আদিপর্ব – অধ্যায় ০৩৫

আদিপর্ব – অধ্যায় ০৩৫

॥ শ্রীঃ ॥

১.৩৫. অধ্যায়ঃ ০৩৫

Mahabharata – Adi Parva – Chapter Topics

সর্পনামকথনম্॥ ১ ॥

Mahabharata – Adi Parva – Chapter Text

১-৩৫-০ (১৬৬৩)
শৌনক উবাচ। ১-৩৫-০x (১৬১)
ভুজঙ্গমানাং শাপস্য মাত্রা চৈব সুতেন চ।
বিনতায়াস্ৎবয়া প্রোক্তং কারণং সূতনন্দন॥ ১-৩৫-১ (১৬৬৪)
বরপ্রদানং ভর্ত্রা চ কদ্রূবিনতয়োস্তথা।
নামনী চৈব তে প্রোক্তে পক্ষিণোর্বৈনতেয়যোঃ॥ ১-৩৫-২ (১৬৬৫)
পন্নগানাং তু নামানি ন কীতর্যসি সূতজ।
প্রাধান্যেনাপি নামানি শ্রোতুমিচ্ছামহে বয়ম্॥ ১-৩৫-৩ (১৬৬৬)
সৌতিরুবাচ। ১-৩৫-৪x (১৬২)
বহুৎবান্নামধেয়ানি পন্নগানাং তপোধন।
ন কীর্তয়িষ্যে সর্বেষাং প্রাধান্যেন তু মে শৃণু॥ ১-৩৫-৪ (১৬৬৭)
শেষঃ প্রথমতো জাতো বাসুকিস্তদনন্তরম্।
ঐরাবতস্তক্ষকশ্চ কর্কোটকধনঞ্জয়ৌ॥ ১-৩৫-৫ (১৬৬৮)
কালিয়ো মণিনাগশ্চ নাগশ্চাপূরণস্তথা।
নাগস্তথা পিঞ্জরক এলাপত্রোঽথ বামনঃ॥ ১-৩৫-৬ (১৬৬৯)
নীলানীলৌ তথা নাগৌ কল্মাষশবলৌ তথা।
আর্যকশ্চোগ্রকশ্চৈব নাগঃ কলশপোতকঃ॥ ১-৩৫-৭ (১৬৭০)
সুমনাখ্যো দধিমুখস্তথা বিমলপিণ্ডকঃ।
আপ্তঃ কোটরকশ্চৈব শঙ্খো বালিশিখস্তথা॥ ১-৩৫-৮ (১৬৭১)
নিষ্টানকো হেমগুহো নহুষঃ পিঙ্গলস্তথা।
বাহ্যকর্ণো হস্তিপদস্তথা মুদ্গরপিণ্ডকঃ॥ ১-৩৫-৯ (১৬৭২)
কম্বলাশ্বতরৌ চাপি নাগঃ কালীয়কস্তথা।
বৃত্তসংবর্তকৌ নাগৌ দ্বৌ চ পদ্মাবিতি শ্রুতৌ॥ ১-৩৫-১০ (১৬৭৩)
নাগঃ শঙ্খমুখশ্চৈব তথা কূষ্মাণ্ডকোঽপরঃ।
ক্ষেমকশ্চ তথা নাগো নাগঃ পিণ্ডারকস্তথা॥ ১-৩৫-১১ (১৬৭৪)
করবীরঃ পুষ্পদংষ্ট্রো বিল্বকো বিল্বপাণ্ডুরঃ।
মূষকাদঃ শঙ্খশিরাঃ পূর্ণভদ্রো হরিদ্রকঃ॥ ১-৩৫-১২ (১৬৭৫)
অপরাজিতো জ্যোতিকশ্চ পন্নগঃ শ্রীবহস্তথা।
কৌরব্যো ধৃতরাষ্ট্রশ্চ শঙ্খপিণ্ডশ্চ বীর্যবান্॥ ১-৩৫-১৩ (১৬৭৬)
বিরজাশ্চ সুবাহুশ্চ শালিপিণ্ডশ্চ বীর্যবান্।
হস্তিপিণ্ডঃ পিঠরকঃ সুমুখঃ কৌণপাশনঃ॥ ১-৩৫-১৪ (১৬৭৭)
কুঠর়ঃ কুঞ্জরশ্চৈব তথা নাগঃ প্রভাকরঃ।
কুমুদঃ কুমুদাক্ষশ্চ তিত্তিরির্হলিকস্তথা॥ ১-৩৫-১৫ (১৬৭৮)
কর্দমশ্চ মহানাগো নাগশ্চ বহুমূলকঃ।
কর্করাকর্করৌ নাগৌ কুণ্ডোদরমহোদরৌ॥ ১-৩৫-১৬ (১৬৭৯)
এতে প্রাধান্যতো নাগাঃ কীর্তিতা দ্বিজসত্তম।
বহুৎবান্নামধেয়ানামিতরে নানুকীর্তিতাঃ॥ ১-৩৫-১৭ (১৬৮০)
এতেষাং প্রসবো যশ্চ প্রসবস্য চ সংততিঃ।
অসঙ্খ্যেয়েতি মত্ৎবা তান্ন ব্রবীমি তপোধন॥ ১-৩৫-১৮ (১৬৮১)
বহূনীহ সহস্রাণি প্রয়ুতান্যর্বুদানি চ।
অশক্যান্যেব সঙ্খ্যাতুং পন্নগানাং তপোধন॥ ॥ ১-৩৫-১৯ (১৬৮২)

ইতি শ্রীমন্মহাভারতে আদিপর্বণি আস্তীকপর্বণি পঞ্চত্রিংশোঽধ্যায়ঃ॥ ৩৫ ॥

Mahabharata – Adi Parva – Chapter Footnotes

১-৩৫-১ ভুজঙ্গমানাং মাত্রা শাপো দত্তস্তস্য কারণং অবজ্ঞয়া মাতুরাজ্ঞাকারিৎবং। বিনতায়াঃ সুতেন অরুণেন শাপো দত্তস্তস্য কারণং সপত্নীর্ষ্যা॥ পঞ্চত্রিংশোঽধ্যায়ঃ॥ ৩৫ ॥