আদিপর্ব – অধ্যায় ২৪১
॥ শ্রীঃ ॥
১.২৪১. অধ্যায়ঃ ২৪১
Mahabharata – Adi Parva – Chapter Topics
যতেঃ সুভদ্রাগৃহে কৃষ্ণেন স্থাপনম্॥ ১ ॥ শ্রুতপূর্বপার্থলক্ষণদর্শনেন ইমং যতিং অর্জুনং শঙ্কমানায়াঃ সুভদ্রায়াঃ যতিংপ্রতি অর্জুনাদিকুশলপ্রশ্নঃ॥ ২ ॥ অর্জুনেন তৎবে কথিতে মোহিতায়াং সুভদ্রায়াং রুক্মিণ্যা শ্বশ্রূসমীপে তদ্বৃত্তকথনম্॥ ৩ ॥ বাসুদেবানুমত্যা দেবক্যা সুভদ্রাশ্বাসনম্॥ ৪ ॥ গূঢং সুভদ্রায়া বিবাহচিকীর্ষয়া কৃষ্ণেন মহাদেবপূজাব্যাজেন সর্বয়াদবৈঃ সহ অন্তর্দ্বীপগমনম্॥ ৫ ॥
Mahabharata – Adi Parva – Chapter Text
১-২৪১-০ (১০৩৭৪)
বৈশম্পায়ন উবাচ। ১-২৪১-০x (১২৯৪)
স তথেতি প্রতিজ্ঞায় সহিতো যতিনা হরিঃ।
কৃৎবা তু সংবিদং তেন প্রহৃষ্টঃ কেশবোঽভবৎ॥ ১-২৪১-১ (১০৩৭৫)
পর্বতে তৌ বিহৃত্যৈব যথেষ্টং কৃষ্ণপাণ্ডবৌ।
তাং পুরীং প্রবিবেশাথ গৃহ্য হস্তেন পাণ্ডবম্।
প্রবিশ্য চ গৃহং রম্যং সর্বভোগসমন্বিতম্॥ ১-২৪১-২ (১০৩৭৬)
পার্থমাবেদয়ামাস রুক্মিণীসত্যভাময়োঃ।
হৃষীকেশবচঃ শ্রুৎবা তে উভে চোচতুর্ভৃশম্॥ ১-২৪১-৩ (১০৩৭৭)
মনোরথো মহানেষ হৃদি নৌ পরিবর্ততে।
কদা দ্রক্ষাব বীভৎসুং পাণ্ডবং পুরমাগতম্॥ ১-২৪১-৪ (১০৩৭৮)
ইত্যেবং হর্ষমাণে তে বদন্ত্যৌ সুভৃশং প্রিয়ম্।
রুগ্মিণীসত্যভামে বৈ দৃষ্ট্বা প্রীতোঽভবদ্যতিঃ॥ ১-২৪১-৫ (১০৩৭৯)
সর্বেষাং হর্ষমাণানাং পার্থো হর্ষমুপাগমৎ।
প্রাপ্তমজ্ঞাতরূপেণ চাগতং চার্জুনং হরিঃ॥ ১-২৪১-৬ (১০৩৮০)
সৎকৃত্য পূজ্যমানং তু প্রীত্যা চৈব হ্যপূজয়ৎ।
স তং প্রিয়াতিথিং শ্রেষ্ঠং সমীক্ষ্য যতিমাগতম্॥ ১-২৪১-৭ (১০৩৮১)
সোদর্যাং ভগিনীং কৃষ্ণঃ সুভদ্রামিদমব্রবীৎ।
অয়ং দেশাতিথির্ভদ্রে সংশিতব্রতবানৃষিঃ॥ ১-২৪১-৮ (১০৩৮২)
প্রাপ্নোতু সততং পূজাং তব কন্যাপুরে বসন্।
আর্যেণ চ পরিজ্ঞাতঃ পূজনীয়ো যতিস্ৎবয়া॥ ১-২৪১-৯ (১০৩৮৩)
রাগাদ্ভরস্ব বার্ষ্ণেয়ি ভক্ষ্যৈর্ভোজ্যৈর্যতিং সদা।
এষ যদ্যদৃষির্ব্রূয়াৎকার্যমেব ন সংশয়ঃ॥ ১-২৪১-১০ (১০৩৮৪)
সখীভিঃ সহিতা ভদ্রে ভবাস্য বশবর্তিনী।
পুরা হি যতয়ো ভদ্রে যে ভৈক্ষার্থমনুব্রতাঃ॥ ১-২৪১-১১ (১০৩৮৫)
তে বভূবুর্দশার্হাণাং কন্যাপুরনিবাসিনঃ।
তেভ্যো ভোজ্যানি ভক্ষ্যাণি যথাকালমতন্দ্রিতাঃ।
কন্যাপুরগতাঃ কন্যাঃ প্রয়চ্ছন্তি যশস্বিনি॥ ১-২৪১-১২ (১০৩৮৬)
বৈশম্পায়ন উবাচ। ১-২৪১-১৩x (১২৯৫)
সা তথেত্যব্রবীৎকৃষ্ণং করিষ্যামি যথাঽঽথ মাম্।
তোষয়িষ্যামি বৃত্তেন কর্মণা চ দ্বিজর্ষভম্॥ ১-২৪১-১৩ (১০৩৮৭)
এবমেতেন রূপেণ কংচিৎকালং ধনঞ্জয়ঃ।
উবাস ভক্ষ্যৈর্ভোজ্যৈশ্চ ভদ্রয়া পরমার্চিতঃ॥ ১-২৪১-১৪ (১০৩৮৮)
তস্য সর্বগুণোপেতাং বাসুদেবসহোদরীম্।
পশ্যতঃ সততং ভদ্রাং প্রাদুরাসীন্মনোভবঃ॥ ১-২৪১-১৫ (১০৩৮৯)
গূহয়ন্নিব চাকারমালোক্য বরবর্ণিনীম্।
দীর্ঘমুষ্ণং বিনিশ্বস্য পার্থঃ কামবশং গতঃ॥ ১-২৪১-১৬ (১০৩৯০)
স কৃষ্ণাং দ্রৌপদীং মেনে ন রূপে ভদ্রয়া সমাম্।
প্রাপ্তাং ভূমান্বিন্দ্রসেনাং সাক্ষাদ্বা বরুণাত্মজাম্॥ ১-২৪১-১৭ (১০৩৯১)
অতীতকালে সংপ্রাপ্তে সর্বাস্তাপি সুরস্ত্রিয়ঃ।
ন সমা ভদ্রয়া লোকে ইত্যেবং মন্যতেঽর্জুনঃ॥ ১-২৪১-১৮ (১০৩৯২)
অতীতসময়ে কালে সোদর্যাণাং ধনঞ্জয়ঃ।
ন সস্মার সুভদ্রায়াং কামাঙ্কুশনিবারিতঃ॥ ১-২৪১-১৯ (১০৩৯৩)
ক্রীডারতিপরাং ভদ্রাং সখীগণসমাবৃতাম্।
প্রীয়তে স্মার্জুনঃ পশ্যন্স্বাহামিব বিভাবসুঃ॥ ১-২৪১-২০ (১০৩৯৪)
পাণ্ডবস্য সুভদ্রায়াঃ সকাশে তু যশস্বিনঃ।
সমুৎপত্তিঃ প্রভাবশ্চ গদেন কথিতঃ পুরা॥ ১-২৪১-২১ (১০৩৯৫)
শ্রুৎবা চাশনিনির্ঘোষং কেশবেনাপি ধীমতা।
উপমামর্জুনং কৃৎবা বিস্তরঃ কথিতঃ পুরা॥ ১-২৪১-২২ (১০৩৯৬)
ক্রুদ্ধমানপ্রলাপশ্চ বৃষ্ণীনামর্জুনং প্রতি।
পৌরুষং চোপমাং কৃৎবা প্রাবর্তত ধনুষ্মতাম্॥ ১-২৪১-২৩ (১০৩৯৭)
অন্যোন্যকলহে চাপি বিবাদে চাপি বৃষ্ণয়ঃ।
অর্জুনোপি ন মে তুল্যঃ কুতস্ৎবমিতি চাব্রুবন্॥ ১-২৪১-২৪ (১০৩৯৮)
জাতাংশ্চ পুত্রান্গৃহ্ণন্ত আশিষো বৃষ্ণয়োঽব্রবন্।
অর্জুনস্য সমো বীর্যে ভব তাত ধনুর্ধরঃ॥ ১-২৪১-২৫ (১০৩৯৯)
তস্মাৎসুভদ্রা চকমে পৌরুষাদ্ভরতর্ষভম্।
সত্যসন্ধস্য রূপেণ চাতুর্যেণ চ মোহিতা॥ ১-২৪১-২৬ (১০৪০০)
চারণাতিথিসংঘানাং গদস্য চ নিশম্য সা।
অদৃষ্টে কৃতভাবাভূৎসুভদ্রা ভরতর্ষভে॥ ১-২৪১-২৭ (১০৪০১)
কীর্তয়ন্দদৃশে যো যঃ কথংচিৎকুরুজাঙ্গলম্।
তং তমেব তদা ভদ্রা বীভৎসুং স্ম হি পৃচ্ছতি॥ ১-২৪১-২৮ (১০৪০২)
অভীক্ষ্ণশ্রবণাদেবমভীক্ষ্ণপরিপৃচ্ছনাৎ।
প্রত্যক্ষ ইব ভদ্রায়াঃ পাণ্ডবঃ প্রত্যপদ্যত॥ ১-২৪১-২৯ (১০৪০৩)
ভুজৌ ভুজগসঙ্কাশৌ জ্যাঘাতেন কিণীকৃতৌ।
পার্থোঽয়মিতি পশ্যন্ত্যা নিঃশংসয়মজায়ত॥ ১-২৪১-৩০ (১০৪০৪)
যথারূপং হি শুশ্রাব সুভদ্রা ভরতর্ষভম্।
তথারূপমবেক্ষ্যৈনং পরাং প্রীতিমবাপ সা॥ ১-২৪১-৩১ (১০৪০৫)
সা কদাচিদুপাসীনং পপ্রচ্ছ কুরুনন্দনম্।
কথং দেশাশ্চ চরিতা নানাজনপদাঃ কথম্॥ ১-২৪১-৩২ (১০৪০৬)
সরাংসি সরিতশ্চৈব বনানি চ কথং যতে।
দিশঃ কাশ্চ কথং প্রাপ্তাশ্চরতা ভবতা সদা॥ ১-২৪১-৩৩ (১০৪০৭)
স তথোক্তস্তদা ভদ্রাং বহুনর্মামৃতং ব্রুবন্।
উবাচ পরমপ্রীতস্তথা বহুবিধাঃ কথাঃ॥ ১-২৪১-৩৪ (১০৪০৮)
নিশণ্য বিবিধং তস্য লোকে চরিতমাত্মনঃ।
তথা পরিগতো ভাবঃ কন্যায়াঃ সমপদ্যত॥ ১-২৪১-৩৫ (১০৪০৯)
পর্বসন্ধৌ তু কস্মিংশ্চিৎসুভদ্রা ভরতর্ষভম্।
রহস্যেকান্তমাসাদ্য হর্ষমাণাঽভ্যভাষত॥ ১-২৪১-৩৬ (১০৪১০)
যতিনা রচতা দেশান্খাণ্ডবপ্রস্থবাসিনী।
কশ্চিদ্ভগবতা দৃষ্টা পৃথাঽস্মাকং পিতৃষ্বসা॥ ১-২৪১-৩৭ (১০৪১১)
ভ্রাতৃভিঃ প্রীয়তে সর্বৈর্দৃষ্টঃ কচ্চিদ্যুধিষ্ঠিরঃ।
কচ্চিদ্ধর্মপরো ভীমো ধর্মরাজস্য ধীমতঃ॥ ১-২৪১-৩৮ (১০৪১২)
নিবৃত্তসময়ঃ কচ্চিদপরাধাদ্ধনঞ্জয়ঃ।
নিয়মে কামভোগানাং বর্তমানঃ প্রিয়ে রতঃ॥ ১-২৪১-৩৯ (১০৪১৩)
ক্ব নু পার্থশ্চরত্যদ্য বহিঃ স বসতীর্বসন্।
সুখোচিতো হ্যদুঃখার্হো দীর্ঘবাহুররিন্দমঃ॥ ১-২৪১-৪০ (১০৪১৪)
কচ্চিচ্ছ্রুতো বা দৃষ্টো বা পার্থো ভগবতাঽর্জুনঃ।
নিশম্য বচনং তস্যাস্তামুবাচ হসন্নিব॥ ১-২৪১-৪১ (১০৪১৫)
আর্যা কুশলিনী কুন্তী সহপুত্রা সহস্নুষা।
প্রীয়তে পশ্যতী পুত্রান্খাণ্ডবপ্রস্থ আসতে॥ ১-২৪১-৪২ (১০৪১৬)
অনুজ্ঞাতশ্চ মাত্রা চ সোদরৈশ্চ ধনঞ্জয়ঃ।
দ্বারকামাবসত্যেকো যতিলিঙ্গেন পাণ্ডবঃ॥ ১-২৪১-৪৩ (১০৪১৭)
পশ্যন্তী সততং কস্মান্নাভিজানাসি মাধবি।
নিশণ্য বচনং তস্য বাসুদেবসহোদরী॥ ১-২৪১-৪৪ (১০৪১৮)
নিশ্বাসবহুলা তস্থৌ ক্ষিতিং বিলিখতী তদা।
ততঃ পরমসংহৃষ্টঃ সর্বশস্ত্রভৃতাং বরঃ॥ ১-২৪১-৪৫ (১০৪১৯)
অর্জুনোঽহমিতি প্রীতস্তামুবাচ ধনঞ্জয়ঃ।
যথা তব গতো ভাবঃ শ্রবণান্ময়ি ভামিনি॥ ১-২৪১-৪৬ (১০৪২০)
ৎবদ্গতঃ সততং ভাবস্তথা তব গুণৈর্মম।
প্রশস্তেঽহনি ধর্মেণ ভদ্রে স্বয়মহং বৃতঃ॥ ১-২৪১-৪৭ (১০৪২১)
সত্যবানিব সাবিত্র্যা ভবিষ্যামি পতিস্তব॥ ১-২৪১-৪৮ (১০৪২২)
বৈশম্পায়ন উবাচ। ১-২৪১-৪৯x (১২৯৬)
এবমুক্ৎবা ততঃ পার্থঃ প্রবিবেশ লতাগৃহম্।
ততঃ সুভদ্রা ললিতা লজ্জাভাবসমন্বিতা॥ ১-২৪১-৪৯ (১০৪২৩)
মুমোহ শয়নে দিব্যে শয়ানা ন তথোচিতা।
নাকরোদ্যতিপূজাং সা লজ্জাভাবমুপেয়ুষী॥ ১-২৪১-৫০ (১০৪২৪)
কন্যাপুরে তু যদ্বৃত্তং জ্ঞাৎবা দিব্যেন চক্ষুষা।
শশাস রুক্মিণীং কৃষ্ণো ভোজনাদি তদার্জুনে॥ ১-২৪১-৫১ (১০৪২৫)
তদাপ্রভৃতি তাং ভদ্রাং চিন্তয়ন্বৈ ধনঞ্জয়ঃ।
আস্তে স্ম স তদাঽঽরামে কামেন ভৃশপীডিতঃ॥ ১-২৪১-৫২ (১০৪২৬)
সুভদ্রা চাপি ন স্বস্থা পার্থং প্রতি বভূব সা।
কৃশা বিবর্ণবদনা চিন্তাশোকপরায়ণা॥ ১-২৪১-৫৩ (১০৪২৭)
নিশ্বাসপরমা ভদ্রা মানসেন মনস্বিনী।
ন শয়্যাসনভোগেষু রতিং বিন্দতি কেনচিৎ॥ ১-২৪১-৫৪ (১০৪২৮)
ন নক্তং ন দিবা শেতে বভূবোন্মত্তদর্শনা।
এবং শোকপরাং ভদ্রাং দেবী বাক্যমথাব্রবীৎ।
মা শোকং কুরু বার্ষ্ণেয়ি ধৃতিমালম্ব্য শোভনে॥ ১-২৪১-৫৫ (১০৪২৯)
রুক্মিণ্যেবং সুভদ্রাং তাং কৃষ্ণস্যানুমতে তদা।
রহোগত্য তদা শ্বশ্রূং দেবকীং বাক্যমব্রবীৎ॥ ১-২৪১-৫৬ (১০৪৩০)
অর্জুনো যতিরূপেণ হ্যাগতঃ সুসমাহিতঃ।
কন্যাপুরমথাবিশ্য পূজিতো ভদ্রয়া মুদা॥ ১-২৪১-৫৭ (১০৪৩১)
তং বিদিৎবা সুভদ্রাপি লজ্জয়া পরিমোহিতা।
দিবানিশং শয়ানা সা নাকরোদ্ভোজনাদিকম্॥ ১-২৪১-৫৮ (১০৪৩২)
এবমুক্তা তয়া দেবী ভদ্রাং শোকপরায়ণাম্।
তৎসমীপং সমাগত্য শ্লক্ষ্ণং বাক্যমথাব্রবীৎ॥ ১-২৪১-৫৯ (১০৪৩৩)
মা শোকং কুরু বার্ষ্ণেয়ি ধৃতিমালম্ব্য শোভনে।
রাজ্ঞে নিবেদয়িৎবাপি বসুদেবায় ধীমতে॥ ১-২৪১-৬০ (১০৪৩৪)
কৃষ্ণায়াপি তথা ভদ্রে প্রহর্ষং কারয়ামি তে।
পশ্চাজ্জানামি তে বার্তাং মা শোকং কুরু ভামিনি॥ ১-২৪১-৬১ (১০৪৩৫)
এবমুক্ৎবা তু সা মাতা ভদ্রায়াঃ প্রিয়কারিণী।
নিবেদয়ামাস তদা ভদ্রামানকদুন্দুভেঃ॥ ১-২৪১-৬২ (১০৪৩৬)
রহস্যেকাসনা তত্র ভদ্রাঽস্বস্থেতি চাব্রবীৎ।
আরামে তু যতিঃ শ্রীমানর্জুনশ্চেতি নঃ শ্রুতম্॥ ১-২৪১-৬৩ (১০৪৩৭)
অক্রূরায় চ কৃষ্মায় আহুকায় চ সাত্যেকঃ।
নিবেদ্যতাং মহাপ্রাজ্ঞ শ্রোতব্যং যদি বান্ধবৈঃ॥ ১-২৪১-৬৪ (১০৪৩৮)
বৈশম্পায়ন উবাচ। ১-২৪১-৬৫x (১২৯৭)
বসুদেবস্তু তচ্ছ্রুৎবা অক্রূরাহুকয়োস্তথা।
নিবেদয়িৎবা কৃষ্ণেন মন্ত্রয়ামাস তৈস্তদা॥ ১-২৪১-৬৫ (১০৪৩৯)
ইদং কার্যমিদং কৃত্যমিদমেবেতি নিশ্চিতঃ।
অক্রূরশ্চোগ্রসেনশ্চ সাত্যকিশ্চ গদস্তথা॥ ১-২৪১-৬৬ (১০৪৪০)
পৃথুশ্রবাশ্চ কৃষ্ণশ্চ সহিতাঃ শিনিনা মুহুঃ।
রুক্মিণী সত্যভামা চ দেবকী রোহিণী তথা॥ ১-২৪১-৬৭ (১০৪৪১)
বসুদেবেন সহিতাঃ পুরোহিতমতে স্থিতাঃ।
বিবাহং মন্ত্রয়ামাসুর্দ্বাদশেঽহনি ভারত॥ ১-২৪১-৬৮ (১০৪৪২)
অজ্ঞাতং রৌহিণেয়স্য উদ্ধবস্য চ ভারত।
বিবাহং তু সুভদ্রায়াঃ কর্তুকামো গদাগ্রজঃ॥ ১-২৪১-৬৯ (১০৪৪৩)
মহাদেবস্য পূজার্থং মহোৎসব ইতি ব্রুবন্।
চতুস্ত্রিংশদহোরাত্রং সুভদ্রার্তিপ্রশান্তয়ে॥ ১-২৪১-৭০ (১০৪৪৪)
নগরে ঘোষয়াস হিতার্থং সব্যসাচিনঃ।
ইতশ্চতুর্থে ৎবহনি অন্তর্দ্বীপং তু গম্যতাম্॥ ১-২৪১-৭১ (১০৪৪৫)
সদারৈঃ সানুয়াত্রৈশ্চ সপুত্রৈঃ সহবাধবৈঃ।
গন্তব্যং সর্ববর্মৈশ্চ গন্তব্যং সর্বয়াদবৈঃ॥ ১-২৪১-৭২ (১০৪৪৬)
এবমুক্তাস্তু তে সর্বে তথা চক্রুশ্চ সর্বশঃ।
ততঃ সর্বদশার্হাণামন্তর্দ্বীপে চ ভারত॥ ১-২৪১-৭৩ (১০৪৪৭)
চতুস্ত্রিংশদহোরাত্রং বভূব পরমোৎসবঃ।
কৃষ্ণরামাহুকাক্রূরপ্রদ্যুম্নশিনিসত্যকাঃ॥ ১-২৪১-৭৪ (১০৪৪৮)
সমুদ্রং প্রয়যুর্হৃষ্টাঃ কুকুরান্ধকবৃষ্ণয়ঃ।
যুক্তয়ন্ত্রপতাকাভির্বৃষ্ণয়ো ব্রাহ্মণৈঃ সহ॥ ১-২৪১-৭৫ (১০৪৪৯)
সমুদ্রং প্রয়যুর্নৌভিঃ সর্বে পুরনিবাসিনঃ।
ততস্ৎবরিতমাগত্য দাশার্হগণপূজিতম্॥ ১-২৪১-৭৬ (১০৪৫০)
সুভদ্রা পুণ্ডরীকাক্ষমব্রবীদ্যতিশাসনাৎ।
কৃত্যবান্দ্বাদশাহানি স্থাতা স ভগবানিহ॥ ১-২৪১-৭৭ (১০৪৫১)
তিষ্ঠতস্তস্য কঃ কুর্যাদুপস্থানবিধিং সদা।
তমুবাচ হৃষীকেশঃ কস্ৎবদন্যো বিশেষতঃ॥ ১-২৪১-৭৮ (১০৪৫২)
তমৃষিং প্রত্যুপস্থাতুমিতো নার্হতি মাধবি।
ৎবমেবাস্মন্মতেনাদ্য মহর্ষের্বশবর্তিনী॥ ১-২৪১-৭৯ (১০৪৫৩)
কুরু সর্বাণি কার্যাণি কীর্তিং ধর্মমবেক্ষ্য চ।
তস্য চাতিথিমুখ্যস্য সর্বেষাং চ তপস্বিনাম্॥ ১-২৪১-৮০ (১০৪৫৪)
সংবিধানপরা ভদ্রে ভব ৎবং বশবর্তিনী॥ ১-২৪১-৮১ (১০৪৫৫)
বৈশম্পায়ন উবাচ। ১-২৪১-৮২x (১২৯৮)
এবমাদিশ্য ভিক্ষাং চ ভদ্রাং চ মধুসূদনঃ।
যয়ৌ শঙ্খপ্রণাদেন ভেরীণাং নিস্বনেন চ॥ ১-২৪১-৮২ (১০৪৫৬)
ততস্তু দ্বীপমাসাদ্য দানধর্মপরায়ণাঃ।
উগ্রসেনমুখাশ্চান্যে বিজহুঃ কুকুরান্ধকাঃ॥ ১-২৪১-৮৩ (১০৪৫৭)
পটহানাং প্রণাদৈশ্চ ভেরীণাং নিস্বনেন চ।
সপ্তয়োজনবিস্তার আয়তো দশয়োজনম্॥ ১-২৪১-৮৪ (১০৪৫৮)
বভূব স মহাদ্বীপঃ সপর্বতমহাবনঃ।
সেতুপুষ্করিণীজালৈরাক্রীডঃ সর্বসাৎবতাম্॥ ১-২৪১-৮৫ (১০৪৫৯)
বাপীপল্বলসঙ্ঘৈশ্চ কাননৈশ্চ মনোরমৈঃ।
বাসুদেবস্য ক্রীডার্থং যোগ্যঃ সর্বপ্রহর্ষতঃ॥ ১-২৪১-৮৬ (১০৪৬০)
কুকুরান্ধকবৃষ্ণীনাং তথা প্রিয়করস্তদা।
বভূব পরমোপেতস্ত্রিবিষ্টপ ইবাপরঃ॥ ১-২৪১-৮৭ (১০৪৬১)
চতুস্ত্রিংশদহোরাত্রং দানধর্মপরায়ণাঃ।
উগ্রসেনমুখাঃ সর্বে বিজহুঃ কুকুরান্ধকাঃ॥ ১-২৪১-৮৮ (১০৪৬২)
বিচিত্রমাল্যাভরণাশ্চিত্রগন্ধানুলেপনাঃ।
বিহারাভিগতাঃ সর্বে যাদবা হর্ষসংয়ুতাঃ॥ ১-২৪১-৮৯ (১০৪৬৩)
সুনৃত্তগীতবাদিত্রৈ রমমাণাস্তদাঽভবন্।
প্রতিয়াতে দশার্হাণামৃষভে শার্ঙ্গধন্বনি।
সুভধ্রোদ্বাহনং পার্থঃ প্রাপ্তকালমমন্যত॥ ॥ ১-২৪১-৯০ (১০৪৬৪)
ইতি শ্রীমন্মহাভারতে আদিপর্বণি সুভদ্রাহরণপর্বণি একচৎবারিংশদধিকদ্বিশততমোঽধ্যায়ঃ॥ ২৪১ ॥