আদিপর্ব – অধ্যায় ২৪৭

আদিপর্ব – অধ্যায় ২৪৭

॥ শ্রীঃ ॥

১.২৪৭. অধ্যায়ঃ ২৪৭

Mahabharata – Adi Parva – Chapter Topics

কৃষ্ণানুমত্যাঽর্জুনঃ সুভদ্রাং জহারেতি পৌরাণামূহঃ॥ ১ ॥ অর্জুনে ইন্দ্রপ্রস্থং প্রাপ্তং জ্ঞাৎবা যাদবৈঃ সহ শ্রীকৃষ্ণস্য ইন্দ্রপ্রস্থং প্রত্যাগমনম্॥ ২ ॥ আগতাঞ্শ্রীকৃষ্ণাদীঞ্শ্রুৎবা যুধিষ্ঠিরস্য প্রত্যুদ্গমনং তেষাং সৎকারশ্চ॥ ৩ ॥ বৈবাহিকমহোৎসবকরণম্॥ ৪ ॥ পারিবর্হদানম্॥ ৫ ॥ কংমচিৎকালং তত্রোষিতানাং কুরুভিঃ পূজিতানাং বলরামাদীনাং দ্বারকাংপ্রতি গমনম্॥ ৬ ॥ অভিমন্যূৎপত্তিঃ॥ ৭ ॥ দ্রৌপদ্যাঃ যুধিষ্ঠিরাদিশ্যঃ পঞ্চপুত্রোৎপত্তিঃ তেষাং বিদ্যাশ্যাসশ্চ॥ ৮ ॥

Mahabharata – Adi Parva – Chapter Text

১-২৪৭-০ (১০৬৮৮)
বৈশম্পায়ন উবাচ। ১-২৪৭-০x (১৩১৩)
অথ শুশ্রাব নির্বৃত্তে বৃষ্ণীনাং পরমোৎসবে।
অর্জুনেন হৃতাং ভদ্রাং শঙ্খচক্রগদাধরঃ॥ ১-২৪৭-১ (১০৬৮৯)
পুরস্তাদেব পৌরাণাং সংশয়ঃ সমজায়ত।
জানতা বাসুদেবেন বাসিতো ভরতর্ষভঃ॥ ১-২৪৭-২ (১০৬৯০)
লোকস্য বিদিতং হ্যদ্য পূর্বং বিপৃথুনা যথা।
সান্ৎবয়িৎবাভ্যনুজ্ঞাতো ভদ্রয়া সহ সঙ্গতঃ॥ ১-২৪৭-৩ (১০৬৯১)
দিৎসতা সোদরাং তস্মৈ পতত্ত্রিবরকেতুনা।
অর্হতে পার্থিবেন্দ্রায় পার্থায়ায়তলোচনাম্॥ ১-২৪৭-৪ (১০৬৯২)
সৎকৃত্য পাণ্ডবশ্রেষ্ঠং প্রেষয়ামাস চার্জুনম্।
ভদ্রয়া সহ বীভৎসুঃ প্রাপিতো বৃজিনং পুরম্॥ ১-২৪৭-৫ (১০৬৯৩)
ইতি পৌরজনাঃ সর্বে বদন্তি চ সমন্ততঃ।’
শ্রুৎবা তু পুণ্ডরীকাক্ষঃ সংপ্রাপ্তং স্বপুরোত্তমম্॥ ১-২৪৭-৬ (১০৬৯৪)
অর্জুনং পাণ্ডবশ্রেষ্ঠমিন্দ্রপ্রস্থগতং তথা।
`যিয়াসুঃ খাণ্ডবপ্রস্থমমন্ত্রয়ত কেশবঃ॥ ১-২৪৭-৭ (১০৬৯৫)
পূর্বং সৎকৃত্য রাজানমাহুকং মধুসূদনঃ।
তথা বিপৃথুমক্রূরং সংকর্ষণবিডূরথৌ॥ ১-২৪৭-৮ (১০৬৯৬)
মন্ত্রয়ামাস তৈঃ সার্ধং পুরস্তাদভিমানিতৈঃ।
সংকর্ষণেন সংমন্ত্র্য হ্যনুজ্ঞাতো মহামনাঃ॥ ১-২৪৭-৯ (১০৬৯৭)
সংপ্রীতঃ প্রীয়মাণেন বৃষ্ণিরাজ্ঞা জনার্দনঃ।
অভিমন্ত্র্যাভ্যনুজ্ঞাতো যোজয়ামাস বাহিনীম্॥ ১-২৪৭-১০ (১০৬৯৮)
ততস্তু যানান্যাসাদ্য দাশার্হাণাং যশস্বিনাম্।
সিংহনাদঃ প্রহৃষ্টানাং ক্ষণেন সমপদ্যত॥ ১-২৪৭-১১ (১০৬৯৯)
যোজয়ন্তঃ সদশ্বাংস্তু যানয়ুগ্যং রথাংস্তথা।
গজাংশ্চ পরমপ্রীতঃ সমপদ্যন্ত বৃষ্ণয়ঃ॥’ ১-২৪৭-১২ (১০৭০০)
বৃষ্ণ্যন্ধকমহামাত্রৈঃ সহ বীরৈর্মহারথৈঃ।
ভ্রাতৃভিশ্চ কুমারৈশ্চ যোধৈশ্চ শতশো বৃতঃ॥ ১-২৪৭-১৩ (১০৭০১)
সৈন্যেন মহতা শৌরিরভিগুপ্তঃ সমন্ততঃ।
তত্র দানপতিঃ শ্রীমাঞ্জগাম স মহায়শাঃ॥ ১-২৪৭-১৪ (১০৭০২)
অক্রূরো বৃষ্ণিবীরাণাং সেনাপতিররিন্দমঃ।
অনাধৃষ্টির্মহাতেজা উদ্ধবশ্চ মহায়শাঃ॥ ১-২৪৭-১৫ (১০৭০৩)
সাক্ষাদ্বৃহস্পতেঃ শিষ্যো মহাবুদ্ধির্মহামনাঃ।
সত্যকঃ সাত্যকিশ্চৈব কৃতবর্মা চ সাৎবতঃ॥ ১-২৪৭-১৬ (১০৭০৪)
প্রদ্যুম্নশ্চৈব সাম্বশ্চ নিশঙ্কুঃ শঙ্কুরেব চ।
চারুদেষ্ণশ্চ বিক্রান্তো ঝিল্লী বিপৃথুরেব চ॥ ১-২৪৭-১৭ (১০৭০৫)
সারণশ্চ মহাবাহুর্গদশ্চ বিদুষাং বরঃ।
এতে চান্যে চ বহবো বৃষ্ণিভোজান্ধকাস্তথা॥ ১-২৪৭-১৮ (১০৭০৬)
আজগ্মঃ খাণ্ডবপ্রস্থমাদায় হরণং বহু।
`উপহারং সমাদায় পৃথুবৃষ্ণিপুরোগমাঃ॥ ১-২৪৭-১৯ (১০৭০৭)
প্রয়যুঃ সিংহনাদেন সুভধ্রামবলোককাঃ।
তে ৎবদীর্ঘেণ কালেন কৃষ্ণেন সহ যাদবাঃ।
পুরমাসাদ্য পার্থানাং পরাং প্রীতিমবাপ্নুবন্॥’ ১-২৪৭-২০ (১০৭০৮)
ততো যুধিষ্ঠিরো সজা শ্রুৎবা মাঘবমাগতম্।
প্রতিগ্রহার্থং কৃষ্ণস্য যমৌ প্রাস্থাপয়ত্তদা॥ ১-২৪৭-২১ (১০৭০৯)
তাভ্যাং প্রতিগৃহীতং তু বৃষ্ণিচক্রং মহর্দ্ধিমৎ।
বিবেশ খাণ্ডবপ্রস্থং পতাকাধ্বজশোভিতম্॥ ১-২৪৭-২২ (১০৭১০)
সংমৃষ্টসিক্তপন্থানং পুষ্পপ্রকরশোভিতম্।
চন্দনস্য রসৈঃ শীতৈঃ পুম্যগন্ধৈর্নিষেবিতম্॥ ১-২৪৭-২৩ (১০৭১১)
দহ্যতাঽগুরুণা চৈব দেশে দেশে সুগন্ধিনা।
হৃষ্টপুষ্টজনাকীর্ণং বণিগ্ভিরুপশোভিতম্॥ ১-২৪৭-২৪ (১০৭১২)
প্রতিপেদে মহাবাহুঃ সহ রামেণ কেশবঃ।
বৃষ্ণ্যন্ধকৈস্তথা ভোজৈঃ সমেতঃ পুরুষোত্তমঃ॥ ১-২৪৭-২৫ (১০৭১৩)
সংপূজ্যমানঃ পৌরৈশ্চ ব্রাহ্মণৈশ্চ সহস্রশঃ।
বিবেশ ভবনং রাজ্ঞঃ পুরন্দরগৃহোপমম্॥ ১-২৪৭-২৬ (১০৭১৪)
যুধিষ্ঠিরস্তু রামেণ সমাগচ্ছদ্যথাবিধি।
মূর্ধ্নি কেশবমাঘ্রায় বাহুভ্যাং পরিষস্বজে॥ ১-২৪৭-২৭ (১০৭১৫)
তং প্রীয়মাণো গোবিন্দো বিনয়েনাভিপূজয়ন্।
ভীমং চ পুরুষব্যাঘ্রং বিধিবৎপ্রত্যপূজয়ৎ॥ ১-২৪৭-২৮ (১০৭১৬)
তাংশ্চ বৃষ্ণ্যন্ধকশ্রেষ্ঠান্কুন্তীপুত্রো যুধিষ্ঠিরঃ।
প্রতিজগ্রাহ সৎকারৈর্যথাবিধি যথাগতম্॥ ১-২৪৭-২৯ (১০৭১৭)
গুরুবৎপূজয়ামাস কাংশ্চিৎকাংশ্চিদ্বয়স্যবৎ।
কাংশ্চিদভ্যবদৎপ্রেম্ণা কৈশ্চিদপ্যভিবাদিতঃ॥ ১-২৪৭-৩০ (১০৭১৮)
`ততঃ পৃথা চ পার্থাশ্চ মুদিতাঃ কৃষ্ণয়া সহ।
পুণ্ডরীকাক্ষমাসাদ্য বভূবুর্মুদিতেন্দ্রিয়াঃ॥ ১-২৪৭-৩১ (১০৭১৯)
হর্ষাদভিগতৌ দৃষ্ট্বা সংকর্ষণজনার্দনৌ।
বন্ধুমন্তং পৃথা পার্থং যুধিষ্ঠিরমমন্যত॥ ১-২৪৭-৩২ (১০৭২০)
ততঃ সঙ্কর্ষণাক্রূরাবপ্রমেয়াবদীনবৎ।
ভদ্রবত্যৈ সুভদ্রায়ৈ ধনৌঘমুপজহ্রতুঃ॥ ১-২৪৭-৩৩ (১০৭২১)
প্রবালানি চ হারাণি ভূষণানি সহস্রশঃ।
কুথাস্তরপরিস্তোমান্ব্যাঘ্রাজিনপুরস্কৃতান্॥ ১-২৪৭-৩৪ (১০৭২২)
বিবিধৈশ্চৈব রংত্নৌগৈর্দীপ্তপ্রভমজায়ত।
শয়নাসনয়ানৈশ্চ যুধিষ্ঠিরনিবেশনম্॥ ১-২৪৭-৩৫ (১০৭২৩)
ততঃ প্রীতিকরো যূনাং বিবাহপরমোৎসবঃ।
ভদ্রবত্যৈ সুভদ্রায়ৈ সপ্তরাত্রমবর্তত॥’ ১-২৪৭-৩৬ (১০৭২৪)
তেষাং দদৌ হৃষীকেশো জন্যার্থে ধনমুত্তমম্।
হরণং বৈ সুভদ্রায়া জ্ঞাতিদেয়ং মহায়শাঃ॥ ১-২৪৭-৩৭ (১০৭২৫)
রথানাং কাঞ্চনাঙ্গানাং কিঙ্কিণীজালমালিনাম্।
চতুর্যুজামুপেতানাং সূতৈঃ কুশলশিক্ষিতৈঃ॥ ১-২৪৭-৩৮ (১০৭২৬)
সহস্রং প্রদদৌ কৃষ্মো গবাময়ুতমেব চ।
শ্রীমান্মাথুরদেশ্যানাং দোগ্ধ্রীণাং পুণ্যবর্চসাম্॥ ১-২৪৭-৩৯ (১০৭২৭)
বডবানাং চ শুদ্ধানাং চন্দ্রাংশুসমবর্চসাম্।
দদৌ জনার্দনঃ প্রীত্যা সহস্রং হেমভূষিতম্॥ ১-২৪৭-৪০ (১০৭২৮)
তথৈবাশ্বতরীণাং চ দান্তানাং বাতরংহসাম্।
শতান্যঞ্জনকেশীনাং শ্বেতানাং পঞ্চপঞ্চ চ॥ ১-২৪৭-৪১ (১০৭২৯)
স্নানপানোৎসবে চৈব প্রয়ুক্তং বয়সান্বিতম্।
স্ত্রীণাং সহস্রং গৌরীণাং সুবেষাণাং সুবর্চসাম্॥ ১-২৪৭-৪২ (১০৭৩০)
সুবর্ণশতকণ্ঠীনামরোমাণাং স্বলঙ্কৃতাম্।
পরিচর্যাসু দক্ষাণাং প্রদদৌ পুষ্করেক্ষণঃ॥ ১-২৪৭-৪৩ (১০৭৩১)
পৃষ্ঠ্যানামপি চাশ্বানাং বাহ্লিকানাং জনার্দনঃ।
দদৌ শতসহস্রাখ্যং কন্যাধনমনুত্তমম্॥ ১-২৪৭-৪৪ (১০৭৩২)
কৃতাকৃতস্য মুখ্যস্য কনকস্যাগ্নিবর্চসঃ।
মনুষ্যভারান্দাশার্হো দদৌ দশ জনার্দনঃ॥ ১-২৪৭-৪৫ (১০৭৩৩)
গজানাং তু প্রভিন্নানাং ত্রিধা প্রস্রবতাং মদম্।
গিরিকূটনিকাশানাং সমরেষ্বনিবর্তিনাম্॥ ১-২৪৭-৪৬ (১০৭৩৪)
ক্লৃপ্তানাং পটুঘণ্টানাং চারূণাং হেমমালিনাম্।
হস্ত্যারোহৈরুপেতানাং সহস্রং সাহসপ্রিয়ঃ॥ ১-২৪৭-৪৭ (১০৭৩৫)
রামঃ পাণিগ্রহণিকং দদৌ পার্থায় লাঙ্গলী।
প্রীয়মাণো হলধরঃ সংবন্ধং প্রতি মানয়ন্॥ ১-২৪৭-৪৮ (১০৭৩৬)
স মহাধনরত্নৌঘো বস্ত্রকম্বলফেনবান্।
মহাগজমহাগ্রাহঃ পতাকাশৈবলাকুলঃ॥ ১-২৪৭-৪৯ (১০৭৩৭)
পাণ্ডুসাগরমাবিদ্ধঃ প্রবিবেশ মহাধনঃ।
পূর্ণমাপূরয়ংস্তেষাং দ্বিষচ্ছোকাবহোঽভবৎ॥ ১-২৪৭-৫০ (১০৭৩৮)
প্রতিজগ্রাহ তৎসর্বং ধর্মরাজো যুধিষ্ঠিরঃ।
পূজয়ামাস তাংশ্চৈব বৃষ্ণ্যন্ধকমহারথান্॥ ১-২৪৭-৫১ (১০৭৩৯)
তে সমেতা মহাত্মানঃ কুরুবৃষ্ণ্যন্ধকোত্তমাঃ।
বিজহ্রুরমরাবাসে নরাঃ সুকৃতিনো যথা॥ ১-২৪৭-৫২ (১০৭৪০)
তত্রতত্র মহানাদৈরুৎকৃষ্টতলনাদিতৈঃ।
যথায়োগং যথাপ্রীতি বিজহ্রুঃ কুরুবৃষ্ণয়ঃ॥ ১-২৪৭-৫৩ (১০৭৪১)
এবমুত্তমবীর্যাস্তে বিহৃত্য দিবসান্বহূন্।
পূজিতাঃ কুরুভির্জগ্মুঃ পুনর্দ্বারবতীং প্রতি॥ ১-২৪৭-৫৪ (১০৭৪২)
রামং পুরুস্কৃত্য যয়ুর্বৃষ্ম্যন্ধকমহারথাঃ।
রত্নান্যাদায় শুভ্রাণি দত্তানি কুরুসত্তমৈঃ॥ ১-২৪৭-৫৫ (১০৭৪৩)
`রামঃ সুভদ্রাং সংপূজ্য পরিষ্বজ্য স্বসাং তদা।
ন্যাসেতি দ্রৌপদীমুক্ৎবা পরিধায় মহাবলঃ॥ ১-২৪৭-৫৬ (১০৭৪৪)
পিতৃষ্বসায়াশ্চরণাবভিবাদ্য যয়ৌ তদা।
তস্মিন্কালে পৃথা প্রীতা পূজয়ামাস তং তথা॥ ১-২৪৭-৫৭ (১০৭৪৫)
স বৃষ্ণিবীরঃ পার্থৈশ্চ পৌরৈশ্চ পরমার্চিতঃ।
যয়ৌ দ্বারবতীং রামো বৃষ্ণিভিঃ সহ সংয়ুতঃ॥ ১-২৪৭-৫৮ (১০৭৪৬)
বাসুদেবস্তু পার্থেন তত্রৈব সহ ভারত।
`চতুস্ত্রিংশদহোরাত্রং রমমাণো মহাবলঃ।’
উবাস নগরে রম্যে শক্রপ্রস্থে মহাত্মনা॥ ১-২৪৭-৫৯ (১০৭৪৭)
ব্যচরদ্যমুনাতীরে মৃগয়াং স মহায়শাঃ।
মৃগান্বিধ্যন্বরাহাংশ্চ রেমে সার্ধং কিরীটিনা॥ ১-২৪৭-৬০ (১০৭৪৮)
ততঃ সুভদ্রা সৌভদ্রং কেশবস্য প্রিয়া স্বসা।
জয়ন্তমিব পৌলোমী খ্যাতিমন্তমজীজনৎ॥ ১-২৪৭-৬১ (১০৭৪৯)
দীর্ঘবাহুং মহোরস্কং বৃষভাক্ষমরিন্দমম্।
সুভদ্রা সুষুবে বীরমভিমন্যুং নরর্ষভম্॥ ১-২৪৭-৬২ (১০৭৫০)
অভীশ্চ মন্যুমাংশ্চৈব ততস্তমরিমর্দনম্।
অভিমন্যুরিতি প্রাহুরার্জুনিং পুরুষর্ষভম্॥ ১-২৪৭-৬৩ (১০৭৫১)
স সাৎবত্যামতিরথঃ সংবভূব ঘনঞ্জয়াৎ।
মখে নির্মথনেনেব শমীগর্ভাদ্ধুতাশনঃ॥ ১-২৪৭-৬৪ (১০৭৫২)
যস্মিঞ্জাতে মহাতেজাঃ কুন্তীপুত্রো যুধিষ্ঠিরঃ।
অয়ুতং গা দ্বিজাতিভ্যঃ প্রাদান্নিষ্কাংশ্চ ভারত॥ ১-২৪৭-৬৫ (১০৭৫৩)
দয়িতো বাসুদেবস্য বাল্যাৎপ্রভৃতি চাভবৎ।
পিতৄণাং চৈব সর্বেষাং প্রজানামিব চন্দ্রমাঃ॥ ১-২৪৭-৬৬ (১০৭৫৪)
জন্মপ্রভৃতি কৃষ্ণশ্চ চক্রে তস্য ক্রিয়াঃ শুভাঃ।
স চাপি ববৃধে বালঃ শুক্লপক্ষে যথা শশী॥ ১-২৪৭-৬৭ (১০৭৫৫)
চতুষ্পাদং দশবিধং ধনুর্বেদমরিন্দমঃ।
অর্জুনাদ্বেদ বেদজ্ঞঃ সকলং দিব্যমানুষম্॥ ১-২৪৭-৬৮ (১০৭৫৬)
বিজ্ঞানেষ্বপি চাস্ত্রাণাং সৌষ্ঠবে চ মহাবলঃ।
ক্রিয়াস্বপি চ সর্বাসু বিশেষানভ্যসিক্ষয়ৎ॥ ১-২৪৭-৬৯ (১০৭৫৭)
আগমে চ প্রয়োগে চ চক্রে তুল্যমিবাত্মনা।
তুতোষ পুত্রং সৌভদ্রং প্রেক্ষণাণো ধনঞ্জয়ঃ॥ ১-২৪৭-৭০ (১০৭৫৮)
সর্বসংহননোপেতং সর্বলক্ষণলক্ষিতম্।
দুর্ধর্ষমৃষভস্কন্ধং ব্যাত্তাননমিবোরগম্॥ ১-২৪৭-৭১ (১০৭৫৯)
সিংহদর্পং মহেষ্বাসং মত্তমাতঙ্গবিক্রমম্।
মেঘদুন্দুভিনির্ঘোষং পূর্ণচন্দ্রনিভাননম্॥ ১-২৪৭-৭২ (১০৭৬০)
কৃষ্ণস্য সদৃশং শৌর্যে বীর্যে রূপে তথাঽঽকৃতৌ।
দদর্শ পুত্রং বীভৎসুর্মঘবানিব তং যথা॥ ১-২৪৭-৭৩ (১০৭৬১)
পাঞ্চাল্যপি তু পঞ্চভ্যঃ পতিভ্যঃ শুভলক্ষণা।
লেভে পঞ্চ সুতান্বীরাঞ্শ্রেষ্ঠান্পঞ্চাচলানিব॥ ১-২৪৭-৭৪ (১০৭৬২)
যুধিষ্ঠিরাৎপ্রতিবিন্ধ্যং সুতসোমং বৃকোদরাৎ।
অর্জুনাচ্ছ্রুতকর্মাণং শতানীকং চ নাকুলিম্॥ ১-২৪৭-৭৫ (১০৭৬৩)
সহদেবাচ্ছ্রুতসেনমেতান্পঞ্চ মহারথান্।
পাঞ্চালী সুষুবে বীরানাদিত্যানদিতির্যথা॥ ১-২৪৭-৭৬ (১০৭৬৪)
শাস্ত্রতঃ প্রতিবিন্ধ্যন্তমূচুর্বিপ্রায়ুধিষ্ঠিরম্।
পরপ্রহরণজ্ঞানে প্রতিবিন্ধ্যো ভৎবয়ম্॥ ১-২৪৭-৭৭ (১০৭৬৫)
সুতেসোমসহস্রে তু সোমার্কসমতেজসম্।
সুতসোমং মহেষ্বাসং সুষুবে ভীমসেনতঃ॥ ১-২৪৭-৭৮ (১০৭৬৬)
শ্রুতং কর্ম মহৎকৃৎবা নিবৃত্তেন কিরীটিনা।
জাতঃ পুত্রস্তথেত্যেবং শ্রুতকর্মা ততোঽভবৎ॥ ১-২৪৭-৭৯ (১০৭৬৭)
শতানীকস্য রাজর্ষেঃ কৌরব্যস্য মহাত্মনঃ।
চক্রে পুত্রং সনামানং নকুলঃ কীর্তিবর্ধনম্॥ ১-২৪৭-৮০ (১০৭৬৮)
ততস্ৎবজীজনৎকৃষ্ণা নক্ষত্রে বহ্নিদৈবতে।
সহদেবাৎসুতং তস্মাচ্ছ্রুতসেনেতি তং বিদুঃ॥ ১-২৪৭-৮১ (১০৭৬৯)
একবর্ষান্তরাস্ৎবেতে দ্রৌপদেয়া যশস্বিনঃ।
অন্বজায়ন্ত রাজেন্দ্র পরস্পরহিতৈষিণঃ॥ ১-২৪৭-৮২ (১০৭৭০)
জাতকর্মাণ্যানুপূর্ব্যাচ্চূডোপনয়নানি চ।
চকার বিধিবদ্ধৌম্যস্তেষাং ভরতসত্তম॥ ১-২৪৭-৮৩ (১০৭৭১)
কৃৎবা চ বেদাধ্যযনং ততঃ সুচরিতব্রতাঃ।
জগৃহুঃ সর্বমিষ্বস্ত্রমর্জুনাদ্দিব্যমানুষম্॥ ১-২৪৭-৮৪ (১০৭৭২)
দিব্যগর্ভোপমৈঃ পুত্রৈর্ব্যূঢোরস্কৈর্মহারথৈঃ।
অন্বিতা রাজশার্দূল পাণ্ডবা মুদমাপ্নুবন্॥ ॥ ১-২৪৭-৮৫ (১০৭৭৩)

ইতি শ্রীমন্মহাভারতে আদিপর্বণি হরণাহরণপর্বণি সপ্তচৎবারিংশদধিকদ্বিশততমোঽধ্যায়ঃ॥ ২৪৭ ॥ ॥ সমাপ্তং চ হরণাহরণপর্ব ॥

Mahabharata – Adi Parva – Chapter Footnotes

১-২৪৭-৪৩ অরোগাণাং স্বলঙ্কৃতাং ইতি খ. পাঠঃ॥ ১-২৪৭-৭৪ ধরা পঞ্চ গণানিব। ইতি ঙ পাঠঃ॥ ১-২৪৭-৭৭ পরপ্রহরণজ্ঞানে শত্রুকৃতপ্রহারবেদনায়াং বিধ্য ইব নির্বিজ্ঞান ইতি প্রতিবিন্ধ্যঃ॥ সপ্তচৎবারিংশদধিকদ্বিশততমোঽধ্যায়ঃ॥ ২৪৭ ॥