আদিপর্ব – অধ্যায় ০১২

আদিপর্ব – অধ্যায় ০১২

॥ শ্রীঃ ॥

১.১২. অধ্যায়ঃ ০১২

Mahabharata – Adi Parva – Chapter Topics

জনমেজয়সর্পসন্নপ্রস্তাবঃ॥ ১ ॥

Mahabharata – Adi Parva – Chapter Text

১-১২-০ (১০৬৯)
রুরুরুবাচ। ১-১২-০x (৫৬)
কথং হিংসিতবান্সর্পান্স রাজা জনমেজয়ঃ।
সর্পা বা হিংসিতাস্তত্র কিমর্থং দ্বিজসত্তম॥ ১-১২-১ (১০৭০)
কিমর্থং মোক্ষিতাশ্চৈব পন্নগাস্তেন ধীমতা।
আস্তীকেন দ্বিজশ্রেষ্ঠ শ্রোতুমিচ্ছাম্যশেষতঃ॥ ১-১২-২ (১০৭১)
ঋষিরুবাচ। ১-১২-৩x (৫৭)
শ্রোষ্যসি ৎবং রুরো সর্বমাস্তীকচরিতং মহৎ।
ব্রাহ্মণানাং কথয়তাং ৎবরাবান্গমনে হ্যহম্॥ ১-১২-৩ (১০৭২)
সৌতিরুবাচ। ১-১২-৪x (৫৮)
`ইত্যুক্ৎবান্তর্হিতে যোগাত্তস্মিন্নৃষিবরে প্রভৌ।
সংভ্রমাবিষ্টহৃদয়ো রুরুর্মেনে তদদ্ভুতম্॥’ ১-১২-৪ (১০৭৩)
বলং পরমমাস্থায় পর্যধাবৎসমন্ততঃ।
তমৃষিং নষ্টমন্বিচ্ছন্সংশ্রান্তো ন্যপতদ্ভুবি॥ ১-১২-৫ (১০৭৪)
স মোহে পরমং গৎবা নষ্টসংজ্ঞ ইবাভবৎ।
তদৃষের্বচনং তথ্যং চিন্তয়ানঃ পুনঃপুনঃ॥ ১-১২-৬ (১০৭৫)
লব্ধসংজ্ঞো রুরুশ্চায়াত্তদাচখ্যৌ পিতুস্তদা।
`পিত্রে তু সর্বমাখ্যায় ডুণ্ডুভস্য বচোঽর্থবৎ॥ ১-১২-৭ (১০৭৬)
অপৃচ্ছৎপিতরং ভূয়ঃ সোস্তীকস্য বচস্তদা।
আখ্যাপয়ত্তদাঽঽখ্যানং ডুণ্ডুভেনাথ কীর্তিতম্॥ ১-১২-৮ (১০৭৭)
তৎকীর্ত্যমানং ভগবঞ্শ্রোতুমিচ্ছামি তত্ৎবতঃ।’
পিতা চাস্য তদাখ্যানং পৃষ্টঃ সর্বং ন্যবেদয়ৎ॥ ॥ ১-১২-৯ (১০৭৮)

ইতি শ্রীমন্মহাভারতে আদিপর্বণি পৌলোমপর্বণি দ্বাদশোঽধ্যায়ঃ॥ ১২ ॥

॥ সমাপ্তং পৌলোমপর্ব ॥

Mahabharata – Adi Parva – Chapter Footnotes

১-১২-৫ নষ্টং অন্তর্হিতং॥ দ্বাদশোঽধ্যায়ঃ॥ ১২ ॥