আদিপর্ব – অধ্যায় ২৩৫

আদিপর্ব – অধ্যায় ২৩৫

॥ শ্রীঃ ॥

১.২৩৫. অধ্যায়ঃ ২৩৫

Mahabharata – Adi Parva – Chapter Topics

অর্জুনস্য মণলূরগ্রামগমনম্॥ ১ ॥ পুত্রিকাপুত্রকধর্মেণ চিত্রাঙ্গদাপরিগ্রহঃ॥ ২ ॥

Mahabharata – Adi Parva – Chapter Text

১-২৩৫-০ (১০১৭৮)
বৈশম্পায়ন উবাচ। ১-২৩৫-০x (১২৭৩)
কথয়িৎবা চ তৎসর্বং ব্রাহ্মণেভ্যঃ স ভারত।
প্রয়যৌ হিমবৎপার্শ্বং ততো বজ্রধরাত্মজঃ॥ ১-২৩৫-১ (১০১৭৯)
অগস্ত্যবটমাসাদ্য বসিষ্ঠস্য চ পর্বতম্।
ভৃগুতুঙ্গে চ কৌন্তেয়ঃ কৃতবাঞ্শৌচমাত্মনঃ॥ ১-২৩৫-২ (১০১৮০)
প্রদদৌ গোসহস্রাণি সুবহূনি চ ভারত।
নিবেশাংশ্চ দ্বিজাতিভ্যঃ সোঽদদৎকুরুসত্তমঃ॥ ১-২৩৫-৩ (১০১৮১)
হিরণ্যবিন্দোস্তীর্থে চ স্নাৎবা পুরুষসত্তমঃ।
দৃষ্টবান্পাণ্ডবশ্রেষ্ঠঃ পুণ্যান্যায়তনানি চ॥ ১-২৩৫-৪ (১০১৮২)
অবতীর্য নরশ্রেষ্ঠো ব্রাহ্মণৈঃ সহ ভারত।
প্রাচীং দিশমভিপ্রেপ্সুর্জগাম ভরতর্ষভঃ॥ ১-২৩৫-৫ (১০১৮৩)
আনুপূর্ব্যেণ তীর্থানি দৃষ্টবান্কুরুসত্তমঃ।
নদীং চোৎপলিনীং রম্যামরণ্যং নৈমিষং প্রতি॥ ১-২৩৫-৬ (১০১৮৪)
নন্দামপরনন্দাং চ কৌশিকীং চ যশস্বিনীম্।
মহানদীং গয়াং চৈব গঙ্গামপি চ ভারত॥ ১-২৩৫-৭ (১০১৮৫)
এবং তীর্থানি সর্বাণি পশ্যমানস্তথাশ্রমান্।
আত্মনঃ পাবনং কুর্বন্ব্রাহ্মণেভ্যো দদৌ চ গাঃ॥ ১-২৩৫-৮ (১০১৮৬)
অঙ্গবঙ্গকলিঙ্গেষু যানি তীর্থানি কানিচিৎ।
জগাম তানি সর্বাণি পুণ্যান্যায়তনানি চ॥ ১-২৩৫-৯ (১০১৮৭)
দৃষ্ট্বা চ বিধিবত্তানি ধনং চাপি দদৌ ততঃ।
কলিঙ্গরাষ্ট্রদ্বারেষু ব্রাহ্মণাঃ পাণ্ডবানুগাঃ।
অভ্যনুজ্ঞায় কৌন্তেয়মুপাবর্তন্ত ভারত॥ ১-২৩৫-১০ (১০১৮৮)
স তু তৈরভ্যনুজ্ঞাতঃ কুন্তীপুত্রো ধনঞ্জয়ঃ।
সহায়ৈরল্পকৈঃ শূরঃ প্রয়যৌ যত্র সাগরঃ॥ ১-২৩৫-১১ (১০১৮৯)
স কলিঙ্গানতিক্রম্য দেশানায়তনানি চ।
হর্ম্যাণি রমণীয়ানি প্রেক্ষণাণো যয়ৌ প্রভুঃ॥ ১-২৩৫-১২ (১০১৯০)
মহেন্দ্রপর্বতং দৃষ্ট্বা তাপসৈরুপশোভিতম্।
`গোদাবর্যাং ততঃ স্নাৎবা তামতীত্য মহাবলঃ॥ ১-২৩৫-১৩ (১০১৯১)
কাবেরীং তাং সমাসাদ্য সঙ্গমে সাগরস্য চ।
স্নাৎবা সংপূজ্য দেবাংশ্চ পিতৄংশ্চ মুনিভিঃ সহ’॥ ১-২৩৫-১৪ (১০১৯২)
সমুদ্রতীরেণ শনৈর্মণলূরং জগাম হ॥ ১-২৩৫-১৫ (১০১৯৩)
তত্র সর্বাণি তীর্থানি পুণ্যান্যায়তনানি চ।
অভিগম্য মহাবাহুরভ্যগচ্ছন্মহীপতিম্॥ ১-২৩৫-১৬ (১০১৯৪)
মণলূরেশ্বরং রাজন্ধর্মজ্ঞং চিত্রবাহনম্।
তস্য চিত্রাঙ্গদা নাম দুহিতা চারুদর্শনা॥ ১-২৩৫-১৭ (১০১৯৫)
তাং দদর্শ পুরে তস্মিন্বিচরন্তীং যদৃচ্ছয়া।
দৃষ্ট্বা চ তাং বরারোহাং চকমে চৈত্রবাহনীম্॥ ১-২৩৫-১৮ (১০১৯৬)
অভিগম্য চ রাজানমবদৎস্বং প্রয়োজনম্।
দেহি মে খল্বিমাং রাজন্ক্ষত্রিয়ায় মহাত্মনে॥ ১-২৩৫-১৯ (১০১৯৭)
তচ্ছ্রুৎবা ৎবব্রবীদ্রাজা কস্য পুত্রোঽসি নাম কিম্।
উবাচ তং পাণ্ডবোঽহং কুন্তীপুত্রো ধনঞ্জয়ঃ॥ ১-২৩৫-২০ (১০১৯৮)
তমুবাচাথ রাজা স সান্ৎবপূর্বমিদং বচঃ।
রাজা প্রভঞ্জনো নাম কুলেঽস্মিন্সংবভূব হ॥ ১-২৩৫-২১ (১০১৯৯)
অপুত্রঃ প্রসবেনার্থী তপস্তেপে স উত্তমম্।
উগ্রেণ তপসা তেন দেবদেবঃ পিনাকধৃক্॥ ১-২৩৫-২২ (১০২০০)
ঈশ্বরস্তোষিতঃ পার্থ দেবদেবঃ উমাপতিঃ।
স তস্মৈ ভঘবান্প্রাদাদেকৈকং প্রসবং কুলে॥ ১-২৩৫-২৩ (১০২০১)
একৈকঃ প্রসবস্তস্মাদ্ভবত্যস্মিন্কুলে সদা।
তেষাং কুমারাঃ সর্বেষাং পূর্বেষাং মম জজ্ঞিরে॥ ১-২৩৫-২৪ (১০২০২)
একা চ মম কন্যেয়ং কুলস্যোৎপাদনী ভৃশম্।
পুত্রো মমায়মিতি মে ভাবনা পুরুষর্ষভ॥ ১-২৩৫-২৫ (১০২০৩)
পুত্রিকাহেতুবিধিনা সংজ্ঞিতা ভরতর্ষভ।
তস্মাদেকঃ সুতো যোঽস্যাং জায়তে ভারত ৎবয়া॥ ১-২৩৫-২৬ (১০২০৪)
এতচ্ছুল্কং ভবৎবস্যাঃ কুলকৃজ্জায়তামিহ।
এতেন সময়েনেমাং প্রতিগৃহ্ণীষ্ব পাণ্ডব॥ ১-২৩৫-২৭ (১০২০৫)
স তথেতি প্রতিজ্ঞায় তাং কন্যাং প্রতিগৃহ্য চ।
`মাসে ত্রয়োদশে পার্থঃ কৃৎবা বৈবাহিকীং ক্রিয়াম্।’
উবাস নগরে তস্মিন্মাসাংস্ত্রীন্স তয়া সহ॥ ॥ ১-২৩৫-২৮ (১০২০৬)

ইতি শ্রীমন্মহাভারতে আদিপর্বণি অর্জুনবনবাসপর্বণি পঞ্চত্রিংশদধিকদ্বিশততমোঽধ্যায়ঃ॥ ২৩৫ ॥

Leave a Reply

Your email address will not be published. Required fields are marked *