লক্ষ্মীনৃসিংহ করাবলম্ব স্তোত্রং

.. শ্রী শঙ্করভগবত্পাদকৃত

         লক্ষ্মীনৃসিংহ করাবলম্ব স্তোত্রম্ ..

শ্রীমত্পযোনিধিনিকেতন চক্রপাণে
       ভোগীন্দ্রভোগরমণিরঞ্জিত পুণ্যমূর্তে .
যোগীশ শাশ্বত শরণ্যভবাব্ধিপোত
       লক্ষ্মীনৃসিংহ মম দেহি করাবলম্বম্ .. ১..
ব্রহ্মেন্দ্ররুদ্রমরুদর্ককিরীটকোটি
       সঙ্ঘট্টিতাঙ্ঘ্রিকমলামলকান্তিকান্ত .
লক্ষ্মীলসত্কুচসরোরুহরাজহংস
       লক্ষ্মীনৃসিংহ মম দেহি করাবলম্বম্ .. ২..
সংসারঘোরগহনে চরতো মুরারে
       মারোগ্রভীকরমৃগপ্রবরার্দিতস্য .
আর্তস্য মত্সরনিদাঘনিপীডিতস্য
        লক্ষ্মীনৃসিংহ মম দেহি করাবলম্বম্ .. ৩..
সংসারকূপমতিঘোরমগাধমূলং
        সংপ্রাপ্য দুঃখশতসর্পসমাকুলস্য .
দীনস্য দেব কৃপণাপদমাগতস্য
        লক্ষ্মীনৃসিংহ মম দেহি করাবলম্বম্ .. ৪..
সংসারসাগরবিশালকরালকাল-
       নক্রগ্রহগ্রসননিগ্রহবিগ্রহস্য .
ব্যগ্রস্য রাগরসনোর্মিনিপীডিতস্য
        লক্ষ্মীনৃসিংহ মম দেহি করাবলম্বম্ .. ৫..
সংসারবৃক্ষমঘবীজমনন্তকর্ম-
       শাখাশতং করণপত্রমনঙ্গপুষ্পম্ .
আরুহা দুঃখফলিতং পততো দযালো
        লক্ষ্মীনৃসিংহ মম দেহি করাবলম্বম্ .. ৬..
সংসারসর্পঘনবক্ত্রভযোগ্রতীব্র-
        দংষ্ট্রাকরালবিষদগ্ধবিনষ্টমূর্তেঃ .
নাগারিবাহন সুধাব্ধিনিবাস শৌরে
         লক্ষ্মীনৃসিংহ মম দেহি করাবলম্বম্ .. ৭..
সংসারদাবদহনাবদভীকরোরু-
         জ্বালাবলীভিরতিদগ্ধতনূরুহস্য .
ত্বত্পাদপদ্মসরসীশরণাগতস্য
         লক্ষ্মীনৃসিংহ মম দেহি করাবলম্বম্ .. ৮..
সংসারজালপতিতস্য জগন্নিবাস
         সর্বেন্দ্রিযার্থবডিশার্থঝষোপমস্য .
প্রোত্খণ্ডিতপ্রচুরতালুকমস্তকস্য
          লক্ষ্মীনৃসিংহ মম দেহি করাবলম্বম্ .. ৯..
সংসারভীকরকরীন্দ্রকরাভিগাত-
       নিষ্পিষ্টমর্মবপুষঃ সকলার্থিনাশ .
প্রাণপ্রযাণভবভীতিসমাকুলস্য
        লক্ষ্মীনৃসিংহ মম দেহি করাবলম্বম্ .. ১০..
অন্ধস্য মে হৃত্বিবেকমহাধনস্য
       চোরৈঃ প্রভো বলিভিরিন্দ্রিযনামধেযৈঃ .
মোহান্ধকূপকুহরে বিনিপাতিতস্য
        লক্ষ্মীনৃসিংহ মম দেহি করাবলম্বম্ .. ১১..
বদ্ধ্বা গলে যমভটা বহুতর্জযন্তঃ
       কর্ষন্তি যত্র ভবপাশশতৈর্যুতং মাম্ .
একাকিনং পরবশং চকিতং দযালো
        লক্ষ্মীনৃসিংহ মম দেহি করাবলম্বম্ .. ১২..
লক্ষ্মীপতে কমলনাভ সুরেশ বিষ্ণো
       বৈকুণ্ঠ কৃষ্ণ মধুসূদন পুষ্করাক্ষ .
ব্রহ্মণ্য কেশব জনার্দন বাসুদেব
        লক্ষ্মীনৃসিংহ মম দেহি করাবলম্বম্ .. ১৩..
একেন চক্রমপরেণ করেণ শঙ্খ-
       মন্যেন সিন্ধুতনযামবলম্ব্য তিষ্ঠন্ .
বামে করেণ বরদাভযপদ্মচিহ্নং
        লক্ষ্মীনৃসিংহ মম দেহি করাবলম্বম্ .. ১৪..
সংসারসাগরনিমজ্জনমুহ্যমানং
        দীনং বিলোকয বিভো করুণানিধে মাম্ .
প্রহ্লাদখেদপরিহারপরাবতার
        লক্ষ্মীনৃসিংহ মম দেহি করাবলম্বম্ .. ১৫..
প্রহ্লাদ- নারদ- পরাশর- পুণ্ডরীক-
       ব্যাসাদি ভগবত্পুঙ্গব হৃন্নিবাস .
ভক্তানুরক্তপরিপালনপারিজাত
        লক্ষ্মীনৃসিংহ মম দেহি করাবলম্বম্ .. ১৬..
লক্ষ্মীনৃসিংহ চরণাব্জমধুব্রতেন
       স্তোত্রং কৃতং শুভকরং ভুবি শঙ্করেণ .
যে তত্পঠন্তি মনুজা হরিভক্তিযুক্তা-
      স্তে যান্তি তত্পদসরোজমখণ্ডরূপম্ .. ১৭..
           .. শ্রী লক্ষ্মীনৃসিংহার্পণমস্তু ..
ইতি শ্রী শঙ্করভগবত্পাদকৃত লক্ষ্মীনৃসিংহ করাবলম্ব স্তোত্রং সংপূর্ণম্ ..