আদিপর্ব – অধ্যায় ২৫৮

আদিপর্ব – অধ্যায় ২৫৮

॥ শ্রীঃ ॥

১.২৫৮. অধ্যায়ঃ ২৫৮

Mahabharata – Adi Parva – Chapter Topics

জরিতার্যাদীনাং চতুর্ণাং শার্ঙ্গকাণাং পরস্পরং সংবাদঃ॥ ১ ॥ স্তুত্যা প্রসন্নেনাগ্নিনা তেভ্যোঽভয়দানম্॥ ২ ॥ শার্ঙ্গকাণাং প্রার্থনয়া অগ্নিনা মার্জারাণাং দাহঃ॥ ৩ ॥

Mahabharata – Adi Parva – Chapter Text

১-২৫৮-০ (১১১৬৯)
জরিতারিরুবাচ। ১-২৫৮-০x (১৩৫১)
পুরতঃ কৃচ্ছ্রকালস্য ধীমাঞ্জাগর্তি পুরুষঃ।
স কৃচ্ছ্রকালং সংপ্রাপ্য ব্যথাং নৈবৈতি কর্হিচিৎ॥ ১-২৫৮-১ (১১১৭০)
যস্তু কৃচ্ছ্রমনুপ্রাপ্তং বিচেতা নাববুধ্যতে।
সকৃচ্ছ্রকালে ব্যথিতো ন শ্রেয়ো বিন্দতে মহৎ॥ ১-২৫৮-২ (১১১৭১)
সারিসৃক্ব উবাচ। ১-২৫৮-৩x (১৩৫২)
ধীরস্ৎবমসি মেধাবী প্রাণকৃচ্ছ্রমিদং চ নঃ।
প্রাজ্ঞঃ শূরো বহূনাং হি ভবত্যেকো ন সংশয়ঃ॥ ১-২৫৮-৩ (১১১৭২)
স্তম্বমিত্র উবাচ। ১-২৫৮-৪x (১৩৫৩)
জ্যেষ্ঠস্তাতো ভবতি বৈ জ্যেষ্ঠো মুঞ্চতি কৃচ্ছ্রতঃ।
জ্যেষ্ঠশ্চেন্ন প্রজানাতি নীয়ান্কিং করিষ্যতি॥ ১-২৫৮-৪ (১১১৭৩)
দ্রোণ উবাচ। ১-২৫৮-৫x (১৩৫৪)
হিরণ্যরেতাস্ৎবরিতো জলন্নায়াতি নঃ ক্ষয়ম্।
সপ্তজিহ্বাননঃ ক্রূরো লিহানো বিসর্পতি॥ ১-২৫৮-৫ (১১১৭৪)
বৈশম্পায়ন উবাচ। ১-২৫৮-৬x (১৩৫৫)
এবং সংভাষ্য তেঽন্যোন্যং মন্দপালস্য পুত্রকাঃ।
তুষ্টুবুঃ প্রয়তা ভূৎবা যথাঽগ্নিং শৃণু পার্থিব॥ ১-২৫৮-৬ (১১১৭৫)
জরিতারিরুবাচ। ১-২৫৮-৭x (১৩৫৬)
আত্মাঽসি বায়োর্জ্বলন শরীরমসি বীরুধাম্।
যোনিরাপশ্চ তে শুক্রং যোনিস্ৎবমসি চাম্ভসঃ॥ ১-২৫৮-৭ (১১১৭৬)
ঊর্ধ্বং চাধশ্চ সর্পন্তি পৃষ্ঠতঃ পার্শ্বতস্তথা।
অর্চিষস্তে মহাবীর্য রশ্যমঃ সবিতুর্যথা॥ ১-২৫৮-৮ (১১১৭৭)
সারিসৃক্ক উবাচ। ১-২৫৮-৯x (১৩৫৭)
মাতা প্রণষ্টা পিতরং ন বিদ্মঃ
পক্ষা জাতা নৈ নো ধূমকেতো।
ন নস্ত্রাতা বিদ্যতে বৈ ৎবদন্য-
স্তস্মাদস্মাংস্ত্রাহি বালাংস্ৎবমগ্নে॥ ১-২৫৮-৯ (১১১৭৮)
যদগ্নে তে শিবং রূপং যে চ তে সপ্ত হেতয়ঃ।
তেন নঃ পরিপাহি ৎবমার্তান্নঃ শরণৈষিণঃ॥ ১-২৫৮-১০ (১১১৭৯)
ৎবমেবৈকস্তপসে জপ্তবেদো
নান্যস্তপ্তা বিদ্যতে গোষু দেব।
ঋষীনস্মান্বালকান্পালয়স্ব
পরেণাস্মান্প্রেহি বৈ হব্যবাহ॥ ১-২৫৮-১১ (১১১৮০)
স্তম্বমিত্র উবাচ। ১-২৫৮-১২x (১৩৫৮)
সর্বমগ্নে ৎবমেবৈকস্ৎবয়ি সর্বমিদং জগৎ।
ৎবং ধারয়সি ভূতানি ভুবনং ৎবং বিভর্ষি চ॥ ১-২৫৮-১২ (১১১৮১)
ৎবমগ্নির্হব্যবাহস্ৎবং ৎবমেব পরমং হবিঃ।
মনীষিণস্ৎবাং জানন্তি বহুধা চৈকধাপি চ॥ ১-২৫৮-১৩ (১১১৮২)
সৃষ্ট্বা লোকাংস্ত্রীনিমান্হব্যবাহ
কালে প্রাপ্তে পচসি পুনঃ সমিদ্ধঃ।
ৎবং সর্বস্য ভুবনস্য প্রসূতি-
স্ৎবমেবাগ্নে ভবসি পুনঃ প্রতিষ্ঠা॥ ১-২৫৮-১৪ (১১১৮৩)
দ্রোণ উবাচ। ১-২৫৮-১৫x (১৩৫৯)
ৎবমন্নং প্রাণিভির্ভুক্তমন্তর্ভূতো জগৎপতে।
নিত্যপ্রবৃদ্ধঃ পচসি ৎবয়ি সর্বং প্রতিষ্ঠিতম্॥ ১-২৫৮-১৫ (১১১৮৪)
সূর্যো ভূৎবা রশ্মিভির্জাতবেদো
ভূমেরম্ভো ভূমিজাতান্রসাংশ্চ।
বিশ্বানাদায় পুনরুৎসৃজ্য কালে
দৃষ্ট্বা বৃষ্ট্যা ভাবয়সীহ শুক্র॥ ১-২৫৮-১৬ (১১১৮৫)
ৎবত্ত এতাঃ পুনঃ শুক্র বীরুধো হরিতচ্ছদাঃ।
জায়ন্তে পুষ্করিণ্যশ্চ সুভদ্রশ্চ মহোদধিঃ॥ ১-২৫৮-১৭ (১১১৮৬)
ইদং বৈ সদ্ম তিগ্মাংশো বরুণস্য পরায়ণম্।
শিবস্ত্রাতা ভবাস্মাকং মাঽস্মানদ্য বিনাশয়॥ ১-২৫৮-১৮ (১১১৮৭)
পিঙ্গাক্ষ লোহিতগ্রীব কৃষ্ণবর্ত্মন্হুতাশন।
পরেণ প্রেহি মুঞ্চাস্মান্সাগরস্য গৃহানিব॥ ১-২৫৮-১৯ (১১১৮৮)
বৈশম্পায়ন উবাচ। ১-২৫৮-২০x (১৩৬০)
এবমুক্তো জাতবেদা দ্রোণেন ব্রহ্মবাদিনা।
দ্রোণমাহ প্রতীতাত্মা মন্দপালপ্রতিজ্ঞয়া॥ ১-২৫৮-২০ (১১১৮৯)
অগ্নিরুবাচ। ১-২৫৮-২১x (১৩৬১)
ঋষির্দ্রোণস্ৎবমসি বৈ ব্রহ্মৈতদ্ব্যাহৃতং
ঈপ্সিতং তে করিষ্যামি ন চ তে ১-২৫৮-২১ (১১১৯০)
মন্দপালেন বৈ যূয়ং মম পূর্বং নিবেদিতাঃ।
বর্জয়েঃ পুত্রকান্মহ্যং দহন্দাবমিতি স্ম হ॥ ১-২৫৮-২২ (১১১৯১)
তস্য তদ্বচনং দ্রোণ ৎবয়া যচ্চেহ ভাষিতম্।
উভয়ং মে গরীয়স্তু ব্রূহি কিং করবাণি তে।
ভৃশং প্রীতোঽস্মি ভদ্রং তে ব্রহ্মংস্তোত্রেণ সত্তম॥ ১-২৫৮-২৩ (১১১৯২)
দ্রোণ উবাচ। ১-২৫৮-২৪x (১৩৬২)
ইমে মার্জারকাঃ শুক্র নিত্যমুদ্বেজয়ন্তি নঃ।
এতান্কুরুষ্ব দগ্ধাংস্ৎবং হুতাশন সবান্ধবান্॥ ১-২৫৮-২৪ (১১১৯৩)
বৈশম্পায়ন উবাচ। ১-২৫৮-২৫x (১৩৬৩)
তথা তৎকৃতবানগ্নিরভ্যনুজ্ঞায় শার্ঙ্গকান্।
দদাহ খাণ্ডবং দাবং সমিদ্ধো জনমেজয়॥ ॥ ১-২৫৮-২৫ (১১১৯৪)

ইতি শ্রীমন্মহাভারতে আদিপর্বণি ময়দর্শনপর্বণি অষ্টপঞ্চাশদধিকদ্বিশততমোঽধ্যায়ঃ॥ ২৫৮ ॥