গোরক্ষশতকম্ ২

 || গোরক্ষশতকম্ ২ ||

শ্রীগুরুং পরমানন্দং বন্দে স্বানন্দবিগ্রহম্ |
যস্য সন্নিধ্যমাত্রেণ চিদানন্দায়তে তনুঃ || ১||
অন্তর্নিশ্চলিতাত্মদীপকলিকাস্বাধারবন্ধাদিভিঃ
যো যোগী যুগকল্পকালকলনাৎ ৎবং জজেগীয়তে |
জ্ঞানামোদমহোদধিঃ সমভবদ্যত্রাদিনাথঃ স্বয়ং
ব্যক্তাব্যক্তগুণাধিকং তমনিশং শ্রীমীননাথং ভজে || ২||
নমস্কৃত্য গুরুং ভক্ত্যা গোরক্ষো জ্ঞানমুত্তমম্ |
অভীষ্টং যোগিনাং ব্রূতে পরমানন্দকারকম্ || ৩||
গোরক্ষঃ শতকং বক্তি যোগিনাং হিতকাম্যয়া |
ধ্রুবং যস্যাববোধেন জায়তে পরমং পদম্ || ৪||
এতদ্বিমুক্তিসোপানমেতৎ কালস্য বঞ্চনম্ |
যদ্ব্যাবৃত্তং মনো মোহাদ্ আসক্তং পরমাত্মনি || ৫||
দ্বিজসেবিতশাখস্য শ্রুতিকল্পতরোঃ ফলম্ |
শমনং ভবতাপস্য যোগং ভজতি সজ্জনঃ || ৬||
আসনং প্রাণসংযামঃ প্রত্যাহারোঽথ ধারণা |
ধ্যানং সমাধিরেতানি যোগাঙ্গানি ভবন্তি ষট্ || ৭||
আসনানি তু তাবন্তি যাবত্যো জীবজাতয়ঃ |
এতেষামখিলান্ভেদান্বিজানাতি মহেশ্বরঃ || ৮||
চতুরাশীতিলক্ষাণাং একমেকমুদাহৃতম্ |
ততঃ শিবেন পীঠানাং ষোডেশানং শতং কৃতম্ || ৯||
আসনেভ্যঃ সমস্তেভ্যো দ্বয়মেব বিশিষ্যতে |
একং সিদ্ধাসনং প্রোক্তং দ্বিতীয়ং কমলাসনম্ || ১০||

যোনিস্থানকমঙ্ঘ্রিমূলঘটিতং কৃৎবা দৃঢং বিন্যসে
ন্মেঢ্রে পাদমথৈকমেব নিয়তং কৃৎবা সমং বিগ্রহম্ |
স্থাণুঃ সংযমিতেন্দ্রিয়োঽচলদৃশা পশ্যন্ ভ্রুবোরন্তরম্
এতন্ মোক্ষকবাটভেদজনকং সিদ্ধাসনং প্রোচ্যতে || ১১||

বামোরূপরি দক্ষিণং হি চরণং সংস্থাপ্য বামং তথা
দক্ষোরূপরি পশ্চিমেন বিধিনা ধৃৎবা করাভ্যাং দৃঢম্ |
অঙ্গুষ্ঠৌ হৃদয়ে নিধায় চিবুকং নাসাগ্রমালোকয়ে
দেতদ্ব্যাধিবিকারহারি যমিনাং পদ্মাসনং প্রোচ্যতে || ১২||

ষট্চক্রং ষোডশাধারং ত্রিলক্ষং ব্যোমপঞ্চকম্ |
স্বদেহে যে ন জানন্তি কথং সিধ্যন্তি যোগিনঃ || ১৩||
একস্তম্ভং নবদ্বারং গৃহং পঞ্চাধিদৈবতম্ |
স্বদেহং যে ন জানন্তি কথং সিধ্যন্তি যোগিনঃ || ১৪||
চতুর্দলং স্যাদাধারঃ স্বাধিষ্ঠানং চ ষট্দলম্ |
নাভৌ দশদলং পদ্মং সূর্যসঙ্খ্যদলং হৃদি || ১৫||
কণ্ঠে স্যাৎ ষোডশদলং ভ্রূমধ্যে দ্বিদলং তথা |
সহস্রদলমাখ্যাতং ব্রহ্মরন্ধ্রে মহাপথে || ১৬||
আধারঃ প্রথমং চক্রং স্বাধিষ্ঠানং দ্বিতীয়কম্ |
যোনিস্থানং দ্বয়োর্মধ্যে কামরূপং নিগদ্যতে || ১৭||
আধারাখ্যং গুদস্থানং পঙ্কজং চ চতুর্দলম্ |
তন্মধ্যে প্রোচ্যতে যোনিঃ কামাক্ষা সিদ্ধবন্দিতা || ১৮||
যোনিমধ্যে মহালিঙ্গং পশ্চিমাভিমুখং স্থিতম্ |
মস্তকে মণিবদ্বিম্বং যো জানাতি স যোগবিৎ || ১৯||
তপ্তচামীকরাভাসং তডিল্লেখেব বিস্ফুরৎ |
ত্রিকোণং তৎপুরং বহ্নেরধোমেঢ্রাৎ প্রতিষ্ঠিতম্ || ২০||
যৎসমাধৌ পরং জ্যোতিরনন্তং বিশ্বতোমুখম্ |
তস্মিন্ দৃষ্টে মহায়োগে যাতায়াতং ন বিদ্যতে || ২১||
স্বশব্দেন ভবেৎ প্রাণঃ স্বাধিষ্ঠানং তদাশ্রয়ঃ |
স্বাধিষ্ঠানাৎ পদাদস্মান্মেঢ্রমেবাভিধীয়তে || ২২||
তন্তুনা মণিবৎ প্রোতো যত্র কন্দঃ সুষুম্ণয়া |
তন্নাভিমণ্ডলং চক্রং প্রোচ্যতে মণিপূরকম্ || ২৩||
দ্বাদশারে মহাচক্রে পুণ্যপাপবিবর্জিতে |
তাবজ্ জীবো ভ্রমত্যেব যাবৎ তত্ত্বং ন বিন্দতি || ২৪||
ঊর্ধ্বং মেঢ্রাদ্ অধো নাভেঃ কন্দয়োনিঃ খগাণ্ডবৎ |
তত্র নাড্যঃ সমুৎপন্নাঃ সহস্রাণাং দ্বিসপ্ততিঃ || ২৫||
তেষু নাডিসহস্রেষু দ্বিসপ্ততিরুদাহৃতাঃ |
প্রধানং প্রাণবাহিন্যো ভূয়স্তত্র দশ স্মৃতাঃ || ২৬||
ইডা চ পিঙ্গলা চৈব সুষুম্ণা চ তৃতীয়কা |
গান্ধারী হস্তিজিহ্বা চ পূষা চৈব যশস্বিনী || ২৭||
অলম্বুষা কুহূশ্ চৈব শঙ্খিনী দশমী স্মৃতা |
এতন্ নাডিময়ং চক্রং জ্ঞাতব্যং যোগিভিঃ সদা || ২৮||
ইডা বামে স্থিতা ভাগে পিঙ্গলা দক্ষিণে তথা |
সুষুম্ণা মধ্যদেশে তু গান্ধারী বামচক্ষুষি || ২৯||
দক্ষিণে হস্তিজিহ্বা চ পূষা কর্ণে চ দক্ষিণে |
যশস্বিনী বামকর্ণে চাসনে বাপ্যলম্বুষা || ৩০||
কুহূশ্চ লিঙ্গদেশে তু মূলস্থানে চ শঙ্খিনী |
এবং দ্বারমুপাশ্রিত্য তিষ্ঠন্তি দশনাডিকাঃ || ৩১||
ইডাপিঙ্গলাসুষুম্ণা চ তিস্রো নাড্যুদাহৃতাঃ |
সততং প্রাণবাহিন্যঃ সোমসূর্যাগ্নিদেবতাঃ || ৩২||
প্রাণোঽপানঃ সমানশ্ চোদানো ব্যানৌ চ বায়বঃ |
নাগঃ কূর্মোঽথ কৃকরো দেবদত্তো ধনঞ্জয়ঃ || ৩৩||
হৃদি প্রাণো বসেন্ নিত্যং অপানো গুদমণ্ডলে |
সমানো নাভিদেশে স্যাদুদানঃ কণ্ঠমধ্যগঃ || ৩৪||
উদ্গারে নাগাখ্যাতঃ কূর্ম উন্মীলনে স্মৃতঃ |
কৃকরঃ ক্ষুতকৃজ্জ্ঞেয়ো দেবদত্তো বিজৃম্ভণে || ৩৫||
ন জহাতি মৃতং চাপি সর্বব্যাপি ধনঞ্জয়ঃ |
এতে সর্বাসু নাডীষু ভ্রমন্তে জীবরূপিণঃ || ৩৬||
আক্ষিপ্তো ভুজদণ্ডেন যথোচ্চলতি কন্দুকঃ |
প্রাণাপানসমাক্ষিপ্তস্তথা জীবো ন তিষ্ঠতি || ৩৮||
প্রাণাপানবশো জীবো হ্যধশ্ চোর্ধ্বং চ ধাবতি |
বামদক্ষিণমার্গেণ চঞ্চলৎবান্ ন দৃশ্যতে || ৩৯||
রজ্জুবদ্ধো যথা শ্যেনো গতোঽপ্যাকৃষ্যতে |
গুণবদ্ধস্তথা জীবঃ প্রাণাপানেন কৃষ্যতে || ৪০||
অপানঃ কর্ষতি প্রাণঃ প্রাণোঽপানং চ কর্ষতি |
ঊর্ধ্বাধঃ সংস্থিতাবেতৌ সংযোজয়তি যোগবিৎ || ৪১||
হকারেণ বহির্যাতি সকারেণ বিশেৎপুনঃ |
হংসহংসেত্যমুম মন্ত্রং জীবো জপতি সর্বদা || ৪২||
ষট্শতানিৎবহোরাত্রে সহস্রাণ্যেকবিংশতিঃ |
এতৎসঙ্খ্যান্বিতং মন্ত্র জীবো জপতি সর্বদা || ৪৩||
অজপা নাম গায়ত্রী যোগিনাং মোক্ষদায়িনী |
অস্যাঃ সঙ্কল্পমাত্রেণ সর্বপাপৈঃ প্রমুচ্যতে || ৪৪||
অনয়া সদৃশী বিদ্যা অনয়া সদৃশো জপঃ |
অনয়া সদৃশং জ্ঞানং ন ভূতং ন ভবিষ্যতি || ৪৫||
কুন্দলিন্যাঃ সমুদ্ভূতা গায়ত্রী প্রাণধারিণী |
প্রাণবিদ্যা মহাবিদ্যা যস্তাং বেত্তি স যোগবিৎ || ৪৬||
কন্দোর্ধ্বং কুণ্ডলী শক্তিরষ্টধা কুণ্ডলাকৃতি |
ব্রহ্মদ্বারমুখং নিত্যং মুখেনাচ্ছাদ্য তিষ্ঠতি || ৪৭||
যেন দ্বারেণ গন্তব্যং ব্রহ্মস্থানমনাময়ম্ |
মুখেনাচ্ছাদ্য তদ্দ্বারং প্রসুপ্তা পরমেশ্বরী || ৪৮||
প্রবুদ্ধা বহ্নিয়োগেন মনসা মারুতা হতা |
সূচীবদ্ গুণমাদায় ব্রজত্যূর্ধ্বং সুষুম্ণয়া || ৪৯||
প্রস্ফুরদ্ভুজগাকারা পদ্মতন্তুনিভা শুভা |
প্রবুদ্ধা বহ্নিয়োগেন ব্রজতি ঊর্ধ্বং সুষুম্ণয়া || ৫০||
উদ্ঘটয়েৎকপাতং তু যথা কুঞ্চিকয়া হঠাৎ |
কুণ্ডলিন্যা তথা যোগী মোক্ষদ্বারং প্রভেদয়েৎ || ৫১||

কৃৎবা সম্পুটিতৌ করৌ দৃঢতরং বদ্ধবাতু পদ্মাসনং
গাঢং বক্ষসি সন্নিধায় চিবুকং ধ্যাৎবা তৎপ্রেক্ষিতম্ |
বারং বারমপানমূর্ধ্বমনিলং প্রোচ্চারয়েৎপূরিতং
মুঞ্চন্প্রাণমুপৈতি বোধমতুলং শক্তিপ্রবোধান্নরঃ || ৫২||

অঙ্গানাং মর্দনং কুর্যাচ্ছ্রমজাতেন বারিণা |
কট্বাম্ললবণত্যাগী ক্ষীরভোজনমাচরেৎ || ৫৩||
ব্রহ্মচারী মিতাহারী ত্যাগী যোগপরায়ণঃ |
অব্দাদুর্ধ্বং ভবেৎসিদ্ধো নাত্র কার্যা বিচারণা || ৫৪||
সুস্নিগ্ধং মধুরাহারং চতুর্থাংশবিবর্জিতম্ |
ভুজ্যতে সুরসম্প্রীত্যৈ মিতাহারঃ স উচ্যতে || ৫৫||
কন্দোর্ধ্বং কুণ্ডলী শক্তিরষ্টধা কুণ্ডলাকৃতিঃ |
বন্ধনায় চ মূঢানাং যোগিনাং মোক্ষদা স্মৃতা || ৫৬||
মহামুদ্রাং নমোমুদ্রামুড্ডিয়ানং জলন্ধরম্ |
মূলবন্ধং চ যো বেত্তি স যোগী সিদ্ধিভাজনম্ || ৫৭||
শোধনং নাডিজালস্য চালনং চন্দ্রসূর্যয়োঃ |
রসানাং শোষণং চৈব মহামুদ্রাভিধীয়তে || ৫৮||

বক্ষোন্যস্তহনুর্নিপীড্য সুচিরং যোনিং চ বামাঙ্ঘ্রিণা
হস্তাভ্যামবধারিতং প্রসরিতং পাদং তথা দক্ষিণম্ |
আপূর্য শ্বসনেন কুক্ষিয়ুগলং বদ্ধ্বা শনৈ রেচয়েদ্
এষা পাতকনাশিনী সুমহতী মুদ্রা নৄণাং প্রোচ্যতে || ৫৯||

চন্দ্রাঙ্গেন সমভ্যস্য সূর্যাঙ্গেনাভ্যসেৎ পুনঃ |
যাবৎ তুল্যা ভবেৎসঙ্খ্যা ততো মুদ্রাং বিসর্জয়েৎ || ৬০||
ন হি পথ্যমপথ্যং বা রসাঃ সর্বেঽপি নীরসাঃ |
অপি মুক্তং বিষং ঘোরং পীয়ূষমপি জীর্যতে || ৬১||
ক্ষয়কুষ্ঠগুদাবর্তগুল্মাজীর্ণপুরোগমাঃ |
রোগাস্তস্য ক্ষয়ং যান্তি মহামুদ্রাং তু যোঽভ্যসেৎ || ৬২||
কথিতেয়ং মহামুদ্রা মহাসিদ্ধিকরা নৄণাম্ |
গোপনীয়া প্রয়ত্নেন ন দেয়া যস্য কস্যচিৎ || ৬৩||
কপালকুহরে জিহ্বা প্রবিষ্টা বিপরীতগা |
ভ্রুবোরন্তর্গতা দৃষ্টির্মুদ্রা ভবতি খেচরী || ৬৪||
ন রোগো মরণং তন্দ্রা ন নিদ্রা ন ক্ষুধা তৃষা |
ন চ মূর্চ্ছা ভবেত্তস্য যো মুদ্রাং বেত্তি খেচরীম্ || ৬৫||
পীড্যতে ন স রোগেণ লিপ্যতে ন চ কর্মণা |
বাধ্যতে ন স কালেন যো মুদ্রাং বেত্তি খেচরীম্ || ৬৬||
চিত্তং চরতি খে যস্মাজ্জিহ্বা চরতি খে গতা |
তেনৈষা খেচরী নাম মুদ্রা সিদ্ধৈর্নিরূপিতা || ৬৭||
বিন্দুমূলং শরীরং তু শিরাস্তত্র প্রতিষ্ঠিতাঃ |
ভাবয়ন্তি শরীরং যা আপাদতলমস্তকম্ || ৬৮||
খেচর্যা মুদ্রিতং যেন বিবরং লম্বিকোর্ধ্বতঃ |
ন তস্য ক্ষরতে বিন্দুঃ কামিন্যালিঙ্গিতস্য চ || ৬৯||
যাবদ্বিন্দুঃ স্থিতো দেহে তাবৎকালভয়ং কুতঃ |
যাবদ্বদ্ধা নভোমুদ্রা তাবদ্বিন্দুর্ন গচ্ছতি || ৭০||
চলিতোঽপি যদা বিন্দুঃ সম্প্রাপ্তশ্চ হুতাশনম্ |
ব্রজত্যূর্ধ্বং হৃতঃ শক্ত্যা নিরুদ্ধো যোনিমুদ্রয়া || ৭১||
স পুনর্দ্বিবিধো বিন্দুঃ পণ্ডুরো লোহিতস্তথা |
পাণ্ডুরং শুক্রমিত্যাহুর্লোহিতং তু মহারাজঃ || ৭২||
সিন্দূরদ্রবসঙ্কাশং রবিস্থানে স্থিতং রজঃ |
শশিস্থানে স্থিতো বিন্দুস্তয়োরৈক্যং সুদুর্লভম্ || ৭৩||
বিন্দুঃ শিবো রজঃ শক্তির্বিন্দুমিন্দূ রজো রবিঃ |
উভয়োঃ সঙ্গমাদেব প্রাপ্যতে পরমং পদম্ || ৭৪||
বায়ুনা শক্তিচারেণ প্রেরিতং তু মহারজঃ |
বিন্দুনৈতি সহৈকৎবং ভবেদ্দিব্যং বপুস্তদা || ৭৫||
শুক্রং চন্দ্রেণ সংযুক্তং রজঃ সূর্যেণ সংযুতম্ |
তয়োঃ সমরসৈকৎবং যোজানাতি স যোগবিৎ || ৭৬||
উড্ডীনং কুরুতে যস্মাদবিশ্রান্তং মহাখগঃ |
উড্ডীয়ানং তদেব স্যাত্তব বন্ধোঽভিধীয়তে || ৭৭||
উদরাৎপশ্চিমে ভাগে হ্যধো নাভের্নিগদ্যতে |
উড্ডীয়ানস্য বন্ধোঽযং তত্র বন্ধো বিধীয়তে || ৭৮||
বধ্নাতি হি সিরাজালমধোগামি শিরোজলম্ |
ততো জালন্ধরো বন্ধঃ কণ্ঠদুঃখৌঘনাশনঃ || ৭৯||
জালন্ধরে কৃতে বন্ধে কণ্ঠসংকোচলক্ষণে |
পীয়ূষং ন পতত্যগ্নৌ ন চ বায়ুঃ প্রকুপ্যতি || ৮০||
পার্ষ্ণিভাগেন সম্পীড্য যোনিমাকুঞ্চয়েদ্গুদম্ |
অপানমূর্ধ্বমাকৃষ্য মূলবন্ধোঽভিধীয়তে || ৮১||
অপানপ্রাণয়োরৈক্যাৎ ক্ষয়ান্মূত্রপুরীষয়োঃ |
যুবা ভবতি বৃদ্ধোঽপি সততং মূলবন্ধনাৎ || ৮২||
পদ্মাসনং সমারুহ্য সমকায়শিরোধরঃ |
নাসাগ্রদৃষ্টিরেকান্তে জপেদোঙ্কারমব্যয়ম্ || ৮৩||
ভূর্ভুবঃ স্বরিমে লোকাঃ সোমসূর্যাগ্নিদেবতাঃ |
যস্যা মাত্রাসু তিষ্ঠন্তি তৎপরং জ্যোতিরোমিতি || ৮৪||
ত্রয়ঃকালাস্ত্রয়ো বেদাস্ত্রয়ো লোকাস্ত্রয়ঃ স্বেরাঃ |
ত্রয়োদেবাঃ স্থিতা যত্র তৎপরং জ্যোতিরোমিতি || ৮৫||
ক্রিয়া চেচ্ছা তথা জ্ঞানাব্রাহ্মীরৌদ্রীশ্চ বৈষ্ণবী |
ত্রিধাশক্তিঃ স্থিতা যত্র তৎপরং জ্যোতিরোমিতি || ৮৬||
আকারাশ্চ তথোকারোমকারো বিন্দুসংজ্ঞকঃ |
তিস্রোমাত্রাঃ স্থিতা যত্র তৎপরং জ্যোতিরোমিতি || ৮৭||
বচসা তজ্জয়েদ্বীজং বপুষা তৎসমভ্যসেৎ |
মনসা তৎস্মরেন্নিত্যং তৎপরং জ্যোতিরোমিতি || ৮৮||
শুচির্বাপ্যশুচির্বাপি যো জপেৎপ্রণবং সদা |
লিপ্যতে ন স পাপেন পদ্মপত্রমিবাম্ভসা || ৮৯||
চলে বাতে চলো বিন্দুর্নিশ্চলে নিশ্চলো ভবেৎ |
যোগী স্থাণুৎবমাপ্নোতি ততো বায়ুং নিরোধয়েৎ || ৯০||
যাবদ্বায়ুঃ স্থিতো দেহে তাবজ্জীবনমুচ্যতে |
মরণং তস্য নিষ্ক্রান্তিস্ততো বায়ুং নিরোধয়েৎ || ৯১||
যাবদ্বদ্ধো মরুদ্দেহে যাবচ্চিত্তং নিরাকুলম্ |
যাবদ্দৃষ্টির্ভ্রুবোর্মধ্যে তাবৎকালভয়ং কুতঃ || ৯২||
অতঃ কালভয়াদ্ ব্রহ্মা প্রাণায়ামপরায়ণঃ |
যোগিনো মুনয়শ্চৈব ততো বায়ুং নিরোধয়েৎ || ৯৩||
ষট্ত্রিংশদঙ্গুলোহংসঃ প্রয়াণং কুরুতে বহিঃ |
বামদক্ষিণমার্গেণ ততঃ প্রাণোঽভিধীয়তে || ৯৪||
শুদ্ধিমেতি যদা সর্বং নাডীচক্রং মলাকুলম্ |
তদৈব জায়তে যোগী প্রাণসংগ্রহণে ক্ষমঃ || ৯৫||
বদ্ধপদ্মাসনো যোগী প্রাণং চন্দ্রেণ পূরয়েৎ |
ধারয়িৎবা যথাশক্তি ভূয়ঃ সূর্যেণ রেচয়েৎ || ৯৬||
অমৃতং দধিসঙ্কাশং গোক্ষীররজতোপমম্ |
ধ্যাৎবা চন্দ্রমসো বিম্বং প্রাণায়ামী সুখী ভবেৎ || ৯৭||
দক্ষিণো শ্বাসমাকৃষ্য পূরয়েদুদরং শনৈঃ |
কুম্ভয়িৎবা বিধানেন পুরশ্চন্দ্রেণ রেচয়েৎ || ৯৮||
প্রজ্বলজ্জ্বলনজ্বালাপুঞ্জমাদিত্যমণ্ডলম্ |
ধ্যাৎবা নাভিস্থিতং যোগী প্রাণায়ামে সুখী ভবেৎ || ৯৯||
প্রাণং চোদিডয়া পিবেন্পরিমিতং ভূয়োঽন্যয়া রেচয়েৎ
পীৎবা পিঙ্গলয়া সমীরণমথো বদ্ধ্বা ত্যজেদ্বাময়া |
সূর্যচন্দ্রমসোরনেন বিধিনা বিম্বদ্বয়ং ধ্যায়তঃ
শুদ্ধা নাডিগণা ভবন্তি যমিনো মাসত্রয়াদূর্ধ্বতঃ || ১০০||
যথেষ্ঠং ধারণং বায়োরনলস্য প্রদীপনম্ |
নাদাভিব্যক্তিরারোগ্যং জায়তে নাডিশোধনাৎ || ১০১||

|| ইতি শ্রী গোরক্ষনাথপ্রণীতঃ গোরক্ষশতকং সম্পূর্ণম্ ||

Leave a Reply

Your email address will not be published. Required fields are marked *