.. কাশীপঞ্চকম্ ..
.. কাশীপঞ্চকম্ ..
মনোনিবৃত্তিঃ পরমোপশান্তিঃ
সা তীর্থবর্যা মণিকর্ণিকা চ .
জ্ঞানপ্রবাহা বিমলাদিগঙ্গা
সা কাশিকাহং নিজবোধরূপা .. ১..
যস্যামিদং কল্পিতমিন্দ্রজালং
চরাচরং ভাতি মনোবিলাসম্ .
সচ্চিত্সুখৈকা পরমাত্মরূপা
সা কাশিকাহং নিজবোধরূপা .. ২..
কোশেষু পঞ্চস্বধিরাজমানা
বুদ্ধির্ভবানী প্রতিদেহগেহম্ .
সাক্ষী শিবঃ সর্বগতোঽন্তরাত্মা
সা কাশিকাহং নিজবোধরূপা .. ৩..
কাশ্যাং হি কাশ্যতে কাশী কাশী সর্বপ্রকাশিকা .
সা কাশী বিদিতা যেন তেন প্রাপ্তা হি কাশিকা .. ৪..
কাশীক্ষেত্রং শরীরং ত্রিভুবন-জননী ব্যাপিনী জ্ঞানগঙ্গা .
ভক্তিঃ শ্রদ্ধা গযেযং নিজগুরু-চরণধ্যানযোগঃ প্রযাগঃ .
বিশ্বেশোঽযং তুরীযঃ সকলজন-মনঃসাক্ষিভূতোঽন্তরাত্মা
দেহে সর্বং মদীযে যদি বসতি পুনস্তীর্থমন্যত্কিমস্তি .. ৫..
–শঙ্করাচার্য