.. বিষ্ণুষট্পদী ..
বিষ্ণুষট্পদীস্তোত্রং
অবিনযমপনয বিষ্ণো দময মনঃ শময বিষযমৃগতৃষ্ণাং .
ভূতদযাং বিস্তারয তারয সংসারসাগরতঃ .. ১..
দিব্যধুনীমকরন্দে পরিমলপরিভোগসচ্চিদানন্দে .
শ্রীপতিপদারবিন্দে ভবভযখেদচ্ছিদে বন্দে .. ২..
সত্যপি ভেদাপগমে নাথ তবাহং ন মামকীনস্ত্বং .
সামুদ্রো হি তরঙ্গঃ ক্বচন সমুদ্রো ন তরঙ্গঃ .. ৩..
উদ্ধৃতনগ নগভিদনুজ দনুজকুলামিত্র মিত্রশশিদৃষ্টে .
দৃষ্টে ভবতি প্রভবতি ন ভবতি কিং ভবতিরস্কারঃ .. ৪..
মত্স্যাদিভিরবতারৈরবতারবতাঽবতা সদা বসুধাং .
পরমেশ্বর পরিপাল্যো ভবতা ভবতাপভীতোঽহং .. ৫..
দামোদর গুণমন্দির সুন্দরবদনারবিন্দ গোবিন্দ .
ভবজলধিমথনমন্দর পরমং দরমপনয ত্বং মে .. ৬..
নারাযণ করুণাময শরণং করবাণি তাবকৌ চরণৌ .
ইতি ষট্পদী মদীযে বদনসরোজে সদা বসতু .. ৭..
.. ইতি শ্রীমদ্ শঙ্করাচার্যবিরচিতং বিষ্ণুষট্পদীস্তোত্রং সংপূর্ণম্ ..