আদিপর্ব – অধ্যায় ২৪০

আদিপর্ব – অধ্যায় ২৪০

॥ শ্রীঃ ॥

১.২৪০. অধ্যায়ঃ ২৪০

Mahabharata – Adi Parva – Chapter Topics

দ্বারকায়া উপবনে বসতঃ যতিরূপস্যার্জুতস্য রৈবতকপর্বতাৎপ্রতিনিবৃত্তৈর্যাদবৈর্দর্শনম্॥ ১ ॥ যতিনিবাসবিষয়ে যাদবৈ পৃষ্টে সুভদ্রাগৃহে বসৎবিতি রামোক্তিঃ॥ ২ ॥

Mahabharata – Adi Parva – Chapter Text

১-২৪০-০ (১০৩৪২)
বৈশম্পায়ন উবাচ। ১-২৪০-০x (১২৮৯)
চৈরাঃ সংচারিতে তস্মিন্ননুজ্ঞাতে যুধিষ্ঠিরে।
বাসুদেবাভ্যনুজ্ঞাতঃ কথয়িৎবেতিকৃত্যতাম্॥ ১-২৪০-১ (১০৩৪৩)
কৃষ্ণস্য মতমাস্থায় প্রয়যৌ ভরতর্ষভঃ।
দ্বারকায়া উপবনে তস্থৌ বৈ কার্যসাধনঃ॥ ১-২৪০-২ (১০৩৪৪)
নিবৃত্তে হ্যুৎসবে তস্মিন্গিরৌ রৈবতকে তদা।
বৃষ্ণয়োঽপ্যগমন্সর্বে পুরীং দ্বারবতীমনু॥ ১-২৪০-৩ (১০৩৪৫)
চিন্তয়ানস্ততো ভদ্রামুপবিষ্টঃ শিলাতলে।
রমণীয়ে বনোদ্দেশে বহুপাদপসংবৃতে॥ ১-২৪০-৪ (১০৩৪৬)
সালতালাশ্বকর্ণৈশ্চ বকুলৈরর্জুনৈস্তথা।
চম্পকাশোকপুন্নাগৈঃ কেতকৈঃ পাটলৈস্তথা॥ ১-২৪০-৫ (১০৩৪৭)
কর্ণিকারৈরশোকৈশ্চ অঙ্কোলৈরতিমুক্তকৈঃ।
এবমাদিভিরন্যৈশ্চ সংবৃতে স শিলাতলে॥ ১-২৪০-৬ (১০৩৪৮)
পুনঃপুনশ্চিন্তয়ানঃ সুভদ্রাং ভদ্রভাষিণীম্।
যদৃচ্ছয়া চোপপন্নান্বৃষ্ণিবীরান্দদর্শ সঃ॥ ১-২৪০-৭ (১০৩৪৯)
বলদেবং চ হার্দিক্যং সাম্বং সারণমেব চ।
প্রদ্যুম্নং চ গদং চৈব চারুদেষ্ণং বিদূরথম্॥ ১-২৪০-৮ (১০৩৫০)
ভানুং চ হরিতং চৈব বিপৃথুং পৃথুমেব চ।
তথান্যাংশ্চ বহূন্পশ্যন্হৃদি শোকমধারয়ৎ॥ ১-২৪০-৯ (১০৩৫১)
ততস্তে সহিতাঃ সর্বে যতিং দৃষ্ট্বা সমুৎসুকাঃ।
বৃষ্ণয়ো বিনয়োপেতাঃ পরিবার্যোপতস্থিরে॥ ১-২৪০-১০ (১০৩৫২)
ততোঽর্জুনঃ প্রীতমনাঃ স্বাগতং ব্যাজহার সঃ।
আস্যতামাস্যতাং সর্বৈ রমণীয়ে শিলাতলে॥ ১-২৪০-১১ (১০৩৫৩)
ইত্যেবমুক্তা যতিনা প্রীতাস্তে যাদবর্ষভাঃ।
উপোপবিবিশুঃ সর্বে তে স্বাগতমিতি ব্রুবন্॥ ১-২৪০-১২ (১০৩৫৪)
পরিতঃ সন্নিবিষ্টেষু বৃষ্ণিবীরেষু পাণ্ডবঃ।
আকারং গূহমানস্তু কুশলপ্রশ্নমব্রবীৎ॥ ১-২৪০-১৩ (১০৩৫৫)
সর্বত্র কুশলং চোক্ৎবা বলদেবোঽব্রবীদিদম্।
প্রসাদং কুরু মে বিপ্র কুতস্ৎবং চাগতো হ্যসি॥ ১-২৪০-১৪ (১০৩৫৬)
ৎবয়া দৃষ্টানি পুণ্যানি বদ ৎবং বদতাংবর।
পর্বতাংশ্চৈব তীর্থানি বনান্যায়তনানি চ॥ ১-২৪০-১৫ (১০৩৫৭)
বৈশম্পায়ন উবাচ। ১-২৪০-১৬x (১২৯০)
তীর্থানাং দর্শনং চৈব পর্বতানাং চ ভারত।
আপগানাং বনানাং চ কথয়ামাস তাঃ কথাঃ॥ ১-২৪০-১৬ (১০৩৫৮)
শ্রুৎবা ধর্মকথাঃ পুণ্যা বৃষ্ণিবীরা মুদান্বিতাঃ।
অপূজয়ংস্তদা ভিক্ষুং কথান্তে জনমেজয়॥ ১-২৪০-১৭ (১০৩৫৯)
ততস্তু যাদবাঃ সর্বে মন্ত্রয়ন্তি স্ম ভারত।
অয়ং দেশাতিথিঃ শ্রীমান্যতিলিঙ্গধরো দ্বিজঃ॥ ১-২৪০-১৮ (১০৩৬০)
আবাসং কমুপাশ্রিত্য বসেত নিরুপদ্রবঃ।
ইত্যেবং প্রব্রুবন্তস্তু রৌহিণেয়ং চ যাদবাঃ॥ ১-২৪০-১৯ (১০৩৬১)
দদৃশুঃ কৃষ্ণমায়ান্তং সর্বে যাদবনন্দনম্।
এহি কেশব তাতেতি রৌহিণেয়ো বচোঽব্রবীৎ॥ ১-২৪০-২০ (১০৩৬২)
যতিলিঙ্গধরো বিদ্বান্দেশাতিথিরয়ং দ্বিজঃ।
বর্ষমাসনিবাসার্থমাগতো নঃ পুরং প্রতি।
স্থানে যস্মিন্নিবসতু তন্মে ব্রূহি জনার্দন॥ ১-২৪০-২১ (১০৩৬৩)
শ্রীকৃষ্ণ উবাচ। ১-২৪০-২২x (১২৯১)
ৎবয়ি স্থিতে মহাভাগ পরবানস্মি ধর্মতঃ।
স্বয়ং তু রুচিরে স্থানে বাসয়ের্যদুনন্দন॥ ১-২৪০-২২ (১০৩৬৪)
প্রীতঃ স তেন বাক্যেন পরিষ্বজ্য জনার্দনম্।
বলদেবোঽব্রবীদ্বাক্যং চিন্তয়িৎবা মহাবলঃ॥ ১-২৪০-২৩ (১০৩৬৫)
আরামে তু বসেদ্ধীমাংশ্চতুরো বর্ষমাসকান্।
কন্যাগৃহে সুভদ্রায়া ভুক্ৎবা ভোজনমিচ্ছয়া॥ ১-২৪০-২৪ (১০৩৬৬)
লতাগৃহেষু বসতামিতি মে ধীয়তে মতিঃ।
লব্ধানুজ্ঞাস্ৎবয়া তাত মন্যন্তে সর্বয়াদবাঃ॥ ১-২৪০-২৫ (১০৩৬৭)
শ্রীকৃষ্ণ উবাচ। ১-২৪০-২৬x (১২৯২)
বলবান্দর্শনীয়শ্চ বাগ্মী শ্রীমান্বহুশ্রুতঃ।
কন্যাপুরসমীপে তু ন যুক্তমিতি মে মতিঃ॥ ১-২৪০-২৬ (১০৩৬৮)
গুরুঃ শাস্তা চ নেতা চ শাস্ত্রজ্ঞো ধর্মবিত্তমঃ।
ৎবয়োক্তং ন বিরুধ্যেহং করিষ্যামি বচস্তব॥ ১-২৪০-২৭ (১০৩৬৯)
শুভাশুভস্য বিজ্ঞাতা নান্যোঽস্মি ভুবি কশ্চন॥ ১-২৪০-২৮ (১০৩৭০)
বলদেব উবাচ। ১-২৪০-২৯x (১২৯৩)
অয়ং দেশাতিথিঃ শ্রীমান্সর্বধর্মভৃতাং বরঃ।
ধৃতিমান্বিনয়োপেতঃ সত্যবাদী জিতেন্দ্রিয়ঃ॥ ১-২৪০-২৯ (১০৩৭১)
যতিলিঙ্গধরো হ্যেষ কো বিজানাতি মানসম্।
ৎবমিমং পুণ্ডরীকাক্ষ নীৎবা কন্যাপুরং শুভম্॥ ১-২৪০-৩০ (১০৩৭২)
নিবেদয় সুভদ্রায়ৈ মদ্বাক্যপরিচোদিতঃ।
ভক্ষ্যৈর্ভোজ্যৈশ্চ পানৈশ্চ অন্নৈরিষ্টৈশ্চ পূজয়॥ ॥ ১-২৪০-৩১ (১০৩৭৩)

ইতি শ্রীমন্মহাভারতে আদিপর্বণি সুভদ্রাহরণপর্বণি চৎবারিংশদধিকদ্বিশততমোঽধ্যায়ঃ॥ ২৪০ ॥

Leave a Reply

Your email address will not be published. Required fields are marked *