আদিপর্ব – অধ্যায় ২৫৯

আদিপর্ব – অধ্যায় ২৫৯

॥ শ্রীঃ ॥

১.২৫৯. অধ্যায়ঃ ২৫৯

Mahabharata – Adi Parva – Chapter Topics

পুত্রাংশ্চন্তয়ন্তং মন্দপালং প্রতি লপিতায়াঃ সাসূয়বচনম্॥ ১ ॥ অগ্নিশান্ত্যনন্তরং আত্মদিদৃক্ষয়াঽঽগতং মন্দপালং প্রতি ভার্যযা পুত্রৈশ্চ উপালম্ভঃ॥ ২ ॥।

Mahabharata – Adi Parva – Chapter Text

১-২৫৯-০ (১১১৯৫)
বৈশম্পায়ন উবাচ। ১-২৫৯-০x (১৩৬৪)
মন্দপালোঽঞপি কৌরব্যং চিন্তয়ামাস পুত্রকান্।
উক্ৎবাঽপি চ স তিগ্মাংশুং নৈব শর্মাধিগচ্ছতি॥ ১-২৫৯-১ (১১১৯৬)
স তপ্যমানঃ পুত্রার্থে লপিতামিদমব্রবীৎ।
কথং নু শক্তাঃ শরণে লপিতে মম পুত্রকাঃ॥ ১-২৫৯-২ (১১১৯৭)
বর্ধমানে হুতবহে বাতে চাশু প্রবায়তি।
অসমর্থা বিমোক্ষায় ভবিষ্যন্তি মমাত্মজাঃ॥ ১-২৫৯-৩ (১১১৯৮)
কথং ৎবশক্তা ত্রাণায় মাতা তেষাং তপস্বিনী।
ভবিষ্যতি হি শোকার্তা পুত্রত্রাণমপশ্যতী॥ ১-২৫৯-৪ (১১১৯৯)
কথমুড্ডীয়নেঽশক্তান্পতনে চ মমাত্মজান্।
সন্তপ্যমানা বহুধা বাশমানা প্রধাবতী॥ ১-২৫৯-৫ (১১২০০)
জরিতারিঃ কথং পুত্রঃ সারিসৃক্কঃ কথং চ মে।
স্তম্বমিত্রঃ কথং দ্রোণঃ কথং সা চ তপস্বিনী॥ ১-২৫৯-৬ (১১২০১)
লালপ্যমানং তমৃষইং মন্দপালং তথা বনে।
লপিতা প্রত্যুবাচেদং সাসূয়মিব ভারত॥ ১-২৫৯-৭ (১১২০২)
ন তে পুত্রেষ্ববেক্ষাঽস্তি যানৃষীনুক্তবানসি।
তেজস্বিনো বীর্যবন্তো ন তেষাং জ্বলনাদ্ভয়ম্॥ ১-২৫৯-৮ (১১২০৩)
ৎবয়াঽগ্নৌ তে পরীতাশ্চ স্বয়ং হি মম সন্নিধৌ।
শ্রুতং তথা চেতি জ্বলনেন মহাত্মনা॥ ১-২৫৯-৯ (১১২০৪)
পলো ন তাং বাচমুক্ৎবা মিথ্যা করিষ্যতি।
ন্ধুকৃত্যে ন তেন তে স্বস্থ মানসম্॥ ১-২৫৯-১০ (১১২০৫)
তামেব তু মমামিত্রাং চিন্তয়ন্পরিতপ্যসে।
ধ্রুবং ময়ি ন তে স্নেহো যথা তপয়ং পুরাঽভবৎ॥ ১-২৫৯-১১ (১১২০৬)
নহি পক্ষবতা ন্যায়্যং নিঃ হেন সুহৃজ্জনে।
পীড্যমান উপদ্রষ্টুং শক্তেনা মা কথংচন॥ ১-২৫৯-১২ (১১২০৭)
গচ্ছ ৎবং জরিতামেব যদর্থং পরিতপ্যসে।
চরিষ্যাম্যহমপ্যেকা যথা পুরুষাশ্রিতা॥ ১-২৫৯-১৩ (১১২০৮)
মন্দপাল উবাচ। ১-২৫৯-১৪x (১৩৬৫)
নাহমেবং চরে লোকে যথা ৎবমভিমন্যসে।
অপত্যহেতোর্বিচরে তচ্চ কৃচ্ছ্রগতং মম॥ ১-২৫৯-১৪ (১১২০৯)
ভূতং হিৎবা চ ভাব্যর্থে যোঽবলম্বেৎস মন্দধীঃ।
অবমন্যেত তং লোকো যথেচ্ছসি তথা কুরু॥ ১-২৫৯-১৫ (১১২১০)
এষ হি প্রজ্বলন্নগ্নির্লেলিহানী মহীরুহান্।
আবিগ্নে হৃদি সন্তাপং জনয়ত্যশিবং মম॥ ১-২৫৯-১৬ (১১২১১)
বৈশম্পায়ন উবাচ। ১-২৫৯-১৭x (১৩৬৬)
`ভর্তুর্হি বাক্যং সা শ্রুৎবা লপিতা দুঃখিতাঽভবৎ।
সান্ৎবয়ামাস চ পুনঃ পতি পতিপরায়ণা॥’ ১-২৫৯-১৭ (১১২১২)
তস্মাদ্দেশাদতিক্রান্তে জ্বলনে জরিতা পুনঃ।
জগাম পুত্রকানেন জরিতা পুত্রগৃদ্ধিনী॥ ১-২৫৯-১৮ (১১২১৩)
সা তান্কুশলিনঃ সর্বান্বিমুক্তাঞ্জাতবেদসঃ।
রোরূয়মাণান্দদৃশে বনে পুত্রান্নিরাময়ান্॥ ১-২৫৯-১৯ (১১২১৪)
অশ্রূণি মুমুচে তেষাং দর্শনাৎসা পুনঃপুনঃ।
`ন শ্রদ্ধেয়ং ততস্তেষাংর্শনং বৈ পুনঃপুনঃ॥ ১-২৫৯-২০ (১১২১৫)
ইতি মৎবাঽব্রবীদ্বাকজরিতা পুত্রগৃদ্ধিনী।’
একাকশশ্চ পুত্রাংস্তন্ত্র্শমানান্বপদ্যত॥ ১-২৫৯-২১ (১১২১৬)
`জরিতা তু পরিষ্বজ্যুত্রস্নেহাচ্চুচুম্ব হ॥’ ১-২৫৯-২২ (১১২১৭)
ততোঽভ্যগচ্ছৎসহসমন্দপালোঽপি ভারত।
অথ তে সর্ব এবৈনং ভ্যনন্দংস্তদা সুতাঃ॥ ১-২৫৯-২৩ (১১২১৮)
`গুরুৎবান্মন্দপালস্তপসশ্চ বিশেষতঃ।
অভিবাদামহে সর্বে তপক্ষাঃ প্রসাদতঃ॥ ১-২৫৯-২৪ (১১২১৯)
এবমুক্তবতাং তেষাং তনন্দ্য মহাতপাঃ।
পরিষ্বজ্য ততো মূ উপাঘ্রায় চ বলকান্।
পুত্রান্স্বয়ং সমাহূয়তঃ প্রোবাচ গৌতমঃ॥’ ১-২৫৯-২৫ (১১২২০)
লালপ্যমানমেকৈকংরিতাং চ পুনঃপুনঃ।
ন চৈবোচুস্তদা কিংতমৃষিং সাধ্বসাধু বা॥ ১-২৫৯-২৬ (১১২২১)
মন্দপাল উবাচ। ১-২৫৯-২৭x (১৩৬৭)
জ্যেষ্ঠঃ সুতস্তে কত কতমস্তস্য চানুজঃ।
মধ্যমঃ কতমশ্চৈব যান্কতমশ্চ তে॥ ১-২৫৯-২৭ (১১২২২)
এবং ব্রুবন্তং দুঃখাকং মা ন প্রতিভাষসে।
কৃতবানস্মি হব্যানৈব শান্তিমিতো লভে।
`এবমুক্ৎবা তু তাং মন্দপালস্তদাঽস্পৃশৎ॥’ ১-২৫৯-২৮ (১১২২৩)
জরিতোবাচ। ১-২৫৯-২৯x (১৩৬৮)
কিং নু জ্যেষ্ঠেন তে কিমনন্তরজেন তে।
কিং বা মধ্যমজাতেন কিং কনিষ্ঠেন বা পুনঃ॥ ১-২৫৯-২৯ (১১২২৪)
যাং ৎবং মাং সর্বতো হীনামুৎসৃজ্যাসি গতঃ পুরা।
তামেব লপিতাং গচ্ছ তরুণীং চারুহাসিনীম্॥ ১-২৫৯-৩০ (১১২২৫)
মন্দপাল উবাচ। ১-২৫৯-৩১x (১৩৬৯)
ন স্ত্রীণাং বিদ্যতে কিংচিদমুত্র পুরুষান্তরাৎ।
সাপত্নকমৃতে লোকে নান্যদর্থবিনাশনম্॥ ১-২৫৯-৩১ (১১২২৬)
বৈরাগ্নিদীপনং চৈব ভৃশুদ্বেগকারি চ।
সুব্রতা চাপি কল্যাণী সর্বভূতেষু বিশ্রুতা॥ ১-২৫৯-৩২ (১১২২৭)
অরুন্ধতী মহাত্মানং বসিষ্ঠং পর্যশঙ্কত।
বিশুদ্ধভাবমত্যন্তং সদা প্রিয়হিতে রতম্॥ ১-২৫৯-৩৩ (১১২২৮)
সপ্তর্ষিমধ্যগং বীরমবমেনে চ তং মুনিম্।
অপধ্যানেন সা তেন ধূমারুণসমপ্রভা।
লক্ষ্যাঽলক্ষ্যা নাভিরূপা নিমিত্তমিব পশ্যতি॥ ১-২৫৯-৩৪ (১১২২৯)
অপত্যহেতোঃ সংপ্রাপ্তং তথা ৎবমপি মামিহ।
ইষ্টমেবং গতে হি ৎবং সা তথৈবাদ্য বর্ততে॥ ১-২৫৯-৩৫ (১১২৩০)
ন হি ভার্যেতি বিশ্বাসঃ কার্যঃ পুংসা কথংচন।
ন হি কার্যমনুধ্যাতি নারী পুত্রবতী সতী॥ ১-২৫৯-৩৬ (১১২৩১)
বৈশম্পায়ন উবাচ। ১-২৫৯-৩৭x (১৩৭০)
ততস্তে সর্ব এবৈনং পুত্রাঃ সম্যগুপাসতে।
স চ তানাত্মজান্সর্বানাশ্বাসয়িতুমুদ্যতঃ॥ ॥ ১-২৫৯-৩৭ (১১২৩২)

ইতি শ্রীমন্মহাভারতে আদিপ্রবণি ময়দর্শনপর্বণি ঊনষষ্ট্যধিকদ্বিশততমোঽধ্যায়ঃ॥ ২৫৯ ॥

Mahabharata – Adi Parva – Chapter Footnotes

১-২৫৯- ১-২৫৯-১০ ১-২৫৯-১২ মিতি ঙ. পাঠঃ॥ ১-২৫৯-১৩ হ্যপুরুষা তথা ইতি ঙ. পাঠঃ॥ ঊনষষ্ঠ্যধিকদ্বিশততমোঽধ্যায়ঃ॥ ২৫৯ ॥