আদিপর্ব – অধ্যায় ২৩৭

আদিপর্ব – অধ্যায় ২৩৭

॥ শ্রীঃ ॥

১.২৩৭. অধ্যায়ঃ ২৩৭

Mahabharata – Adi Parva – Chapter Topics

প্রসাদিতেন ব্রাহ্মণেন কৃতস্য শাপমোচনপ্রকারস্য, নারদনিদেশেনৈতত্তীর্থাগমনস্য চ অর্জুনংপ্রতি বর্গয়া কথনম্॥ ১ ॥ এতৎকথাং শ্রুতবতা অর্জুনেন গ্রাহরূপাণাভবশিষ্টানাং চতসৃণামপ্যপ্সরসাং তত্তত্তীর্থেভ্য উদ্ধরণেন তাসাং স্বস্বরূপপ্রাপ্তিঃ॥ ২ ॥ পুনর্মণলূরমাগত্য তত্র চিত্রাঙ্গদায়াং জাতং বভ্রুবাহননামানং স্বপুত্রং চ স্বশ্বশুরে সমর্প্য অর্জুনস্য গোকর্ণক্ষেত্রগমনম্॥ ৩ ॥

Mahabharata – Adi Parva – Chapter Text

১-২৩৭-০ (১০২৩১)
বর্গোবাচ। ১-২৩৭-০x (১২৭৮)
ততো বয়ং প্রব্যথিতাঃ সর্বা ভারতসত্তম।
অয়াম শরণং বিপ্রং তং তপোধনমচ্যুতম্॥ ১-২৩৭-১ (১০২৩২)
রূপেণ বয়সা চৈব কন্দর্পেণ চ দর্পিতাঃ।
অয়ুক্তং কৃতবত্যঃ স্ম ক্ষন্তুমর্হসি নো দ্বিজ॥ ১-২৩৭-২ (১০২৩৩)
এষ এব বধোঽস্মাকং স্বয়ং প্রাপ্তস্তপোধন।
যদ্বয়ং সংশিতাত্মানং প্রলোব্ধুং ৎবামিহাগতাঃ॥ ১-২৩৭-৩ (১০২৩৪)
অবধ্যাস্তু স্ত্রিয়ঃ সৃষ্টা মন্যন্তে ধর্মচারিণঃ।
তস্মাদ্ধর্মেণ বর্ধ ৎবং নাস্মন্হিংসিতুমর্হসি॥ ১-২৩৭-৪ (১০২৩৫)
সর্বভূতেষু ধর্মজ্ঞ মৈত্রো ব্রাহ্মণ উচ্যতে।
সত্যো ভবতু কল্যাণ এষ বাদো মনীষিণাম্॥ ১-২৩৭-৫ (১০২৩৬)
শরণং চ প্রপন্নানাং শিষ্টাঃ কুর্বন্তি পালনম্।
শরণং ৎবাং প্রপন্নাঃ স্ম তস্মাত্ৎবং ক্ষন্তুমর্হসি॥ ১-২৩৭-৬ (১০২৩৭)
বৈশম্পায়ন উবাচ। ১-২৩৭-৭x (১২৭৯)
এবমুক্তঃ স ধর্মাত্মা ব্রাহ্মণঃ শুভকর্মকৃৎ।
প্রসাদং কৃতবান্বীর রবিসোমসমপ্রভঃ॥ ১-২৩৭-৭ (১০২৩৮)
ব্রাহ্মণ উবাচ। ১-২৩৭-৮x (১২৮০)
শতং শতসহস্রং তু সর্বমক্ষয়্যবাচকম্।
পরিমাণং শতং ৎবেতন্নেদমক্ষয়্যবাচকম্॥ ১-২৩৭-৮ (১০২৩৯)
যদা চ বো গ্রাহভূতা গৃহ্ণন্তীঃ পুরুষাঞ্জলে।
উৎকর্ষতি জলাত্তস্মাৎস্থলং পুরুষসত্তমঃ॥ ১-২৩৭-৯ (১০২৪০)
তদা যূয়ং পুনঃ সর্বাঃ স্বং রূপং প্রতিপৎস্যথ।
অনৃতং নোক্তপূর্বং মে হসতাপি কদাচন॥ ১-২৩৭-১০ (১০২৪১)
তানি সর্বাণি তীর্থানি ততঃ প্রভৃতি চৈব হ।
নারীতীর্থানি নাম্নেহ খ্যাতিং যাস্যন্তি সর্বশঃ।
পুণ্যানি চ ভবিষ্যন্তি পাবনানি মনীষিণাং॥ ১-২৩৭-১১ (১০২৪২)
বর্গোবাচ। ১-২৩৭-১২x (১২৮১)
ততোঽভিবাদ্য তং বিপ্রং কৃৎবা চাপি প্রদক্ষিণম্।
অচিন্তয়ামোঽপসৃত্য তস্মাদ্দেশাৎসুদুঃখিতাঃ॥ ১-২৩৭-১২ (১০২৪৩)
ক্ব নু নাম বয়ং সর্বাঃ কালেনাল্পেন তং নরম্।
সমাগচ্ছেম যো নস্তদ্রূপমাপাদয়েৎপুনঃ॥ ১-২৩৭-১৩ (১০২৪৪)
তা বয়ং চিন্তয়িৎবৈব মুহূর্তাদিব ভারত।
দৃষ্টবত্যো মহাভাগং দেবর্ষিমুত নারদম্॥ ১-২৩৭-১৪ (১০২৪৫)
সংপ্রহৃষ্টাঃ স্ম তং দৃষ্ট্বা দেবর্ষিমমিতদ্যুতিম্।
অভিবাদ্য চ তং পার্থ স্থিতাঃ স্ম ব্রীডিতাননাঃ॥ ১-২৩৭-১৫ (১০২৪৬)
স নোঽপৃচ্ছদ্দুঃখমূলমুক্তবত্যো বয়ং চ তম্।
শ্রউৎবা তত্র যথাবৃত্তমিদং বচনমব্রবীৎ॥ ১-২৩৭-১৬ (১০২৪৭)
দক্ষিণে সাগরানূপে পঞ্চ তীর্থানি সন্তি বৈ।
পুণ্যানি রমণীয়ানি তানি গচ্ছত মা চিরং॥ ১-২৩৭-১৭ (১০২৪৮)
তত্রাশু পুরুষব্যাঘ্রঃ পাণ্ডবেয়ো ধনঞ্জয়ঃ।
মোক্ষয়িষ্যতি শুদ্ধাত্মা দুঃখাদস্মান্ন সংশয়ঃ॥ ১-২৩৭-১৮ (১০২৪৯)
`ইত্যুক্ৎবা নারদঃ সর্বাস্তত্রৈবান্তরধীয়ত।’
তস্য সর্বা বয়ং বীর শ্রুৎবা বাক্যমিতো গতাঃ।
তদিদং সত্যমেবাদ্য মোক্ষিতাহং ৎবয়াঽনঘ॥ ১-২৩৭-১৯ (১০২৫০)
এতাস্তু মম তাঃ সখ্যশ্চতস্রোঽন্যা জলে শ্রিতাঃ।
কুরু কর্ম শুভং বীর এতাঃ সর্বা বিমোক্ষয়॥ ১-২৩৭-২০ (১০২৫১)
বৈশম্পায়ন উবাচ। ১-২৩৭-২১x (১২৮২)
ততস্তাঃ পাণ্ডবশ্রেষ্ঠঃ সর্বা এব বিশাংপতে।
`অবগাহ্য চ তত্তীর্থং গৃহীতো গ্রাহিভিস্তদা॥ ১-২৩৭-২১ (১০২৫২)
গ্রাহীভিশ্চোত্ততারাশু তরয়ামাস তৎক্ষণাৎ।
সা চাপ্সরা বভূবাশু সর্বাভরণভূষিতা॥ ১-২৩৭-২২ (১০২৫৩)
এবং ক্রমেণ তাঃ সর্বা মোক্ষয়ামাস বীর্যবান্॥’ ১-২৩৭-২৩ (১০২৫৪)
উত্থায় চ জলাত্তস্মাৎপ্রতিলভ্য বপুঃ স্বকম্।
তাস্তদাঽপ্সরসো রাজন্নদৃশ্যন্ত যথা পুরা॥ ১-২৩৭-২৪ (১০২৫৫)
তীর্থানি শোধয়িৎবা তু তথানুজ্ঞায় তাঃ প্রভুঃ।
চিত্রাঙ্গদাং পুনর্দ্রষ্টুং মণলূরং পুনর্যযৌ॥ ১-২৩৭-২৫ (১০২৫৬)
তস্যামজনয়ৎপুত্রং রাজানং বভ্রুবাহনম্।
তং দৃষ্ট্বা পাণ্ডবো রাজংশ্চিত্রবাহনমব্রবীৎ॥ ১-২৩৭-২৬ (১০২৫৭)
চিত্রাঙ্গদায়াঃ শুল্কং ৎবং গৃহাণ বভ্রুবাহনম্।
অনেন চ ভবিষ্যামি ঋণান্মুক্তো নরাধিপ॥ ১-২৩৭-২৭ (১০২৫৮)
চিত্রাঙ্গদাং পুনর্বাক্যমব্রবীৎপাণ্ডুনন্দনঃ।
ইহৈব ভব ভদ্রং তে বর্ধেথা বভ্রুবাহনম্॥ ১-২৩৭-২৮ (১০২৫৯)
ইন্দ্রপস্থনিবাসং মে ৎবং তত্রাগত্য রংস্যসি।
কুন্তী যুধিষ্ঠিরং ভীমং ভ্রাতরৌ মে কনীয়সৌ॥ ১-২৩৭-২৯ (১০২৬০)
আগত্য তত্র পশ্যেথা অন্যানপি চ বান্ধবান্।
বান্ধবৈঃ সহিতাঃ সর্বৈর্নন্দসে ৎবমনিন্দিতে॥ ১-২৩৭-৩০ (১০২৬১)
ধর্মে স্থিতঃ সত্যধৃতিঃ কৌন্তেয়োঽথ যুধিষ্ঠিরঃ।
জিৎবা তু পৃথিবীং সর্বাং রাজসূয়ং করিষ্যতি॥ ১-২৩৭-৩১ (১০২৬২)
তত্রাগচ্ছন্তি রাজানঃ পৃথিব্যাং নৃপসংজ্ঞিতাঃ।
বহূনি রত্নান্যাদায় আগমিষ্যতি তে পিতা॥ ১-২৩৭-৩২ (১০২৬৩)
একসার্থং প্রয়াতাসি চিত্রবাহনসেবয়া।
দ্রক্ষ্যামি রাজসূয়ে ৎবাং পুত্রং পালয় মা শুচঃ॥ ১-২৩৭-৩৩ (১০২৬৪)
বভ্রুবাহননাম্না তু মম প্রাণো বহিশ্চরঃ।
তস্মাদ্ভরস্ব পুত্রং বৈ পুরুষং বংশবর্ধনম্॥ ১-২৩৭-৩৪ (১০২৬৫)
চিত্রাবাহনদায়াদং ধর্মাৎপৌরবনন্দনম্।
পাণ্ডবানাং প্রিয়ং পুত্রং তস্মাৎপালয় সর্বদা॥ ১-২৩৭-৩৫ (১০২৬৬)
বিপ্রয়োগেণ সংতাপং মা কৃথাস্ৎবমনিন্দিতে।
চিত্রাঙ্গদামেবমুক্ৎবা `সাগরানূপমাশ্রিতঃ॥ ১-২৩৭-৩৬ (১০২৬৭)
স্থানং দূরং সমাপ্লুত্য দত্ৎবা বহুধনং তদা।
কেরলান্সমতিক্রম্য’ গোকর্ণমভিতোঽগমৎ॥ ১-২৩৭-৩৭ (১০২৬৮)
আদ্যং পশুপতেঃ স্থানং দর্শনাদেব মুক্তিদম্।
যত্র পাপোঽপি মনুজঃ প্রাপ্নোত্যভয়দং পদম্॥ ॥ ১-২৩৭-৩৮ (১০২৬৯)

ইতি শ্রীমন্মহাভারতে আদিপর্বণি অর্জুনবনবাসপর্বণি সপ্তত্রিংশদধিকদ্বিশততমোঽধ্যায়ঃ॥ ২৩৭ ॥

Mahabharata – Adi Parva – Chapter Footnotes

১-২৩৬-৪ বর্ধ বর্ধস্ব॥ সপ্তত্রিংশদধিকদ্বিশততমোঽধ্যায়ঃ॥ ২৩৭ ॥