.. শ্রী কৃষ্ণজযন্তী নির্ণযঃ ..
শ্রী গুরুভ্যো নমঃ হরিঃ
শ্রীমদানন্দতীর্থ ভগবত্পাদাচার্য বিরচিতঃ
শ্রী কৃষ্ণজযন্তী নির্ণযঃ
রোহিণ্যা মধ্যরাত্রে তু যদা কৃষ্ণাষ্টমী ভবেত্ .
জযন্তী নাম সা প্রোক্তা সর্বপাপপ্রণাশনী(নং).. ১..
যস্যাং জাতো হরিঃ সাক্ষান্নি শেতে ভগবানজঃ .
তস্মাত্তদ্দিনমত্যর্থং পুণ্যং পাপহরং শুভপরং .. ২..
তস্মাত্সর্বৈর্রুপোশ্যা সা জযন্তী নাম সা(বৈ)সদা .
দ্বিজাতিভির্বিশেষেণ তদ্ভক্তৈশ্চ বিশেষতঃ .. ৩..
যো ভুঙ্ক্তে তদ্দিনে মোহা(লোভা)ত্ পূযশোণিতমত্তি সঃ .
তস্মাদুপবাসেন্নিত্য(পুণ্য)ং তদ্দিনে(নং)শ্রদ্ধযান্বিতঃ .. ৪..
কৃত্বা শৌচং যথা ন্যাযং স্নানং কুর্যাদতংদ্রিতঃ .
প্রভাত কালে কুর্বীত যোওগাযেত্যাদিমন্ত্রতঃ .. ৫..
নিত্যাহ্নিকং প্রকুর্বীত ভগবন্তমনুস্মরন্ .
মধ্যাহ্ন কালে চ পুমান্ সাযঙ্কালে ত্বতন্দ্রিতঃ .. ৬..
স্নাযেত পূর্বমন্ত্রেণ বাসুদেবমনুস্মরন্ .
ততঃ পূজাং প্রকুর্বেত বিধিবত্সুসমাহিতঃ .. ৭..
যনাযেতি চ মন্ত্রেণ শ্রদ্ধাভক্তিযুতঃ পুমান্ .
কৃষ্ণং চ বলভদ্রং চ বসুদেবং চ দেবকীং .. ৮..
নন্দগোপং যশোদাঞ্চ সুভদ্রাং তত্র পূজযেত্ .
(অর্ঘ্যং দত্বা সমভ্যচ্যার্ভ্যুধিতে শশিমণ্ডলে).
জাতঃ কংসবধার্তায ভূভারোত্থারণায চ .. ৯..
কৌরবানাং বিনাশায দৈত্যানাং নিধনায চ .
পাণ্ডবানাং হিতার্থায ধর্মসংস্থাপনায চ .. ১০.
গৃহাণর্ঘ্যং মযা দত্তং দেবক্যা সহিতো হরিঃ .
অর্ঘ্যং দত্বাসমভ্যর্চ্যাভ্যুদিতে শশিমণ্ডলে .. ১১..
ক্ষীরোদার্ণবসম্ভূত অত্রিনেত্র সমুদ্ভবঃ .
গৃহাণর্ঘ্যং মযা দত্তং রোহিণ্যা সহিতঃ শশিম্ .. ১২..
দত্বার্ঘ্যং মনুনানেন উপস্থায বিধুং বুধঃ .
শশিনে চন্দ্রদেবায সোমদেবায ছেন্দবে .. ১৩..
মৃগিণে শী(সি)ত বিংবায লোকদীপায দীপিণে .
(রোহিণীসক্তচিত্তায কন্যাদানপ্রদাযিনে)
শীতদীদিতিবিংবায তারকাপতযে নমঃ .. ১৪..
উপসম্হৃত্য তত্সর্বং ব্রহ্মচারী জিতেন্দ্রিযঃ .
বিশ্বাযেতি চ মন্ত্রেণ ততঃ স্বাপং সমাচরেত্ .. ১৫..
ততো নিত্যান্হি কং কৃত্বা শক্তিতো দীযতাং ধনং .
সর্বাযেতি চ মন্ত্রেণ ততঃ পারণমাচরেত্ .
ধর্মাযেতি ততঃ স্বস্থো মুচ্যতে সর্বকিল্বিষৈঃ .. ১৬..
.. ইতি শ্রীমদানন্দতীর্থ ভগবত্পাদাচার্য বিরচিতং ..
.. জযন্তী নির্ণযঃ সংপূর্ণম্ ..
ভারতীরমণমুখ্যপ্রাণান্তর্গত শ্রীকৃষ্ণার্পণমস্তু