাতবিকারনুৎ || ১, ১৯২. ৪৬ ||
উদুম্বরং বটং প্লক্ষং জম্বূদ্বয়মথার্জুনম্ |
পিপ্পলী চ কদম্বঞ্চ পলাশং লোধ্রতিন্দুকম্ || ১, ১৯২. ৪৭ ||
মধূকমাম্রসর্জঞ্চ বদরং পদ্মকেশরম্ |
শিরীষবীজঙ্কতকমেতৎক্বাথেন সাধিতম্ |
তৈলং হন্তি ব্রণাংল্লেপাচ্চিরকালভবানপি || ১, ১৯২. ৪৮ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
দ্বিনবত্যধিক শততমোঽধ্যায়ঃ

শ্রীগরুডমহাপুরাণম্-১৯৩
হরিরুবাচ |
পলাণ্ডুজীরকে কুষ্ঠমশ্বগন্ধাজমোদকম্ |
বচা ত্রিকটুকঞ্চৈব লবণং চূর্ণমুত্তমম্ || ১, ১৯৩. ১ ||
ব্রাহ্মীরসৈর্ভাবিতঞ্চ সর্পির্মধুসমন্বিতম্ |
সপ্তাহং ভক্ষিতং কুর্যান্নির্মলাঞ্চ মতিং পরাম্ || ১, ১৯৩. ২ ||
সিদ্ধার্থকং বচা হিঙ্গু করঞ্জং দেবদারু চ |
মঞ্জিষ্ঠা ত্রিফলা বিশ্বং শিরীষো রজনীদ্বয়ম্ || ১, ১৯৩. ৩ ||
প্রিয়ঙ্গুনিম্বত্রিক্রটু গোমূত্রেণৈব ঘর্ষিতম্ |
নসয়মালেপনঞ্চৈব তথা চোদ্বর্তনং হিতম্ || ১, ১৯৩. ৪ ||
অপস্মারবিষোন্মাদশোষালক্ষ্মীজ্বরাপহম্ |
ভূতেভ্যশ্চভয়ং হন্তি রাজদ্বারেষু যোজনাৎ || ১, ১৯৩. ৫ ||
নিম্বং কুষ্ঠং হরিদ্রে দ্বে শিগ্রু সর্ষপজং তথা |
দেবদারু পটোলঞ্চ ধান্যং তক্রেণ ঘর্ষিতম্ || ১, ১৯৩. ৬ ||
দেহং তৈলাক্ত গাত্রং বৈ নয়েদুদ্বর্তনেন চ |
পামাঃ কুষ্ঠানি নশ্যেয়ুঃ কণ্ডূং হন্তি চ নিশ্চিতম্ || ১, ১৯৩. ৭ ||
সামুদ্রং সৈন্ধবং ক্ষারো রাজিকা লবণং বিডম্ |
কটুলোহরজশ্চৈবং ত্রিবৃৎসূরণকং সমম্ |
দধিগোমূত্রপয়সা মন্দপাবকপাচিতম্ || ১, ১৯৩. ৮ ||
বলাগ্নিবর্ধকং চূর্ণং পিবেদুষ্ণেন বারিণা |
জীর্ণেঽজীর্ণে তু ভুঞ্জতি মাংস্যাদিঘৃতমুত্তমম্ || ১, ১৯৩. ৯ ||
নাভিশূলং মূত্রশূলং গুল্মপ্লীহভবঞ্চ যৎ |
সর্বশূলহরং চূর্ণং জঠরানলদীপনম্ |
পরিণামসমুত্থস্য শূলস্য চ হিতং পরম্ || ১, ১৯৩. ১০ ||
অভয়ামলকং দ্রাক্ষা পিপ্পলী কণ্টকারিকা |
শৃঙ্গী পুনর্নবা শুণ্ঠী জগ্ধা কাসং নিহন্তি বৈ || ১, ১৯৩. ১১ ||
অভয়ামলকং দ্রাক্ষা পাঠা চৈব বিভীতকম্ |
শর্করায়া সমং চৈব জগ্ধং জ্বরহরং ভবেৎ || ১, ১৯৩. ১২ ||
ত্রিফলা বদরং দ্রাক্ষা পিপ্পলী চ বিরেককৃৎ |
হরীতকী সোষ্ণানীরলবণঞ্চ বিরেককৃৎ || ১, ১৯৩. ১৩ ||
কূর্মমৎস্যাশ্বমহিষগোশৃগালাশ্চ বানরাঃ |
বিডালবর্হিকাকাশ্চ বরাহোলূককুক্কুটাঃ || ১, ১৯৩. ১৪ ||
হংস এষাঞ্চ বিণ্মূত্রং মাংসং বা রোম শোণিতম্ |
ধূপং দদ্যাজ্জ্বরার্তেভ্য উন্মত্তেভ্যশ্চ শান্তয়ে || ১, ১৯৩. ১৫ ||
এতান্যৌষধজাতানি কথিতানি উমাপতে |
নিঘ্নন্তি তাশ্চ রোগাংশ্চ বৃক্ষমিন্দ্রাশনির্যথা || ১, ১৯৩. ১৬ ||
ঔষধম্ভগবান্বিষ্ণুঃ সংস্মৃতো রোগনুদ্ভবেৎ |
ধ্যাতোঽর্চিতঃ স্তুতো বাপি নাত্র কার্যা বিচারণা || ১, ১৯৩. ১৭ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ত্রিনবত্যধিকশততমোঽধ্যায়ঃ

শ্রীগরুডমহাপুরাণম্-১৯৪
হরিরুবাচ |
সর্বব্যাধিহরং বক্ষ্যে বৈষ্ণবং কবচং শুভম্ |
যেন রক্ষা কৃতা শম্ভোর্দৈত্যান্ক্ষপয়তঃ পুরা || ১, ১৯৪. ১ ||
প্রণম্য দেবমীশানমজং নিত্যমনাময়ম্ |
দেবং সর্বেশ্বরং বিষ্ণুং সর্বব্যাপিনমব্যয়ম্ || ১, ১৯৪. ২ ||
বধ্নাম্যহং প্রতিসরং নমস্কৃত্য জনার্দনম্ |
অমোঘাপ্রতিমং সর্বং সর্বদুঃখনিবারণম্ || ১, ১৯৪. ৩ ||
বিষ্ণুর্মামগ্রতঃ পাতু কৃষ্ণো রক্ষতু পৃষ্ঠতঃ |
হরির্মে রক্ষতু শিরো হৃদয়ঞ্চ জনার্দনঃ || ১, ১৯৪. ৪ ||
মনো মম হৃষীকেশো জিহ্বাং রক্ষতু কেশবঃ |
প্রাতু নেত্রে বাসুদেবঃ শ্রোত্রে সঙ্কর্ষণো বিভুঃ || ১, ১৯৪. ৫ ||
প্রদ্যুম্নঃ পাতু মে ঘ্রাণমনিরুদ্ধস্তু চর্ম চ |
বনমালী গলস্যান্তং শ্রীবৎসো রক্ষতামধঃ || ১, ১৯৪. ৬ ||
পার্শ্বং রক্ষতু মে চক্রং বামং দৈত্যনিবারণম্ |
দক্ষিণন্তু গদা দেবী সর্বাসুরনিবারিণী || ১, ১৯৪. ৭ ||
উদরং মুসলং পাতু পৃষ্ঠং মে পাতু লাঙ্গলম্ |
ঊর্ধ্বং রক্ষতু মে শার্ঙ্গং জঙ্ঘে রক্ষতু নন্দকঃ || ১, ১৯৪. ৮ ||
পার্ষ্ণো রক্ষতু শঙ্খশ্চ পদ্মং মে চরণাবুভৌ |
সর্বকার্যার্থসিদ্ধ্যর্থং পাতু মাং গরুডঃ সদা || ১, ১৯৪. ৯ ||
বরাহো রক্ষতু জলে বিষমেষু চ বামনঃ |
অটব্যাং নরসিংহশ্চ সর্বতঃ পাতু কেশবঃ || ১, ১৯৪. ১০ ||
হিরণ্যগর্ভো ভগবান্হিরণ্যং মে প্রয়চ্ছতু |
সাঙ্খ্যাচার্যস্তু কপিলো ধাতুসাম্যং করোতু মে || ১, ১৯৪. ১১ ||
শ্বেতদ্বীপনিবাসী চ শ্বেতদ্বীপং নয়ৎবজঃ |
সর্বান্সূদয়তাং শত্রূন্মধুকৈটভমর্দনঃ || ১, ১৯৪. ১২ ||
সদাকর্ষতু বিষ্ণুশ্চ কিল্বিষং মম বিগ্রহাৎ |
হংসো মৎস্যস্তথা কূর্মঃ পাতু মাং সর্বতোদিশম্ || ১, ১৯৪. ১৩ ||
ত্রিবিক্রমস্তু মে দেবঃ সর্বপাপানি কৃন্ততু |
তথা নারায়ণো দেবো বুদ্ধিং পালয়তাং মম || ১, ১৯৪. ১৪ ||
শেষো মে নির্মলং জ্ঞানং করোৎবজ্ঞাননাশনম্ |
বডবামুখো নাশয়তাং কল্মষং যৎকৃতং ময়া || ১, ১৯৪. ১৫ ||
পদ্ভ্যাং দদাতু পরমং সুখং মূর্ধ্নি মম প্রভুঃ |
দত্তাত্রেয়ঃ প্রকুরুতাং সপুত্রপশুবান্ধবম্ || ১, ১৯৪. ১৬ ||
সর্বানরীন্নাশয়তু রামঃ পরশুনা মম |
রক্ষোঘ্নস্তু দশরথিঃ পাতু নিত্যং মহাভুজঃ || ১, ১৯৪. ১৭ ||
শত্রীন্হলেন মে হন্যাদ্রামো যাদবনন্দনঃ |
প্রলম্বকেশিচাণূরপূতনাকংসনাশনঃ |
কৃষ্ণস্য যো বালভাবঃ স মে কামান্প্রয়চ্ছতু || ১, ১৯৪. ১৮ ||
অন্ধকারতমোঘোরং পুরুষং কৃষ্ণষিঙ্গলম্ |
পশ্যামি ভয়সন্ত্রস্তঃ পাশহস্তমিবান্তকম্ || ১, ১৯৪. ১৯ ||
ততোঽহং পুণ্ডরীকাক্ষমচ্যুতং শরণং গতঃ |
ধন্যোঽহং নির্ভয়ো নিত্যং যস্য মে ভগবান্হরিঃ || ১, ১৯৪. ২০ ||
ধ্যাৎবা নারায়ণং দেবং সর্বোপদ্রবনাশনম্ |
বৈষ্ণবং কবচং বদ্ধ্বা বিচরামি মহীতলে || ১, ১৯৪. ২১ ||
অপ্রধৃষ্যোঽস্মি ভূতানাং সর্বদেবময়ো হ্যহম্ |
স্মরণাদ্দেবদেবস্য বিষ্ণোরমিততেজসঃ || ১, ১৯৪. ২২ ||
সিদ্ধির্ভবতু মে নিত্যং যথামন্ত্রমুদাহৃতম্ |
যো মাং পশ্যতি চক্ষুর্ভ্যাং যঞ্চঃ পশ্যামি চক্ষুষা |
সর্বেষাং পাপদুষ্টানাং বিষ্ণুর্বধ্নাতু চক্ষুষী || ১, ১৯৪. ২৩ ||
বাসুদেবস্য যচ্চক্রং তস্য চক্রস্য যে ৎবরাঃ |
তে হি চ্ছিন্দন্তু পাপান্মে মম হিংসন্তু হিংসকান্ || ১, ১৯৪. ২৪ ||
রাক্ষসেষু পিশাচেষু কান্তারেষ্বটবীষু চ |
বিবাদে রাজমার্গেষু দ্যূতেষু কলহেষু চ || ১, ১৯৪. ২৫ ||
নদীসন্তারণে ঘোরে সম্প্রাপ্তে প্রাণসংশয়ে |
অগ্নিচৌরনিপাতেষু সর্বগ্রহনিবারণে || ১, ১৯৪. ২৬ ||
বিদ্যুৎসর্পবিষোদ্বেগে রোগে বৈ বিঘ্নসঙ্কটে |
জপ্যমেতজ্জপেন্নিত্যং শরীরে ভয়মাগতে || ১, ১৯৪. ২৭ ||
অয়ং ভগবতো মন্ত্রো মন্ত্রাণাং পরমো মহান্ |
বিখ্যাতং কবচং গুহ্যং সর্পপাপপ্রণাশনম্ |
স্বমায়াকৃতিনির্মাণং কল্পান্তগহনং মহৎ || ১, ১৯৪. ২৮ ||
অনাদ্যন্ত ! জগদ্বীজ ! পদ্মনাভ ! নমোঽস্তু তে |
ওঁ কালায় স্বাহা | ওঁ কালপুরুষায় স্বাহা | ওঁ কৃষ্ণায় স্বাহা |
ওঁ কৃষ্ণরূপায় স্বাহা | ওঁ চণ্ডায় স্বাহা | ওঁ চণ্ডরূপায় স্বাহা |
ওঁ প্রচণ্ডায় স্বাহা | ওঁ প্রচণরূপায় স্বাহা | ওঁ সর্বায় স্বাহা |
ওঁ সর্বরূপায় স্বাহা | ওঁ নমো ভুবনেশায় ত্রিলোকধাত্রে ইহ বিটি
সিবিটি সিবিটি স্বাহা | ওঁ নমঃ অয়োখেতয়ে যে যে সঞ্জ্ঞাপয়
দৈত্যদানবয়ক্ষরাক্ষসভূতপিশাচকূষ্মাণ্ডান্তাপস্মারকচ্ছর্দনদুদ্ধর্রাণামেকাহিকদ্ব্যাহি-
কত্র্যাহিকচাতুর্থিকমৌহূর্তিকদিনজ্বররাত্রিজ্বরসন্ধ্যাজ্বরসর্বজ্বরাদীনাং
লূতাকীটকণ্টকপূতনাভুজঙ্গস্থাবরজঙ্গমবিষাদী নামিদং শরীরং
মম পথ্যং ৎবং কুরু স্ফুট স্ফুট স্ফুট প্রকোট লফট
বিকটদংষ্ট্র পূর্বতো রক্ষতু ওঁ হৈ হৈ হৈ হৈ
দিনকরসহস্রকালসমাহতো জয় পশ্চিমতো রক্ষ ওঁ নিবি নিবি
প্রদীপ্তজ্বলনজ্বালাকার মহাকপিল উত্তরতো রক্ষ ওঁ বিলি বিলি মিলি মিলি
গরুডি গরুডি গৌরীগান্ধারীবিষমোহবিষমবিষমাং মহোহয়তু স্বাহা
দক্ষিণতো রক্ষ মাং পশ্য সর্বভূতভয়োপদ্রবেভ্যো রক্ষ রক্ষ জয় জয়
বিজয় তেন হীয়তে রিপুত্রাসাহঙ্কৃতবাদ্যতো ভয়নুদভয়তোঽভয়ং দিশতুচ্যুতং |
তদুদরমখিলং বিশন্তু যুগপরিবর্তসহস্রসঙ্খ্যেয়োঽস্তংহংসমিব
প্রবিশন্তি রশ্ময়ঃ |
বাসুদেবসঙ্কর্ষণপ্রদ্যুম্নাশ্চানিরুদ্ধকঃ |
সর্বজ্বরান্মমঘ্নন্তু বিষ্ণুর্নারায়ণো হরিঃ || ১, ১৯৪. ২৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
বৈষ্ণবকবচকথনং নাম চতুর্নবত্যুত্তরশততমোঽধ্যায়ঃ

শ্রীগরুডমহাপুরাণম্-১৯৫
হরিরুবাচ |
সল্বকামপ্রদাং বিদ্যাং সপ্তরাত্রেণ তাং শৃণু |
নমস্তুভ্যং ভগবতে বাসুদেবায় ধীমহি || ১, ১৯৫. ১ ||
প্রদ্যুম্নায়ানিরুদ্ধায় নমঃ সঙ্গর্ষণায় চ |
নমো বিজ্ঞানমাত্রায় পরমানন্দমূর্তয়ে || ১, ১৯৫. ২ ||
আত্মারামায় শান্তায় নিবৃত্তদ্বৈতদৃষ্টয়ে |
ৎবদ্রূপাণি চ সর্বাণি তস্মাত্তুভ্যং নমো নমঃ || ১, ১৯৫. ৩ ||
হৃষীকেশায় মহতে নমস্তেঽনন্তমূর্তয়ে |
যস্মিন্নিদং যতশ্চৈতত্তিষ্ঠত্যগ্রেঽপি জায়তে || ১, ১৯৫. ৪ ||
মৃন্ময়ীং বহসি ক্ষোণীং তস্মৈ তে ব্রহ্মণে নমঃ |
যন্ন স্পৃশন্তি ন বিদুঃ মনোবুদ্ধীন্দ্রিয়াসবঃ |
অন্তর্বহিস্ত্বং চরসি ব্যোমতুল্যং নমাম্যহম্ || ১, ১৯৫. ৫ ||
ওঁ নমো ভগবতে মহাপুরাষায় মহাভূতপতয়ে সকলসত্ত্বভাবিব্রীডনি-
করকমলরেণূৎপলনিভধর্মাখ্যবিদ্যয়া? চরণারবিন্দয়ুগল পরমেষ্ঠিন্নমস্তে |
অবাপ বিদ্যাধরতাং চিত্রকেতোশ্চ বিদ্যয়া || ১, ১৯৫. ৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাক্যে আচারকাণ্ডে
পঞ্চনবত্যধিকশততমোঽধ্যায়ঃ

শ্রীগরুডমহাপুরাণম্-১৯৬
হরিরুবাচ |
অবাপ জপ্ত্বা চেন্দ্রৎবং বিষ্ণুধর্মাখ্যবিদ্যয়া |
সর্বাঞ্ছত্রূন্বিনির্জিত্য তাঞ্চ বক্ষ্যে মহেশ্বর || ১, ১৯৬. ১ ||
পাদয়োর্জানুনোরূর্বোরুদরে হৃদ্যথোরসি |
মুখে শিরস্যানুপূর্বমোঙ্কা রাদীনি বিন্যসেৎ || ১, ১৯৬. ২ ||
নমো নারায়ণায়েতি বিপর্যাসমথাপি চ |
করন্যাসং ততঃ কুর্যাদ্দ্বাদক্ষরবিদ্যয়া || ১, ১৯৬. ৩ ||
প্রণবাদিয়কারান্তমঙ্গুল্যং গুষ্ঠপর্বসু |
ন্যসেদ্ধৃদয় ওঙ্কারং মনুং মূর্ধ্নি সমস্তকম্ || ১, ১৯৬. ৪ ||
ওঙ্কারন্তু ভ্রুবোর্মধ্যে শিকানেত্রাদিমূর্ধতঃ |
ওঁ বিষ্ণবে ইতি ইমং মন্ত্রন্যাসমুদীরয়েৎ || ১, ১৯৬. ৫ ||
আত্মানং পরমং ধ্যায়েচ্ছেষং যচ্ছক্তিভির্যুতম্ |
মম রক্ষাং হরিঃ কুর্যান্মৎস্যমূর্তির্জলেঽবতু || ১, ১৯৬. ৬ ||
ত্রিবিক্রমস্তথাকাশে স্থলে রক্ষতু বামনঃ |
অটব্যাং নরসিংহস্তু রামো রক্ষতু পর্বতে || ১, ১৯৬. ৭ ||
ভূমৌ রক্ষতু বারাহৌ ব্যোম্নি নারায়ণোঽবতু |
কর্মবন্ধাচ্চ কপিলো দত্তো রোগাচ্চ রক্ষতু || ১, ১৯৬. ৮ ||
হয়গ্রীবো দেবতাভ্যঃ কুমারো মকরধ্বজাৎ |
নারদোঽন্যার্চনাদ্দেবঃ কূর্মো বৈ নৈরৃতে সদা || ১, ১৯৬. ৯ ||
ধন্বন্তীরশ্চাপথ্যাচ্চ নাগঃ ক্রোধবশাৎকিল |
যজ্ঞো রোগাৎসমস্তাচ্চ ব্যাসোঽজ্ঞানাচ্চ রক্ষতু || ১, ১৯৬. ১০ ||
বুদ্ধঃ পাষণ্ডসঙ্ঘাতাৎকল্কী রক্ষতু কল্মষাৎ |
পায়ান্মধ্যন্দিনে বিষ্ণুঃ প্রাতর্নারায়ণোঽবতু || ১, ১৯৬. ১১ ||
মধুহা চাপরাহ্নে চ সায়ং রক্ষতু মাধবঃ |
হৃষীকেশঃ প্রদোষেঽব্যাৎপ্রত্যূষেঽব্যাজ্জনার্দনঃ || ১, ১৯৬. ১২ ||
শ্রীধরোঽব্যাদর্ধরাত্রে পদ্মনাভো নিশীথকে |
চক্রকৌমোদকীবাণা ঘ্নন্তু শত্রূংশ্চ রাক্ষসান্ || ১, ১৯৬. ১৩ ||
শঙ্খঃ পদ্মং চ শত্রুভ্যঃ শার্ঙ্গং বৈ গরুডস্তথা |
বুদ্ধীন্দ্রিয়মনঃ প্রাণান্পান্তু পার্শ্ববিভূষণঃ || ১, ১৯৬. ১৪ ||
শেষঃ সর্পস্বরূপশ্চ সদা সর্বত্র পাতু মাম্ |
বিদিক্ষু দিক্ষু চ সদা নারসিংহশ্চ রক্ষতু || ১, ১৯৬. ১৫ ||
এতদ্ধারয়মাণশ্চ যং যং পশ্যতি চক্ষুষা |
স বশী স্যাদ্বিপাপ্মা চ রোগমুক্তো দিবং ব্রজেৎ || ১, ১৯৬. ১৬ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
ষণ্ণবত্যধিকশততমোঽধ্যায়ঃ

শ্রীগরুডমহাপুরাণম্-১৯৭
ধন্বন্তরিরুবাচ |
গারুডং সম্প্রবক্ষ্যামি গরুডেন হ্যুদীরিতম্ |
কশ্যপায় সুমিত্রেণ বিষহৃদ্যেন গারুডঃ || ১, ১৯৭. ১ ||
পৃথিব্যাপস্তথা তেজো বায়ুরাকাশমেবচ |
ক্ষিত্যাদিষ্বেব বর্গাশ্চ হ্যেতে বৈ মণ্ডলাধিপাঃ || ১, ১৯৭. ২ ||
পঞ্চতত্ত্বে স্থিতা দেবাঃ প্রাপ্যন্তে বিষ্ণুসেবকৈঃ |
দীর্ঘস্বরবিভিন্নাশ্চ নপুংসকবিবর্জিতাঃ || ১, ১৯৭. ৩ ||
সষডঙ্গঃ শিবঃ প্রোক্তো হৃচ্ছিরশ্চ শিখা ক্রমাৎ |
কবচং নেত্রমস্ত্রং স্যান্ন্যাসঃ স্বস্থলসংস্থিতিঃ || ১, ১৯৭. ৪ ||
সর্বসিদ্ধিপ্রদস্যান্তে কালবহ্নির ধোঽনিলঃ |
ষষ্ঠস্বরসমায়ুক্তমর্ধেন্দুসংযুতং পরম্ || ১, ১৯৭. ৫ ||
পরাপরবিভিন্নাশ্চ শিবস্যোর্ধ্বাধ ঈরিতাঃ |
রেফেণাঙ্গেষু সর্বত্র ন্যাসং কুর্যাদ্যথাবিধি || ১, ১৯৭. ৬ ||
হৃদি পাণিতলে দেহে কর্ণে নেত্রে করোতি চ |
জপাত্তু সর্বসিদ্ধিঃ স্যাচ্চতুর্বক্ত্রসমায়ুতাম্ || ১, ১৯৭. ৭ ||
চতুরশ্রাং সুবিস্তারং পীতবর্ণান্তু চিন্তয়েৎ |
পৃথিবীং চেন্দ্রদেবত্যাং মধ্যে বরুণমণ্ডলম্ || ১, ১৯৭. ৮ ||
মধ্যে পদ্মং তথায়ুক্তমর্ধচন্দ্রং সুশীতলম্ |
ইন্দ্রনীলদ্যুতিং সৌম্যমথবাগ্নেয়মণ্ডলম্ || ১, ১৯৭. ৯ ||
ত্রিকোণং স্বস্থিকৈর্যুক্তং জ্বালামা লানলং স্মরেৎ |
ভিন্নাঞ্জননিভাকারং স্ববৃত্তং বিন্দুভূষিতম্ || ১, ১৯৭. ১০ ||
ক্ষীরোর্মিসদৃশাকারং শুদ্ধস্ফটিকবর্চসম্ |
প্লাবয়ন্তং জগৎসর্বং ব্যোমামৃতমনুংস্মরেৎ || ১, ১৯৭. ১১ ||
বাসুকিঃ শঙ্খপালশ্চ স্থিতৌ পার্থিবমণ্ডলে |
কর্কোটঃ পদ্মনাভশ্চ বারুণে তৌ ব্যবস্থিতৌ || ১, ১৯৭. ১২ ||
আগ্নেয়ে চাপি কুলিকস্তক্ষশ্চৈব মহাব্জকৌ |
বায়ুমণ্ডলসংস্থৌ চ পঞ্চ ভূতানি বিন্যসেৎ || ১, ১৯৭. ১৩ ||
অঙ্গুষ্ঠাদিকনিষ্ঠান্তমনুলোমবিলোমতঃ |
পর্বসন্ধিষু চ ন্যস্যা জয়া চ বিজয়া তথা || ১, ১৯৭. ১৪ ||
আস্যাদিস্বপুরস্থানে ন্যস্যাচ্ছিবপডঙ্গকম্ |
কনিষ্ঠাদৌ হৃদাদৌ চ শিখায়াং করয়োর্ন্যসেৎ || ১, ১৯৭. ১৫ ||
ব্যাপকন্তু তৎবপূর্বং ক্রমাদঙ্গুলিপর্বসু |
ভূতানাঞ্চ পুনর্ন্যাসঃ শিবাঙ্গানি তথৈব চ || ১, ১৯৭. ১৬ ||
প্রণবাদিনমশ্চান্তে নাম্নৈব চ সমন্বিতঃ |
সর্বমন্ত্রেষু কথিতো বিধিঃ স্থাপনপূজনে || ১, ১৯৭. ১৭ ||
আদ্যাক্ষরং তন্নাম্নশ্চ মন্ত্রোঽযং পরিকীর্তিতঃ |
অষ্টানাং নাগজাতীনাং মন্ত্রঃ সান্নিধ্যকারকঃ || ১, ১৯৭. ১৮ ||
ওঁ স্বাহা ক্রমশশ্চৈব পঞ্চভূতপুরোগতম্ |
এষ সাক্ষাদ্ভবেত্তার্ক্ষ্যঃ সর্বকর্মপ্রসাধকঃ || ১, ১৯৭. ১৯ ||
করন্যাসং স্বরৈঃ কৃৎবা শরীরে তু পুনর্ন্যসেৎ |
জ্বলন্তং চিন্তয়েৎপ্রাণমাত্মসংশুদ্ধিকারকম্ || ১, ১৯৭. ২০ ||
বীজন্তু চিন্তয়েৎপশ্চাদ্বর্ষান্তমমৃতাত্মকম্ |
এবঞ্চাপ্যায়নং কৃৎবা মূর্ধ্নি সঞ্চিন্ত্য চাত্মনঃ || ১, ১৯৭. ২১ ||
পৃথিবীং পাদয়োর্দদ্যাত্তপ্তকাঞ্চনসপ্রভাম্ |
অশেষভুবনাকীর্ণাং লোকপালসমন্বিতাম্ || ১, ১৯৭. ২২ ||
এতাং ভগবতীং পৃথ্বীং স্বদেহে বিন্যসেদ্বুধঃ |
শ্যামবর্ণময়ং ধ্যায়েৎপৃথিবীদ্বিগুণং ভবেৎ || ১, ১৯৭. ২৩ ||
জ্বালামালাকুলং দীপ্তমাব্রহ্মভুবনান্তকম্ |
নাভিগ্রীবান্তরে ন্যস্য ত্রিকোণং মণ্ডলং রবেঃ || ১, ১৯৭. ২৪ ||
ভিন্নাঞ্জননিভাকারং নিখিলং ব্যাপ্য সংস্থিতম্ |
আত্মমূর্তিস্থিতং ধ্যায়েদ্বায়ব্যং তীক্ষ্ণমণ্ডলম্ || ১, ১৯৭. ২৫ ||
সিখোপরি স্থিতং দিব্যং শুদ্ধস্ফটিকবর্চসম্ |
অপ্রমাণমহাব্যোমব্যাপকং চামৃতোপমম্ || ১, ১৯৭. ২৬ ||
ভূতন্যাসং পুরা কৃৎবা নাগানাঞ্চ যথাক্রমম্ |
লকারান্তা বিন্দুয়ুতা মন্ত্রা ভূতক্রমেণ তু || ১, ১৯৭. ২৭ ||
শিববীজং ততো দদ্যাত্ততো ধ্যায়েচ্চ মণ্ডলম্ |
যোয়স্য ক্রমাখ্যাতো মণ্ডলস্য বিচক্ষণঃ |
তস্য তচ্চিন্তয়েদ্বর্ণং কর্মকালে বিধানবিৎ || ১, ১৯৭. ২৮ ||
পাদপক্ষৈস্তথা চঞ্চৎকৃষ্ণনাগৈর্বিভূষিতম্ |
তার্ক্ষ্যং ধ্যায়েত্ততো নিত্যং বিষে স্থাবরজঙ্গমে || ১, ১৯৭. ২৯ ||
গ্রহভূতপিশাচে চ ডাকিনীয়ক্ষরাক্ষসে |
নাগৈর্বিবেষ্টিতং কৃৎবা স্বদেহে বিন্যসেচ্ছিবম্ || ১, ১৯৭. ৩০ ||
দ্বিধা ন্যাসঃ সমাখ্যাতো নাগানাং চৈব ভূতয়োঃ |
এবং ধ্যাৎবা কর্ম কুর্যাদাত্মতত্ত্বাদিকং ক্রমাৎ || ১, ১৯৭. ৩১ ||
ত্রিতত্ত্বং প্রথম্দত্ত্বা সিবতত্ত্বং ততঃ পরম্ |
যথা দেহে তথা দেবে অঙ্গুলীনাং চ পর্বসু || ১, ১৯৭. ৩২ ||
দেহে ন্যাসং পুরা কৃৎবা হ্যনুলোমবিলোমতঃ |
কন্দং নালং তথা পদ্মং ধর্মং জ্ঞানাদিমেব চ || ১, ১৯৭. ৩৩ ||
দ্বিতীয়স্বরসম্ভিন্নং বর্গান্তেন তু পূজয়েৎ |
শৌমিতি কর্ণিকামধ্যে মূর্ধ্নি রেফেণ সংযুতম্ || ১, ১৯৭. ৩৪ ||
অকচটতপয়শা বর্গাঃ পূর্বাদিকে ন্যসেৎ |
পত্রান্তকেসরান্তে তু দ্বৌ দ্বৌ পূর্বাদিকৌ তথা || ১, ১৯৭. ৩৫ ||
কেশরে তু স্বরান্ন্যস্যাদীশান্তান্ষোডশার্চয়েৎ |
বামাদ্যাঃ শক্তয়ঃ প্রোক্তাস্ত্রিতত্ত্বন্তু ততো ন্যসেৎ || ১, ১৯৭. ৩৬ ||
আবাহয়েত্ততো মর্ধ্নি শিবমঙ্গং ততঃ পরম্ |
কর্ণিকায়াং ন্যসেদ্দেবং সাঙ্গং তত্র পুরঃ সরম্ || ১, ১৯৭. ৩৭ ||
পৃতিবী পশ্চিমে পত্রে আপশ্চোত্তরসংস্থিতাঃ |
তেজস্তু দক্ষিণে পত্রে বায়ুং পূর্বেণ পূজয়েৎ || ১, ১৯৭. ৩৮ ||
স্ববীজং মূর্তিরূপন্তু প্রাগুক্তং পারকল্পয়েৎ |
যং বায়ুমূলং নৈরৃত্যে রেফস্ত্বনলসংস্থিতঃ || ১, ১৯৭. ৩৯ ||
বং চ ৎবীশে সদা পূজ্য ওঁ হৃদিস্থঞ্চ পূজয়েৎ |
তন্মাত্রান্ভূতমাত্রাংস্তান্বহিরেব প্রপূজয়েৎ || ১, ১৯৭. ৪০ ||
শিবাঙ্গানি ততঃ পশ্চাদ্ধ্যাৎবা সম্পূজয়েত্ততঃ |
আগ্নেয়্যাং হৃদয়ং পূজ্য শির ঈশানগোচরে || ১, ১৯৭. ৪১ ||
নৈরৃত্যে তু শিখাং দদ্যাদ্বায়ব্যাং কবচং ন্যসেৎ |
অস্ত্রন্তু বাহ্যতো দদ্যান্নেত্রমুত্তরসংস্থিতম্ || ১, ১৯৭. ৪২ ||
পত্রাগ্রে কর্ণিকগ্রে তু বীজানি পরিপূজয়েৎ |
অনন্তাদিকুলীরান্তা অষ্টৌ নাগাঃ ক্রমাৎস্থিতাঃ || ১, ১৯৭. ৪৩ ||
পূর্বাদিকক্রমেণৈব ৎবীশপর্যন্তমেব চ |
পূজয়েচ্চ সদা মন্ত্রী বিধানেন পৃথক্পৃথক্ || ১, ১৯৭. ৪৪ ||
হৃদি পদ্মে বিধানেন শিলাদৌ দত্তমণ্ডলে |
এতৎকার্যং সমুদ্দিষ্টং নিত্যনৈমিত্তিকেঽপি চ || ১, ১৯৭. ৪৫ ||
আত্মানং চিন্তয়েন্নিত্যং কামরূপং মনোহরম্ |
প্লাবয়ন্তং জগৎসর্বং সৃষ্টিসংহারকারকম্ || ১, ১৯৭. ৪৬ ||
জ্বালামালাভিরুদ্দীপ্তং আব্রহ্মভুবনান্তকম্ |
দশবাহুং চতুর্বক্ত্রং পিঙ্গাক্ষং শূলপাণিনম্ || ১, ১৯৭. ৪৭ ||
দংষ্ট্রাকরালমত্যুগ্রং ত্রিনেত্রং শশিশেখরম্ |
ভৈরবন্তু স্মরেৎসিদ্ধ্যৈ গরুডং সর্বকর্মসু || ১, ১৯৭. ৪৮ ||
নাগানাং নাশনার্থায় গরুডং ভীমভীষণম্ |
পাদৌ পাতালং সংস্থৌ চ দিশঃ পক্ষাস্তু সংশ্রিতাঃ || ১, ১৯৭. ৪৯ ||
সপ্ত স্বর্গা উরসি চ ব্রহ্মাণ্ডং কণ্ঠমাশ্রিতম্ |
পূর্বাদীশানপর্যন্তং শিরস্তস্য বিচিন্তয়েৎ || ১, ১৯৭. ৫০ ||
সদাশিবশিখান্তস্থং শক্তিত্রিতয়মেব চ |
পরাৎপরং শিবং সাক্ষাত্তার্ক্ষ্যং ভুবননায়কম্ || ১, ১৯৭. ৫১ ||
ত্রিনেত্রমুগ্ররূপঞ্চ বিষনাগক্ষয়ঙ্করম্ |
গ্রসনং ভীমবক্ত্রং চ গরুডং মন্ত্রবিগ্রহম্ || ১, ১৯৭. ৫২ ||
কালাগ্নিমিব দীপ্তং চ চিন্তয়েৎসর্বকর্মসু |
এবং ন্যাসবিধিং কৃৎবা যদ্যন্মনসি চিন্তয়েৎ || ১, ১৯৭. ৫৩ ||
তত্তদেব ভবেৎসাধ্যং নরো বৈ গরুডায়তে |
প্রেতা ভূতাস্তথা যক্ষা নাগা গন্ধর্বরাক্ষসাঃ |
দর্শনাত্তস্য নশ্যন্তি জ্বরাশ্চাতুর্থিকাদয়ঃ || ১, ১৯৭. ৫৪ ||
ধন্বন্তরিরুবাচ |
এবং স গরুডং প্রোচে গরুডঃ কশ্যপায় চ |
মহেশ্বরো যথা গৌরীং প্রাহ বিদ্যাং তথা শৃণু || ১, ১৯৭. ৫৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
সপ্তনবত্যধিকশততমোঽধ্যায়ঃ

শ্রীগরুডমহাপুরাণম্-১৯৮
ভৈরব উবাচ |
নিত্যক্লিন্নামথো বক্ষ্যে ত্রিপুরাং ভুক্তিমুক্তিদাম্ |
ওঁ হ্রীং আগচ্ছ দেবি ঐং হ্রীং হ্রীং রেখাকারণম্ |
ওঁ হ্রীং ক্লেদিনী ভং নমঃ মদনক্ষোভিণা তথা |
ঐ যং যং ক্রীং বা গুণরেখয়া হ্রীং মদনান্তরে চ |
ঐং হ্রীং হ্রীং চ নিরঞ্জনা বাগতি মদনান্তরেখে খনেত্রাবলীতি চ |
বেগবতি মহাপ্রেতাসনায় চ পূজয়েৎ |
ওঁ হ্রীং ক্রৈং নৈং ক্রৈং নিত্যং মদদ্রবে ক্রীং নমঃ |
ঐং হ্রীং ত্রিপুরায়ৈ নমঃ |
ওঁ হ্রীং ক্রীং পশ্চিমবক্ত্রং ওঁ ঐং হ্রীং হ্রীং চ তথোত্তরম্ |
ঐং হ্রীং দক্ষিণমূর্ধ্বংবক্ত্রং তু পশ্চিমম্ |
ওঁ হ্রীং পাশায় ক্রীং অঙ্কুশায় ঐং কপালায় নমঃ |
আদ্যং ভয়ং ঐং হ্রীং চ তথা শিরঃ তথা শিখায়ৈ কবচে |
ঐং হ্রীং ক্রীং অস্ত্রায়ফট্ || ১, ১৯৮. ১ ||
পূর্বে কামরূপায় অসিতাঙ্গায় ভৈরবায় নমো ব্রহ্মাণ্যৈ |
দক্ষিণে চৈ কন্দায় বৈ নমঃ রুরুভৈবায় মাহেশ্বর্যা বা আবাহয়েৎ || ১, ১৯৮. ২ ||
তথা পশ্চিমে চণ্ডায় বৈ নমঃ |
কৌমার্যৈ চোত্তরে চোল্কায় ক্রোধায় নমঃ বৈষ্ণব্যৈ || ১, ১৯৮. ৩ ||
অগ্নিকোণে অঘোরায়োন্মত্তভৈরবায়েতি বারাহ্যৈ |
রক্ষঃ কোণে সারায় কপালিনে ভৈরবায় মাহের্ন্দ্যৈ || ১, ১৯৮. ৪ ||
বায়ুকোণে জালন্ধরায় ভীষণায় ভৈরবায় চামুণ্ডায়ৈ |
ঈশকোণকে বটুকায় সংহারঞ্চণ্ডিকাঞ্চ প্রপূজয়েৎ || ১, ১৯৮. ৫ ||
রতিপ্রীতিকামদেবান্পঞ্চবাণান্যজেদথ |
ধ্যানার্চনাজ্জপ্যহোমাদ্দেবী সিদ্ধা চ সর্বদা || ১, ১৯৮. ৬ ||
নিত্যা চ ত্রিপুরা ব্যাধিং হন্যাজ্জ্বালামুখীক্রমাৎ |
জ্বালামুখীক্রমং বক্ষ্যে সা পূজ্যা মধ্যতঃ শুভা || ১, ১৯৮. ৭ ||
নিত্যারুণা মদনাতুরা মহামোহা প্রকৃত্যপি |
মহেন্দ্রাণী চ কলনাকর্ষিণী ভারতী তথা || ১, ১৯৮. ৮ ||
ব্রহ্মাণী চৈব মাহেশী কৌমারী বৈষ্ণবী তথা |
বারাহী চৈব মাহেন্দ্রী চামুণ্ডা চাপরাজিতা || ১, ১৯৮. ৯ ||
বিজয়া চাজিতা চৈবমোহিনী ৎবরিতা তথা |
স্তম্ভিনী জৃম্ভিণী পূজ্যা কালিকা পদ্মবাহ্যতঃ |
জ্বালামুখীক্রমং চার্চেদ্বিষাদিহরণং ভবেৎ || ১, ১৯৮. ১০ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
অষ্টনবত্যধিকশততমোধ্যায়ঃ

শ্রীগরুডমহাপুরাণম্-১৯৯
ভৈরব উবাচ |
অথ চূডামণিং বক্ষ্যে শুভাশুভবিশুদ্ধয়ে |
সূর্যং দেবীং গণং সোম স্মৃৎবা তু বিলিখেন্নরঃ || ১, ১৯৯. ১ ||
ত্রিরেখা গোমূর্ত্রিকাভা অথবা প্রশ্রবাক্যতঃ |
দিশস্থানপ্রসূতো বা ধ্বজাদীন্গণয়েৎক্রমাৎ || ১, ১৯৯. ২ ||
ধ্বজো ধূমোঽথ সিংহশ্চ শ্বা বৃষঃ খরদন্তিনৌ |
ধ্বাঙ্ক্ষশ্চ অষ্টমো জ্ঞেয়ো নাম মন্ত্রৈশ্চ তান্ন্যসেৎ || ১, ১৯৯. ৩ ||
ধ্বজস্থানে ধ্বজং দৃষ্ট্বা রাজ্যচিন্তাধনাদিকম্ |
ধ্বজস্থানে স্থিতো ধূম্রো ধাতুচিন্তা চ লাভকৃৎ || ১, ১৯৯. ৪ ||
ধ্বজস্থানে স্থিতে সিংহে ধনলাভাদিকং ভবেৎ |
স্থিতে শুনিধ্বজস্থানে দাসীচিন্তাসুখাদিকম্ || ১, ১৯৯. ৫ ||
ধ্বজস্থানে বৃষং দৃষ্ট্বা স্থানচিন্তা চ লাভকম্ |
ধ্বজস্থানে খরং দৃষ্ট্বা দুঃখক্লেশাদিকং ভবেৎ || ১, ১৯৯. ৬ ||
ধ্বজস্থানে গজং দৃষ্ট্বা স্থানচিন্তাজয়াদিকম্ |
ধ্বজস্থানে তথা ধ্বাঙ্ক্ষে ক্লেশচিন্তা ধনক্ষয়ঃ || ১, ১৯৯. ৭ ||
ধূম্রস্থানে ধ্বজং দৃষ্ট্বা পূর্বং দুঃখং ততো ধনম্ |
ধূম্রে ধূম্রং তথা দৃষ্ট্বা কলিদুঃখাদিকং ভবেৎ || ১, ১৯৯. ৮ ||
ধূম্রস্থানে স্থিতে সিংহে মনশ্চিন্তাধনাদিকম্ |
ধূম্রস্থানে শুনি স্থিতে জয়লাভাদিকং ভবেৎ || ১, ১৯৯. ৯ ||
ধূম্রস্থানে বৃষং দৃষ্ট্বা নারীগোঽশ্বধনাদিকম্ |
ধূম্রস্থানে খরং দৃষ্ট্বা ব্যাধিশ্চাপি ধনক্ষয়ঃ || ১, ১৯৯. ১০ ||
ধূম্রস্থানে গজে দৃষ্টে রাজ্যলাভজয়াদিকম্ |
ধূম্রস্থানে স্থিতে ধ্বাঙ্ক্ষে ধনরাজ্যবিনাশনম্ || ১, ১৯৯. ১১ ||
সিংহস্থানে ধ্বজং দৃষ্ট্বা রাজ্যলাভাদি নির্দিশেৎ |
সিংহস্থানে স্থিতে ধূম্রে কন্যাপ্রাপ্তির্ধনাদিকম্ || ১, ১৯৯. ১২ ||
সিংহস্থানে স্থিতে সিংহে জয়ো মিত্রসমাগমঃ |
কৌলেয়কে সিংহগতে স্ত্রীচিন্তা গ্রামলাভকম্ || ১, ১৯৯. ১৩ ||
সিংহ স্থানে বৃষং দৃষ্ট্বা গৃহক্ষেত্রার্থলাভকম্ |
সিংহস্থানে গজং দৃষ্ট্বা গ্রামস্বামিৎবমেব চ || ১, ১৯৯. ১৪ ||
সিংহস্থানে গজং দৃষ্ট্বা আরোগ্যায়ুঃ সুখাদিকম্ |
সিংহস্থানেস্থিতে ধ্বাঙ্ক্ষে কন্যাধান্যগুণাদিকম্ || ১, ১৯৯. ১৫ ||
শুনঃ স্থানে ধ্বজং দৃষ্ট্বা স্থানচিন্তাসুখাদিকম্ |
শুনঃ স্থানে স্থিতে ধূম্রে কলহং কার্যনাশনম্ || ১, ১৯৯. ১৬ ||
শুনঃ স্থান স্থিতে সিংহে কার্যাসিদ্ধির্ভবিষ্যতি |
স্থিতে শুনি শুনঃ স্থানে ধননাশো ভবিষ্যতি || ১, ১৯৯. ১৭ ||
শুনঃ স্থানে বৃষং দৃষ্ট্বা রোগী রোগাদ্বি মুচ্যতে |
শুনঃ স্থানে খরং দৃষ্ট্বা কলহস্য ভয়ং ভবেৎ || ১, ১৯৯. ১৮ ||
শুনঃ স্থানে গজং দৃষ্ট্বা পুত্রভার্যাসমাগমঃ |
শ্বস্থানে চ স্থিতে ধ্বাঙ্ক্ষে পীডাস্যাৎকুলনাশনম্ || ১, ১৯৯. ১৯ ||
বৃষস্থানে ধ্বজং দৃষ্ট্বা রাজপূজাসুখাদিকম্ |
বৃষস্থানে স্থিতে ধূম্রে রাজপূজাসুখাদিকম্ || ১, ১৯৯. ২০ ||
বৃষস্থানে স্থিতে সিংহে সৌভাগ্যঞ্চ ধনাদিকম্ |
স্থিতে শুনি বৃষস্থানে বলশ্রীকাম ঈরিতঃ || ১, ১৯৯. ২১ ||
বৃষস্থানে বৃষং দৃষ্ট্বা কীর্তিতুষ্টিসুখাদিকম্ |
বৃষস্থানে খরং দৃষ্ট্বা মহালাভাদিকং ভবেৎ || ১, ১৯৯. ২২ ||
বৃষস্থানে গজং দৃষ্ট্বা স্ত্রীগজাদিসমাগমঃ |
বৃষস্থানে স্থিতে ধ্বাঙ্ক্ষে স্থানমানসমাগমঃ || ১, ১৯৯. ২৩ ||
খরস্থানে ধ্বজং দৃষ্ট্বা রোগশোকাদিকং ভবেৎ |
খরস্থানে স্থিতে ধূম্রে তস্করাদিভয়ং ভবেৎ || ১, ১৯৯. ২৪ ||
খরস্থানে স্থিতে সিংহে পূজাশ্রীবিজয়াদিকম্ |
স্থিতে শুনিখরস্থানে সন্তাপধননাশনম্ || ১, ১৯৯. ২৫ ||
খরস্থানে বৃষং দৃষ্ট্বা সুখং প্রিয়সমাগমঃ |
খরস্থানে খরং দৃষ্ট্বা দুঃখীপীডাদি নির্দিশেৎ || ১, ১৯৯. ২৬ ||
খরস্থানে গজং দৃষ্ট্বা সুখপুত্ত্রাদিকং ভবেৎ |
খরস্থানে স্থিতে ধ্বাঙ্ক্ষে কলহো ব্যাধিরেব চ || ১, ১৯৯. ২৭ ||
গজস্থানে ধ্বজং দৃষ্ট্বা স্ত্রীজয়শ্রীসুখাদিকম্ |
গজস্থানেস্থিতে ধূম্রে ধনধান্যসমাগমঃ || ১, ১৯৯. ২৮ ||
গজস্থানে স্থিতে সিংহে জয়সিদ্ধিসমাগমঃ |
স্থিতে শুনি গজস্থানে আরোগ্যং সুখসম্পদঃ || ১, ১৯৯. ২৯ ||
গজস্থানে বৃষং দৃষ্ট্বা রাজমানধনাদিকম্ |
গজস্থানে খরং দৃষ্ট্বা পূর্বং দুঃখং ততঃ সুখম্ || ১, ১৯৯. ৩০ ||
গজস্থানে গজং দৃষ্ট্বা ক্ষেত্রধান্যসুখাদিকম্ |
গজস্থানেস্থিতে ধ্বাঙ্ক্ষে ধনধান্যসমাগমঃ || ১, ১৯৯. ৩১ ||
ধ্বাঙ্ক্ষস্থানে ধ্বজং দৃষ্ট্বা কার্যনাশো ভবিষ্যতি |
ধ্বাঙ্ক্ষস্থানে স্থিতে ধূম্রে কলিদুঃখং গমিষ্যতি || ১, ১৯৯. ৩২ ||
ধ্বাঙ্ক্ষস্থানে স্থিতে সিংহে বিগ্রহো দুঃখমেব চ |
ধ্বাঙ্ক্ষস্থানে স্থিতে শ্বানে গৃহভঙ্গভয়াদিকম্ || ১, ১৯৯. ৩৩ ||
ধ্বাঙ্ক্ষস্থানে বৃষং দৃষ্ট্বা স্থানভ্রংশভয়াদিকম্ |
ধ্বাঙ্ক্ষস্থানে খরং দৃষ্ট্বা ধননাশপরাজয়ৌ || ১, ১৯৯. ৩৪ ||
ধ্বাঙ্ক্ষস্থানে গজং দৃষ্ট্বা ধনকীর্ত্যাদিকং ভবেৎ |
ধ্বাঙ্ক্ষস্থানে স্থিতে ধ্বাঙ্ক্ষে বিদেশগমনাদিকম্ || ১, ১৯৯. ৩৫ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
নবনবত্যধিকশততমোঽধ্যায়ঃ

শ্রীগরুডমহাপুরাণম্-২০০
ভৈরব উবাচ |
বক্ষ্যে বায়ুজয়ং দেবি জয়া জয়বিদেশকম্ |
বায়্বগ্নিজলশক্রাখ্যং মঙ্গলানাঞ্চতুষ্টয়ম্ || ১, ২০০. ১ ||
বামদক্ষিণসংস্থশ্চ বায়ুশ্চ বহুলো ভবেৎ |
ঊর্ধ্ববাহী ভবেদগ্নিরধস্তু বরুণো ভবেৎ || ১, ২০০. ২ ||
মহেন্দ্রো মধ্যসংস্থস্তু শুক্লপক্ষে তু বামগঃ |
কৃষ্ণপক্ষে দক্ষিণগ উদয়স্য ত্র্যহন্ত্র্যহম্ || ১, ২০০. ৩ ||
বহেৎপ্রতিপদাদ্যে চ বিপরীতে ভবেন্নতিঃ |
উদয়ঃ সূর্যমার্গেণ চন্দ্রেণাস্তময়ো যদি || ১, ২০০. ৪ ||
বর্ধন্তে গুণসঙ্ঘাতা অন্যথা বিঘ্নমৌচিতম্ |
সঙ্ক্রান্ত্যঃ ষোডশপ্রোক্তা দিবা রাত্রৌ বরাননে || ১, ২০০. ৫ ||
যদা চ সঙ্ক্রমেদ্বায়ুরর্ধার্ধপ্রহরে স্থিতঃ |
স্বাস্থ্যাহানিস্তদা জ্ঞেয়া বায়ুর্ভ্রমতি দেহিষু || ১, ২০০. ৬ ||
দক্ষিণে চ পুটে বায়ুর্হিতো ভোজনমৈথুনে |
খড্গহস্তো জয়েদ্যুদ্ধে রিপূন্কামসমন্বিতঃ || ১, ২০০. ৭ ||
বামেব গমনং শ্রেষ্ঠং সর্বকার্যেষু ভূষিতম্ |
বায়ুর্বহতি তত্রস্থঃ প্রশ্রো ভূতস্য শোভনঃ || ১, ২০০. ৮ ||
মাহেন্দ্রে বারুণে বাতে কোঽপি দোষো ন জায়তে |
অনাবৃষ্টির্দক্ষবাহে বৃষ্টিঃ স্যাদ্বামবাহকে || ১, ২০০. ৯ ||

ইতি শ্রীগারুডে মহাপুরাণে পূর্বখণ্ডে প্রথমাংশাখ্যে আচারকাণ্ডে
দ্বিশততমোঽধ্যায়ঃ

Leave a Reply

Your email address will not be published. Required fields are marked *