আদিপর্ব – অধ্যায় ১৩২

আদিপর্ব – অধ্যায় ১৩২

॥ শ্রীঃ ॥

১.১৩২. অধ্যায়ঃ ১৩২

Mahabharata – Adi Parva – Chapter Topics

কুন্ত্যাং ইন্দ্রাদর্জুনোৎপত্তিঃ॥ ১ ॥ তদ্বেলায়াং আকাশবাণ্যাদি॥ ২ ॥

Mahabharata – Adi Parva – Chapter Text

১-১৩২-০ (৫৮০৮)
বৈশম্পায়ন উবাচ। ১-১৩২-০x (৭৮০)
জাতে বলবতাং শ্রেষ্ঠে পাণ্ডুশ্চিন্তাপরোঽভবৎ।
কথমন্যো মম সুতো লোকে শ্রেষ্ঠো ভবেদিতি॥ ১-১৩২-১ (৫৮০৯)
দৈবে পুরুষকারে চ লোকোঽয়ং সংপ্রতিষ্ঠিতঃ।
তত্র দৈবং তু বিধিনা কালয়ুক্তেন লভ্যতে॥ ১-১৩২-২ (৫৮১০)
ইন্দ্রো হি রাজা দেবানাং প্রধান ইতি নঃ শ্রুতম্।
অপ্রমেয়বলোৎসাহো বীর্যবানমিতদ্যুতিঃ॥ ১-১৩২-৩ (৫৮১১)
তং তোষয়িৎবা তপসা পুত্রং লপ্স্যে মহাবলম্।
যং দাস্যতি স মে পুত্রং স বীরয়ান্ভবিষ্যতি॥ ১-১৩২-৪ (৫৮১২)
অমানুষান্মানুষাংশ্চ সংগ্রামে স হনিষ্যতি।
কর্মণা মনসা বাচা তস্মাত্তপ্স্যে মহত্তপঃ॥ ১-১৩২-৫ (৫৮১৩)
ততঃ পাণ্ডুর্মহারাজো মন্ত্রয়িৎবা মহর্ষিভিঃ।
দিদেশ কুন্ত্যাঃ কৌরব্যো ব্রতং সাংবৎসরং শুভম্॥ ১-১৩২-৬ (৫৮১৪)
আত্মনা চ মহাবাহুরেকপাদস্থিতোঽভবৎ।
উগ্রং স তপ আস্থায় পরমেণ সমাধিনা॥ ১-১৩২-৭ (৫৮১৫)
আরিরাধয়িষুর্দেবং ত্রিদশানাং তমীশ্বরম্।
সূর্যেণ সহ ধর্মাত্মা পর্যতপ্যত ভারত॥ ১-১৩২-৮ (৫৮১৬)
তং তু কালেন মহতা বাসবঃ প্রত্যপদ্যত। ১-১৩২-৯ (৫৮১৭)
শক্র উবাচ।
পুত্রং তব প্রদাস্যামি ত্রিষু লোকেষু বিশ্রুতম্॥ ১-১৩২-৯x (৭৮১)
ব্রাহ্মণানাং গবাং চৈব সুহৃদাং চার্থসাধকম্।
দুর্হৃদাং শোকজননং সর্ববান্ধবনন্দনম্॥ ১-১৩২-১০ (৫৮১৮)
সুতং তেঽগ্র্যং প্রদাস্যামি সর্বামিত্রবিনাশনম্।
ইত্যুক্তঃ কারৈবো রাজা বাসবেন মহাত্মনা॥ ১-১৩২-১১ (৫৮১৯)
উবাচ কুন্তীং ধর্মাত্মা দেবরাজবচঃ স্মরন্।
উদর্কস্তব কল্যাণি তুষ্টো দেবগণেশ্বরঃ॥ ১-১৩২-১২ (৫৮২০)
দাতুমিচ্ছতি তে পুত্রং যথা সংকল্পিতং ৎবয়া।
অতিমানুষকর্মাণং যশস্বিনমরিন্দমম্॥ ১-১৩২-১৩ (৫৮২১)
নীতিমন্তং মহাত্মানমাদিত্যসমতেজসম্।
দুরাধর্ষং ক্রিয়াবন্তমতীবাদ্ভুতদর্শনম্॥ ১-১৩২-১৪ (৫৮২২)
পুত্রং জনয় সুশ্রোণি ধাম ক্ষত্রিয়তেজসাম্।
লব্ধঃ প্রসাদো দেবেন্দ্রাত্তমাহ্বয় শুচিস্মিতে॥ ১-১৩২-১৫ (৫৮২৩)
বৈশম্পায়ন উবাচ। ১-১৩২-১৬x (৭৮২)
এবমুক্তা ততঃ শক্রমাজুহাব যশস্বিনী।
অথাজগাম দেবেন্দ্রো জনয়ামাস চার্জুনম্॥ ১-১৩২-১৬ (৫৮২৪)
`উত্তরাভ্যাং তু পূর্বাভ্যাং ফল্গুনীভ্যাং ততো দিবা।
জাতস্তু ফাল্গুনে মাসি তেনাসৌ ফল্গুনঃস্মৃতঃ’॥ ১-১৩২-১৭ (৫৮২৫)
জাতমাত্রে কুমারে তু `সর্বভূতপ্রহর্ষিণী।
সূতকে বর্তমানাং তাং’ বাগুবাচাশরীরিণী।
মহাগম্ভীরনির্ঘোষা নভো নাদয়তী তদা॥ ১-১৩২-১৮ (৫৮২৬)
শৃণ্বতাং সর্বভূতানাং তেষাং চাশ্রমবাসিনাম্।
কুন্তীমাভাষ্য বিস্পষ্টমুবাচেদং শুচিস্মিতাম্॥ ১-১৩২-১৯ (৫৮২৭)
কার্তবীর্যসমঃ কুন্তি শিবতুল্যপরাক্রমঃ।
এষ শক্র ইবাজয়্যো যশস্তে প্রথয়িষ্যতি॥ ১-১৩২-২০ (৫৮২৮)
অদিত্যা বিষ্ণুনা প্রীতির্যথাঽভূদভিবর্ধিতা।
তথা বিষ্ণুসমঃ প্রীতিং বর্ধয়িষ্যতি তেঽর্জুনঃ॥ ১-১৩২-২১ (৫৮২৯)
এষ মদ্রান্বশে কৃৎবা কুরূংশ্চ সহ সোমকৈঃ।
চেদিকাশিকরূষাংশ্চ কুরুলক্ষ্মীং বহিষ্যতি॥ ১-১৩২-২২ (৫৮৩০)
এতস্য ভুজবীর্যেণ খাণ্ডবে হব্যবাহনঃ।
মেদসা সর্বভূতানাং তৃপ্তিং যাস্যতি বৈ পরাম্॥ ১-১৩২-২৩ (৫৮৩১)
গ্রামণীশ্চ মহীপালানেষ জিৎবা মহাবলঃ।
ভ্রাতৃভিঃ সহিতো বীরস্ত্রীন্মেধানাহরিষ্যতি॥ ১-১৩২-২৪ (৫৮৩২)
জামদগ্ন্যসমঃ কুন্তি বিষ্ণুতুল্যপরাক্রমঃ।
এষ বীর্যবতাং শ্রেষ্ঠো ভবিষ্যতি মহায়শাঃ॥ ১-১৩২-২৫ (৫৮৩৩)
এষ যুদ্ধে মহাদেবং তোষয়িষ্যতি শঙ্করম্।
অস্ত্রং পাশুপতং নাম তস্মাত্তুষ্টাদবাপ্স্যতি॥ ১-১৩২-২৬ (৫৮৩৪)
নিবাতকবচা নাম দৈত্যা বিবুধবিদ্বিষঃ।
শক্রাজ্ঞয়া মহাবাহুস্তান্বধিষ্যতি তে সুতঃ॥ ১-১৩২-২৭ (৫৮৩৫)
তথা দিব্যানি চাস্ত্রাণি নিখিলেনাহরিষ্যতি।
বিপ্রনষ্টাং শ্রিয়ং চায়মাহর্তা পুরুষর্ষভঃ॥ ১-১৩২-২৮ (৫৮৩৬)
এতামত্যদ্ভুতাং বাচং কুন্তী শুশ্রাব সূতকে।
বাচমুচ্চরিতামুচ্চৈস্তাং নিশম্য তপস্বিনাম্॥ ১-১৩২-২৯ (৫৮৩৭)
বভূব পমো হর্ষঃ শতশৃঙ্গনিবাসিনাম্।
তথা দেবমহর্ষীণাং সেন্দ্রাণাং চ দিবৌকসাম্॥ ১-১৩২-৩০ (৫৮৩৮)
আকাশে দুন্দুভীনাং চ বভূব তুমুলঃ স্বনঃ।
উদতিষ্ঠন্মহাঘোরঃ পুষ্পবৃষ্টিভিরাবৃতঃ॥ ১-১৩২-৩১ (৫৮৩৯)
সমবেত্য চ দেবানাং গণাঃ পার্থমপূজয়ন্।
কাদ্রবেয়া বৈনতেয়া গন্ধর্বাপ্সরসস্তথা।
প্রজানাং পতয়ঃ সর্বে সপ্ত চৈব মহর্ষয়ঃ॥ ১-১৩২-৩২ (৫৮৪০)
ভরদ্বাজঃ খস্যপো গৌতমশ্চ
বিশ্বামিত্রো জমদগ্নির্বসিষ্ঠঃ।
যশ্চোদিতো ভাস্করেঽভূৎপ্রনষ্টে
সোঽপ্যত্রাত্রির্ভগবানাজগাম॥ ১-১৩২-৩৩ (৫৮৪১)
মরীচিরঙ্গিরাশ্চৈব পুলস্ত্যঃ পুলহঃ ক্রতুঃ।
দক্ষঃ প্রজাপতিশ্চৈব গন্ধর্বাপ্সরসস্তথা॥ ১-১৩২-৩৪ (৫৮৪২)
দিব্যমাল্যাম্বরধরাঃ সর্বালঙ্কারভূষিতাঃ।
উপগায়ন্তি বীভৎসুং নৃত্যন্তেঽপ্সরসাং গণাঃ॥ ১-১৩২-৩৫ (৫৮৪৩)
তথা মহর্ষয়শ্চাপি জেপুস্তত্র সমন্ততঃ।
গন্ধর্বৈঃ সহিতঃ শ্রীমান্প্রাগায়ত চ তুম্বুরুঃ॥ ১-১৩২-৩৬ (৫৮৪৪)
ভীমসেনোগ্রসেনৌ চ ঊর্ণায়ুরনঘস্তথা।
গোপতির্ধৃতরাষ্ট্রশ্চ সূর্যবর্চাস্তথাষ্টমঃ॥ ১-১৩২-৩৭ (৫৮৪৫)
যুগপস্তৃণপঃ কার্ষ্ণির্নন্দিশ্চিত্ররথস্তথা।
ত্রয়োদশঃ শালিশিরাঃ পর্জন্যশ্চ চতুর্দশঃ॥ ১-১৩২-৩৮ (৫৮৪৬)
কলিঃ পঞ্চদশশ্চৈব নারদশ্চাত্র ষোডশঃ।
ঋৎবা বৃহত্ৎবা বৃহকঃ করালশ্চ মহামনাঃ॥ ১-১৩২-৩৯ (৫৮৪৭)
ব্রহ্মচারী বহুগুণঃ সুবর্ণশ্চেতি বিশ্রুতঃ।
বিশ্বাবসুর্ভুমন্যুশ্চ সুচন্দ্রশ্চ শরুস্তথা॥ ১-১৩২-৪০ (৫৮৪৮)
গীতমাধুর্যসংপন্নৌ বিখ্যাতৌ চ হহাহুহূ।
ইত্যেতে দেবগন্ধর্বা জগ্মুস্তত্র নরাধিপ॥ ১-১৩২-৪১ (৫৮৪৯)
তথৈবাপ্সরসো হৃষ্টাঃ সর্বালঙ্কারভূষিতাঃ।
ননৃতুর্বৈ মহাভাগা জগুশ্চায়তলোচনাঃ॥ ১-১৩২-৪২ (৫৮৫০)
অনূচানাঽনবদ্যা চ গুণমুখ্যা গুণাবরা।
অদ্রিকা চ তথা সোমা মিশ্রকেশী ৎবলম্বুষা॥ ১-১৩২-৪৩ (৫৮৫১)
মরীচিঃ শুচিকা চৈব বিদ্যুৎপর্ণা তিলোত্তমা।
অম্বিকা লক্ষণা ক্ষেমা দেবী রম্ভা মনোরমা॥ ১-১৩২-৪৪ (৫৮৫২)
অসিতা চ সুবাহুশ্চ সুপ্রিয়া চ বপুস্তথা।
পুণ্ডরীকা সুগন্ধা চ সুরসা চ প্রমাথিনী॥ ১-১৩২-৪৫ (৫৮৫৩)
কাম্যা শারদ্বতী চৈব ননৃতুস্তত্র সংঘশঃ।
মেনকা সহজন্যা চ কর্ণিকা পুঞ্জিকস্থলা॥ ১-১৩২-৪৬ (৫৮৫৪)
ঋতুস্থলা ঘৃতাচী চ বিশ্বাচী পূর্বচিত্ত্যপি।
উম্লোচেতি চ বিখ্যাতা প্রম্লোচেতি চ তা দশ॥ ১-১৩২-৪৭ (৫৮৫৫)
উর্বশ্যেকাদশী তাসাং জগুশ্চায়তলোচনাঃ।
ধাতাঽর্যমা চ মিত্রশ্চ বরুণোংঽশো ভগস্তথা॥ ১-১৩২-৪৮ (৫৮৫৬)
ইন্দ্রো বিবস্বান্পূষা চ পর্জন্যো দশমঃ স্মৃতঃ।
ততস্ৎবষ্টা ততো বিষ্ণুরজঘন্যো জঘন্যজঃ॥ ১-১৩২-৪৯ (৫৮৫৭)
ইত্যেতে দ্বাদশাদিত্যা জ্বলন্তঃ সূর্যবর্চসঃ॥ ১-১৩২-৫০ (৫৮৫৮)
মৃগব্যাধশ্চ সর্পশ্চ নির্ঋতিশ্চ মহায়শাঃ।
অজৈকপাদহির্বুধ্ন্যঃ পিনাকী চ পরংতপ॥ ১-১৩২-৫১ (৫৮৫৯)
দহনোঽথেশ্বরশ্চৈব কপালী চ বিশাংপতে।
স্থাণুর্ভগশ্চ ভগবান্রুদ্রাস্তত্রাবতস্থিরে॥ ১-১৩২-৫২ (৫৮৬০)
অশ্বিনৌ বসবশ্চাষ্টৌ মরুতশ্চ মহাবলাঃ।
বিশ্বেদেবাস্তথা সাধ্যাস্তত্রাসন্পরিতঃ স্থিতাঃ॥ ১-১৩২-৫৩ (৫৮৬১)
কর্কোটকোঽথ সর্পশ্চ বাসুকিশ্চ ভুজঙ্গমঃ।
কচ্ছপশ্চাথ কুণ্ডশ্চ তক্ষকশ্চ মহোরগঃ॥ ১-১৩২-৫৪ (৫৮৬২)
আয়যুস্তপসা যুক্তা মহাক্রোধা মহাবলাঃ।
এতে চান্যে চ বহবস্তত্র নাগা ব্যবস্থিতাঃ॥ ১-১৩২-৫৫ (৫৮৬৩)
তার্ক্ষ্যশ্চারিষ্টনেমিশ্চ গরুডশ্চাসিতধ্বজঃ।
অরুণশ্চারুণিশ্চৈব বৈনতেয়া ব্যবস্থিতাঃ॥ ১-১৩২-৫৬ (৫৮৬৪)
তাংশ্চ দেবগণান্সর্বাংস্তপঃসিদ্ধা মহর্ষয়ঃ।
বিমানগির্যগ্রগতান্দদৃশুর্নেতরে জনাঃ॥ ১-১৩২-৫৭ (৫৮৬৫)
তদ্দৃষ্ট্বা মহদাশ্চর্যং বিস্মিতা মুনিসত্তমাঃ।
অধিকাং স্ম ততো বৃত্তিমবর্তন্পাণ্ডবং প্রতি॥ ১-১৩২-৫৮ (৫৮৬৬)
পাণ্ডুঃ প্রীতেন মনসা দেবতাদীনপূজয়ৎ।
পাণ্ডুনা পূজিতা দেবাঃ প্রত্যূচুর্নরসত্তমম্॥ ১-১৩২-৫৯ (৫৮৬৭)
প্রাদুর্বূতো হ্যযং ধর্মো দেবতানাং প্রসাদতঃ।
মাতরিশ্বা হ্যযং ভীমো বলবানরিমর্দনঃ॥ ১-১৩২-৬০ (৫৮৬৮)
সাক্ষাদিন্দ্রঃ স্বয়ং জাতঃ প্রসাদাচ্চ শতক্রতোঃ।
পিতৃৎবাদ্দেবতানাং হি নাস্তি পুণ্যতরস্ৎবয়া॥ ১-১৩২-৬১ (৫৮৬৯)
পিতৄণামৃণনির্মুক্তঃ স্বর্গং প্রাপ্স্যসি পুণ্যভাক্।
ইত্যুক্ৎবা দেবতাঃ সর্বা বিপ্রজগ্মুর্যথাগতম্॥ ১-১৩২-৬২ (৫৮৭০)
পাণ্ডুস্তু পুনরেবৈনাং পুত্রলোভান্মহায়শাঃ।
প্রাদিশদ্দর্শনীয়ার্থী কুন্তী ৎবেনমথাব্রবীৎ॥ ১-১৩২-৬৩ (৫৮৭১)
নাতশ্চতুর্থং প্রসবমাপস্ৎবপি বদন্ত্যুত।
অতঃপরং স্বৈরিণী স্যাদ্বন্ধকী পঞ্চমে ভবেৎ॥ ১-১৩২-৬৪ (৫৮৭২)
স ৎবং বিদ্বন্ধর্মমিমমধিগম্য কথং নু মাম্।
অপত্যার্থং সমুৎক্রম্য প্রমাদাদিব ভাষসে॥ ॥ ১-১৩২-৬৫ (৫৮৭৩)

ইতি শ্রীমন্মহাভারতে আদিপর্বণি সংভবপর্বণি দ্বাত্রিংশদধিকশততমোঽধ্যায়ঃ॥ ১৩২ ॥

Mahabharata – Adi Parva – Chapter Footnotes

১-১৩২-৮ সূর্যেণ সহ উদয়াদস্তময়াবধি॥ দ্বাত্রিংশদধিকশততমোঽধ্যায়ঃ॥ ১৩২ ॥