আদিপর্ব – অধ্যায় ২৪৫
॥ শ্রীঃ ॥
১.২৪৫. অধ্যায়ঃ ২৪৫
(অথ হরণাহরণপর্ব ॥ ১৭ ॥)
Mahabharata – Adi Parva – Chapter Topics
কৃষ্ণেন বলরামসান্ৎবনম্॥ ১ ॥ অর্জুনংপ্রত্যানেতুং যাদবানাং গমনম্॥ ২ ॥ বিপৃথুবাক্যাদুর্জনং দূরগতং জ্ঞাৎবা তেষাং প্রতিনিবর্তনম্॥ ৩ ॥ সুভদ্রয়া সহ অর্জুনস্য খাণ্ডবপ্রস্থগমনম্॥ ৪ ॥
Mahabharata – Adi Parva – Chapter Text
১-২৪৫-০ (১০৬১৭)
বৈশম্পায়ন উবাচ। ১-২৪৫-০x (১৩১০)
উক্তবন্তো যথাবীর্যমসকৃৎসর্ববৃষ্ণয়ঃ।
ততোঽব্রবীদ্বাসুদেবো বাক্যং ধর্মার্থসংয়ুতম্॥ ১-২৪৫-১ (১০৬১৮)
`ময়োক্তং ন শ্রুতং পূর্বং সহিতৈঃ সর্বয়াদবৈঃ।
অতিক্রান্তমতিক্রান্তং ন নিবর্তেত কর্হিচিৎ।
শৃণুধ্বং সহিতাঃ সর্বে মম বাক্যং সহেতুকম্॥’ ১-২৪৫-২ (১০৬১৯)
নাবমানং কুলস্যাস্য গুডাকেশঃ প্রয়ুক্তবান্।
সংমানোঽভ্যধিকস্তেন প্রয়ুক্তোঽয়ং ন সংশয়ঃ॥ ১-২৪৫-৩ (১০৬২০)
অর্থলুব্ধান্ন বঃ পার্থো মন্যতে সাৎবতান্সদা।
স্বয়ংবরমনাধৃষ্যং মন্যতে চাপি পাণ্ডবঃ॥ ১-২৪৫-৪ (১০৬২১)
প্রদানমপি কন্যায়াঃ পশুবৎকো নু মন্যতে।
বিক্রয়ং চাপ্যপত্যস্য কঃ কুর্যাৎপুরুষো ভুবি॥ ১-২৪৫-৫ (১০৬২২)
এতান্দোষাংস্তু কৌন্তেয়ো দৃষ্টবানিতি মে মতিঃ।
`ক্ষত্রিয়াণাং তু বীর্যেণ প্রশস্তং হরণং বলাৎ।’
অতঃ প্রসহ্য হৃতবান্কন্যাং ধর্মেণ পাণ্ডবঃ॥ ১-২৪৫-৬ (১০৬২৩)
উচিতশ্চৈব সংবন্ধঃ সুভদ্রা চ শয়স্বিনী।
এষ চাপীদৃশঃ পার্থঃ প্রসহ্য হৃতবানতঃ॥ ১-২৪৫-৭ (১০৬২৪)
ভরতস্যান্বয়ে জাতং শান্তনোশ্চ যশস্বিনঃ।
কুন্তিভোজাত্মাজাপুত্রং কা বুভূষেত নার্জুনম্॥ ১-২৪৫-৮ (১০৬২৫)
ন তং পশ্যামি যঃ পার্থং বিজয়েত রণে বলাৎ।
বর্জয়িৎবা বিরূপাক্ষং ভগনেত্রহরং হরম্॥ ১-২৪৫-৯ (১০৬২৬)
অপি সর্বেষু লোকেষু সেন্দ্ররুদ্রেষু মারিষ।
স চ নাম রথস্তাদৃঙ্মদীয়াস্তে চ বাজিনঃ॥ ১-২৪৫-১০ (১০৬২৭)
`মম শস্ত্রং বিশেষেণ তূণৌ চাক্ষয়সায়কৌ।’
যোদ্ধা পার্থশ্চ শীঘ্রাস্ত্রঃ কো নু তেন সমো ভবেৎ।
তমভিদ্রুত্য সান্ৎবেন পরমেণ ধনঞ্জয়ম্॥ ১-২৪৫-১১ (১০৬২৮)
নিবর্তয়ত সংহৃষ্টা মমৈষা পরমা মতিঃ।
যদি নির্জিত্য বঃ পার্থো বলাদ্গচ্ছেৎস্বকং পুরং॥ ১-২৪৫-১২ (১০৬২৯)
প্রণশ্যেদ্বো যশঃ সদ্যো ন তু সান্ৎবে পরাজয়ঃ।
`পিতৃষ্বসায়াঃ পুত্রো মে সংবন্ধং নার্হতি দ্বিষাম্।’
তচ্ছ্রুৎবা বাসুদেবস্য তথা কর্তুং জনাধিপ॥ ১-২৪৫-১৩ (১০৬৩০)
`উদ্যোগং কৃতবন্তস্তে ভেরীং সন্নাদ্য যাদবাঃ।
অর্জুনস্তু তদা শ্রুৎবা ভেরীসন্নাদনং মহৎ॥ ১-২৪৫-১৪ (১০৬৩১)
কৌন্তেয়স্ৎবরমাণস্তু সুভদ্রামভ্যভাষত।
আয়ান্তি বৃষ্ণয়ঃ সর্বে সসুহৃজ্জনবান্ধবাঃ॥ ১-২৪৫-১৫ (১০৬৩২)
ৎবদর্থং যোদ্ধুকামাস্তে মদরক্তান্তলোচনাঃ।
প্রমত্তানশুচীন্মূঢান্সুরামত্তান্নরাধমান্॥ ১-২৪৫-১৬ (১০৬৩৩)
বমনং পানশীলাংস্তান্করিষ্যামি শরোত্তমৈঃ।
উতাহো বা মদোন্মত্তান্নয়িষ্যামি যমক্ষয়ম্॥ ১-২৪৫-১৭ (১০৬৩৪)
এবমুক্ৎবা প্রিয়াং পার্থো ন্যবর্তত মহাবলঃ।
নিবর্তমানং দৃষ্ট্বৈব সুভদ্রা ত্রস্ততাং গতা॥ ১-২৪৫-১৮ (১০৬৩৫)
এবং মা বদ পার্থেতি পাদয়োঃ পতিতা তদা।
সুভদ্রা তু কলির্জাতা বৃষ্ণীনাং নিধায় চ॥ ১-২৪৫-১৯ (১০৬৩৬)
এবং ব্রুবন্তঃ পৌরাস্তে হ্যপবাদরতাঃ প্রভো।
মম শোকং বর্ধয়ন্তি তস্মান্নাশং ন চিন্তয়ে।
পরিবাদভয়ান্মুক্তা ৎবৎপ্রসাদাদ্ভবাম্যহম্॥ ১-২৪৫-২০ (১০৬৩৭)
বৈশম্পায়ন উবাচ। ১-২৪৫-২১x (১৩১১)
এবমুক্তস্ততঃ পার্থঃ প্রিয়যা ভদ্রয়া তদা।
গমনায় মতিং চক্রে পার্থঃ সত্যপরাক্রমঃ॥ ১-২৪৫-২১ (১০৬৩৮)
স্তিতপূর্বং তদাঽঽভাষ্য পরিষ্বজ্য প্রিয়াং তদা।
উত্থাপ্য চ পুনঃ পার্থো যাহি যাহীতি চাব্রবীৎ॥ ১-২৪৫-২২ (১০৬৩৯)
ততঃ সুভদ্রা ৎবরিতা রশ্মীন্সংগৃহ্য পাণিনা।
চোদয়ামাস জবনাঞ্শীগ্রমশ্বান্কৃতৎবরা॥ ১-২৪৫-২৩ (১০৬৪০)
ততস্তু কৃতসন্নাহা বৃষ্ণিবীরাঃ সমাহিতাঃ।
প্রত্যানয়ার্থং পার্থস্য জবনৈস্তুরগোত্তমৈঃ॥ ১-২৪৫-২৪ (১০৬৪১)
রাজমার্গমনুপ্রাপ্তা দৃষ্ট্বা পার্থস্য বিক্রমম্।
প্রাসাদপঙ্ক্তিস্তম্ভেষু বেদিকাসু ধ্বজেষু চ॥ ১-২৪৫-২৫ (১০৬৪২)
অর্জুনস্য শরান্দৃষ্ট্বা বিস্ময়ং পরমং গতাঃ।
কেশবস্য বচস্তথ্যং মন্যমানাস্তু যাদবাঃ॥ ১-২৪৫-২৬ (১০৬৪৩)
অতীত্য তং রৈবতকং শ্রুৎবা তু বিপৃথোর্বচঃ।
অর্জুনেন কৃতং শ্রুৎবা গন্তুকামাস্তু বৃষ্ণয়ঃ॥ ১-২৪৫-২৭ (১০৬৪৪)
শ্রুৎবা দীর্ঘং গতং পার্থং ন্যবর্তন্ত মহারথাঃ।
পুরোদ্যানমতিক্রম্য বিশালং চ গিরিব্রজম্॥ ১-২৪৫-২৮ (১০৬৪৫)
সানুমুজ্জয়িনীং চৈব বনান্যুপবনানি চ।
পুণ্যেষ্বানর্তরাষ্ট্রেষু বাপীপদ্মসরাংসি চ॥ ১-২৪৫-২৯ (১০৬৪৬)
প্রাপ্য ধেনুমতীতীর্থমশ্বরোধসরঃ প্রতি।
প্রেক্ষাবর্তং ততঃ শৈলমম্বুদং চ নগোত্তমম্॥ ১-২৪৫-৩০ (১০৬৪৭)
আরাচ্ছৃঙ্গমথাসাদ্য তীর্ণঃ করবতীং নদীম্।
প্রাপ্য সাল্বেয়রাষ্ট্রাণি নিষধানপ্যতীত্য চ॥ ১-২৪৫-৩১ (১০৬৪৮)
দেবাপৃথুপুরং পশ্যন্ সর্বতঃ সুসমাহিতঃ।
তমতীত্য মহাবাহুর্দেবারণ্যমপশ্যত॥ ১-২৪৫-৩২ (১০৬৪৯)
পূজয়ামাসুরায়ান্তং দেবারণ্যে মহর্ষয়ঃ।
স বনানি নদীঃ শৈলান্ গিরিপ্রস্রবণানি চ॥ ১-২৪৫-৩৩ (১০৬৫০)
অতীত্য চ তদা পার্থঃ সুভদ্রাসারথিস্তদা।
কৌরবং বিষয়ং প্রাপ্য বিশোকঃ সমপদ্যত॥ ১-২৪৫-৩৪ (১০৬৫১)
সোদর্যাণাং মহাবাহুঃ সিংহাশয়মিবাশয়ম্।
দূরাদুপবনোপেতং সমন্তাৎসলিলাবৃতম্॥ ১-২৪৫-৩৫ (১০৬৫২)
ভদ্রয়া মুদিতো জিষ্ণুর্দদর্শ বৃজিনং পুরম্॥ ॥ ১-২৪৫-৩৬ (১০৬৫৩)
ইতি শ্রীমন্মহাভারতে আদিপর্বণি হরণাহরণপর্বণি পঞ্চৎবারিংশদধিকদ্বিশততমোঽধ্যায়ঃ॥ ২৪৫ ॥
Mahabharata – Adi Parva – Chapter Footnotes
১-২৪৫-২০ তস্মাৎপাপং ন চিন্তয়ে॥ পঞ্চৎবারিংশদধিকদ্বিশততমোঽধ্যায়ঃ॥ ২৪৫ ॥