আদিপর্ব – অধ্যায় ২৩৬

আদিপর্ব – অধ্যায় ২৩৬

॥ শ্রীঃ ॥

১.২৩৬. অধ্যায়ঃ ২৩৬

Mahabharata – Adi Parva – Chapter Topics

সৌভদ্রতীর্থে স্নানার্থমবতীর্ণস্যার্জুনস্য গ্রাহেণ গ্রহণম্॥ ১ ॥ জলাদুদ্ধরণেন গ্রাহরূপং পরিত্যজ্য নারীরূপং প্রাপ্তয়া বর্গানাম্নয়া স্বপ্রভৃতীনাং ব্রাহ্মণেন শাপদানকথনম্॥ ২ ॥

Mahabharata – Adi Parva – Chapter Text

১-২৩৬-০ (১০২০৭)
বৈশম্পায়ন উবাচ। ১-২৩৬-০x (১২৭৪)
ততঃ সমুদ্রে তীর্থানি দক্ষিমে ভরতর্ষভঃ।
অভ্যগচ্ছৎসুপুণ্যানি সোভিতানি তপস্বিভিঃ॥ ১-২৩৬-১ (১০২০৮)
বর্জয়ন্তি স্ম তীর্তানি তত্র পঞ্চ সম তাপসাঃ।
অবকীর্ণানি যান্যাসন্পুরস্তাত্তু তপস্বিভিঃ॥ ১-২৩৬-২ (১০২০৯)
অগস্ত্যতীর্থং সৌভদ্রং পৌলোমং চ সুপাবনম্।
কারন্ধমং প্রসন্নং চ মহমেধফলং চ তৎ॥ ১-২৩৬-৩ (১০২১০)
ভারদ্বাজস্য তীর্থং তু পাপপ্রশমনং মহৎ।
এতানি পঞ্চ তীর্থানি দদর্শ কুরুসত্তমঃ॥ ১-২৩৬-৪ (১০২১১)
বিবিক্তান্যুপলক্ষ্যাথ তানি তীর্থানি পাণ্ডবঃ।
দৃষ্ট্বা চ বর্জ্যমানানি মুনিভির্ধর্মবুদ্ধিভিঃ॥ ১-২৩৬-৫ (১০২১২)
তপস্বিনস্ততোঽপৃচ্ছৎপ্রাঞ্জলিঃ কুরুনন্দনঃ।
তীর্থানীমানি বর্জ্যন্তে কিমর্থং ব্রহ্মবাদিভিঃ॥ ১-২৩৬-৬ (১০২১৩)
তাপসা ঊচুঃ। ১-২৩৬-৭x (১২৭৫)
গ্রাহাঃ পঞ্চ বসন্ত্যেষু হরন্তি চ তপোধনান্।
তত এতানি বর্জ্যন্তে তীর্থানি কুরুনন্দন॥ ১-২৩৬-৭ (১০২১৪)
বৈশম্পায়ন উবাচ। ১-২৩৬-৮x (১২৭৬)
তেষাং শ্রুৎবা মহাবাহুর্বার্যমাণস্তপোধনৈঃ।
জগাম তানি তীর্থানি দ্রষ্টুং পুরুষসত্তমঃ॥ ১-২৩৬-৮ (১০২১৫)
ততঃ সৌভদ্রমাসাদ্য মহর্ষেস্তীর্থমুত্তমম্।
বিগাহ্য সহসা শূরঃ স্নানং চক্রে পরন্তপঃ॥ ১-২৩৬-৯ (১০২১৬)
অথ তং পুরুষব্যাঘ্রমন্তর্জলচরো মহান্।
জগ্রাহ চরণে গ্রাহঃ কুন্তীপুত্রং ধনঞ্জয়ম্॥ ১-২৩৬-১০ (১০২১৭)
স তমাদায় কৌন্তেয়ো বিস্ফুরন্তং জলেচরম্।
উদতিষ্ঠন্মহাবাহুর্বলেন বলিনাং বরঃ॥ ১-২৩৬-১১ (১০২১৮)
উৎকৃষ্ট এব গ্রাহস্তু সোঽর্জুনেন যশস্বিনা।
বভূব নারী কল্যাণী সর্বাভরণভূষইতা॥ ১-২৩৬-১২ (১০২১৯)
দীপ্যমানা শ্রিয়া রাজন্দিব্যরূপা মনোরমা।
তদদ্ভুতং মহদ্দৃষ্ট্বা কুন্তীপুত্রো ধনঞ্জয়ঃ॥ ১-২৩৬-১৩ (১০২২০)
তাং স্ত্রিয়ং পরমপ্রীত ইদং বচনমব্রবীৎ।
কা বৈ ৎবমসি কল্যাণিকুতো বাঽসি জলেচরী॥ ১-২৩৬-১৪ (১০২২১)
কিমর্থং চ মহৎপাপমিদং কৃতবতী পুরা। ১-২৩৬-১৫ (১০২২২)
বর্গোবাচ।
অপ্সরাঽস্মি মহাবাহো দেবারণ্যবিহারিণী॥ ১-২৩৬-১৫x (১২৭৭)
ইষ্টা ধনপতের্নিত্যং বর্গা নাম মহাবল।
মম সখ্যশ্চতস্রোঽন্যাঃ সর্বাঃ কামগমাঃ শুভাঃ॥ ১-২৩৬-১৬ (১০২২৩)
তাভিঃ সার্ধং প্রয়াতাঽস্মি লোকপালনিবেশনম্।
ততঃ পশ্যামহে সর্বা ব্রাহ্মণং সংশিতব্রতম্॥ ১-২৩৬-১৭ (১০২২৪)
রূপবন্তমধীয়ানমেকমেকান্তচারিণম্।
তস্যৈব তপসা রাজংস্তদ্বয়ং তেজসা বৃতম্॥ ১-২৩৬-১৮ (১০২২৫)
আদিত্য ইব তং দেশং ইৎবং সর্ব ব্যকাশয়ৎ।
তস্য দৃষ্ট্বা তপস্তাদৃগ্রূপচাদ্ভুতমুত্তমম্॥ ১-২৩৬-১৯ (১০২২৬)
অবতীর্ণাঃ স্ম তং দেশং তপোবিঘ্নচিকীর্ষয়া।
অহং চ সৌরভেয়ী চ সমীচী বুদ্বুদা লতা॥ ১-২৩৬-২০ (১০২২৭)
যৌগপদ্যেন তং বিপ্রমভ্যগচ্ছাম ভারত।
গায়ন্ত্যোঽথহসন্ত্যশ্চ লোভয়িৎবা চ তং দ্বিজং॥ ১-২৩৬-২১ (১০২২৮)
স চ নাস্মাসু কৃতবান্মনো বীর কথংচন।
নাকম্পত মহাতেজাঃ স্থিতস্তপসি নির্মলে॥ ১-২৩৬-২২ (১০২২৯)
সোঽশপৎকুপিতোঽস্মাংস্তু ব্রাহ্মণঃ ক্ষত্রিয়র্ষভ।
গ্রাহভূতা জলে যূয়ং চরিষ্যথ শতং সমাঃ॥ ॥ ১-২৩৬-২৩ (১০২৩০)

ইতি শ্রীমন্মহাভারতে আদিপর্বণি অর্জুনবনবাসপর্বণি ষট্ত্রিংশদধিকদ্বিশততমোঽধ্যায়ঃ॥ ২৩৬ ॥

Mahabharata – Adi Parva – Chapter Footnotes

১-২৩৬-৫ ধর্মবুদ্ধিভির্দুর্মরণজ দোষং তীর্থেনাপ্যবিনাশ্যং পশ্যদ্ভিঃ॥ ১-২৩৬-১৫ চর্চোবাচ ইতি ঘ পাঠঃ॥ ষট্ত্রিংশদধিকদ্বিশততমোঽধ্যায়ঃ॥ ২৩৬ ॥

Leave a Reply

Your email address will not be published. Required fields are marked *