শ্রীদুর্গাসপ্তশ্লোকী

 .. শ্রীদুর্গাসপ্তশ্লোকী ..

৐ অস্য শ্রীদুর্গাসপ্তশ্লোকীস্তোত্রমহামন্ত্রস্য
নারাযণ ঋষিঃ . অনুষ্টুপাদীনি ছন্দাংসি .
শ্রীমহাকালীমহালক্ষ্মীমহাসরস্বত্যো দেবতাঃ .
শ্রী জগদম্বাপ্রীত্যর্থে পাঠে বিনিযোগঃ ..

জ্ঞানিনামপি চেতাংসি দেবী ভগবতী হি সা  .
বলাদাকৃষ্য মোহায মহামাযা প্রযচ্ছতি  .. ১..

দুর্গে স্মৃতা হরসি ভীতিমশেষজন্তোঃ
        স্বস্থৈঃ স্মৃতা মতিমতীব শুভাং দদাসি  .
দারিদ্র্যদুঃখভযহারিণি কা ত্বদন্যা
        সর্বোপকারকরণায সদার্দ্র চিত্তা  .. ২..

সর্ব মংগল মাংগল্যে শিবে সর্বার্থ সাধিকে  .
শরণ্যে ত্র্যম্বকে গৌরি নারাযণি নমোঽস্তু তে  .. ৩..

শরণাগতদীনার্তপরিত্রাণপরাযণে  .
সর্বস্যার্তিহরে দেবি নারাযণি নমোঽস্তু তে  .. ৪..

সর্বস্বরূপে সর্বেশে সর্বশক্তি সমন্বিতে  .
ভযেভ্যস্ত্রাহি নো দেবী দুর্গে দেবী নমোঽস্তু তে  .. ৫..

রোগানশেষানপহংসি তুষ্টা রুষ্টা তু কামান্ সকলানভীষ্টান্  .
ত্বামাশ্রিতানাং ন বিপন্নরাণাং ত্বামাশ্রিতা হ্যাশ্রযতাং প্রযান্তি  .. ৬..

সর্বাবাধাপ্রশমনং ত্রৈলোক্যস্যাখিলেশ্বরি  .
এবমেব ত্বযা কার্যমস্মদ্বৈরি বিনাশনম্  .. ৭..

          .. ইতি দুর্গাসপ্তশ্লোকী ..