আদিপর্ব – অধ্যায় ২৫১
॥ শ্রীঃ ॥
১.২৫১. অধ্যায়ঃ ২৫১
Mahabharata – Adi Parva – Chapter Topics
অগ্নিনা বরুণাৎ আহৃতানাং রথাদীনাং অর্জুনায় দানম্॥ ১ ॥ অগ্নেঃ খাণ্ডবদাহারম্ভঃ॥ ২ ॥
Mahabharata – Adi Parva – Chapter Text
১-২৫১-০ (১০৯২৮)
বৈশম্পায়ন উবাচ। ১-২৫১-০x (১৩২৩)
এবমুক্তঃ স ভগবান্ধূমকেতুর্হুতাশনঃ।
চিন্তয়ামাস বরুণং লোকপালং দিদৃক্ষয়া॥ ১-২৫১-১ (১০৯২৯)
আদিত্যমুদকে দেবং নিবসন্তং জলেশ্বরম্।
স চ তচ্চিন্তিতং জ্ঞাৎবা দর্শয়ামাস পাবকম্॥ ১-২৫১-২ (১০৯৩০)
তমব্রবীদ্ভমকেতুঃ প্রতিগৃহ্য জলেশ্বরম্।
চতুর্থং লোকপালানাং দেবদেবং সনাতনম্॥ ১-২৫১-৩ (১০৯৩১)
সোমেন রাজ্ঞা যদ্দত্তং ধনুশ্চৈবেষুধী চ তে।
তৎপ্রয়চ্ছোভয়ং শীঘ্রং রথং চ কপিলক্ষণম্॥ ১-২৫১-৪ (১০৯৩২)
কার্যং চ সুমহৎপার্থো গাণ্ডীবেন করিষ্যতি।
চক্রেণ বাসুদেবশ্চ তন্মমাদ্য প্রদীয়তাম্॥ ১-২৫১-৫ (১০৯৩৩)
দদানীত্যেব বরুণঃ পাবকং প্রত্যভাষত।
তদদ্ভুতং মহাবীর্যং যশঃকীর্তিবিবর্ধনম্॥ ১-২৫১-৬ (১০৯৩৪)
সর্বশস্ত্রৈরনাধৃষ্যং সর্বশস্ত্রপ্রমাথি চ।
সর্বায়ুধমহামাত্রং পরসৈন্যপ্রধর্ষণম্॥ ১-২৫১-৭ (১০৯৩৫)
একং শতসহস্রেণ সংমিতং রাষ্ট্রবর্ধনম্।
চিত্রমুচ্চাবচৈর্বর্ণৈঃ শোভিতং শ্লক্ষ্ণমব্রণম্॥ ১-২৫১-৮ (১০৯৩৬)
দেবদানবগন্ধর্বৈঃ পূজিতং শাশ্বতীঃ সমাঃ।
প্রাদাচ্চৈব ধনূরত্নমক্ষয়্যৌ চ মহেষুধী॥ ১-২৫১-৯ (১০৯৩৭)
রথং চ দিব্যাশ্বয়ুজং কপিপ্রবরকেতনম্।
উপেতং রাজতৈরশ্বৈর্গান্ধর্বৈর্হেমমালিভিঃ॥ ১-২৫১-১০ (১০৯৩৮)
পাণ্ডুরাভ্রপ্রতীকাশৈর্মনোবায়ুসমৈর্জবে।
সর্বোপকরণৈর্যুক্তমজয়্যং দেবদানবৈঃ॥ ১-২৫১-১১ (১০৯৩৯)
ভাবুমন্তং মহাঘোষং সর্বরত্নমনোরমম্।
সসর্জ যং সুতপসা ভৌমনো ভুবনপ্রভুঃ॥ ১-২৫১-১২ (১০৯৪০)
প্রজাপতিরনির্দেশ্যং যস্য রূপং রবেরিব।
যং স্ম সোমঃ সমারুহ্য দানবানজয়ৎপ্রভুঃ॥ ১-২৫১-১৩ (১০৯৪১)
নবমেঘপ্রতীকাশং জ্ললন্তমিব চ শ্রিয়া।
আশ্রিতৌ তং রথশ্রেষ্ঠং শক্রায়ুধসমাবুভৌ॥ ১-২৫১-১৪ (১০৯৪২)
তাপনীয়া সুরুচিরা ধ্বজয়ষ্টিরনুত্তমা।
তস্যাং তু বানরো দিব্যঃ সিংহশার্দূলকেতনঃ॥ ১-২৫১-১৫ (১০৯৪৩)
`হনূমান্নাম তেজস্বী কামরূপী মহাবলঃ।’
দিধক্ষন্নিব তত্র স্ম সংস্থিতো মূর্ধ্ন্যশোভত।
ধ্বজে ভূতানি তত্রাসন্বিবিধানি মহান্তি চ॥ ১-২৫১-১৬ (১০৯৪৪)
নাদেন রিপুসৈন্যানাং যেষাং সংজ্ঞা প্রণশ্যতি।
স তং নানাপতাকাভিঃ শোভিতং রথসত্তমম্॥ ১-২৫১-১৭ (১০৯৪৫)
প্রদক্ষিণমুপাবৃত্য দৈবতেভ্যঃ প্রণম্য চ।
সন্নদ্ধঃ কবচী খড্গী বদ্ধগোধাঙ্গুলিত্রকঃ॥ ১-২৫১-১৮ (১০৯৪৬)
আরুরোহ তদা পার্থো বিমানং সুকৃতী যথা।
তচ্চ দিব্যং ধনুঃ শ্রেষ্ঠং ব্রহ্মণা নির্মিতং পুরা॥ ১-২৫১-১৯ (১০৯৪৭)
গাণ্ডীবমুপসংগৃহ্য বভূব মুদিতোঽর্জুনঃ।
হুতাশনং পুরস্কৃত্য ততস্তদপি বীর্যবান্॥ ১-২৫১-২০ (১০৯৪৮)
জগ্রাহ বলমাস্থায় জ্যযা চ যুয়ুজে ধনুঃ।
মৌর্ব্যাং তু যোজ্যমানায়াং বলিনা পাণ্ডবেন হ॥ ১-২৫১-২১ (১০৯৪৯)
যেঽশৃষ্বন্কূজিতং যত্র তেষাং বৈ ব্যথিতং মনঃ।
লব্ধ্বা রথং ধনুশ্চৈব তথাঽক্ষয়্যে মহেষুধী॥ ১-২৫১-২২ (১০৯৫০)
বভূব কল্যঃ কৌন্তেয়ঃ প্রহৃষ্টঃ সাহ্যকর্মণি।
বজ্রনাভং ততশ্চক্রং দদৌ কৃষ্ণায় পাবকঃ॥ ১-২৫১-২৩ (১০৯৫১)
আগ্নেয়মস্ত্রং দয়িতং স চ কল্যোঽভবত্তদা।
অব্রবীৎপাবকশ্চৈবমেতেন মধুসূদন॥ ১-২৫১-২৪ (১০৯৫২)
অমানুষানপি রণে জেষ্যসি ৎবমসংশয়ম্।
অনেন তু মনুষ্যাণাং দেবানামপি চাহবে॥ ১-২৫১-২৫ (১০৯৫৩)
রক্ষঃপিশাচদৈত্যানাং নাগানাং চাধিকস্তথা।
ভবিষ্যসি ন সন্দেহঃ প্রবরোঽপি নিবর্হণে॥ ১-২৫১-২৬ (১০৯৫৪)
ক্ষিপ্তং ক্ষিপ্তং রণে চৈতত্ৎবয়া মাধব শত্রুষু।
হৎবাঽপ্রতিহতং সঙ্খ্যে পাণিমেষ্যতি তে পুনঃ॥ ১-২৫১-২৭ (১০৯৫৫)
বৈশম্পায়ন উবাচ। ১-২৫১-২৮x (১৩২৪)
বরুণশ্চ দদৌ তস্মৈ গদামশনিনিঃস্বনাম্।
দৈত্যান্তকরণীং ঘোরাং নাম্না কৌমোদকীং প্রভুঃ॥ ১-২৫১-২৮ (১০৯৫৬)
ততঃ পাবকমব্রূতাং প্রহৃষ্টাবর্জুনাচ্যুতৌ।
কৃতাস্ত্রৌ শস্ত্রসংপন্নৌ রথিনৌ ধ্বজিনাবপি॥ ১-২৫১-২৯ (১০৯৫৭)
কল্যৌ স্বো ভগবন্যোদ্ধুমপি সর্বৈঃ সুরাসুরৈঃ।
কিং পুনর্বজ্রিণৈকেন পন্নগার্থে যুয়ুৎসতা॥ ১-২৫১-৩০ (১০৯৫৮)
অর্জুন উবাচ। ১-২৫১-৩১x (১৩২৫)
চক্রপাণির্হৃষীকেশো বিচরন্যুধি বীর্যবান্।
চক্রেণ ভস্মসাৎসর্বং বিসৃষ্টেন তু বীর্যবান্।
ত্রিষু লোকেষু তন্নাস্তি যন্ন কুর্যাজ্জনার্দনঃ॥ ১-২৫১-৩১ (১০৯৫৯)
গাণ্ডীবং ধনুরাদায় তথাঽক্ষয়্যে মহেষুধী।
অহমপ্যুৎসহে লোকান্বিজেতুং যুধি পাবক॥ ১-২৫১-৩২ (১০৯৬০)
সর্বতঃ পরিবার্যৈবং দাবমেতং মহাপ্রভো।
কামং সংপ্রজ্বলাদ্যৈব কল্যৌ স্বঃ সাহ্যকর্মণি॥ ১-২৫১-৩৩ (১০৯৬১)
`যদি খাণ্ডবমেষ্যতি প্রমাদা-
ৎসগণো বা পরিরক্ষিতুং মহেন্দ্রঃ।
শরতাডিতগাত্রকুণ্ডলানাং
কদনং দ্রক্ষ্যতি দেববাহিনীনাম্॥’ ১-২৫১-৩৪ (১০৯৬২)
বৈশম্পায়ন উবাচ। ১-২৫১-৩৫x (১৩২৬)
এবমুক্তঃ স ভগবান্দাশার্হেণার্জুনেন চ।
তৈজসং রপমাস্থায় দাবং দগ্ধুং প্রচক্রমে॥ ১-২৫১-৩৫ (১০৯৬৩)
সর্বতঃ পরিবার্যাথ সপ্তার্চির্জ্বলনস্তথা।
দদাহ খাণ্ডবং দাবং যুগান্তমিব দর্শয়ন্॥ ১-২৫১-৩৬ (১০৯৬৪)
প্রতিগৃহ্য সমাবিশ্য তদ্বনং ভরতর্ষভ।
মেঘস্তনিতনির্ঘোষঃ সর্বভূতান্যকম্পয়ৎ॥ ১-২৫১-৩৭ (১০৯৬৫)
দহ্যতস্তস্য চ বভৌ রূপং দাবস্য ভারত।
মেরোরিব নগেন্দ্রস্য কীর্ণস্যাংশুমতোংশুভিঃ॥ ॥ ১-২৫১-৩৮ (১০৯৬৬)
ইতি শ্রীমন্মহাভারতে আদিপর্বণি খাণ্ডবদাহপর্বণি একপঞ্চাশদধিকদ্বিশততমোঽধ্যায়ঃ॥ ২৫১ ॥
Mahabharata – Adi Parva – Chapter Footnotes
১-২৫১-২ আদিত্যমদিতেঃ পুত্রম্॥ ১-২৫১-৭ মহামাত্রং প্রধানম্॥ ১-২৫১-১২ ভৌমনো বিশ্বকর্মা॥ ১-২৫১-১৫ সিংহশার্দূলবদ্ভয়ংকরঃ কেতনঃ কায়োয়স্য সঃ॥ ১-২৫১-২৩ কল্যঃ সমর্থঃ বজ্রং বরত্রা সা নাভৌ যস্য তৎ॥ ১-২৫১-২৭ হৎবা হৎবা রিপূন্সঙ্খ্যে ইতি ঘ. পাত॥ একপঞ্চাশদধিকদ্বিশততমোঽধ্যায়ঃ॥ ২৫১ ॥