আদিপর্ব – অধ্যায় ২৫৬
॥ শ্রীঃ ॥
১.২৫৬. অধ্যায়ঃ ২৫৬
Mahabharata – Adi Parva – Chapter Topics
প্রজ্বলদগ্নিদর্শনেন জরিতায়াঃ স্বপুত্রৈঃ সংবাদঃ॥ ১ ॥
Mahabharata – Adi Parva – Chapter Text
১-২৫৬-০ (১১১২৬)
বৈশম্পায়ন উবাচ। ১-২৫৬-০x (১৩৩৯)
ততঃ প্রজ্বলিতে বহ্নৌ শার্ঙ্গকাস্তে সুদুঃখিতাঃ।
ব্যথিতাঃ পরমোদ্বিগ্না নাধিজগ্মুঃ পরায়ণম্॥ ১-২৫৬-১ (১১১২৭)
নিশাম্য পুত্রকান্বালান্মাতা তেষাং তপস্বিনী।
জরিতা শোকদুঃখার্তা বিললাপ সুদুঃখিতা॥ ১-২৫৬-২ (১১১২৮)
জরিতোবাচ। ১-২৫৬-৩x (১৩৪০)
অয়মগ্নির্দহন্কক্ষমিত আয়াতি ভীষণঃ।
জগৎসংদীপয়ন্ভীমো মম দুঃখবিবর্ধনঃ॥ ১-২৫৬-৩ (১১১২৯)
ইমে চ মাং কর্ষয়ন্তি শিশবো মন্দচেতসঃ।
অবর্হাশ্চরণৈর্হীনাঃ পূর্বেষাং নঃ পরায়ণাঃ॥ ১-২৫৬-৪ (১১১৩০)
ত্রাসয়ংশ্চায়মায়াতি লেলিহানো মহীরুহান্।
অজাতপক্ষাশ্চ সুতা ন শক্তাঃ সরণে মম॥ ১-২৫৬-৫ (১১১৩১)
আদায় চ ন শক্নোমি পুত্রাংস্তরিতুমাত্মনা।
ন চ ত্যক্তুমহং শক্তা হৃদয়ং দূয়তীব মে॥ ১-২৫৬-৬ (১১১৩২)
কং তু জহ্যামহং পুত্রং কমাদায় ব্রজাম্যহম্।
কিংনু মে স্যাৎকৃতং কৃৎবা মন্যধ্বং পুত্রকাঃ কথম্॥ ১-২৫৬-৭ (১১১৩৩)
চিন্তয়ানা বিমোক্ষং বো নাধিগচ্ছামি কিংচন।
ছাদয়িষ্যামি বো গাত্রৈঃ করিষ্যে মরণং সহ॥ ১-২৫৬-৮ (১১১৩৪)
জরিতারৌ কুলং হ্যেতজ্জ্যেষ্ঠৎবেন প্রতিষ্ঠিতম্।
সারিসৃক্কঃ প্রজায়েত পিতৄণাং কুলবর্ধনঃ॥ ১-২৫৬-৯ (১১১৩৫)
স্তম্বমিত্রস্তপঃ কুর্যাদ্দ্রোণো ব্রহ্মবিদাং বরঃ।
ইত্যেবমুক্ৎবা প্রয়যৌ পিতা বো নির্ঘৃণঃ পুরা॥ ১-২৫৬-১০ (১১১৩৬)
কমুপাদায় শক্যেয়ং গন্তুং কষ্টাঽঽপদুত্তমা।
কিং নু কৃৎবা কৃতং কার্যং ভবেদিতি চ বিহ্বলা।
নাপশ্যৎস্বধিয়া মোক্ষং স্বসুতানাং তদানলাৎ॥ ১-২৫৬-১১ (১১১৩৭)
বৈশম্পায়ন উবাচ। ১-২৫৬-১২x (১৩৪১)
এবং ব্রুবাণাং শার্ঙ্গাস্তে প্রত্যূচুরথ মাতরম্।
স্নেহমুৎসৃজ্য মাতস্ৎবং পত যত্র ন হব্যবাট্॥ ১-২৫৬-১২ (১১১৩৮)
অস্মাস্বিহ বিনষ্টেষু ভবিতারঃ সুতাস্তব।
ৎবয়ি মাতর্বিনষ্টায়াং ন নঃ স্যাৎকুলসন্ততিঃ॥ ১-২৫৬-১৩ (১১১৩৯)
অন্ববেক্ষ্যৈতদুভয়ং ক্ষেমং স্যাদ্যৎকুলস্য নঃ।
তদ্বৈ কর্তুং পরঃ কালো মাতরেষ ভবেত্তব॥ ১-২৫৬-১৪ (১১১৪০)
মা ৎবং সর্ববিনাশায় স্নেহং কার্ষীঃ সুতেষু নঃ।
ন হীদং কর্ম মোঘং স্যাল্লোককামস্য নঃ পিতুঃ॥ ১-২৫৬-১৫ (১১১৪১)
জরিতোবাচ। ১-২৫৬-১৬x (১৩৪২)
ইদমাখোর্বিলং ভূমৌ বৃক্ষস্যাস্য সমীপতঃ।
তদাবিশধ্বং ৎবরিতা বহ্নেরত্র ন বো ভয়ম্॥ ১-২৫৬-১৬ (১১১৪২)
ততোঽহং পাংসুনা ছিদ্রমপিধাস্যামি পুত্রকাঃ।
এবং প্রতিকৃতং মন্যে জ্বলতঃ কৃষ্ণবর্ত্মনঃ॥ ১-২৫৬-১৭ (১১১৪৩)
তত এষ্যাম্যতীতেঽগ্নৌ বিহন্তুং পাংসুশংচয়ম্।
রোচতামেষ বো বাদো মোক্ষার্থং চ হুতাশনাৎ॥ ১-২৫৬-১৮ (১১১৪৪)
শার্ঙ্গকা ঊচুঃ। ১-২৫৬-১৯x (১৩৪৩)
অবর্হান্মাংসভূতান্নঃ ক্রব্যাদাখুর্বিনাশয়েৎ।
পশ্যমানা ভয়মিদং প্রবেষ্টুং নাত্র শক্নুমঃ॥ ১-২৫৬-১৯ (১১১৪৫)
কথমগ্নির্ন নো ধক্ষ্যেৎকথমাখুর্ন নাশয়েৎ।
কথং ন স্যাৎপিতা মোঘঃ কথং মাতা ধ্রিয়েত নঃ॥ ১-২৫৬-২০ (১১১৪৬)
বিল আখোর্বিনাশঃ স্যাদগ্নেরাকাশচারিণাম্।
অন্ববেক্ষ্যৈতদুভয়ং শ্রেয়ান্দাহো ন ভক্ষণম্॥ ১-২৫৬-২১ (১১১৪৭)
গর্হিতং মরণং নঃ স্যাদাখুনা ভক্ষিতে বিলে।
শিষ্টাদিষ্টঃ পরিত্যাগঃ শরীরস্য হুতাশনাৎ॥ ১-২৫৬-২২ (১১১৪৮)
`অগ্নিদাহে তু নিয়তং ব্রহ্মলোকে ধ্রুবা গতিঃ॥’ ॥ ১-২৫৬-২৩ (১১১৪৯)
ইতি শ্রীমন্মহাভারতে আদিপর্বণি ময়দর্শনপর্বণি ষট্পঞ্চাশদধিকদ্বিশততমোঽধ্যায়ঃ॥ ২৫৬ ॥
Mahabharata – Adi Parva – Chapter Footnotes
১-২৫৬-১৫ নোঽস্মাকং সর্ববিনাশায় সর্বেষাং বিনাশায় সুতেষু স্নেহং মাকার্ষীরিতি সংবন্ধঃ॥ ১-২৫৬-১৮ বিহন্তুং দূরীকর্তুংম্। বাদো বচনম্॥ ১-২৫৬-১৯ ক্রব্যাদাখুর্মাংসাদ উন্দুরুঃ। পশ্যমানাঃ পশ্যন্তঃ॥ ১-২৫৬-২০ মোঘো নিষ্ফলাঽপত্যোৎপত্তিঃ। ধ্রিয়েত জীবেত॥ ১-২৫৬-২২ শিষ্টাদিষ্টঃ শিষ্টৈরাদিষ্টঃ॥ ষট্পঞ্চাশদধিকদ্বিশততমোঽধ্যায়ঃ॥ ২৫৬ ॥