আদ্যংত শ্লোকাণি

.. আদ্যংত শ্লোকাণি ..

.. শ্রী গীতাভাষ্যম্ ..

আদি
দেবংনারাযণং নত্বা সর্বদোষবিবর্জিতম্ .
পরিপূর্ণং গুরূংশ্চান্ গীতার্থং বক্ষ্যামি লেশতঃ .. ১..

অংত্য
পূর্ণাদোষমহাবিষ্ণোর্গীতামাশ্রিত্য লেশতঃ .
নিরূপণং কৃতং তেন প্রিযতাং মে সদা বিভুঃ .. ১..

.. শ্রী ব্রহ্মসূত্রভাষ্যম্ ..

আদি
নারাযণং সর্বগুণৈরুদীর্ণং দোষবর্জিতম্ .
জ্ঞেযং গম্যং গুরূংশ্চাপি নত্ব সূত্রার্থমুচ্যতে .. ১..

অংত্য
জ্ঞানানংদাদিভিস্সর্বৈর্গুণৈঃ পূর্ণায বিষ্ণবে .
নমোস্তু গুরবে নিত্যং সর্বথাতিপ্রিযায মে .. ১..

যস্য ত্রীণ্যুদিতানি বেদবচনে রূপাণি দিব্যান্যলম্ .
বট্তদ্দর্শনমিত্থমেব নিহিতং দেবস্য ভর্গো মহত্ .
বাযোরামবচনোযং প্রথমকং পৃক্ষো দ্বিতীযং বপুঃ .
মধ্বোযত্তু তৃতীযকং কৃতমিদং ভাষ্যং হরৌ তেনহি .. ২..

নিত্যানংদো হরির্পূর্ণো নিত্যদা প্রিযতাং মম .
নমস্তস্মৈ নমস্তস্মৈ নমস্তস্মৈ চ বিষ্ণবে .. ৩..

.. শ্রীমদণুভাষ্যম্ ..

আদি
বিষ্ণুরেব বিজিজ্ঞাস্যঃ সর্বকতার্ঽঽগমোদিতঃ .
সমন্বযাদীক্ষতেশ্চ পূর্ণানংদোঽংতরঃ খবত্ .. ১..

অংত্য
নমো নমোঽশেষদোষদূর পূর্ণগুণাত্মনে .
বিরিঞ্চি শর্বপূর্বেড্যবংদ্যায শ্রীবরায তে .. ১..

.. শ্রীমদনুব্যাখ্যানম্ ..

আদি
নারাযণং নিখিলপূর্ণগুণৈকদেহং .
নির্দোষমাপ্যতমমপ্যখিলৈস্সুবাক্যৈঃ .
অস্যোদ্ভবাদিদমশেষবিশেষতোঽপি .
বংদ্যং সদা প্রিযতমং মম সন্নমামি .. ১..

তমেব শাস্ত্রপ্রভবং প্রণম্য জগদ্গুরূণাং গুরুমঞ্জসৈব .
বিশেষতোমে পরমাখ্যবিদ্যা ব্যাখ্যাং করোম্যন্বপি চাহমেব .. ২..

অংত্য
নিঃশেষদোষরহিত কল্যাণাখিলসদ্গুণ .
ভূতিস্বযংভুশর্বাদিবংদ্যং ত্বাং নৌমি মে প্রিযং .. ১..

.. শ্রীপ্রমাণলক্ষণম্ ..

আদি
অশেষগুরুমীশেশং নারাযণমনামযম্ .
সংপ্রণম্য প্রবক্ষ্যামি প্রমাণানাং স্বলক্ষণম্ .. ১..

অংত্য
অশেষমানমেযৈক সাক্ষিণেঽক্ষযমূর্তযে .
অজেশপুরুহূতেড্য নমো নারাযণায তে .. ১..

.. শ্রীকথালক্ষণম্ ..

আদি
নৃসিংহমাখিলাজ্ঞানতিমিরাশিশিরদ্যুতিং .
সংপ্রণম্য প্রবক্ষ্যামি কথালক্ষণমঞ্জস .. ১..

অংত্য
সদোদিতামিতজ্ঞানপূরবারিতহৃত্তমাঃ .
নরসিংহঃ প্রিযতমঃ প্রিযতাং পুরুষোত্তমঃ .. ১..

.. শ্রীউপাধিখণ্ডনম্ ..

আদি
নারাযণোঽগণ্যগুণনিত্যৈকনিলযাকৃতিঃ .
অশেষদোষরহিতঃ প্রিযতাং কমলালযঃ .. ১..

অংত্য
মাযাবাদতমোব্যাপ্তমিতি তত্ত্বদৃষা জগত্ .
ভাতং সর্বজ্ঞসূর্যেণ প্রীতযে শ্রীপদেস্সদা .. ১..

নমোঽমংদনিজানংদসুংদরসাংদ্রমূর্তযে .
ইংদিরাপতযে নিত্যানংদভোজনদাযিনে .. ২..

.. শ্রীমাযাবাদখণ্ডনম্ ..

আদি
নরসিংহোঽখিলাজ্ঞানমতধ্বাংতদিবাকরঃ .
জযত্যমিতসজ্জ্ঞান সুখশক্তিপযোনিধিঃ .. ১..

অংত্য
নাস্তিনারাযণ সমং ন ভূতো ন ভবিষ্যতি .
এতেন সত্যবাক্যেন সর্বার্থাংসাধযাম্যহম্ .. ১..

.. শ্রীমিথ্যাত্বানুমানধিখণ্ডনম্ ..

আদি
বিমতং মিথ্যা দৃশ্যত্বাদ্যদিত্থং তত্তথা যথা সংপ্রতিপন্নম্ .
ইত্যুক্তে জগতোঽভাবাদাশ্রযাসিদ্ধঃ পক্ষঃ .. ১..

অংত্য
যো দৃশ্যতে সদানংদনিত্যব্যক্তচিদাত্মনা .
নির্দোষাখিলকল্যাণগুণং বন্দে রমাপতিম্ .. ১..

.. শ্রীতত্ত্বসঙ্খ্যানম্ ..

আদি
স্বতংত্রমস্বতংত্রং চ দ্বিবিধং তত্ত্বমিষ্যতে .
স্বতংত্রোভগবান্বিষ্ণুঃ ভাবাভাবৌদ্বিধেতরত্ .. ১..

অংত্য
সৃষ্টিঃ স্থিতিঃ সংহৃতিশ্চ নিযমোঽজ্ঞানবোধনে .
বংধো মোক্ষঃ সুখং দুঃখমাবৃতির্জ্যোতিরেব চ .
বিষ্ণুনাস্য সমস্তস্য সমাসব্যাসযোগতঃ .. ১..

.. শ্রীতত্ত্ববিবেকঃ ..

আদি
স্বতংত্রং পরতংত্রং চ প্রমেযং দ্বিবিধং মতম্ .
স্বতংত্রোভগবান্বিষ্ণুঃ নির্দোষাখিলসদ্গুণঃ .. ১..

অংত্য
য যেতত্পরতন্ত্রং তু সর্বমেব হরেঃ সদা .
বশমিত্যেব জানাতি সংসারান্মুচ্যতে হি সঃ .. ১..

.. শ্রীতত্ত্বোদ্যোতম্ ..

আদি
সর্বত্রাখিল সচ্ছক্তিঃ স্বতংত্রোঽশেষদর্শনঃ .
নিত্যাতাদৃশচিচ্ছেত্যযংতেষ্টো নো রমাপতিঃ .. ১..

অংত্য
সত্যচিচেত্যপতযে মুক্তামুক্তোত্তমায তে .
নমোনারাযণাযার্যবৃংদবংদিতপদদ্বয .. ১..

জযত্যমিতপৌরুষঃ স্বজনতেষ্টচিংতামণিঃ .
অজেশমুখবংদিতো গুণগণার্ণবঃ শ্রীপতিঃ .. ২..

সর্বজ্ঞাসন্মুনীংদ্রোচ্চসন্মনঃ পঙ্কজাশ্রযঃ .
অজিতো জযতি শ্রীশো রমাবাহুলতাশ্রযঃ .. ৩..

.. শ্রীকর্মনির্ণযঃ ..

আদি
য ঈজ্যতে বিধীশানশক্রপূর্বৈমুখৈঃ সদা .
রমাপ্রণযিনে তস্মৈ সর্বযজ্ঞাভুজে নমঃ .. ১..

অংত্য
নমোনারাযণাযাজভব শক্রোষ্ণরুঙ্মুখৈঃ .
সদা বংদিতপাদায শ্রীপায প্রেযসেঽধিকম্ .. ১..

.. শ্রীবিষ্ণুতত্ত্ববিনির্ণযঃ ..

আদি
সদাগমৈক বিজ্ঞেযং সমতীতক্ষরাক্ষরম্ .
নারাযণং সদা বন্দে নির্দোষাশেষসদ্গুণম্ .. ১..

বিশেষণানি যানিহ কথিতানি সদুক্তিভিঃ .
সাধযিষ্যামি তান্যেব ক্রমাত্ সজ্জন সংবিদে .. ২..

অংত্য
স্বতংত্রাযাখিলেশায নির্দোষগুণরূপিণে .
প্রেযসে মে সুপূর্ণায নমো নারাযণায তে .. ১..

.. শ্রীঋগ্ভাষ্যম্ ..

আদি
নারাযণং নিখিলপূর্ণগুণার্ণমুচ্চ .
সূর্যামিত্তদ্যুতিমশেষনিরস্তদোষম্ .
সর্বেশ্বরং গুরুমজেশনুতং প্রণম্য .
বক্ষ্যাম্যৃগর্থমতিতুষ্টিকরং তদস্য .. ১..

অংত্য
উপপৃত্তঃ ক্ষত্রিযৈস্স আবেশেন জনার্দনঃ .
হন্তি শত্রূংশ্চ তৈর্দেবো ভযে চ স্বাশ্রযং দদৌ .. ১..

বর্তাঽভিগংতা তরুতা জেতা চাস্য ন হি ক্বচিত্ .
যুদ্ধং মহাধনং ত্বর্ভং প্রসিদ্ধং ধনমেব হি .. ২..

.. শ্রীঐতরেযভাষ্যম্ ..

আদি
নারাযণং নিখিলপূর্ণগুণৈকদেহম্ .
সর্বজ্ঞমচ্যুতমপেতসমস্তদোষম্ .
প্রাণস্য সর্বচিদচিদ্পরমেশ্বরস্য .
সাক্ষাদধীশ্বরমিযাং শরণং রমেশম্ .. ১..

মহাভূতিশ্শ্রুতিস্সৈশাং মহাভূতির্যতো হরিঃ .
বিশেষেণাত্র কথিতঃ সর্বজ্ঞাঃ শাশ্বতঃ প্রভুঃ .. ২..

অংত্য
পূর্ণাগণ্যগুণোদারধাম্নে নিত্যায বেদসে .
অমংদানংদসাংদ্রায প্রেযসে বিষ্ণবে নমঃ .. ১..

.. শ্রীতৈত্তিরীযভাষ্যম্ ..

আদি
সত্যং জ্ঞানমনংতমানংদং ব্রহ্ম সর্বশক্ত্যেকং .
সর্বৈদেবৈরীড্যং বিষ্ণ্বাখ্যং সর্বদৈমি সুপ্রেষ্ঠম্ .. ১..

অংত্য
পূর্ণগণ্যগুণোদারধাম্নে নিত্যায বেদসে .
অমংদানংদসাংদ্রায প্রেযসে বিষ্ণবে নমঃ .. ১..

.. শ্রীবৃহদারণ্যকভাষ্যম্ ..

আদি
প্রাণাদেরীশিতারং পরমুখনিধিং সর্বদোষব্যপেতম্ .
সর্বাংতস্থং সুপূর্ণং প্রকৃতি পতিমজং সর্ববাহ্যং সুনিত্যম্ .
সর্বজ্ঞং সর্বশক্তিং সুরমুনিমনুজাদ্যৈস্সদা সেব্যমানম্ .
বিষ্ণুং বন্দে সদাহং সকলজগদনাদ্যংতমানংদদং তম্ .. ১..

অংত্য
পূর্ণগণ্যগুণোদারধাম্নে নিত্যায বেধসে .
অমংদানংদসাংদ্রায প্রেযসে বিষ্ণবে নমঃ .. ১..

.. শ্রীঈশাবাস্যভাষ্যম্ ..

আদি
নিত্যানিত্য জগদ্ধাত্রে নিত্যায জ্ঞানমূর্তযে .
পূর্ণনংদায হরযে সর্বযজ্ঞভুজে নমঃ .. ১..

যস্মাদ্ব্রহ্মেন্দ্ররুদ্রদেবতানাং শ্রিযোপি চ .
জ্ঞানস্ফূর্তিস্সদা তস্মৈ হরযে গুরবে নমঃ .. ২..

অংত্য
পূর্ণশক্তিচিদানংদশ্রীতেজঃ স্পষ্টমূর্তযে .
মমাভ্যধিক মিত্রায নমো নারাযণায তে .. ১..

.. শ্রীকঠকভাষ্যম্ ..

আদি
নমো ভগবতে তস্মৈ সর্বতঃ পরমায তে .
সর্বপ্রাণিহৃদিস্থায বামনায নমো নমঃ .. ১..

অংত্য
নমো ভগবতে তস্মৈ বিষ্ণবে প্রভবিষ্ণবে .
যস্যাহমাপ্ত আপ্তেভ্যঃ যো মে আপ্ততমস্সদা .. ১..

.. শ্রীছান্দোগ্যভাষ্যম্ ..

আদি
অত্যুদ্রিক্ত বিদোষ সত্সুখ মহাজ্ঞানৈকতান্প্রভা .
সর্বপ্রাভবশক্তিভোগবলসত্সারাত্মদিব্যাকৃতিম্ .. ১..

সৃষ্টিস্থাননিরোধনিত্যনিযতি জ্ঞানপ্রকাশাবৃত্তি .
ধ্বাংতামোক্ষবিমোক্ষদং হরিমজং নিত্যং সদোপাস্মহে .
হযগ্রীবমুখোদ্গীর্ণগীর্ভির্দেবী রমাপতিম্ .
অস্তুবদ্বিস্তৃতগুণং ভোগিপ্রস্তরশাযিনম্ .. ২..

অংত্য
নিত্যানংদো হরিঃপূর্ণো নিত্যদা প্রিযতাং মম .
নমস্তস্মৈ নমস্তস্মৈ নমস্তস্মৈ চ বিষ্ণবে .. ১..

.. শ্রীআথর্বণভাষ্যম্ ..

আদি
আনংদমজরং নিত্যমজমক্ষযমচ্যুতম্ .
অনংতশক্তিং সর্বজ্ঞং নমস্যে পুরুষোত্তমম্ .. ১..

মনোর্বৈবস্বতস্যাদাবথর্বা ব্রহ্মণোঽজনি .
মিত্রশ্চ বরুণস্চাথো প্রহেতির্হেতিরেব চ .
ব্রহ্মণঃ প্রথমে কল্পে শিবঃ প্রথমজঃ স্মৃতঃ .
সনকাদ্যাস্তু বারাহে ব্রহ্মা বিষ্ণোঃ সুতোগ্রজঃ .. ২..

অংত্য
প্রিযতাং ভগবন্মহ্যং প্রেষ্ঠপ্রেষ্ঠতমস্সদা .
মম নিত্যং নমাম্যেনং পরমোদারসদ্গুণম্ .. ১..

.. শ্রীমাণ্ডূক্যভাষ্যম্ ..

আদি
পূর্ণনংদজ্ঞানশক্তি স্বরূপং নিত্যমব্যযম্ .
চতুর্ধা সর্বভোক্তারং বংদে বিষ্ণুং পরং পদম্ .. ১..

অংত্য
একোপি নির্বিশেষোঽপি চতুর্ধা ব্যবহারভাক্ .
যস্তং বংদে চিদানংদং বিষ্ণুং বিশ্বাদিরূপিণম্ .. ১..

.. শ্রীষট্প্রশ্নভাষ্যম্ ..

আদি
নমো ভগবতে তস্মৈ প্রাণাদিপ্রভবিষ্ণবে .
অমংদানংদসাংদ্রায বাসুদেবায বেদসে .. ১..

অংত্য
নমো নমোস্তু হরযে প্রেষ্ঠপ্রেষ্ঠতমায মে .
পরমানংদসংদোহসাংদ্রানংদ বপুষ্মতে .. ১..

.. শ্রীতলবাকারোপনিষদ্ভাষ্যম্ ..

আদি
অনংত গুণপূর্ণত্বাদগম্যায সুরৈরপি .
সর্বেষ্টদাত্রে দেবানাং নমো নারাযণায তে .. ১..

অংত্য
যশ্চিদানংদ সচ্ছক্তি সংপূর্ণো ভগবান্পরঃ .
নমোস্তু বিষ্ণবে তস্মৈ প্রেষ্ঠায প্রেযসাং চ মে .. ১..

.. শ্রীগীতাতাত্পর্যম্ ..

আদি
সমস্তগুণসংপূর্ণং সর্বদোষবিবর্জিতম্ .
নারাযণং নমস্কৃত্য গীতাতাত্পর্যমুচ্যতে .. ১..

অংত্য
নমস্তে বাসুদেবায প্রেযসাং মে প্রিযোত্তম .
সমস্তগুণসংপূর্ণ নির্দোষানংদ দাযিনে .. ১..

নিঃশেষদোষরহিত কল্যাণাশেষলসদ্গুণ .
ভূতিস্বযংভূশর্বাদিবংদ্যং ত্বাং নৌমি মে প্রিযম্ .. ২..

নমোজভবভূর্যক্ষপুরঃ সরসুরাশ্রয .
নারাযণারণং মহ্যং রমাপতে প্রেযসাং প্রিয .. ৩..

.. শ্রীন্যাযবিবরণম্ ..

আদি
চেতনাচেতনজগন্নিযংত্রেঽশেষসংবিদে .
নমোনারাযণযাজশর্বশক্রাদিবংদিতম্ .. ১..

অংত্য
চেতনাচেতনাস্যাস্য সমস্তস্য যদিচ্ছযা .
স মম সুকৃতেনৈব প্রিযতাং পুরুষোত্তমঃ .. ১..

.. শ্রীনরসিংহনখস্তুতিঃ ..

আদি
পান্ত্বস্মান্ পুরুহূতবৈরি বলবন্মাতঙ্গ মাদ্যদ্ঘটা .
কুংভোচ্চাদ্রি বিপাটনাধিকপটু প্রত্যেক বজ্রাযিতাঃ .
শ্রীমত্কংঠীরবাস্য প্রতত সুনখরা দারিতারাতিদূর .
প্রদ্ধ্বস্তধ্বাংত শাংত প্রবিতত মনসা ভাবিতানাকিবৃংদৈঃ .. ১..

অংত্য
লক্ষ্মীকাংত সমংততোঽপিকলযন্ নৈবেশিতুস্তে সমম্ .
পশ্যাম্যুত্তম বস্তু দূরতরতোপাস্তং রসোযোঽষ্টমঃ .
যদ্রোশোত্কর দক্ষ নেত্র কুটিলঃ প্রাংতোত্থিতাগ্নি স্ফুরত্ .
খদ্যোতোপম বিস্ফুলিঙ্গভসিতা ব্রহ্মেশশক্রোত্করাঃ .. ২..

.. শ্রীযমকভারতম্ ..

আদি
ধ্যাযেত পরমানংদং যন্মাতাপতিমযদপরমানংদম্ .
উজ্ঝিতপরমানংদং পত্যাদ্যাদ্যাশ্রমৈঃ সদৈব পরমানংদম্ .. ১..

অংত্য
ইতি নারাযণনামা সুখতীর্থসুপূজিতস্সুরাযণনামা .
পূর্ণগুণৈরধিকজ্ঞাণেচ্ছাভক্তিভিস্স্বধিক পূর্ণঃ .. ১..

.. শ্রীদ্বাদশস্তোত্রম্ ..

আদি
বন্দে বন্দ্যং সদানংদং বাসুদেবং নিরঞ্জনম্ .
ইন্দিরাপতিমাদ্যাদি বরদেশ বরপ্রদম্ .. ১..

অংত্য
আনংদচংদ্রিকাস্যংদক বংদে আনংদতীর্থপরানংদ বরদ .. ১..

.. শ্রীকৃষ্ণামৃতমহার্ণবম্ ..

আদি
অর্চিতঃ সংস্মৃতো ধ্যাতঃ কীর্তিতঃ কথিতঃ শৃতঃ .
যো দদাত্যমৃতত্ত্বং হি স মাং রক্ষতু কেশবঃ .. ১..

অংত্য
শ্রীমদানংদতীর্থাখ্য সহস্রকিরণোত্থিতা .
গোততিঃ সততং সেব্যা গীর্বাণৈঃ সিদ্ধিদা ভবেত্ .. ১..

.. শ্রীতংত্রসারসংগ্রহঃ ..

আদি
জযত্যব্জভবেশেংদ্রবংদিতঃ কমলাপতিঃ .
অনংত বিভবানংদ দশশ্তিজ্ঞানাদিসদ্গুণঃ .. ১..

বিধিং বিধায সর্গাদৌ তেন পৃষ্টোঽব্জলোচনঃ .
আহ দেবো রমোত্সঙ্গবিলসত্পাদপল্লবঃ .. ২..

যঃ সর্বগুণসংপূর্ণঃ সর্বদোষবিবর্জিতঃ .
প্রিযতাং প্রীত এবালং বিষ্ণুর্মে পরমঃ সুহৃত্ .. ৩..

অংত্য
অশেষদোষোজ্ঝিতপূর্ণসদ্গুণং সদাবিশেষাপগতোরুরূপম্ .
নমামি নারাযণমপ্রতীপং সদা প্রিযেভ্যঃ পরমাদরেণ .. ১..

.. শ্রীসদাচারস্মৃতিঃ ..

আদি
যস্মিন্সর্বাণিকর্মাণি সংন্যস্যাধ্যাত্ম চেতসা .
নিরাশী নির্মমো যাতি পরং জযতি সোঽচ্যুত .. ১..

অংত্য
অশেষকল্যাণ গুণনিত্যানুভবসত্তনুঃ .
অশেষদোষরহিতঃ প্রিযতাং পুরুষোত্তমঃ .. ১..

.. শ্রীভাগবততাত্পর্যনির্ণযঃ ..

আদি
সৃষ্টিস্থিত্যপ্যেহানিযতিদৃশিতমোবংধমোক্ষাশ্চ .
যস্মাদস্য শ্রীব্রহ্মরুদ্রপ্রভৃতি সুরনরব্যদ্যীশশক্ত্রবাত্মকস্য .
বিষ্ণোর্ব্যস্তাস্সমস্তাস্সকলগুণনিধিসর্বদোষব্যপেতঃ .
পূর্ণনংদোঽব্যযো যো গুরুরপি পরমংশ্চিতযেত্তং মহাংতম্ .. ১..

অংত্য
নিত্যাদোষস্বরূপায গুণপূর্ণাযসর্বদা .
নারাযণায হরযে নমঃ প্রেষ্ঠতমায মে .. ১..

.. শ্রীভারততাত্পর্যনির্ণযঃ ..

আদি
নারাযণায পরিপূর্ণগুণার্ণবায বিশ্বোদযস্থিতিলযোন্নিযতি প্রদায .
জ্ঞানপ্রদায বিবুধাসুর সৌখ্যদুঃখ সত্কারণয বিততায নমো নমস্তে .. ১..

আসীদুদারগুণবারিধিরপ্রমেযো নারাযণঃ পরতমঃ পরমাত্স একঃ .
সংশাংতসংবিদখিলং জঠরে নিধায লক্ষ্মীভুজাংতরগতস্স্বরোতোঽপিচাগ্রে .. ২..

অংত্য
তস্মাদযং গ্রংথবরোঽখিলোরুধর্মাদিমোক্ষাংতপুমর্থহেতুঃ .
কিঞ্চোদিতৈস্তস্যগুণৈস্তদোন্যৈর্নারাযণঃ প্রীতিমুপৈত্যতোলম্ .. ১..

যস্সর্বগুণসংপূর্ণস্সর্বদোষবিবর্জিতঃ .
প্রিযতাং প্রীত এবালং বিষ্ণুর্মে পরমস্সুহৃত্ .. ২..

.. শ্রীযতিপ্রণবকল্প ..

আদি
নত্বা নারাযণং বন্দে পূর্ণং ব্রহ্মহরার্চিতম্ .
যতেরাচরণং বক্ষ্যে পূর্ণশাস্ত্রনুসারতঃ .. ১..

সমিচ্চর্বাদিকান্হুত্ব সম্যক্পুরুষসূক্ততঃ .
সর্বেশামভযং দত্বা বিরক্তঃ প্রব্রজেদ্ধরিম্ .. ২..

অংত্য
ধ্যেযো নারাযণো নিত্যং সৃষ্টিস্থিত্যংতকারকঃ .
ভক্তানাং মুক্তিদো নিত্যামধমাজ্ঞানিনাং তমঃ .. ১..

তদর্থান্ ব্রহ্মসূত্রেণ সম্যঙ্গ্নির্ণয তত্ত্বতঃ .
বিষ্ণোস্সর্বোত্তমত্বং হি সর্বদা প্রতিপাদয .. ২..

.. শ্রীজযংতীনির্ণয ..

আদি
রোহিণ্যামর্ধরাত্রে তু যদা কৃষ্ণাষ্টমি ভবেত্ .
জযংতীনাম সা প্রোক্তা সর্বপাপপ্রণাশিনি .. ১..

প্রভাতকালে মেধাবী যোগাযেতী যথাবিধি .
নিত্যান্হীকং প্রকুর্বীত ভগবংতমনুস্মরন্ .
বিশ্বাযেতি চ মংত্রেণ ততঃ স্বাপং সমাচরেত্ .. ২..

অংত্য
সর্বাযেতি চ মন্ত্রেণ ততঃ পারণমাচরেত্ .
ধর্মাযেতি ততঃ স্বস্থো মুচ্যতে সর্বকিল্বিষৈঃ .. ১..

.. শ্রীকৃষ্ণস্তুতিঃ ..

অংবরগঙ্গাচুংবিতপাদঃ পদতলবিগলিতগুরুতরশকটঃ .
কালিযনাগক্ষ্বেলন হংতা সরসিজনবদল্বিকসিতনযনঃ .
কালঘনালিকুর্বুরকাযঃ শরশতশকলিত সুররিপুনিবহঃ .
সংততমস্মান্পাতু মুরারিঃ সততগসমজবখগপতিনিরতঃ .

.. ভারতীরমণমুখ্যপ্রাণাংতর্গত শ্রীকৃষ্ণর্পণমস্তু ..

Leave a Reply

Your email address will not be published. Required fields are marked *