আদিপর্ব – অধ্যায় ০০৪

আদিপর্ব – অধ্যায় ০০৪

॥ শ্রীঃ ॥

১.৪. অধ্যায়ঃ ০০৪

(অথ পৌলোমপর্ব ॥ ৪ ॥)

Mahabharata – Adi Parva – Chapter Topics

সৌতিশৌনকসংবাদমুখেন কথোপোদ্ধাতঃ॥ ১ ॥

রোমহর্ষণপুত্র উগ্রশ্রবাঃ সৌতিঃ পৌরাণিকো নৈমিশারণ্যে শৌনকস্য কুলপতের্দ্বাদশবার্ষিকে সত্রে ঋষীনভ্যাগতানুপতস্থে॥ ১-৪-১ (৮৮৮)
পৌরাণিকঃ পুরাণে কৃতশ্রমঃ স কৃতাঞ্জলিস্তানুবাচ।
`ময়োত্তঙ্কস্য চরিতমশেষমুক্তং জনমেজয়স্য সার্পসত্রে নিমিত্তান্তরমিদমপি।’
কিং ভবন্তঃ শ্রোতুমিচ্ছন্তি কিমহং ব্রবাণীতি॥ ১-৪-২ (৮৮৯)
তমৃষয় ঊচুঃ। ১-৪-৩x (২৫)
পরং রৌমহর্ষণে প্রবক্ষ্যামস্ৎবাং নঃ প্রতিবক্ষ্যসি বচঃ শুশ্রূষতাং কথায়োগং নঃ কথায়োগে॥ ১-৪-৩ (৮৯০)
তত্র ভগবান্ কুলপতিস্তু শৌনকোঽগ্নিশরণমধ্যাস্তে।
`দীর্ঘসত্রৎবাৎসর্বাঃ কথাঃ শ্রোতুং কালোস্তি॥’ ১-৪-৪ (৮৯১)
যৌঽসৌ দিব্যাঃ কথা বেদ দেবতাসুরসংশ্রিতাঃ।
মনুষ্যোরগগন্ধর্বকথা বেদ চ সর্বশঃ॥ ১-৪-৫ (৮৯২)
স চাপ্যস্মিন্মশে সৌতে বিদ্বান্কুলপতির্দিবজঃ।
দক্ষো ধৃতব্রতো ধীমাঞ্শাস্ত্রে চারণ্যকে গুরুঃ॥ ১-৪-৬ (৮৯৩)
সত্যবাদী শমপরস্তপস্বী নিয়তব্রতঃ।
সর্বেষামেব নো মান্যঃ স তাবৎপ্রতিপাল্যতাম্॥ ১-৪-৭ (৮৯৪)
তস্মিন্নধ্যাসতি গুরাবাসনং পরমার্চিতম্।
ততো বক্ষ্যসি যত্ৎবাং স প্রক্ষ্যতি দ্বিজসত্তমঃ॥ ১-৪-৮ (৮৯৫)
সৌতিরুবাচ। ১-৪-৯x (২৬)
এবমস্তু গুরৌ তস্মিন্নুপবিষ্টে মহাত্মনি।
তেন পৃষ্টঃ কথাঃ পুণ্যা বক্ষ্যামি বিবিধাশ্রয়াঃ॥ ১-৪-৯ (৮৯৬)
সোঽথ বিপ্রর্ষভঃ সর্বং কৃৎবা কার্যং যথাবিধি।
দেবান্বাগ্ভিঃ পিতৄনদ্ভিস্তর্পয়িৎবাঽঽজগাম হ॥ ১-৪-১০ (৮৯৭)
যত্র ব্রহ্মর্ষয়ঃ সিদ্ধাঃ সুখাসীনা ধৃতব্রতাঃ।
যজ্ঞায়তনমাশ্রিত্য সূতপুত্রপুরস্পরাঃ॥ ১-৪-১১ (৮৯৮)
ঋৎবিক্ষ্বথ সদস্যেষু স বৈ গৃহপতিস্তদা।
উপবিষ্টেষূপবিষ্টঃ শৌনকোঽথাব্রবীদিদম্॥ ॥ ১-৪-১২ (৮৯৯)

ইতি শ্রীমন্মহাভারতে আদিপর্বণি পৌলোমপর্বণি চতুর্থোঽধ্যায়ঃ॥ ৪ ॥

Mahabharata – Adi Parva – Chapter Footnotes

১-৪-৭ প্রতিপাল্যতাং প্রতীক্ষ্যতাং॥ ১-৪-১০ বাগ্ভিঃ ব্রহ্ময়জ্ঞীয়াভিঃ॥ চতুর্থোঽদ্যায়ঃ॥ ৪ ॥

Leave a Reply

Your email address will not be published. Required fields are marked *