.. অথ শ্রীদত্তাত্রেযস্তোত্রম্ ( নারদপুরাণ ) ..
.. অথ শ্রীদত্তাত্রেযস্তোত্রম্ ..
জটাধরং পাংডুরাংগং শূলহস্তং কৃপানিধিম্ .
সর্বরোগহরং দেবং দত্তাত্রেযমহং ভজে .. ১..
অস্য শ্রীদত্তাত্রেযস্তোত্রমংত্রস্য ভগবান্ নারদঋষিঃ .
অনুষ্টুপ্ ছন্দঃ . শ্রীদত্তপরমাত্মা দেবতা .
শ্রীদত্তপ্রীত্যর্থে জপে বিনিযোগঃ ..
জগদুত্পত্তিকর্ত্রে চ স্থিতিসংহার হেতবে .
ভবপাশবিমুক্তায দত্তাত্রেয নমোঽস্তুতে .. ১..
জরাজন্মবিনাশায দেহশুদ্ধিকরায চ .
দিগম্বরদযামূর্তে দত্তাত্রেয নমোঽস্তুতে .. ২..
কর্পূরকান্তিদেহায ব্রহ্মমূর্তিধরায চ .
বেদশাস্ত্রপরিজ্ঞায দত্তাত্রেয নমোঽস্তুতে .. ৩..
র্হস্বদীর্ঘকৃশস্থূল-নামগোত্র-বিবর্জিত .
পংচভূতৈকদীপ্তায দত্তাত্রেয নমোঽস্তুতে .. ৪..
যজ্ঞভোক্তে চ যজ্ঞায যজ্ঞরূপধরায চ .
যজ্ঞপ্রিযায সিদ্ধায দত্তাত্রেয নমোঽস্তুতে .. ৫..
আদৌ ব্রহ্মা মধ্য বিষ্ণুরংতে দেবঃ সদাশিবঃ .
মূর্তিত্রযস্বরূপায দত্তাত্রেয নমোঽস্তুতে .. ৬..
ভোগালযায ভোগায যোগযোগ্যায ধারিণে .
জিতেন্দ্রিযজিতজ্ঞায দত্তাত্রেয নমোঽস্তুতে .. ৭..
দিগম্বরায দিব্যায দিব্যরূপধ্রায চ .
সদোদিতপরব্রহ্ম দত্তাত্রেয নমোঽস্তুতে .. ৮..
জম্বুদ্বীপমহাক্ষেত্রমাতাপুরনিবাসিনে .
জযমানসতাং দেব দত্তাত্রেয নমোঽস্তুতে .. ৯..
ভিক্ষাটনং গৃহে গ্রামে পাত্রং হেমমযং করে .
নানাস্বাদমযী ভিক্ষা দত্তাত্রেয নমোঽস্তুতে .. ১০..
ব্রহ্মজ্ঞানমযী মুদ্রা বস্ত্রে চাকাশভূতলে .
প্রজ্ঞানঘনবোধায দত্তাত্রেয নমোঽস্তুতে .. ১১..
অবধূতসদানন্দপরব্রহ্মস্বরূপিণে .
বিদেহদেহরূপায দত্তাত্রেয নমোঽস্তুতে .. ১২..
সত্যংরূপসদাচারসত্যধর্মপরাযণ .
সত্যাশ্রযপরোক্ষায দত্তাত্রেয নমোঽস্তুতে .. ১৩..
শূলহস্তগদাপাণে বনমালাসুকন্ধর .
যজ্ঞসূত্রধরব্রহ্মন্ দত্তাত্রেয নমোঽস্তুতে .. ১৪..
ক্ষরাক্ষরস্বরূপায পরাত্পরতরায চ .
দত্তমুক্তিপরস্তোত্র দত্তাত্রেয নমোঽস্তুতে .. ১৫..
দত্ত বিদ্যাঢ্যলক্ষ্মীশ দত্ত স্বাত্মস্বরূপিণে .
গুণনির্গুণরূপায দত্তাত্রেয নমোঽস্তুতে .. ১৬..
শত্রুনাশকরং স্তোত্রং জ্ঞানবিজ্ঞানদাযকম্ .
সর্বপাপং শমং যাতি দত্তাত্রেয নমোঽস্তুতে .. ১৭..
ইদং স্তোত্রং মহদ্দিব্যং দত্তপ্রত্যক্ষকারকম্ .
দত্তাত্রেযপ্রসাদাচ্চ নারদেন প্রকীর্তিতম্ .. ১৮..
.. ইতি শ্রীনারদপুরাণে নারদবিরচিতং
দত্তাত্রেযস্তোত্রং সুসংপূর্ণম্ ..