আদিপর্ব – অধ্যায় ১৩৩
॥ শ্রীঃ ॥
১.১৩৩. অধ্যায়ঃ ১৩৩
Mahabharata – Adi Parva – Chapter Topics
অশ্বিভ্যাং মাদ্র্যাং নকুলসহদেবয়োরুৎপত্তিঃ॥ ১ ॥ যুধিষ্ঠিরাদীনাং নামকরণম্॥ ২ ॥ বসুদেবপ্রেষিতেন পুরোহিতেন পাণ্ডবানামুপনয়নাদিসংস্কারকরণম্॥ ৩ ॥ পাণ্ডবানাং শুক্রাদ্ধনুর্বেদশিক্ষণম্॥ ৪ ॥
Mahabharata – Adi Parva – Chapter Text
১-১৩৩-০ (৫৮৭৪)
বৈশম্পায়ন উবাচ। ১-১৩৩-০x (৭৮৩)
কুন্তীপুত্রেষু জাতেষু ধৃতরাষ্ট্রাত্মজেষু চ।
মদ্ররাজসুতা পাণ্ডুং রহো বচনমব্রবীৎ॥ ১-১৩৩-১ (৫৮৭৫)
ন মেঽস্তি ৎবয়ি সন্তাপো বিগুণেঽপি পরন্তপ।
নাবরৎবে বরার্হায়াঃ স্থিৎবা চানঘ নিত্যদা॥ ১-১৩৩-২ (৫৮৭৬)
গান্ধার্যাশ্চৈব নৃপতে জাতং পুত্রশতং তথা।
শ্রুৎবা ন মে তথা দুঃখমভবৎকুরুনন্দন॥ ১-১৩৩-৩ (৫৮৭৭)
ইদং তু মে মহদ্দুঃখং তুল্যতায়ামপুত্রতা।
দিষ্ট্যা ৎবিদানীং ভর্তুর্মে কুন্ত্যামপ্যস্তি সন্ততিঃ॥ ১-১৩৩-৪ (৫৮৭৮)
যদি ৎবপত্যসন্তানং কুন্তিরাজসুতা ময়ি।
কুর্যাদনুগ্রহো মে স্যাত্তব চাপি হিতং ভবেৎ॥ ১-১৩৩-৫ (৫৮৭৯)
সংরম্ভো হি সপত্নীৎবাদ্বক্তুং কুন্তিসুতাং প্রতি।
যদি তু ৎবং প্রসন্নো মে স্বয়মেনাং প্রচোদয়॥ ১-১৩৩-৬ (৫৮৮০)
পাণ্ডুরুবাচ। ১-১৩৩-৭x (৭৮৪)
মমাপ্যেষ সদা মাদ্রি হৃদ্যর্থঃ পরিবর্ততে।
ন তু ৎবাং প্রসহে বক্তুমিষ্টানিষ্টবিবক্ষয়া॥ ১-১৩৩-৭ (৫৮৮১)
তব ৎবিদং মতং মৎবা প্রয়তিষ্যাম্যতঃ পরম্।
মন্যে ধ্রুবং ময়োক্তা সা বচনং প্রতিপৎস্যতে॥ ১-১৩৩-৮ (৫৮৮২)
বৈশম্পায়ন উবাচ। ১-১৩৩-৯x (৭৮৫)
ততঃ কুন্তীং পুনঃ পাণ্ডুর্বিবিক্ত ইদমব্রবীৎ।
`অনুগৃহ্ণীষ্ব কল্যাণি মদ্ররাজসুতামপি।’
কুলস্য মম সন্তানং লোকস্য চ কুরু প্রিয়ম্॥ ১-১৩৩-৯ (৫৮৮৩)
মম চাপিণ্ডনাশায় পূর্বেষাং চ মহাত্মনাম্।
মৎপ্রিয়ার্থং চ কল্যাণি কুরু কল্যাণমুত্তমম্॥ ১-১৩৩-১০ (৫৮৮৪)
যশসোঽর্থায় চৈব ৎবং কুরু কর্ম সুদুষ্করম্।
প্রাপ্যাধিপত্যমিন্দ্রেণ যজ্ঞৈরিষ্টং যশোঽর্থিনা॥ ১-১৩৩-১১ (৫৮৮৫)
তথা মন্ত্রবিদো বিপ্রাস্তপস্তপ্ৎবা সুদুষ্করম্।
গুরূনভ্যুপগচ্ছন্তি যশসোঽর্থায় ভামিনি॥ ১-১৩৩-১২ (৫৮৮৬)
তথা রাজর্ষয়ঃ সর্বে ব্রাহ্মণাশ্চ তপোধনাঃ।
চক্রুরুচ্চাবচং কর্ম যশসোঽর্থায় দুষ্করম্॥ ১-১৩৩-১৩ (৫৮৮৭)
সা ৎবং মাদ্রীং প্লবেনৈব তারয়ৈনামনিন্দিতে।
অপত্যসংবিধানেন পরাং কীর্তিমবাপ্নুহি॥ ১-১৩৩-১৪ (৫৮৮৮)
`কুন্ত্যুবাচ। ১-১৩৩-১৫x (৭৮৬)
ধর্মং বৈ ধর্মশাস্ত্রোক্তং যথা বদসি তত্তথা।
তস্মাদনুগ্রহং তস্যাঃ করোমি কুরুনন্দন॥’ ১-১৩৩-১৫ (৫৮৮৯)
বৈশম্পায়ন উবাচ। ১-১৩৩-১৬x (৭৮৭)
এবমুক্তাঽব্রবীন্মার্দ্রীং সকৃচ্চিন্তয় দৈবতম্।
তস্মাত্তে ভবিতাঽপত্যমনুরূপমসংশয়ম্॥ ১-১৩৩-১৬ (৫৮৯০)
`ততো মন্ত্রে কৃতে তস্মিন্বিধিদৃষ্টেন কর্মণা।
ততো রাজসুতা স্নাতা শয়নে সংবিবেশ হ॥’ ১-১৩৩-১৭ (৫৮৯১)
ততো মাদ্রী বিচার্যৈকা জগাম মনসাঽশ্বিনৌ।
তাবাগম্য সুতৌ তস্যাং জনয়ামাসতুর্যমৌ।
নকুলং সহদেবং চ রূপেণাপ্রতিমৌ ভুবি॥ ১-১৩৩-১৮ (৫৮৯২)
তথৈব তাবপি যমৌ বাগুবাচাশরীরিণী।
`ধর্মতো ভক্তিতশ্চৈব শীলতো বিনয়ৈস্তথা॥ ১-১৩৩-১৯ (৫৮৯৩)
সৎবরূপগুণোপেতৌ ভবতোঽত্যশ্বিনাবিতি।
মাসতে তেজসাঽত্যর্থং রূপদ্রবিণসংপদা॥ ১-১৩৩-২০ (৫৮৯৪)
নামানি চক্রিরে তেষাং শতশৃঙ্গনিবাসিনঃ।
ভক্ত্যা চ কর্মণা চৈব তথাঽঽশীর্ভির্বিশাংপতে॥ ১-১৩৩-২১ (৫৮৯৫)
জ্যেষ্ঠং যুধিষ্ঠিরেত্যেবং ভীমসেনেতি মধ্যমম্।
অর্জুনেতি তৃতীয়ং চ কুন্তীপুত্রানকল্পয়ন্॥ ১-১৩৩-২২ (৫৮৯৬)
পূর্বজং নকুলেত্যেবং সহদেবেতি চাপরম্।
মাদ্রীপুত্রাবকথয়ংস্তে বিপ্রাঃ প্রীতমানসাঃ॥ ১-১৩৩-২৩ (৫৮৯৭)
অনুসংবৎসরং জাতা অপি তে কুরুসত্তমাঃ।
পাণ্ডুপুত্রা ব্যরাজন্ত পঞ্চসংবৎসরা ইব॥ ১-১৩৩-২৪ (৫৮৯৮)
মহাসত্ৎবা মহাবীর্যা মহাবলপরাক্রমাঃ।
পাণ্ডুর্দৃষ্ট্বা সুতাংস্তাংস্তু দেবরূপান্মহৌজসঃ॥ ১-১৩৩-২৫ (৫৮৯৯)
মুদং পরমিকাং লেভে ননন্দ চ নরাধিপঃ।
ঋষীণামপি সর্বেষাং শতশৃঙ্গনিবাসিনাম্॥ ১-১৩৩-২৬ (৫৯০০)
প্রিয়া বভূবুস্তাসাং চ তথৈব মুনিয়োষিতাম্।
কুন্তীমথ পুনঃ পাণ্ডুর্মাদ্র্যর্থে সমচোদয়ৎ॥ ১-১৩৩-২৭ (৫৯০১)
তমুবাচ পৃথা রাজন্ রহস্যুক্তা তদা সতী।
উক্তা সক্বদ্দ্বন্দ্বমেষা লেভে তেনাস্মি বঞ্চিতা॥ ১-১৩৩-২৮ (৫৯০২)
বিভেম্যস্যাঃ পরিভবাৎকুস্ত্রীণাং গতিরিদৃশী।
নাজ্ঞাসিষমহং মূঢা দ্বন্দ্বাহ্বানে ফলদ্বয়ম্॥ ১-১৩৩-২৯ (৫৯০৩)
তস্মান্নাহং নিয়োক্তব্যা ৎবয়ৈষোঽস্তু বরো মম।
এবং পাণ্ডোঃ সুতাঃ পঞ্চ দেবদত্তা মহাবলাঃ॥ ১-১৩৩-৩০ (৫৯০৪)
সংভূতাঃ কীর্তিমন্তশ্চ কুরুবংশবিবর্ধনাঃ।
শুভলক্ষণসংপন্নাঃ সোমবৎপ্রিয়দর্শনাঃ॥ ১-১৩৩-৩১ (৫৯০৫)
সিংহদর্পা মহেষ্বাসাঃ সিংহবিক্রান্তগামিনঃ।
সিংহগ্রীবা মনুষ্যেন্দ্রা ববৃধুর্দেববিক্রমাঃ॥ ১-১৩৩-৩২ (৫৯০৬)
বিবর্ধমানাস্তে তত্র পুণ্যে হৈমবতে গিরৌ।
বিস্ময়ং জনয়ামাসুর্মহর্ষীণাং সমেয়ুষাম্॥ ১-১৩৩-৩৩ (৫৯০৭)
`জাতমাত্রানুপাদায় শতশৃঙ্গনিবাসিনঃ।
পাণ্ডোঃ পুত্রানমন্যন্ত তাপসাঃ স্বানিবাত্মজান্॥ ১-১৩৩-৩৪ (৫৯০৮)
বৈশম্পায়ন উবাচ। ১-১৩৩-৩৫x (৭৮৮)
ততস্তু বৃষ্ণয়ঃ সর্বে বসুদেবপুরোগমাঃ॥ ১-১৩৩-৩৫ (৫৯০৯)
পাণ্ডুঃ শাপভয়াদ্ভীতঃ শতশৃঙ্গমুপেয়িবান্।
তত্রৈব মুনিভিঃ সার্ধং তাপসোঽভূত্তপস্বিভিঃ॥ ১-১৩৩-৩৬ (৫৯১০)
শাকমূলফলাহারস্তপস্বী নিয়তেন্দ্রিয়ঃ।
যোগধ্যানপরো রাজা বভূবেতি চ বাদকাঃ॥ ১-১৩৩-৩৭ (৫৯১১)
প্রবুবন্তি স্ম বহবস্তচ্ছ্রুৎবা শোককর্শিতাঃ।
পাণ্ডোঃ প্রীতিসমায়ুক্তাঃ কদা শ্রোষ্যাম সংকথাঃ॥ ১-১৩৩-৩৮ (৫৯১২)
ইত্যেবং কথয়ন্তস্তে বৃষ্ণয়ঃ সহ বান্ধবৈঃ।
পাণ্ডোঃ পুত্রাগমং শ্রুৎবা সর্বে হর্ষসমন্বিতাঃ॥ ১-১৩৩-৩৯ (৫৯১৩)
সভাজয়ন্তস্তেঽন্যোন্যং বসুদেবং বচোঽব্রুবন্।
ন ভবেরন্ক্রিয়াহীনাঃ পাণ্ডুপুত্রা মহাবলাঃ॥ ১-১৩৩-৪০ (৫৯১৪)
পাণ্ডোঃ প্রিয়হিতান্বেষী প্রেষয় ৎবং পুরোহিতম্।
বসুদেবস্তথেত্যুক্ৎবা বিসসর্জ পুরোহিতম্॥ ১-১৩৩-৪১ (৫৯১৫)
যুক্তানি চ কুমারাণাং পারবর্হাণ্যনেকশঃ।
কুন্তীং মাদ্রীং চ সংদিশ্য দাসীদাসপরিচ্ছদম্॥ ১-১৩৩-৪২ (৫৯১৬)
গাবো হিরণ্যং রৌপ্যং চ প্রেষয়ামাস ভারত।
তানি সর্বাণি সংগৃহ্য প্রয়যৌ স পুরোহিতঃ॥ ১-১৩৩-৪৩ (৫৯১৭)
তমাগতং দ্বিজশ্রেষ্ঠং কাশ্যপং বৈ পুরোহিতম্।
পূজয়ামাস বিধিবৎপাণ্ডুঃ পরপুরঞ্জয়ঃ॥ ১-১৩৩-৪৪ (৫৯১৮)
পৃথা মাদ্রী চ সংহৃষ্টে বসুদেবং প্রশংসতাম্।
ততঃ পাণ্ডুঃ ক্রিয়াঃ সর্বাঃ পাণ্ডবানামকারয়ৎ॥ ১-১৩৩-৪৫ (৫৯১৯)
গর্ভাধানাদিকৃত্যানি চৌলোপনয়নানি চ।
কাশ্যপঃ কৃতবান্সর্বমুপাকর্ম চ ভারত॥ ১-১৩৩-৪৬ (৫৯২০)
চৌলোপনয়নাদূর্ধ্বমৃষভাক্ষা যশস্বিনঃ।
বৈদিকাধ্যযনে সর্বে সমপদ্যন্ত পারগাঃ॥ ১-১৩৩-৪৭ (৫৯২১)
শর্যাতেঃ প্রথমঃ পুত্রঃ শুক্রো নাম পরন্তপঃ।
যেন সাগরপর্যন্তা ধুষা নির্জিতা মহী॥ ১-১৩৩-৪৮ (৫৯২২)
অশ্বমেধশতৈরিষ্ট্বা স মহাত্মা মহামখৈঃ।
আরাধ্য দেবতাঃ সর্বাঃ পিতৄনপি মহামতিঃ॥ ১-১৩৩-৪৯ (৫৯২৩)
শতশৃহ্গে তপস্তেপে শাকমূলফলাশনঃ।
তেনোপকরণশ্রেষ্ঠৈঃ শিক্ষয়া চোপবৃংহিতাঃ॥ ১-১৩৩-৫০ (৫৯২৪)
তৎপ্রসাদাদ্ধনুর্বেদে সমপদ্যন্ত পারগাঃ।
গদায়াং পারগো ভীমস্তোমরেষু যুধিষ্ঠিরঃ॥ ১-১৩৩-৫১ (৫৯২৫)
অসিচর্মণি নিষ্ণাতৌ যমৌ সত্ৎববতাং বরৌ।
ধনুর্বেদে গতঃ পারং সব্যসাচী পরন্তপঃ॥ ১-১৩৩-৫২ (৫৯২৬)
শুক্রেণ সমনুজ্ঞাতো মৎসমোঽয়মিতি প্রভো।
অনুজ্ঞায় ততো রাজা শক্তিং খঙ্গং ততঃ শরান্॥ ১-১৩৩-৫৩ (৫৯২৭)
ধনুশ্চ দমতাং শ্রেষ্ঠস্তালমাত্রং মহাপ্রভম্।
বিপাঠক্ষুরনারাচান্গৃধ্রপক্ষৈরলঙ্কৃতান্॥ ১-১৩৩-৫৪ (৫৯২৮)
দদৌ পার্থায় সংহৃষ্টো মহোরগসমপ্রভান্।
অবাপ্য সর্বশস্ত্রাণি মুদিতো বাসবাত্মজঃ॥ ১-১৩৩-৫৫ (৫৯২৯)
মেনে সর্বান্মহীপালানপর্যাপ্তান্স্বতেজসঃ॥ ১-১৩৩-৫৬ (৫৯৩০)
একবর্ষান্তরাস্ৎবেবং পরস্পরমরিন্দমাঃ।
অন্ববর্তন্ত পার্থাশ্চ মাদ্রীপুত্রৌ তথৈব চ॥’ ১-১৩৩-৫৭ (৫৯৩১)
তে চ পঞ্চ শতং চৈব কুরুবংশবিবর্ধনাঃ।
সর্বে ববৃধিরেঽল্পেন কালেনাপ্স্বিব পঙ্কজাঃ॥ ॥ ১-১৩৩-৫৮ (৫৯৩২)
ইতি শ্রীমন্মহাভারতে আদিপর্বণি সংভবপর্বণি ত্রয়স্ত্রিংশদধিকশততমোঽধ্যায়ঃ॥ ১৩৩ ॥
Mahabharata – Adi Parva – Chapter Footnotes
১-১৩৩-২ বিগুণে প্রজোৎপাদনানধিকৃতে। অবরৎবে কনিষ্ঠাৎবে। বরার্হায়াঃ কৃন্ত্যা অপেক্ষয়া॥ ১-১৩৩-৬ সংরম্ভোঽভিমানঃ॥ ১-১৩৩-৭ ইষ্টমনিষ্টং বা বক্ষ্যসীতি সংদেহেন॥ ১-১৩৩-৮ প্রতিপৎস্যতে অঙ্গীকরিষ্যতি॥ ১-১৩৩-৯ সতানমবিচ্ছেদম্॥ ১-১৩৩-১০ মম পূর্বেষাং চাপিণ্ডনাশায় পিণ্ডবিনাশাভাবায়। বহুষু পুত্রেষু কস্যচিদপি পুত্রস্য সংততেরবিচ্ছেদসংভবাদিত্যর্থঃ॥ ১-১৩৩-১১ যশস ইতি কৃতকৃত্যা অপি যশোর্থং দেবগুর্বাদ্যারাধনং কুর্বন্তীত্যর্থঃ॥ ১-১৩৩-২০ অত্যশ্বিনৌ অশ্বিভ্যামধিকৌ॥ ১-১৩৩-২৪ অনুসংবৎসরং সংবৎসরমনু পশ্চাজ্জাতা অপি দেবতাভাবাৎসর্বে পঞ্চসংবৎসরা ইবাদৃশ্যন্তেত্যর্থঃ॥ ত্রয়স্ত্রিংশদধিকশততমোঽধ্যায়ঃ॥ ১৩৩ ॥