আদিপর্ব – অধ্যায় ২৪৪

আদিপর্ব – অধ্যায় ২৪৪

॥ শ্রীঃ ॥

১.২৪৪. অধ্যায়ঃ ২৪৪

Mahabharata – Adi Parva – Chapter Topics

দ্বারকায়া বহির্নির্গচ্ছতোঽর্জুনস্য বিপৃথুনা যুদ্ধম্॥ ১ ॥ বিপৃথুং জিৎবাঽর্জুনস্য খাণ্ডবপ্রস্থংপ্রতি গমনম্॥ ২ ॥ যুদ্ধোদ্যুক্তানাং যাদবানাং বলরামবাক্যান্নিবৃত্তিঃ॥ ৩ ॥ বলস্য ক্রোধঃ॥ ৪ ॥

Mahabharata – Adi Parva – Chapter Text

১-২৪৪-০ (১০৫৫৭)
বৈশম্পায়ন উবাচ। ১-২৪৪-০x (১৩০৭)
শাসনাৎপুরুষেন্দ্রস্য বলেন মহতা বলী।
গিরৌ রৈবতকে নিত্যং বভূব বিপৃথুশ্রবাঃ॥ ১-২৪৪-১ (১০৫৫৮)
প্রবাসে বাসুদেবস্য তস্মিন্হলধরোপমঃ।
সংবভূব তদা গোপ্তা পুরস্য পুরবর্ধনঃ॥ ১-২৪৪-২ (১০৫৫৯)
প্রাপ্য পাণ্ডবনির্যাণং নির্যযৌ বিপৃথুশ্রবাঃ।
নিশম্য পুরনির্ঘোষং স্বমনীকমচোদয়ৎ॥ ১-২৪৪-৩ (১০৫৬০)
সোঽভিপত্য তদাধ্বানং দদর্শ পুরুষর্ষভম্।
নিঃসৃতং দ্বারকাদ্বারাদংশুমন্তমিবাম্বিরাৎ॥ ১-২৪৪-৪ (১০৫৬১)
সবিদ্যুতমিবাম্ভোদং প্রেক্ষতাং তং ধনুর্ধরম্।
পার্থমানর্তয়োধানাং বিস্ময়ঃ সমপদ্যত॥ ১-২৪৪-৫ (১০৫৬২)
উদীর্ণরথনাগাশ্বমনীকমভিবীক্ষ্য তৎ।
উবাচ পরমপ্রীতা সুভদ্রা ভদ্রভাষিণী॥ ১-২৪৪-৬ (১০৫৬৩)
সংগ্রহীতুমভিপ্রায়ো দীর্ঘকালকৃতো মম।
যুধ্যমানস্য সঙ্গ্রামে রথং তব নরর্ষভ॥ ১-২৪৪-৭ (১০৫৬৪)
ওজস্তেজোদ্যুতিবলৈরন্বিতস্য মহাত্মনঃ।
পার্থ তে সারথিৎবেন ভবিতা শিক্ষিতাস্ম্যহম্॥ ১-২৪৪-৮ (১০৫৬৫)
এবমুক্তঃ প্রিয়াং প্রীতঃ প্রত্যুবাচ নরর্ষভঃ।
চোদয়াশ্বানসংসক্তান্বিশ্তু বিপৃথোর্বলম্॥ ১-২৪৪-৯ (১০৫৬৬)
বহুভির্যুধ্যমানস্য তাবকান্বিজিঘাংসতঃ।
পশ্য বাহুবলং ভদ্রে শরান্বিক্ষিপতো মম॥ ১-২৪৪-১০ (১০৫৬৭)
বৈশম্পায়ন উবাচ। ১-২৪৪-১১x (১৩০৮)
এবমুক্তা তদা ভদ্রা পার্থেন ভরতর্ষভ।
চুচোদ সাশ্বান্সংহৃষ্টা তে ততো বিবিশুর্বলম্॥ ১-২৪৪-১১ (১০৫৬৮)
তদাহতমহাবাদ্যং সমুদগ্রধ্বজায়ুতম্।
অনীকং বিপৃথোর্হৃষ্টং পার্থমেবান্ববর্তত॥ ১-২৪৪-১২ (১০৫৬৯)
রথৈর্বহুবিধাকারৈঃ সদশ্বৈশ্চ মহাজবৈঃ।
কিরন্তঃ শরবর্ষাণি পরিবব্রুর্ধনঞ্জয়ম্॥ ১-২৪৪-১৩ (১০৫৭০)
তেষামস্ত্রাণি সংবার্য দিব্যাস্ত্রেণ মহাস্ত্রবিৎ।
আবৃণোন্মহদাকাশং শরৈঃ পরপুরঞ্জয়ঃ॥ ১-২৪৪-১৪ (১০৫৭১)
তেষাং বাণান্মহাবাহুর্মুকুটান্যঙ্গদানি চ।
চিচ্ছেদ নিশিতৈর্বাণৈঃ শরাংশ্চৈব ধনূংষি চ॥ ১-২৪৪-১৫ (১০৫৭২)
যুগানীষান্বরূথানি যন্ত্রাণি বিবিধানি চ।
অজিঘাংসন্পরান্পার্থশ্চিচ্ছেদ নিশিতৈঃ শরৈঃ॥ ১-২৪৪-১৬ (১০৫৭৩)
বিধনুষ্কান্বিকবচান্বিরথাংশ্চ মহারথান্।
কৃৎবা পার্থঃ প্রিয়াং প্রীতঃ প্রেক্ষ্যতামিত্যদর্শয়ৎ॥ ১-২৪৪-১৭ (১০৫৭৪)
সা দৃষ্ট্বা মহদাশ্চর্যং সুভদ্রা পার্থমব্রবীৎ।
অবাপ্তার্থাঽস্মি ভদ্রং তে যাহি পার্থ যথাসুখম্॥ ১-২৪৪-১৮ (১০৫৭৫)
স সক্তং পাণ্ডুপুত্রেণ সমীক্ষ্য বিপৃথুর্বলম্।
ৎবরমাণোঽভিসংক্রম্য স্থীয়তামিত্যভাষত॥ ১-২৪৪-১৯ (১০৫৭৬)
ততঃ সেনাপতের্বাক্যং নাত্যবর্তন্ত যাদবাঃ।
সাগরে মারুতোদ্ধূতা বেলামিব মহোর্ময়ঃ॥ ১-২৪৪-২০ (১০৫৭৭)
ততো রথবরাত্তূর্ণমবরুহ্য নরর্ষভঃ।
অভিগম্য নরব্যাঘ্রং প্রহৃষ্টঃ পরিষস্বজে॥ ১-২৪৪-২১ (১০৫৭৮)
সোঽব্রবীৎপার্থমাসাদ্য দীর্ঘকালমিদং তব।
নিবাসমভিজানামি শঙ্খচক্রগদাধরাৎ॥ ১-২৪৪-২২ (১০৫৭৯)
ন মেঽস্ত্যবিদিতং কিংচিদ্যদ্যদাচিতং ৎবয়া।
সুভদ্রার্থং প্রলোভেন প্রীতস্তব জনার্দনঃ॥ ১-২৪৪-২৩ (১০৫৮০)
প্রাপ্তস্য যতিলিঙ্গেন বাসিতস্য ধনঞ্জয়।
বন্ধুমানসি রামেণ মহেন্দ্রাবরজেন চ॥ ১-২৪৪-২৪ (১০৫৮১)
মামেব চ সদাকাঙ্ক্ষী মন্ত্রিণং মধুসূদনঃ।
অন্তরেণ সুভদ্রাং চ ৎবাং চ তাত ধনঞ্জয়॥ ১-২৪৪-২৫ (১০৫৮২)
ইমং রথবরং দিব্যং সর্বশস্ত্রসমন্বিতম্।
ইদমেবানুয়াত্রং চ নির্দিশ্য গদপূর্বজঃ॥ ১-২৪৪-২৬ (১০৫৮৩)
অন্তর্দ্বীপং তদা বীর গতো বৃষ্ণিসুখাবহঃ।
দীর্ঘকালাবরুদ্ধং ৎবাং সংপ্রাপ্তং প্রিয়যা সহ॥ ১-২৪৪-২৭ (১০৫৮৪)
পশ্যন্তু ভ্রাতরঃ সর্বে বজ্রপাণিমিবামরাঃ।
আয়াতে তু দশার্হাণামৃষভে শার্ঙ্গধন্বনি॥ ১-২৪৪-২৮ (১০৫৮৫)
ভদ্রামনুগমিষ্যন্তি রত্নানি চ বসূনি চ।
অরিষ্টং যাহি পন্থানং সুখী ভব ধনঞ্জয়॥ ১-২৪৪-২৯ (১০৫৮৬)
নষ্টশোকৈর্বিশোকস্য সুহৃদ্ভিঃ সংগমোঽস্তু তে॥ ১-২৪৪-৩০ (১০৫৮৭)
বৈশম্পায়ন উবাচ। ১-২৪৪-৩১x (১৩০৯)
ততো বিপৃথুমামন্ত্র্য পার্থঃ প্রীতোঽভিবাদ্য চ।
কৃষ্ণস্য মতমাস্থায় কৃষ্ণস্য রথমাস্থিতঃ॥ ১-২৪৪-৩১ (১০৫৮৮)
পূর্বমেব তু পার্থায় কৃষ্ণেন বিনিয়োজিতম্।
সর্বরত্নসুসংপূর্ণং সর্বভোগসমন্বিতম্॥ ১-২৪৪-৩২ (১০৫৮৯)
রথেন কাঞ্চনাঙ্গেন কল্পিতেন যথাবিধি।
শৈব্যসুগ্রীবয়ুক্তেন কিঙ্কিণীজালমালিনা॥ ১-২৪৪-৩৩ (১০৫৯০)
সর্বশস্ত্রোপপন্নেন জীমূতরবনাদিনা।
জ্বলনার্চিঃপ্রকাশেন দ্বিষতাং হর্ষনাশিনা॥ ১-২৪৪-৩৪ (১০৫৯১)
সন্নদ্ধঃ কবচী খড্গী বদ্ধগোধাঙ্গুলিত্রবান্।
যুক্তঃ সেনানুয়াত্রেণ রথণারোপ্য মাধবীম্।
রথেনাকাশগেনৈব পয়যৌ *স্বপুরং প্রতি॥ ১-২৪৪-৩৫ (১০৫৯২)
হ্রিয়মাণাং তু তাং দৃষ্ট্বা সুভদ্রাং সৈনিকা জনাঃ।
বিক্রোশন্তোঽদ্রবন্সর্বে দ্বারকামভিতঃ পুরীম্॥ ১-২৪৪-৩৬ (১০৫৯৩)
তে সমাসাদ্য সহিতাঃ সুধর্মামভিতঃ সভাম্।
সভাপালস্য তৎসর্বমাচখ্যুঃ পার্থবিক্রমম্॥ ১-২৪৪-৩৭ (১০৫৯৪)
তেষাং শ্রুৎবা সভাপালো ভেরীং সান্নাহিকীং ততঃ।
সমাজঘ্নে মহাঘোষাং জাম্বূনদপরিষ্কৃতাম্॥ ১-২৪৪-৩৮ (১০৫৯৫)
ক্ষুব্ধাস্তেনাথ শব্দেন ভোজবৃষ্ণ্যন্ধকাস্তদা।
`অন্তর্দ্বীপাৎসমুৎপেতুঃ সহসা সহিতাস্তদা।’
অন্নপানমপাস্যাথ সমাপেতুঃ সমন্ততঃ॥ ১-২৪৪-৩৯ (১০৫৯৬)
তত্র জাম্বূনদাঙ্গানি স্পর্ধ্যাস্তরণবন্তি চ।
মণিবিদ্রুমচিত্রাণি জ্বলিতাগ্নিপ্রভাণি চ॥ ১-২৪৪-৪০ (১০৫৯৭)
ভেজিরে পুরুষব্যাঘ্রা বৃষ্ণ্যন্ধকমহারথাঃ।
সিংহাসনানি শতশো ধিষ্ণ্যানীব হুতাশনাঃ॥ ১-২৪৪-৪১ (১০৫৯৮)
তেষাং সমুপবিষ্টানাং দেবানামিব সন্নয়ে।
আচখ্যৌ চেষ্টিতং জিষ্ণোঃ সভাপালঃ সহানুগঃ॥ ১-২৪৪-৪২ (১০৫৯৯)
তচ্ছ্রুৎবা বৃষ্ণিবীরাস্তে মদসংরক্তলোচনাঃ।
অমৃষ্যমাণাঃ পার্থস্য সমুৎপেতুরহঙ্কৃতাঃ॥ ১-২৪৪-৪৩ (১০৬০০)
যোজয়ধ্বং রথানাশু প্রাসানাহরতেতি চ।
ধনূংষি চ মহার্হাণি কবচানি বৃহন্তি চ॥ ১-২৪৪-৪৪ (১০৬০১)
সূতানুচ্চুক্রুশুঃ কেচিদ্রথান্যোজয়তেতি চ।
স্বয়ং চ তুরগান্কেচিদয়ুঞ্জন্হেমভূষিতান্॥ ১-২৪৪-৪৫ (১০৬০২)
রথেষ্বানীয়মানেষু কবচেষু ধ্বজেষু চ।
অভিক্রন্দে নৃবীরাণাং তদাসীত্তুমুলং মহৎ॥ ১-২৪৪-৪৬ (১০৬০৩)
বনমালী ততঃ ক্ষীবঃ কৈলাসশিখরোপমঃ।
নীলবাসা মদোৎসিক্ত ইদং বচনমব্রবীৎ॥ ১-২৪৪-৪৭ (১০৬০৪)
কিমিদং কুরুথাপ্রজ্ঞাস্তূষ্ণীংভূতে জনার্দনে।
অস্য ভাবমবিজ্ঞায় সংক্রুদ্ধা মোঘগর্জিতাঃ॥ ১-২৪৪-৪৮ (১০৬০৫)
এষ তাবদভিপ্রায়মাখ্যাতু স্বং মহামতিঃ।
যদস্য রুচিরং কর্তুং তৎকুরুধ্বমতন্দ্রিতাঃ॥ ১-২৪৪-৪৯ (১০৬০৬)
ততস্তে তদ্বচঃ শ্রুৎবা গ্রাহ্যরূপং হলায়ুধাৎ।
তূষ্ণীংভূতাস্ততঃ সর্বে সাধুসাধ্বিতি চাব্রুবন্॥ ১-২৪৪-৫০ (১০৬০৭)
সমং বচো নিশম্যৈব বলদেবস্য ধীমতঃ।
পুনরেবসভামধ্যে সর্বে তে সমুপাবিশন্॥ ১-২৪৪-৫১ (১০৬০৮)
ততোঽব্রবীদ্বাসুদেবং বচো রামঃ পরন্তপঃ।
`ত্রৈলোক্যনাথ হে কৃষ্ণ ভূতভব্যভবিষ্যকৃৎ।’
কিমবাগুপবিষ্টোঽসি প্রেক্ষমাণো জনার্দন॥ ১-২৪৪-৫২ (১০৬০৯)
সৎকৃতস্ৎবৎকৃতে পার্থঃ সর্বৈরস্মাভিরচ্যুত।
ন চ সোঽর্হতি তাং পূজাং দুর্বুদ্ধিঃ কুলপাংসনঃ॥ ১-২৪৪-৫৩ (১০৬১০)
কো হি তত্রৈব ভুক্তাবান্নং ভাজনং ভেত্তুমর্হতি।
মন্যমানঃ কুলে জাতমাত্মানং পুরুষঃ ক্বচিৎ॥ ১-২৪৪-৫৪ (১০৬১১)
ইচ্ছন্নেব হি সংবন্ধং কৃতং পূর্বং চ মানয়ন্।
কো হি নাম ভবেনার্থী সাহসেন সমাচরেৎ॥ ১-২৪৪-৫৫ (১০৬১২)
সোঽবমন্য তথাঽস্মাকমনাদৃত্য চ কেশবম্।
প্রসহ্য হৃতবানদ্য সুভদ্রাং মৃত্যুমাত্মনঃ॥ ১-২৪৪-৫৬ (১০৬১৩)
কথং হি শিরসো মধ্যে কৃতং তেন পদং মম।
মর্ষয়িষ্যামি গোবিন্দ পাদস্পর্শমিবোরগঃ॥ ১-২৪৪-৫৭ (১০৬১৪)
অদ্য নিষ্কৌরবামেকঃ করিষ্যামি বসুন্ধরাম্।
ন হি মে মর্ষণীয়োঽয়মর্জুনস্য ব্যতিক্রমঃ॥ ১-২৪৪-৫৮ (১০৬১৫)
তং তথা গর্জমানং তু মেঘদুন্দুভিনিঃস্বনম্।
অন্বপদ্যন্ত তে সর্বে ভোজবৃষ্ণ্যন্ধকাস্তদা॥ ॥ ১-২৪৪-৫৯ (১০৬১৬)

ইতি শ্রীমন্মহাভারতে আদিপর্বণি সুভদ্রাহরণপর্বণি চতুশ্চৎবারিংশদধিকদ্বিশততমোঽধ্যায়ঃ॥ ২৪৪ ॥ ॥ সমাপ্তং চ সুভদ্রাহরণপর্ব ॥

Mahabharata – Adi Parva – Chapter Footnotes

১-২৪৪-৪২ সন্নয়ে সমুদায়ে চতুশ্চৎবারিংশদধিকদ্বিশততমোঽধ্যায়ঃ॥ ২৪৪ ॥ * ২৩৯ তমাধ্যায়স্য ২৬ শ্লোকাদুপরি প্রকৃতশ্লোকপর্যন্তং বিদ্যমানানাং ২৪৮ শ্লোকানাং স্থানে চ, জ, ঝ, ঞ, ড, পুস্তকেষু অধোলিখিতা অষ্টৌ শ্লোকা এব দৃশ্যন্তে। ১-২৪৪a-১x বৈশম্পায়ন উবাচ। ১-২৪৪a-১a ততঃ সংবাদিতে তস্মিন্ননুজ্ঞাতো ধনঞ্জয়ঃ। ১-২৪৪a-১b গতাং রৈবতকে কন্যাং বিদিৎবা জনমেজয়॥ ১-২৪৪a-২a বাসুদেবাভ্যনুজ্ঞাতঃ কথয়িৎবেতিকৃত্যতাম্। ১-২৪৪a-২b কৃষ্ণস্য মতমাদায় প্রয়যৌ ভরতর্ষভঃ॥ ১-২৪৪a-৩a রথেন কাঞ্চনাঙ্গেন কল্পিতেন যথাবিধি। ১-২৪৪a-৩b শৈব্যসুগ্রীবয়ুক্তেন কিঙ্কিণীজালমালিনা॥ ১-২৪৪a-৪a সর্বশস্ত্রোপপন্নেন জীমূতরবনাদিনা। ১-২৪৪a-৪b জ্বলিতাগ্নিপ্রকাশেন দ্বিষতাং হর্ষঘাতিনা॥ ১-২৪৪a-৫a সন্নদ্ধঃ কবচী খড্গী বদ্ধগোধাঙ্গুলিত্রবান্। ১-২৪৪a-৫b মৃগয়াব্যপদেশেন প্রয়যৌ পুরুষর্ষভঃ॥ ১-২৪৪a-৬a সুভদ্রা ৎবথ শৈলেন্দ্রমভ্যর্চ্যৈব হি রৈবতম্। ১-২৪৪a-৬b দৈবতানি চ সর্বাণি ব্রাহ্মণান্স্বস্তিবাচ্য চ॥ ১-২৪৪a-৭a প্রদক্ষিণং গিরেঃ কৃৎবা প্রয়যৌ দ্বারকাং প্রতি। ১-২৪৪a-৭b তামভিদ্রুত্য কৌন্তেয়ঃ প্রসহ্যারোপয়দ্রথম্। ১-২৪৪a-৭c সুভদ্রাং চারুসর্বাঙ্গীং কামবাণপ্রপীডিতঃ॥ ১-২৪৪a-৮a ততঃ স পুরুষব্যাঘ্রস্তামাদায় শুচিস্মিতাম্। ১-২৪৪a-৮b রথেন কাঞ্চনাঙ্গন প্রয়যৌ স্বপুরং প্রতি॥