.. দ্বাদশ স্তোত্রাণি- শ্রী মধ্বকৃত..
অথ প্রথমস্তোত্রম্
বন্দে বন্দ্যং সদানন্দং বাসুদেবং নিরঞ্জনম্ |
ইন্দিরাপতিমাদ্যাদি বরদেশ বরপ্রদম্ || ১||
নমামি নিখিলাধীশ কিরীটাঘৃষ্টপীঠবত্ |
হৃত্তমঃ শমনেঽর্কাভং শ্রীপতেঃ পাদপঙ্কজম্ || ২||
জাম্বূনদাম্বরাধারং নিতম্বং চিন্ত্যমীশিতুঃ |
স্বর্ণমঞ্জীরসংবীতং আরূঢং জগদম্বযা || ৩||
উদরং চিন্ত্যং ঈশস্য তনুত্বেঽপি অখিলম্ভরং |
বলিত্রযাংকিতং নিত্যং আরূঢং শ্রিযৈকযা || ৪||
স্মরণীযমুরো বিষ্ণোঃ ইন্দিরাবাসমুত্তমৈঃ ( ইন্দিরাবাসমুত্তমম্) | (ইন্দিরাবাসমীশিতুঃ) ইতি ক্বচিত্
অনন্তং অন্তবদিব ভুজযোরন্তরঙ্গতম্ || ৫||
শঙ্খচক্রগদাপদ্মধরাশ্চিন্ত্যা হরের্ভুজাঃ |
পীনবৃত্তা জগদ্রক্ষা কেবলোদ্যোগিনোঽনিশম্ || ৬||
সন্ততং চিন্তযেত্কণ্ঠং ভাস্বত্কৌস্তুভভাসকম্ |
বৈকুণ্ঠস্যাখিলা বেদা উদ্গীর্যন্তেঽনিশং যতঃ || ৭||
স্মরেত যামিনীনাথ সহস্রামিতকান্তিমত্ |
ভবতাপাপনোদীড্যং শ্রীপতেঃ মুখপঙ্কজম্ || ৮||
পূর্ণানন্যসুখোদ্ভাসিং অন্দস্মিতমধীশিতুঃ |
গোবিন্দস্য সদা চিন্ত্যং নিত্যানন্দপদপ্রদম্ || ৯||
স্মরামি ভবসন্তাপ হানিদামৃতসাগরম্ |
পূর্ণানন্দস্য রামস্য সানুরাগাবলোকনম্ || ১০||
ধ্যাযেদজস্রমীশস্য পদ্মজাদিপ্রতীক্ষিতম্ |
ভ্রূভঙ্গং পারমেষ্ঠ্যাদি পদদাযি বিমুক্তিদম্ || ১১||
সন্ততং চিন্তযেঽনন্তং অন্তকালে বিশেষতঃ |
নৈবোদাপুঃ গৃণন্তোঽন্তং যদ্গুণানাং অজাদযঃ || ১২||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু প্রথমস্তোত্রং সম্পূর্ণম্
অথ দ্বিতীযস্তোত্রম্
স্বজনোদধিসংবৃদ্ধি (সুজনোদধিসংবৃদ্ধি] ইতি ক্বচিত্পূর্ণচন্দ্রো গুণার্ণবঃ |
অমন্দানন্দ সান্দ্রো নঃ সদাব্যাদিন্দিরাপতিঃ (প্রীযাতামিন্দিরাপতিঃ) ইতি ক্বচিত্|| ১||
রমাচকোরীবিধবে দুষ্টদর্পোদবহ্নযে ( দুষ্টসর্পোদবহ্নযে) |
সত্পান্থজনগেহায নমো নারাযণায তে || ২||
চিদচিদ্ভেদং অখিলং বিধাযাধায ভুঞ্জতে |
অব্যাকৃতগুহস্থায রমাপ্রণযিনে নমঃ || ৩||
অমন্দগুণসারোঽপি মন্দহাসেন বীক্ষিতঃ |
নিত্যমিন্দিরযাঽনন্দসান্দ্রো যো নৌমি তং হরিম্ || ৪||
বশী বশো ( বশে) ন কস্যাপি যোঽজিতো বিজিতাখিলঃ |
সর্বকর্তা ন ক্রিযতে তং নমামি রমাপতিম্ || ৫||
অগুণাযগুণোদ্রেক স্বরূপাযাদিকারিণে |
বিদারিতারিসঙ্ঘায বাসুদেবায তে নমঃ || ৬||
আদিদেবায দেবানাং পতযে সাদিতারযে |
অনাদ্যজ্ঞানপারায নমঃ পারাবরাশ্রয (নমো বরবরায তে) ইতি ক্বচিত্|| ৭||
অজায জনযিত্রেঽস্য বিজিতাখিলদানব |
অজাদি পূজ্যপাদায নমস্তে গরুডধ্বজ || ৮||
ইন্দিরামন্দসান্দ্রাগ্র্য কটাক্ষপ্রেক্ষিতাত্মনে |
অস্মদিষ্টৈক কার্যায পূর্ণায হরযে নমঃ || ৯||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু দ্বিতীযস্তোত্রং সম্পূর্ণম্
অথ তৃতীযস্তোত্রম্
কুরু ভুঙ্ক্ষ্ব চ কর্ম নিজং নিযতং হরিপাদবিনম্রধিযা সততং |
হরিরেব পরো হরিরেব গুরুঃ হরিরেব জগত্পিতৃমাতৃগতিঃ || ১||
ন ততোঽস্ত্যপরং জগদীড্যতমং ( জগতীড্যতমং) পরমাত্পরতঃ পুরুষোত্তমতঃ |
তদলং বহুলোকবিচিন্তনযা প্রবণং কুরু মানসমীশপদে || ২||
যততোঽপি হরেঃ পদসংস্মরণে সকলং হ্যঘমাশু লযং ব্রজতি |
স্মরতস্তু বিমুক্তি পদং পরমং স্ফুটমেষ্যতি তত্কিমপাক্রিযতে || ৩||
শৃণুতামলসত্যবচঃ পরমং শপথেরিতং উচ্ছ্রিতবাহুযুগং |
ন হরেঃ পরমো ন হরেঃ সদৃশঃ পরমঃ স তু সর্ব চিদাত্মগণাত্ || ৪||
যদি নাম পরো ন ভবেত ( ভবেত্স) হরিঃ কথমস্য বশে জগদেতদভূত্ |
যদি নাম ন তস্য বশে সকলং কথমেব তু নিত্যসুখং ন ভবেত্ || ৫||
ন চ কর্মবিমামল কালগুণপ্রভৃতীশমচিত্তনু তদ্ধি যতঃ |
চিদচিত্তনু সর্বমসৌ তু হরির্যমযেদিতি বৈদিকমস্তি বচঃ || ৬||
ব্যবহারভিদাঽপি গুরোর্জগতাং ন তু চিত্তগতা স হি চোদ্যপরম্ |
বহবঃ পুরুষাঃ পুরুষপ্রবরো হরিরিত্যবদত্স্বযমেব হরিঃ || ৭||
চতুরানন পূর্ববিমুক্তগণা হরিমেত্য তু পূর্ববদেব সদা |
নিযতোচ্চবিনীচতযৈব নিজাং স্থিতিমাপুরিতি স্ম পরং বচনম্ || ৮||
আনন্দতীর্থসন্নাম্না পূর্ণপ্রজ্ঞাভিধাযুজা |
কৃতং হর্যষ্টকং ভক্ত্যা পঠতঃ প্রীযতে হরিঃ || ৯||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু তৃতীযস্তোত্রং সম্পূর্ণম্
অথ চতুর্থস্তোত্রম্
নিজপূর্ণসুখামিতবোধতনুঃ পরশক্তিরনন্তগুণঃ পরমঃ |
অজরামরণঃ সকলার্তিহরঃ কমলাপতিরীড্যতমোঽবতু নঃ || ১||
যদসুপ্তিগতোঽপি হরিঃ সুখবান্ সুখরূপিণমাহুরতো নিগমাঃ |
স্বমতিপ্রভবং footnotelsq সুমতিপ্রভবম্rsq ইতি ক্বচিত্জগদস্য যতঃ পরবোধতনুং চ ততঃ খপতিম্ || ২||
বহুচিত্রজগত্ বহুধাকরণাত্পরশক্তিরনন্তগুণঃ পরমঃ |
সুখরূপমমুষ্যপদং পরমং স্মরতস্তু ভবিষ্যতি তত্সততম্ || ৩||
স্মরণে হি পরেশিতুরস্য বিভোর্মলিনানি মনাংসি কুতঃ করণম্ |
বিমলং হি পদং পরমং স্বরতং তরুণার্কসবর্ণমজস্য হরেঃ || ৪||
বিমলৈঃ শ্রুতিশাণনিশাততমৈঃ সুমনোঽসিভিরাশু নিহত্য দৃঢম্ |
বলিনং নিজবৈরিণমাত্মতমোভিদমীশমনন্তমুপাস্ব হরিম্ || ৫||
ন হি বিশ্বসৃজো বিভুশম্ভুপুরন্দর সূর্যমুখানপরানপরান্ |
সৃজতীড্যতমোঽবতি হন্তি নিজং পদমাপযতি প্রণতাং স্বধিযা || ৬||
পরমোঽপি রমেশিতুরস্য সমো ন হি কশ্চিদভূন্ন ভবিষ্যতি চ |
ক্বচিদদ্যতনোঽপি ন পূর্ণসদাগণিতেড্যগুণানুভবৈকতনোঃ || ৭||
ইতি দেববরস্য হরেঃ স্তবনং কৃতবান্ মুনিরুত্তমমাদরতঃ |
সুখতীর্থপদাভিহিতঃ পঠতস্তদিদং ভবতি ধ্রুবমুচ্চসুখম্ || ৮||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু চতুর্থস্তোত্রং সম্পূর্ণম্
অথ পঞ্চমস্তোত্রম্
বাসুদেবাপরিমেযসুধামন্ শুদ্ধসদোদিত সুন্দরীকান্ত |
ধরাধরধারণ বেধুরধর্তঃ সৌধৃতিদীধিতিবেধৃবিধাতঃ || ১||
অধিকবন্ধং রন্ধয বোধা চ্ছিন্ধিপিধানং বন্ধুরমদ্ধা |
কেশব কেশব শাসক বন্দে পাশধরার্চিত শূরপরেশ ( শূরবরেশ) || ২||
নারাযণামলতারণ ( কারণ) বন্দে কারণকারণ পূর্ণ বরেণ্য |
মাধব মাধব সাধক বন্দে বাধক বোধক শুদ্ধ সমাধে || ৩||
গোবিন্দ গোবিন্দ পুরন্দর বন্দে স্কন্দ সনন্দন বন্দিত পাদ |
বিষ্ণু সৃজিষ্ণু গ্রসিষ্ণু বিবন্দে কৃষ্ণ সদুষ্ণ বধিষ্ণ সুধৃষ্ণো (বিষ্ণো সৃজিষ্ণো গ্রসিষ্ণো বিবন্দে কৃষ্ণ সদুষ্ণবধিষ্ণো সুধৃষ্ণো) ইতি ক্বচিত্|| ৪||
মধুসূদন দানবসাদন বন্দে দৈবতমোদন ( দৈবতমোদিত) বেদিত পাদ |
ত্রিবিক্রম নিষ্ক্রম বিক্রম বন্দে সুক্রম সঙ্ক্রমহুঙ্কৃতবক্ত্র (সঙ্ক্রম সুক্রম হুঙ্কৃতবক্ত্র) ইতি ক্বচিত্|| ৫||
বামন বামন ভামন বন্দে সামন সীমন সামন সানো |
শ্রীধর শ্রীধর শংধর বন্দে ভূধর বার্ধর কন্ধরধারিন্ || ৬||
হৃষীকেশ সুকেশ পরেশ বিবন্দে শরণেশ কলেশ বলেশ সুখেশ |
পদ্মনাভ শুভোদ্ভব বন্দে সম্ভৃতলোকভরাভর ভূরে |
দামোদর দূরতরান্তর বন্দে দারিতপারক পার ( দারিতপারগপার) পরস্মাত্ || ৭||
আনন্দসুতীর্থ মুনীন্দ্রকৃতা হরিগীতিরিযং পরমাদরতঃ |
পরলোকবিলোকন সূর্যনিভা হরিভক্তি বিবর্ধন শৌণ্ডতমা || ৮||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু পঞ্চমস্তোত্রং সম্পূর্ণম্
অথ ষষ্ঠস্তোত্রম্
মত্স্যকরূপ লযোদবিহারিন্ বেদবিনেত্র চতুর্মুখবন্দ্য |
কূর্মস্বরূপক মন্দরধারিন্ লোকবিধারক দেববরেণ্য || ১||
সূকররূপক দানবশত্রো ভূমিবিধারক যজ্ঞাবরাঙ্গ |
দেব নৃসিংহ হিরণ্যকশত্রো সর্ব ভযান্তক দৈবতবন্ধো || ২||
বামন বামন মাণববেষ দৈত্যবরান্তক কারণরূপ |
রাম ভৃগূদ্বহ সূর্জিতদীপ্তে ক্ষত্রকুলান্তক শম্ভুবরেণ্য || ৩||
রাঘব রাঘব রাক্ষস শত্রো মারুতিবল্লভ জানকিকান্ত |
দেবকিনন্দন নন্দকুমার বৃন্দাবনাঞ্চন গোকুলচন্দ্র || ৪||
কন্দফলাশন সুন্দররূপ নন্দিতগোকুলবন্দিতপাদ |
ইন্দ্রসুতাবক নন্দকহস্ত চন্দনচর্চিত সুন্দরিনাথ || ৫||
ইন্দীবরোদর দনযন মন্দরধারিন্ গোবিন্দ বন্দে |
চন্দ্রশতানন কুন্দসুহাস নন্দিতদৈবতানন্দসুপূর্ণ || ৬||
দেবকিনন্দন সুন্দররূপ রুক্মিণিবল্লভ পাণ্ডববন্ধো |
দৈত্যবিমোহক নিত্যসুখাদে দেববিবোধক বুদ্ধস্বরূপ || ৭||
দুষ্টকুলান্তক কল্কিস্বরূপ ধর্মবিবর্ধন মূলযুগাদে |
নারাযণামলকারণমূর্তে পূর্ণগুণার্ণব নিত্যসুবোধ || ৮||
আনন্দতীর্থকৃতা হরিগাথা পাপহরা শুভনিত্যসুখার্থা || ৯||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু ষষ্ঠস্তোত্রং সম্পূর্ণম্
অথ সপ্তমস্তোত্রম্
বিশ্বস্থিতিপ্রযসর্গমহাবিভূতি বৃত্তিপ্রকাশনিযমাবৃতি বন্ধমোক্ষাঃ |
যস্যা অপাঙ্গলবমাত্রত ঊর্জিতা সা শ্রীঃ যত্কটাক্ষবলবত্যজিতং নমামি || ১||
ব্রহ্মেশশক্ররবিধর্মশশাঙ্কপূর্ব গীর্বাণসন্ততিরিযং যদপাঙ্গলেশম্ |
আশ্রিত্য বিশ্ববিজযং বিসৃজত্যচিন্ত্যা শ্রীঃ যত্কটাক্ষবলবত্যজিতং নমামি || ২||
ধর্মার্থকামসুমতিপ্রচযাদ্যশেষসন্মঙ্গলং বিদধতে যদপাঙ্গলেশম্ |
আশ্রিত্য তত্প্রণতসত্প্রণতা অপীড্যা শ্রীঃ যত্কটাক্ষবলবতি অজিতং নমামি || ৩||
ষড্বর্গনিগ্রহনিরস্তসমস্তদোষা ধ্যাযন্তি বিষ্ণুমৃষযো যদপাঙ্গলেশম্ |
আশ্রিত্য যানপি সমেত্য ন যাতি দুঃখং শ্রীঃ যত্কটাক্ষবলবতি অজিতং নমামি || ৪||
শেষাহিবৈরিশিবশক্রমনুপ্রধান চিত্রোরুকর্মরচনং যদপাঙ্গলেশম্ |
আশ্রিত্য বিশ্বমখিলং বিদধাতি ধাতা শ্রীঃ যত্কটাক্ষবলবতি অজিতং নমামি || ৫||
শক্রোগ্রদীধিতিহিমাকরসূর্যসূনু পূর্বং নিহত্য নিখিলং যদপাঙ্গলেশম্ |
আশ্রিত্য নৃত্যতি শিবঃ প্রকটোরুশক্তিঃ শ্রীঃ যত্কটাক্ষ বলবতি অজিতং নমামি || ৬||
তত্পাদপঙ্কজমহাসনতামবাপ শর্বাদিবন্দ্যচরণো যদপাঙ্গলেশম্ |
আশ্রিত্য নাগপতিঃ অন্যসুরৈর্দুরাপাং শ্রীঃ যত্কটাক্ষবলবতি অজিতং নমামি || ৭||
নাগারিরুগ্রবলপৌরুষ আপ বিষ্ণুবাহত্বমুত্তমজবো যদপাঙ্গলেশম্ (বিষ্ণোর্বাহ-) ইতি ক্বচিত্|
আশ্রিত্য শক্রমুখদেবগণৈঃ অচিন্ত্যং শ্রীঃ যত্কটাক্ষ বলবতি অজিতং নমামি || ৮||
আনন্দতীর্থমুনিসন্মুখপংকজোত্থং সাক্ষাদ্রমাহরিমনঃ প্রিযং উত্তমার্থম্ |
ভক্ত্যা পঠতি অজিতমাত্মনি সন্নিধায যঃ স্তোত্রমেতভিযাতি তযোরভীষ্টম্ || ৯||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু সপ্তমস্তোত্রং সম্পূর্ণম্
অথ অষ্টমস্তোত্রম্
বন্দিতাশেষবন্দ্যোরুবৃন্দারকং চন্দনাচর্চিতোদারপীনাংসকম্ |
ইন্দিরাচঞ্চলাপাঙ্গনীরাজিতং মন্দরোদ্ধারিবৃত্তোদ্ভুজাভোগিনম্ |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ১||
সৃষ্টিসংহারলীলাবিলাসাততং পুষ্টষাড্গুণ্যসদ্বিগ্রহোল্লাসিনম্ |
দুষ্টনিঃশেষসংহারকর্মোদ্যতং হৃষ্টপুষ্টাতিশিষ্ট ( অনুশিষ্ট) প্রজাসংশ্রযম্ |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ২||
উন্নতপ্রার্থিতাশেষসংসাধকং সন্নতালৌকিকানন্দদশ্রীপদম্ |
ভিন্নকর্মাশযপ্রাণিসম্প্রেরকং তন্ন কিং নেতি বিদ্বত্সু মীমাম্সিতম্ |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ৩||
বিপ্রমুখ্যৈঃ সদা বেদবাদোন্মুখৈঃ সুপ্রতাপৈঃ ক্ষিতীশেশ্বরৈশ্চার্চ্চিতম্ |
অপ্রতর্ক্যোরুসংবিদ্গুণং নির্মলং সপ্রকাশাজরানন্দরূপং পরম্ |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ৪||
অত্যযো যস্য ( যেন) কেনাপি ন ক্বাপি হি প্রত্যযো যদ্গুণেষূত্তমানাং পরঃ |
সত্যসঙ্কল্প একো বরেণ্যো বশী মত্যনূনৈঃ সদা বেদবাদোদিতঃ |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ৫||
পশ্যতাং দুঃখসন্তাননির্মূলনং দৃশ্যতাং দৃশ্যতামিত্যজেশার্চিতম্ |
নশ্যতাং দূরগং সর্বদাপ্যাঽত্মগং বশ্যতাং স্বেচ্ছযা সজ্জনেষ্বাগতম্ |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ৬||
অগ্রজং যঃ সসর্জাজমগ্র্যাকৃতিং বিগ্রহো যস্য সর্বে গুণা এব হি |
উগ্র আদ্যোঽপি যস্যাত্মজাগ্র্যাত্মজঃ সদ্গৃহীতঃ সদা যঃ পরং দৈবতম্ |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ৭||
অচ্যুতো যো গুণৈর্নিত্যমেবাখিলৈঃ প্রচ্যুতোঽশেষদোষৈঃ সদা পূর্তিতঃ |
উচ্যতে সর্ববেদোরুবাদৈরজঃ স্বর্চিতো ব্রহ্মরুদ্রেন্দ্রপূর্বৈঃ সদা |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ৮||
ধার্যতে যেন বিশ্বং সদাজাদিকং বার্যতেঽশেষদুঃখং নিজধ্যাযিনাম্ |
পার্যতে সর্বমন্যৈর্নযত্পার্যতে কার্যতে চাখিলং সর্বভূতৈঃ সদা |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ৯||
সর্বপাপানিযত্সংস্মৃতেঃ সঙ্ক্ষযং সর্বদা যান্তি ভক্ত্যা বিশুদ্ধাত্মনাম্ |
শর্বগুর্বাদিগীর্বাণ সংস্থানদঃ কুর্বতে কর্ম যত্প্রীতযে সজ্জনাঃ |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ১০||
অক্ষযং কর্ম যস্মিন্ পরে স্বর্পিতং প্রক্ষযং যান্তি দুঃখানি যন্নামতঃ |
অক্ষরো যোঽজরঃ সর্বদৈবামৃতঃ কুক্ষিগং যস্য বিশ্বং সদাঽজাদিকম্ |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ১১||
নন্দিতীর্থোরুসন্নামিনো নন্দিনঃ সন্দধানাঃ সদানন্দদেবে মতিম্ |
মন্দহাসারুণা পাঙ্গদত্তোন্নতিং বন্দিতাশেষদেবাদিবৃন্দং সদা |
প্রীণযামো বাসুদেবং দেবতামণ্ডলাখণ্ডমণ্ডনং প্রীণযামো বাসুদেবম্ || ১২||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু অষ্টমস্তোত্রং সম্পূর্ণম্
অথ নবমস্তোত্রম্
অতিমততমোগিরিসমিতিবিভেদন পিতামহভূতিদ গুণগণনিলয |
শুভতম কথাশয পরমসদোদিত জগদেককারণ রামরমারমণ || ১||
বিধিভবমুখসুরসততসুবন্দিতরমামনোবল্লভ ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ২||
অগণিতগুণগণমযশরীর হে বিগতগুণেতর ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ৩||
অপরিমিতসুখনিধিবিমলসুদেহ হে বিগত সুখেতর ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ৪||
প্রচলিতলযজলবিহরণ শাশ্বতসুখমযমীন হে ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ৫||
সুরদিতিজসুবলবিলুিতমন্দরধর পর কূর্ম হে ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ৬||
সগিরিবরধরাতবহ সুসূকরপরমবিবোধ হে ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ৭||
অতিবলদিতিসুত হৃদয বিভেদন জযনৃহরেঽমল ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ৮||
বলিমুখদিতিসুতবিজযবিনাশন জগদবনাজিত ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ৯||
অবিজিতকুনৃপতিসমিতিবিখণ্ডন রমাবর বীরপ ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ১০||
খরতরনিশিচরদহন পরামৃত রঘুবর মানদ ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ১১||
সুললিততনুবর বরদ মহাবল যদুবর পার্থপ ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ১২||
দিতিসুতবিমোহন বিমলবিবোধন পরগুণবুদ্ধ হে ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ১৩||
কলিমলহুতবহ সুভগ মহোত্সব শরণদ কল্কীশ ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ১৪||
অখিলজনিবিলয পরসুখকারণ পরপুরুষোত্তম ভব মম শরণম্ |
শুভতম কথাশয পরমসদোদিত জগদেককারণ রামরমারমণ || ১৫||
ইতি তব নুতিবরসততরতের্ভব সুশরণমুরুসুখতীর্থমুনেঃ ভগবন্ |
শুভতম কথাশয পরমসদোদিত জগদেককারণ রামরমারমণ || ১৬||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু নবমস্তোত্রং সম্পূর্ণম্
অথ দশমস্তোত্রম্
অব নঃ শ্রীপতিরপ্রতিরধিকেশাদিভবাদে |
করুণাপূর্ণবরপ্রদচরিতং জ্ঞাপয মে তে || ১||
সুরবন্দ্যাধিপ সদ্বরভরিতাশেষগুণালম্ |
করুণাপূর্ণবরপ্রদচরিতং জ্ঞাপয মে তে || ২||
সকলধ্বান্তবিনাশন ( বিনাশক) পরমানন্দসুধাহো |
করুণাপূর্ণবরপ্রদচরিতং জ্ঞাপয মে তে || ৩||
ত্রিজগত্পোত সদার্চিতচরণাশাপতিধাতো |
করুণাপূর্ণবরপ্রদচরিতং জ্ঞাপয মে তে || ৪||
ত্রিগুণাতীতবিধারক পরিতো দেহি সুভক্তিম্ |
করুণাপূর্ণবরপ্রদচরিতং জ্ঞাপয মে তে || ৫||
শরণং কারণভাবন ভব মে তাত সদাঽলম্ |
করুণাপূর্ণবরপ্রদচরিতং জ্ঞাপয মে তে || ৬||
মরণপ্রাণদ পালক জগদীশাব সুভক্তিম্ |
করুণাপূর্ণবরপ্রদচরিতং জ্ঞাপয মে তে || ৭||
তরুণাদিত্যসবর্ণকচরণাব্জামল কীর্তে |
করুণাপূর্ণবরপ্রদচরিতং জ্ঞাপয মে তে || ৮||
সলিলপ্রোত্থসরাগকমণিবর্ণোচ্চনখাদে |
করুণাপূর্ণবরপ্রদচরিতং জ্ঞাপয মে তে || ৯||
কজ ( খজ) তূণীনিভপাবনবরজঙ্ঘামিতশক্তে |
করুণাপূর্ণবরপ্রদচরিতং জ্ঞাপয মে তে || ১০||
ইবহস্তপ্রভশোভনপরমোরুস্থরমাে |
করুণাপূর্ণবরপ্রদচরিতং জ্ঞাপয মে তে || ১১||
অসনোত্ফুল্লসুপুষ্পকসমবর্ণাবরণান্তে |
করুণাপূর্ণবরপ্রদচরিতং জ্ঞাপয মে তে || ১২||
শতমোদোদ্ভবসুন্দরিবরপদ্মোত্থিতনাভে |
করুণাপূর্ণবরপ্রদচরিতং জ্ঞাপয মে তে || ১৩||
জগদাগূহকপল্লবসমকুক্ষে শরণাদে |
করুণাপূর্ণবরপ্রদচরিতং জ্ঞাপয মে তে || ১৪||
জগদম্বামলসুন্দরিগৃহবক্ষোবর যোগিন্ |
করুণাপূর্ণবরপ্রদচরিতং জ্ঞাপয মে তে || ১৫||
দিতিজান্তপ্রদ চক্রধরগদাযুগ্বরবাহো |
করুণাপূর্ণবরপ্রদচরিতং জ্ঞাপয মে তে || ১৬||
পরমজ্ঞানমহানিধিবদন শ্রীরমণেন্দো |
করুণাপূর্ণবরপ্রদচরিতং জ্ঞাপয মে তে || ১৭||
নিখিলাঘৌঘবিনাশন ( বিনাশক) পরসৌখ্যপ্রদদৃষ্টে |
করুণাপূর্ণবরপ্রদচরিতং জ্ঞাপয মে তে || ১৮||
পরমানন্দসুতীর্থসুমুনিরাজো হরিগাথাম্ |
কৃতবান্নিত্যসুপূর্ণকপরমানন্দপদৈষিন্ || ১৯||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু দশমস্তোত্রং সম্পূর্ণম্
অথ একাদশস্তোত্রম্
উদীর্ণমজরং দিব্যং অমৃতস্যন্দ্যধীশিতুঃ |
আনন্দস্য পদং বন্দে ব্রহ্মেন্দ্রাদি অভিবন্দিতম্ || ১||
সর্ববেদপদোদ্গীতং ইন্দিরাবাসমুত্তমম্ ( ইন্দিরাধারমুত্তমম্) |
আনন্দস্য পদং বন্দে ব্রহ্মেন্দ্রাদি অভিবন্দিতম্ || ২||
সর্বদেবাদিদেবস্য বিদারিতমহত্তমঃ |
আনন্দস্য পদং বন্দে ব্রহ্মেন্দ্রাদি অভিবন্দিতম্ || ৩||
উদারমাদরান্নিত্যং অনিন্দ্যং সুন্দরীপতেঃ |
আনন্দস্য পদং বন্দে ব্রহ্মেন্দ্রাদি অভিবন্দিতম্ || ৪||
ইন্দীবরোদরনিভং সুপূর্ণং বাদিমোহনম্ ( বাদিমোহদম্) |
আনন্দস্য পদং বন্দে ব্রহ্মেন্দ্রাদি অভিবন্দিতম্ || ৫||
দাতৃসর্বামরৈশ্বর্যবিমুক্ত্যাদেরহো পরম্ ( বরম্) |
আনন্দস্য পদং বন্দে ব্রহ্মেন্দ্রাদি অভিবন্দিতম্ || ৬||
দূরাদ্দুরতরং যত্তু তদেবান্তিকমন্তিকাত্ |
আনন্দস্য পদং বন্দে ব্রহ্মেন্দ্রাদি অভিবন্দিতম্ || ৭||
পূর্ণসর্বগুণৈর্কার্ণমনাদ্যন্তং সুরেশিতুঃ |
আনন্দস্য পদং বন্দে ব্রহ্মেন্দ্রাদি অভিবন্দিতম্ || ৮||
আনন্দতীর্থমুনিনা হরেরানন্দরূপিণঃ |
কৃতং স্তোত্রমিদং পুণ্যং পঠন্নানন্দমাপ্নুযাত্ (আনন্দতামিযাত্) ইতি ক্বচিত্|| ৯||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু একাদশস্তোত্রং সম্পূর্ণম্
অথ দ্বাদশস্তোত্রম্
আনন্দমুকুন্দ অরবিন্দনযন |
আনন্দতীর্থ পরানন্দবরদ || ১||
সুন্দরীমন্দিরগোবিন্দ বন্দে |
আনন্দতীর্থ পরানন্দবরদ || ২||
চন্দ্রকমন্দিরনন্দক বন্দে |
আনন্দতীর্থ পরানন্দবরদ || ৩||
চন্দ্রসুরেন্দ্রসুবন্দিত বন্দে |
আনন্দতীর্থ পরানন্দবরদ || ৪||
মন্দারসূনসুচর্চিত বন্দে |
আনন্দতীর্থ পরানন্দবরদ || ৫||
বৃন্দারবৃন্দসুবন্দিত বন্দে ( বৃন্দারকবৃন্দসুবন্দিত বন্দে) |
আনন্দতীর্থ পরানন্দবরদ || ৬||
ইন্দিরাঽনন্দক সুন্দর বন্দে |
আনন্দতীর্থ পরানন্দবরদ || ৭||
মন্দিরস্যন্দনস্যন্দক বন্দে |
আনন্দতীর্থ পরানন্দবরদ || ৮||
আনন্দচন্দ্রিকাস্যন্দক বন্দে |
আনন্দতীর্থ পরানন্দবরদ || ৯||
ইতি শ্রীমদানন্দতীর্থভগবত্পাদাচার্য বিরচিতং
দ্বাদশস্তোত্রেষু দ্বাদশং স্তোত্রং সম্পূর্ণম্
.. ভারতীরমণমুখ্যপ্রাণান্তর্গত শ্রীকৃষ্ণার্পণমস্তু..