আদিপর্ব – অধ্যায় ২৪৬

আদিপর্ব – অধ্যায় ২৪৬

॥ শ্রীঃ ॥

১.২৪৬. অধ্যায়ঃ ২৪৬

Mahabharata – Adi Parva – Chapter Topics

অর্জুনেন সুভদ্রায়াঃ গোপীবেষেণ দ্রৌপদীসমীপপ্রেষণম্॥ ১ ॥ কৃতনতিং সুভদ্রাংপ্রতি পৃথাদ্রৌপদীভ্যাং আশীর্বাদঃ॥ ২ ॥ স্বপুরং প্রবিষ্টেনার্জুনেন ভ্রাতৃশ্যঃ স্বকৃততীর্থয়াত্রাবৃত্তান্তকথনম্॥ ৩ ॥

Mahabharata – Adi Parva – Chapter Text

১-২৪৬-০ (১০৬৫৪)
বৈশম্পায়ন উবাচ। ১-২৪৬-০x (১৩১২)
ক্রোশণাত্রে পুরস্যাসীদ্গোষ্ঠং পার্থস্য শোভনম্।
তত্রাপি যাৎবা বীভৎসুর্নিবিষ্টো যদুকন্যযা॥ ১-২৪৬-১ (১০৬৫৫)
ততঃ সুভদ্রাং সৎকৃত্য পার্থো বচনমব্রবীৎ।
গোপিকানাং তু বেষেণ গচ্ছ ৎবং বৃজিনং পুরম্॥ ১-২৪৬-২ (১০৬৫৬)
কামব্যাহারিণী কৃষ্ণা রোচতাং তে বচো মম।
দৃষ্ট্বা তু পরুষং ব্রূয়াৎসহ তত্র ময়াগতাম্॥ ১-২৪৬-৩ (১০৬৫৭)
অন্যবেষেণ তু গতাং দৃষ্ট্বা সা ৎবাং প্রিয়ং বদেৎ।
যত্তু সা প্রথমং ব্রূয়ান্ন তস্যাস্তি নিবর্তনম্॥ ১-২৪৬-৪ (১০৬৫৮)
তস্মান্মানং চ দর্পং চ ব্যপনীয় স্বয়ং ব্রজ।
তস্য তদ্বচনং শ্রুৎবা সুভদ্রা প্রত্যভাষত॥ ১-২৪৬-৫ (১০৬৫৯)
এবমেতৎকরিষ্যামি যথা ৎবং পার্থ ভাষসে।
সুভদ্রাবচনং শ্রুৎবা সুপ্রীতঃ পাকশাসনিঃ॥ ১-২৪৬-৬ (১০৬৬০)
গোপালান্স সমানীয় ৎবরিতো বাক্যমব্রবীৎ।
তরুম্যঃ সন্তি যাবন্ত্যস্তাঃ সর্বা ব্রজয়োষিতঃ॥ ১-২৪৬-৭ (১০৬৬১)
আগচ্ছন্তু গমিষ্যন্ত্যা ভদ্রয়া সহ সঙ্গতাঃ।
ইন্দ্রপ্রস্থং পুরবরং কৃষ্ণাং দ্রষ্টুং যশস্বিনীম্॥ ১-২৪৬-৮ (১০৬৬২)
এতচ্ছ্রুৎবা তু গোপালৈরানীতা ব্রজয়োষিতঃ।
ততস্তাভিঃ পরিবৃতাং ব্রজস্ত্রীভিঃ সমন্ততঃ॥’ ১-২৪৬-৯ (১০৬৬৩)
সুভদ্রাং ৎবরমাণশ্চ রক্তকৌশেয়বাসিনীম্।
পার্থঃ প্রস্থাপয়ামাস কৃৎবা গোপালিকাবপুঃ॥ ১-২৪৬-১০ (১০৬৬৪)
সাঽধিকং তেন রূপেণ শোভমানা যশস্বিনী।
`গোপালিকামধ্যগতা প্রয়যৌ বৃজিনং পুরম্॥ ১-২৪৬-১১ (১০৬৬৫)
ৎবরিতা খাণ্ডবপ্রস্থমাসসাদ বিবেশ চ।’
ভবনং শ্রেষ্ঠমাসাদ্য বীরপত্নী বরাঙ্গনা॥ ১-২৪৬-১২ (১০৬৬৬)
ববন্দে পৃথুতাম্রাক্ষী পৃথাং ভদ্রা পিতৃষ্বসাম্।
তাং কুন্তী চারুসর্বাঙ্গীমুপাজিঘ্রত মূর্ধনি॥ ১-২৪৬-১৩ (১০৬৬৭)
প্রীত্যা পরময়া যুক্তা আশীর্ভির্যুঞ্জতাঽতুলাম্।
ততোঽভিগম্য ৎবরিতা পূর্ণেন্দুসদৃশাননা॥ ১-২৪৬-১৪ (১০৬৬৮)
ববন্দে দ্রৌপদীং ভদ্রা প্রেষ্যাঽহমিতি চাব্রবীৎ।
প্রত্যুত্থায় তদা কৃষ্ণা স্বসারং মাধবস্য চ॥ ১-২৪৬-১৫ (১০৬৬৯)
পরিষ্বজ্যাবদৎপ্রীত্যা নিঃসপত্নোস্তু তে পতিঃ।
`বীরসূর্ভব ভদ্রে ৎবং ভব ভর্তৃপ্রিয়া তথা॥ ১-২৪৬-১৬ (১০৬৭০)
ওজসা নির্মিতা বহ্বীরুবাচ পরমাশিষঃ।’
তথৈব মুদিতা ভদ্রা তামুবাচ তথাস্ৎবিতি॥ ১-২৪৬-১৭ (১০৬৭১)
`ততঃ সুভদ্রাং বার্ষ্ণেয়ী পরিষ্বজ্য শুভাননাম্।
অঙ্কে নিবেশ্য মুদিতা বসুদেবং প্রশস্য চ॥ ১-২৪৬-১৮ (১০৬৭২)
ততঃ কিলকিলাশব্দঃ ক্ষণেন সমপদ্যত।
হর্ষাদানর্তয়োধানামাসাদ্য বৃজিনং পুরম্॥ ১-২৪৬-১৯ (১০৬৭৩)
দেবপুত্রপ্রকাশাস্তে জাম্বূনদময়ধ্বজাঃ।
পৃষ্ঠতোঽনুয়যুঃ পার্থং পুরুহূতমিবামরাঃ॥ ১-২৪৬-২০ (১০৬৭৪)
গোভিরুষ্ট্রৈঃ সদশ্বৈশ্চ যুক্তানি বহুলা জনাঃ।
দদৃশুর্যানমুখ্যানি দাশার্হপুরবাসিনাম্॥ ১-২৪৬-২১ (১০৬৭৫)
ততঃ পুরবরে যূনাং পুংসাং বাচ উদীরিতাঃ।
অর্জুনে প্রতিয়াতি স্ম অশ্রূয়ন্ত সমন্ততঃ॥ ১-২৪৬-২২ (১০৬৭৬)
প্রবাসাদাগতং পার্থং দৃষ্ট্বা স্বমিব বান্ধবম্।
সোঽভিগম্য নরশ্রেষ্ঠো দাশার্হশতসংবৃতঃ। ১-২৪৬-২৩ (১০৬৭৭)
পৌরৈঃ পুরবরং প্রীত্যা পরয়া চাভিনন্দিতঃ।
প্রাপ্য চান্তঃপুরদ্বারমবরুহ্য নরর্ষভঃ॥ ১-২৪৬-২৪ (১০৬৭৮)
ববন্দে ধৌম্যমাসাদ্য মাতরং চ ধনঞ্জয়ঃ।
স্পৃষ্ট্বা চ চরণৌ রাজ্ঞো ভীমস্য চ ধনঞ্জয়ঃ॥ ১-২৪৬-২৫ (১০৬৭৯)
যমাভ্যাং বন্দিতো হৃষ্টঃ সস্বজে তৌ ননন্দ চ।
ব্রাহ্মণপ্রমুখান্সর্বান্ভ্রাতৃভিঃ সহ সঙ্গতঃ॥ ১-২৪৬-২৬ (১০৬৮০)
যথার্হং মানয়ামাস পৌরজানপদানপি।
তত্রস্থান্যনুয়াতানি তীর্থান্যায়তনানি চ॥ ১-২৪৬-২৭ (১০৬৮১)
নিবেদয়ামাস তদা রাজ্ঞে সর্বং স্বনুষ্ঠিতম্।
ভ্রাতৃভ্যশ্চৈব সর্বেভ্যঃ কথয়ামাস ভারত॥ ১-২৪৬-২৮ (১০৬৮২)
শ্রুৎবা সর্বং মহাপ্রাজ্ঞো ধর্মরাজো যুধিষ্ঠিরঃ।
পুরস্তাদেব তেষাং তু পূজয়ামাস চার্জুনম্॥ ১-২৪৬-২৯ (১০৬৮৩)
পাণ্ডবেন যথার্হং তু পূজার্হেণ সুপূজিতঃ।
ন্যবিশচ্চাভ্যনুজ্ঞাতো রাজ্ঞা তুষ্টো যশস্বিনা॥ ১-২৪৬-৩০ (১০৬৮৪)
তামদীনাং সুপূজার্হাং সুভদ্রাং প্রীতিবর্ধিনীম্।
সাক্ষাচ্ছ্রিয়মমন্যন্ত পার্থাঃ কৃষ্ণসহোদরাম্॥ ১-২৪৬-৩১ (১০৬৮৫)
গুরূণাং শ্বশুরাণাং চ দেবরাণাং তথৈব চ।
সুভদ্রা স্বেন বৃত্তেন বভূব পরমপ্রিয়া॥’ ১-২৪৬-৩২ (১০৬৮৬)
ততস্তে হৃষ্টমনসঃ পাণ্ডবেয়া মহারথাঃ।
কুন্তী চ পরমপ্রীতা কৃষ্ণা চ সততং তথা॥ ॥ ১-২৪৬-৩৩ (১০৬৮৭)

ইতি শ্রীমন্মহাভারতে আদিপর্বণি হরণাহরণপর্বণি ষট্চৎবারিংশদধিকদ্বিশততমোঽধ্যায়ঃ॥ ২৪৬ ॥