রামকৃষ্ণ বিলোম কাব্যং

.. রামকৃষ্ণ বিলোম কাব্যং ( কবি সূর্য) ..

রামকৃষ্ণ বিলোম কাব্যম্

তং ভূসুতামুক্তিমুদারহাসং
বন্দে যতো ভব্যভবং দযাশ্রীঃ .
শ্রীযাদবং ভব্যভতোযদেবং
সংহারদামুক্তিমুতাসুভূতম্ .. ১..

চিরং বিরংচির্ন চিরং বিরংচিঃ
সাকারতা সত্যসতারকা সা .
সাকারতা সত্যসত্যসতারকা সা
চিরং বিরংচির্ন চিরং বিরংচিঃ .. ২..

তামসীত্যসতি সত্যসীমতা
মাযযাক্ষমসমক্ষযাযমা .
মাযযাক্ষসমক্ষযাযমা
তামসীত্যসতি সত্যসীমতা .. ৩..

কা তাপঘ্নী তারকাদ্যা বিপাপা
ত্রেধা বিদ্যা নোষ্ণকৃত্যং নিবাসে .
সেবা নিত্যং কৃষ্ণনোদ্যা বিধাত্রে
পাপাবিদ্যাকারতাঘ্নী পতাকা .. ৪..

শ্রীরামতো মধ্যমতোদি যেন
ধীরোঽনিশং বশ্যবতীবরাদ্বা
দ্বারাবতীবশ্যবশং নিরোধী
নযেদিতো মধ্যমতোঽমরা শ্রীঃ .. ৫..

কৌশিকে ত্রিতপসি ক্ষরব্রতী
যোঽদদাদ্ঽদ্বিতনযস্বমাতুরম্ .
রন্তুমাস্বযন তদ্বিদাদযোঽ
তীব্ররক্ষসি পতত্রিকেশিকৌ .. ৬..

লম্বাধরোরু ত্রযলম্বনাসে
ত্বং যাহি যাহি ক্ষরমাগতাজ্ঞা .
জ্ঞাতাগমা রক্ষ হি যাহি যা ত্বং
সেনা বলং যত্র রুরোধ বালম্ .. ৭..

লঙ্কাযনা নিত্যগমা ধবাশা
সাকং তযানুন্নযমানুকারা .
রাকানুমা যন্ননু যাতকংসা
শাবাধমাগত্য নিনায কালম্ .. ৮..

গাধিজাধ্বরবৈরা যে
তেঽতীতা রক্ষসা মতাঃ .
তামসাক্ষরতাতীতে
যে রাবৈরধ্বজাধিগাঃ .. ৯..

তাবদেব দযা দেবে
যাগে যাবদবাসনা .
নাসবাদবযা গেযা
বেদে যাদবদেবতা .. ১০..

সভাস্বযে ভগ্নমনেন চাপং
কীনাশতানদ্ধরুষা শিলাশৈঃ .
শৈলাশিষারুদ্ধনতাশনাকী
পঞ্চাননে মগ্নভযে স্বভাসঃ .. ১১..

ন বেদ যামক্ষরভামসীতাং
কা তারকা বিষ্ণুজিতেঽবিবাদে .
দেবাবিতে জিষ্ণুবিকারতা কা
তাং সীমভারক্ষমযাদবেন .. ১২..

তীব্রগোরন্বযত্রার্যো
বৈদেহীমনসো মতঃ .
তমসো ন মহীদেবৈ-
র্যাত্রাযন্বরগোব্রতী .. ১৩..

বেদ যা পদ্মসদনং
সাধারাবততার মা .
মারতা তব রাধা সা
নন্দ সদ্মপ যাদবে .. ১৪..

শৈবতো হননেঽরোধী
যো দেবেষু নৃপোত্সবঃ .
বত্সপো নৃষু বেদে যো
ধীরোঽনেন হতোঽবশৈঃ .. ১৫..

নাগোপগোঽসি ক্ষর মে পিনাকেঽ
নাযোঽজনে ধর্মধনেন দানম্ .
নন্দাননে ধর্মধনে জযো না
কেনাপি মে রক্ষসি গোপগো নঃ .. ১৬..

ততান দাম প্রমদা পদায
নেমে রুচামস্বনসুন্দরাক্ষী .
ক্ষীরাদসুং ন স্বমচারু মেনে
যদাপ দাম প্রমদা নতাতঃ .. ১৭..

তামিতো মত্তসূত্রামা
শাপাদেষ বিগানতাম্ .
তাং নগাবিষদেঽপাশা
মাত্রাসূত্তমতো মিতা .. ১৮..

নাসাবদ্যাপত্রপাজ্ঞাবিনোদী
ধীরোঽনুত্যা সস্মিতোঽদ্যাবিগীত্যা .
ত্যাগী বিদ্যাতোঽস্মি সত্ত্যানুরোধী
দীনোঽবিজ্ঞা পাত্রপদ্যাবসানা .. ১৯..

সংভাবিতং ভিক্ষুরগাদগারং
যাতাধিরাপ স্বনঘাজবংশঃ .
শবং জঘান স্বপরাধিতাযা
রঙ্গাদগারক্ষুভিতং বিভাসম্ .. ২০..

তযাতিতারস্বনযাগতং মা
লোকাপবাদদ্বিতযং পিনাকে .
কেনাপি যং তদ্বিদবাপ কালো
মাতংগযানস্বরতাতিযাতঃ .. ২১..

শবেঽবিদা চিত্রকুরঙ্গমালা
পঞ্চাবটীনর্ম ন রোচতে বা .
বাতেঽচরো নর্মনটীব চাপং
লামাগরং কুত্রচিদাবিবেশ .. ২২..

নেহ বা ক্ষিপসি পক্ষিকংধরা
মালিনী স্বমতমত্ত দূযতে .
তে যদূত্তমতম স্বনীলমা-
রাধকং ক্ষিপসি পক্ষিবাহনে .. ২৩..

বনান্তযানস্বণুবেদনাসু
যোষামৃতেঽরণ্যগতাবিরোধী .
ধীরোঽবিতাগণ্যরতে মৃষা যো
সুনাদবেণুস্বনযাতনাং বঃ .. ২৪..

কিং নু তোযরসা পম্পা
ন সেবা নিযতেন বৈ .
বৈনতেযনিবাসেন
পাপং সারযতো নু কিম্ .. ২৫..

স নতাতপহা তেন
স্বং শেনাবিহিতাগসম্ .
সংগতাহিবিনাশে স্বং
নেতেহাপ ততান সঃ .. ২৬..

কপিতালবিভাগেন
যোষাদোঽনুনযেন সঃ .
স নযে ননু দোষাযো
নগে ভাবিলতাপিকঃ .. ২৭..

তে সভা প্রকপিবর্ণমালিকা
নাল্পকপ্রসরমভ্রকল্পিতা .
তাল্পিকভ্রমরসপ্রকল্পনা
কালিমর্ণব পিক প্রভাসতে .. ২৮..

রাবণেঽক্ষিপতনত্রপানতে
নাল্পকভ্রমণমক্রমাতুরম্ .
রন্তুমাক্রমণমভ্রকল্পনা
তেন পাত্রনতপক্ষিণে বরা .. ২৯..

দৈবে যোগে সেবাদানং
শঙ্কা নাযে লঙ্কাযানে .
নেযাকালং যেনাকাশং
নন্দাবাসে গেযো বেদৈঃ .. ৩০..

শঙ্কাবজ্ঞানুত্বনুজ্ঞাবকাশং
যানে নদ্যামুগ্রমুদ্যাননেযা .
যানে নদ্যামুগ্রমুদ্যাননেযা
শংকাবজ্ঞানুত্বনুজ্ঞাবকাশম্ .. ৩১..

বা দিদেশ দ্বিসীতাযাং
যং পাথোযনসেতবে .
বৈতসেন যথোপাযং
যন্তাসীদ্ঽবিশদে দিবা .. ৩২..

বাযুজোঽনুমতো নেমে
সংগ্রামেঽরবিতোঽহ্নি বঃ .
বহ্নিতো বিরমে গ্রাসং
মেনেঽতোঽমনুজো যুবা .. ৩৩..

ক্ষতায মা যত্র রঘোরিতাযু-
রঙ্কানুগানন্যবযোঽযনানি .
নিনায যো বন্যনগানুকারং
যুতারিঘোরত্রযমাযতাক্ষঃ .. ৩৪..

তারকে রিপুরাপ শ্রী-
রুচা দাসসুতান্বিতঃ .
তন্বিতাসু সদাচারু
শ্রীপুরা পুরি কে রতা .. ৩৫..

লঙ্কা রঙ্কাংগরাধ্যাসং
যানে মেযা কারাব্যাসে .
সেব্যা রাকা যামে নেযা
সংধ্যারাগাকারং কালম্ .. ৩৬..

.. ইতি শ্রীদৈবজ্ঞপণ্ডিত সূর্যকবি বিরচিতং
বিলোমাক্ষররামকৃষ্ণকাব্যং সমাপ্তম্ ..