সর্বশাস্ত্রার্থ অণু ভাষ্য

.. সর্বশাস্ত্রার্থ অণু ভাষ্য ( আনন্দতীর্থ) ..

সর্বশাস্ত্রার্থসংগ্রহঃ

.. শ্রী গুরুভ্যো নমঃ হরিঃ ॐ ..

ॐ বিষ্ণুরেব বিজিজ্ঞাস্যঃ সর্বকর্তাঽগমোদিতঃ .
সমন্বযাদীক্ষতেশ্চ পূর্ণানংদোঽংতরঃ খবত্ .. C. ..

প্রণেতা জ্যোতিরিত্যাদৈঃ প্রসিদ্ধৈরন্যবস্তুষু .
উচ্যতে বিষ্ণুরেবৈকঃ সর্বৈঃ সর্ব গুণত্ত্বতঃ .. C. ..

সর্বগোঽত্তা নিযংতা চ দৃশ্যত্ত্বাদুজ্ঝিতঃ সদা .
বিশ্বজীবাংতরত্ত্বাদৈর্লিঙ্গৈঃ সর্বৈর্যুতঃ স হি .. C. ..

সর্বাশ্রযঃ পূর্ণগুণঃ সোঽক্ষরঃ সন্ হৃদব্জগঃ .
সূর্যাদিভাসকঃ প্রাণপ্রেরকো দৈবতৈরপি .. C. ..

জ্ঞেযো ন বেদৈঃ শূদ্রাদৈঃ কন্দকোঽন্যশ্চ জীবতঃ .
পতিত্ত্বাদিগুণৈর্যুক্তঃ তদন্যত্র চ বাচকৈঃ .. C. ..

মুখ্যতঃ সর্বশব্দৈশ্চ বাচ্য একো জনার্দনঃ .
অব্যক্তঃ কর্মবাচ্যৈশ্চ বাচ্য একোঽমিতাত্মকঃ .. C. ..

অবান্তরং কারণং চ প্রকৃতিঃ শূন্যমেব চ .
ইত্যাদন্যত্র নিযতৈরপি মুখ্যতযোদিতঃ .
শব্দৈরতোঽনন্তগুণো যচ্ছব্দা যোগবৃত্তযঃ .. C. ..

.. ইতি প্রথমোঽধ্যাযঃ ..

.. অথ দ্বিতীযোঽধ্যাযঃ ..

ॐ শ্রৌতস্মৃতিবিরুদ্ধত্ত্বাত্ স্মৃতযো ন গুণান্হরেঃ .
নিষেদ্ধুং শক্নুযুর্বেদানিত্যত্বান্মানমুত্তমম্ .. C. ..

অসজ্জীবপ্রধানাদিশব্দাব্রহ্মৈব নাপরম্ .
বদন্তি কারণত্বেন ক্বাপি পূর্ণগুণো হরিঃ .. C. ..

স্বাতন্ত্র্যাত্সর্বকর্তৃত্ত্বান্নাযুক্তং তদ্ভবেচ্ছ্রুতিঃ .
ভ্রান্তিমূলতযা সর্ব সমযানামযুক্তিতঃ .. C. ..

ন তদ্বিরোধাদ্বচনং বৈদিকং শঙ্ক্যতাং ব্রজেত্ .
আকাশাদিসমস্তং চ তজ্জং তেনৈব লীযতে .. C. ..

সোঽনুত্পত্তিলযঃ কর্তা জীবঃ তদ্বশগঃ সদা .
তদাভাসো হরিঃ সর্ব রূপেষ্বপি সমঃ সদা .. C. ..

মুখ্যপ্রাণশ্চেন্দ্রিযাণি দেহশ্চৈব তদুদ্ভবাঃ .
মুখ্যপ্রাণবশে সর্বং স বিষ্ণোর্বশগঃ সদা .. C. ..

সর্ব দোশোজ্ঝিতঃ তস্মাদ্ ভগবান্ পুরুষোত্তমঃ .
উক্তা গুণাশ্চাবিরুদ্ধাস্তস্য বেদেষু সর্বথা .. C. ..

.. ইতি দ্বিতীযোঽধ্যাযঃ ..

.. অথ তৃতীযোঽধ্যাযঃ ..

ॐ শুভেন কর্মণা স্বর্গং নিরযং চ বিকর্মণা .
মিথ্যাজ্ঞানেন চ তমো জ্ঞানেনৈব পরং পদম্ .. C. ..

যাতি তস্মাদ্বিরক্তঃ সন্ জ্ঞানমেব সমাশ্রযেত্ .
সর্বাবস্থাপ্রেরকশ্চ সর্বরূপেষ্বভেদবান্ .. C. ..

সর্বদেশেষু কালেষু স একঃ পরমেশ্বরঃ .
তদ্ভক্তিস্তারতম্যেন তারতম্যং বিমুক্তিগম্ .. C. ..

সচ্চিদানন্দ আত্মেতি মানুষৈস্তু সুরেশ্বরৈঃ .
যথা ক্রমং বহুগুণৈর্ব্রহ্মণত্ত্বখিলৈর্গুণৈঃ .. C. ..

উপাস্যঃ সর্বদেবৈশ্চ সর্বৈরপি যথা বলম্ .
জ্ঞেযো বিষ্ণুর্বিশেষস্তু জ্ঞানে স্যাদুত্তরোত্তরং .. C. ..

সর্বেঽপি পুরুষার্থাস্যুঃ জ্ঞানাদেব ন সংশযঃ .
ন লিপ্যতে জ্ঞানাবংশ্চ সর্বদোষৈরপি ক্বচিত্ .. C. ..

গুণদোষৈঃ সুখস্যাপি বৃদ্ধি হ্রাসৌ বিমুক্তিগৌ .
নৄণাং সুরাণাং মুক্তৌ তু সুখং ক্লৃপ্তং যথাক্রমম্ .. C. ..

.. ইতি তৃতীযোঽধ্যাযঃ ..

.. অথ চতুর্থোঽধ্যাযঃ ..

ॐ বিষ্ণুর্ব্রহ্ম তথাঽদিত্যত্যেবং নিত্যমুপাসনম্ .
কার্যমাপদ্যপি ব্রহ্ম তেন যাত্যপরোক্ষতাম্ .. C. ..

প্রারব্ধকর্মণোঽন্যস্য জ্ঞানাদেব পরিক্ষযঃ .
অনিষ্টস্যোঽভযস্যাপি সর্বস্যান্যস্য ভোগতঃ .. C. ..

উত্তরেষোত্তরেষ্বেবং যাবদ্বাযুং বিমুক্তিগাঃ .
প্রবিশ্য ভুঞ্জতে ভোগাংস্তদন্তর্বহিরেব বা .. C. ..

বাযুর্বিষ্ণুং প্রবিশ্যৈব ভোগশ্চৈবোত্তরোত্তরম্ .
উত্ক্রম্য মানুষা মুক্তিং যান্তি দেহক্ষযাত্সুরাঃ .. C. ..

অর্চিরাদি পঠা বাযুং প্রাপ্য তেন জনার্দনম্ .
যান্ত্যুত্তমা নরোচ্চাদ্যা ব্রহ্মলোকাত্সহাঽমুনা .. C. ..

যথাসঙ্কল্পভোগাশ্চ চিদানন্দ শরীরিণঃ .
জগত্সৃষ্ট্যাদিবিশযং মহাসামর্থ্য মপ্যৃতে .. C. ..

যথেষ্টশক্তিমংতশ্চ বিনা স্বাভাবিকোত্তমান্ .
অনন্যবশগাশ্চৈব বৃদ্ধিহ্রাস বিবর্জিতাঃ .
দুঃখাদিরহিতং নিত্যং মোদংতেঽবিরতং সুখম্ .. C. ..

পূর্ণপ্রজ্ঞেন মুনিনা সর্বশাস্ত্রার্থসংগ্রহঃ .
কৃতোঽযং প্রীযতাং তেন পরমাত্মা রমাপতিঃ .. C. ..

নমো নমোঽশেষদোষদূর পূর্ণগুণাত্মনে .
বিরিঞ্চিশর্বপূর্বেড্য বংদ্যায শ্রীবরায তে .. C. ..

.. ইতি চতুর্থোঽধ্যাযঃ ..

ইতি শ্রীমদানংদতীর্থভগবত্পাদাচার্যবিরচিতং
ব্রহ্মসূত্রাণুভাষ্যং সম্পূর্ণম্

.. ভারতীরমণমুখ্যপ্রাণংতর্গত শ্রীকৃষ্ণার্পণমস্তু ..

Leave a Reply

Your email address will not be published. Required fields are marked *